Pagadian Diocesan Schools

IMMACULATE HEART ACADEMY OF DUMALINAO, INC.

Pag-asa, Dumalinao Zamboanga del Sur

SELF-PACED LEARNING MODULE IN FILIPINO 8

Code # Grade & Section:

Name : Name of Teacher:

Student’s Contact #: Teacher’s Contact #:

QTR 4 – MODYUL 3 : Florante at Laura

Modyul Overview:

Ang modyul na ito ay inihanda para sa iyo at marami kang makukuhang kaalaman sa aralin. Ang akdang
ito ay hindi lang naglarawan sa mahahalagang tagpo o tagpuan kung hindi sa mga tauhan din, sa kanilang
hinaing, saloobin at pananaw. Dagdag ng bisa sa akda ang paggamit ng mga matalinghagang pahayag sa
pagpapadama sa saloobin ng karakter. Ang akdang tatalakayin o pag-aaralan mo ang mga pinagdaanan ng
Prinsipe ng Makatang Tagalog na si Francisco de la Cruz Balagtas Baltazar at ang nag-udyok sa kanya upang
maisulat ang kanyang obrang Florante at Laura.
Matutunghayan mo rin ang kalagayan ng lipunan sa panahong naisulat ang akda at ang layunin ng pagsulat nito.

Mga Kasanayang Pampagkatuto:

1. Naisusulat sa isang monologo ang mga pansariling damdamin tungkol sa: - pagkapoot - pagkatakot - iba pang
damdamin F8PU-IVc-d-36
2. Nailalarawan ang tagpuan ng akda batay sa napakinggan F8PN-IVf-g-36
3. Nailalahad ang mahahalagang pangyayari sa aralin F8PB-IVf-g-36
Mga Kagamitan sa Pagkatuto:
Ikalawang Edisyon Pinagyamang Pluma
Mga Awtor: Ailene Baisa- Julian
Nestor S. Lontoc
Mary Grace G. Del Rosario

Pagpapahalaga: Ang buhay ng isang taong dakila ay dapat maging huwaran. Pulutin ang mga kanais-nais na
katangian at ito’y ating tularan.

Panimulang Pagtataya: ( Pre- Assessment) (FA)

Panuto: Basahing mabuti ang mga sumusunod na tanong. Isulat sa nakalaang linya ang iyong sagot.

___1. Sa pagsulat ng monologo, kaninong damdamin ang ipinakikita nito?

A. sa babasa C. sa may-akda B. sa tauhan D. sa manonood
___2. Anong uri ng pahayag ang “dalawang bungang nalagas”?
A. simbolo C. eupemistikong pahayag B. talasalitaan D. matalinghagang ekspresyon
___3. Ano ang kahulugan ng tayutay na “katulad ng isang bulak, malambot”?
A. mabait na tao C. pagtutulad sa bulak B. kawangis ng bula D. mapagkumbabang nilalang
___4. Ano ang kahulugan ng salitang may salungguhit sa pahayag na “Parang ilaw na bagong sindi ang
kaniyang mga mata nang marinig ang balita tungkol sa pag-angat niya sa posisyon?”
A. kagalingan C. maalalahanin B. maaasahan D. pag-asa
___5. Anong damdamin ang mayroon sa bahaging ito ng monologo? “Paano na ‘ko? Paano ako mabubuhay sa
magulo at masalimuot na mundong ‘to?”
A. malungkot C. nangungulila B. masaya D. takot
___6. Ano ang dapat isaalang-alang sa pagsulat ng monologo?
A. emosyon C. tauhan B. iskrip D. salita
___7. Ano ang hinaing ng morong gerero nang mapadpad siya sa loob ng kagubatan?
A. Inagaw ang kaniyang kasintahan. B. Malabong maging sila ng kaniyang kasintahan. C. Naayos ang buhay
niya dahil sa kaniyang natamo. D. Paaalisin ang mga taong nagbigay sa kaniya ng pasakit.
___8. Anong damdamin ang lutang na lutang sa pahayag sa ibaba?
“Mahiganting langit, bangis mo’y nasaan, ngayo’y naniniig sa pagkagulaylay, bago’y ang bandila ng lalong
kasam’an, sa Reynong Albanya’y iniwawagayway.”
A. galit C. pagmamahal B. paghihiganti D. takot
___9. Ano ang kahulugan ng pahayag na may salungguhit?
Bagun-taong basal ang anyo at tindig, kahit nakatali kamay paa’t leeg, kung si Narciso’y tunay na Adonis,
mukha’y sumilang sa gitna ng sakit.
A. binata C. matikas B. makisig D. matipuno
___10. Ano ang kahulugan ng salitang “kamay” sa saknong sa ibaba?
“Wala na, Laura ikaw na nga lamang ang makalunas niring kahirapan; damhin ng kamay mo ang aking katawan
at bangkay man ako’y muling mabubuhay!”
A. kagalingan C. pananamantala B. pagkalinga D. sakit

INTRODUKSIYON

PAGGANYAK: (FA)

Panuto: Basahin at unawaing mabuti ang maikling akdang nakasulat sa ibaba. Sagutin ang mga katanungan
hinggil dito. Isulat ang sagot sa hiwalay na papel.

Mga anak, sundin ninyo ang inyong mga magulang sa Panginoon, sapagkat ito ang nararapat. “Igalang mo
ang iyong ama at ina.” Ito ang unang utos na may kalakip na pangakong “Ikaw ay giginhawa at hahaba ang
iyong buhay sa lupa.” Mga magulang, huwag kayong gumawa ng mga bagay na ikagagalit ng inyong mga
anak. Sa halip, palakihin ninyo sila ayon sa disiplina at katuruan ng Panginoon. Efeso 6:1-4
Sa halip, mahalin ninyo ang inyong mga kaaway at gumawa kayo ng mabuti. Magpahiram kayo na hindi
umaasa ng anomang kabayaran. Sa gayon, malaking gantimpala ang tatamuhin ninyo, at kayo'y magiging
mga anak ng Kataas-taasang Diyos. Sapagkat siya'y mabuti kahit sa masasama at sa mga hindi marunong
tumanaw ng utang na loob. Lucas 6:35

Mga Tanong:
1. Ano ang nilalaman ng dalawang bersikulo mula sa Bibliya?
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
2. Paano mo mapag-uugnay ang dalawang ito?
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
3. Saang bahagi o pangyayari sa iyong buhay maiuugnay ito?
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
4. Sa kasalukuyang panahon, magagamit mo ba ang aral na iyong natutuhan sa dalawang bersikulo? Sa paanong
paraan?
__________________________________________________________________________________________
__________________________________________________________________________________________
__________________________________________________________________________________________
__________________________________________________________________________________________
 INTERAKSIYON
Florante at Laura
33
Dito hinimatay sa paghihinagpis,
sumuko ang puso sa dahas ng sakit;
ulo'y nalungayngay, luha'y bumalisbis,
kinagagapusang kahoy ay nadilig.
34
Magmula sa yapak hanggang sa ulunan,
nalimbag ang bangis ng kapighatian;
at ang panibugho'y gumamit ng asal
ng lalong marahas, lilong kamatayan.
35
Ang kahima't sinong hindi maramdamin,
kung ito'y makita'y magmamahabagin
matipid na luha ay paaagusin,
ang nagparusa ma'y pilit hahapisin.
36
Sukat na ang tingnan ang lugaming anyo
nitong sa dalita'y hindi makakibo,
aakayin biglang umiyak ang puso,
kung wala nang luhang sa mata'y itulo.
37
Gaano ang awang bubugso sa dibdib
na may karamdamang maanyong tumitig,
kung ang panambita't daing ay marinig
nang mahimasmasan ang tipon ng sakit?
38
Halos buong gubat ay nasasabugan
ng dinaing-daing na lubhang malumbay,
na inuulit pa at isinisigaw
sagot sa malayo niyong alingawngaw.
39
"Ay! Laurang Poo'y bakit isinuyo
sa iba ang sintang sa aki'y pangako;
at pinagliluhan ang tapat na puso
pinaggugulan mo ng luhang tumulo?"
40
"'di sinumpaan mo sa harap ng Langit
na 'di maglililo sa aking pag-ibig?
Ipinabigay ko naman yaring dibdib,
wala sa gunita itong masasapit!"    .
41
"Katiwala ako't ang iyong kariktan,
kapilas ng langit — anaki'y matibay;
tapat ang puso mo't 'di nagunam-gunam
na ang paglililo'y nasa kagandahan."
42
"Hindi ko akalaing iyong sasayangin
maraming luha mong ginugol sa akin;
taguring madalas na ako ang giliw,
mukha ko ang lunas sa madlang hilahil."
43
"'di kung ako Poo'y utusang manggubat
ng hari mong ama sa alinmang s'yudad,
kung ginagawa mo ang aking sagisag,
dalawa mong mata'y nanalong perlas?"
44
Ang aking plumahe kung itinatahi
ng parang korales na iyong daliri,
buntung-hininga mo'y nakikiugali
sa kilos ng gintong ipinananahi."
45
"Makailan, Laurang sa aki'y iabot,
basa pa ng luha bandang isusuot;
ibinibigay mo ay naghihimutok,
takot masugatan sa pakikihamok!"
46
"Baluti't koleto'y 'di mo papayagan
madampi't malapat sa aking katawan,
kundi tingnan muna't baka may kalawang
ay nanganganib kang damit ko'y marumham."
47
"Sinisiyasat mo ang tibay at kintab
na kung sayaran man ng taga'y dumulas;
at kung malayo mang iyong minamalas,
sa gitna ng hukbo'y makilala agad."
48
"Pinahihiyasan mo ang aking turbante
ng perlas, topasyo't maningning na rubi;
bukod ang magalaw na batong d'yamante,
puno ng ngalan mong isang letrang L."
49
"Hanggang ako'y wala't nakikipaghamok,
nag-aapuhap ka ng pang-aliw-loob;
manalo man ako'y kung bagong nanasok,
nakikita mo na'y may dala pang takot."
50
"Buong panganib mo'y baka nakasugat,
'di maniniwala kung 'di masiyasat;
at kung magkagurlis ng munti sa balat,
hinuhugasan mo ng luhang nanatak."
51
"Kung ako'y mayroong kahapisang munti,
tatanungin mo na kung ano ang sanhi;
hanggang 'di malining ay idinarampi
sa mga mukha ko ang rubi mong labi."
52
"Hindi ka tutugot kung 'di natalastas,
kakapitan mo nang mabigla ang lubas;
dadalhin sa hardi't doon ihahanap
ng ikaaliw sa mga bulaklak."
53
"Iyong pipitasin ang lalong marikit,
dini sa liig ko'y kusang sasabit;
tuhog na bulaklak sadyang salit-salit,
pag-uupandin mong lumbay ko'y mapaknit."
54
"At kung ang hapis ko'y hindi masawata,
sa pilikmata mo'y dadaloy ang luha:
napasaan ngayon ang gayong aruga,
sa dala kong sakit ay 'di iapula?"
55
"Halina, Laura ko't aking kailangan
ngayon ang lingap mo nang naunang araw;
ngayon hinihingi ang iyong pagdamay —
ang abang sinta mo'y nasa kamatayan."
56
"At ngayong malaki ang aking dalita
ay 'di humahanap ng maraming luha;
sukat ang kapatak na makaapula,
kung sa may pagsintang puso mo'y magmula."
57
"Katawan ko ngayo'y siyasatin, ibig,
tingni ang sugat kong 'di gawa ng kalis;
hugasan ang dugong nanalong sa gitgit
ng kamay ko, paa't natataling liig."
58
"Halina, irog ko't ang damit ko'y tingnan,
ang hindi mo ibig dapyuhang kalawang;
kalagin ang lubid at iyong bihisan,
matinding dusa ko'y nang gumaan-gaan."
59
"Ang mga mata mo ay iyong ititig
dini sa anyo kong saklakan ng sakit,
upanding mapigil ang takbong mabilis
niring abang buhay sa ikakapatid."
60
"Wala na Laura't ikaw na nga lamang
pagdaya ni Laura ang kumakamandag;
dini sa buhay ko'y siyang nagsasadlak
sa libingang laan ng masamang palad."
66
sa akin ang hirap ng sansinukuban,
ang puso ni Laura'y kung hindi inagaw."
Dito naghimutok nang kasindak-sindak
na umalingawngaw sa loob ng gubat;
tinangay ang diwa't karamdamang hawak
ng buntung-hininga't luhang lumagaslas.
68
Sa puno ng kahoy ay napayukayok,
ang liig ay supil ng lubid na gapos;
bangkay na mistula't ang kulay na burok
ng kaniyang mukha'y naging puting lubos.
 69
Nagkataong siyang pagdating sa gubat
ng isang gererong bayani ang tikas;
putong na turbante ay kalingas-lingas,
pananamit-Moro sa Persiyang S'yudad.
70
Pinigil ang lakad at nagtanaw-tanaw,
anaki'y ninita ng pagpapahingahan;
'di kaginsa-ginsa'y ipinagtapunan
ang pika't adarga't nagdaop ng kamay.
71
Saka tumingala't mata'y itinirik
sa bubong na kahoy na takip sa langit;
estatuwa manding nakatayo't umid,
ang buntung-hininga niya'y walang patid.
72
Nang magdamdam-ngawit sa pagayong anyo,
sa puno ng isang kahoy ay umupo;
nagwikang, "O palad!", sabay ang pagtulo
sa mata ng luhang anaki'y palaso.
73
Ulo'y ipinatong sa kaliwang kamay
ang makalulunas niring kahirapan;
damhin ng kamay mo ang aking katawan
at bangkay man ako'y muling mabubuhay!"
61
"Nguni, sa aba ko! Ay, sa laking hirap!
Wala na si Laura'y aking tinatawag!
Napalayu-layo't 'di na lumiliyag
ipinagkanulo ang sinta kong tapat."
62
"Sa ibang kandunga'y ipinagbiyaya
ang pusong akin na at ako'y dinaya;
buong pag-ibig ko'y ipinang-anyaya,
nilimot ang sinta't sinayang ang luha."
63
"Alin pa ang hirap na 'di na sa akin?
May kamatayan pang 'di ko daramdamin?
Ulila sa ama't sa inang nag-angkin,
walang kaibiga't nilimot ng giliw."
64
"Dusa sa puri kong kusang siniphayo,
palasong may lasong natirik sa puso;
habag sa ama ko'y tunod na tumino,
ako'y sinusunog niring panibugho."
65
"Ito'y siyang una sa lahat ng hirap,
"O, Konde Adolfo, inilapat mo man
ang kabangisan mo'y pinapasalamatan,
67
at saka tinutop ang noo sa kanan;
anaki'y mayroong gunamgunam —
isang mahalagang nalimutang bagay.
74
Malao'y humilig, nagwalang-bahala,
'di rin kumakati ang bati ng luha;
sa madlang himutok ay kasalamuha
ang wikang: "Flerida'y tapos na ang tuwa!"
75
Sa balang sandali ay sinasabugan
yaong buong gubat ng maraming "Ay! Ay!"
na nakikitono sa huning mapanglaw
ng panggabing ibong doo'y nagtahanan.
76
Mapamaya-maya'y nagbaong nagulat,
tinangnan ang pika't sampu ng kalasag;
nalimbag sa mukha ang bangis ng Furias —
"'di ko itutulot!" ang ipinahayag.
77
"At kung kay Flerida'y iba ang umagaw
at 'di ang ama kong dapat igalang,
hindi ko masasabi kung ang pikang tangan —
bubuga ng libo't laksang kamatayan!"
78
"Bababa si Marte mula sa itaas,
at sa kailalima'y aahon ang Parkas;
buong galit nila ay ibubulalas,
yayakagin niring kamay kong marahas!"
79
"Sa kukong lilo'y aking aagawin
ang kabiyak niyaring kaluluwang angkin;
liban kay ama, ang sino ma't alin
ay 'di igagalang ng tangang patalim."
80
"O pagsintang labis ng kapangyarihan,
sampung mag-aama'y iyong nasasaklaw;
'pag ikaw ang nasok sa puso ninuman,
hahamaki'ng lahat masunod ka lamang!"
81
"At yuyurakan na ang lalong dakila —
bait, katuwira'y ipanganganyaya;
buong katungkula'y wawal-ing-bahala,
sampu ng hininga'y ipauubaya."
82
"Itong kinaratnan ng palad kong linsil,
salaming malinaw na sukat mahalin
ng makatatap, nang hindi sapitin
ang kahirapan kong 'di makayang bathin."
83
Sa mawika ito luha'y pinaagos,
pika'y isinaksak saka naghimutok;
nagkataon namang parang isinagot
ang buntung-hininga niyong nagagapos.
84
Gerero'y namangha nang ito'y marinig
pinagbaling-baling sa gubat ang titig;
nang walang makit'ay hinintay umulit,
'di naman nalao'y nagbagong humibik.
85
Ang bayaning Moro'y lalo nang namaang,
"Sino'ng nananaghoy sa ganitong ilang?"
lumapit sa dakong pinanggagalingan
ng buntung-hininga't pinakimatyagan.
86
Inabutan niya'y ang ganitong hibik:
"Ay, mapagkandiling amang iniibig!
Bakit ang buhay mo'y naunang napatid,
ako'y inulila sa gitna ng sakit?"
87
"Kung sa gunita ko'y pagkuru-kuruin
ang pagkahulog mo sa kamay ng taksil,
parang nakikita ang iyong narating ...
parusang marahas na kalagim-lagim."
88
"At alin ang hirap na 'di ikakapit
98
Sandaling tumigil itong nananangis
binigyang-panahong luha'y tumagistis
niyong naaawang Morong nakikinig ...
sa habag ay halos magputok ang dibdib.
99
Tinutop ang puso at saka nagsaysay,
"Kailan," aniya, "luha ko'y bubukal
ng mga mata ko'y sa hinayang mula —
sa mga palayaw ni ama't aruga —
malaking palad ko't matamis na luha."
102
"Ngunit ang nananahang maralitang tubig ...
sa mukha't dibdib ko'y laging dumidilig,
kay ama nga galing dapuwa't sa bangis,
hindi sa andukha at pagtatangkilik."
sa iyo ng Konde Adolfong malupit?
Ikaw ang salamin sa Reyno ng bait,
pagbubutunan ka ng malaking galit."
89
"Katawan mo ama'y parang namamalas
ngayon ng bunso mong lugami sa hirap;
pinipisan-pisan at iwinawalat
ng pawa ring lilo't berdugo ng sukab."
90
"Ang nagkahiwalay na laman mo't buto,
kamay at katawang nalayo sa ulo,
ipinaghagisan niyong mga lilo
at walang maawang maglibing ng tao."
91
"Sampu ng lingkod mo't mga kaibigan,
kung kampi sa lilo'y iyo nang kaaway;
ang 'di nagsaiyo'y natatakot namang
bangkay mo't ibao't maparurusahan."
92
"Hanggang dito ama'y aking naririnig,
nang ang iyong ulo'y itapat sa kalis;
ang panambitan mo't dalangin sa Langit,
na ako'y maligtas sa kukong malupit."
93
"Ninanasa mo pang ako'y matabunan,
ng bangkay sa gitna ng pagpapatayan,
nang huwag mahulog sa panirang kamay
ng Konde Adolfong higit sa halimaw."
94"Pananalangin mo'y 'di pa nagaganap,
sa liig mo'y biglang nahulog ang tabak;
nasnaw sa bibig mong huling pangungusap
ang "Adiyos, bunso"'t buhay mo'y lumipas."
95"Ay, amang ama ko! Kung magunam-gunam —
madla mong pag-irog at pagpapalayaw,
ipinapalaso ng kapighatian —
luha niring pusong sa mata'y nunukal."
96"Walang ikalawang ama ka sa lupa
sa anak ng kandong sa pag-aaruga;
ang munting hapis kong sumungaw sa mukha,
sa habag mo'y agad nanalong ang luha."
97"Ang lahat ng tuwa'y natapos sa akin,
sampu niring buhay ay naging hilahil;
ama ko'y hindi na malaong hihintin
ako't sa payapang baya'y yayakapin."
ng habag kay ama at panghihinayang
para ng panaghoy ng nananambitan?"
100"Sa sintang inagaw ang itinatangis,
dahilan ng aking luhang nagbabatis;
yao'y nananaghoy dahil sa pag-ibig
sa amang namatay na mapagtangkilik."
101"Kung ang walang patid na ibinabaha
103"Ang matatawag kong palayaw sa akin
ng ama ko'y itong ako'y pagliluhin,
agawan ng sinta't panasa-nasaing
lumubog sa dusa't buhay ko'y makitil."
104"May para kong anak na napanganyaya,
ang layaw sa ama'y dusa't pawang luha,
hindi nakalasap kahit munting tuwa
sa masintang inang pagdaka'y nawala!"
Ang iyong nabasa ay isang monologong ginamitan ng matatalinghagang ekspresyon, tayutay at simbolong
nagbibigay-ganda sa pagbasa ng tula o anomang babasahin (monologo). Nagbibigay ito ng malalim na
pagpapakahulugan sa isang babasahin.
Ang matatalinghagang ekspresyon, tayutay, at simbolo ay karaniwang ginagamit ng mga makata sa paghabi o
pagkatha ng kanilang mga akda. Ito ay mga salita o grupo ng mga salitang may malalim at hindi tiyak na
kahulugan.
Matatalinghagang ekspresyon – ito ay mga ekspresyong may malalim na kahulugan at naglalarawan nang
makasagisag. Sinasalamin nito ang kagandahan at pagkamalikhain ng mga Pilipino sa paggamit ng sariling
wika sa pamamaraang pasulat o pasalita.
Halimbawa:
papamilansikin ang kalis ng poot – maghiganti
mabangong insenso ang isinusuob - binibigyang papuri
Tayutay – ito ay salita o pahayag na ginagamit upang bigyang-diin ang isang kaisipan o damdamin. Sinasadya
ng pagpapahayag na gumamit ng talinghaga o ‘di karaniwang salita o paraan ng pagpapahayag upang bigyang-
diin ang saloobing ipinahahayag.
Narito ang ilang uri ng tayutay na karaniwang ginagamit sa mga babasahin o sulatin.
1. Pagtutulad (Simile) - Ito ay paghahambing sa dalawang magkaibang tao, bagay, pangyayari, atbp.
Gumagamit ang pagtutulad ng mga salitang tulad ng, katulad ng, parang, kawangis ng, animo, kagaya ng, atbp.

Halimbawa:
a. kapilas ng langit – katulad ng langit
b. parang korales na iyong daliri – mahaba at maputing daliri

2. Pagwawangis (Metaphor) - Ito ay katulad ng pagtutulad, maliban sa hindi ito gumagamit ng mga salitang
tulad ng, katulad ng, parang, kawangis ng, animo, kagaya ng, atbp.
Halimbawa:
a. perlas na batok – maputing batok
b. ikaw na bulaklak niring dili-dili – magandang alaala
3. Pagtatao (Personification) - Ito ay pagsasalin ng talino, gawi at katangian ng tao sa mga bagay. 21
Halimbawa:
a. Ang katauhan ko’y kusang nagtatalik.
b. Ang kaluluwa ko’y kusang dumadalaw

Simbolo – ang nagpapasagisag sa isang ordinaryong bagay, pangyayari, tao o hayop na may
nakakabit na natatanging kahulugan. Kadalasang ginagamit ito sa mga tula upang hindi literal na paraan
ang maipabatid na hangarin. Ang intensyon ng manunulat ay dapat malapit o makuha ng mambabasa
ang tunay na ideya ng tula.
Halimbawa:
a. kalis (espada) – galit
b. bulaklak – si Laura
Ang matatalinghagang ekspresyon, tayutay at simbolo ay hindi lamang sa pagsulat ginagamit. Maaari
din itong iugnay sa pagsulat ng isang monologo na lalong nagpapalutang sa kagandahan at kaangkupan sa
sulatin. Ngunit, ano nga ba ang monologo?
Monologo – ay isang uri ng pagsasalita na ang isang tauhan ay sinasabi ang kaniyang isinasaisip sa isa
pang tauhan o kaya sa kapulungan ng nangakikinig. Ito ay ginagamit sa parehong mga dramatikong gawa
(drama, pelikula, atbp) pati na rin sa hindi dramatikong gawain tulad ng tula. Sa monologo, “mono” ibig sabihin
ay isa, isang karakter/tauhan lamang ang gumaganap.
Paraan sa pagbuo ng monologo:
1. Pagbuo ng karakter o isang tauhan – isang boses na akma sa karakter/tauhan, isaalang-alang ang wika
at kilos ng katawan na maaari niyang gamitin kapag nagsasalita.
2. Mga emosyon – dapat alam ng karakter/tauhan ang emosyon na kaniyang gagampanan para sa
maayos na paglikha ng tauhan, maaaring galit, takot, masaya, at atbp.
3. Lugar – itaguyod ang sino, ano, kailan, at saan ng isang partikular na monologo maging ang tiyak na
maaari mong gawin. Halimbawa, huwag lamang sabihin na ang eksena ay nasa eskinita. Sabihing ito ay
nasa maliit, puno ng usok at basurang nalilibutan ng dilim ang eskinita.
4. Gumawa na ng kuwentong may simula, gitna at wakas ng monologo – isipin na ang monologo ay
isang maliit na kuwento, kung saan mayroong isang marka ng pagbabago mula sa simula 22 hanggang
sa wakas, kung saan ang tagapagsalita ay may natuklasang isang bagay o gumawa ng isang pahayag.
Ang monologo ay dapat magsimula at magtapos sa isang malinaw na layunin. Simulan ang monologo sa
nakaaayang mga diyalogo para maakit ang mga tagapakinig na makinig.
 5. Basahin ang nalikhang monologo nang malakas, may tono at damdamin. Gawin ito para sa iyong
sarili o para sa isang madla. Makinig nang mabuti upang matukoy kung nakuha mo ang tono o boses ng
tauhan nang tama.
Ang monologo ay maihahalintulad din sa diyalogo dahil binubuo ito ng mga pahayag ngunit malaki ang
pagkakaiba ng dalawang ito: (a) sa monologo isang karakter/tauhan lamang ang gumaganap samantalang sa
diyalogo ay dalawa o higit pang karakter ang gumaganap. (b) ang monologo ay ang pagbibigay ng sarili niyang
ekspresyon o nararamdaman sa mga manonood samantalang ang diyalogo naman ay ang pag-uusap ng
dalawang tauhan o higit pang may kuwento sa pagitan nila.
    

Boud ng Florante at Laura

Mga Gawain

Gawain 1:
Panuto: Ipabasa sa kasama sa bahay o sinomang makatutulong sa iyo upang mapakinggan mo ang mga
saknong. Pagkatapos, ilarawan ang tagpuang ipinahihiwatig dito. Isulat ang iyong sagot sa loob ng kahon.

Mga saknong sa akdang napakinggan Paglalarawan sa tagpuan

92. “Hanggang dito ama’y aking naririnig, nang ang
iyong ulo’y itapat sa kalis; ang panambitan mo’t dalangin
sa Langit, na ako’y maligtas sa kukong malupit.”
85. Ang bayaning Moro’y lalo nang namaang, “Sinong
nananaghoy sa ganitong ilang?” Lumapit sa dakong
pinanggagalingan ng buntunghininga’t pinakimatyagan.
69 Nagkataong siyang pagdating sa gubat
ng isang gererong bayani ang tikas;
putong na turbante ay kalingas-lingas,
pananamit-Moro sa Persiyang S'yudad.
Gawain 2:
Ilarawan ang tagpuang ipinakikita sa pamamagitan ng dalawa hanggang tatlong pangungusap. Kopyahin ang
pormat sa hiwalay na papel at isulat dito ang iyong kasagutan.
Isulat ang iyong sagot sa loob ng kahon..

Paglalarawan sa Tagpuan
____________________________________________
____________________________________________
____________________________________________
____________________________________________
____________________________________________
____________________________________________
____________________________________________
____________________________________________
____________________________________________
____________________________________________
____________________________________________
____________________________________________
____________________________________________
____________________________________________
Gawain 3

Pamprosesong Tanong:

1. Sino si Francisco Balagtas Baltazar?

2. Ano ang layunin ni Balagtas sa paglikha ng kanyang tula?

3. Ano-anong habilin o tagubilin ang nakapaloob sa mga saknong ng “Sa Babasa Nito?”

4. Bakit nagsisilbing gabay at nagturo sa mga Pilipino ng maraming bagay ang akdang Florante at Laura?

Binabati kita! Natutuhan mo nang buong-puso ang iyong aralin. Ngayon naman, para sa lubos mong pagkatuto,
mayroon akong inihandang gawain para masukat ang iyong kaalaman at maisagawa mo ito sa iyong buhay.
 INTEGRASIYON
Closure / Synthesis:

Panuto: Bigyang-kahulugan ang matatalinghagang ekspresyon, tayutay at simbolong nasa loob ng biluhaba
(oblong) at gamitin ito sa pagsulat ng isang monologong gumagamit ng pansariling damdamin tulad ng
pagkapoot, pagkatakot at iba pa. Isulat ito sa hiwalay na papel.

Repleksiyon:
Alam mo ba na mayroong iba-ibang paraan ang mga tao sa pagharap sa mga pagsubok sa buhay? Para sa iba ito
ay nagsisilbing gabay nila sa pagtamo ng magandang hinaharap. Sa mga mag-aaral na katulad mo, ang
karaniwang pagsubok sa buhay ay kung papaano makahabol sa “deadlines” ng iyong mga proyekto. Kung
minsan ang dahilan ng pagkakaroon ng mga pagsubok ay upang matugunan ang pangangailangan sa pag-aaral
bilang bahagi sa pagtatamo ng kasanayan. Paano mo hinaharap ang mga pagsubok sa iyong buhay?

____________
 Binabati kita! Mahusay mong nagampanan ang mga gawain. Ngayon naman ang iyong pagkakataon
para ibahagi ang iyong sariling refleksiyon tungkol sa ating aralin. Punan mo lamang ang mga patlang ng iyong
mga kasagutan.

INTERBENSIYON

Ebalwasiyon: SA
Panuto: Batay sa napakinggang mga saknong sa akda, ilarawan ang nagustuhan mong tagpuan at magbigay
ng mga pangyayaring naganap dito. Gayahin ang pormat sa hiwalay na papel at isulat dito ang sagot.

Well done!
You are now a STAR.
As A stands for Academically proficient, you are now knowledgeable
enough. Thank you! See you on our next lesson! 😊
SUSI SA PAGWAWASTO
Pre assessment
C 1. D 2. A 3. D 4. A 5. A 6. A 7. B 8. B 9. A