საქართველოს მთავრობის სამართლებრივი აქტები

მთავრობა საქართველოს კონსტიტუციისა და სხვა საკანონმდებლო აქტების საფუძველზე და

მათ შესასრულებლად იღებს დადგენილებებსა და განკარგულებებს. საქართველოს
მთავრობის დადგენილება მიიღება საქართველოს კონსტიტუციისა და კანონების
საფუძველზე და მათ შესასრულებლად. საქართველოს მთავრობის დადგენილებაში უნდა
მიეთითოს, რომელი ნორმატიული აქტის საფუძველზე და რომლის შესასრულებლად იქნა
მიღებული იგი. მთავრობის სამართლებრივ აქტებს ხელს აწერს პრემიერ-მინისტრი,ხოლო
მათი შესრულება სავალდებულოა საქართველოს მთელ ტერიტორიაზე.

მაგ: საქართველოს მთავრობამ, 2020 წლის 27 ოქტომბერს მიიღო დადგენილება

„იზოლაციისა და კარანტინის წესების დამტკიცების შესახებ“ საქართველოს მთავრობის 2020
წლის 23 მაისის დადგენილებაში ცვლილებების შეტანის შესახებ.

პრემიერ-მინისტრი- თავისი უფლებამოსილების ფარგლებში გამოსცემს ინდივიდუალურ

სამართლებრივ აქტს – ბრძანებას, ასრულებს სრულ ადმინისტრაციულ ფუნქციებს
მთავრობის შენობაში;

მინისტრი თავისი კომპეტენციის ფარგლებში გამოსცემს ბრძანებებს. ხოლო, მინისტრი,

რომელიც ხელს აწერს ბრძანებას, პასუხისმგებელია მისი კანონიერებისა და
მიზანშეწონილობისათვის.

სახელმწიფო მინისტრი საკუთარი უფლებამოსილების ფარგლებში გამოსცემს ბრძანებებს.

სახელმწიფო რწმუნებული გამოცემს ინდივიდუალური სამართლებრივი აქტს, რომელსაც

ეწოდება – სახელმწიფო რწმუნებულის განკარგულება. მას აუქმებს მთავრობა და ასევე, მისი
გასაჩივრება შეიძლება კანონით დადგენილი წესით, სასამართლოში.