Darr…

Scene – Day time/Bedroom/Court Outer area scene

Characters – Pati,Patni,Bachhi and Extras – 2-3 wakeel and Crowd.

(Ek ghar me ek pati - patni or unki ek 6-7 saal ki beti rehti hai Ek subah patni jogging par gayi hoti hai pati
apne bedroom me so raha hota hai tabhi uski aankhe jhatke se khul jaati hai usne ek bura sapnaa
dekhaa hotaa hai usse jhatka lagta hai or wo bagal me check karta hai jaise kuch dhundh raha ho… wo
apni beti ko dhundne lagata hai , sab jagah dekhne ke baad wo usse kitchen me milti hai…wo bournvita
chura kar khaa rahi hoti hai..Pita usse gusse se dekhta hai or uska haath pakad kar fikramand voice me
kehta hai…)
Pita – tumne aaj fir chhori ki naa …tum aise nahi maanogi aaj tumhe punishment milegi… jail me band
karana padega…

(wo beti ko gaadi me bithata hai or court le jata hai waha wo usse alga-alag wakeelo ke pass le jaata hai
or kehta hai )

Pita – mujhe ek case darj karana hai….

Wakeel – kiske khilaaf ?(apnaa kaam karte huye)

Pita – apni beti ke khilaaf…

Wakeel – kitni badi hai aapki beti ?

Pita – ye hai meri beti (apni beti ki taraf ishaara karte huye)

Wakeel – arey bhaaisaab app kya baat kar rahe hai ? (haste huye)…

( Pita pareshaan hokar dusre wakeel ke paas chalaa jaata hai )

Pita – Bhaisaab shayad unhe meri baat samajh nahi aayi, mujhe…. apni beti ke khilaaf case darj karna
hai…

Wakeel – lekin isne kia kya hai?

Pita – Chhori ki hai isne isse , aap kuch aisa kar dijiye ki bass ye jail me band ho jaaye… aap jail me band
kar dijiye isse..(request karta hai…)

Wakeel – Arey….lekin….Kya churaya isne…

Pita – Isne bournvita chhuraaya …(nervous hote huye)

(Saare wakeel hasne lagte hai bheed Ikattha ho jaati hai…)

Wakeel – (hasta hai)Itni chhoti si baat ke liye aap bhaisaab..

(Pita chillata hai or Bilak kar kehta hai)

Pita – Hasiye mat…Chhoti baat nahi hai ye(Gussa me aakar) isse plzz…. jail me band kar dijiye…(request
karke)

Wakeel – lekin Mahashay aap ek kaaran denge isse jail me band karne kaa …(Taav me)

Pita –Ek Kaaran – Mera Darrr…

Mai roz NEWS dekhta hu or roz NEWS me ye sunta hu ki Kolkata me ,Bombay me, delhi me(chiddte
huye) India ke har kone me kahi ek Chhoti si bacchi kaa balatkaar kar diaa..ek 4 saal ki bacchi , kabhi 6
saal kabhi 2 saal (Disgusting face banakar)…kaise…?Darr… Mujhe roz darr lagta hai… Maine aaj subah ek
sapna dekhaa ki meri beti ka kisi ne mere hi building ke saamne Balaatkaar.. kar diaa..Or mai kuch naa
kar saka…mere saamne uski jaan chali gayi….

Fir jab meri jhatke se aankh khuli toh ...mai khudh ko yakeen nahi dillaa paa raha tha ki meri beti ke
saath aisa kuch nahi hogaa …or ye sach nahi ek sapnaa hai…or ye sapna mujhe ek baar nahi baar baar
aata hai…mujhe dar lagta hai iss sapne se,,or harr baar darata hai mujhe ye sapna..darr.. lagta hai mujhe
apne iss legal system se …or darr.. lagata hai apni society se …or ab ab toh darr lagta hai mujhe khud
se ..ki kyaa mai itna takatwar hu jo apni beti ki raksha kar paaega… aap ye bataiye ki aapki bhi beti hogi
kya aap me se koi bhi ek baap puri surety ke saath keh sakta hai…ki unki beti hamare iss desh me safe
hai,safe rahegi…Nahi..naa…mujhe darr lagta hai…roz darr lagta hai….Isliye mai chahta hu ki meri beti jail
me rahe kyuki wo jagah jaada safe hai hamari building se hamari road se hamari galio se ham
se…..Kyuki..

Darr…lagta hai mujhee…