Kerbelakere Asva 2

Nane pophare dive, Tirendar YA HUSSEIN
UVOD!
Bismillah vel Hamdulillah ve selatu ve selam ala Resulillah

Muhammed Mustafa ve ala Ehlibejtihi tayyibine at tahirine
ve ala Ashabihil muntedzebiyn ve ala Evliyaihi ve Resulihi
ve alel ibadalahil salihiyn.
O hamdi i slava o bajraribe pripadinela samo e Allaheske

s.w.t, o Jaratcija sarinengoro, e manushengoro hem e
dzinengoro, e phuvjakoro hem e nebesakoro hem sa soj
mashkar lende, o Gospodari e Dzenneteskoro thaj e
Dzehenemeskoro
O Vladari e Sudno Diveskoro kova so amen svedocinaja kaj
jek dive ka ovel, o Gospodari sa e Pejkamberengoro hem
odabirime robongoro.
Mangleja mo pral thaj mi pen, tu kova so ikjereja akava lil ko

tiro vas, akava lil sodrzinela o nastanja kola so desisalile ko
masek Muharram ki phuv Kerbela.
Kote so amare mangle Pejkambereskoro a.s o unuko o Imam

Husseini a.s nakla i dunja sar shehidi, leskere chave kola so
sine zedna pajneske hem o tragicna situacije kote so araklilo
o Ehlibejti e Pejkambereskoro a.s
Akava lil tano kerdo ki amari Romani chib sebepeja o
naredna generacije hem o pophure te doznajnen detalno so
slucisalilo ki Kerbela, hem te pomozinel tumen te svatinen
kote hem soske araklilo o Imam Husseini a.s ki asavki
situacija..
O Lil i tano sostajmo taro 10medzlisija basho masek
Muharram so citinelapes taro 1vo dzi ko 10to dive.
But baro ovsasto basho sa o prajla kola so lele udel te
pecatirinelpes akava Lil, o Allahi swt ma te cidel amen taro
po rahmeti hem taro drumo e Ehlibejteskoro a.s
PECATIMO 2020 BERSH
Muharram 1vo rat

Tari Medina Dzi ki Kerbela
Ko 8-to Zul Hidzra 680to bersh o Imam Hussein a.s

napustinga i Mekka em cidinga drom za Iraq. Leja sine9
otrprilika 50 manusa vklucimo romnja chave tari leskiri

familija em leskere amala.
O leskoro kako o Ibn Abbas hem o leskoro pral o

Muhammed Hanefija na gele leja. Ola ale te resenpes oleja
hem te predupredinenle basho o bejle so ka arakenle. O
Muhammed Hanefija vakerga leske deka o Mekkanlije
cudinenapes soske napustinela jek dive angleder o Hadz. O
Imam Hussein a.s mukla pismo ko piro phral kote so
objasninela o sledno :
"Na alum akate te kerav zulumi/nepravda. Mangava te iranav

o Ummeti ko drumo taro Amar-Bil-Marouf va Nahyi Anil
Munker (vikiba ko shukar em cidiba taro bilacipa). Mangava
te vodinav e manusen sprema o drumo mire paposkoro hem
mire dadeskoro."
Palo so napustinga i Mekka postojnge 14 stanice/thana kote
so spomenimo tano ko lila kaj o Imam Hussein a.s a.s acilo
ko akana thana ili zapoznajnga manusen em denga Hudbe.
1. Saffah: Akate o Imam Hussein a.s i zapoznajnga e poete

Farazzdaq kote so o Imami puclale bashi situacija ki Kufa.
Ov Phenga: E manusengere kalbija tane tuja ama lengere
macija tane protiv tute. O Imami vakerga: o Allah kerela
odova so mangela. Mukava e Allahe te resinel akaja
situacija.
2. Dhat-El-Irq: Akate o bratuceti e Imam Husseineskoro o

Abdullah Ibn Dzafer anga pire dujen chaven e Aune hem e
Muhammede lengere Dajake e Zejnebake so cel te dzan te
pomozinen e Imame.
3. Batn-Er-Rumma: O Imami bichalga pismo ki Kufa e Qais

bin Masir, dikla e Abdullah Bin Mute kova so alo taro Iraq.
Koga shunga savoj tano o nijeti e Imameskoro probinga te
sprecinel le te ubedinel le mate dzal em vakerga deka o
Kufecajna nae doverliva manusa ama o Imam Husseini a.s
prodolzinga piro drumo.
4. Zurut: O Imami ko akava than doznajnela taro duj manusa

kola so iranenapes sine tari Kufa basho o Sehadeti e
Muslimeskoro em phenga Inna Lillahi Ve Inna Ilejhi
Radziun. IndAllah-Nahtasib Anfusana' -Taro Allah alem hem
ko Allah ka iranamen kova so cacipaske vodinela griza basho
amaro kurbanluko. O glavno manus taro pleme Asad
probinga te ubedinel e Imam Husseine a.s te otkazinelpes
taro drumo ama na uspejnga. Akate o Imam Husseini a.s
vakerga pire amalenge basho o Meribe e Muslimeskoro hem
e Haniskoro hem deka o manusa tari Kufa nasine spremna te
pomozinenlen. Hem ov vakerga, ' Odola kola so mangena te
dzan akana isilen shansa.' but manusa kola so sledinge
Imame nameraja deka ka kheden nesavo barvalipa halile kaj
o Imami dzala.. irangepes ko lengere khera, hem samo 50
manusa acile leja.
6. Batn-E-Aqeeq: O Imami akate zapoznajnga jekhe manuse

taro pleme Akrama kova so vakerga leske deka i Kufa nane
povise prijatelsko nastrojmi hem deka tani opkolimi e
Jeziteskere vojskatar. Deka nikoj nasti khuvela ili iklola taro

gradi.
7. Sorat: O Imami akate rakjarga jek rat hem sabaleskoro

naredinga pire amalenge te len peja kozom so shaj povishe
pani.
8. Sharaf: Dzikote o Imami nakhela sine taro akava than, jek

taro leskere amala vikinga deka dikhela sar vojska
priblizinelapes lenge. O Imami rodinga nesavo bezbedno
than,po moznost nesavi planina em jek manus ingargale ki
najpase planina.
9. Zuhasm: Ko akava than o Imami araklapes e Hureskere

vojskaja so sine sostajmi taro 1000da manusa. Ola sine
trosale/zedna, O Imam Hussein a.s naredinga pire
manusenge te denlen pani. O Imami duri korkori da
pomozinga nesave zedno vojnikon te pijen. Duri lengere
grastenge sine dendo pani. O Pladne namazi sine vodimo taro
Imami hem sarine priklucisalile leske, duri hem e Hureskere

vojnikija. Akate o Imami vakerga e Hureske basho pismija so
ale leske tari Kufa. Ov vakerga: 'O Tumen o manusa tari
Kufa, bichalgen mange tumare delegacije hem pisingen
mange pismija deka nane tumen Imami hem deka me trebela
te avav te khedav tumen ko jek than em te vodinav tumen ko
drumo e Allaheskoro. Pisingen deka amen o Ehlibejti siem
najvise zasluzna te vodina tumen hem mate oven vodime taro
javera manusa kola so nanelen o pravo te vodinen tumen,
kola so nepravda kerena hem gresinena. Ama ako
promenisalilen ko tumaro plani, hem ulen bidzande taro
amaro Hako/Pravo hem bistergen tumaro dendo lafi, me ka
iranama palal. Ama sine leske odbimo te iranelpes palal tari
strana e Hureskere vojskakiri em sine leske dendo ko znajne
te nakhel, te resel ki Kufa.
10. Baiza: O Imami resla o sledno dive ki Baiza em denga

jek taro leskere najpoznata Hudbe. " O Manusalen,o
Pejkamberi a.s vakerga kaj ako diklen manushe nepravedno
vladari dzala protiv o Allah em protiv o Pejkamberi em
kerela zulumi/nepravda e manusenge hem nisto akava nasti
promeninela ,ni o lafi ni o delo hem nisto nasti promeninela

akaja situacija togas o Allahi ka civel le ko odova than kote
so zasluzinela em ov ka resinel oleja. Zarem na dikhena dzi
ko savo hali ali akaja situacija... Zarem na dikhena deka o
cacipa isile tikno broj a o hovajba o dajlaleti baro broj
manusa. So odnesinelapes bashi mange, O meriba dikhavale
sar nacin te postigninav o Sehadeti hem o ziviba maskar o
zulumkjajra dikavale sar nisto javer osven sar ponizuvajne".
11. Uzaibul Hajanat: Akate o Imami acilo podur tari vojska e

Hureskiri em zapoznajnga e Trimmaho Bin Adi. Palo so vec
halilo deka o Kufecajna napustingele jasno sine leske deka
pomagacija ki Kufa nanele. O Trimmah ponudinga leske
20,000 obucime manusa taro leskoro pleme te pomozinenle
ako mangela te dzal ki Kufa ili ako mangela te iranelpes
palal ko planine.
O Imami iranga e Ibn Adileske,' O Allah te mukel po rahmeti

upra ki tute em upra ko te manusa. Nasti phagava miro lafi,
akaja tani mi sudbina. Jasno sine taro akala lafija deka sine
zapoznajmo taro Bejle soka arakhen le em deka sinele plani

te kerel Revolucija ko hali e Ummeteskoro.
12.Qasr-E-Bani Makatil: Ko akava than jasno vec sine i Kufa

na sine vishe leskiri destinacija. O Hur namangla te mukel le
te napustinel. Odmorindor ko pladne palorucko ofkinga Inna
Lillah. Leskoro 18to bershengoro chavo o Ali Ekber alo uza
leste em besla. O Imami vakerga deka ko leskoro suno alo
leske nekoj em vakerela sine: kaj akala manusa cidinge
drumo so ingarelalen ko lengoro meriba. O Ali Ekber pucla,
Zarem na sijem amen ko pravilno drumo? O Meriba lenge
nisto na prestavinga osven i Nagrada taro odova te ove
Sehidi.
13. Nainava: Ko akava than jek glasniko e Ibn Zeideskoro

anga haberi e Hureske mate mukel e Imam Husseine a.s. O
Karavani nakla taro than Ghazirija hem resla ko jek than
vikimo KERBELA. O Imami pucla, dali isi javer anav akale
thane? Hem nekoj vakerga: ‘Kerbela. O Imami phenga, oja,
akavaj tano o than Kerbin-va-bala. ( O than e Dukhakoro
hem e Mucibaskoro). hem vakerga: Akate acovaja, reslem ko

amaro than. Akavaj tano o than amare meribaskoro.Akaja
tani i Kerbela.
14. Kerbela: Ko naredbe e Imameskere, o shatojra sine

postajme pashe uza ki reka Eufrat, o datum sine 2-to
Muhharam 61-to bersh pali Hidzra (3ti October).
2to Rat HUR IBN JEZIT
Hur ibn Jezit el Tamimi el Jerbui, sine komandanti ki vojska

e Kufakiri. Koga o Hussein ibn Numejri, o komandanti tari el
Kadisija, svatinga deka o Imam Hussein a.s hem leskere
amala resena popashe ki Kufa, naredinga e Hureske te lel

1000 manushen hem te sprecinel e Imame.
O Hur verujnela sine deka o Imami tano sprecimo te khuvel

ki Kufa soske leskoro prisustvo shaj te anel nestabilnost ko
gradi.
Sar jek profesionalno vojniko na interesinela le sine te ovel

meshimo ki politika e vladakiri. Leskiri dolznost sine te
izvrsinel i naredba taro leskoro predpostavimo.
O Hur hem leskere askejra sretninge e Imam Husseine a.s

hem leskere amalen ko jek than so nasine but dur tari Kufa.
Sine pladne koga akala duj vojske sretningepes.

O Hur hem leskere manusha patujnena sine taro sabaj hem
sine but zedna. Rodinga taro Imam Hussein a.s harica pani
leskere vojskake. O Imam Husseini a.s vakerga e Abazeske,

Ali Ekbereske, E Kasmeske te den e Hure hem leskere
manushen pani hem te den pani lengere grastenge.
(Zamislinen akaja situacija o Ehlilbejti a.s o tikne chave dena
pani e jeziteskere vojskake).
O pladne namazi sine vodimo taro Imami o Hur hem leskere

askejra priklucingepes. Palo namazi o Hur vakerga e Imam
Husseineske deka leskere naredbe tane te sprecinel e Imam
Husseine te dzal ki Kufa pod uslov ako na soglasingapes te
del bejati e Jeziteske. O Imam Husseini vakerga deka
nikogas nane te del bejati basho nepravedno vladari so
mangela te unistinel o Islam.
O Imami ikalga o pismija taro manusha e Kufakere so

molinena le sine te djal odori.
O Hur pak vakerga deka leskere naredbe tane samo te

sprecinel e Imame te djal ki Kufa. O Imam Husseini shaj sine
te borinelpes protiv o Hur hem leskere askejra hem te dzal

sine ki Kufa, ama namangla te pocminel ov o mariba.
Vakerga e Hureske deka ka lel javer drumo hem ka djal

podur tari Kufa. O Hur vakerga deka leskere naredbe tane te
pratinel e Imam Husseine.
Ko dujto Muharaam, resle ki Kerbela. O Imam Husseini

kinga o than taro o pleme Beni Esad em chivga pe satojra.
O Hur hem leskere manusha sine pashe uza ko Imami.
O Tajsutnoto dive, o Omer ibn saad resla ki Kerbela 4000

ilade askerencar. O Omer saad sine o Komandanti tari e
jeziteskiri vojska. Sinele nekozom dikhibe e Imam
Husseineja hem sine but impresirimo taro Imami duri so
pocminga te kldinel o Namazi pala leste.
Koga o Ibn zijad shunga akava, nervirisalilo. Bichalga e

Shimre 10,000 manushencar hem pishinga pismo e Omer ibn
Saadeske, naredindor leske te lel bejati taro Imam Husseini
ili te mudarel le. O Omer Ibn Saad taro jek puti smeninga po
ponashaj karshi O Imam Husseini. Sledindor o naredbe
trebela sine te chinavel o pani taro Eufrat e Imam
Husseineske hem leskere askerenge, hem taro 7to Muharram
nikoj taro Imam Husseineskoro shatori na sine lenge dendo o
pristup ko pani. Ki Rat e Ashurakiri, O Hur nasti beshela sine
ko than.
Shaj sine duraldan te shunel o Rojbe e Maksmengoro taro

shatori e Imam Husseineskoro sebepi e pajneskoro.
Pocminga te mislinel "Sokergum? Soske chigum ki akaja

situacija e Fatimakere chave? Dali o Allah ka oprostinel
mange?".
O Hur pocminga te tresinel.
O El-Muhajir dikhindor ole phenga,"Ked bi pucenama sine:

Koj tano o najsilno taro Kufecajna?, Bizo sumna ka vakerav
sine to anav: Pa soske dikhava tut agar?". O Hur vakerga"
:Dava me dushake o izbor te birinel maskar ko Dzenneti hem
ko Dzehenemi.
Hava sovli ko Allah! Namangava nisto javer osven o

Dzenneti mada ako trebinga te thabloav djivdo."
Uklilo ko piro Gras hem cidinga te djal ko Imam Husseini

a.s. Telarindor po kopje tele ki phuv hem ucharindor e Stiteja
po muj, telarga po shero tele, osetindor pes but ladzutno te
dikhel e Pejkambereskere Ehlilbejte ko jakha so anga len ki
asavki phari situacija.
Glasno vikinga akala lafija:

"Ya Allah! Ki tute predajnavama, prifatin miro pismanluko,

sebepi so phergum o kalbija tire velijengere/pomagacengere
hem e Pejkambereskere chavengere daraja!
O, o dat e Abdulaheskoro (Hussein) perava pismani: pa, ka

prifatine li mo pismanluko?" O Husseini a.s phenga:"Oja, o
Allah ka prifatinel to pismanluko".
Akala lafija e Husseineskere a.s arakle than ke Hureskoro

kalbi, pherindor ole rahatlukoja.
Lela jek momenti te razmilinel basho akava dzivdipe.
Jasno sine leske odova glaso, so shunela sine so pratinela le

sine panda tari Kufa. Vakerga e Imam Husseineske a.s:
"Koga cidingum tari Kufa,shunava sine glaso:
"Ya Hur! Pruzinelapes tuke bari shansa te dja ko Djenneti!"
Pucluma,"Tesko mange!
Sar shaj te pruzinelpes mange asavki shansa ako djava te

borinama e Pejkambereskere chajakere chaveja?!"
O Imam Hussein a.s vakerga leske,
"Akana alo o vreme hem reslan te doznajne o odgovor taro

tiro dvoumibe, a odovaj baro shukaripa hem bari nagrada."
O Rivajetija Prenesinena pred te dzal o Hur ko Imam

Husseini, phenga pe chaveske.
"Mochavo kergum bari greska. Achavgum asavke bare

manushe akate te ovel mudardo. Molinavatu mo chavo
posigate ingarma ko Imam Husseini. Mangava te molinavle
te oprostinel mange pred te ovel kasno. Ladjava korkori
mandar. Dali o Husseini ka oprostinel mange? Sar ka dikavle
ko jakja?"
"Mo chavo, pred te ingarema ko Husseini phan me vasta hem

uchar mo muj, zada mate dikhavle dzi kote rodava lestar
oprost."
O chavo e Hureskoro kerga agar sar so vakerga leske leskoro

dat.
O Abazi, kova so arakhela sine o shatojra, dikla duje

manushen ko grasta uklarde sar avena ki leste. Mislinga deka
avena te napadinen len. Ikalga po Maci hem
predupredingalen te achon.
O Imam Husseini isto dikhla akale duje manushen.

"Ya Abbas, mo phral Abbas! Iran to maci palal! Akala duj
manusha na avena te marenpes amencar.
Odovaj o Hur, mo adzikerdo misafiri kova so adzikerava le

sine. Ajde te dja hem te dodzakeralen Ya Abbas."
O Imam Husseini a.s hem o Abbasi gele te dodjakeren e

Hure.
"Shukar alan, Hur, shukar alan. Adzikerava tut sine."
O Hur frdingapes ke Imam Husseineskere pre.

"Ya Maula, molimte oprostin mange, molimte oprostin

mange. Izvininavama basho sa so kergum. Ladzava korkorik
mandar." O Imam Husseini lela e Hure ki pi angali hem
vakerga:
"Hur, mo amal, oprostinava tuke hem garantirinava tuke deka

mo papo, mo dat hem mi daj isto oprostinge tuke."
MAKTAL GLASOJA:
Sine vreme basho Fajr, o Ali Ekber denga o Ezani sarine

kldinge o Fajr, sigate palo adava, e jeziteskere askejra
phudinge ko trube denge znako o Maribe te pocminel.
O Hur rodinga izini te dzal te marelpes e Islameskere

dushmanencar.
"O Hur, tu sian mo misafiri hem sian sine mancar but kratko
vreme, nasium sine ko moznost te arakhavtu sar so trebela.
Na dengum tu maro te ha, ni pani te pije. Barem nakhav
panda harica vreme mancar.
Na Hur, na, nasti mukavatu te mere tu sian mo misafiri."
O Hur na otkazinga pes, insistiringa te ovel o prvo so ka djal

ko megdani.
O Imam Husseini posle pomislinga, kozom o Hur povishe ka

achol mancar odobor povise ka bokhajlovel hem ka pijel pes
leske povishe pani.
O Imam Husseini denga izini e Hure.
"Dja, Hur, Dja! O Allah te arakheltu Ya Hur."

O Hur gelo ko megdani, a sine zoralo manush margape

butencar hem bichalga e jeziteskere manushen ko
Dzehenemi.
Ko krajo o Hur pelo taro po gras, ranimo, vikinga e Imam

Husseine."
Jaa Hussein, ja Maula! Ava posigate, dozvolin mange te

dikhavtu basho posledno puti."
O Hur dishinela sine pire posledna momentija.
O Imam Husseini lela o shero e Hureskoro ki pi angali.

Dza Devleja Hur, mo papo adzikerelatut, mi daj hem mo dat

adjikerenatut, ka resamen sigate ko Dzenneti, Dja Devleja
Hur.
O Rivajetija prenesinena deka e Hureskoro shero sine

phajlardo Buzdoganeja pa koga lela le sine ki angali o Imam
Husseini a.s e Hurestar taro shero thavdena sine but rata, pa
o Husseini a.s ikalga pe dijakiri e Fatimakiri shamija hem
phanla leskoro shero, hem vakerga, Ja Allah oprostin e
Hureske hem dele baro shukar than ko Djenneti.
O Hur mulo e Imam Husseineske ki angali, o Abbasi hem o

Ali Ekber pomozinge e Imam Husseine a.s te ingaren e
Hureskoro telo ko shatojra.
Inna Lilahi e inna Ilayhi Rajiun!

3-to Rat Habib ibn Madhahir al Assadi
O poim basho amalipe dzi ko posledno zdiv
Amare rakja rojbaskere prodolzinena, amare jakhja e

Husseineske rovena.
Dive palo dive i situacija ki Kerbela ovela po phari hem po

phari, sa po vise vojnikija ovela e jeziteskiri vojska, kola so
sarine jekhje nijeteja - te mudaren e Imam husseine.
I zejneba phenela pire phraleskje:
"Mo phral Hussein! iljada hem po vise vojnikija ale te paren

pes tuja. a amen isi amen but harica dzene so ale te
pomozinen tut,
zarem nane nikoj panda so ka avel te pomozinel tut?"
"O mi phen zejneb, but dzene mangle te priklucinen pes

mange ko miro drumo tari medina dzi ki Kerbela ama
lengere nijetija na sine iskrena, but dzene nasle taro akava
drumo sebepi so darana sine taro meriba.''
Prodolzinga:
''Zejneb! mi phen i zabluda shaj kinela bute podrzuvacen,

ama o cacipa isi le tikno broj taro sledbenikija. O vojnikija
tare jeziteskiri strana tare kinde. Ola birinena o zivoto ki
akaja dujnaja a na ko ahireti. a mire sledbenikija birinena o
zivoto ko ahireti angleder o zivoto ki akaja dujnaja .
Adaja rat o Imam Husseini pisinga pismo ko piro amal o

Habib ibn Madhahir kova so sine ki Kufa:
O drumija ki Kufa sine panle hem nikaske na sine dozvolimo

te napushtinel i diz:
O Habib ibn Madhahir na dzanga i situacija e Imam

Husseineskiri dzikote na resla oleske o pismo taro Imam
Husseini.
Dzikote hala sine po maro pe romnjaja hem pe potikne

chaveja, o Habib citinga o pismo taro Imam Husseini,
cuminga o pismo hem pocminge o asva te thavden taro
leskjere jakja.
I romni leskiri pucla le: soj i buti so roveja?

O Habib phenga:
Dobingum haberi taro miro Gospodari o Imam Husseini a.s.

kote so rodela te priklucinaman leskje ki Kerbela..
E jezideskere vojnikija opkolinge leskoro kher hem leskoro

iklojbe tari Kufa sine but phareste.
I romni e Habibeskiri phenga:
"Habib! to amal vikinela tut te pomozinele, te Vodiceske

trebela pomoc, kas adzikereja ??
Dza Habib dza, dza pred te ovel kasno!"

Ama o Habib sekirinela pes sine sar te iklol tari Kufa bez te
ovel diklo tare Jezideskiri vojska..
Naznacinga pire robo te ingarel leskere graste avrijal taro

gradi hem te adzikerel le odote.
O robi e Habibeskoro izvrshinga i naredba pire

Gospodariskiri e Habibeskiri..
o robi ingarga e Habibeskere graste avrijal taro gradi ki

farma, hem adzikerga e Habibe.
Pa o robi pocminga te obratinel pes e Grasteske:
"O grasta! Amaro Gospodari o Imam Husseini a.s tano ki

nevojla. Trebela le amari pomoc, zamolinga me Gazda e
Habibe te pomozinel le, a ov kasninela."
O grasta! ako na uspejnga te nashel o Habib tari Kufa, me ka

uklav upra tute hem ka priklucinaman e Husseineske ki
Kerbela.
Ko vreme tari Ikindija poveketo o manusha sine ki Dzamija,

pa o Habib iskoristinga akaja prilika hem uspejnga te nashel
tari Kufa hem resla ki Farma kote so leskoro robi adzikerela
le sine leskere grasteja.
Sigate uklilo ko piro gras hem vakerga pe roboske:
"Dza mo amal, dza! Oslobodinava tut"
''O Gazda! na ikloveja fer sprema mande. Sluzingum tut celo

miro zivoto. Akana ked delapes mange shansa te sluzinav e
Fatimakere chave peneja te dzav mange. Soske cideja man

taro Dzenneti?"
O Habib ked shunela o lafija pire roboskere achola bizo

lafija. Ulo bahtalo so shunga akala lafija kola so kergele te
razmislinel basho cachipe hem basho dajlaleti/zabluda. O
robi mangla te del po zivoto kurbani basho Cachipe.
Pa zaedno uklile ko pire grasta hem pocminge o drumo so

ingarela ki Kerbela.
Ked o Habib resla ki Kerbela rakjateskoro, o Imam Husseini

dodzakergale.
I Zejneba shunga deka o Habib resla, hem vakerga pire

sluginkake e Fizzake te del e Habibe selami latar.
Koga o Habib shunga kaj i Zejneba bicalga selami ki leste,

pelo ko kochaka pocminga te rovel hem te frdel phuv upra ko
po shero penindor:" So tazno dive! so ovela e Fatimakere
familijaja? I Mangli unuka e Pejkambereskiri a.s, i chaj e
Alijaskiri thaj e Fatimakiri s.a bicalela selami obicno
manuseske sar so sium me!
Jezid! prokletimeja! so kergan e Fatimakere familijake?"
Dive hem Rakja taro Muharram nakena, hem I Ashura avela..
Sabaleskoro, o Ali akbar denga ezani basho posledno puti.
E jezideskiri vojska najavinga o pocetok e maribaskoro.
MAKTAL!
Jek po jek o amala e Husseineskere iklile te marenpes hem

denge po zivoto kurbani basho Islam.
O Husseini o Abazi hem o Ali akbar sine zafatime taro sabah

dzi ko pladne, kedindor o trupija e Kerbelakere.
O Habib alo ko Imam Husseini.. hem phenga:
"O miro Gospodari Hussein, dozvolin mange te ikloav te

maraman. Dozvolin mange te dav mo dzivdipe kurbani basho
Islam."
"Habib miro manglo amal, achov mancar. Osetinavaman

rahati uza tute miro manglo amal."
Ama o Habib povishe puti pucla e Husseini te iklol te

marelpes, hem agaar ko krajo o Imam Husseini denga le
izini.
O Husseni uklarga pire amale e Habibe ko leskoro gras.
Hem agahar o Habib kuvga ko srce e Kerbelakoro kaj so

vech pele but sehidija..
Margapes hrabro hem buten mudarga hem agar da ko krajo

sine peravdo taro gras ki phuv...
Koga o Habib pelo taro piro gras, jek dusmani tari strana e
jezideskiri alo hem chinga leskoro shero.
Sa e Kerbelakere sehidija sine chinde sherencar, ama e

Habibeskoro shero sine prvo shero kova so sine chindo taro
dusmanja e Ehlibejteskere a.s
E Habibeskoro shero na sine chivdo ko kopje sar e ostalo

sehidengoro.
E Habibeskoro shero sine phanlo ko jek gras hem sine

vlechimo ki phuv e Kerbelakiri.
Pokasno ki Sirija, e Habibeskoro shero sine zakachimo ki

men jeke grasteskiri, hem jek terno chavo ko anav Kasm
pratinela e graste kaj i da te dzal o gras.
Hem jek dive o manush kova so vozinela sine o gras pucla e

terne Kasime:
"Soske pireja pali mande? So mangeja?
Hem o Kasm samo dikla o shero kova so sine zakachimo ki

men e grasteskiri.
Pa akava vojniko puclale pak:
"Soske dikeja akava shero".
Pa o Kasm phenga:
Akava shero tano mire Dadeskoro - O Habib ibn Madhahir.
Molimte dema o shero te bi shaj parunava le.

O shero e Habibeskoro dikla pire chave hem phenga:
"O mo chavo Kasm - zarem mislineja te le te parune mo

shero , a o shero e Husseineskoro chivdo ko kopje?
-Inna Lillahi ve Inna Ilayhi Radzioun!

4to rat taro Muharram

Madzlis - AUN thaj Muhammed o chave e Zejnebakere..

Avdie tani i 4to rat taro Muharram.
Amare medzlisija prodolzinena. In sha Allah amare jakja

avdie da ka roven basho sehidija e Kerbelakere.
In sha Allah avdie da ka vikina : Labaika ya Hussein,

Labaika ya Hussein..
Koga akava lafi iklola taro amare muja, jek manusni avela
hem pridruzinelapes amenge, uravdi ko kale sheja hem
pangli ki kali shamija, odoja tani i Seyyida Fatima s.a i daj
odoleskiri so mudargele troshalo ki Kerbela, oj kedela amare
asva hem ko Sudno Dive ka iklol odole asvencar hem ka
penel:
Sa odola so runge mire chaveske e Husseineske avdie ola

nane te roven, nego ka asan hem ka oven ko amaro pashipe.
Roven! Roven e Husseineske a.s, se akala asva ka

pomozinen tumen ko Sudno Dive.
O Husseini tano ki Kerbela, edvaj isile 72 manusha peja,

kolendar olendar tane but tikne chave da, 2 olendar tane o
terne chave e Zejnebakere s.a o Aun kova so isile 13 bersh
thaj o Muhammed kova so isile samo 11 bersh.
Avdie tani i rat akale duje terne chavengiri.'Aun thaj

Muhammed.
Maj angleder te bicala prvo selami ko sa o daja e

Kerbelakere kola so denge kurbani pire chaven basho Islam.
Bahtale tane o daja e Kerbelakere kola so lengere chave pire
vojlaja mangle te den piro dzivdipe kurbani basho akava dini.
Selami ko daja e Kerbelakere!
I daj e Auneskiri thaj e Muhammedeskiri i Zejneba,
I daj e Kasimeskiri i Ummu Farwah, i Daj e Ali akbareskiri i

Ummu Layla, I daj e Ali asqhareskiri i Ummu Rubab.
O daja e Kerbelakere sine gorda upro pire chave. Mangena

sine pire chaven naravno. Sar sekoja daj koja so taro dubina
taro lakoro kalbi mangela pire chaven agahar hem o daja e
Kerbelakere mangena sine pire chaven.
"Soske togash , o daja e Kerbelakere mukle pire chaven te

meren ki Kerbela"?
Soske dzange kaj o Husseini tano ko Cachutno Drumo.

Dzange kaj lengoro kurbanluko ka spasinel o dini hem amen
ka spasinel tare Dzehennemeskiri jag.
O daja e Kerbelakere ucharge piro mangipe karshi lengere

chave samo basho sebepi akale vozvishime dineskoro,
zrtvinge pire chaven basho chave e Husseineskere - basho
Islam!
Sar shaj amen kola so mangaja e Husseine, te bistra e dajen

tari Kerbela?
Soske ma te rova hem te kera matemi basho daja e

Kerbelakere hem basho lengere chave' Aun - Muhammed,
Kasm, Ali Akbar thaj Ali asqhar.
O medzlisija e Kerbelakere nikogash nane te achon, o

Matemi e Kerbelakoro nikogash nane te achol, o asva e
Husseineske niked nane te sukjon.
MAKTAL:
O dive thaj o rakja ki Kerbela nakjena.
I 9to rat taro Muharram ali. 'I Rat e 10to diveskiri, posledno
rat e Kerbelakere sehidenge.
Nikoj tare Husseineskere shatojra na sukja odoja rat.
Sa o askejra e Imameskere odoja rat nakagela ko ibadeti,

kerindor dove hem citindor Kurani.
O daja e Kerbelakere spreminena sine pire chaven basho o

maribe.
Pravdilo o dive hem alo o vreme e Maribaskoro.
So penena sine o daja pire chavenge?
te pazinenpes?
te garavenpes?
Na Wallahi!
Penena sine pire chavenge te den kurban piro dzivdipe basho

akava dini.
Penena lenge sine te dzan te oven sehidija!
Akana te shuna so penena sine o daja pire chavenge ki 10to

rat e masek Muharrameskiri:
I Ummu Layla tani pire chaveja e Ali akbareja,"Mo manglo

chavo, tahsa tano o dive e maribaskoro. Mo chavo Ali akbar,
ma bistre deka to zivoto nane pobitno taro zivoto tire
dadeskoro. O zivoto tire dadeskoro tajsa ka ovel ki bejla.
Miro manglo, ma te oveltut sumnja te de tiro zivoto tire
dadeske."
I Ummu Rabab tani pire bebeja e Ali asqhareja.
"Miro manglo asghari, posakujnava sine te ove terno manush

te bi shaj davatut kurbani te spasine o zivoto tire dadeskoro."
I Ummu Farwah tani pire chaveja e Kasimeja.
"Kasm! Miro manglo chavo, ako tiro dat sine dzivdo avdie
prvo ka del sine piro zivoto kurbani, mo manglo Kasm ma
ladzaker man anglo to dat ko Sudno Dive, Kasm mo chavo
ma dvoumintut te de tiro zivoto kurbani basho o zivoto tire
kakoskoro e Husseineskoro.
I Ummy Kulthoom, e Imam Husseineskiri phen beshela sine

korkorik hem rovela.
O Abbasi o pral lakoro shungala sar rovela, alo ko lakere

shatojra hem puchla la:
"O miri mangli phen so roveja?so mucinelatut pen tire

praleske?
Ya Abbas, tajsa tano o dive kote so delpes kurbani a man

naneman chave te davlen kurbani e Husseineske.
"O miri mangli phen, ma rov TIRO ABBASI TANO

AKATE, tajsa me ka dav miro zivoto kurbani hedije tukje ko
anav, me ka ovav tiro kurbani."
I Zejneba tani pire duje chavencar e Auneja thaj e

Muhammedeja.
"Mire mangle chave Aun thaj Muhammed, tajsa tano o dive e

maribaskoro, o zivoto tumare kakoskoro e Husseineskoro ka
ovel ko opasnost.
Mire mangle, ako nesto desisalilo tumare kakoske dzikote

tumen sien dzivde ka ovav ladzake angli miri daj i Fatima ko
Sudno Dive, ma ladzakeren man hem nastojnen te oven o
prva so ka oven kurbanja e Kerbelaker."
O 10 dive alo o Ali Akbar denga o ezani hem o Imam

Husseini vodinga o Sabah namazi.
Odova dive sine but baro tatipe, o tatipe e Khameskoro

tharela sine o dzigejra e Fatimakere evladengere, o troshale
vosta e maksmengere sine pajlare sebepi so na pile pani 3
dive, o rojbe e Ali asqhareskoro sungola sine ko dur than, o
vikibe e ruqijakoro al atash/troshali sium denman pani
chinela sine o kalbija e Husseineskere vojskakoro..
Jek po jek o askejra e Imam Husseineskere iklile ko megdani

hem denge piro zivoto kurbani..
I Zejneba dikela sine o trupija so anena len ko shatojra jek

palo jek.
Vikinga pire chaven e Aune thaj e Muhammede.
"Me chave, kas adzikerena? soske panda na iklilen ko

megdani? dzan hem marentumen e Islameskere
dusmanencar."
"O amari daj, odamno rodaja izini/dozvola taro amaro kako

te iklova ko megdani ama ov samo odbinel amen, o amari
daj, pomozin amen, dza rode lestar tu amenge dozvola te
iklova te maramen.
I Zejneba vikinga pire prale Imam Husseine ko lakoro shatori

hem phenga leske:
"Mo pral Hussein! Zarem na sium sine tukje sar daj? o

Husseini penga, oja sian sine. Epa ti daj molinelatut te de
dozvola e Auneske thaj e Muhammedeske te iklon ko
megdani."
"Zejneb mi phen, o Dzihad nane vadzibi e chavenge, sar shaj

te mukav me penjakere chaven te meren dzikote me sium
dzivdo? Na Zejneb na davalen dozvola!"
"Hussein mo pral, ako o Ali akbar merela anglo Aun thaj

Muhammed, kole sifateja ka dikav amare daja e Fatima ko
Sudno Dive. Ka ovav ladzake, molinavatut mo pral de len
dozvola te iklon ko megdani."
O Husseini dikla kaj i pen leskiri uli mazumi hem lakere

jakja perdile asva..
Chuminga e Aune thaj e Muhammede ko chekat hem uklarga

olen ko grasta.
"Dzan, Dzan hem sikaven akale dusmanenge savoj tano o

cuvstvo te oveltut o rat e Dzafeskoro hem e Alijaskoro ko
vene.
'O Aun thaj o Muhammed dikle pire daja hem phenge"
"Achov Devleja miri daj, achov Devleja miri daj."
"Dzan Devleja mire chave, vikinga i Zejneba."
'O Aun thaj o Muhammed iklile ko megdani, hrabro

margepes zaedno. O unukija e Dzafereskere thaj e Alijaskere
ingarge e dusmanen palal, but manusha tare Jezideskiri
vojska sine mudarde.
'O Abbasi thaj o Husseini duraldan dikena sine akale duje

tikne pralen sar marenapes hem mada jek kapka pani na pile
trin dive. 'O Abbasi kova so sikavga e Aune thaj e

Muhammede sar te marenpes e macheja, dichindor dikela len
sine.
O omar ibn saad, o komandiri ke jezideskiri vojska,

sekirisalilo, naredinga pire vojnikonge te razdelinen e duje
pralen hem te napadinen len taro sa o strane.
'O Aun thaj o Muhammed sine razdelimo ko posebna strane

hem sine opkolime tare jezideskere askejra.
O duj prajla sine napadime taro konjanikija kola so tari

sekoja strana prastana sine. ' o Aun thaj o Muhammed sine
napadnime, strelkencar, machencar kopjencar thaj barencar
taro sa o strane.
Kozom shaj akala duj terne tikne troshale bokhale chave te

izdrzinen?
Perindor ki phuv vikinge:
"Kako Hussein ava, ava posigate hem pomozin amen."
O Husseini thaj o Abbasi prastandile ko megdani.
O chave sine but ranime hem dishinena sine piro posledno

zdiv/dishibe.
"Kako, de selami amare dajake, Kako molinajatut pen amare

dajake kaj achilem ko amaro lafi, na gelem ko eufrat te pija
pani."
O Imam Husseini hem o Abbasi ingarge o trupija akale duje

tikne chavengere ko shatojra.
'O Ali akbar rovindor vikinga:
Mire prajla o Aun hem o Muhammed tane mudarde."
I Zejneba sunga o rojbe taro shatojra, oj na runga. Kerga

sedzda hem phenga:
Ya Allah, Ovsasto so prifatingan miro kurbanluko, Ya Allah

dichinavaman mire chavencar so denge piro zivoto kurbani
akale dineske!"
O trupija e Auneskoro hem e Muhammedeskoro paslona sine

tele ki phuv, o daja e Kerbelakere kedingepes hem runge
akale duje terne chaven.
Ya Aunna Ya Muhammada, Ya Aunna Ya Muhammada.
I Zejneba ni jek asvin na mukla hem na runga pire chaven.
Inna Lillahi wa Inna Ilaih Radziun!

Taro Allah alem hem ki leste Iranajamen.
5to rat - Medzlis Kasm ibn Hasan al Mudztaba

Avdie tani i 5to rat taro Muharram.
Amare medzlisija ka thavden ponodorig in sha Allah. In sha

Allah amare asva nane niked te sukjon bashi Kerbela hem
olakere sehidija.
I Fatima s. dikela amare asva sar perena lakere caveske hem

oj ko Sudno Dive odoleske ka cidel amen tare
Dzehennemeskiri jag koja so ka tharel sa odolen so kerge
zulumi e Husseineske a.s.
O Husseini, leskere amala hem leskiri familija tane ki

Kerbela.
Akaja rat tani but dukavdi,so ka ovel ko cest e Imam

Hasaneskere chaveske e Kas'meske, akaja rat sine cinavdo o
pani taro chave e Husseineskere ki Kerbela.
O vikibe taro chave, "Pani, Pani, PANII sungola sa sine sa

povishe hem povishe.
Avdie tani i rat jeke terne chaveskiri, e tikne Kas'meskiri

kova o sinele samo 13 bersh ki Kerbela, o chavo taro Imam
Hasani hem i Ummu Farwah.
MAKTAL:
Alo o dive e maribaskoro ki Kerbela.
'O Ali akbar denga o ezani hem sarine kldinge o sabah

namazi.
Jek palo jek e Husseineskere amala iklile ko megdani hem

ule sehidija, denge piro zivoto kurbani basho akava dini.
Dzi ko pladne, o Husseini achilo samo pire najpahencar, e

Auneja e Muhammedeja, e Kas'meja e Ali akbareja thaj e
Abbaseja.
O amala e Husseineskere dzikote sine dzivde na dozvolinge

prvo e Husseneskere evladija te iklon ko megdani, ama vishe
nikoj na achilo osven leskere evladija.
O Aun thaj Muhammed iklile ko megdani te spasinen o dini

hem pire kako e Husseine ama niked palal na irasalile...
O Kas'mi lela dozvola tari piri daj i Ummu Farwah, palo

odova gelo ko leskoro kako o Husseini te lel dozvola.
Sar shaj o Husseini te del dozvola pire praleskere chaveske te

merel? Sar ka dozvolinel nesto asavko?
"Kasm, tu sian terno hem tu sian o jedino chavo tire

dajakoro. Kasm tu sian me praleskoro chavo.
Dengum lafi me praleske deka ka arakavtut palo leskoro

meribe, mo manglo Kasm tu setinkerejaman ko sifati mire
praleskoro, na Kasm na davatut dozvola te iklove te
maretut."
O Kas'mi shunindor akala lafija but razocarisalilo, gelo ki

piri daj te rodel latar pomoch bashi akaja situacija. I daj
leskiri potsetinkergale basho o tikno lil kova so leskoro dat
panglale ko leskoro vas.
O Kas'mi pravga o lil hem andre ko lil pishinela sine poraka

basho Husseini.
O Kas'mi dikindor odova pocminga te asal hem te ovel

bahtalo, hem posigate ingarga o pismo ko piro kako ko
Husseini.
O Husseini citinga o pismo kova so leskoro pral o Hasani

pisinga leske:
"Mo pral Hussein, dive ka avel koga o Islam ka ovel spasimo

samo odoleja so ka ovelpes dendo kurbani. Hussein me nane
te ovav dzivdo ko odova dive, ama miro chavo o Kas'mi ka
ovel odote. Miro amaneti tano o Kas'mi te prestavinel man
ko odova dive.
Vikinga o Husseini:
"O mo manglo Kas'mi sar shaj akana te achavavtut.. Dza

Kasm dza." Ingarga e Kas'me te reselpes e Zejnebaja hem
phenga:
"Zejneb, ana mange i dzuba e Hasaneskiri hem leskoro

turbani."
O Husseini uravga e Kas'me leskere praleskere shejencar

hem phenga:
"Yaaaa Zejneb! Dik e Kas'me ama shuzo tano, dik kozom

lichinela upro amaro pral o Hasani."
Asva thavdinge taro jaka e Husseineskere thaj e Zejnebakere

dzikote dengepes godi ko piro pral o Hasani.
Uravga o Husseini e Kas'me o sheja e maribaskere hem

dengale o machi ko vasta.
Terno chavo macheja ko vas! o Kas'mi sine odobor terno so

dzikote pirela sine o machi leskoro lazinela sine ki phuv.
Nasti uklela sine korkorik ko piro gras, alo o Abbasi hem

pomozingale te uklel.
O terno Kas'mi dzala ko megdani, javachi kaskere pre na

resena sine dovolno zada te uklel ko gras, ama zelbaja te
spasinel akava dini.
Akava chavo tano chavo e Hasaneskoro, o unuko e

Alijaskoro, hem ov sine trenirimo taro Abbasi.
O Kas'mi margapes but zoraleste, maribe kova so nikogash

nane te bistergovel. O dusmanja nasthi achavena sine akale
terne chave, hem jek tare jezideskere askera alo palaldan hem
kuvgjaaaaa ko shero e Kas'me macheja.
O Kas'mii uchardooo ko rataa, o terno Kas'mi kova so sine

troshalo cela trin dive nasti povishe izdrzinga, dzikote perela
sine taro piro gras rovindor vikingaaaa:
"O mirooo kakooo Husseinnn avaa pomozinmannn Kakooo

Kakooo Hussein!"
O Husseini hem o Abbasi prastandile ko megdani.
Dzikote prastana sine ko megdani o dusmanja darandile, hem

o grasta e dusmanengere nashavdile tari dar pa dzana sine
akari okorig.
Pa dzikoteee sinee o grastaaa prastanaa akari okoriggggg

gazingeee o trupiii e terne Kas'meskorooo kova so sinele
samo 13 bershh.
O Husseini thaj o Abbasi rodena e Kas'me.
Vikinela o Husseini:
Mo mangloooo Kasmmm kaj siann? Yaaa Kasmmmm pen

nesavo lafi te kakoskeee, mo chavoo Kasmm kaj siannn???
O Kas'mi nashti penga ni jek lafi soske cinavga te dishinel..
Koga o dusmanja cidisalile palal, so te dikel o Husseini??

E Kas'meskoro trupi na sine ko jek kotor, o grastaaa kergeee

e ternee Kas'me ko kotora..
Zamislinen sar osetinga pes o Husseini dikindor pire

praleskere chave ko kotora kerdo so sine gazimo taro sa
odola grasta..
Allaaaahu AKBARR ALLAHU AKBAR ALLAHU

AKBARRR
so ka kereel akanaaa o Husseiniiii sar ka ingareell e Kas'me

soj tano ko kotora kerdo..
Ikalgaa piri dzubaaaa hem poocmingaaaaa te kedelll o

kotoraaa e terne Kas'meskere..
Koga resla ko shatojra vikinga rovindor:

ZEJNEBBBBB!pomozinman ja Zejnebb, phagilo miro kalbi

naneman vishe takati te piravav e Kas'meskoro trupi ko
shatojra.
I Zejneba pomozinga pire prale hem o daja e Kerbelakere

kedisalile hem kerge matemi e Kas'meske...
"Yaaaa Kasmmmm , Yaaa KASMMMM, YAAA

KASSMMMMMM!"
Inna Lillahi wa inna ilaih rajiun!

Taro Allah alem hem ko Allah ka iranamen..
6to rat ALI AKBAR IBN HUSSEN

O Imam
Husseini a.s dingja,
Po najvredno neshto ko zivoto.Dengja pire terne cave,18-

bershengoro Ali Akber!
Avdive oh tu miro manglo Husseini a.s ,ka rowa hem ka kera

maatemi.
I Fatima s.a ka rovel amencar.Amaro Mawla o Alija a.s ,ka

owel amencar.
O Husseini a.s ka kerel dova amenge.O Hussein a.s hem i

Zayneba s.a ka roven amencar.
Avdive ,tani i rat taro terno cavo e Imam Husseineskoro a.s

,o dzivdipa e Imameskoro ,o manglo e zeynepakoro hem i
Umm Lejla, okova kova so licinela upral Muhammed
Mustafa.
Avdiwe ,tani i rat e Ali Akbereskiri a.s .
MAKTAL!
O Diwe tari "Ashura "
Sine ki phuv Kerbela.
Sine vreme taro fajr.
O Imam Husseini a.s vikingja pire cave Ali Akbere a.s .
"Mo cavo" Ali Akber, dza hem de Ezani.

"Ya Ali Akber mangava te sunav o glaso mire paposkoro, Ya
Akber tu isi tut glaso sar tiro papo ,o resuli.
"Allahu-Akber ,Allahu-Akber......."
O Ezani e Ali Akbereskoro a.s , sungjola sine ki phuv

Kerbela.
Posledno Ezani e Ali Akbereskoro...Adava na sine obicno

ezani...
Adava ezani sine kerdo taro Khalbi.
O Hussein a.s pocmingja te rovel, setingjape ko piro papo.

Sa o dzuvla ko shatori rovena,i Zayneba s.a perdili asvencar.
Sarine kldingje o fajr.
Palo adava pocmingja, o maribe ki Kerbela.
Jek po jek ,o Ashabija e Husseineskere a.s .

Dzana te marepes hem sine mudarde.
Aun hem Muhammad gele,hem ola sine mudarde.
O Qasim ibn Hasan gelo, hem ole cingje ko kotora.

Ali Akber hem Abbas pomozinena sine e Imam Husseine a.s

te anel o tenija ko shatorja.
I Rukaya s.a sine trushali.Abbas gjelo te lel pani,o Abbasi na

irangjape.
O Hussein a.s korkori e Ali Akbereja a.s
Phage khalbeja,perdo ko duka , sa ule shehidija ko diwe

Ashura.
Sar shai o Hussein a.s te izdrzinel

Dostaa sine dosta dosta....
Ali Akber a.s o manglo e Husseineskoro a.s alo ko piro dat

hem pucela:
"Mo dat ka de man izini te, dzav te maravman e

dushmanencar?"
Jek terno cavo alo ko piro phuro dat,te rodel izini te merel ,
kova dat izini ka del 18-beshengoro cavo te merel?
O Hussein so te kerel, izini sar te del pire caveske te merel?
" oh tu miro cavo" mandar isi tut izini,dza rode izini tari ti
daj hem ti bibi Zayneba s.a
Ali Akber lela izini tari pi daj hem dzala te rodel tari bibi
Zaynepa s.a
Ya bibi Zaynep ,phen mangje kaskoro zivoto tano po vazno

tire Ali Akbereskoro, ili o cavo e Fatimakoro o Hussein a.s .
"Mo chavo Ali Akber "

Me ka dav iljada zivotija te spasinav e cave e Fatimakere s.a.
o zivoto e Imam Husseineskoro a.s
Ya bibi ,muk man te dzav ,

Nikoj na acilo te spasinel Husseine a.s ,dema izini bibi dema
izini bibi te dzav.
"Bi ismi Allah dza mo Chavo dza"
Vazdingje e Ali Akbere ko piro gras.

Husseini rovela, umm Lejla rovela, bibi umm Kulthoom

rovela ,bibi Zeynepa rovela
Fi Amen Allah ,mi daj

Fi Amen Allah ,mo dat
Fi Amen Allab , bibi Kulthoom
Fi Amen Allah, bibi Zaynep.
O Ali Akber cidela te dzal ,te marelpes.
Sunela sar nekoj pirela pali leste,acilo hem irangjape so te

dikel?
Dikla pire dade Imam Husseine,sar avela pali leste.

"Mo dat kaj dzaja , iran tut ko shatorija molinava tut.
"Mo cavo ali Akber me mangava te dikav tut ka acovav akate

, de man lafi ka ka irane to shero ko nekozom cekorija te
dike pala.
Ali Akber dzala...
Ko nekozom cekorija o Ali Akber iranelapes dikela o Imam

Hussein a.s dikela le.
Alo ko than e maribaskoro..
Ali Akber marelapes e dushmanencar,mudargja bute

askeren.
"Ali Akber iranelapes ko piro dat".
"Mo Dat diklan li sar mudargjum e dushmanen,mangava o

Abbasi a.s te owel akate hem te dikelman.
Mo dat de man nekozom kapke pani...,mo dat me sijum but
trushalo,ako shai te owel man hari pani ka ingarav sa e
askeren e Jeziteskere la ko Dzehenemi".
Mo cavo , ava pipin miri chib..
O Ali Akber pipinela i chib e Imam Husseineskiri as,

Ya mo dat tiro muj sukilo povishe taro mlo, tu sijan
potroshalo..
Ali Akber dzala te marelpes.

Umar ibn Saad la. Civela pire askere te mudaren e Ali

Akbere.
Ale povishe askerija,pocmingje te marenpes e Ali Akbereja,

Jek askeri dushmani frdingja o kopje ko kolin e Ali
Akbereske.
Allahu Akber! O kopje kugja ko kolin e Ali Akbereske, i

curik kugja ko khalbi e Akbere.
Ali Akber pelo taro piro gras,pishtinga yaaa mo Dat Ya

Hussein le mo selami posledno puti.
Hussein a.s prastandilo te dzal ko Ali Akber.
Mo cavo kaj sijan , phen mange?

Hussein a.s dikela pire cave , sar pashlola ki phuv kerbela

pire vastencar ko kolin.
O Hussein lela o shero e Ali Akbereskoro ko pire vasta.
Mo cavo , soske ucareja te vastencar to kolin,dali dukala tut

deman te dikav.
Na mo dat te ikalgjum mire vasta taro mo kolin na ka shai te

izdrzine.
O Husseini cidela o vasta e Ali akbereskere , so te dikel curik

ko kolin e Ali Akbereske.
So ka kerel akana o Hussein...
O Hussein civgja pire vasta ki curik hem dikla ko nedjef

hem pishtingja: yaa babaa..
Ya mo dat pomozin man , tuke sine lesno ikalgjan o udar ko

khayber. , ya mo dat pharo i mange te ikalav i curik taro
kolin me caveskoro.
Pishtingja "ya Ali" o Hussein ikalgja i curik
Rata iklona taro Ali Akbereskoro kolin, o Ali Akber

dishinela pohari.
Sar o Hussein korkori te ingjarel e Aki Akbere, cigja e Ali

Akbersker vasta ki pi men.. o Hussein ingjarela pire cave.
O pre e Ali Akberesker vlecinenapes ki kerbela.

Ya Hussein Kozom sabri isi tut!
Ked resla ko shatorija pishtigja :ZAYNEB POMOZIN MAN

ava le e Ali Akbere..
Umm Lejla pomozin man ava e amare mangle.

Inna lillahi ve inna ilayhi radziun..
7to rat ABBAS IBN ALI – O BAJRAKTARI E

KERBELAKORO
Abul Fadhl Abbas
Avdive tani i 7-tato rat taro Muharram
Ki akaja rat ka rova povishe , hem maatemi ka kera.
Avdive tani i dukavdi rat ,i rat e Fadl Abbaseskiri.
Vay Abbas!
O Abbasi kova so vodinela e askeren, o silno askeri vay

waila , Ya Abbas Alemdar tu so piraveja o bajrako ki phuv
kerbela, o manglo phral e Husseineskoro a.s. , o cuvari e
Zeynebakoro hem e bibi Khultumakoro , o manglo kako e
Rukiyakoro , o cavo tari Ummul Banin , o Hajdari e

Alijaskoro.
Angleder te merel o Imam Alija a.s astarga o vas e

Abbaseskoro hem e Husseineskoro a.s :
"Ya Abbas mo cavo , o Husseini a.s tano o cavo e
Fatimakoro s.a
Ya Abbas o Husseini a.s tano tiro mawla, hem tu sijan

leskoro sluziteli , Abbas arak tire phrale e Husseine a.s
Taro adava diwe o Abbasi ispolninela i zelba pire phraleskiri.
O Abbasi vikinela sine pire phrale Ya Mawlaa..
Ow sine i senka e Husseineski a.s
O Abbasi sine e Husseineja a.s ki Kerbela.
O Husseini dzanela deka o Abbasi a.s tano sar po Dat o Alija
a.s..
O Hussein phenela pire phraleske:
"Ya mo phral , ma le o klci te maretut .alam te spasina o

Islam , te sikavalen o cacutno dini, na amare klceja nego
amare ahlakoja.
Sabri ya mo phral te owel tut !
Keda phanle o drumo e Ehlibejteske te lel pani, o Abbasi

holangja hem ikalgja piro klci o Hussein phenela :
"Na mo phral , nek owel tut sabr na alam akate te maramen.

O Abbasi o silno askeri, cidingja piro klci odova sine baro
sabri.
MAKTAL!
Ali i Ashura o Ali Akber dela o ezani te kldinen fajr sabah.
O maribe ki Kerbela pocminela , o ashabija e Husseineskere

po divdzipe dena
O Abbasi e Husseineske phenela:
Ya Mawla deman izini ,te dzav te maravman , dosta

dukavgje amen dosta cingje o shere amare amalengere,
deman izini te mudarav e dushmanen.
O Husseini a.s phenela: ya Abbas sar te mukav tut mo phral

te dza, tu vodineja miren askeren, tu sijan mo piko mo phral
kaj ka ovav me bizo tute NA ABBAS MA DZA!
Trin mangle prajla e Abbaseskere gele te marenpes hem sine

mudarde.
Aun hem Muhammed gele, o lanetija olen mudargje.
O Kasimi gelo hem sine mudardo ko kotora cindo.
O Abbasi nashti te dikel o duka ki kerbela leskoro khalbi

thargje, gelo izini te rodel ko shatori ki Zeyneba hem ki
ummul Khultum ,dzanla o Abbasi kaj le nane te muken le.
O Abbasi gelo ko Husseini izini te rodel o Abba Abdullah

na mukela le te dzal te marelpes..
O Abbasi mislinela sar te lel izini..
I tikni Rukaya avela pire bokaleja ko Abbasi yaa Abbas dik
mo bukali shukilo nane le pani trushalipe Kako isi amen..
Lela e Rukiya ki Angali hem gelo ko Aba Abdillah.

O Abbasi gelo angla Hussein as, I Rukiya leske ki angali.
O Abbas na trebingja nishto te penel.
O Husseini dikla e Abbase, pa dikla e Rukiya hem lakoro

kalo bukali.
O Hussein svatingja o Nijeti e Abbaseskoro.
"So te penav akana Ya Abbas ? Angjan e Rukiya (a.) tuja.

Dza, dza habibi ya Abbas. Dza hem per pani o bukali e
Rukijakoro as."
"Ama Ya Abbas, muk to klci akate, tu na dzaja ki Borba,

dzaja te le pani e Rukiyake (a.)."
O Abbasi dengja le po klci. Pa o Abbasi chumingja e Rukiya

hem mukla la tar pi angali, hem pengja lakje:
"Ya Rukiya, ker dova te anav o pani."
Pa o Abbasi ka dzal ki Zeyneba.
"Ya Zaynab, deman izini te dzav te mudarav e laneten.
Ya mo phral ! Sungjum deka ka coren miro hijab .

Me phengjum sar ka coren miro hijab ked isi man 18
phrala.Akana tu ked ka dza Abbas verunava deka mo hijab
ka ovel chordo..
O Abbasi dzala te marelpes e dushamencar.

Ko jek vas , o Abbas ikerela o bajrako , ko javer ikerela piro

kopje hem e Rukiyakoro bokali. O Abbasi na lela piro klci
soske na mangla te marelpe ov lela piro kopje te
zashtitinelpes hem gelo ko Eufrat.
O askerija e jeziteskere dikena o ajbe e Abbaseskoro.

Dikena sar avela o Abbasi ov tano sar po dat o Hajdari,
pocmingje te daran..
Nesave askerija gele ko Abbasi te marenpes leja, o Abbasi

mudargja len pire kopijaja.
O Abbasi resela dzi ko pani pherela o bokali e Rukiyakoro.

Palo adava civela pire graste te pijel pani, a o gras dikela ko
shatorija hem te phene vakerela:
"Ya mewla mislineja li deka ka resel o pani ki Rukiya.
ya Mawla nashti te pijav o pani ked dzanava deka i Rukaya

hem o Ali Asghar tane trushale , prvo te da pani e cave pa me
ka pijav.
O Abbas jeke vasteja o Bajrako ikerela a okole vasteja

ikerela piro kopje hem o bokali e Rukiyakoro iranelapes ko
satorija.
O Laneti omar ibn saad , phenela pire askerenge ma te

muken e Abbase tee ingarel o pani te resel ko shatorija.
O dushmanja opkolinge e Abbase taro sa o strane o srelke

letinena taro sa o strane.
E Abbase pogodinge bute srelkencar, o rata tavdena lestar
sine ki phuv kerbela.
Jek askeri alo palaldan hem cingja klceja e Abbaseskoro vas,

o Abbasi lela o bokali pire dandencar a leskoro vas hem o
kopje perena ki phuv.okova da vas cinena, o bajrako e
Abbasestar perela.
O Abbasi ko piro gras bizo vasta a o bokali ikerela ko danda.
O pani mora te resel dzi ki Rukaya te pijel pani..
E Rukiyakoro bukali panda sine perdo pajneja. Frdingje

strelkaja, pogodingje o Bokali e Rukijakoro as.
Ked dikla akava o Abbas AS, leskoro kalbi tresingja. Ya
Rukiya, akana so ka pije?
Pa o Abbasi AS, ka perel ki Phuv, ka vikinel:

"Assalamu Alayka ya Aba Abdullah, ava mande."
O Hussein shungja akava, prastala ko Abbasi.

O Abbasi ka penel:
"Ya Maulay, deman te dikav tut, posledno puteske."
O Hussain as, ka vikinel:

"Ya Rabb, mo piko pelo, mo nadez nasavdilo, mazlumi
sijum, ya Rabb."
O Husseini dikla pe prale ko rata, ki phuv karbala, bizo vasta

pashlo, leskere vasta frdime.
Kozom dukala to Kalbi , ya Hussain ? Ya Aba Abdillah !
Lela o shero e Abbaseskoro , chigja le ko po Kolin hem

vikingja:
"Ya Abbas, tuda muklan man, ya abbas, so ka kerav bizo

tute, ya Abbas, mo kalbi dukalaman."
O Abbasi rovela.
O Hussein ka penel:
"Mo pral Abbas, isi tut li nesavi zelba?"
O Abbasi ka penel:
"Oja mo pral, keda bijandiljum prvo dikljum to sifati, akana
mangava posledno puti te dikav tut."
O Hussein (a.) ka penel:

"Pa dik man mo pral."
Nashti dikava tut, ya Aba Abdillah, ki desno jak isi man

strelka, a i levo jak perdi rateja.
Waa Abbasaa !
O Aba Abdullah ka kosel leskere Jakja taro rata.
Pa o Hussein ka penel:
"Manda isi man jek zelba, sekogash vikingjan man
"Sayyedi", vikin man jek puti "Mo pral".."
O Abbasi ka penel asvencar:

"Waiii mo praal. Na mangava te dikel man i Rukiya (a.)
agjar, ladzava, na mangava te dikel man agjar mi phen i
Zeyneba hem i Umm Kulthum. Na mangava te rovel i
Zeyneba."
O Abbasi dishingja basho posledno puti hem nakla i dunja e

Husseinske ko kolin.
So te kerel akana o Hussein as?
O Husseini vazdingja o bajrako hem pocmingja te pirel dzi

ko shatojra. I Rukiya (a.) diklja o Bajrako hem vikingja:
"Avela mo kako o Abbasi, avela.."
O Hussein resela, i rukiya diklja deka o aabbasi Nane...

8to rat ALI ASGHAR IBN HUSSEIN

O NAJTIKNO SHEHIDI
ALI ASGHAR
O Husseini sine spremno te del sa taro po zivoto. Spremno

sine te del pe Familija.
Nikogash na darandilo te del Pe familija kurbajna fi sabilillah
ko anav e Allaheske..
O Hussain rodela Sabri, wa hussaina.
Ya Allah, savo Kalbi sine tut ya Hussain?

Aun hem o Muhammad gele kurbajna.

O Qasimi kerdo ko Kotora.
O Abbasi chinde leskere Vasta.
O Ali Akbar pajlardo leskoro Kolin.
So te del Panda o Hussain ?
Avdive i Rat taro Ali Asghar, o tikno Mudzahid, o princo e

Husseineskoro, o najtikno Shehidi.
MAKTAL!
Ashura Ali ki Phuv Karbala.

Nikoj na achilo, sarine gele shehidija.
O Hussain achilo korkori, nane so te kerel. Mora te dzal te

del po dzivdipa , ya ABA abdillah.
Lela po gras hem vikingja "Hal min Yanseren yansurana" ?

ISI LI NEKOJ TE POMOZINELMAN?
Taro shatori shunela o Rojba e tikne Asghareskoro.
O Husseini irangja pes ko Shatojra. Diklja deka i Zeyneba

rovela.
"Ya Zainab, Panda sijum dzivdo, so roveja?"
I Zeyneba (a.) ka penel:

"Ya Hussain, keda vikingjan HAL MIN NASEREEN
YANSURANA..o Ali Asghar pelo tari Kolepka."
O Hussain svatingja savo Ishareti akava.
O Hussein gelo ki Rubab. O Ali Asghar sine lakje ki Angali.

Rovela sine taro troshalipa, leskoro krlo nashti izdrzinela,
waa asghaar.
I Rubab probinela te smirinel e tikne Mazlume.
O Hussain (a.) lela e Asghare, hem shepotingja leske ko

Khan, o Ali asghar smiringja pes. Diklja pe dade hem
asandilo leja.
"Ya Rubab, ka lav e asghare te rodav leske pani."
Dzanena li soo pengja leske ko Kan?
Pengja:
Hajde mo chavo, Hajde te law tukje pani.
O Imam Hussain lela e Asghare ko than e maribaskoro, but

sine tato o kham thablola sine, pa o Hussain ka ucharel le pe
dzubaja, te shaj o kham tena tharel e asghareskere troshale
voshta.
Vazdingja Pire duje Vastencar e tikne troshale Asghare hem

vikingja:
"Tumen isi tumen problemi mancar, akava maksmi nishto na
kergja tumengje, troshalo tano, den le pani. Tumende da isi
tumen maksmija, pa hatri tumare maksmija den le barem jek

kapka pani."
Ni jek taro jeziteskere askerija na dengje pani e Ali

asghareske.
O Imam Husseini AS vakergja;
"Saj mislinena keda ka anen o pani kaj ka pijav me,
odoleske ka mukav akale tikne cave ki phuv tele pa tumen
shaj avena hem dena le pani.
O Husseini a.s Mukela e Ali Asghare ki phuv kerbela.

"Ali asghar pashlola ki tati phuv kerbela hem irangja po
shero ke jeziteskere askerija.
Nikoj na alo pani te del e Ali asghare
O Husseini a.s lela e tikne Ali asghare,hem vakergja;
"Mo cavo tu sijan but tukno te maretut klceja."
Ikal tiri chib te diken kozom sian zedno..
Pa o Omar ibn Saad la, ka vakerel e Hurmalaske la:

"So achikereja? Frde ti Strelka."
O Hurmala frdingja pi Strelka. Na jek oshtrica, na duj, negoli

trine Oshtricencar, ko akava tikno Krlo.
Akava akana so ka shunen, tumare kalbija ka tharel, akava

nashti izrdzinena.
Ki Phuv kerbela letingja i Strelka trine ostricencar, letingja

upro tikno Ali Asghar.
Keda dikla o Hussain, deka avela i Strelka, chigja po Vas e
Asghareske ko Krlo.
I Strelka pododingja e Husseine ko Vas.
Nakla taro Vas e Husseineskoro, kuvgja ko Krlo e

Asghareskoro.
O Asghari prestaningja te dishinel, o asghari gelo ko Alija,

gelo ki fatima as.
Nakla i Dunya i tikni dusha.
Waa Asghaaar !
O Dat, kova so rodela Panii Panii, pe tikne Chaveske, pani

na dobinela.
Namesto Pani, strelka ko krlo dobingja o Tikno Asghari.

So te kerel o Hussein (a.) ?
Sar te kerel ?
O Hussein pohari ikalela i Strelka taro krlo e Asghareskoro

as.
Chiv tut ki Koza e Husseineskiri. Zamislin to chavo troshalo

mudardo, a tu lestar strelka te ikale.
Waa Hussaina !
Taro Asghareskoro Krlo rat prskinela.
Tari Phuv glaso iklola:

"Ya Hussain, na prifatinava leskoro rat, se o Allah sa ka

unishtinel."
Tari Nebesa:
"Ya Hussain, ma frde o Rat ki Nebesa, se brshim tari nebesa
nane te perel."
O Hussain (a.) Kosla o Rat taro Asghareskoro tikno Muj.
O Husseini, dzala ko Shatojra, dikla e Rubaba.
I Rubab achikerela te avel lakoro Nuri, tikno Asghari as.
O Hussain ka penel:
"Sar te penav lakje...."
Resla ki Rubab hem pengja:

"Ya Rubab, ava le te chave, gelo shehidi, o Asghar."
I Rubab keda shungja akava vikinela:

"Ya Raaab, mo kalbi dukala man"
Gushingja e mule Asghare hem rungja.
Pa o Hussein ka penel:
"Ava Rubab, hajde te paruna e Asghare."
Pa ka dzan palo shatojra hem ka parunen e Asghare as.

O Hussein beshla hem rungja, e Asghareskoro grobo na sine

le pani te chiven upra ki Phuv, o grobo e asghareskoro
sapenkergja le o Hussein pe Asvencar ..
Wa Asgharaa ...
Inna lillahi ve inna ilayhi radziun
10to SABAJ HUSSEIN IBN ALI
Koga o Imam husseini parunga pire 6 masekongere cave ,

gelo ko satojra e akileskere em dikla kaj nane nikoj odote ,
gelo ko satori kaj so sine i familija e dzafereskiri ama odote
da na sine nikoj odote ,gelo ko satori kaj so sine leskere
ashabija ama nikoj na sine odote,togash gelo uza o trupija
pire ashabengere em penga :Ya habib ibn mazahir , ja

muslim ibn awsaja ,ja zuheir ibn kajn soske na odgovorinena
mange ked vikinava tumare anava , soske na sunena mo
glaso em na odgovorinena mange , ako sovena penava
tumenge onma te usten ,akalaj tane o caja e resuleskere a.s
nane nikoj te zastitinel len , odoleske usten te zastitinen len ,
o Imam bakir a.s penela : o Imam husseini a.s penga o
ALLAH akale manushen laneti ka kerel len , sar so kerga
laneti e manushen so kerge e isa jek taro trin devejla!
Mire ratvale bradaja mangava te dikelman o resuli a.s ko
sudno dive , ya ALLAH ov svedoko deka mo meriba tano o
meriba e resuleskoro a.s
irangapes em penga o lafija , hal min nasrin jensuruna , isi li
nekoj te pomozinelman , palo akava kuga ko satojra e fatima
zehrakere , ked kuga ko satojra andre dikla e rukija e zejnepa
e lejla e ramla e sukejna e rebab sarine sine andre ko satojra ,
ked dikle e husseine pocminge sarine te roven dzandor kaj o
Imam husseini a.s achillo korkorik ki ratvali phuv kerbelakiri
..
o Imam husseini a.s diklalen em penga lenge , oven rahati em

keren sabr i o ALLAH ka arakeltumen hem o ALLAH ka
mudaren e manushen avdie so ka keren mange ,,
taro jek puti ,jek glaso sundilo : denman jek kash em denman
jek machi , odova sine o glaso e zejnul abedineskoro.
ked puclele soske mangeja kash em machi : o Imam zejnul

abedin penga lenge , o kash trebela man te shaj ikeravaman
ko pre a o machi te odgovorinav me dadeske ked penga isi li
nekoj te pomozinelman :/
o Imam
husseini a.s gelo ko zejnul abedin em penga leske , o mo
cavo zejnul abedinn , tu sian o najcisto em o najsukar palo
miro meribe, te gelan tuda koj ka ovel Imami taro poteklo e
resuleskoro a.s
o Imam husseini penga e zejnepake ja zejnep besakerle tele ,
se te gelo ovda nane te achol Imami taro cave e fatimakere
s.a ,togash vikinga e rukija e sukejna e lejla e rabab te den

bejati ko Imam zejnul abedin a.s.
palo odova o Imam hussein a.s irasalilo karshi o dzuvla em

penga lenge : koj ka del man me graste te dzav ko megdani e
kerbelakoro .. i pen leskiri i zejnepa lela leskere graste em
angaale ko Imam husseini a.s , dikla e Imam husseini as ko
jaka em penga leske : ja aba abdilah , diklan li nekad asavke
pejna te del pe prale o gras dzandor deka ka merel ! ked
sunga akala lafija tari zejnepa o Imam husseini a,s penga ja
zejnep molinavatut ma ker agaar lafi dukaveja mo kalbi
andral iker sabr i zejnep iker sabr ii...
ko odova momenti ked uklilo ko piro gras i zejnepa vikinga

achov achov o tu o cavo e zehrakoro s.a , o husseini irasalilo
palal ki pi pen ki zejnepa em penga lakje , o mi mangli pen i
zejnepa koga mmi daj i fatima muli penga tukje nesto ko
khan koga da te pucavtut sine so penga tukje namangeja sine
te pene mange, peneja sine mange ka avel dive ka penav
tukje so penga amari daj i zehra , i zejnepa penga ja aaba
abdilah dzikote amari daj i fatima dikela sine ki medina

denga man jek amaneti penga te dikav to kolin em te dikav ti
men !
Jek dive mi daj i fatima penga mange kaj jek dive ka achove
korkorik em kaj nane te ovel nikoj koj te arakeltut ,kaj oj
nane te ovel odote , kaj o alija nane te ovel odote kaj o hasani
nane te ovel odote , o zejnep tu ka ove leja samo ko odova
momenti , ja zejnep mangava te kande leskoro kolin em te
cumine leskoro krlo :(
i zejnepa kandinga o kolin e husseineskoro em cuminga o

krlo e husseineskoro .
o husseini a,s gusingala em penga lakje ja zejnep iker sabr

iker sabr ii...
i zejnepa penela ja aba abdilah mi daj i fatima isto penga te

davtut akava gad , koga ka mere te shaj te ucharen to telo ...
togash o Imam husseini a.s reslapes e zejnepaja uklilo ko

piro gras em gelo ko megdani kaj so sine i vojska e omer ibn
sadeskiri em vikinga me sium o cavo e alijaskoro em gelo te
penel e omereske , o omer ibn sad isiman trin bukja te rodav
tutar , o omer ibn sad penga e Imam husseineske kola tane
odola trin bukja so rodejalen , o Imam husseini penga :i prvo
buti tani , denman hari pani soske o trosalipe cinela andral
me dzigejra , i dujto buti o omer ibn sad molinavatut ma
zakacin mire caven em ingar len rahati ko lenogoro ker
palal,i trito buti o omer ibn sad vaker te askerenge te
marenpes mancar jek ka jek.
o omeri ibn sad diklale em penga leske: o husseini i prvo buti

so rodingan niked nae te datut pani ,jedino pani so ka pije
tano o pani e dzenemeskoro , bashi i dujto buti niked nane te
araka te caven em but ka maralen palo to meribe , a bashi

trito buti so rodingan na smetinelaman ako mangeja te
maretut jek ka jek , ka maretut jek ka jek me askerencar .
o Imam husseini alo ki sredina kaj so sine o askejra em penga

: o tumen i vojska e omereskiri , zarem me na sium o unuko e
resuleskoro a.s zarem me na sium o unuko e hatidzakooro s.a
zarem me na sium o cavo e fatimakoro , zarem me na sium o
cavo e alijaskooro as , zarem o dzaferi tajar nane mo kako ,
zarem o hamza nane o kako me dadeskoro ,o askerja
irangeleske .. amen dzanaja sa akava ama palem nane te
cinavel amen te mudaratut basho odova to dat so kerga ko
bedr em ko hunejn amare dadenge...
o abdulah ibn amejr prenesinela : koga diklum e husseini ko

megdani e kerbelakoro , mudarga sa e manushen so mangle
te marenpes leja jek ka jek ..em togash gelo ko eufrat a ko
eufrat sine 4 ilade askejra ama koga dikle o askejra e Imam
husseine a.s sar avela ko eufrat darandile em sarine
cidingepes , o Imam husseini lela o pani ko pe vasta em
mangla te pijel , ama setingapes em penga mo gras tano

trosalo , sar te pijav pani ked mo gras tano trosalo , o Imam
husseini lela o pani te del pe graste te pijel pani ,ama o gras
nastine te dikel e Imam husseini troshalo , em o gras
namangla pani te pijel dzikote na pijela o Imam husseini a.s ..
taro jek puti nesavo omereskoro askeri vikinga : o husseini
pijela pani dzikote leskiri familija tani napadnimi , o Imam
husseini as mukla o pani em irangapes ko satojra e
ehlibejteskere a.s em dikla kaj o askejra hovavgele ...
koga kuga andre ko satojra penga lenge , akavaj tano amaro

posledno dikiba o tumen i familija e resuleskiri a.s mangava
te gusinav tumen basho posledno puti sarinen soske akava
amenge o posledno puti .. gusinga e ramla gusinga e rabab
gusinga e sukejna gusinga e zejnepa ama samo jeke tikne
caja na gusinga ,...
irangapes ki zejnepa em penga lakje , kaj tani mi mangli

rukija :(
i zejnepa penga leske : ja aba abdilah i rukija nadzzanela sar

te gusineltut basho posledno puti , gelo ki rukija o Imam
husseini a,s em penga lakje ya rukija ava uza mande ..koga
ali uza leste penga leske , o mo dat dali tu ka ove sehidi ,
soske nikoj na pomozinelatut, o husseini penga lakje nane
man nikoj te pomozinelman , i rukija penga leske ja mo dat
soske na ingareja amen ki medina odote sarine siem rahati
...o husseini penga lakje ja rukije molinavatut ma pen akala
lafija iker sabr i rukije iker sabr i ..
togash o Imam husseini as uklilo ko po gras samo so mangla
te dzal i rukija vikinga leske mo dattt mo datttt molinavatut
ava isiman samo jek buti te rodav tutar pret te dza...
i rukija ali uza leste em penga leske , mo dat mangava te kere

samo jek buti posledno pret te dza , o husseini a.s puclala ja
rukija savi buti odoja , i rukija penga ja mo dattt shaj li te
galine man ko shero basho posledno puti ...o Imam husseini
galingala em gusinga pire mangle rukija basho posledno puti
...
ko odova momenti o husseini a.s uklilo ko po gras em gelo

ko megdani , ama laneti o omeri mesto te bicalel jek po jek
askeri te marenpes e husseineja a.s ov pocminga bute askeren
te bicalel , soske dzanela sine te bicalga len jeke po jeke
nikoj ka nasti te acavkerel e husseine ....
opkolinge taro sa o strane e Imam husseine dzikote sine ko
po gras , taro jek puti jek askeri e omereskoro frdinga i
strelka ko Imam husseini as em pogodinga e husseine ko
cekattttt ...
o Imam husseini dzikote mangela sine te ikalel i strelka taro

leskoro cekat astarindor pire vasteja , javer strelka kugale ko
kolin ...
pocminge sekoja strana te frden leske strelke em but strelke
pogodingele em pelarhe e Imam husseine a.s taro gras
direkno dzikote o strelke sine ko kolin leske , ked pelo penga
, bismilahi ve bilah ala mileti resulilah , la havle vela kuvete
ila bilah, o omer ibn sad irangapes ko hurmulah kova so
vech pogodinga strelkaja ki jak e abase kova so vech
pogodinga strelkaja o krlo e ali askareskoro ,frde te strelke
em kuv e husseine sar paslola ki phuv , ko odova momenti

jek tikno cavo taro satojra e ehlibejteskere a.s iklilo em
vikinga sar shaj te frden strelke me kakoske a me te na
zastitinav le , gelo uza ko Imam husseini a.s o hurmulah
frdinga jek strelka em pogodinga e cave ko vas , o cavo ko
odova momenti vikinga mi daj mi daajj kugeman strelkaja ko
vas dukalamaan mo vass , o hurmulah frdinga panda jek
strelka em pogodinga e tikne cave ki men , o cavo ko oodva
momenti mulo uza ko Imam husseini a.s
o Imam husseini a.s akana korkorik paslola ki phuv :
o askerja ale jek po jek te napadinen e Imam husseine a.s

ama nadzanena sine dali tano mulo ili dzivdo taro but strelke
so sine upra leste .
o shimr zul dzevsen penga : sar te dzana dali o manush tano

dzivdo ili mulo , ajde te napadina leskere pejnen e zejnepa
em leskere caja e rukija , em ako tano dzivdo ka ustel te

braninel pire pejna em pire caja ,..
dzikote vikinge te napadinen , o Imam husseini a.s probinga
te ustel ama sekova puti koga ka mangel te ustel sine ,perela
sine palem ki phuv taro strelke so sine upra leste
togash o Imam husseini a.s vikinga o askejra e omereskere o
askejra e sufijaneskere ako na verujnnena ko devel em ko
sudno dive , barem oven hari manussha em ma napadinen
mire pejna em mire caja e rukija ....
samo so sunga odova o simr penga lenge , o husseini tano ko

pravo ma napadinen e dzuvlen ko satojra , napadinen e
husseine
o simr penga lenge dzan kuven sarine e husseine , pa sa o
manusha ked avena sine pashe uza ko husseini kuvena le sine
klocaja koj ko shero ko kolin , jek askeri ikalga o turbani e
husseineskoro as taro leskoro sero em pocminga kasteja te
kuvel e husseinee ko sherooo ..ama nikoj lendar na
osmelingapes te cinel o sero e Imam husseineskoro a.s ,
soske svako puti ked ka mangen sine te aven te cinen o shero

leskoro , ka shunen le sine sar izgovorinela o kurani dzikote
paslola ki phuv ...
o helal ibn hali prenesinela : o simri penga mange , o hilal
dza em cin o shero e husseineskoro,,o hilal penela ked gelum
te cinav o shero e husseineskoro nastine cingum soske niked
na diklum nekaskoro muj doborom te svetinel sar e
husseineskoro
javer manush prenesinela kaj o omeri ibn sad penga jeke
hristijaneske te dzal te cinel o shero e husseineskoro a.s o
hristijani ked gelo te cinel o shero e husseineskoro tamam
ciga o curik ko krlo e husseineske a.s o Imam husseini a.s
pucla le : dali dzaneja e isa o cavo e mejremakoro , o
hristijani penga oja i o Imam husseini penga dali dzaneja e
muhamede o dat e fatimakoro , i o manush penga oja , i o
Imam husseini penga me sium o unuko e resuleskoro a.s em
o cavo e fatimakoro a.s togash o hristijani cidinga pes em
nastine te cinel o sero e husseineskooroo...
sarine pocminge te ciden pes taro husseini a.s nikoj na sinele
sila te cinel o shero e Imam husseineskoro a.s
i zejnepa duraldan dikela sine sar kuvena lakere prale dzikote

paslola sine ki phuv em vikingaaa o manushalenn
molinavatumen ma kuven mire praleee e husseine ....
ko odova momenti o omeri ibn sad o manushalen dzan em
kurtalinen e manushe taro leskere duka , dzan em cinen o
shero leskoro , o askejra dikena pes sine maskara ppeste em
pucena pes koj tano o manush so ka kerel asavki buti , taro
jek momenti o simri zul dzevsen vikinga MUKEN E
HUSEEINE MANGE ME KA CINAV O SHERO
LESKORO
O ALLAH swt neka del sabr i amare Imame mehdija ajtf em
te deltumen sarinen sabr i akava so ka penav ...
prenesimo deka ked i fatima a.s o Imam riza em o Imam hadi
mule , mule setindor samo ko meribe e Imam husseine a.s
O EBU ZER prenesinela ked muli i fatima a.s ked arakaja

sine lakiri dzenaza o Imam husseini a.s uklilo ko kolin e
fatimakoro s.a , o Imam alija a.s penga o manusalen ciden e
husseini taro kolin leskere dajakoro , soske o melekija nasti
trpinena te diken le upro kolin e fatimakoro ,me pucaava

tumen akana ako o melekija nastine te diken e husseine upro
o kolin leskere dajakoro ,togash zamislinen sar i fatima
izdrzinga te dikel e simire upro kolin e husseineskooro a.s ..
koga o Imam riza merela sine penga pire caveske e Imam

dzevadeske : o mo cavo mukman tele ki phuv te merav ma
mukman ko kreveti te merav // o Imam dzevad penga o mo
dat soske mangeja te mere ki phuv a namangeja te mere ko
kreveti ...o Imam riza penga leske o mo cavo barem nekobor
minutija mangava te osetinav odova so o osetinga o husseini
ked paslola sine ki phuv..
koga o Imam hadi merela sine pret te merel penga e Imam
hasaneske , mo cavo ikalman avrik telo kam te merav em ko
pravdo than , o Imam askeri pucla le soske mo dat ? o Imam
hadi penga mangava te osetinav sar i te mere dzikote o kham
tarela tut ...
ama nijek na opisinela o meribe e Imam husseineskoro as
posukar taro leskoro cavo o zejnul abedin .
Penela o Imam bakir . ked mo dat merela sine taro otrov so

otrojjngele i boja leskere moskere promenisalili ,o Imam
bakir penela alumm ko mo dat ko zejnul abedin em
gusingum le, ked gusingum mire dade , mo dat pocminga te
rovel jek rojbe sar so niked dzi akana na diklum le , em
pengum leske , o mo dat zejnul abedin soske roveja ked but
sigate ka dike te papo e resule as ka dike e fatima ka dike e
alija ka dike e hasane ka dike te dade e husseine soske roveja
o mo dat ?
Imam zejnul abedin dikla e Imam bakire em penga leske o

mo cavo muhamed , merava a tu sian me kolineste , ama
dzaneja li ked mulo mo dat koj besla upro leskoro kolin ..
o simr zul dzevsen dzala uza ko telo e Imam husseineske as,
em dikela o strelke upra leste ,em dikela sar paslola ki phuv
perdo ko rata ..
i zejnepa dikindor duraldan pire prale sar dzala uza leste o
simr vikingaa: o husseinn o hussein o hussein koga mo papo
o resuli a.s mulo sian sine mancar , ked mo dat o alija mulo
sijan sine mancar , ked mi daj i fatima a.s muli sian sine
mancar ked mo pral o hasani mulo sian sine mancar , ya

huseeinnnnnnnnnn ker mange afi so nasti ovava akana uza
tutee
o simr alo uza ko Imam husseini em besla upra ko kolin e
Imam husseineskee , jeke vastejaa astargaa e Imam husseine
a.s tari bradaaa ,okole vasteja ikalga pi churik em ikerela sine
i churik ko krlo e Imam husseineske , o krlo so sine cumimo
taro resuli a.s em tari fatima a.s , o simiri ciga pi churikk e
Husseineske ko krlo em kugaaaaa 12 puti em ikalgaa o shero
e husseineskoro ...
ked o gras e Imam Husseineskoro irasalilo ko satojra , i
rukija dikla e graste em puclale ja zul dzenah kaj tano mo dat
?
Assalamu alayke ya Hussein

Ve Ali ibn Hussein
Ve ala evladil Hussein
Ve ala ashabil Hussein
Ve ala ansaril Hussein dzamian ve rahmetulahi ve berekat..
YA LEJTENI KUNTU MA’AKUM VE AFUZU FAVZAN

ADZIMAH.

Kerbelakere Asva 2

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Kerbelakere Asva 2

Uploaded by

Copyright:

Available Formats

Nane pophare dive, Tirendar YA HUSSEIN

Nane pophare dive, Tirendar YA HUSSEIN

Bismillah vel Hamdulillah ve selatu ve selam ala Resulillah

O hamdi i slava o bajraribe pripadinela samo e Allaheske

Mangleja mo pral thaj mi pen, tu kova so ikjereja akava lil ko

Kote so amare mangle Pejkambereskoro a.s o unuko o Imam

Muharram 1vo rat

Ko 8-to Zul Hidzra 680to bersh o Imam Hussein a.s

otrprilika 50 manusa vklucimo romnja chave tari leskiri

O leskoro kako o Ibn Abbas hem o leskoro pral o

"Na alum akate te kerav zulumi/nepravda. Mangava te iranav

1. Saffah: Akate o Imam Hussein a.s i zapoznajnga e poete

2. Dhat-El-Irq: Akate o bratuceti e Imam Husseineskoro o

3. Batn-Er-Rumma: O Imami bichalga pismo ki Kufa e Qais

4. Zurut: O Imami ko akava than doznajnela taro duj manusa

6. Batn-E-Aqeeq: O Imami akate zapoznajnga jekhe manuse

Jeziteskere vojskatar. Deka nikoj nasti khuvela ili iklola taro

7. Sorat: O Imami akate rakjarga jek rat hem sabaleskoro

8. Sharaf: Dzikote o Imami nakhela sine taro akava than, jek

9. Zuhasm: Ko akava than o Imami araklapes e Hureskere

Imami hem sarine priklucisalile leske, duri hem e Hureskere

10. Baiza: O Imami resla o sledno dive ki Baiza em denga

promeninela ,ni o lafi ni o delo hem nisto nasti promeninela

11. Uzaibul Hajanat: Akate o Imami acilo podur tari vojska e

O Imami iranga e Ibn Adileske,' O Allah te mukel po rahmeti

zapoznajmo taro Bejle soka arakhen le em deka sinele plani

12.Qasr-E-Bani Makatil: Ko akava than jasno vec sine i Kufa

13. Nainava: Ko akava than jek glasniko e Ibn Zeideskoro

hem e Mucibaskoro). hem vakerga: Akate acovaja, reslem ko

14. Kerbela: Ko naredbe e Imameskere, o shatojra sine

2to Rat HUR IBN JEZIT

Hur ibn Jezit el Tamimi el Jerbui, sine komandanti ki vojska

amala resena popashe ki Kufa, naredinga e Hureske te lel

O Hur verujnela sine deka o Imami tano sprecimo te khuvel

Sar jek profesionalno vojniko na interesinela le sine te ovel

O Hur hem leskere askejra sretninge e Imam Husseine a.s

Sine pladne koga akala duj vojske sretningepes.

leskere vojskake. O Imam Husseini a.s vakerga e Abazeske,

O pladne namazi sine vodimo taro Imami o Hur hem leskere

O Imami ikalga o pismija taro manusha e Kufakere so

O Hur pak vakerga deka leskere naredbe tane samo te

te borinelpes protiv o Hur hem leskere askejra hem te dzal

Vakerga e Hureske deka ka lel javer drumo hem ka djal

Ko dujto Muharaam, resle ki Kerbela. O Imam Husseini

O Hur hem leskere manusha sine pashe uza ko Imami.

O Tajsutnoto dive, o Omer ibn saad resla ki Kerbela 4000

Koga o Ibn zijad shunga akava, nervirisalilo. Bichalga e

Shaj sine duraldan te shunel o Rojbe e Maksmengoro taro

Pocminga te mislinel "Sokergum? Soske chigum ki akaja

O Hur pocminga te tresinel.

O El-Muhajir dikhindor ole phenga,"Ked bi pucenama sine:

Hava sovli ko Allah! Namangava nisto javer osven o

Uklilo ko piro Gras hem cidinga te djal ko Imam Husseini

Glasno vikinga akala lafija:

"Ya Allah! Ki tute predajnavama, prifatin miro pismanluko,

O, o dat e Abdulaheskoro (Hussein) perava pismani: pa, ka

Akala lafija e Husseineskere a.s arakle than ke Hureskoro

Lela jek momenti te razmilinel basho akava dzivdipe.

Jasno sine leske odova glaso, so shunela sine so pratinela le

"Ya Hur! Pruzinelapes tuke bari shansa te dja ko Djenneti!"

Sar shaj te pruzinelpes mange asavki shansa ako djava te

O Imam Hussein a.s vakerga leske,

"Akana alo o vreme hem reslan te doznajne o odgovor taro