1

INTRODUKSYON

Edukasyon ang susi tungo sa magandang kinabukasan at nagpapaunlad sa

kaalaman ng mga tao kaya labis ang pagpapahalaga rito. Dahil sa pagnanais na maitaas

ang pamantayan at kalidad ng edukasyon, ipinatupad ng Kagawaran ng Edukasyon ang

K-12 kurikulum.

Ang K-12 ay isang programang naglalayon na mapalawig ang kalidad ng

edukasyon sa pamamagitan ng pagdadagdag ng dalawang taon sa hayskul. Ito ay

napatupad na sa iba't- ibang bansa kaya hinangad ni Pangulong Benigno Aquino III na

maipatupad rin ito sa atin para mahasa ang abilidad ng mga mag-aaral base sa kanilang

pipiliing strand upang maging ganap na handa sa kolehiyo o agad na makapagtrabaho

pagkatapos ng kurikulum. At dahil dito, mas magiging kwalipikado at madaling

makahanap ng trabaho sa hinaharap ang mga mag-aaral.

Sa ngayon ay sumasailalim na sa kurikulum na ito ang mga mag-aaral at dito ay

iba't-ibang pananaw o saloobin ang nararamdaman ng mga magulang. Hangad ng mga

mananaliksik na magsilbing daan ang pag-aaral na ito upang mabigyan ng solusyon ang

mga problemang kinakaharap ng mga magulang sa pagpapatupad nito.

Ang mga mananaliksik ay handang gumawa ng paraan upang mapabuti pa ang

kalidad ng edukasyon sa pagbigay ng interpretasyon sa mga pananaw ng mga

magulang ukol sa K-12 kurikulum.

Ang pananaliksik na ito ay naglalayong malaman ang pananaw ng mga

magulang ukol sa K-12. Malaki ang papel ng mga magulang ukol sa usaping ito at mas

dapat na maibigay at maipahayag ang kanilang mga saloobin sa nasabibg programa. Sa

 2

pananaliksik na ito, malalaman, masasagutan at matutugunan ang mga katanungang

hindi pa nalalaman ng karamihan. Dito malalaman ang mga mabutu at di-mabuting

epekto nito sa edukasyon sa ngayon at sa hinaharap.

Tiyak na layunin:

 Upang malaman ang reaksyon ng mga magulang sa memorandum ng DepEd na K-

12.

 Malaman ang aspeto sa nasabing programa.

 Kung ano ang kanilang palagay ukol dito.

 Malaman ang mabuti at di-mabuting dulot nito.

Sa pagsasakatuparan ng K-12 kurikulum sa ating bansa nagkaroon ng iba't ibang

pananaw ang mga magulang na nangangailangan mg kaukulang pansin mula sa

gobyerno.

Mga tanong na nais sagutin ng papel:

● May problema bang kinakaharap ang mga magulang sa K-12?

● Anu-ano ang mga nabago sa buhay nila noong nagkaroon ng K-12?

● Paano nakakatulong ang K-12 sa mga anak nila sa larangan ng edukasyon?

● Bakit sa tingin nila ay kailangan pa ng K-12?

Sa kahalagahang hatid, ang pananaliksik na ito ay naghahangad na iukol ang

hangarin at intensyon sa mga sumusunod:

Para sa mga magulang, ang pananaliksik na ito ay makatutulong upang lalo pang

maipabatid ang mga hindi magandang kalalabasan nito. Ang mga magulang ay labis
 3

ding naaapektuhan ng kurikulum na ito sapagkat sila ang gumagastos at nagpapaaral sa

mga kabataan.

Para rin sa mga mag-aaral na nasa ilalim ng naturang kurikulum upang makamit

nila ang mga dapat nilang matamo bilang mag-aaral, ang pag-asa ng pilipinas. Ang

kanilang opinyon ay mabibigyang pansin ng administrasyon nang sa gayon ay magawan

ng aksyon ang mga aspetong mayroon pang pagkukulang. Ito ay labis na makatutulong

upang magkaroon ng mas mataas na kalidad na edukasyon sa mga susunod pang taon.

Mahalaga rin ang pag-aaral na iti sa administrasyon ng paaralan upang matukoy

nila ang mga aspetong may pagkukulang at nangangailangan ng mga pagbabago o

pagpapabuti upang magkaroon ng mas mabisa at dekalidad na edukasyon. Mahalaga

ang mga opinyon ng mga mag-aaral at magulang sapagkat masasapul ang mga

pangunahing suliranin na magawan ng agarang solusyon.

Sa pag-aaral na ito, bibigyang diin lamang ng mga mananaliksik ang mga

makakalap na pananaw ng mga piling magulang na mayroong anak na nag-aaral sa

ilalim ng bagong kurikulum maging sa pampubliko o pribadong paaralan sa mga piling

bayan ng Calaca, Lemery at Taal. Ang mga napiling bayan ay napili sapagkat ito ay ilan

sa mga bayan na mayroong malalaking bilang ng populasyon sa probinsya ng Batangas.

Nilimitahan ng mga mananaliksik ang pag-aaral ng paksang ito sa tuwiran at

pangunahing pananaw lamang ng mga piling mga magulang mula sa piling bayan sa

pamamagiitan ng pagsasagawa ng sarbey at pakikipanayam.

Upang maging madali at ganap ang pagkakaintindi ng mga mambabasa,

minarapat naming bigyan ng depinisyon ang mga sumusunod na terminolohiya batay sa

kung paano ginamit ang bawat is sa pamanahong-papel na ito:

 4

Deskriptib Analitik – Paggamit ng mga salitang naglalarawan upang suriin at sukain

ang mga pandama na katangian ng isang sample. Eksaktong pahayag o paglalarawan

ng isang kalikasan, saklaw, o maging kahulugan ng isang bagay.

Junior Highschool o Paaralang panggitna ay ang kaantasan ng pag-aaral na nasa

pagitan ng elementarya at ng senior highschool .

Ang K-12 programa ay karagdagang taon sa pag-aaral ng elementarya at hayskul.

Ang Kindergarten ay isang pamamaraan ng pagtuturo sa preschool ( o bago ang

eskwelahan) na tradisyunal na nakabatay sa paglaro, pag-awit at mga praktikal na

gawain tulad ng pagguhit at pakikipag-ugnayan bilang bahagi ng paghahanda sa

pagbabago mula tahanan patungong paaralan.

Respondente – ito ay tumutukoy sa mga taong tutugon sa pag-aaral na ito. Sa pag-

aaral na ito, ang mga respondent ay ang mga magulang na ang anak ay nagaaral sa

ilalim ng K-12 kurikulum.

Senior Highschool ay karagdagang dalawang taon ng pag-aaral na may kinalaman sa

ispesipikong kurso na tatahakin upang magsilbing paghahanda sa kolehiyo o maaring sa

negosyo o trabaho depende sa kinuhang strand.

Simple Random Sampling – Sa pamamaraang ito ay may pantay na pagkakataon

ang bawat kabahagi ng populasyon na mapabilang sa sampol.

Talatanungan – instrumentong ginamit sa pagkuha ng datos sa pananaliksik na

binubuo ng mga tanong.

 5

PINAGBATAYAN PROSESO KINALABASAN

 May problema  Pagsasagawa ng  Ang inaasahang
bang kinakaharap sarbey kalalabasan ng
ang mga magulang  Pagsangguni sa pag-aaral ay ang
sa K-12? mga nakaraang masagot ang
 Anu-ano ang mga Pag-aaral mga nailahad na
nabago sa buhay  Pagkuha ng suliranin at
nila noong impormasyon sa mabigyang sapat
nagkaroon ng K- Internet at iba’t na datos ang
12? ibang uri ng isinagawang pag-
 Paano media aaral upang
nakakatulong ang mabigyang
K-12 sa mga anak kalinawan ang
nila sa larangan ng mga opinyon ng
edukasyon? mga magulang
 Bakit sa tingin nila ukol sa mga
ay kailangan pa ng epekto ng K-12
K-12?

FEEDBACK

Tambilang 1

Konseptwal na Balangkas

Ang konseptwal na balangkas ng pag-aaral na ito ay ginamitan ng

pinagbatayan, proseso, at kinalabasan. Nakalahad sa pinagbatayan ang mga

tanong na nais mabigyang kasagutan sa pag-aaral. Ang proseso ay tumutukoy

sa mga hakbang na gagawin ng mga mananaliksik ukol sa pagkuha ng mga

datos saklaw ang pagsasagawa ng sarbey, pagsangguni sa mga nakaraang pag-

aaral, at pagkuha ng impormasyon sa Internet at iba’t-ibang uri ng media. Nakalahad

 6

sa kinalabasan ang mga implikasyon ng mga nakalap na datos at ang pananaw ng

mga magulang ukol sa K-12 Kurikulum.

 7

MGA KAUGNAY NA PAG-AARAL AT LITERATURA

Ang edukasyon ay ang paghubog ng mga espesyal at pangunahing abilidad ng

ating isipan na nagsisilbi ring proseso ng pagbibigay o pagkuha ng pangkalahatang

kaisipan, paghuhubog ng kakayahan sa pagrarason at paghahanda ng sarili sa

intelekwal na aspekto para sa pagtahak sa buhay. Ito rin ay ang siyensiya o sining ng

pagtuturo ayon sa diksyonaryo ng Random House.

Batay kay Fiske (2000), karamihan sa mga mag-aaral sa papaunlad na mga

bansa ay may mababang antas ng pagganap o performance sa pandaigdigan o nasyonal

man na batayan. Ito ay batay na rin sa mga ebidensiyang nailahad mula sa isang

pananaliksik. Nabibilang ang kwalipikasyon ng mga guro as mga pam-

paaralang salik na nakaaapekto sa antas ng paggawa o achievement ng mga mag-aaral.

Ang lahat ng katangian ng mga guro- kwalipikasyon, karanasan at kakayahan -

ay may kritikal na pagganap sa paghubog ng proseso ng pagtuturo at pagkatuto

sapagkat ang interaksyon sa pagitan ng mag-aaral at guro ay ang pangunahing paraan

ng pagpapasa o paghahatid ng kaalaman at kasanayan.

Ang K-12 Kurikulum ay sinimulan nang ipinatupad ng pamahalaan noong taong

2012 na naglalayong baguhin ang sistema ng edukasyon sa ating bansa sa ilalim ng

pamamahala ng dating pangulo na si Benigno C. Aquino III . Sa buong Asya tanging ang

Pilipinas na lamang ang mayroong sampung taon ng pang-unang edukasyon, kaya

naman ipinatupad ng pamahalaan at ng Kagawaran ng Edukasyon ang K-12 kurikulum.

Sa programang ito, ginawang sapilitan ang pagpasok ng mga bata sa kindergarten,

nagkaroon din ng junior highschool (grade 7-10) at senior highschool (grade 11-12).

Noong taong iyon 2012, maraming nagsasabi na nagkulang ang pamahalaan sa mga
 8

paghahanda sa pagsasakatuparan nito, ngunit sa nakalipas na buwan ngayong taon,

may iilang nagsasabi na hanggang ngayon ay kulang pa rin ang mga libro na akma sa

bagong kurikulum na gagamitin ng mga mag-aaral, bagama’t  inamin ng  Kagawaran ng

Edukasyon, na naantala ang pagpapadala ng mga materyales sa ibang pampublikong

paaralan. 

Ang DepEd ay nagpapatupad at namamahala ng edukasyong K to 12 simula

nang pormal itong itinalaga noong 2013. Sila ang may eksklusibong pamamahala sa

mga pampublikong paaralan, at regulasyon para sa pribadong paaralan. Mula sa 10

taong pang-unang edukasyon—6 na taon sa elementarya at 4 na taon para sa high

school—mula taong 1945 hanggang 2011, ang implementasyon ng programang K–12 ng

DepEd at kasunod na ratipikasyon ng Kindergarten Education Act ng 2012 at Enhanced

Basic Education Act ng 2013, naging 13 taon na ang pang-unang edukasyon ngayon.

Isang taon ang para sa kindergarten, 6 na taon para sa elementarya, 4 na taon para sa

junior high school at  2 taon para sa senior high school, para sa mga mag-aaral mula

edad na 5 hanggang 17 taong gulang. Nitong 2017 lamang naisapatupad ang

implementasyon ng Grade 12.

Ayon sa pamunuan ng DepEd, dumaan sa masusing pag-aaral ang

pagbabagong ito sa programa ng edukasyon sa Pilipinas. Sinasabing isa sa mga

kabutihan na dulot nito ay ang pagbibigay ng pagkakataon para sa mga estudyante na

mahasa sa mga iba’t ibang larangan ng espesiyalisasyon tulad na lang ng animation.

Ang pag-aaral sa kindergarten at 12 taon ng basic education ay naglalayong

magbigay ng sapat na panahon para mas matutunan at mapaghusay ng mga mag-aaral

 9

ang mga konsepto at kakayahan na kinakailangan para sa tertiary education o kolehiyo

at unibersidad, pati na sa pagtatrabaho at pagnenegosyo.

Ayon sa DepEd, ang Pilipinas ang huli sa mga bansa sa Asya na nagpapatupad

pa ng 10-taong basic education. Ang 13 taong programa ay sinasabing pinakamabisang

haba ng panahon para lalong mapaigting ang pagkatuto ng mga bata. Ganito na rin kasi

ang programa sa mga bansang maunlad sa buong mundo.

Ang K to 12 program ay nahahati sa Kindergarten, Primary at Intermediate

Education, Junior High School, at Senior High School.

Ang K to 12 program na ipinatutupad ngayon ng Department of Education ay

apektado ang lahat ng mag-aaral na nasa elementarya at high school, pampubliko man

o pribado ito. Kung ikukumpara ang bilang ng taon, sa lumang kurikulum ay sampung

taon lamang ang gugugulin ng isang magaaral upang matapos ang pag-aaral sa

elementarya at high school. Anim na taon ay para lamang sa elementarya mula grade 1

hanggang grade 6 samantalang sa hayskul ay apat na taon mula first year high school

hanggang sa fourth year high school.

Sa K to 12, itinakda ang labingtatlong taon na pag-aaral mula kindergarten,

elementarya hanggang hayskul. Isa sa pinakakailangan ng mga magaaral sa

kasalukuyan ay ang pagpasok sa kindergarten. Mananatili ng anim na taon sa

elementarya ngunit pagdating ng high school ay madadagdagan ito ng dalawang taon.

Ang hayskul ngayon ay hati sa dalawang bahagi, ang junior high school at ang senior

high school.

Noong S.Y. 2011 at 2012, lahat ng bagong mag-aaral ay kailangang dumaan sa

kindergarten bago mag grade 1. May mga bago rin naipatupad noong S.Y. 2012 at 2013

kung saan ang dating first year high school ay tatawagin ng grade 7. Noong 2012 din
 10

sinimulan ituro ang baging kurikulum sa Grade 1 at Grade 7. Ang iba namang magaaral

ay dating kurikulum pa rin ang ginagamit.

S.Y. 2013 at 2014 naman tinawag na Grade 8 ang mga second year high school.

Ito rin ang academic year na sinimulang baguhin ang kurikulum sa Grade 2 at Grade 8.

Sa kasalukuyan, S.Y. 2014 at 2015 ay pumasok na ang mga Grade 9 o 'yung

mga mag-aaral na nasa third year high school. Binago na rin ang kurikulum na

gagamitin ng mga Grade3 at Grade 9.

Sa susunod na taon kung saan iiral ang S.Y. 2015 at 2016, ang dating fourth

year high school ay tatawagin ng Grade 10 at bago na rin ang ipapatupad na kurikulum

sa kanila kasabay ng pagbabago ng aralin sa Grade 4.

Inaasahan naman na papasok ang unang batch ng Senior high school o Grade 11

sa S.Y. 2016 at 2017 kung saan bago ang kurikulum ng Grade 5 at ito na rin ang huling

academic year na gagamitin ng mga Grade 6 ang lumang kurikulum.

Pagsapit naman ng S.Y. 2017 at 2018, bagong kurikulum na ang gagamitin para

sa mga magaaral ng Grade 6. At ito ang kauna-unahang academic year na magtatapos

ang mga mag-aaral sa Grade 12 ng senior high school. Sila rin ang unang batch na

gagraduate sa ilalim ng K-12 program.

Ayon sa Department of Education, hindi sapat ang lumang kurikulum o sampung

taon upang maituro sa mga magaaral ang basic education kaya kailangan itong baguhin

at dagdagan ng ilang taon. Sa katunayan, base sa datos ng DepEd ay mababa ang

marka ng magaaral sa National Achievement Test at mga international test tulad ng

Trends in International Mathematics and Science Study o TIMSS.

 11

Sa lumang kurikulum, ang mga high school graduate ay nasa 16 taong gulang pa

lamang samantalang sa K to 12 program ay papalo pa ito sa 18 taong gulang o ang

legal na edad upang makapagtrabaho. Inaasahan na sa K to 12 program, mas magiging

bihasa ang mag-aaral sa pinaka-basic na kaalaman tulad ng pagbabasa, pagsusulat at

paghahanap ng solusyon sa mga problema. Mas handa rin sila upang maipagpatuloy

ang pagaaral sa kolehiyo. Higit sa lahat, maaari nang makapagsimula ng sariling

negosyo ang nakatapos dahil nasa hustong gulang na siya at maaaring matutunan sa

senior high school ang iba't-ibang larangan lalo na ang mga ayaw tumuloy sa kolehiyo.

Sa pagpili ng kurso sa kolehiyo, maraming bagay ang binibigyang

konsiderasyon. Isa na rito ang impluwensiya ng mga taong nakapaligid sa isang

indibidwal. Ang kabataan ang kadalasang nakararanas nito. Ayon kay Buenaflor et al.

(2007), ang mga tao ay may iba’t-bang pangangailangan na posibleng ang mga

ito ay mauwi sa isang suliranin. Ang kabataan at ang kanilang mga magulang ay 

mayroong iba’t ibang karanasan, persepsyon, at mga paniniwala na humuhubog sa 

kanilang pangangailanganang kapaligiran at sitwasyon ay nagsisilbi ring salik na nagtata

kda ng kanilang pangangailangan. Sa bahaging ito mahihinuha na ang karamihan sa

mga kabataan ay nahaharap sa paghanap ng mga kasagutan at kalinawan, habang ang

kanilang mga magulang ay naguguluhan kung paano nila magagabayan ang kanilang

mga anak tungo sa tamang landas. Pamilya man ang may malaking ambag sa kabuuan

ng isang tao, hindi pa rin maikakaila ang epekto sa mga desisyon ang mga prinsipyong

maaaring makuha sa iba pang institusyon tulad ng lipunan, simbahan, paaralan at

media.

Ayon sa pag-aaral ni Tecson (2014), Sa pagpapatupad ng programang K-12,

marami pa rin sa atin ang hindi sumasang-ayon sa pagpapatupad nito at ang ilan sa atin
 12

ay sumasang-ayon dito. Ngunit ano nga ba ang tunay na layunin ng programang ito.

Para sa pamahalaan, layunin ng K-12 na pataasin ang kalidad ng edukasyon at paunlarin

pa ang ekonomiya ng ating bansa. Layunin din nito na mas ihanda ang mga kabataan sa

pagtatrabaho, kapag natapos ang mga kabataang ito sa hayskul, nasa sapat na silang

gulang (18 taong gulang) at sapat na kakayahan upang maghanap ng magandang

trabaho, junior high school pa lamang ay maari na silang makakuha ng certificate of

competency level 1, basta makumpleto nila ang requirements ng TESDA at

maipagpatuloy ito sa senior high school upang pag sila'y nakapagtpos, maari na silang

makakuha ng trabaho. Maganda nga ito! Para sa mga kabataang walang panustos sa

pagpapatuloy sa kolehiyo. Nakakatulong rin ito sa mga kabataan upang mahasa ang

kursong nais nila.

Ngunit kung may mga positibong layunin, marami din namang mga negatibong

layunin ang programang ito ayon sa iilan. Ang pagpapatupad daw ng K-12 ay upang

makalikha ng mga semi-skilled na manggagawa upang matugunan ang

pangangailangan ng mga dayuhang korporasyon at dayuhang pamilihan ng paggawa.

Dahil na rin sa maaari nang makapagtrabaho ang mga kabataan pagkatapos ng hayskul,

iilan na lamang ang nanaising makapagtapos ng kolehiyo dahilan upang babaan ang

badgyet sa edukasyon. Hindi daw ang pagpapatupad ng K-12 ang solusyon sa

mababang kalidad ng edukasyon sa ating bansa, ayon nga kay Trillanes, “Mas

makabubuti para sa ating bansa kung hindi muna ipatutupad ang K to 12 Program

hanggat hindi pa nasosolusyunan ang mga problema sa sistema ng ating edukasyon

tulad ng kakulangan sa mga silid-aralan at kagamitan ng mga estudyante, at ang

kakulangan sa mga guro at ang kanilang mababang sahod,”. Iba iba ang pagtingin natin

sa layunin ng pagpapatupad ng K-12, ngunit sana kung ano mang tunay na layunin ng
 13

pamahalaan sa pagpapatupad nito ay para sa kapakanan ng mga Pilipino. Panahon na,

upang Pilipino naman ang ating bigyang importansya, at hindi ang mga dayuhan.

Huwag nating hayaang ang ibang mga bansa ang makinabang sa ating mga

pinakamahuhusay na mangangawa. Marami mang oportunidad sa ibang mga bansa,

matuto tayong tumingin sa ating pinaggalingan, ang Inang bayan naman ang ating

pagsilbihan. Ayon nga kay Rizal, "Ang mga Kabataan ang pagaasa ng ating Bayan",

kaya't patunayan nating mga kabataang tayo nga ang pagasa at magpapaunlad sa ating

bansa.

Ayon sa pag-aaral ni Braza (2014), ang edukasyon sa Pilipinas ay lubha ng

napag-iiwanan ng iba pang bansang pumapaligid dito. Ipinatupad ang programang k-12

upang mas maipataas ang kalidad ng pangunahing pamamaraan ng pag-aaral sa ating

bansa. Ngunit ang pangunahing problemang nakitaan ng mga Pilipino ay kakulangan sa

pera upang matustusan ang dalawang taong dagdag sa edukasyon ng mga Pilipino. Sa

pahayag ni dating Pangulong Benigno Aquino III, naglaan ang gobyerno ng sapat na

pera o voucher na tutulong sa pagpapaaral ng mga estudyanteng magtatapos ng

ikasampung sekondarya at na kailangan daw makapagtapos ang mga estudyante ng

may labingdalawang taon upang mabigyang tsansang mapagtagumpayan ang suliraning

kinakaharap ng Pilipinas. Lahat ng mga makapagtatapos ng Technical Vocational and

Livelihood sa Senior High School ay mabibigyan ng sertipiko kung saan magagamit nila

ito sa mabilisang paghahanap ng trabaho. Sinasabi sa pag-aaral na kulang ang guro,

pasilidad, pera at kagamitan sa mga ilang pambulikong paaralan sa Pilipinas.

14
15
16
 17

Pag-aaral ng paksa at pagtatalaga

ng mga layunin

Pagpili ng disenyo ng pananaliksik

Pagpili ng mga respondente para

sa pag-aaral

Paglikha ng talatanungan na
naglalaman ng mahahalagang tanong
ukol sa pag-aaral

Pamamahagi ng talatanungan sa mga napiling

magulang

Pangangalap ng mga datos at

impormasyon

Pagsasaayos, pagsusuri at pagbibigay

ng interpretasyon sa mga datos

Pagbibigay ng lagom, konklusyon at

rekomendasyong naaayon sa resulta ng pag-aaral

Tambilang 2
Daloy ng Pag-aaral
 18

PRESENTASYON AT INTERPRETASYON NG MGA DATOS

Pinagsama-sama at sinuring mabuti ang mga datos na nakalap sa isinagawang

sarbey tungkol sa pananaw ng mga piling magulang tungkol sa K-12 Kurikulum. Ang

mga datos at impormasyong nakalap ay inisa-isa at binigyan ng nararapat na porsyento.

Natuklasan sa pag-aaral na ito ang mga sumusunod na datos at impormasyon.

Talahanayan 1

Distribusyon ng mga Respondente ayon sa Kasarian

Bayan
Kasaria Calaca Lemery Taal Dalas Porsiyento
n (%)
Lalaki 9 3 3 15 33.33
Babae 6 12 12 30 66.67
Kabuoan 45 100

Ipinapakita ng Talahanayan 1 ang distribusyon ng mga respondente ayon sa

kasarian. Batay sa datos at impormasyon na nakalap, 66.67% ng mga respondente ay

babae at 33.33% naman ay lalaki.

Batay sa datos na nakalap, karamihan sa tumugon na respondente ay babae.

 19

Talahanayan 2

Distribusyon ng mga Respondente ayon sa Edad

Bayan
Edad Calaca Lemery Taal Dalas Porsiyento
(%)
30 7 0 0 7 15.56
pababa
31 – 40 5 4 5 14 31.11
41 - 50 3 7 8 18 40
51 - 60 0 4 2 6 13.33
Kabuoa 45 100
n

Ipinapakita sa Talahanayan 2 na batay sa datos na nakalap, 15.56% ang tumugon

na nasa edad tatlumpung pababa (30 pababa), 31.11% naman ang tumugon na nasa

edad tatlumpu’t isa hanggang apat napu (31-40),40% naman ang may pinakamataas na

tumugon na nasa edad na apatnapu’t isa hanggang limampu (41-50), at 13.33% naman

ang tumugon na nasa edad na limapu’t isa hanggang animnapu (51-60).

Batay sa datos na nakalap ang edad apatnapu’t-isa hanggang limampu (41-50) ay

ang may pinakamaraming tumugon na respondente.

 20

Talahanayan 3

Distribusyon ng mga Reaksyon sa Pagpapatupad ng K-12 Kurikulum

Bayan
Reaksyo Calaca Lemery Taal Dalas Porsiyento
n (%)
Natuwa 6 1 3 10 22.22
Nagalit 0 3 1 4 8.89
Nainis 6 9 8 23 51.11
Walang 3 2 3 8 17.78
Reaksyon
Kabuoan 45 100

Ipinapakita ng Talahanayan 3 ang distribusyon ng mga reaksyon ng mga

magulang sa pagpapatupad ng K-12 Kurikulum. Batay sa datos at impormasyon na

nakalap, umabot ng 51.11% ang mga taong sumagot ng nainis, 22.22% naman ang

mga natuwa, 17.78 ang walang reaksyon, at 8.89% lamang ang nagalit.

Batay sa datos na nakalap, pinakamarami ang nainis at pinakakaunti naman ang

nagalit.
 21

Talahanayan 4

Bayan
Palagay Calac Lemery Taal Dala Porsiyento
a s (%)
1. Dagdag gastos sa mga 6 7 5 18 40
magulang

2. .Dagdag panahon sa pag- 1 5 4 10 22.22

aaral

3. Dagdag hirap sa mag-aaral 0 2 3 5 11.11

4. Nakatutulong sa mga 8 1 3 12 26.67

mag-aaral sapagkat mas
napapahaba ang
preparasyon para sa
kolehiyo
Kabuoan 45 100

Ipinapakita ng Talahanayan 4 ang distribusyon ng mga palagay ng mga

magulang sa pakakaroon ng K-12 Kurikulum. Batay sa datos at impormasyon na nakalap

sa tatlong bayan, umabot ng 40% ang sumang-ayon na dagdag gastos lamang sa mga

magulang ang pagpapatupad ng K-12, habang 22.22% naman ang mga nagsabi na

dagdag panahon lang sa pag-aaral ang nasabing kurikulum, 26.67% naman ang

sumangayon na nakatutulong sa mga mag-aaral ang K-12 sapagkat mas napapahaba

ang preparasyon para sa kolehiyo at 11.11% lamang ang nagsabi na dagdag pahirap

lamang ang K-12 sa mga mag-aaral.

Batay sa datos na nakalap, pinakamarami ang sumangayon na dagdag lamang

sa gastos ang pagkakaroon ng K-12 Kurikulum sa ating bansa.

 22

Talahanayan 5

Distribusyon ng mga naging Dulot ng K-12 sa mga Magulang

5.1 Magagandang Naidulot ng K-12

Talahanayan 5.1.1

Naging Resulta sa Bayan ng Calaca

Salaysay 1 2 3 4

1. Mas napagtutuunan ng pansin ang ilang 2 11 2 0

pangangailan sa aspetong pang-edukasyon ng aking
anak

2. Mas nahahasa ang kaalaman ng aking anak 5 9 1 0

3. Mas nararagdagan ang kaalamang natututunan ng 3 12 0 0

aking anak

4. Mas napaunlad ang edukasyon ng aking anak 5 10 0 0

5. Mas mahaba ang preparasyon para sa kolehiyo 5 7 3 0

6. Mas nabibigyan ng mahabang panahon ng aking 4 11 0 0

anak na pag-isipan kung ano ang gusto niyang kurso

Talahanayan 5.1.2

Naging Resulta sa Bayan ng Lemery

Salaysay 1 2 3 4

1. Mas napagtutuunan ng pansin ang ilang 1 11 1 2

pangangailan sa aspetong pang-edukasyon ng aking
anak

2. Mas nahahasa ang kaalaman ng aking anak 7 7 0 1

3. Mas nararagdagan ang kaalamang natututunan ng 5 9 1 0

 23

aking anak

4. Mas napaunlad ang edukasyon ng aking anak 6 9 0 0

5. Mas mahaba ang preparasyon para sa kolehiyo 5 8 2 0

6. Mas nabibigyan ng mahabang panahon ng aking 4 9 2 0

anak na pag-isipan kung ano ang gusto niyang kurso

Talahanayan 5.1.3

Naging Resulta sa Bayan ng Taal

Salaysay 1 2 3 4

1. Mas napagtutuunan ng pansin ang ilang 2 7 5 1

pangangailan sa aspetong pang-edukasyon ng aking
anak

2. Mas nahahasa ang kaalaman ng aking anak 5 6 2 2

3. Mas nararagdagan ang kaalamang natututunan ng 5 7 1 2

aking anak

4. Mas napaunlad ang edukasyon ng aking anak 3 8 3 1

5. Mas mahaba ang preparasyon para sa kolehiyo 6 6 2 1

6. Mas nabibigyan ng mahabang panahon ng aking 3 9 2 1

anak na pag-isipan kung ano ang gusto niyang kurso
 24

Talahanayan 5.1.4

Naging Resulta sa mga Bayan ng Calaca, Lemery, at Taal

Salaysay 1 2 3 4

1. Mas napagtutuunan ng pansin ang ilang 5 29 8 3

pangangailan sa aspetong pang-edukasyon ng aking
anak

2. Mas nahahasa ang kaalaman ng aking anak 17 22 3 3

3. Mas nararagdagan ang kaalamang natututunan ng 13 28 2 2

aking anak

4. Mas napaunlad ang edukasyon ng aking anak 14 27 3 1

5. Mas mahaba ang preparasyon para sa kolehiyo 16 21 7 1

6. Mas nabibigyan ng mahabang panahon ng aking 11 29 4 1

anak na pag-isipan kung ano ang gusto niyang kurso

Ipinapakita sa Talahanayan 5.1.4 na mayroong iba’t ibang pananaw ang mga

magulang mula sa iba’t ibang bayang ng Calaca, Lemery, at Taal, Batangas ukol sa

magagandang dulot ng K-12.

 25

Talahanayan 5.1.5

Naging Resulta sa mga Bayan ng Calaca, Lemery, at Taal

Salaysay 1 2 3 4 Weighte Interpretasyon
d Mean
1. Mas napagtutuunan ng 5 29 8 3 2.2 Sumasang-ayon
pansin ang ilang
pangangailan sa aspetong
pang-edukasyon ng aking
anak
2. Mas nahahasa ang kaalaman 17 22 3 3 1.82 Sumasang-ayon
ng aking anak
3. Mas nararagdagan ang 13 28 2 2 1.84 Sumasang-ayon
kaalamang natututunan ng
aking anak
4. Mas napaunlad ang 14 27 3 1 1.8 Sumasang-ayon
edukasyon ng aking anak
5. Mas mahaba ang 16 21 7 1 1.84 Sumasang-ayon
preparasyon para sa
kolehiyo
6. Mas nabibigyan ng 11 29 4 1 1.89 Sumasang-ayon
mahabang panahon ng
aking anak na pag-isipan
kung ano ang gusto niyang
kurso

Ipinapakita sa Talahanayan 5.1.5 ang naging resulta ng kabuoang weighted

mean at ang mga interpretasyon nito. Batay sa mga nakalap na datos o impormasyon,

lahat ng mga respondent ay sumasang-ayon sa mga inilahad na salaysay. Ang salaysay

na “mas napagtutuunan ng pansin ang ilang pangangailan sa aspetong pang-edukasyon

ng aking anak” ang pinakamagandang dulot ng K-12 na may pinakamataas na weighted

mean (2.2).
 26

5.2 Masasamang Naidulot ng K-12

Talahanayan 5.2.1

Naging Resulta sa Bayan ng Calaca

Salaysay 1 2 3 4

1. Mas lumalaki ang gastusin 12 1 2 0

2. Mas mahabang panahon ng pag-aaral 12 1 0 2
3. Nawawalan ng oras ang aking anak sa pamilya 6 4 5 0
4. Nawawalan ng gana ang aking anak sa pag-aaral 7 3 4 1
5. Sa halip na nagtatrabaho na ay nag-aaral pa rin dahil sa 8 5 2 0
karagdagang dalawang taon
6. Dagdag pagod at hirap hindi lamang sa mga magulang 11 2 2 0
kundi pati na rin sa mga anak

Talahanayan 5.2.2

Naging Resulta sa Bayan ng Lemery

Salaysay 1 2 3 4

1. Mas lumalaki ang gastusin 11 3 0 1

2. Mas mahabang panahon ng pag-aaral 10 4 0 1
3. Nawawalan ng oras ang aking anak sa pamilya 7 2 4 2
4. Nawawalan ng gana ang aking anak sa pag-aaral 5 2 6 2
5. Sa halip na nagtatrabaho na ay nag-aaral pa rin dahil sa 9 4 0 2
karagdagang dalawang taon
6. Dagdag pagod at hirap hindi lamang sa mga magulang 2 1 0 2
kundi pati na rin sa mga anak

Talahanayan 5.2.3
 27

Naging Resulta sa Bayan ng Taal

Salaysay 1 2 3 4

1. Mas lumalaki ang gastusin 8 5 1 1

2. Mas mahabang panahon ng pag-aaral 11 2 1 1
3. Nawawalan ng oras ang aking anak sa pamilya 2 5 7 1
4. Nawawalan ng gana ang aking anak sa pag-aaral 3 4 5 3
5. Sa halip na nagtatrabaho na ay nag-aaral pa rin dahil sa 4 7 1 3
karagdagang dalawang taon
6. Dagdag pagod at hirap hindi lamang sa mga magulang 6 7 0 2
kundi pati na rin sa mga anak

Talahanayan 5.2.4

Naging Resulta sa mga Bayan ng Calaca, Lemery, at Taal

Salaysay 1 2 3 4

1. Mas lumalaki ang gastusin 31 9 3 2

2. Mas mahabang panahon ng pag-aaral 33 7 1 4
3. Nawawalan ng oras ang aking anak sa pamilya 15 11 16 3
4. Nawawalan ng gana ang aking anak sa pag-aaral 15 9 15 6
5. Sa halip na nagtatrabaho na ay nag-aaral pa rin dahil sa 21 16 3 5
karagdagang dalawang taon
6. Dagdag pagod at hirap hindi lamang sa mga magulang 29 10 2 4
kundi pati na rin sa mga anak

Ipinapakita sa Talahanayan 5.2.4 na mayroong iba’t ibang pananaw ang mga

magulang mula sa iba’t ibang bayang ng Calaca, Lemery, at Taal, Batangas ukol sa

masasamang dulot ng K-12

Talahanayan 5.2.5
 28

Naging Resulta sa mga Bayan ng Calaca, Lemery, at Taal

Salaysay 1 2 3 4 Weighted Interpretasyon
Mean
1. Mas lumalaki ang gastusin 31 9 3 2 1.47 Lubos na
Sumasang-ayon
2. Mas mahabang panahon ng 33 7 1 4 1.47 Lubos na
pag-aaral Sumasang-ayon
3. Nawawalan ng oras ang aking 15 11 16 3 2.16 Sumasang-ayon
anak sa pamilya
4. Nawawalan ng gana ang aking 15 9 15 6 2.27 Sumasang-ayon
anak sa pag-aaral
5. Sa halip na nagtatrabaho na ay 21 16 3 5 1.82
nag-aaral pa rin dahil sa Sumasang-ayon
karagdagang dalawang taon
6. Dagdag pagod at hirap hindi 29 10 2 4 1.38 Lubos na
lamang sa mga magulang kundi Sumasang-ayon
pati na rin sa mga anak

Ipinapakita sa Talahanayan 5.2.5 ang naging resulta ng kabuoang weighted

mean at ang mga interpretasyon nito. Batay sa mga nakalap na datos o impormasyon,

sumasang-ayon ang mga respondente sa inilahad na salaysay na “nawawalan ng gana

ang aking anak sa pag-aaral” bilang pinakamasamang dulot ng K-12 na may

pinaakamataas na weighted mean na 2.27.

LAGOM, KONKLUSYON AT REKOMENDASYON

 29

Ang pag-aaral na ito ay isinagawa sa layuning malaman ang iba’t-ibang opinyon,

pananaw, at hinanaing ng mga magulang mula sa mga bayan ng Calaca, Lemery at Taal

ukol sa K-12 Kurikulum. Ang ginamit na pamamaraan ng pananaliksik ay deskriptib-

analitik at talatanungan (survey questionnaire) naman ang teknik na ginamit sa

pangangalap ng mga datos at impormasyon. Gamit ang disenyong deskriptib-analitik,

ang mga mananaliksik ang naggawa ng talatanungan na pinasagutan sa apatnapu’t-

limang (45) respondent. Lahat ng respondente dito ay mga magulang na may anak na

nasa ilalim ng K-12 Kurikulum. Ang pag-aaral na ito ay isinagawa sa taong akademiko

2018-2019.

Sa apatnapu’t-limang (45) respondenteng magulang sa mga bayan ng Calaca,

Lemery at Taal, labinglima (15) ng mga respondente ay mula sa bayan ng Calaca

gayundin ang bilang sa bayan ng Lemery at Taal. Napag-alaman ding, ang may edad

tatlumpung pababa, ang tumugon na may labing-anim na porsiyento (16%), tatlompu’t-

isa hanggang apatnapong taong gulang (31-40) naman ang tumugon na may

tatlompu’t-isang porsiyento (31%), edad apatnapu’t-isa hanggang limampung taong

gulang (41-50) ang may pinakamaraming tumugon na may apatnapong porsyento

(40%), at labingtatlong porsyento (13%) naman ang nasa edad na limampu’t-isa

hanggang animnapung taong gulang (51-60) ang may pinakakakaunting tumugon.

Napag-alaman din na sa mga respondenteng ito ay tatlumpu’t-tatlong porsyento (33%)

ang mga lalaki at animnapu’t-pitong porsiyento (67%) naman ang mga babae.

Batay sa mga datos na nakalap at nasuri ng mga mananaliksik, mas maraming

mga magulang ang nainis na nasa limampu’t-isang porsiyento (51.11%) kaysa sa mga

nagalit na nasa siyam na porisyento (8.89%) sa pagpapatupad ng K-12 Kurikulum. Ayon

sa ginawang sarbey, apatnapong porsiyento ng mga magulang ang sumang-ayon sa

 30

kadahilanang dagdag gastos lamang ang K-12 sa mga magulang. Base rin sa pananaw

ng mga magulang, sumasang-ayon sila na ang pinakamagandang naidulot ng

pagkakaroon ng K-12 ay mas lalong napagtuunan ng pansin ng kanilang mga anak ang

ilang pangangailangan sa aspetong pang-edukasyon, na may weighted mean na 2.2.

Samakatuwid, sumasang-ayon din sila na ang pinakamasamang dulot nito ay ang unti-

unting pagkawala ng interes ng mga bata sa pag-aaral na may weighted mean na 2.27.

Batay sa kinalabasan ng pag-aaral na ito, iminumungkahi ang mga sumusunod:

a) Para sa mga estudyante, panatilihing mag-aral nang mabuti para makamit ang

magandang edukasyon at magandang buhay. Sikaping makapagtapos para hindi

masayang ang paghihirap ng mga magulang. Gamitin ang dagdag na dalawang taon

para mapag-isipang mabuti at mapaghandaan ang kolehiyo.

b) Para sa komunidad, maagap na tugon para sa pangangailangan ng bawat estudyante

sa lipunan.

c) Para sa mga namumuno, tulong pinansiyal para sa mga magulang na nahihirapan

itaguyod ang mga anak sa pag-aaral dahil sa laki ng gastusin.

d) Para sa mga magulang, bigyan ng sapat na panahon at gabay ang mga anak para

maging wasto at tama ang paglaki nila, para magkaroon ng kaalaman ukol sa K-12

pamamaraan ng edukasyon. Magbigay rin ng suporta sa mga anak nang sa gayon ay

hindi mawalan ng interes ang mga ito sa pag-aaral.

e) Para sa mga susunod na mananaliksik, makakatulong ito sa kanilang kaugnay na pag-

aaral at makadaragdag kaalaman sa kanilang pag-aaral. Patuloy na pag-aralan ang mga

paksa na may kaugnay sa K-12 para malaman kung dapat na ba itong ipagpatuloy o

hindi.
 31

BIBLIYOGRAPIYA

Cayetano, J. A. (2014)
K-12 Kurikulum galling sa https://k12kurikulum.blogspot.com/2014/09/ano-nga-
ba-ang-tunay-na-layunin-ng.html

De Castro, P. I. (2013, May 15)

“K to 12: Salamin ng Paghamon, Pagkasindak at Realidad” galling sa
https://www.academia.edu/13090342/_K_to_12_Salamin_ng_Paghamon_
Pagkasindak_at_Realidad_

Duque, J. S. (2013)
Mga kaugnay na Pag-aaral sa K-12 galing sa
https://www.academia.edu/31575690/KABANATA_II_MGA_KAUGNAY_NA_LITER
ATURA_AT_PAG-AARAL

Killer, A. S. (2012)
Ang Sistema ng Edukasyon ng Inglatera galing sa
https://www.academia.edu/22415801/Ang_Sistema_ng_Edukasyon_ng_Inglatera

Membrere, R. E. (2015, September 17)

Epekto ng K to 12 sa mga estudyante ng Quirino High Scool galling sa
https://www.academia.edu/19450310/Buong_Kabanata_2

Puljante, S. E. (2012, October 8)

K to 12 at Sistemang Pang- Edukasyon galling sa
https://www.academia.edu/28991270/K_12_at_SISTEMANG_PANG_EDUKASYON

Villar, A. S. (2011)
Mga Mahahalagang Kaalaman Tungkol Sa K to 12 Program galling sa
https://ph.theasianparent.com/k-to-12-program-in-the-philippines