Edukasyon sa

Pagpapakatao
Ikaapat na Markahan:
Ikapito at Ikawalong Linggo

Mapanagutang Paglilingkod Tungo

sa Kabutihang Panlahat

Kagawaran ng Edukasyon1 – Rehiyong MIMAROPA

1
 Aralin
Mapanagutang Paglilingkod Tungo sa Kabutihang
Panlahat
MELC: Nahihinuha na ang kaniyang Personal na Pahayag ng Misyon sa Buhay ay
dapat na nagsasalamin ng kaniyang pagiging natatanging nilalang na
nagpapasiya at kumikilos nang mapanagutan tungo sa kabutihang panlahat.
(EsP9PK-IVd-14.3)

Nakapagbubuo ng Personal na Pahayag ng Misyon sa Buhay. (EsP9PK-IVd-14.4)

Mga Layunin:
1. Nauunawaan ang kaugnayan ng Personal na Pahayag ng Misyon sa Buhay sa
pagiging natatanging nilalang na nagpapasiya at kumikilos nang mapanagutan
tungo sa kabutihang panlahat

2. Natutukoy ang kaibahan ng misyon at bokasyon

3. Natutukoy ang mga gawain na sumasalamin ng pagiging mapanagutan kaugnay
sa misyon sa buhay.

4. Nakapagpapasiya na ang gagawing misyon sa buhay ay tungo sa kabutihang

panlahat.

Subukin Natin
Panuto: Basahin at unawain ang bawat pahayag. Isulat sa patlang ang letra ng tamang
sagot.
________1. Ayon kay Stephen Covey, paano nagkakaroon ng kapangyarihan ang
misyon natin sa buhay?
A. Kung kinikilala niya ang kaniyang tungkulin sa kapuwa.
B. Kapag nakikilala ng tao ang kaniyang kakayahan at katangian.
C. Kapag nagagamit sa araw-araw nang mayroong pagpapahalaga.
D. Kung nagagampanan ng balanse ang tungkulin sa pamilya, trabaho at komunidad.

_________2. Alin sa sumusunod na salita ang tumutukoy sa calling o tawag para

gampanan ang misyon na pinagkaloob ng Diyos sa bawat tao?
A. Bokasyon B. Misyon C. Plano D. Propesyon
_________3. Ano ang magdadala ng hangarin sa buhay ng isang tao tungo sa
kaniyang kaganapan?
A. Bokasyon B. Misyon C. Pananagutan D. Propesyon

2
_________4. Kung ang isang tao ay mayroong Personal na Pahayag ng Misyon sa
Buhay, anong kabutihan ang maaari niyang ibahagi na may pananagutan?
A. Kabutihang pampamilya C. Kabutihang panlipunan
B. Kabutihang panlahat D. Kabutihang pansarili

_________5. Ayon kay Rev.Fr. Jerry Orbos, ang pangunahing sangkap para sa tunay
na kaligayahan ng tao ay magkaroon ng misyon sa paglilingkod sa Diyos at kapuwa.
Batay sa kaniyang paliwanag, ano ang naidudulot nito sa isang tao?
A. Kabutihan B. Kaligayahan C. Kaligtasan D. Kapayapaan

Ating Alamin at Tuklasin

Paghawan ng Balakid
PPMB- Personal na Pahayag ng Misyon sa Buhay
Misyon - ito ay ang hangarin ng isang tao sa buhay na magdadala sa kaniya tungo
sa kaganapan.
Bokasyon - ito ay gampaning gawain o misyon na ipinagkaloob ng Diyos sa bawat
tao.
Propesyon-ito ay trabaho na ginagawa ng tao upang siya ay mabuhay.
Ikaw ba ay nakapagpasiya na kung ano ang iyong Personal na Misyon sa Buhay?
Kung gayon ay mas malaki ang posibilidad na magiging mapanagutan ka upang
makapagbabahagi sa pagkamit ng kabutihang panlahat.
Sa araling ito ay ating tatalakayin ang kahalagahan ng iyong pag-iral sa mundo.
Batid mo ba na mayroon kang mahalagang misyon na dapat gampanan sa iyong
buhay?
Ang Iyong Personal na Pahayag ng Misyon sa Buhay
Ayon kay Stephen Covey, nagkakaroon ng kapangyarihan ang misyon natin sa
buhay kung ito ay:
1. Mayroong kaugnayan sa kaloob-looban ng sarili upang mailabas ang kahulugan
niya bilang isang tao.
2. Nagagamit at naibabahagi nang tama nang may kahusayan bilang
pagpapahayag ng ating pagka-bukod tangi.
3. Nagagampanan nang may balanse ang mga tungkulin sa pamilya, trabaho,
pamayanan at iba pa.
4. Isinulat upang magsilbing inspirasyon, hindi upang ipagyabang sa iba.

Ano ang kahulugan ng misyon?

Ang misyon ay ang hangarin ng isang tao sa buhay na magdadala sa kaniya
tungo sa kaganapan. Maaring isagawa ang misyong ito sa pamilya, kapuwa, paaralan,
simbahan, lipunan o sa trabaho o sa gawain na kaniyang ginagawa.

Mula sa misyon, ay mabubuo ang tinatawag na bokasyon. Ang bokasyon ay

galing sa salitang Latin na ”vocatio”, ibig sabihin ay ”calling” o tawag. Ito ay malinaw
na ang bawat tao ay tinawag ng Diyos na gampanan ang misyon na ipinagkaloob Niya
sa tao.

3
May pagkakaiba ba ang propesyon sa bokasyon?
Ang propesyon ay trabaho na ginagawa ng tao upang siya ay mabuhay. Ito ay
resulta ng kaniyang pinag aralan o matagal nang ginagawa at naging eksperto na siya
dito. Ito ay maaring gusto niya o hind ngunit kinakailangan niyang gawin sapagkat
ito ay pinagkukunan niya ng kaniyang ikabubuhay kaya maaring hindi siya
nagkakaroon ng ganap na kasiyahan.

Ang bokasyon naman ay katulad rin ng propesyon ngunit mas nagiging kawili-
wili ang paggawa para sa tao. Mas lalo siyang nasisiyahan at hindi nababagot
sapagkat nagagamit niya ang kaniyang talento at hilig sa kaniyang ginagawa. Hindi
nakukumpleto ang araw kung hindi ito magagawa dahil nagdudulot ito ng kasiyahan
sa kaniyang buhay. Hindi lamang simpleng trabaho ang kaniyang ginagawa kundi
isang misyon na nagiging isang bokasyon. Dito nagkakaroon ng tunay pananagutan
sapagkat naibabahagi niya ang kaniyang sarili at kumikilos siya para sa kabutihang
panlahat.

Ngayong panahon ng pandemya dulot ng COVID-19, higit na maipapakita ng

isang tao ang kaniyang pananagutan sa kapuwa. Kapag bukal sa kaniyang kalooban
ang kaniyang gagawin at hindi naghihintay ng anomang kapalit, ito ay magdudulot
sa kaniyang sarili ng katiwasayan at kasiyahan ng kalooban. Hindi lamang sa
materyal na bagay makapagbabahagi ng tulong sa kapuwa. Kahit simpleng
pangangamusta sa mga kakilala, kaibigan at kamag-anak na nakakaranas ng
kasalatan at nasa matinding karamdaman, ito ay makakagaan sa kanilang kalooban
din. Isa sa napakadali at pinakamabuting magagawa din sa panahong ito ay ang
taimtim na pananalangin sa Diyos para sa ikabubuti ng lahat.

Kaya napakahalaga para sa isang tao lalo na sa iyo bilang kabataan na bumuo
ng PPMB dahil ito ang makapagbibigay ng direksiyon sa iyong buhay. Maging bahagi
ng PPMB ang pagbibigay halaga sa kapuwa sa pamamagitan ng pagtulong sa abot ng
sariling kakayahan. Ito ay makatutulong upang sa pagtahak mo ng iyong misyon
patungo sa iyong bokasyon ay magiging malinaw na nakapagbibigay ito sa iyo ng
kaganapan bilang tao.
Wika nga ni Fr. Jerry Orbos: ang pangunahing sangkap para sa tunay na kaligayahan
ng tao ay magkaroon ng misyon. Aniya, ang misyon ay hindi lamang para kumita ng
pera, maging mayaman at magiging kilala o tanyag kundi ang tunay na misyon ay
maglingkod. Ang paglilingkod sa Diyos at sa kapuwa ang magbibigay sa tao ng tunay
na kaligayahan at kaganapan sa buhay.

(Pinagkunan: Manuel B. Dy Jr. et al. Edukasyon sa Pagpapakatao 9, Pasig City:

Department of Education, 2015, 242-244.)

4
 Misyon sa Buhay ng isang Mag-aaral o Walang
May Kugnayan
Kabataan Kaugnayan
1. Pag-aaral nang mabuti upang makamit
ang pangarap sa buhay.
2. Tumutulong sa kapuwa ayon sa sariling
kakayahan
3. Pagsama sa mga kaibigan sa pagbabahagi
ng tulong sa mga kabaranggay upang
makakuha ng mas maraming rasyon.
4. Pakikiisa sa panalangin para sa mga may
karamdaman.
5. Itinatala ang mga gagawin o nagawa na
upang magsilbing inspirasyon.

_______1. Lahat ng tao ay may nakatakdang misyon sa buhay.

_______2. Isagawa ang misyon sa buhay sa pamilya at sarili lamang.
_______3. Mahalaga ang pag-iral mo sa mundo sapagkat mayroon kang misyon na
gagampanan.
_______4. Ang pagkakaroon mo ng misyon sa buhay ay hindi nakapagbibigay ng
kaganapan sa iyo bilang isang tao.
_______5. Nagkakaroon ng tunay na pananagutan ang isang tao kung naibabahagi
niya ang sarili at kumikilos para sa kabutihang panlahat.

5
 _____1. Masigasig na doktor si Dr. Jordan Cruz sa pampublikong ospital.
Sinisigurado niyang nalalapatan ng lunas at naaasikaso ang lahat ng kaniyang
pasyente.
_____2. Nag-aaral nang mabuti si Joana. Sinisikap niyang mapataas ang marka at
makapagtapos sa pag-aaral na may karangalan.
_____3. Maagang naghahanda sa kaniyang “online class” si Gng. Reyes dahil
nasasabik siyang ibahagi ang kaniyang kaalaman at talento sa mga estudyante.
_____4. Masusing pinag-aralan ni Joel ang Banal na Aklat at bukal sa kaniyang puso

6
ang pagbabahagi Salita ng Diyos sa mga tao.
_____5. Sa kabila na may pandemya, araw-araw na nag-eensayo si Raquel. Nais niyang
maging kampeon sa larangan ng gymnastic upang lalo siyang makilala ng mga tao.

Ang 1. (misyon, bokasyon) ay ang hangarin ng isang tao sa buhay na magdadala

sa kaniya tungo sa kaganapan. Lahat ng tao ay may nakatakdang misyon sa buhay
na dapat gampanan.

Ang 2. (propesyon, bokasyon) ay trabaho na ginagawa ng tao upang mabuhay.

Ito ay maaaring 3. (gusto, di gusto) ng tao ngunit kinakailangang gawin sapagkat ito
ay pinagkukunan niya ng kaniyang kinabubuhay.

Ayon kay 4. (Stephen Covey, Fr. Jerry Orbos), ang misyon ay hindi lamang para
kumita ng pera, maging mayaman at maging tanyag, kundi ang tunay na misyon ay
5. (maglingkod, magtagumpay) sa Diyos at sa kapuwa.

Susi sa Pagwawasto

Subukin Pagkapareho:
1. D 2. A 3. B 4. B 5. B A. Paggamit ng tao sa kanyang talento at hilig.
Tayo’y Magsanay Bokasyon:
Gawain 1 C. Gampaning misyon na ipinagkaloob ng Diyos sa
1. Tsek 2. Tsek 3. Ekis 4. Tsek 5. Tsek bawat tao.
Gawain 2 D. Mas kawili-wili at nagdudulot ng kasiyahan sa
1. Tama 2. Mali 3. Tama 4. Mali 5. Tama buhay ang paggawa para sa tao.
Ating Pagyamanin Gawain 2
Gawain 1 1. Puso 2. Bituin 3. Puso 4. Puso 5. Bituin
Propesyon: Ang Aking Natutuhan
B.Trabaho na ginagawa ng tao upang siya ay mabuhay. 1. Misyon 2. propesyon 3. di-gusto 4. Fr. Jerry Orbos 5.
E. Resulta ng pinag aralan o matagal nang ginagawa at maglingkod
naging eksperto na siya dito.

7
 FEEDBACK SLIP

A. PARA SA MAG-AARAL

Maraming salamat sa paggamit ng CLAS na ito. Hangarin nito ang iyong

lubusang pagkatuto sa tulong ng iyong kapamilya. OPO HINDI

1. Kontento at masaya ka bang natuto gamit ang CLAS na ito?Nasunod at nagawa

mo ba ang mga proseso at pamamaraang nakasaad para sa iba’t ibang gawain
para sa iyong pagkatuto?

2. Ikaw ba ay ginabayan o sinamahan ng sinuman sa iyong kapamilya para sa

pag-aaral gamit ang CLAS na ito?

3. Mayroon bang bahagi sa CLAS na ito na ikaw ay nahirapan (kung Opo, ano ito
at bakit?)

B. PARA SA MAGULANG O TAGAPATNUBAY

Suhestiyon o Rekomendasyon para sa mas maayos na serbisyo at pagkatuto ng

inyong anak gamit ang CLAS na ito?
Mayroon (Pakisulat sa nakalaang guhit)

Wala

Contact Number : __________________________________

PANGALAN NG PAARALAN:

Pangalan at Lagda ng Guro:

Pangalan at Lagda ng Magulang o Tagapatnubay:

Petsa ng Pagtanggap ng CLAS:

Petsa ng Pagbalik ng CLAS: