LITURHIYA

COMMENTATOR: Mga igmanghod ko kay Kristo, iya kita makaron agud saulogon ro isaea ka
hilikuton liturhikal nga maeapit sa atong tagipusu-on nga mga Katoliko-
ro prosisyon nga aton ginahiwat kada Biernes Santo. Ro dayang
bueohaton nagabulig ag nagadaea sa pag-ambit sa eksperyensiya it
kasakit ni Jesukristo.
Sa hayra man nga Prosisyon, aton makit-an ro imahen ni Birhen Maria ag
mga Santos nga nangin presente sa hitabo it krus- ro paghaead ni Jesus
ku anang kabuhi.

(Sa makarun nga bahin, pagaumpisahan it atong Kura Paruko ro Pangamuyo sa pagumpisa it atong prosisyon.)

PANGAMUYO

PARI: Mangamuyo kita. Makagagahom nga Amay, ginpakita mo ro imong kaeo-

oy sa tanan nga nagahigugma kimo ag nag-unong sa pagtuman ku imong
kabubot-on. Giyahi ro imong mga tumuluo nga nagatambong sa hayrang
prosisyon agud mahiambitan namon ro imong unga sa anang kasakit sa
daean it krus. Tuytuyi kami sa among pagpanikasog sa pag-atubang sa
mga hangkat samtang kami nabudlayan sa pagsunod kay Kristo nga
nagasiling. “Ang bisan sin-o nga luyag magsunod sa akon dapat niya
kalimtan ang iya kaugalingon, magpas-an sang iya krus kag magsunod sa
akon.” (Mc 8:34)

Updi kami sa sining bulohaton agud masunod namon ro huwaran it

imong unga ag mataw-an kami it inspirasyon ku mga Santos sa amon
pagtinguha nga mangin matutom nga tumuluo.

Ginapangayo namon ini sa imo paagi sa imong unga nga si Jesukristo.

TANAN: Amen.
 (Sa makarun nga bahin, pagabendisyonan ro mga sagradong imahen ag mga larawan.)

PARI: Mangamuyo kita: O gamhanan kag walay katapusan nga Diyos, Imo
ginpakamaayo ang mga imahen kag larawan sang Imo mga Santos, agud
nga kon tulukon namon ini sang matinuohon madala kami sa
pagpamalandong kag sa pag-ilog sang ila kinabuhi kag pagpakasantos. Sa
Imo kaluoy bendisyoni + kag pasantosa ining mga imahen/larawan nga
nahimo sa handuman kag kadungganan ni Jesukristo (ni Santa Maria, ni
San(ta)-------), ihatag ang Imo pagtabang kag bugana nga grasya sa tanan
nga ginatuytoyan sini nga mga imahen/larawan sa pagtahod kag pag-ilog
kay Jesukristo (ni Santa Maria, ni San(ta)-------), sa bagay nga magdangat
gid man sila sang kabuhi kag kabulahanan nga walay katapusan.
Ginapangayo namon ini sa Imo paagi kay Kristo nga amon Ginuo.

TANAN: Amen.

(Sa makarun nga bahin, maga-umpisa ro Proisyon. Pagabasahon ro pagpakilaea sa mga

imahen/ passus ag pagabenditahan o insensohan it selebrante/minister pag-agi sa anang prente.
Ro pagbendita hay matapos mabasa ro pagpakilaea it kada Imahen/Passus.)

COMMENTATOR: Mga igmaghod, sundan naton si Kristo sa anang daean it Krus. Sa anang
pagpanglakaton halin sa kaperdihan paadto sa kadaeag-an, halin sa
kamatayon paadto sa pagkabanhaw.

________________________________________________________________________________________________________
____________________________________

CERIALES
Ro prosisyon hay ginapangunahan it Ceriales- ro Santa Cruz ag daywa ka mga
kandila sa mansig gilid. Ro Santa Cruz sa tunga nagapakita it pagtao naton it importansya sa
gin-ubra ni Kristo sa kalibutan, ro kaeuwasan. Paagi sa krus, gineuwas nana kita sa atong
mga kasae-anan.
Ro mga kandila nga kaibahan it Sta. Cruz, nagatao it kahayag o kapawa sa mga
tumueo-o sa andang pagpanglakaton paadto sa eangit.
1. SAN PEDRO APOSTOL
Ro pinuno it dose ka mga alagad ni Jesus. Isaea ka mangingisda halin sa Betsaida,
Galilea ag igmaghod ni San Andres Apostol. Ginpahayag nana ro anang pagtuo nga si
Jesus, ro unga it Diyos. Ro anang pangaean nga Simon hay gin islan ni Jesus nga Pedro
nga buot hambaeon “Bato” halin sa tinaga nga Griyego.
“Kag tungod sini ginatawag ko ikaw nga Pedro, nga konsayuron “bato” . Kag sa
sini nga bato pagatukuron ko ang akon iglesya, kag bisan ang gahom sang kamatayon
indi makadaog sa iya. Sa imo ko ihatag ang awtoridad para pangunahan mo ang
pagpaluntad sang paghari sang Dios. Ang bisan ano nga indi mo pagtugutan diri sa
kalibutan amo man ang indi pagtugutan sang Dios, kag ang bisan ano nga tugutan mo
amo man ang tugutan sang Dios.”(Mat 16:18-19)
Ngane imaw hay ginakilaea bilang nahauna nga Santo Papa itIglesia Katolika.

SAN PEDRO APOSTOL, IG-AMPO MO KAMI.

Ro imahen ni San Pedro Apostol hay ginapanag-iyahan ni Mr. Benito Bandiola ag Familia .

2. JESUS DE PACIENCIA
Ro pagpamaeandong ni Jesus sa anang pagpakasakit. Makit-an sa hara nga
imahen ro kasakit ag pag-antus nga gin-aguman ni Jesus matapos nga imaw hay hanuton
ag putungan it korona nga tunukon. Samtang nagapungko, nagapamaeandong imaw nga
may pagkamapainubuson ag mahigugmaon nga pagbaton sa anang naagyan nga kasakit
kapareho sa Ebanghelyo ni Isaias nga Propeta: ”Gindaogdaog siya kag ginsakit, pero
wala gid siya nagreklamo. Pareho siya sang mahagop karnero nga ginadala sa ilihawan
agod ihawon, ukon sang karnero nga samtang ginaguntingan, wala gid
nagatingog. “(Isaias 53:7)

JESUS DE PACIENCIA, KALUY-I KAMI.

Ro imahen ni Jesus De Paciencia hay ginapanag-iyahan ni Ms. Lucita M. Tamayo ag

Familia.

3. JESUS NAZARENO
 Ro pagpas-an ni Jesus it Krus pakadto sa kalbaryo. Matapos masentensyahan it
parusa nga kamatayan sa suesoe it mga Saserdote, si Jesus hay ginpaguwa sa Pletorio
para papas- anon it ana nga krus . Ro krus nga ginpas-an ni Jesus hay bukon eamang
nagasimbolo it atong mga kasae-anan kundi nagapakita man it sakripisyo nga dapat
naton atubadngon ag mga daean nga dapat naton pagasundan.
“Kon may tawo nga gusto magsunod sa akon, indi niya dapat pagpasulabihon ang iya
kaugalingon. Kag dapat handa siya sa pag-atubang sa kamatayon sa iya nga pagsunod sa
akon.” (Mc 8:34)

JESUS NAZARENO , KALUY-I KAMI.

Ro imahen ni Jesus Nazareno hay sa pagtatap ni Mr. & Mrs. Peejay Fantilaga ag Familia

4. LA ENCUENTRO
Samtang ginapas-an ni Jesus ro anang krus paadto sa Calvario, nasugata nana ro
anang Ina. Masubo ag nagataeangison. Sa hara nga hitabo, nagbalik kay Maria ro
gintagna ni Simon kana kat ginhaead ro Nino Jesus sa templo. Mapamaeandungan naton
si Maria, bisan tuman kasakit para kana bilang Ina, nga nagatan- aw sa anang unga nga
naga-antus ag medyo maeumos eun imaw sa kasubo, ginbaton nana ra tanan. Nagasalig
imaw nga rong tanan hay matabo kabahin sa pagtuman ku misyon it ana nga unga iya sa
kalibutan.

JESUS NGA NAGAPAS-AN IT KRUS, KALUY-I KAMI.

VIRGEN MARIA, IG-AMPO MO KAMI

Ro imahen it La Encuentro hay ginapanag-iyahanni Mr. & Mrs. Vicente T. Cabales Jr. ag
Familia .

5. STA. VERONICA
Ro babaye nga nagpunas sa makaeueu-oy nga dagway ni Jesus samtang nagapas-
an it krus. Ginbansagan nga Veronica halin sa tinaga nga “Vera” ag “Ikon” nga buot
hambaeon, “matuod nga larawan” nga nagmarka sa anang belo.
Makit-an man ro hitabo sa pagpapunas ni Veronica sa dagway ni Jesus sa
Tradisyunal nga Via Crucis ag Pasyong Mahae.
 STA. VERONICA, IG-AMPO MO KAMI.
Ro imahen ni Sta. Veronica hay sa pagtatap ni Mrs. Droina Mag-apan ag Familia .

6. CALVARIO
Didto malapit sa krus ni Jesus naga tindog ang iya iloy, ang utod sang iya iloy, si
Maria nga asawa ni Cleopas, kag si Maria nga taga-Magdala. Pagkakita ni Jesus sa iya iloy
kag sa iya pinalangga nga gintuton-an nga naga tindog didto, nagsiling siya, “Babayi, yari
ang imo anak.” Nagsiling siya sa iya gintuton-an, “Yari ang imo iloy.” Sugod sadto nga
tion, gindala siya sang gintuton-an sa puloy-an sini.(Jn. 19:25-27)

JESUS NGA NAEANSANG SA KRUS, KALUY-I KAMI

STA. MARIA, IG-AMPO MO KAMI
SAN JUAN, IG-AMPO MO KAMI

Ro imahen it Calvario hay ginapag-iyahanni Rev. Fr. Mark A. Amacio ag Familia .

7. LA PIETA
Kat si Jesus hay ginpanaog eun sa anang krus, gindaea imaw sa sabak it anang
Mahae nga Ina. Ro buhi nga gintawo it isaea ka ina, makarun hay maeamig eun nga
bangkay. Uwa it mahimo ro anang ina kundi mageuha, haeungan, ag hakson ro anang
unga sa sabak nana. Hayra nga hitabo hay base sa ika-13 nga Estasyon it Krus- ro
pagtae-tae sa bangkay ni Jesus sa Krus ag makit-an man sa Pasyong Mahae.

JESUS SA SABAK NI MARIA, KALUY-I KAMI

STA. MARIA, IG-AMPO MO KAMI

Ro imahen it La Pieta hay ginapag-iyahan ni Mr. & Mrs. Wilfredo Saluta ag Familia .

8. SAN LAZARO
Pinalanggang abyan ni Jesus. Igmanghod nanday Sta. Marta ag Sta. Maria De
Betania. Kat imaw hay nagmasakit, hayra hay ginpaabot nanda kayJesus ag naghambae “
Ro pagpapakasakit ni Lazaro hay para sa kadungganan it Diyos.” Gintangisan ag
ginkasubuan gid ni Jesus ro anang pagtaliwan. Bisan ap-at adlaw eun imaw nga patay,
ginbanhaw imaw ni Jesus. (Jn. 11:1-45)

SAN LAZARO, IG-AMPO MO KAMI.

Ro imahen ni San Lazaro hay ginapanag-iyahan it Familia Placio.

9. STA. MARTA
Abyan ag sumueunod ni Jesus ag igmanghod ni San Lazaro ag Sta. Maria de
Betania. Kat namatay si Lazaro, imaw ro naghinyo kay Jesus nga banhawon ro ana nga
igmanghod. Imaw hay nagpakita it anang pagtuo ag pagsalig nga rong tanan hay
mabanhaw sa paeaabuton nga paghukom.
“Huo, Ginoo! Nagapati gid ako nga ikaw amo ang Kristo, ang Anak sang Dios nga amon
ginahulat nga magaabot diri sa kalibutan.” (Jn 11:27)

SANTA MARTA, IG-AMPO MO KAMI.

Ro imahen ni Sta. Marta hay ginapanag-iyahan it Familia Placio.

10. STA. MARIA DE BETANIA

Abyan ag sumueunod ni Jesus ag igmanghodni San Lazaro ag Sta. Marta. Kat si
Jesus hay sa panimaeay ni Simon nga ketongon, an-om nga adlaw bago ro Pista it
Paskwa, ginhugasan nana ro siki ni Jesus it pahumot nga nardo ag ginpahiran it anang
buhok. Ginsita imaw ni Hudas Escariote nga kuno hay gina amulitan nana ro maeahaeon
nga pahumot ag imbes gunta nga ginbakae kara, hay gin-tao lang sa mga
nagakinanghean. Pero ginsabat imaw ni Jesus’ “ Pabay-e lang imaw. Ginaubra nana ra
bilang tanda it paeaabuton nakon nga pageubong.

STA. MARIA DE BETANIA, IG-AMPO MO KAMI.

Ro imahen ni Sta. Maria de Betania hay ginapanag-iyahan it Familia Placio.

11. STA. JUANA DE CUZA

Asawa ni Cuza ag katiwala ni Herodes Antipas. Pagkatapos nga imaw hay
pamayaron sa anag masakit, kaibahan ro iba pang mga kababaihan, gintustusan nanda
halin sa sariling mga buesa ro kinahangeanon ni Jesus ag mga alagad.(Lu.8:3)
Sa Domingo it Pagkabanhaw, kaibahan ro iba pang kababaihan, nag-adto sanda
sa eueobngan ni Jesus para kompletohon ro ritwal it pageubong sa isaea ka Hudiyo pero
nakit-an nanda nga naligid eun ro bato nga nagatabon kara. Dali-dali sanda sa pag-uli
agud isugid sa mga alagad ro nahanabo.
 STA. JUANADE CUZA, IG-AMPO MO KAMI.

Ro imahen ni Sta. Juana de Cuza hay ginapanag-iyahan ni Vic T. Cabales ag Familia.

12. STA. MARIA JACOBE

Sumoeunod ni Jesus ag ina ni Santiago Menor Apostol. Kilaea man bilang Jacobos o
Jacobo. Kaibahan ni Sta. Maria Salome ag Sta. Maria Magdalena, nag-adto sanda sa
eueobngan agud butanganit pahumot ro bangkay ni Jesus. Ag una man nana nga
nabatian ro pagkabanhaw ni Jesus.

STA. MARIA JACOBE, IG-AMPO MO KAMI

Ro imahen ni Sta. Maria Jacobe hay ginapanag-iyahanni Mr. & Mrs. Ronald Gajo ag
Familia .

13. STA. SALOME

Sumueonod ni Jesus. Asawa ni Zebedeo ag ina Nanday San Juan Apostol y
Evangelista ag ni Santiago Mayor Apostol. Saksi sa kamatayan sa krus ag pagkabanhaw
ni Jesus. Kaibahan si Maria Magdalena ag Maria Cleofe(Jacobe), nag-adto sanda sa
eueubungan ni Jesus aga pa sa Domingo it Pagkabanhaw para butangan it pahumot ro
eawas ni Hesus. Sambilog imaw sa una nga nakabati it balita nga si Jesus hay nabanhaw.

STA. MARIA SALOME , IG-AMPO MO KAMI.

Ro imahen ni Sta. Maria Salome hay ginapanag-iyahan ni Raquel Lalisan-Sasis ag

Familia .

14. STA. MARIA MAGDALENA

Ro pinakaunang babaye nga sumueunod ni Jesus. Dahil sa kaeuoy, pito ka demonyo
ro gintabog ni Jesus halin kana. Pagkatapos, imaw hay naging matutom nga alagad. Saksi
man sa pagpakasakit ag pagkamatay ni Jesus sa krus. Kaibahan ni Maria ag Juan Apostol,
imaw hay nagatindog sa tiilan it krus. Saksi man imaw sa pageubong ag pagkabanhaw ni
Jesus.
Kilaea si Sta. Maria Magdalena bilang “  Apostola Apostolorum” o  “Apostol it mga
Apostol”
 STA. MARIA MAGDALENA, IG-AMPO MO KAMI.

Ro imahen ni Sta. Maria Magdalena hay ginapanag-iyahan ni Salvacion Daroy ag

Familia .

15. SAN JUAN APOSTOL y EVANGELISTA

Pinalanggang alagad ni Jesus. Unga nanday Zebedeo ag Sta. Salome ag
igmanghod ni Santiago Mayor Apostol. Isaeang ka mangingisda ag dating alagad ni San
Juan Bautista. Saksi sa mga hitabo sa kabuhi ni Jesus. Kaibahan sanday Pedro, ginsugo
sanda ni Jesus mga mag adto sa banwa ag ihanda ro andang panihapon para sa Pista it
Paskwa. Sa tanan nga alagad, imaw eamang ro maisog nga uwa nag tago, bagkus
nagtinir imaw sa tiilan it krus ni Jesus. Kana gintugyan ni Jesus ro anang Mahal nga Ina
bago imaw mabugtuan it ginhawa.
Si San JuanEbanghelista ro nagsueat it ika-apat nga Ebanghelyo.

SAN JUAN APOSTOL y EVANGELISTA, IG-AMPO MO KAMI.

Ro imahen ni San Juan Apostol y Evangelista hay ginapanag-iyahan ni Vic T. Cabales ag

Familia

16. STO. ENTIERRO

Ro pinaka mayor nga Passus it Biernes Santo. Ginapamaeandungan naton si Ginoong
Jesukristo nga nag-ambit sa aton tawhanon nga kinaugali euwas sa saea, namatay ag
gineubong suno sa kustombre it anang panahon. Hara tanan hay natuman suno sa plano
it anang Ama. Ro anang kasakit, kamatayon ag pagkabanhaw, imaw ro pinakamatuod ag
pinasahi nga pamaagi sa pagpatawad ag pageuwas katon. Ro Ginoo mismo naghambae
“Ang isa sa binhi sang humay indi magapamunga kon indi ini pag-ipanggas sa duta kag
kon mapatay ini, magapamunga ini sing madamo.” Sa pageubong kayKristo, ieubong
man naton ro atong maeain nga panimuot ag pagbinatasan, agud kaibahan sa
pagkabanhaw, magabangon man kita subong ginbag-o ag ginpabaskog nga mga anak
sang Dios.- nahilway sa kamatayon ag sa pagkaulipon itsaea, ag nagakalipay sa kabuhi ag
grasya.

JESUS NGA NAMATAY BANGUD SA SAEA IT KALIBUTAN, KALUY-I KAMI.

Ro imahen ni Sto. Entierro hay ginapanag-iyahan ni Ms. Rosario Richelle Duncan ag

Familia.
 17. MATER DOLOROSA
Ro imahen it atong Mahae nga Ina nga nagapakita katon it mapag-on nga paghiei-
usa nanday Jesus ag Maria. Sa mga kasakit ag pag-antus ni Jesus, si Maria naga-antus
man. Suno sa mga Santos nga Ebanghelyo, may pito ka mga kasakit nga naaguman si
Maria:
1. Ang pagtagna ni Simon nahanungod sa bata nga si Jesus.
2. Pagpalagyo sa Egipto sa paglikaw sa mapintas nga si Herodes.
3. Pagkaduea ni Jesus sa sueod it tatlo ka adlaw.
4. Pagsugataay nila ni Jesus sa daean pakadto sa Kalbaryo.
5. Sang yara siya sa tiilan sang krus ni Jesus.
6. Pagtaetae kay Jesus sa krus.
7. Pageubong kay Jesus.

MATER DOLOROSA, IG-AMPO MO KAMI

Ro imahen ni Mater Dolorosa hay ginapanag-iyahan ni Apolonia Lalisan ag Familia.

________________________________________________________________________

KATAPUSAN NGA PANGAMUYO

(Pagahiwaton matpos ro prosisyon)

PARI: Mahigugmaon nga Amay, ro pag-antus ag kamatayon ni Jesukristo gintugot mo

nga matabo para sa kaeowasan it katawhan. Kabay nga rondayang pag sakripisyo
it imong bugtong nga unga, amon masundan ag magpabakod kamon sa pagbato
sa kasal-anan. Kabay pa nga ro paghigugma nimo mangibabaw unta kamon agud
kami magakabuhi sa sining gugma kaibahan ni Jesukristo ag Espiritu Santo.

Ginapangayo namon ra kimo paagi kay Kristo nga amon Ginoo.

TANAN: Amen.