Republika ng Pilipinas

Kagawaran ng Edukasyon
Rehiyon XI
Sangay ng Davao del Sur

Pamantayang Pangnilalaman
Naipapamalas ng mag-aaral ang pag-unawa sa mga akdang pampanitikan ng Luzon.

Pamantayan sa Pagganap
Naisasagawa ng mag-aaral ang komprehensibong pagbabalita (news casting) tungkol sa
kanilang lugar.

Kasanayang Pampagkatuto
a. Naihahambing ang mga katangian ng tula/awiting panudyo, tugmang de gulong at
palaisipan. ( F7PB-IIa-c-14)
b. Naisusulat ang sariling tula/awiting panudyo, tugmang de gulong at palaisipan batay sa
itinakdang mga pamantayan.

I. LAYUNIN

Pagkatapos ng 60 minutong talakayan, inaasahang matamo ng mga mag-aaral ang

sumusunod:
1. Nakikilala ang bugtong at palaisipan;
2. Napapahalagahan ang ambag ng bugtong at palaisipan bilang isang Pilipino;
3. Nakagagawa ng sariling bugtong at palaisipan batay sa itinakdang pamantayan.

II. PAKSANG-ARALIN

Paksa: Bugtong at palaisipan

Sanggunian: Pinagyamang Pluma 7 Phoenix Publishing House
Kagamitan: Laptop, Powerpoint

III. PAMAMARAAN
A. Panimulang Gawain
1. Panalangin
2. Pagbati
3. Pagtala sa mga lumiban
4. Pagbabalik-aral
Guro: Kahapon ay napag-aralan natin ang tungkol sa katangian at
elemento ng mito, alamat, at kuwentong-bayan.
Tanong: Magbigay ng elemento ng mito, alamat, at kuwentong-bayan?
 (Banghay- ang pagkasunod-sunod ng mga pangyayari sa akda.)
 (Tagpuan- kung saan nangyari ang kaboun ng alamat.)
 (Tauhan- ang mga nagsisiganap.)

5. Pagganyak
 Guro: Magpapakita ang guro ng ilang halimbawa ng pahulaan.

1. Kung kailan pinatay, saka humaba ang buhay.

Sagot:kandila
2. Ako ay may kaibigan, kasama ko kahit saan.
Sagot:anino
3. Naabot na ng kamay, ipinagawa pa sa tulay.
Sagot:kubyertos
4. Isang butil ng palay, sakot ang buong buhay.
Sagot:ilaw
Guro: Ang galing ang lahat ng aking pinahulaan ay inyong nahulaan, palakpakan ang
inyong mga sarili.

B. Panlinang na Gawain

1. Aktibiti

Guro: Magpapakita ang guro ng ilang halimbawa ng palaisipan at susubukan itong

sagutin ng mga mag-aaral.

Ano ang nakikita mo sa gitna ng DAGAT?

Sagot:G

Anong isda ang lumalaki pa?

Sagot: Yung bata pa.

Ano ang tinapay na hindi kinakain ang gitna?

Sagot: Donut na may butas sa gitna.

a. Paglalahad
Mga tanong: Ano ang inyong napansin sa mga halimbawa? (ito ay maiiksi lamang)
: Sa inyong palagay ano ang tawag sa inyong mga hinulaan? (bugtong)

Guro: Magaling at natumbok ninyo ang paksang tatalakayin natin ngayon. Ang
paksang tatalakayin natin ngayon ay ang bugtong at palaisipan.

2. Pagtatalakay Pagsusuri ( Analysis)

1. Bugtong
-ito ay isang pahulaan sa pamamagitan ng paglalarawan. Binibigkas ito ng patula
at kalimitang maiksi lamang. Noon, karaniwan itong nilalaro sa lamay upang
magbigay-aliw sa mga namatayan ngunit ng lumaon ay kinagigiliwan na ring
laruin kapag may mga handaan o pista.
Halimbawa:
a. Gumagamapang pa ang ina.
Umuupo na ang anak. Sagot:kalabasa
b. Maliit pa si Totoy.
Marunong ng lumangoy. Sagot:isda
c. Nagtago si Pilo.
 Nakalitaw ang ulo. Sagot:pako

2. Palaisipan
-ay nasa anyong tukuyan. Layunin nito na pukawin at pasiglahin ang kaisipan ng
mga taong nagkatipon-tipon sa isang lugar. Ito ay paboritong pampalipas oras ng
ating mga mga ninuno. Ito ay nangangahulugan lamang na ang mga sinaunang
Pilipino ay sana’y na mag-isip at kanilang ipinamana ito sa kanilang mga inapo.
Ang ganitong uri ng panitikan ay laganap pa rin hanggang sa kasalukuyang
panahon.
Halimbawa:
Sa isang kulungan ay may limang baboy si Mang Juan. Lumundag ang isa. Ilan
ang natira?
Sagot:Lima pa rin lumundag lang naman ang baboy at hindi umalis.

E. Abstraksyon
Ano ang pagkakaiba ng bugtong sa palaisipan?

G. Paglalapat
Tanong: Bilang isang mamamayang Pilipino paano mo pahahalagahan ang
bugtong at palaisipan at magbigay ng isang ambag nito sa kulturang Pilipino?
Panuto: Kumuha ng isang kalahating papel at sumulat ng isang talata na
naglalaman ng pagpapahalaga sa bugtong at palaisipan, pagkatapos ay kuan ito
ng larawan.

IV. Pagtataya (5 min.)

Panuto: Kumuha ng kalahating papel. Base sa inyong sariling pagkakaintindi, gumawa ng
dalawang halimbawa ng bugtong at isang halimbawa ng palaisipan.

Pamantayan sa Pagsulat:
Kalinisan – 5
Wastong pagbaybay – 5
Total: 10 pts

V. Takdang-aralin
Panuto: Maghanap ng isang Alamat. Isulat ang pamagat at itala ang mga tauhan nito sa
isang boung papel. Ipasa bukas.