Hadrotul Kotita walkaromah Sateje para alim para ulama sekaonang ajinarang tenggi putti kabbi ngonjuk

muji.
Para Keyae, para guru ngaji, para seppo tor sateje sasembeen sebeden kaule amoljeagi.
Tor jugen tak kaleb kaator dek sohibul barha wassa’adeh, sohibul waliamtu ursy ajunan semolje Bpk……
sareng ebu…….. sanak karabeh seampon ngoker tareka ngembengi bekto kalaben pangesto.
Kaotare jugen dek separjuge patenggi disa sengeppel kakoasaan e bumi Pasongsongan tor satejeh
parabut disa seampon ngabekte kalaben pangesto ate.
Sateje ajunan, sateje onjengan seppo anom ebu bapak sekaolaten sami molje parjuge.

Abideer rassa seneng delem dede ngabidi oker okara pangator se eperte sopaje akor tor erantep sopaje
apamor.
ngireng abdina ngajek dek ajunan satejeh kaanggui ngatoragi songkem pangabekte ngastete tor tengate
monggu ajunan guste Allah minangka pangerte semokte, seampon ngomesse manussa se socce
kalaben beles aseh kantos sami jemjem tor asre, kong langkong asareng kalaben ngalancarra nikmat
agung senik-mernik tor tek-narektek sekaoker delem pekker sekaracek delem tareka se eperte delem
tengka bungana magumbire lebet longanna dere nyarepseb delem rage magundeg ngorat ngombik
essena dede kantos sami modde delem adekande tantona ampon samporna egeressah delem rassa
kantos pade apangrasa ka’dinto papareng deri sekobesa, Pramila deri senyenenggagi ko’dinto enggelle
ngombir bibir adikker monggu Allah semaha Qodir, seka’dimma ebekto beje laggu nonggul are meltek
nyonar terak mancorong ka’dinto abdina sareng ajunan sateje salaggik kaeti kajumak tapekol kagunung
ontong kobesa ngestoagi longgu rabu ebuserra singgasana pasemuan karaton ka’dinto delem settong
adet lampa sekaramat enggi ka’dinto walimatul urs penotre senyandeng asma …….minangka
cangkokanna jantung buwena ate deri sapasang raka rake searanteb deddi settong ate anglebeti
monahat sesocce enggi ka’dinto bepak ……… sareng bepuk…….. semalarmoge deddiye nakpoto
senyelbik ate sengomesse kalaben songkem pangabektena,,, Aamiin aamin ya robbal alamin.

Pandu’a tor kasalameten malar moge kapondiye dek junjungan kaonjung kaonang santerojeget kabule
se sakalangkong magili safaat epon tor majeui deri panas nimurra bumi jahiliyeh kantos nujjuni dek
jemjema tor tarentemma cajena bumi islam ben iman enggi ka’dinto guste kanjeng nabi Muhammad saw.

Sateje rabu sateje koleman sepo tor anom bepak ebu sbeden kauleamoljeagi.

Anglebeti saberundut oker okara sebedi kalasrean abdina nyo’on edi bedi merte tor maos satekkem
tareka socce sebedi kalampa.