WHOLE BRAIN LEARNING SYSTEM

OUTCOME-BASED EDUCATION

FILIPINO BAITANG
Filipino sa Piling Larang Akademik 11/12

LEARNING KUWARTER 4

MODULE LINGGO 4

WBLS-OBE MELC-Aligned Self-Learning Module Filipino 11 0

 MODYUL SA SHS
FILIPINO SA PILING LARANG
(AKADEMIK)

KUWARTER 4
LINGGO 4

PAGSULAT NG REPLEKTIBONG SANAYSAY

AT GAMIT NG MGA SALITANG AKADEMIKO

Development Team

Writer: Genalyn P. Mariano

Editor: Aprilyn R. Ramos

Reviewers: Zorayda S. Paguyo

Aprilyn R. Ramos

Layout Artist: Aprilyn R. Ramos

Management Team: Vilma D. Eda Arnel S. Bandiola

Lourdes B. Arucan Juanito V. Labao

Zorayda S. Paguyo

WBLS-OBE MELC-Aligned Self-Learning Module Filipino 11 1

 Ano ang Matututuhan Mo?

Ang modyul na ito ay kinapapalooban ng mga impormasyong magpapalawak sa iyong

kaalaman sa makabuluhang pagsulat ng replektibong sanaysay. Dito matutunghayan mo ang
mas detalyadong pagtalakay sa mga hakbang at gabay sa pagsulat ng replektibong sanaysay at
sa mga salita o terminong akademiko na madalas ginagamit sa mga akademikong sulatin tulad
nito bilang aralin sa Linggo 4 ng Ikaapat na Markahan na nakabatay sa Pinakamahalagang
Kasanayang Pampagkatuto (MELC).

Magiging katuwang mo rin ang modyul na ito sa mas malalimang pagkakaunawa sa

estilo at teknikal na pangangailangan ng isang akademikong sulatin gaya ng replektibong
sanaysay na naglalayong sanayin ka sa pagsulat ng mga orihinal na sulating lilinang sa
iyong kakayahang magpahayag tungo sa mabisa, mapanuri, at masinop na diskurso.

Ang modyul na ito ay may dalawang aralin:

1. Replektibong Sanaysay: Hakbang at mga Dapat Isaalang-alang sa Pagsulat
2. Salita/Terminong Akademiko: Kahulugan at Gamit

Ano ang Inaasahan Mo?

Sa pagtatapos ng modyul na ito ay inaasahang matatamo mo ang mga sumusunod:

1. matukoy ang mga hakbang at mga dapat ikunsidera sa pagsulat ng replektibong

sanaysay;
2. mabigyang kahulugan at matukoy ang mga salita/terminong akademiko na karaniwang
gamit sa pagsulat ng replektibong sanaysay;
3. maunawaan ang kahalagahan sa pagsulat ng replektibong sanaysay; at
4. mailapat ang mga natamong kabatiran sa pagsasagawa ng mga pagsasanay.

Paano Mo Matututuhan?

Upang makamit at ganap na mabatid ang mga inaasahan, sikaping isakatuparan ang
mga sumusunod:

 maglaan ng panahon sa pagbabasa, pag-unawa, at pagsusuri sa nilalaman ng mga aralin;

 sagutin nang buong kahusayan ang mga pagsasanay o pagtataya na naibigay;
 magsaliksik ng iba pang sanggunian upang madagdagan at mapalawak ang kaalaman; at
 sundin o gawin ang mga panuntunan upang matamo ang kasanayang hinahangad.

WBLS-OBE MELC-Aligned Self-Learning Module Filipino 11 2

 Magandang buhay! Binabati kita sa iyong
matagumpay na pag-aaral at pagsasakatuparan ng mga
gawain sa ikatlong linggo. Kaya naman natitiyak kong
handang-handa ka na sa pagdukal ng mga panibagong
kaalaman at karanasan sa ikaaapat na linggo. Tandaan,
kailangan mong matapos ang Modyul na ito sa loob
lamang ng isang linggo kaya’t sikapin at gawin ang
makakaya para tapusin ito.

Narito ang mga pamantayan at layunin na kailangan mong

isaalang-alang habang pinag-aaralan ang mga paksa at
ALAMIN isinasagawa ang mga pagsasanay. Handa ka na ba?

Pamantayang Pangnilalaman: Natitiyak ang angkop na proseso ng pagsulat ng piling

sulating akademiko

Pamantayan sa Pagganap: Nakasusulat ng 3-5 na sulatin mula sa nakalistang anyo

na nakabatay sa pananaliksik

Kasanayang Pampagkatuto: FA11/12PT-0m-o-90:

Nabibigyang kahulugan ang mga terminong akademiko
na may kaugnayan sa piniling sulatin

Bago ka tumungo sa mismong talakayan at aralin, nais kong

sukatin muna ang iyong kaalaman tungkol sa mga paksa. Sa
ibaba ay mayroong limang aytem na kailangan mong sagutin.
SUBUKIN Paghusayan Mo!

PAUNANG PAGTATAYA

Panuto: Suriin ang bawat pahayag. Isulat sa iyong sagutang papel ang TAMA kung wasto ang
ideyang taglay nito at MALI naman kung hindi ito wasto.

1. May tatlong bahagi ang replektibong sanaysay – panimula/introduksiyon, katawan at

wakas o konklusyon.
2. Tumatalakay dapat ang replektibong sanaysay sa iba’t ibang aspekto ng nasaliksik na datos.
3. Sa katawan ng replektibong sanaysay dapat mag-iwan ng kakintalan sa mambabasa.
4. Ang mga salitang akademiko ay ginagamit sa pagsulat ng replektibong sanaysay.
5. Kapag sinabing terminong akademiko, kabilang dito ang mga salitang kalye, kolokyal o
balbal na mga salita.

WBLS-OBE MELC-Aligned Self-Learning Module Filipino 11 3

 Tingnan mo ngayon sa Susi ng Pagwawasto kung tama ang mga sagot mo. Kung
nakakuha ka ng 3-5 na iskor, aba’y marami ka nang alam tungkol sa ating mga aralin, kaya’t
madali na lamang para sa iyo ang mga susunod na pagsasanay o gawain. Kung mas mababa
rito ang nakuha mo, huwag kang mag-alala dahil tiyak na matututuhan mo ang lahat ng
tungkol sa ating paksa sa tulong ng modyul na ito.

Bilang pagsisimula sa paggalugad mo ng karunungan sa

linggong ito ay malugod kitang inaanyayahan na muling
bakasin ang nakaraang aralin, iugnay sa kasalukuyan at
pagyamanin sa kinabukasan ang mga konseptong iyo nang
BALIKAN napag-aralan.

Sa nakaraang linggo, iyong napag-aralan ang ilang mahahalagang impormasyon sa pagsulat

ng replektibong sanaysay. Nagkaroon ka ng malawak na kaalaman tungkol sa katuturan,
kahalagahan, at katangian ng isang mahusay na replektibong sulatin.

Nabatid mo na tunay na nagsusulat tayo ng replektibong sanaysay hindi lamang upang

magpahayag ng saloobin at ipaalam sa iba ang ating pananaw o opinyon tungkol sa isang paksa,
bagkus nagsusulat tayo nito upang tayahin at suriin ang sarili nating pag-iisip, damdamin, at kilos.

Natutuhan mo rin na dahil masasabing personal ang sulating ito, hindi ibig sabihing maaari
ng isulat ang lahat ng pumasok sa isipan. Kailangan pa rin nitong sumunod sa mga alituntunin ng
pagsulat ng akademikong akda, tulad ng organisasyon at kaisahan ng mga ideya, wastong
gramatika, paggamit ng bantas at ng mga makatotohanang ebidensiya bilang suporta sa mga
personal na pahayag, at iba pa.

Magaling! Lubos na makatutulong ang muli mong pagbakas

sa mga naunang aralin. Ngayon naman ay ating aalamin ang
iba pang kaalaman sa pagsulat ng replektibong sanaysay.
TUKLASIN Tara, tuklasin, pagnilayan at unawain ang bago mong aralin!

May tatlong mahahalagang bahagi ang replektibong sanaysay na dapat kabisahin upang
makasulat ng isang epektibong sulatin. Ito ay ang panimula, katawan, at konklusyon. Bawat
bahagi ay may mahalagang gampanin upang makabuo ng isang komprehensibo at mahusay na
sulatin.

Dapat ring mabatid na gumagamit ng mga wikang pormal ang sulating ito, yaong mga
salitang piling-pili na kaugnay sa pinapaksa at hindi gumagamit ng mga kolokyal o balbal na
salita – ito ang tinatawag na mga salita o terminong akademiko.

Ngayon ay handa ka nang higit na pag-aralan ang mga konseptong ito. Basahin at
unawain mong maigi ang mga sumusunod upang maging handa sa kalakip nitong mga gawain
o pagsasanay.

WBLS-OBE MELC-Aligned Self-Learning Module Filipino 11 4

 Natitiyak ko ngayon na ikaw ay handa nang tumuklas at
SURIIN matuto ng mga panibagong kaalaman. Simulan na natin!

Unahin nating pag-aralang ang mga dapat ikonsidera at mga hakbang sa pagsulat ng
replektibong sanaysay na susundan ng tungkol sa mga terminong akademiko.

Mga Dapat Isaalang-alang sa Pagsulat ng Replektibong Sanaysay

1. Bumuo ng isang tiyak na paksa o tesis na iikutan ng nilalaman ng replektibong

sanaysay.
2. Gumamit ng unang panauhan ng panghalip tulad ng ako, ko, at akin, sapagkat ito ay
nagpapahiwatig ng personal na karanasan.
3. Gumamit ng tekstong naglalahad o ekspositori sa pagsulat nito. Gawin itong malinaw
at madaling mauunawaan sa pagpapaliwanag ng mga ideya o kaisipan upang
maipabatid ang mensahe sa mga mambabasa.
4. Tumatalakay dapat ito ng iba’t ibang aspekto ng karanasan.
5. Sundin ang mga bahagi sa pagsulat ng sanaysay: introduksiyon, katawan, at
konklusyon.
6. Pagandahin ang panimulang bahagi.
7. Ang konklusyon ay dapat magkaroon ng repleksyon sa lahat ng tinalakay.
8. Gawing organisado at lohikal ang pagkakasulat ng mga talata.
9. Rebyuhin ng ilang ulit ang repleksyon.

Mga Hakbang sa Pagsulat ng Replektibong Sanaysay

Panimula

 Sinisimulan sa pagpapakilala o pagpapaliwanag ng paksa o gawain. Maaaring ipahayag

nang tuwiran o di-tuwiran ang pangunahing paksa. Ang mahalaga ay mabigyang-
panimula ang mahalagang bahagi ng buhay na pupukaw sa interes ng mambabasa.

 Sa pagsulat ng simula, maaaring mag-umpisa sa pagsagot sa mga tanong na: ano, paano,
at bakit. Matapos masagot ang mga tanong na ito, lagumin ang iyong mga sagot sa loob
ng isang pangungusap. Ito ang iyong magsisilbing tesis o pangunahing kaisipan na
siyang magiging gabay sa iyong pagsulat ng replektibong sanaysay.

Mga Dapat Tandaan sa Pagsulat ng Panimula/Introduksiyon

✓ Siguraduhing ito ay makapupukaw sa atensiyon ng mambabasa.

✓ Maaaring gumamit ng iba’t ibang paraan sa pagsulat ng mahusay na panimula tulad

ng paggamit ng kilalang pahayag mula sa isang tao o quotation, tanong, anekdota,
karanasan, at iba pa.

✓ Sundan agad ito ng pagpapakilala ng paksa at layunin ng pagsulat ng sanaysay na

siyang magsisilbing preview ng kabuoan ng sanaysay. Isulat lamang ito sa loob ng
isang talata.

WBLS-OBE MELC-Aligned Self-Learning Module Filipino 11 5

Katawan

 Katulad ng maikling kuwento, sa bahaging ito ay binibigyang-halaga ang maigting na

damdamin sa pangyayari. Ang katawan ng replektibong sanaysay ay naglalaman ng
malaking bahagi ng salaysay, obserbasyon, realisasyon, at natutuhan. Ipinaliliwanag
din dito kung anong mga bagay ang nais ng mga manunulat na baguhin sa karanasan,
kapaligiran, o sistema.

 Dito inilalahad ang mga pantulong o kaugnay na kaisipan tungkol sa paksa o tesis na
inilahad sa panimula. Ang mga bahagi ay mga obhetibong datos batay sa iyong
naobserbahan o naranasan upang higit na mapagtibay ang kaisipang iyong ipaliliwanag
at paggamit ng mga mapagkatiwalaang sanggunian bilang karagdagang datos na
magpapatibay sa paksa. Sa bahagi ring ito makikita o isusulat ang iyong mga
napagnilay-nilayan o mga natutuhan, mga gintong aral at mga patotoo kung paano
nakatulong ang mga karanasang ito sa iyo.

Konklusyon

 Muling banggitin ang tesis o ang pangunahing paksa ng sanaysay. Lagumin ito sa
pamamagitan ng pagbanggit kung paano mo magagamit ang iyong mga natutuhan sa
buhay sa hinaharap.

 Dapat mag-iwan ng isang kakintalan sa mambabasa. Dito na mailalabas ng manunulat

ang punto at kahalagahan ng isinasalaysay niyang pangyayari o isyu at mga pananaw
niya rito. Dito na rin niya masasabi kung ano ang ambag ng kanyang naisulat sa
pagpapabuti ng katauhan at kaalaman para sa lahat.

 Bilang pagwawakas, maaaring magbigay rin ng hamon sa mga mambabasa na sila man
ay magnilay-nilay sa kanilang buhay hinggil sa iyong naibahagi o kaya naman ay mag-
iwan ng tanong na maaari nilang pag-isipan. Tandaan ang replektibong sanaysay ay
isang personal na pagtataya tungkol sa isang paksa na maaaring makapagdulot ng
epekto o hindi sa iyong buhay o sa mga taong makababasa nito.

Isa rin sa dapat ikonsidera sa pagsulat ng replektibong sanaysay ay ang tamang

paggamit ng mga bokabularyo at salita. Bilang manunulat, maging maingat at mabusisi sa
paggamit ng mga salita o termino sa iyong sulatin upang mapanatili nito ang katangiang
akademiko.

Itinuturing ang isang replektibong sanaysay na intelektwal na pagsusulat dahil layon

nitong iangat ang antas at kalidad ng kaalaman ng mga mag-aaral at maging sino man. Sa
gayon, dapat mabatid na karaniwang ginagamit dito ay ang mga salita/terminong akademiko.
Ano nga ba ang mga tinutukoy na akademikong salita?

Salita/Terminong Akademiko

➢ Ginagamit upang ilarawan ang anomang bagay, kilos, salita, na maaaring iugnay sa
mataaas na edukasyon o akademya.

WBLS-OBE MELC-Aligned Self-Learning Module Filipino 11 6

 ➢ Ito ay mga salitang piling-pili tulad ng mga salitang teknikal na ginagamit sa larangan
ng agham, teknolohiya, pagsusuri, matematika, humanidades, medisina, at iba pa.

➢ Pormal na mga salitang ginagamit sa talakayan.

➢ Hindi kabilang dito ang mga kolokyal at balbal na salita tulad ng mga salitang kalye,
pinaghalong Tagalog at Ingles, jejemon, gay lingo, maging pagbali-baliktad ng mga
salita tulad ng lespu, ermat, petmalu, iskapo, tsiks, na-iprint, beki, mudra, at iba pa.

Mga Larangang Ginagamitan ng mga Salita/Terminong Akademiko

1. Research o Pananaliksik

▪ Ginagamitan ng mga akademikong salita dahil nangangailangan ng masusing pag-

aaral at hindi lamang ng sariling pananaw ng sumusulat ang maaaring ilahad dito.

2. Report o mga Memorandum

▪ Pormal ito na dokumento kaya kailangang gamitan ng mga akademikong salita

para maging propesiyonal na akda. Ito ay dahil din sa karaniwang ginagamit ito sa
isang pormal na trabaho o ng mga taong may mataas na posisyon.

3. Talumpati, Bionote, at iba pang Personal na Sanaysay

(tulad ng Replektibong Sanaysay, Editoryal at iba pa)

▪ Ginagamitan ang mga sulating ito ng akademikong salita para iagapay ito sa uri
ng sinusulat lalo’t ang mga tekstong ito ay pormal na maituturing kaya
nangangailangan ng mga salitang piling-pili at pormal na mga salita na kaugnay sa
larangang pinapaksa.

Iba Pang Larangang Ginagamitan ng mga Salita/Terminong Akademiko

Humanidades Wika Literatura Pilosopiya

Teolohiya Arkitektura Teatro Sining
Sayaw Musika Agham Panlipunan Kasaysayan
Sosyolohiya Sikolohiya Ekonomiks Antropolohiya
Arkeolohiya Heograpiya Agham Politikal Abogasya
Agham Pisikal Matematika Pisika Kemistri
Astronomiya Inhinyerya Agham Biyolohikal Biyolohiya
Botanika Medisina Agrikultura Soolohiya
Pagsasaka Paghahayupan Pangingisda Paggugubat
Pagmimina Editoryal Pamanahong Papel Pananaliksik

WBLS-OBE MELC-Aligned Self-Learning Module Filipino 11 7

Halimbawa ng mga Replektibong Sanaysay:

Suriin ang halimbawa ng sulating ito at ang mga nabilugang akademikong termino na
nagamit.

EDITORYAL
(Pilipino Star Ngayon) - March 4, 2021 - 12:00am

Tiwala sa bakuna, tumataas na

Unti-unti nang nawawala ang pagdududa at pangamba sa Sinovac. Unti-unti nang

tumataas at marami na ang gustong magpabakuna. Kahapon, nadagdagan pa ang mga gustong

magpabakuna, gamit ang Sinovac na dating inaayawan dahil sa mababang efficacy rate.

Halimbawa ay sa Philippine General Hospital (PGH), nadagdagan nang mahigit 100 ang health

workers na nagbakuna kahapon. Ngayong araw ay inaasahang madaragdagan pa ang mga

magpapabakuna. Noong Lunes, nasa 180 lamang ang nagpabakuna at noong Martes ay umabot

na sa 383 ang nagpabakuna.

Ayon kay UP-PGH Spokesperson Jonas Del Rosario, marami sa mga frontliner ang

nagpabakuna makaraang mapag-aralan ang datos ng Sinovac. Nalaman nila na mabisa ang

bakunang ito laban sa matinding epekto ng COVID-19. Bago ang pagdating ng bakuna, mataas

ang porsiyento ng mga gustong magpabakuna pero nang malaman na Sinovac ang ituturok sa

WBLS-OBE MELC-Aligned Self-Learning Module Filipino 11 8

 kanila, sumadsad sa 13 porsiyento mula 92 porsiyento ng health workers ang nag-backout.

Katwiran nga ng mga nag-backout ay dahil sa mababang efficacy rate ng bakuna mula China.

Sa ibang ospital sa Metro Manila gaya sa Tala Hospital, nadagdagan din ang mga health

workers na nagpabakuna. Ito umano ay ‘yung mga dating nag-backout pero nang malaman na

mabisa ang Sinovac, nagdesisyon na silang magpabakuna. Sa Lung Center of the Philippines

ay tumaas din ang bilang ng health workers na gustong magpabakuna. Inaasahan naman na

magiging matagumpay ang rollout ng bakuna sa mga probinsiya gaya sa Davao at Cebu.

Kahapon, natanggap na ng mga ospital sa probinsiya ang nakalaan sa kanilang dosage ng

Sinovac.

Isa sa mga nagpataas ng kumpiyansa sa bakuna ay ang ipinakitang pagpapaturok ng mga

pinuno ng ospital at iba pang government officials. Sila ang naging halimbawa kaya nawala ang

pagdududa ng health workers. Halimbawa ay ang ginawa ng hepe ng PGH na si Dr. Gerardo

Legaspi na unang nagpabakuna sa harap nang maraming health workers. Naging halimbawa rin

ang iba pang pinuno ng ospital gaya sa V. Luna Medical Center at Lung Center of the

Philippines.

Kapag nanguna ang mga pinuno, mawawala na ang takot at pangamba ng mamamayan.

Nararapat magbigay ng halimbawa para tumaas ang tiwala sa bakuna.

Sanggunian: https://www.philstar.com/pilipino-star-ngayon/opinyon/2021/03/04/2081802/editoryal-tiwala-sa-
bakuna-tumataas-na

WBLS-OBE MELC-Aligned Self-Learning Module Filipino 11 9

 Sa bahaging ito ay sikapin mong pagtibayin ang iyong
pag-unawa at mga kasanayan sa araling binasa hinggil
sa pagsulat ng replektibong sanaysay. Sagutin ang
naihandang gawain para sa iyo. Alam kong kayang-
PAGYAMANIN kaya mo ito! Paghusayan mo!

Panuto: Ibigay ang nabatid na mga hakbang at dapat isaalang-alang sa pagsulat ng

replektibong sanaysay at ang mahahalagang natutuhan sa salitang akademiko at gamit nito.
Maglista ng tigtatlong sagot sa bawat isa sa sagutang papel.

________________________
Mga Hakbang/Dapat
Isaalang-alang sa Pagsulat ________________________
ng Replektibong Sanaysay ________________________

________________________
Salitang Akademiko at ________________________
Gamit nito
________________________

Narito ang ilang mga konsepto na kailangang isaisip upang

ISAISIP lubos na matalunton ang mga napag-aralan.

May mga dapat ikonsidera sa pagsulat ng replektibong sanaysay. Ginagamitan ito ng

tekstong naglalahad o ekspositori na tumatalakay sa magkakaibang aspekto ng karanasan.

Ang akademikong sulating ito ay dapat magtaglay ng tatlong bahagi: panimula, na

dapat kapana-panabik; katawan, na naglalahad ng malaking bahagi ng obserbasyon,
salaysay, realisasyon; at wakas o konklusyon, na dapat nag-iiwan ng kakintalan sa
mambabasa. Ang replektibong sanaysay ay nagsisilbing midyum sa paglalahad nang
mapuso ngunit nakahulma sa teknikal na aspekto ng isang akademikong sulatin. Kaugnay
nito, pagnilayan at isaisip ang mga kahalagahan sa pagsulat nito.

Karaniwan din na sa pagsulat ng replektibong sanaysay, ang mga salita o terminong

akademiko na pormal na mga salita at piling-pili ang ginagamit.

WBLS-OBE MELC-Aligned Self-Learning Module Filipino 11 10

 Malapit na! Alam kong sabik ka ng mapagtagumpayan ang
kabuoan ng modyul na ito, kaya isang banat pa, kayang-kaya
ISAGAWA mo itong isagawa!

Panuto: Basahin at unawain ang halimbawa ng replektibong sanaysay. Pagkatapos, sagutin

ang mga sumusunod na tanong na nasa ibaba nito.

“BARRIO DOCTORS”
ni Lehar Cambe

Sa kasalukuyang panahon marami ang kumukuha ng kursong medisina. Ako ay isa sa

mga estudyanteng nangangarap maging isang propesyonal na dentista. Nangangarap tayo na
magkaroon ng magandang hinaharap sa kukuhanin nating kurso, magkasuweldo ng malaki o
higit kaunti sa sapat upang maging “stable” ang ating pamumuhay, at lalong-lalo na sa
pinansyal na pangangailangan. Sa panahon natin ngayon hindi tayo mabubuhay kung walang
pera, sapagka’t ito na ang pangunahing pangangailangan ng bawat isa. Nagiging mataas lang
naman ang ating mga pangarap dahil sa paghahangad natin ng magkaroon ng magandang buhay
at magandang trabaho, pero kung ang pagiging makabayan ang pinag-uusapan, talo tayo; kung
mayroon ba tayong ipinapakitang dignidad o integridad pagdating sa ating propesyon o
kursong ginampanan, wala rin tayo. Paano naman ang ating mga mamamayan na walang sapat
na pera para magpagamot o magpa-checkup? Kung ating iisipin ang isang check-up ay kasing
halaga na ng isang linggong pagtustos sa pang araw-araw na pangangailangan at gastusin.

Noong napanood ko ang maikling palabas na ipinakita ng aming guro, naipakita nito
ang sinseridad at debosyon ng mga doktor sa kanilang propesyon. Naglaan sila ng panahon
para mag “medical mission” sa mga taong may karamdaman; naipakita nila ang kanilang
pagmamahal sa mga maysakit sa pamamagitan ng paggamot ng libre. Sa totoo lang, ako ay
namangha sa kanilang ginawa, dahil sa panahon ngayon bihira nalang ang mga doktor na
gumagawa ng ganon. Marami silang ginagawang sakripisyo at pagtitiis, ngunit ginagampanan
pa rin nila ang kanilang responsibilidad bilang isang propesyonal sa lipunan at sa Pilipinas.
Sila ang tunay na nagbibigay ng serbisyo sa mamamayan. Para sa akin, isa silang inspirasyon
sa nakararami dahil sa kanilang kakaibang kakayahan pagdating sa kanilang trabaho. Dahil sa
napanood kong ito, nabuksan ang aking isipan na may mga bagay na dapat akong gampanan
para sa kapwa at hindi lamang sa pansariling kaunlaran, at dapat rin itong maging serbisyo para
sa lahat at isaalang-alang ang ikauunlad ng iba.

Bagama’t naghahangad ako ng magandang kinabukasan, trabaho, at buhay ay palagi pa

rin magiging bukas ang aking mga palad para sa mga nangangailangan sa kakahayan ng isang
taong katulad ko. Hindi ako magiging saradong tao; magiging tapat ako sa aking trabaho at
gagawin ko ang lahat ng aking makakaya upang mabigyan ko ng serbisyo ang mamamayan na
hindi kaya ang sariling gastusin sa paggagamot. Hindi dapat laging pera ang iniisip at
pinoproblema ng isang tao dahil naniniwala ako na kapag gumawa ka ng taos-pusong kabutihan
para sa iba ay susuklian ka ng Diyos ng kakaibang kayamanan.

Ipaliwanag ang sagot sa bawat bilang.

1. Ano ang mga mahahalagang tinalakay ng may-akda ukol sa kanyang paksa na tinalakay sa
bahaging introduksyon ng replektibong sanaysay? Ipaliwanag.
2. Paano niya ito sinuportahan o binigyang halaga sa katawan ng replektibong sanaysay?
Bigyang patunay at ipaliwanag ito.

WBLS-OBE MELC-Aligned Self-Learning Module Filipino 11 11

3. Bilang pagtatapos ng kanyang sanaysay, ano ang naging konklusyon ng manunulat sa
paksang kanyang tinalakay na nagbigay ng kanyang aral o repleksiyon sa kanyang buhay.
Patunayan sa pamamagitan ng pagbanggit sa mga mga sinabi sa akda at bigyan ito ng
paliwanag.
4. Magbigay ng 5-10 salita o terminong akademiko na nagamit sa binasang replektibong
sanaysay.

Mahusay! Ngayon, magkakaroon tayo ng maikling pagsusulit

sa kabuoan ng aralin. Natitiyak kong masasagot mong lahat
TAYAHIN ang mga tanong. Hala, bira!

PANGWAKAS NA PAGTATAYA

Panuto: Suriin ang bawat pahayag. Isulat sa iyong sagutang papel ang TAMA kung wasto ang
ideyang taglay nito at MALI naman kung hindi ito wasto.

1. May tatlong bahagi ang replektibong sanaysay – panimula/introduksiyon, katawan at

wakas o konklusyon.
2. Tumatalakay dapat ang replektibong sanaysay sa iba’t ibang aspekto ng nasaliksik na datos.
3. Sa katawan ng replektibong sanaysay dapat mag-iwan ng kakintalan sa mambabasa.
4. Ang mga salitang akademiko ay ginagamit sa pagsulat ng replektibong sanaysay.
5. Kapag sinabing terminong akademiko, kabilang dito ang mga salitang kalye, kolokyal o
balbal na mga salita.

Sikapin mong isakatuparan ang mga

gawain sa bahaging ito upang lubos mong
mataya at mailapat ang iyong natamong
kabatiran sa pag-unawa ng mga aralin sa
KABUOANG PAGSUSURI modyul na ito. Kayang-kaya mo’to!

PERFORMANCE TASK (1 PRODUCT)

KASANAYANG PAMPAGKATUTO: Nabibigyang kahulugan ang mga nagamit na

terminong akademiko na may kaugnayan sa piniling sulatin.

Unpacked Learning Competency: Nagagamit ang mga terminong akademiko sa pagsulat ng

replektibong sanaysay.
SITUATION: Ang Sirib Ilokano Express ng Ilocos Norte ay magdaraos ng napapanahong
patimpalak para sa lahat ng mga nasa sekondarya sa probinsiya. Layunin ng nasabing patimpalak
na mabigyan ng pagkakataon ang mga kabataang Ilokano makapaglahad o makapagbahagi ng
kanilang mga saloobin, pananaw o opinyon, pagsusuri, at realisasyon sa mga pinagdaanan o
karanasan ngayong pandemya sa pamamagitan ng pagsulat ng replektibong sanaysay.

WBLS-OBE MELC-Aligned Self-Learning Module Filipino 11 12

 Kaugnay nito, ang iyong entri ay ipapadala sa email address na nailakip sa kanilang mga
anunsiyo. Ang mga mapipiling may pinakamahusay na sulatin ay mabibigyan ng kaukulang
gantimpala at ilalathala ang nagwaging obra sa facebook page ng SIKA at Provincial
Government of Ilocos Norte (PGIN). Tatayahin ito batay sa sumusunod na pamantayan:
panimula, nilalaman o katawan, kongklusyon, angkop na paggamit ng mga terminong
akademiko, at paggamit ng wika at mekaniks.
GOAL: Layunin ng nasabing patimpalak na mabigyan ng pagkakataon ang mga kabataang
Ilokano makapaglahad o makapagbahagi ng kanilang mga saloobin, pananaw o opinyon,
pagsusuri, at realisasyon sa mga pinagdaanan o karanasan ngayong pandemya sa pamamagitan
ng pagsulat ng replektibong sanaysay.
ROLE: Manunulat ng Replektibong Sanaysay
PRODUCT: Replektibong Sanaysay (ukol sa karanasan ngayong pandemya)
AUDIENCE: Mga opisyal o tagapangasiwa ng SIKA, mga hurado, at mga kapwa mag-aaral
STANDARDS: panimula, nilalaman/katawan, konklusyon, angkop na paggamit ng mga
akademikong termino/wika at mekaniks

PERFORMANCE TASK ANALYTIC RUBRIC:

Nangangailangan
Napakahusay Mahusay Kasiya-siya
Kategorya ng Pagpapahusay Puntos
(4) (3) (2)
(1)
Nakapaglahad ng Nakapaglahad ng Nakapaglahad ng Nangangailangang
napakahusay, mahusay na katamtamang paunlarin ang
Panimula interaktibo at panimula. paraan ng kasanayan sa
kawili-wiling pagsulat ng pagsulat ng
panimula. panimula. panimula.
Naisulat ang Naisulat ang Naisulat ang Naisulat ang
katawan ayon sa katawan ayon sa katawan ayon sa katawan ayon sa
mga suportang dalawang ideya na isang ideya na magkakaibang
ideya na tumutugon sa tumutugon sa ideya na
Nilalaman o tumutugon sa kabuoan ng bahagi ng tumutugon
Katawan kabuoan ng sanaysay batay sanaysay batay sa kabuoan ng
sanaysay batay sa isyung sa isyung sanaysay batay sa
sa isyung tinatalakay. tinatalakay. isyung
tinatalakay. tinatalakay.
Naibuod nang Naibuod ang Katamtamang Hindi naibuod
buong husay ang sanaysay ayon sa naibuod ang nang tama ang
Kongklusyon sanaysay ayon sa tiyak na sanaysay ayon sa sanaysay.
pangkabuoang kaisipan/mensahe. kaisipan/mensahe.
kaisipan/mensahe.
Napakahusay at Mahusay at Maraming mali sa Kailangang
angkop ang napamamahalaan gramatika at irebisa o ayusin
Paggamit ng
paggamit ng wika, (manageable) ang baybay gayundin dahil halos lahat
mga terminong
walang mali sa mali sa gramatika, sa gamit ng ng pangungusap
akademiko o
gramatika, baybay baybay at gamit ng bantas. ay may mali sa
wika at
at gamit ng bantas bantas at may gramatika, baybay
Mekaniks
at may mayamang mayamang at gamit ng
bokabularyo. bokabularyo. bantas.

WBLS-OBE MELC-Aligned Self-Learning Module Filipino 11 13

 SUSI SA PAGWAWASTO

MALI 5. MALI 5.
TAMA 4. TAMA 4.
MALI 3. MALI 3.
MALI 2. MALI 2.
TAMA 1. TAMA 1.

(Paunang Pagtataya) (Pangwakas na Pagtataya)

SUBUKIN TAYAHIN

*Ang sagot ng mga mag-aaral sa iba pang mga gawain o pagsasanay ay maaaring magkakaiba-iba.

SANGGUNIAN

- Pinakamahalagang Kasanayang Pampagkatuto (MELC)

AKLAT

Dela Cruz, M. A. S. at Evasco, E. Y. (2016). Pagsulat sa Filipino sa Piling Larangan:

Akademik. Makati City: Diwa Learning Systems Inc.

Julian, A. B at Lontoc, N. S. (2016). Pinagyamang Pluma (K to 12): Filipino sa Piling Larang

(Akademik). Quezon City: Phoenix Publishing House, Inc.

Bandril, Lolita T. at Voltaire M. Villanueva (2016). Pagsulat sa Filipino sa Piling Larangan

(Akademik at Sining). Quezon City: Vibal Group Inc.

Bernales, Rolando A. et. al. (2017). Filipino sa Larangang Akademiko. Malabon City: Mutya
Publishing Co.

SANGGUNIANG ELEKTRONIKO

https://brainly.ph/question/2666895
https://www.philstar.com/pilipino-star-ngayon/opinyon/2021/03/04/2081802/editoryal-
tiwala-sa-bakuna-tumataas-na
https://janpersonb.wordpress.com/2018/10/14/replektibong-sanaysay/
https://pdfcoffee.com/replektibong-sanaysay-7-pdf-free.html

WBLS-OBE MELC-Aligned Self-Learning Module Filipino 11 14

 For inquiries or feedback, please write or call:
Department of Education-Schools Division of Laoag City
Curriculum Implementation Division (CID)
Brgy. 23 San Matias, Laoag City 2900
Contact Number: (077)771-3678
Email Address: laoagcity@deped.gov.ph

WBLS-OBE MELC-Aligned Self-Learning Module Filipino 11