Pananaliksik 1

KARANIWANG GRAMATIKANG PAGKAKAMALI SA PAGSULAT AT KAALAMAN

SA LINGGWISTIKONG KASANAYAN: BATAYAN SA PAGBUO NG SANAYANG
AKLAT PARA SA PAGLINANG NG KASANAYAN SA
AKADEMIKONG PAGSULAT

Rasyonal

Pangkalahatang layunin ng Kurikulum ng K to 12 ang makalinang ng isang buo at ganap

na Pilipinong may kapakipakinabang na literasi. Kaugnay nito, layunin ng pagtuturo ng Filipino

na malinang ang kakayahang komunikatibo, replektibo / mapanuring pag-iisip at,

pagpapahalagang pampanitikan ng mga mag-aaral sa pamamagitan ng mga babasahin at

teknolohiya tungo sa pagkakaroon ng pambansang pagkakakilanlan, kultura na literasi, at

patuloy na pagkatuto upang makaagapay sa mabilis napagbabagong nagaganap sa daigdig. Sa

ikatatamo ng mithiing ito, kailangan ng mga kagamitang panturo ng mga guro bilang suporta sa

kurikulum na magmumula sa administrasyon, ahensiyang panlipunan, pribado at publiko,

pamahalaang lokal, midya, tahanan at iba pang sektor ng lipunan.

Pinahayag ni Lee (2002), ang karaniwang pagkakamali ng mga mag-aaral sa pagsulat ay

ang pagpapaikli ng mga salita, maling paggamit ng bantas na kung saan ang mga pagkakamaling

nabanggit ay hindi sinasadya o intension ng mga mag-aaral. Hindi na mapapansin na ito ay

nagamit sa pagsulat dahil sa text lingo na ginagamit araw-araw na paghahatid ng mensahe.

Ang kaalaman ng mag-aaral sa paggamit ng wika sa pasalitang pakikipagtalastasan ay

lubhang kapansin-pansin. Gayunman, lumalabas ang kanilang kahinaan at kamalian kapag ito ay

kanilang isinulat. Ang maling gamit ng mga salita, maling pagkakabuo ng ideya o kaisipan,
gamit ng mga salitang transisyunal, maging gamit ng bantas at baybay ng salita ay napapansin sa

pagsulat na pakikipagtalastasan. Ang kamaliang ito ang nagpapahina sa sulating pang-akademiko

na kanilang ginawa. Ang mga ito ang dahilan kung bakit nagiging mababaw o magkaminsan ay

nagiging malabo ang paglalahad ng mga ideya ng mga mag-aaral sa kanilang komposisyon at

siyang sanhi rin na pagkakaroon ng mababang antas ng pagsulat.

Ang pagsulat ay isa ring produktibong kasanayan na nararapat na matutuhan ng mga

mag-aaral upang madebelop ang kanilang kakayahan. Sa pamamagitan nito, nailalahad ng

sinomang nagnanais sumulat ang kanyang mga saloobin at paniniwala, dahil ito ay repleksyon ng

kaalamang nakuha ng isang tao sa mga pang-araw-araw niyang pamumuhay sa lipunan.

May dalawang mahalagang kabutihang naidudulot ang pagsusulat. Una sa pamamagitan

nito, makagagawa ng mabuting plano para sa kanyang mga ideya ang tagapagpahayag.

Magkaroon siya ng pagkakataong maisaayos ang kaisipang ibig niyang ibahagi sa kanyang target

na mambabasa. Ikalawa, maaari niyang pakinisin o pabutihin ang kanyang sinusulat sapagkat

makakaroon siya ng sapat na panahon, paghahanda at pagkakataon para ito isagawa. Makikita

niya ang mga kakulangan sa kanyang ginawa sa pauli-ulit na pagbabasa sa kanyang pyesa. Sa

gayon mapapabuti niya ito sa maayos ang kanyang sulatin.

Ang kaalaman ng mag-aaral sa paggamit ng wika sa pasalitang pakikipagtalastasan ay

lubhang kapansin-pansin. Gayunman, lumalabas ang kanilang kahinaan at kamalian kapag ito ay

kanilang isinulat. Ang maling gamit ng mga salita, maling pagkakabuo ng ideya o kaisipan,

gamit ng mga salitang transisyunal, maging gamit ng bantas at baybay ng salita ay napapansin sa

pagsulat na pakikipagtalastasan. Ang kamaliang ito ang nagpapahina sa sulating pang-akademiko

na kanilang ginawa. Ang mga ito ang dahilan kung bakit nagiging mababaw o magkaminsan ay

nagiging malabo ang paglalahad ng mga ideya ng mga mag-aaral sa kanilang komposisyon at
siyang sanhi rin na pagkakaroon ng mababang antas ng pagsulat. Ang mga pagkakamaling

nabanggit ay hindi sinasadya o intension ng mga mag-aaral. Hindi na mapapansin na ito ay

nagamit sa pagsulat dahil sa text lingo na ginagamit araw-araw sa paghahatid ng mensahe.

Ito ang nagbunsod sa mananaliksik kung bakit isinagawa niya ang pag-aaral na ito.

Nilalayon ng mananaliksik na alamin ang karaniwang kamalian ng mga mag-aaral batay sa

pagbabantas, palabaybayan, palagitlingan, salitang transisyunal at wastong gamit ng salita.

Gayundin aalamin sa pananaliksik na ito kung may kaugnayan ang profayl ng mga mag-aaral sa

kanilang karaniwang kamalian sa pang-akademikong sulatin. Layunin din ng mananaliksik na

mula sa pag-aaral na ito ay makabuo ng isang kagamitang panturo na magagamit sa lalo pang

paglinang sa mga kasanayang pang-akademiko ng bawat mag-aaral.

Paglalahad ng Suliranin

Ang pag-aaral na ito ay layuning kilalanin, ilarawan, ipangkat at suriin ang mga

karaniwang gramatikang pagkakamali ng mga piling Senior High School sa pagsulat at kaalaman

sa linggwistikong kasanayan.

Binibigyang pansin din nito na ang mga makakalap na kasagutan sa mga sumusunod na

katanungan;

1. Ano-ano ang karaniwang gramatikal na pagkakamali ng mga tagatugon sa pagsulat ng

sanaysay kaugnay sa:

1.1. Pagbabaybay;

1.2. Gamit ng mga salita; at

 1.3. Pagbabantas?

2. Ano ang mga salik panghikayat sa pagsulat ng sanaysay ng mga mag-aaral batay sa:

2.1. Interes ;

2.2. Kakayahan ; at

2.3. Istratehiya sa pagsulat?

3. Ano ang antas ng kaalaman sa linggwistikong kasanayan ng mga mag-aaral hinggil sa:

3.1. Istruktura ng salita;

3.2. Pagbuo ng pangungusap; at

3.3. Bokabularyo/pagkakahulugan ng salita?

4. Mayroon bang makabuluhang kaugnayan ang karaniwang gramatikal na pagkakamali sa

pagsulat ng sanaysay sa antas ng kaalaman ng linggwistikong kasanayan ng mga mag-aaral?

5. Mayroon bang makabuluhang kaugnayan ang mga salik panghikayat sa pagsulat ng sanaysay

sa antas ng kaalaman sa linggwistikong kasanayan ng mga tagatugon?

6. Mayroon bang kaibahan ang karaniwang gramatikal na pagkakamali sa pagsulat ng sanaysay

sa antas ng kaalaman ng linggwistikong kasanayan ng mga mag-aaral?

7. Mayroon bang kaibahan ang mga salik panghikayat sa pagsulat ng sanaysay sa antas ng

kaalaman sa linggwistikong kasanayan ng mga amg-aaral?

8. Batay sa ginawang pananaliksik, anong kagamitang panturo sa paglinang sa kasanayan sa

akademikong pagsulat ng mga mag-aaral ang maaaring mabuo?

Balangkas Konseptwal

MALAYANG BARYABOL DI-MALAYANG BARYABOL

Ano-ano ang karaniwang Ano ang antas ng kaalaman sa

gramatikal na pagkakamali ng mga linggwistikong kasanayan ng mga
mag-aaral sa pagsulat ng sanaysay mag-aaral hinggil sa:
kaugnay sa: 3.1. Istruktura ng salita
1.1. Pagbabaybay 3.2. Pagbuo ng pangungusap
1.2. Gamit ng mga salita 3.3.Bokabularyo/
1.3. Pagbabantas pagkakahulugan ng salita

Ano ang mga salik panghikayat sa

pagsulat ng sanaysay ng mga mag-
aaral batay sa:
2.1. Interes
2.2. Kakayahan
2.3. Istratehiya sa pagsulat

Kagamitang Panturo sa Paglinang sa Kasanayan sa

Akademikong Sulatin

Pigura 1. Balangkas Konseptwal

Ang pigura 1 ay naglalarawan ng malaya at di-malayang baryabol ng pag-aaral na may

pamagat na “Karaniwang Gramatikang Pagkakamali sa Pagsulat at Kaalaman sa Linggwistikong

Kasanayan: Batayan sa Pagbuo ng Sanayang Aklat para sa Paglinang ng Kasanayan sa

Akademikong Sulatin”. Ang malayang baryabol ay ang pananaw ng mga respondenteng mag-

aaral hinggil sa karaniwang gramatikal na pagkakamali ng mga tagatugon sa pagsulat ng

sanaysay kaugnay sa pagbabaybay, gamit ng mga salita at pagbabantas at ang mga salik

panghikayat sa pagsulat ng sanaysay ng mga mag-aaral batay sa interes, kakayahan at estratehiya

sa pagsulat. Ang di-malayang baryabol naman ay ang antas ng kaalaman sa linggwistikong

kasanayan ng mga mag-aaral hinggil sa istruktura ng salita, pagbuo ng pangungusap at

bokabularyo/ pagkakahulugan ng salita.

Samantala, ang double-headed arrow naman ay tumutukoy sa kaugnayan at kaibahan ng

Malaya at di-malayang baryabol sa bawat isa. At ang kahon sa ibabang bahagi ay tumutukoy sa

kung anong kagamitang panturo ang maaaring mabuo sa paglinang ng kasanayan sa

akademikong pagsulat ng mga mag-aaral.

Disenyo ng Pananaliksik

Gagamitin sa pananaliksik na ito ang palarawan at komparatibong korelasyunal na

pananaliksikna ang layunin ay mailarawan nang maayos ang isang katayuan o larangan ng pinag-

aaralan batay sa tiyak na datos. Ayon kay Church (2017), ang palarawang korelasyunal na

pananaliksik ay isang imbestigasyon na naglalarawan at nagbibigay kahulugan tungkol sa isang

bagay o paksa. Ito’y may kinalaman sa kundisyon ng mga ugnayang nagaganap, mga gawaing

umiiral, mga paniniwala at prosesong nagaganap. Kinapapalooban ito nang pagsukat sa dalawa o

higit pang magkakaugnay na baryabol at ang pagtatasa sa kaugnayan sa pagitan ng/ at sa mga

baryabol. Sa korelasyunal na pag-aaral, walang dapat manipulahin. Walang pang-

eksperimentong pagtrato na nangagahulugang ang mga respondente ay nalantad sa iba’t ibang uri

ng pagtuturo o iba’t ibang uri ng karanasan.

Gagamitin din sa pag-aaral na ito ang correlational na pamamaraan na ang layunin ay

malaman ang kaugnayan ng karaniwang gramatikal na pagkakamali ng mga respondenteng mag-

aaral sa pagsulat ng sanaysay kaugnay sa pagbabaybay, gamit ng mga salita at pagbabantas at

ang mga salik panghikayat sa pagsulat ng sanaysay ng mga mag-aaral batay sa interes,

kakayahan at estratehiya sa pagsulat at ang antas ng kaalaman sa linggwistikong kasanayan ng

mga mag-aaral hinggil sa istruktura ng salita, pagbuo ng pangungusap at bokabularyo/

pagkakahulugan ng salita.

Lugar/ Respondente

Ang mga kalahok ng pag-aaral ay binubuo ng dalawang daan at dalawang (202) mag-

aaral, na pinili mula sa kabuuang bilang na tatlong daan walumpu’t anim (386) na mag-aaral sa

Baitang-10 ng Leuteboro National High School sa taong panuruan 2021-2022. Napili ang

kabuuang bilang ng respondente sa pamamagitan ng G-power Analysis, gamit ang alpha level na

0.05, power na 0.90 at effect size na 0.3.

Pagkatapos na malaman ang kabuuang bilang ng respondente, inalam naman ang dami ng

respondente sa bawat seksyon sa pamamagitan ng proportional stratified random sampling

technique.