ALAMINOS CITY NATIONAL HIGH SCHOOL – SENIOR HIGH SCHOOL DEPARTMENT

GAWAIN SA PAGKATUTO SA FILIPINO 11

PAGBASA AT PAGSUSURI NG IBAT-IBANG TEKSTO TUNGO SA PANANALIKSIK
KUWARTER 3, LINGGO 5-6, Marso 14-25, 2022

I. Paksa: Ibat ibang uri ng teksto

II. Kasanayang Pampagkatuto:

Naipaliliwanag ang mga kaisipang nakapaloob sa tekstong binasa F11PS – IIIf – 92
Nagagamit ang mabisang paraan ng pagpapahayag: a. Kalinawan b. Kaugnayan
c. bisa sa reaksyong papel na isinulat -F11PU – IIIfg – 90

III. Tuklasin:

Kahulugan ng Tekstong Argumentatibo

Argumento ay ang paraan ng paggigiit ng katotohanan at paghihikayat na mapaniwala

ang iyong tagapakinig o mambabasa na kumilos batay sa inyong panig. Isang uri ng teksto
na ang pangunahing layunin ay makapaglahad ng katuwiran. Ang manunulat ay kailangang
maipagtanggol ang kaniyang posisyon sa paksa o isyung pinag-uusapan. Kinakailangang
may matibay na ebidensya ang manunulat upang mapatunayan ang katotohanan ng kaniyang
ipinaglalaban. Ang ilan sa mga ebidensya na pwede niyang gamitin ay sariling karanasan,
kasaysayan, kaugnay na mga literatura, at resulta ng empirikal na pananaliksik. Ang
empirikal na pananaliksik ay tumutukoy sa pangongolekta ng datos sa pamamagitan ng
pakikipanayam, sarbey at eksperimentasyon. Kailangang may malinaw na tesis at
ginagabayan ng lohikal na pangangatuwiran ang ganitong uri ng teksto, kahit pa ang
pangunahing layunin nito ay ipahayag ang opinyon ng manunulat sa isang tiyak na isyu.

Elemento ng Pangangatuwiran

1. Proposisyon- ayon kay Melania L. Abad (2004) sa “Linangan: Wika at Panitikan”, ito ay
ang pahayag na inilalad upang pagtalunan o pag-usapan. Isang bagay na pinagkakasunduan
bago ilahad ang katuwiran ng dalawang panig. Magiging mahirap ang pangangatuwiran kung
hindi muna ito itatakda sapagkat hindi magkakaisa sa mga batayan ng isyu ang dalawang
panig.
2. Argumento- ayon pa rin kay Melania L. Abad (2004) sa “Linangan:Wika at Panitikan”,
ito ay ang paglalatag ng mga dahilan at ebidensiya upang maging makatuwiran ang isang
panig. Kinakailangan ang malalim na pananaliksik at talas ng pagsusuri sa proposisyon
upang makapagbigay ng mahusay na argumento.

1
Katangian at Nilalaman ng Mahusay na Tekstong Argumentatibo

1. Mahalaga at napapanahon ang paksa- ang pagpili ng paksa sa tekstong argumentatibo

ay napakahalaga dahil dito iikot ang buong diskusyon. Kapag pumipili ng paksa, dapat
isaalang-alang kung ito ba ay napapanahon sa mga isyu o kaganapan sa lipunan.

2. Maikli ngunit malaman at malinaw na pagtukoy sa tesis sa unang talatang teksto- sa

unang talata, dapat ipaliwanag nang mabuti ng manunulat ang buong konteksto ng paksa sa
pamamagitan ng pagtatalakay nito sa pangkalahatan. Makikita rin sa bahaging ito ang
kahalagahan ng paksa at kung bakit kailangang makialam ang mambabasa sa nasabing isyu.

3. Malinaw at lohikal na transisyon sa pagitan ng mga bahagi ng tekstotransisyon

ang magpapatibay ng pundasyon ng isang teksto. Ito rin ang nagbibigay ng koneksyon sa
pagitan ng mga kaisipan sa bawat talata. Kung walang lohikal na pagkakaayos ng kaisipan,
maaring hindi makasunod ang mambabasa sa argumento at hindi maging epektibo ang
kabuoan ng teksto. Ang transisyon ay nakatutulong din upang ibuod ang ediya ng naunang
bahagi ng teksto at magbigay ng introduksyon sa susunod na bahagi.

4. Maayos ang pagkakasunod-sunod ng mga talatang naglalaman ng mga ebidensya ng

argumento- ang nilalaman ng bawat talata ay dapat umiikot sa iisang pangkalahatang ideya
lamang. Ito ang magbibigay ng linaw at direksyon sa buong teksto. Upang magkaroon ng
kaayusan, kinakailangan ding isaalang-alang ang lohikal na koneksyon sa bawat talata.
Dagdag pa,ang pagkakaroon ng maikli ngunit malaman na talata ay makakatulong
upang mas maintindihan ng mambabasa ang teksto.

5. Matibay na ebidensya para sa argumento- ang tekstong argumentatibo ay

kinakailangang maging detalyado, tumpak at napapanahon ang impormasyon. Sa
pagkakaroon ng matibay na ebidensya, masisigurado ng manunulat ang katotohanan ng
kaniyang sinulat na argumento.

2
Gawain 1: Mahalaga, Reaksyon Mo!

Panuto: Basahin ang seleksiyon tungkol sa political dynasty sa Pilipinas.

Matapos basahin ay pumili ng posisyon kung sa tingin mo ay nakasasama o
nakabubuti ang political dynasty sa bansa. Bumuo ng isang posisyong papel na
may pagsasaalang-alang sa pamantayang gagamitin sa pagmamarka sa gawain.

Ang Dinastiyang Politikal sa Pilipinas

Sa pag-aaral natin sa sekondarya, naituro ang kasaysayan tungkol

sa iba’t ibang bansa na nagkaroon ng pamamahalang DINASTIYA. Ang
Dinastiyang Politikal ay isang pamilya ng mga Politiko na namamahala
sa isang lugar at naipapasa sa kanilang kapamilya ang katungkulang
ginagampanan sa pamahalaan.
Ayon kay Josefa L. Quirante Radford ang mga bansang Tsina, Hapon,
Inglatera at Espanya ay ang ilan sa mga bansang nagsimula ng ideya ng
political dynasty.

Ayon sa mga napanood na dokumentaryo tulad ng “Ina, Asawa,

Anak ngProbe Team at ang “The Correspondent’s Takes on Local
Political Dynasties,” ang ganitong uri ng pamamahala ay laganap na.
Unti – unting sinasakop ng mga dominanteng pamilya ang bawat lugar
upang pagharian. Nagsimula ang kontrobersiyal tungkol sa madilim na
gawi ng Dinastiyang Politikal nang naitayo ng mga Ampatuan sa
Maguindanao ang ariling Dinastiya. Ang kanilang dinastiyang
pampolitika ay naibunyag sa media noong nangyari ang Ampatuan
Massacre.

3
Tuwing darating na ang eleksiyon ay nagsisilitawan ang mga politiko at
kanilang mga angkan upang magpabango ng pangalan sa mga tao. Sa mga
panahong ito nagiging kapansinpansin ang mga political dynasties sa dahilang
lahat sila ay nangangampanya upang magustuhan at iboto ng mga tao.
Ang mga sumusunod ay iilan lamang sa masasamang epekto ng Dinastiyang
Politikal sa mga bansa katulad ng Pilipinas.

Mas maraming Dinastiyang Politikal sa mga lugar at rehiyong may mataas

na poverty rate. Mas mayaman ang mga kongresistang mula sa political dynasty,
ayon sa kanilang SALN (Statement of Assets and Liabilities Net Worth) 61 ng
kabuoang 98 kongresista noong 1946 ang mula sa pamilyang nakaupo sa
politikal na posisyon mula 1907 hanggang 1941.

Lumawak ang lupang pagmamay-ari at ang negosyo (tabako, pagmimina,

midya, real estate, banko, at iba pa) ng mga political dynasty. May mga bayan o
lalawigan din naman na pinamumunuan ng angkang mayroon pang natitirang
katinuan at may katiwasayan sa kanyang lalawigan kahit alam natin na may
dinastiya ay may nakikita namang bahagyang progreso at ang disiplina’y
mahigpit na ipinapatupad pero mabibilang mo lang ito sa ating mga daliri!
Mayroong mga tsumatsamba at nahahalal na may matuwid na plataporma ngunit
isa o dalawang termino lang ang itinatagal at balik na ulit sa pwesto ang mga
higante sa mundo ng dinastiyang pulitikal. Ano ba talaga ang mayroon sila at
hindi sila mabuwag-buwag? Gusto natin ng pagbabago pero ibinoboto naman
sila.

Silang mga Milyonaryo ang estado sa buhay pero ang kanilang nasasakupan ay
kabilang sa isa sa pinakamahihirap na lalawigan sa Pilipinas. Sayang at hindi
nabibigyan ng pagkakataon ang iba na makapaglingkod nang matino. Sayang at
hindi nila maisasakatuparan ang maganda nilang adhikain. Sayang at tumatanda
ring kasama nila ang kanilang mga komprehensibong plataporma at ideolohiya.
Sayang at tila nauupos na kandila ang pag-asa ng tunay na mahihirap na
namumuhay ng animo’y alipin sa sariling bayan. Ayaw man nila ito o ginusto.
Sayang at hindi nabigyan ng pagkakataon ang iba na makinabang sa pondo ng
bayan.
Source: https://dinastiyangpolitikal.wordpress.com/2

017/10/04/ang-dinastiyangpolitikalsa-pilipinas/

4
 Rubrik sa Pagtataya ng Awtput

Krayter Napakahusay Mahusay Katamtaman Papaunlad Nangangailan

ya (10 (6 (4) gan ng gabay
(2)
Panimul Nakapaglahad Nakapaglahad Nakapaglahad Nakapaglah Nangangailang
a Ng ng mahusay Ng ad ng ang
napakahusay, na panimula katamtamang Papaunlad paunlarin ang
interaktibo at paraan ng na kasanayan sa
kawili-wiling pagsulat ng Kasanayan pagsulat
panimula panimula sa pagsulat
Ng
panimula
Nilalama Naisulat ang Naisulat ang Naisulat ang Naisulat Hindi naisulat
n katawan ayon katawan ayon katawan ayon ang ang katawan
sa mga sa dalawang sa isang idea katawan ayon sa
suportang idea na na tumutugon ayon sa paksang
idea na tumutugon sa sa bahagi ng Magkakaib dapat
tumutugon sa kabuoan ng posisyon a ang idea talakayin
kabuoan ng posisyon batay sa natumutugo
posisyon batay sa isyung n
batay sa isyung tinatalakay Sa kabuoan
isyung tinatalakay Ng
tinatalakay posisyon
batay sa
isyung
tinatalakay
Nakagamit ng Nakagamit ng Katamtamang Papaunlad Nangangailan
katangitanging transisyong nakagamit ng ang gan ng gabay
transisyong talata ayon sa transisyong pagkakaga sa pagsulat at
talata ayon sa tunguhin ng talata ayon sa mit ng paggamit ng
tunguhin ng buong sulatin tunguhin ng transisyon transisyong
buong sulatin buong sulatin g talata talata
Kongklu Naibuod nang Naibuod ang Katamtamang Papaunlad Hindi naibuod
s buong husay sulatin ayon naibuod ang ang nang tama
yon ang sulatin sa tiyak na sulatin ayon pagkakabu ang sulatin
ayon sa kaisipan/mens sa od ng
pangkabuoang ahe kaisipan/mens buong
kaisipan/mens ahe sulatin
ahe

5
Gramati Mahusay na Nailapat ang Katamtamang Papaunlad Hindi nailapat
ka nailapat ang wastong nailapat ang ang ang wastong
wastong gramatika sa wastong pagkakalap gramatika sa
gramatika sa kabuoan ng gramatika sa at ng sulatin
kabuoan ng sulatin nang sulatin wastong
sulatin may gramatika
kakaunting sa sulatin
kamalian

Gawain 2: Karanasang Di-malimot!

Panuto: Maglahad ng mga pagkakataon o sitwasyon na nangangailangan ng iyong
pangangatuwiran. Tiyaking malinaw ang proposisyon at ang iyong mga argumento. Isulat sa
inyong sagutang papel ang iyong karanasan sa bawat sitwasyon.

____________________________________________________________________
____________________________________________________________________
Pamilya ____________________________________________________________________
____________________________________________________________________
____________________________________________________________________

____________________________________________________________________
____________________________________________________________________
Paaralan_ ____________________________________________________________________
____________________________________________________________________

____________________________________________________________________
____________________________________________________________________
Komunidad ____________________________________________________________________
____________________________________________________________________

____________________________________________________________________
____________________________________________________________________
Kaibigan ____________________________________________________________________
____________________________________________________________________

Gawain 3: Handa kana ba?

Panuto: Ngayong pandemya ay siguradong malaki ang pagbabagong iyong pagnaranasan.
Isa na riyan ang paghahandang iyong ginawa sa iyong pag-aaral. Nais kong magbalik-tanaw
ka sa iyong ginawang paghahanda at ilahad ang pagkakasunod-sunod ng mga ito bago mag-
umpisa ang klase.

6
Gawain 4: Pagbabalik-tanaw sa Nakaraan
Panuto: Magmuni-muni, saglit na magbalik-tanaw sa iyong nakaraan. Lingunin ang bawat
yugto ng iyong buhay mula pagkabata hanggang sa ikaw ay makatuntong ng hayskul. Gamit
ang mga hugis sa ibaba, sumulat ng maikling tekstong naglalarawan sa mga pangyayaring
hindi mo makakalimutan at pagkatapos nito ay sagutin ang mga katanungan sa
susunod na pahina. Isulat mo ang iyong sagot sa sagutang papel.

7
Katanungan:

1. Sang-ayon ka ba na ang bawat karanasan ay may positibo at negatibong epekto sa iyong

buhay? Patunayan

2. Bakit mahalagang balikan ang mga karanasan sa buhay? Ano ang pakiramdam sa bawat
gunita ng mga karanasan.

Sanggunian
• Crizel Sicat-De Laza. 2017.Pagbasa at Pagsusuri ng Iba’t ibang Teksto tungo sa
Pananaliksik. Sta. Mesa Heights,Quezon City.Rex Printing Company,INC
• Lolita T. Bandril, Voltaire M. Villanueva, Alma Tang-Bautista, Diana F. Palmes. 2016.
Pagbasa at Pagsusuri ng Iba’t ibang Teksto tungo sa Pananaliksik. Vibal Group Inc. 1253
Gregorio Araneta Avenue, Quezon City, Philippines

Inihanda nina: Iniwasto ni: Pinagtibay ni:

TERESA P. SANTOS LOVELIE V. VERCELES PhD JOSE RAMIL A. SIBUN

Guro Master Teacher I OIC-Asst. Principal II, Academics