Republic of the Philippines

DON HONORIO VENTURA STATE UNIVERSITY

Villa de Bacolor, Pampanga

Pagsusuring Pampelikula
(Dayo: Sa Mundo ng Elementalia)

RONALD FRANCIS SANCHEZ VIRAY

MASTER OF ARTS IN EDUCATION MANAGEMENT

Chona Navarro, PhD

 Pagsusuring Pampelikula

1. Pamagat: Dayo: Sa Mundo ng Elementalia

Sa direksiyon ni: Robert Quilao

Maraming kahulugan ang maaaring mailapat sa salitang dayo. Ang

salitang ito ay maaaring pumapatungkol sa isang bisita, dalaw, estranghero,

dayuhan o ang tinatawag nilang taga-ibang lupa. Tumutukoy ito sa isang tao o

bagay na bago lamang sa isang partikular na lugar at ang dayong tinutukoy ng

may likha sa pamagat ng pelikula na ito ay ang isang batang napadpad sa ibang

dimensiyon o sa mundong punong-puno ng kababalaghan at mga element, ito ay

ang mundo ng elementalia. Isang nakatutuwang paglalakbay ng isang dayo ang

makikita sa pelikulang “Dayo: Sa Mundo ng Elementalia”. Sa hindi inaasahang

pagkakataon ay kinailangang maging dayo ni Bubuy sa mundong nababalutan

ng misteryo para sagipin ang kaniyang lolo at lola na nilamon at dinala sa

ibayong lugar na kakaiba sa muno ng mga to na tinatawag na mundo ng

Elementalia. Ang mundong ito ang naging daan para maranasan ng

pangunahing tauhan ang iba’t ibang karanasan na hindi kailanman nabubuhay

sa mundong kaniyang ginagalawan. Ngunit ano ang kinalaman ng pamagat sa

kwento? Ang buong daloy ng pamagat at patungkol sa batang dumayo sa

mundo ng elemetalia upang masagip ang kaniyang lolo at lola. Nakaakma ang

pamagat sa daloy ng kwento at masasabing napakaganda ng kwento sapagkat

maraming kang mapupulutang aral. Sa pamamagitan ng pagpapakahulugan sa

salitang dayo na pumapatungkol sa pagpunta ng batang si Bubuy sa ibang

mundo na tinatatawag mundo ng Elementalia, maaring sabihin na iyon ang

pagpapakahulugan ng pamagat ng nasabing pelikula.

2. Pangunahing Tauhan

1. Bubuy- Ang batang naging dayo sa mundo ng Elementalia upang sagipin ang

kaniyang lolo Miong at lola Nita sa pagkakabihag ng isang puno ng balete.

Kinatawan niya ang mga batang may mataas na hangarin sa buhay at ang mga

batang mapagmahal sa pamilya na lumaki sa pangangala ng kanilang lolo at

lola.

2. Anna- Isang batang mananananggal na tumulong kay Bubuy upang

makarating sa mundo ng Elementalia. Siya rin ang nagging kaagapay ni buboy

sa paglalakbay sa Elementalia at katulong na sumagip sa kaniyang lolo at lola.

Kinatawan niya ang mga taong handang tumulong sa ibang kapwa na hindi

humihingi ng anumang kapalit at ang mga kaibigan na kaagapay sa kalungkutan

at kasiyahan.

3. Narsi- Isang narcissistic na tikbalang, siya rin ay tumulong kay Bubuy sa

paglalakbay sa Elementalia upang masagip ang kaniyang lolo at lola. Isa rin

siyang kinatawan ng mga taong hindi mang-iiwan at buong pusong tutulong sa

kanilang kapuwa.

4. Lolo Miong at Lola Nita- Sila ang mapagmahal na lolo at lola ni Bubuy na

nilamon at dinala sa ibang mundo na tinatawa na mundo ng Elementalia. Imahe

sila ng mga lolo at lola na kahit matatanda na ay patuloy pa ring nag-aaruga ng

kanilang mga apong iniwan at hindi maalagaan ng kanilang mga magulang.

5. Mang Nano – isang matandang duwende na tumulong kay Bubuy upang

maisakatuparan ang pagsagip sa kaniyang lolo at lola. Imahe rin siya ng mga

matatandang may malasakit sa kaniyang kapuwa.

6. Carpio- isang manananggol na manannggal at ama ni Anna. Pigura siya ng

mga taong hindi nabibigyan ng pansin ang kanilang mga anak dahil sa sobrang

babad sa trabaho ngunit handang gawin ang lahat para sa ikabubuti ng kanilang

anak

3. Pangunahing Tagpuan

Ang pangunahing tagpuan sa pelikula sa naganap sa mundo ng

Elementalia. Naging dayo si Bubuy sa Elementalia upang masagip ang kaniyang

minamahal na lolo at lola. Sa nakagagalak at kapanapanabik na paglalakbay ni

Bubuy kasama ang kaniyang mga kaibigan na sina Anna at Narsi na kapwang

naninirahan sa naturang mundo ay masasaksihan ang kakaibang paglalakbay ng

magkakaibigan. Saksi ang lugar na ito sa kabayanihan, katapangan,

kaligayahan, at pagmamahal ng nasabing bata sa kaniyang lolo at lola na silang

nagsisilbing magulang upang mailigtas ito sa kapahamakan. Sa mundong ito

naganap ang mga mahahalagang panyayari sa nasabing pelikula. Hitik sa mga

kapanapanabik sa eksena ang masasaksihan sa Elementalia. Masusubaybayan

ang kakaibang paglalakbay ni Buboy sa Elementalia upang mailigtas ang

kaniyang lolo at lola, kaagapay niya sa kaniyang naturang paglalakbay ang

kaniyang mga kaibigan na sina Anna at Narsi. Sa mundo ng Elementalia

pinatunayan ni Bubuy na handa ang mga taong maglakbay sa ibayong lugar

upang masagip lamang ang kanilang mga mahal sa buhay.

Isa sa mga simbolo ng mundo ng Elementalia ay ang mga pagsubok na

kinahaharap ng mga tao. Pinakita sa pelikula ang mga paghihirap ni Bubuy sa

mundo ng Elementalia upang masagip ang kaniyang lolo at lola. Si Bubuy ay

dumayo sa mundo ng Elementalia at doon siya ay nakaranas ng iba't ibang

karanasan. Waring mga pagsubok sa buhay, ito ay dadaan o dadayo lamang sa

buhay at kapag ito ay napagtagumpayang masulusyonan ay magiging isang

mabuting aral. Nakita rito ang katagagan ni Buboy upang humarap sa anumang

kapaitan ng buhay na kanyang tinatamasa. Isa pa sa simbolismo ng Elementalia

ay ang lugar na pinapagpantasyahan na hindi sukat akalain na tunay pa lang

nakatayo. Hindi na lingid sa kaisipan na hanggang ngayoin ay isang malakiung

misteryo kung tunay nga bang may mundo para sa mga ibang elemento,

engkanto, at mga aswang. Ang mundo ng Elementalia ay waring mundo nan ais

puntahan ng isang tao upang takasan ang mapait na reyalidad. Mundong puno

ng pantasya at magagandang tanawin na kakikitaan sa mundo ng Elementalia.

4. Tema ng Pelikula

Ang tema ng pelikula ay napapaloob na rin sa pamagat nito, ito ay

pumapatungkol sa pagiging dayo ng isang bata na si Bubuy sa mundong hindi

niya kinagisnan at ito ay ang mundo ng Elementalia. Ito ay pinaghalong aksyon,

komedya, at adventure na klase ng pelikula. Ang kwento ng nasabing pelikula ay

umiikot sa pangarap, katapangan at ang pagmamahal ng pangunahing tauhan

na si Bubuy sa kaniyang mga mahal buhay. Makikita na kahit bago at hindi

pamilyar sa kaniya ang mundong napuntahan ay handa pa rin siyang tumahak

sa landas na iyon upang masagip ang kaniyang lolo at lola. Masasaksihan rin sa

pelikula ang kakaibang pagkakaibigan ng isang tao, mananangal, at tikbalang.

Bunga nito, kakikitaan ang pelikulang ito ng mga paniniwala ng mga tao sa mga

iba’t ibang nilalang na hindi nabubuhay dito sa mundong ibabaw na kilala rin sa

katawagang ibang elemento, engkanto, aswang, at marami pang-iba. Ang

pagbabago ni Buboy ay makikita sa pelikulang ito. Mula sa binubullying bata sa

mundo ng mga tao hanggaang maging isang magiting na bayani sa mundo

Elementali sa pamamagitan ng pagsagip niya sa kaniyang lolo at lola.

5. Mga Aspektong Teknikal

A. Musika

Ang musikang gagamitin sa isang pelukula ang isa sa mga tatak sa isipan

ng mga manonood. Inaasahan na sa pamamagitan ng musikang gagamitin ay

masasalamin ang buhay o pinagdaanan ng pangunahing tauhan. Masasabing

akma ang pagkakalapat ng mga musika napakinggan sa Dayo: Sa Mundo ng

Elementalia. Sa pagsusuring ginawa sa pelikula masasabi ng mga tagasuri, ang

kabuuang musika ay akmang-akma sa partikular na damdamin o temang

ipinakita sa bawat sandali ng pelikula dahil na rin nakatulong ang mga ito upang

ipahayag ang damdamin na gustong iparating ng mga tauhan na pupukaw sa

atensyon ng mga manunuod. Isang magandang halimbawa na lang ang theme

song na ginamit sa pelikula na pinamagatang Lipad na inawit ng nag-iisang si

Lea Salonga. Ang bawat linya ng liriko ng Lipad ay sinsalamin ang pangarap ni

Bubuy na makalipad balang araw. Saktong-sakto ang pagkakalapat ng musikang

ito sa pelikula sa kadahilanang, nang sandalling makalipad si bubuy sa

himpapawid sa tulong ni Anna ay ang pagpapatugtog sa Lipad. Bakas sa mukha

ni Buboy ang kasiyahan sa kaniyang mukha dahil naisakaturapan na niya ang

kanyang ninanaais at ito naman ang pinakaaral ng Lipad, ang pagtupas sa mga

pangarap. Ginagamit ng musika ang mga direktor ng pelikula para alamin natin

kung anu-ano ang mga nararamdaman ng mga tauhan sa kuwento.

B. Sinematograpi

Isang malaking aspekto ng isang pelikula ang sinematograpiya nito. Ang

pelikuang Dayo: Sa Mundo ng Elementalia ay isang animated na pelikula na

kung saan ipinapakita ang kahusayan na tinataglay ng bawat Pilipino sa pagawa

ng isang animated na pelikula. Naging maayos ang pagkakalikha sa bawat

eksenang nagnap sa pelikula. Ang mga litratong iginuhit ay klaro at nagbigay

kulay sa mga eksena. Naramdaman ng mga tagasuri na nakapsapok sila sa

mundo ng Elementalia sa pamamagitan ng mahusay na pagkakaguhit sa

mundong nasabi. Kamangha-mangha ang mga tanawing naiguhit sa pelikula

kaya nanaisin ng mga tagasuri na sila ay makapunta sa Elementalia. Isang

malaking adbentahe ang pagiging animated ng pelikula sapagkat nailarawn ito

ng maayos. Ang bawat mga tanawin na makikita sa pelikula ay hindi sukat

akalain sa taglay nitong ganda. Ang bawat anggulong ipinakita sa pelikula ay

akma sa mga eksenang naganap. Sa kabuuan ay naging matagumpay ang

kanilang pagtutugma ng mga tunog, pagkuha ng anggulo ay naging

makatotohanan at naihatid ng maayos ang mga eksena sa pelikula. Masasabi ng

mga tagasuri na Malaki ang potensyal ng mga Pilipino sa paggawa ng isang

animated na pelikula dahil sa nasaksihan nila sa Dayo: Sa Mundo ng

Elementalia.

C. Pagkasunod sunod ng mga pangyayari

May iba’t ibang estilo ang mga manunulat at direktor sa pagsasalayasay

at pagpapakita ng kwento at eksena sa pelikula. Mahalaga sa isang eksena ang

mahusay at maayos na pagpapakita sa bawat detalye o kabuuang pangyayari sa

pelikula sapagkat ito ang madalas tinitignan ng mga manonood. Ito rin ay

magandang pamantayan upang malaman kung ang pagkakagawa sa pelikula ay

naging mahusay. Sa pelikulang Dayo: Sa Mundo ng Elementalia, ang mga

pangyayari rito ay sunod-sunod na naipakita ng awtor mula sa panimulang

pangyayari na unti-unting nakapukaw ng pansin sa pambihirang karanasan ng

pangunahing tauhan, sa karurukan o kasukdulan na pakikipagsapalaran nito sa

mundo ng Elementalia, sa kakalasan na pagmamahal na ipinakita nito sa

pagsagip sa mga mahal sa buhay at sa wakas na nagbigay aral para sa kaniya.

Bagamat hindi maiiwasan na may mga eksena o detalye hindi maiintindihan o

pagkakaroon ng kalituhan sa daloy ng pelikula tulad nalamang sa parte kung

saan si Bubuy ay nakatulog at nananaginip ngunit ito pala ay totoong nangyayari

o nagaganap sa pelikula. Kakikitaan din ang pelikula ng isang flashback na

istorya, ito ay ang muling naalala ni Bubuy ang kanyang lolo at lola nang

kanyang makita ang kanilang letrato. Isang magandang estilo ang naipakita sa

paggamit ng flashback upang maipikita ng malinaw ang mga kaganapang

naganap na sa buhay ng pangunahing tauhan. Sa kabuuan, ang pagkasunod-

sunod ng pangyayari ay maayos at hindi naging mahirap para sa manonood na

unawain ang bawat detalye sa eksena dahil naipakita ng may likha ang

koneksiyon ng mga pangyayari sa bawat isa.

D. Pagganap ng mga Pangunahing Tauhan

Ang pagpili ng mga tauhan sa pelikula ay isa mga krusyal na desisyon na

gagawin. Nakasalalay sa mga tauhan na kito kung maganda ang kalalabasan ng

pelikula. Sa kaso ng Dayo: Sa Mundo ng Elementalia, akma ang mga nakuhang

voice actor na magbibigay buhay sa bawat tauhan sa pelikula. Mahusay na

nagampanan ng mga voice actor ang paglalapat ng boses sa mga tauhan sa

pelikula at napatunayan nila ang kanilang kahusayan kahit boses lamag ang

kanilang ginagamit upang magampan ng husto ang bawat karakter na kanilang

ginagampanan. Damang-dama ng mga tagasuri ang katauhan ng kanilang

ginagampanan at angkop na angkop ang kanilang boses sa pagganap na siyang

lalong nagpakita sa kanilang kagalingan. Tugma ang pagboboses ni Nash Aguas

sa pangunahing tauhan na si Bubuy sapagkat naipakita sa masiglang boses ni

Nash Aguas ang katangian ni Bubuy. Akma rin ang pagkakaboses ng mga voice

actor sa bawat emosyon na nais ipadama ng bawat tauhan. Naramdaman ng

mga tagasuri ang emosyon ng bawat voice actor at masasabi nila na saktong-

sakto ang boses ng bawat tauhan. Sa kabuuan, nabigyan ng hustisya ng mga

voice actor ang mga tauhan na kanilang binigyang buhay sa pagmamit ng

kanilang natatanging boses.

E. Mga Kulturang Inihayag sa Pelikula

Hitk na hitik sa mga kultura ng Pilipinas ang pelikulang Dayo: Sa Mundo

ng Elementalia. Sa pagsusuring ginawa ng mga tagsuri sa naturang pelikula,

kakikitaan ito ng mga mayayamang kultura ng mga Pilipino. Sa simula pa lamang

ng pelikula ay makikita na ang mga Amerikano ay may magandang naiambag sa

mga Pilipino. Ito ay ang pagkakaroon ng pormal na edukasyon ng mga Pilipino

na maaring binubuo ng palakasan at akademya sa loob ng paaralan. Isama pa

rito ang pagdaan ng mga jeepney sa kalsada. Ito ay malimit na gamitin ng mga

Pilipino bilang isang uri ng sasakyan o transportasyon na panlupa. Makikita rin

sa loob ng pelikula na si Bubuy ang pangunahing tauhan sa kwento, na

gumagamit ng "po at opo" tuwing makikipag-usap siya sa kaniyang mga lolo't

lola. Maging ang pagmamano ni Bubuy sa kaniyang lolo't lola tuwing siya'y uuwi
ay pagpapakita ng kulturang pagiging magalang at marespeto ng mga Pilipino.

Sa puntong ito, masasabi na likas talaga sa mga Pilipino ang pagkakaroon ng

mabuting-asal tulad na lamang ng pagmamano at paggamit ng "po at opo" sa

mga nakakatanda o maging sa kausap. Karagdagan pa, sa pagtatanong ng

"kumusta ka apo?" at ang pagyakap sa kasapi ng pamilya sa palabas ay sagisag

ng pagiging mapagmamahal sa pamilya ng mga Pinoy. Maging din ang sabay-

sabay sa hapagkainan tuwing oras ng hapunan ay tanda na ang mga Pilipino ay

pinapahalagahan ang salitang pamilya. Kakikitaan rin ang pelikula ng pagtulong

sa kapwa o ang tinatawag na bayanihan ng mga Piipino. Ito ay makikita sa

parting humingi ng tulong si Bubuy sa kanyang mga kapit-bahay at walang pag-

aatubili naming pumunta ang mga ito sa kanilang tahanan. Masasalamin sa

pangyayaring iyon ang pagkakaroon ng pusong matulungin ng mga Pilipino.

Sunod na man sa palabas ay mapapanood na may Last Supper at mga

na nakakabit sa kusina at estatwa ni Birhen Maria sa loob ng kwarto ng pamilya

ni Buboy na tanda ng pagiging relihiyoso at deboto ng mga kristiyanong katoliko.

Mayroon ding nabanggit ang batang si Buboy na pagsunod sa 10 Commanments

na alam na man ng lahat na ito'y parte ng pananampalataya na kung saan

makikita ang pagsunod sa mga utos ng Diyos ng bawat mananampalataya.

Isama pa sa kultura ng mga Pilipino ang pagsasabit ng mga malalaking kutsara

at tindidor bilang disensyo sa kanilang mga tahanan. Bilang panghuli,

maiilalarawan din sa pelikulang Dayo: Sa Mundo ng Elementalia ang paniniwala

ng mga Pilipino sa mga pamahiin. Isang magandang halimbawa nito ay ang

pagsabi ng lolo ni Buboy sa palabas na hindi niya maaring sirain ang punso na
namuo sa kanilang bakuran dahil daw baka gantihan siya ng duwendeng

namamahay sa punso. Naniniwala rin sa kababalaghan at mga iba't-ibang uri ng

mga elemento. Tulad na lamang ng mga elementong makikita sa palabas;

Manananggal, Kapre, Tikbalang, Duwende, Nuno, Bruhang Engkanto, at

Tiyanak. Sa puntong ito, masasabi na ang mga nakatatandang mga Pilipino o

ang mga ninuno ng mga Pilipino ay may naipamana sa ibang mga henerasyon

sa pamamagitan ng kanilang pagkukuwento, o marahil ay sariling karanasan nila

na kanilang itinatak sa ating isipan na kung kaya't ang kanilang mga kwentong

bayan na magaphanggang ngayon ay may epekto pa rin sa pamumumuhay ng

bawat indibidwal.

6. Kahalagahang Pantao

A. Paglalapat ng teoryang pampanitikan.

1. Teoryang Arkitaypal- Ang panitikang ito ay tumutukoy kung paano maipakita

ang mga simbolismo sa akda. Makikita sa pelikulang Dayo: Sa Mundo ng

Elementalia kung paano nagamit ang mga Simbolismo sa paglapat ng mga

kahulugan. Gaya ng Last Supper na nakasabit sa harapan ng hapagkainan at

ang pagdarasal at paniniwala sa mga santo, makikita natin na may

pagkarelihiyoso ang mga tauhan. Dahil sa mga simbolismo, madali nating

nabibigyan ng kahulugan kung paano ba binibigyan ng kahulugan ang mga

simbolo na ginamit sa pelikula.

2. Teoryang Bayograpikal -Sa panitikang ito naman naman ay nakatuon kung

paano ipinamalas ang karanasan sa buhay ng may akda. Ipinahihiwatig sa

teoryang ito ang buhay ng may akda na kung saan minsan siyang naging

masaya, malungkot, nakaranas ng paghihirap at pagsubok at iba pa. Sa

pelikulang Dayo Sa Mundo ng elementalia, makikita kung paano nalampasan

ang mga pagsubok na pinagdaan ni Bubuy. Unang makikita sa kwento ang

kasiyahan sa pamumuhay niya dahil sa tulong ng kaniyang lolo at lola.

Pangalawa, naging malungkot si Bubuy nang kinuha ng puno ng balete ang

kanyang lolo at lola dahil sa kagagawan niyang pagsunog sa punong ito.

Pangatlo, nakita rin sa kwento ang pagsubok na kailangan niyang malampasan

para lamang makuha niya ang mga kakailanganing sangkap para mailigtas ang

kanyang lolo at lola. Kung saan dito makikita ang pahihirap na naranasan ni

bubuy. At panghuli, ang masayang wakas. Nailigtas ni Bubuy ang kanyang lolo

at lola at pinangko niyang susunod na ito sakanya. Kung susuriin nating maigi,

akamang-akma ang teoryang bayograpikal. Nakita ang naging karanasan ni

Bubuy sa kaniyang buhay. Naging masaya, malungkot, dumaan sa mga

pagsubok at pahihirap na talaga nga namang makikita natin ang naging

karanasan niya sa kwento.

3. Teoryang Kultural- Dito naman sa kulturang kultural ay makikita ang kultura na

ginamit sa pelikula. Sa pelikulang Dayo: Sa Mundo ng Elementalia, masasalamin

ang kulturang Pilipino. Una ay ang pagiging relihiyoso ng mga Pilipino.

Masasalamin sa pelikulang ito kung paano magdasal si Bubuy sa tuwing gabi at

ang mga santo na kabilang sa kanilang paniniwala. Pangalawa, naniniwala rin sa

mga lamang lupa o mga engkanto ang mga Pilipino, gaya ng tikbalang,

manananggal, at iba. At ang pinakaimportanteng nakita ng mga tagasuri

nasalamin sa kultura ng mga Pilipino ay ang pagmamano at pagkain ng sabay-

sabay, at pagmamahal sa pamilya. Ang mga Pilipino ay nakaugalian ng kumain

ng salo-salo dahil dito nakakabuo sila ng mga kwentuhan na hindi masyadong

nagagawa. Ang pagmamano ay isa rin sa mga nakaugalian ng mga Pilipino na

susimbolo sa pagbibigay ng galang o pagrespeto sa mga nakakatanda. Ang

pinakahuli ay ang pagmamahal sa pamilya. Tinuturing ng mga Pilipino ang

kanilang mga pamilya bilang kanilang natatanging kayamanan sa buhay. Kung

kaya't ang teoryang kultura ay lapat din dito sa pelikula.

B. Simbolismo

1. Ang mga santo- Sinisimbolo nito kung paano naging relihiyoso ang mga

tauhan sa pelikula. Ito ang pinagkukunan nila ng lakas upang ipagpatuloy ang

buhay. Sa kabilang banda, ito rin ang nasasandalan ng tauhan sa tuwing

humihingi diya ng gabay at kapatawaran. Nasasalamin nito ang pagiging malapit

ng mga Pilipino sa Diyos.

2. Ang mga imahe o larawan- Kung mapapansin ay noong ipinakita na ang mga

larawan ay bumalik ang mga naging alaala ni Bubuy sa panahong kasama pa

niya ang kaniyang lolo at lola. Ang mga larawan ang nagsisilbing salamin sa mga

magagandang nangyari sa buhay ng mga tao. Ito ang mga nagsisilbing memorya

sa mga mahahalagang panyayaring naganap sa kanila buhay. Sinisimbolo rin ng

mga larawang ito ang kalakasan at inspirisyon ni Bubuy sa pagliligtas niya sa

kaniyang lolo at lola.

3. Puno ng balete- Sumisimbolo ito sa problema na pilit yumayakap at

dumadapo sa buhay ng mga tao. Ang pagkuha ng puno ng balete sa lolo at lola

ni Bubuy ang pinakamitsa ng suliranin ng pelikula. Makikita kung paano naging

matatag si Bubuy para lamang malagpasan ang problema at makawala na ang

kanyang mahal sa buhay sa bagay na sumakal sa katawan ng kanyang lolo at

lola. Sa buhay marahil laging mayroong bagay na sumasakal sa mga to pero

laging pakatandaan na huwag sumuko at mawalan ng pag-asa. Ang mga ito ay

mga pagsubok lamang na daraan sa buhay nang sa gayon ay masukat ang

katatagang ng isang tao upang harapin ang mga ito at ito ang pinakita ni Bubuy

sa pelikula.

4. Alikupoy – Ito ang bagay na kailangan ni Bubuy upang masagip ang kaniyang

lola at lolo sa pagkakabihag sa kanila. Ang mga sangkap nito ay kailangan

niyang mahanap upang mabuo ito at maipatak sa mga baging na nakatali sa

kaniyang lolo at lola upang mawala ang sumpa. Kung hindi niya ito magagawa

habang buhay na silang makukulong sa Mundo ng Elementalia. Sinisimbolo

lamang nitong may mga solusyon sa mga pagsubok na nararanasan sa buhay.

Ang kailangan lamang gawin ay hanapin ito, saliksikin at patuloy na maglakbay

sa landas na ating tinatahak dahil lahat ng mga bagay sa mundo ay may dahilan

at may kapalit na kaginhawaan.

C. Mga Aral
 Ang pelikulang Dayo: Sa Mundo ng Elementalia ay hindi lamang tuwa ang

hatid sa mga manonood, bagkus mayroong ding mga aral na kikintal sa puso ng

mga manonood. Ang pagkakadakip ng lola at lolo ni Bubuy sa masamang

elemento at pagsagip niya sa mga ito ay patunay lamang na handa ang isang

tao na isugal ang lahat upang mailigtas ang kanyang pamilya. Sinasalamin nito

na walang pagsubok ang hindi kayang lampasan upang mailigtas lang ang mga

taong iyong minamahal. Isa pa sa mga aral makukuha sa panood ng pelikulang

ito ay ang paniniwalang maabot ang pangarap kahit ito ay mukhang imposible.

Maniwalang makakamit ang matamis na pangarap, ngunit hindi lang dapat

matapos sa paniniwala, bagkus kailangan din ng angkop ng gawa. Ang hindi

agad pagsuko sa isang problema at paniniwala sa sarili ay isang susi upang

malutas ito. Ito ay naipakita nang iipunin ni Bubuy ang mga sangkap ng alikupoy.

Makikitaan dito na ang pagtitiwala sa sarili ay isa sa mga bagay na kailangan

panghawakan ng isang tao upang magtagumpay, ito ang makapagbibigay ng

tapang at determinasyon upang malutas ang suliranin na kinahaharap. Dagdag

pa sa mga aral na makukuha sa pelikula ay ang pagmamahal sa inang

kalikasan. Nakadipende ang mga tao sa kalikasan kung kaya't hindi marapat na

abusuhin at siraiin ito. Ang pinaka mitsa ng suliranin sa pelikula ay pagsunog sa

tabi ng puno ng balete at ang tuluyang pagkasunog ng balete. Sa kabila nito,

kakikitaan sa pelikula ang pagtama sa mga maling nagawa. Ang pagkakamaling

pagsunog sa balete ay itinama sa pagpupunla muli ng bagong halaman.

Masasalamin nito ang pagtama sa mga kamalian na nagagawa ng tao. Ang

pagiging responsable sa mga desisyon na ginagawa ay mahalagang aspekto sa

buhay na kailangan matutunan. Pag-isapan ng maiigi kung may kabutihang dulot

ba ang gagawing desisyon. Nasa huli lagi ang pagsisi, kung kaya't ang paggawa

ng tama ng desisyon ay paraan upang maiwasan ang isang malaking delubyo na

maaring kaharapin. Matutong makipagkapwa at huwag lamangan ang kihanaan

ng iba. Isa magandang regalo ng buhay ang mga kaibigan na masasandalan sa

hirap at ginhawa. Mga kaibigan na malalapitan sa pasakit ng buhay. Ito ay ang

repleksyon nina Anna at Narsi. Hindi magiging hadlang ang pagkakaiba upang

makahanap ng kaibigan. Iyan ang pinatunayn ng pelikulang ito. Sa paglalagom,

ang pagiging maingat at pagigiresponsable sa mga desisyon ay hindi

magdudulot ng delubyo gaya ng pagksarisa sa kaliksan. Ang pagmamahal sa

pamilya ay pagsugal sa lahat upang maligtas lamang sila na kinakalingan ng

pagtitiwala sa sarili na malalampasan ito, at sa tulong ng mga kaibigan na

handang ibigay ang lahat ay mapapadali ang lahat. Maniwalang makakamit ang

iyong pangarap kahit ito ay imposible. Maniwalang balang araw ikaw ay

makalilipad rin.

D. Kabuuang Pananaw

Ang pelikulang Dayo: Sa Mundo ng Elementalia at isang uri ng animated. Ang

pelikulang ito ay ginawa at natapos sa loob ng dalawang taon upang makapasok

sa Metro Manila Film Festival (MMFF) noong 2008. Batay sa mga eksperto ay

kulang ang nasabing panahon ng pagkakagawa ng pelikula. Sa kabila nito,

matagumpay ang naging resulta ng pelikula ang humakot pa na mga parangal.

Kung susuriin ang mga detalye ng pelikula, masasabing nabigyan ng hustisya ng

mga voice actor ang mga tauhan. Akmang-akma ang mga emosyon ng boses

batay sa mga pinapakita ekspresyon ng mga tauhan. Ngunit sa kabila nito, may

mga ilang parte na hindi sabay sa buka ng bibig sa boses na nilalapat dito. Iyan

ang isa mga kamalian ng pelikulang napansin ng mga tagasuri. Akma rin ang

titulo ng pelikula at nagbibigay ng kiliti sa mga manonood upang ito ay panoorin.

Makaiisip agad ng hinihuha ang mga manonood kung tungkol saan ba ang

pelikula batay sa pamagat nito. Ang pelikulang ito ay sinasakop ang lahat ng

edad at kasariaan. Nagbibigay ng tuwa sa mga tao at kapupulutan din ng aral.

Akma rin ang mga musikang ginamit sa pelikula. Napapakita ng mga musking

Lipad na kinanta ni Lea Salonga ang pagkamit sa pangarap ni Buboy na

makalipad balang araw. Ang mga background music ay saktong-sakto sa mga

eksena ng pelikula. Maging ang sinematogripaya nito ay kamangha-mangha.

Waring ang mga manonood ay naglakbay sa ibang mundo. Taliwas sa iniisip ng

mga tagasuri na ang nakatatakot ang magiging tema ng pelikulang ito, bagkus

mahikal ang naging tema at hindi ito nakakagimbal. Maayos rin ang daloy ng

kwento ng pelikula. Mayroong mga bahagi na makatotoohan at karamihan sa

mga ito ay hindi. Tuloy-tuloy lamang ang daloy ng pelikula at madali itong

maintindihan. Hindi rin ito nakaaantok sapagkat ito ay pinaghalong aksyon at

komedya. Kakikitaan din ang pelikulang ang mayaman na kultura na ng Pilipinas.

Hitik na hitik ito sa mga kultura mula sa transportasyon, paniniwala sa mga

enkanto, maging sa wikang ginagamit, at marami pang-iba. Sa kabila ng

pagiging isang animated film, maganda ang kinalabasan ng pelikula. Pasok na

pasok sa lasa at istandard ng mga pinoy. Malayo man kung ikukumpara sa mga

animated film ng Disney at Pixar, masasabi na ang pelikulang ito ay kayang

makipagsabayan sa ibang aspekto ng pelikula. Kamangha-mangha ang

pagkakagawa nito dahil iilan lamang ang mga kamaliaan napansin ng mga

tagasuri. Nalampasan nito ang ekspektasyon ng mga tagasuri. Inaasahan ng

mga tagasuri na hindi gaanong kagandahan ng pagkaka-animate ng pelikula

sapagkat hindi naman talaga ito ginagawa sa Pilipinas. Sa kabila nito, maganda

ang kinalabasan ng pelikula. Nabigyan ng hustisya ang pelikula. Naniniwala ang

mga tagasuri na ang Dayo: Sa Mundo ng Elementalia ay isang pelikulang

kamangha-mangha