*I PAKIMALLO NA YAFU: “Ama mi nga egga ta langi:
*Iddam-ma’ ta iddanama, mamannawag ta mappange Iddam-
Maraya-rayaw I ngagam-mu; maparattal paray I pappatulam-mu;
makua I urem toye ta davvun nga kunne ta langi. Iddan nakami ta
kanam-mi ta kagaggaw. Pakoman na kami ta naliwatam-mi,
kunna pamakoma mi ta nakaliwa nikami. Arian nakami ipamasifu
ta pangakkakka, ngem paliaran nakami ta adde na marakay. Ta
kukuam I pappatulan, pakapangngua, tuange ta gloria ta maffuga-
fugab.” Amen.
PANGIYAWA TA SIMBOLO NA BAGGI ANNA DAGA NA
YAFU HIMNO:
“’YARANNIM ‘KARARUA’” (Draw Thou My Soul O Christ)
‘Yarannim ‘kararua’ nikaw, Jesus, Urem paray I sinagapiak-ku
Itayag ma’ nikaw gafu ta aya mu, Sikaw kari I masingan niakan.
Ipakimallo ku ikattole’, ‘Yaranni nakami ngamin nikaw
Pakarennuak-kami, palliaran nakami O Dios, maparulo urem
nikami. Amen.
*I PAKIMALLO TA KABALIN NA PANGALAWA TA
BAGGI ANNA DAGA NA YAFU:
IMNO NA PABBALA-BALO:
“IVULUM-MA KARI, AFU” (O Master, Let Me Walk with
Thee)
1.Ivulum-ma’ kari, Afu, ta matulu nga passerbi Tudduam-ma
tapenu ammu I magattam ta ziga-riga.
2. Tudduam-ma’ ‘pe siggerak-ku, matagga ira nga futu Tapenu
metuggub ira anna sikaw panoliad-da
3. Pagatattam ituddum nio, ta biko mu ‘yaranni na’ Pangurug,
pammakatalo nga mangaffu ta marakay.
PAKIMALLO
4.
ma’ ta imammo ku, ay mattolayya’ nikaw, Afu. --------------------
PADDOG NGA UMAY TA TANGARAVVUNAN
-----------------
+PAMENDISION
+TALLU NGA AMEN
POSTLUDIO MALUMAMO’ NGA PAKIMALLO’
I PATTURUNUG NA PADDAYA-RAYAW TA LIGGU NA
COMMUNION
+This symbol indicates that the congregation is requested to stand
as they are able
PRELUDIO
INTROIT
AGAL TA PADDAYAO
Psalmo 107:1-3; 7
L – Mabbalo-balo kamu ta Yafu ta mapia yaya; I pangaya’ na ay
mannanayun adde noka
T – Pinaliag nakamu ta gulu-gulu; pinaliag nakamu ta kokontra
nu!
NGAMIN– Inammung nakamu anna pinanoli nakamu. Niroluan
na I totolay na ta tunung nga dalan adde ta pakarattal da ta ciudad
nga edda paddiaqnan.
+IMNO NGA IPADDAYAO: “Ipakannammu Tam” (Come, We
that Love the Lord)
Ipakannammu tam pagayaya tam sa; Makkakkansion ittam ta
arubang na trono na. I pagayaya tam et-tam ilammuyag; Sittam
ngamin ay ana na Patul nelangitan. Ta utun na davvun, dayawat-
tam yaya; Pangurug ay iddanama toye ay mavvunga. Kansionat-
tam gafu I pagayaya tam; Lakarat-tam I dalan nga mappange ta
langi.
+PAKIMALLO’: Pastor - Nu mattaradday ittam tape
dayarayawattam I Dios, meparaddam nittam nga sittam I tatolay
na Dios nga ipolu I mawag tam anne ta ikaya na Dios nittam. Ta
pangalawa tam ta pakapangngua na Dios tapenu matalibagu ittam
nga tatolay ni Cristo, umay ittam makipakoma ta Dios anna ta
ikattole tam.
Ngamin – Mannanayun nga Ama’, pakurugammi nga ta kanayun
ari kami nga minammakatulu’ nga Iglesiam. Ariammi kingngua I
ikayamu; sinabba’ mi I dorob anna urem nikami, ariammi Inaya’ I
ikattole mi, ariammi gininna I kulle’ na makawag ta uffun nikami.
Pakoman-nakami. Palussaran nakami nga mabbalin nga
minammakatulu’ megafu kani Jesu-Cristo nga Yafu mi. Amen.
+KAPASIKKAL TA KAPAKOMA:
M – Y uvovug na Dios nittam ay uvovug na pamakoma, uvovug
na kapasikkal, uvovug na inaggallallo’. Iniddu anna inalaba na
ittam, megafu ta sittam ay sittam, anna I Dios ay Dios! Awan
vuluvuga tu makesina nittam ta Minannavvu tam.
+PATTURUBBATAN A BIBBIGAN: 1 Tesalonica 2:9-13
L – Wawwagi ira, siguradu’ tu maraddam nu nu kunnasi I
nipattrabahu mi! Nabbanna-bannag kami ta aggaw anna gabi nga
mallayya-gayya nikamu ta Mapia nga Dumug nga naggafu ta
Dios. T – Sikamu anna I Gios I mattestigu tu marenu, matunung
anna awan tu pakaliwatammi nikamu nga mangurug ta Dios
L- Sinabarangngam-mi katagi- tadday nikamu kagitta na
panabarang na yama ta ana’ na ira.
Nganim – Netotoli mi nga nitaddan nikamu tu I pattolay nu ay
mawag tu makayaya ta Dios nga umaga-agal nikamu, tapenu
mesipo kamu ta Pammaguray anna Gloria na.
+I TABBAG: “Gloria Patri”
Gloria nakuan da Ama, Ana, anni Espiritu Santo Nu kunnasi ta
gafu na, sangaw anna ngangangay A’ntu adde, Amen, Amen!
DUMURUMUG ANNA PANGALAWA TA BISITA
I PANGILAMMUYAG ANNA TABBAG
+I KEBIBBIG NA MASANTO NGA TURA
+I TABBAG:
Makemmemmi, makapabbaw, Uvovug nga katolayan
Makapabbaw ta kasta na, inango ‘yawa na. Amen.
I MENSAHE NA KANSION
I MENSAHE NA INANGO
I PANGIYAWA TA SAVVUNG
+DOXOLOGIA
+PAKIMALLO’ PAPPABALO-BALO ANNA PAMUGAB NA
YAFU
+PABBALO-BALO ANNA PANGICONSEGRAR TA
ELEMENTO:
M – I Yafu egga nikamu.
T – Kunne na gapa nikaw.
M – Mabbalo-balo ittam tad Dios.
T – Mekunnay I ettam pabbalo-balo ta Dios.
M – Mapia anna mekunnay I mappabalo nikaw Afu namaro’ ta
davvun anna langi. Dios ni Abraham anni Sarah, Dios da Miriam
anni Moises, Dios da Josue anni Deborah, Dios da David anni
Ruth, Dios na papari anna profeta ira, Dios da Maria anni Jose,
Dios na Apostoles ira, Dios na giriyenan anna giriyamam-mi Dios
na ana-ana’ tam tuange ta tumunu-tunug nga ginaka ira! Gafuna,
ta totolem toye ta davvun tuange ta ngamin nga kakavulu ta langi.
Dayarayawam-mi ngagam-mu. Makipatta-tadday kami nga
mangikansion:
T – Santo, Santo, Santo, Dios nga makapangngua anna
makawayya, I tangaravvunan ay mangidayarayaw nikaw.
Hosanna ta katannangan. Mapalag I umay ta ngagan na Yafu.
Hosanna ta Katannangan.
M – Megafu ta neka-bawtiso, nepazziga-riga, nepappatay, anna
Nepaginnolay ni Jesus, navullung anna neyana I iglesia.
Napakoman ittam ta katagarulian, nakipakkasinabba megafu ta
danum Espiritu. Ta gabi nige’ na nga nagatattam, nanga’ ta PAN,
nabbalo-balo anna ginadda-gaddua na ta pakkagina: Apannu,
kanan nu, yaw I baggi’ neyawa para ikamu”. Kabalin na
pamugab, nanga’ ta KOPA, nabbalo-balo anna neyawa na ta
disipulo ta pakkagina: Uminum kamu taw, sikam ngamin, yaw I
daga na bagu nakka-sinabban, nevuv-vu ta kapakoma na
katagarulian na mundo. Kuwan nu yaw ta kanayun nga
panaddamman-nu Niakan. Yatun I gafuna ta et-tam panaddam ta
makapabbaw nga kiningngua ni Yafu Jesus, isavvung tam I baggi
tam, masanto anna mepangngo’ nga sacrificio:
NGAMIN – Si Cristo natay, si Cristo naginnolay, si Cristo umay
mangana noka.
M- Iyaluvum Espiritu Santom nikami nga nattaradday tuange
karanoye savvung na pan anna inuman. Pabbalinamm-mu nikami
yaw kunna simbolo na baggi anna daga ni Cristo, tapenu
mabbalikkami toye tamundo kunna baggi ni Cristo, natavvu’ ta
daga na. Talibaguam mu paki pattatadday-mi tan ngamin ng
sasantom olu bi karanuri ingaganan-mi ta gifutuam-mi
( malumamo ng pakimallo). Gafu ta nalevutan ittam ta napakaru
nga totolay nga nangipasingan ta pangurug da, pasikannat-tam I
nono tam nga mangibalin ta pareha nga arubangat- tam
imammatat-tam si Jesus ta yaya I nangigafu anna mangompleto ta
angngurug tam. Gafu ta Espiritum , pakipattataddayan nakami
kani Cristo tuange ikattolay, tattadday nga patrabahu ta
tangaravvunan. Megafu kani Jesu-Crtisto , y Espiritu-Santo egga
ta Iglesiam, kukuam ngamin kekakua anna dayaw Makapangua a
Dios sangao add eta ngangangay. Amen.