Affidavit

Ako si Roy Candazo, naga edad sang 51 anyos, may asawa kag pumuluyo sang Purok
ipil-ipil, Brgy. Calumanggan, Bago City.
Ako isa man ka Agrarian Reform Beneficiary sa duta ni Felix Yusay nga may CLOA
number;
Ako nagapahayag sang matu-od sa sining mga masunod nga hitabo;
Nga sang Marso 4, 2020 mga 11:00 sang aga (poco mos o minus) ang salaligan ni
Teresita Yusay nga si Raymond Palo upod si Roque Vinco kag siyam (9) pa ka iban nga
indi ko makilala nga ang mga persona nag-abot diri sa amon kag nag guba okun
demolished sang amon tindahan;
Nga ang ini nga tindahan may kadaku-on nga pulo (10) katapak palaba kag may
kasangkaron nga walo (8) katapak;
Nga ang nasambit nga tindahan nahuman sa kawayan kag ang iya atop GI sheets;
Nga si Raymond Palo kag Roque Vinco wala sang may ginpakita okun presenter nga
permit okun court order/ notice nga nagasugo para guba-on ang amon tindahan;
Nga ang ila kaupdanan nga indi ko kilala nagasuksok sang itom nga kapirusa (face
mask);
Nga sila wala sang upod okun guin-updan sang bisan sin-o nga taga gobyerno okun
opisyales sang LGU;
Nga sila wala mag-untat sa pag-guba/wasak sang akon tindahan sa pihak sang akon
ayu kag pangabay nga ila anay untaton;
Nga ang ini nga hitabo akon him-os nga natigayon nga guinpa-blotter sa Bago City
Police Station mismo sa sina nga adlaw;
Nga ang nag-guba/wasak sang amon tindahan gilayon nga nagbiya matapos ang ila
halit nga ginhimo;
Nga ang nasambit nga tindahan may ara napulo ka panid nga G.I. Sheets nga nagabili
sang Php 4,000.00;
Nga upod sini ang napulo kag lima ka layon nga kawayan nga nagabili sang Php
2,250.00;
Nga dugang kag upod sini ang anum ka kilo nga lansang nga gin gamit nga nagabili
Php 600.00;
Nga ang bayad sa panday nga naghimo nagabalor sang Php 6,000.00;
Nga sila ni Raymond Palo kag Roque Vinco wala sang may guinbayad sa akon bilang
danyos okun kabaylo sang halit sang ila pag-guba sang akon tindahan;
Nga si Teresita Yusay, nga bata sang tag-iya sang duta nagpasaka sang kaso nga
Ejecment Case kontra sa akon bilang benebisyaryo sang sini nga duta;
Nga si Teresita Yusay naghangyo man sa korte sang Temporary Restraining Order para
pauntatonang proseso sang DAR sa pagsakop kag pagpanagtag sang nasambit nga
duta;
Nga ang Municipal Trial Court sang Bago City, gin-baliwala ang ginpasaka nga kaso
(Case No. M-BGO-18-002-CV) bangod sang kakulangan sang Jurisdiction;
Nga si Teresita Yusay nag-apela sa Regional Trial Court sang Bago City, 6 th Judicial
Branch nga may case No. SCA No.2073;
Nga ang pareho nga kaso “Ejectment with Damages kag Temporary Restraining Order
for CARP Coverage gin baliwala sang korte bangod sang kakulangan sang Jurisdiction;
Nga ang pareho nga kaso ginakilala nga kaso pang-agraryo nga dapat ang DAR ang
mag resolba;
Nga sa pihak sang pagbuhi/ baliwala sang Regiona Trial Court sang Bago City, si
Teresita Yusay padayon sa guihapon sa pagpang guba/wasak (demolished);
Nga si Teresita Yusay, Raymond Palo, kag Roque Vinco sa gihapon naga tinguha nga ila
kami mapahalin (eject) sa amon puluy-an kag padayon nga ila nga ginapamahog kag
harass sa tion nga makakadto sila sa amon lugar;
Nga kami him-os nga nagapatigayon nga naka pahibalo kag nakapa-blotter kag
nakahangyo bulig sa amon barangay;
Nga ang Barangay wala gid nakapa-untat sang ila pag pang guba/wasak sang amon
propedad;
Nga ang barangay wala gid nakapatigayon sang tikang kontra sa ila ni Raymond Palo
kag Roque Vinco;
Para pamatud-an nga ang ini nga panaysayon lunsay kamatu-oran, ako magalagda diri
sini nga adlaw sang Marso petsa________, 2020.
Affidavit
Ako si Felizardo Candazo, 59 anyos ang edad may asawa kag pumuluyo sang Purok
Ipil-ipil, Brgy. Calumanggan, Bago City. Ako isa ka benepisyaryo (ARB) sang duta ni
Felix Yusay nga may Title number kag Lot no.
Ako nagapahayag bilang pamatu-od sang tanan nga mga hitabo;
Nga sang Disyembere 17, 2019 mga 11:00 AM ang salaligan ni Teresita Yusay nga
nakilala nga si Raymond Palo upod sa ila ni Roque Vinco kag Wilmark Baliña,
nagpangtapas sang akon mga kasagingan nga minus 80 ka puno nga akon tanum diri
sa Purok Ipil-ipil, Brgy. Calumanggan, Bago City;
Nga ako nagpugong sa ila sa pagpanapas sang akon mga saging apang wala guid sila
napunggan kag sila nagpadayon;
Nga akon sila guin pangayu-an sang court order okun permit/notice nga nagahatag sa
ila sang oturidad sa pagpanapas sang akon mga tanum;
Nga sila wala may guin pakita nga court order, permit okun notice antes sila
nagpangtapas sang akon mga saging nga tanum;
Nga sila wala sang upod nga opisyal okun empleyado sang gobyerno okun
representante sang LGU;
Nga him-os ko nga natigayon nga napahibalo ang ini nga hitabo sa talatapan sang
kapulisan sa Bago Police Station;
Nga him-os ko nga natigayon nga makakuha sang blotter report sang ila pagpanapas
sang akon tanum nga saging;
Nga gilayon sila naghalin matapos ang ila pagpanapas sang akon saging;
Nga sang Marso 4, 2020, alas 11:00 sang aga, ang salaligan ni Teresita Yusay nga
ginkilala nga si Raymond Palo upod si Roque Vinco kag siyam pa nga indi indi nakilala
nga mga persona nagkadto kag nag guba sang amon tangkal;
Nga ang nasambit nga tangkal may kadaku-on 16 katapak palaba kag may kalaparon
nga 16 man katapak kag may ara kabug-usan nga duha (2) ka tangkal;
Nga ang nasambit nga tangkal nahuman kag nahimo sa semento, kawayan, G.I.
Sheets, 2x2 nga kahoy, kag nipa;
Nga si Raymond Palo kag Roque Vinco wala sang may gin pakita nga permit, court
order ukon ano man nga sulat antes nila gin guba/wasakang amon tangkal;
Nga ang siyam nga indi nakilala nga upod nila nagasuksok sang itum nga kapirusa;
Nga sila wala sang upod nga taga gobyerno okun opisyales kag representante man lang
halin sa LGU;
Nga sila wala gid nag-untat sang pagwasak /guba sa pihak sang amon pagpangabay
nga ila untaton;
Nga kami him-os nga nakapatigayon sa pagpa blotter sa talatapan sang pulis didto sa
Bago City Police Station;
Nga sila basta na lang naghalin matapos nila maguba ang amon tangkal;
Nga ang nasambit nga tangkal nag gamit sang kabug-usan nga 10 nga 10 ka sako sang
semento kag nagabili sang Php 2,250.00;
Nga upod sini ang 25 ka layon nga kawayan nga nagabili ang tanan sang Php 3,
750.00;
Nga upod sini ang 200 ka panid sang nipa nga nagabili tanan sang Php 1000.00;
Nga dugang sini ang 10 ka kilo sang lansang nga nagabili sang Php 1000.00;
Nga ang bayad sa pagpa-ubra sang sini nga tangkal nagabili sang Php 8,000.00;
Nga ang halit sa amon nga guinpangunahan nila Raymond Palo lag Roque Vinco wala
sila sang may guin-bayad bilang danyos o kabaylo sang ila guin-guba nga tangkal
namon;
Nga ang ining duwa nga si Raymond Palo kag Roque Vinco wala sang may guin pakita
nga sulat okun notice sa pagpatigayon nga ila masabat ang mga halit okun pagguba
sang amon tangkal;
Nga si Teresita Yusay, nga tag-iya sini nga duta nagpasaka sang kaso nga Ejectment sa
mga ARB kon sa diin napahamtang ang ini nga duta nga may titulo, T-18423;
Nga ako isa sa mga ginakilala nga Kwalipikado bilang ARB sa sining duta;
Nga si Teresita Yusay nag pasaka man sang Temporary Restraining Order para mapa-
untat ukon mapunggan ang pagproseso sang DAR sa pagpaidalum sang iya duta sa
CARP;
Nga ang Muicipal trial Court sang Bago City, nagnag baliwala sang iya ginpasaka nga
nga kaso, Case No. M-BGO-18-002-CV bangud indi sakop sang Jurisdiction sang ini nga
korte;
Nga si Teresita Yusay nagpasaka apela sa Regional Trial Court sang Bago City, nga may
case number nga Case. No. SCANO-2073;
Nga ang pareho nga duwa ka kaso guin konsederar okun guin kilala nga kaso pang
agraryo kag sa sa sini DAR ang may katungdanan sap ag areglar;
Nga sa piyak sang pagbuhi baliwala sang korte sang Regional Trial Court sang Bago
City sang sini nga mga kaso sa guihapon si Teresita Yusay nagpangguba sang amon
mga propedad;
Nga si Teresita Yusay, Raymond Palo kag Roque Vinco sa gihapon nga tinguha guid nga
magpahalin sa amon kag sang amon mga panimalay kag padayon nga naga pamahog
kag naga pang harass sa kada tion nga sila magkadto diri sa amon lugar;
Nga ining ila guinhimo sa amon, amon him-os nga natigayon nga napa-blotter kag
nagpangabay sang byulig sa Barangay;
Nga ang barangay wala nakapa-untat sa pagwasak/ guba sang amon propedad;
Nga ang barangay wala sang may guinhimo nga tikang para mapasabat sila Raymond
Palo, kag Roque Vinco sa ila ginhimo;
Para pamatud-an nga ang akon guin saysay okun pahayag lunsay kamatuoran, ako
magalagda sa sini nga adlaw sang _______ petsa________ tuig 2021.