Professional Documents
Culture Documents
Gr8 LO - Dwelmmisbruik
Gr8 LO - Dwelmmisbruik
PROBLEME:
“Ek is nie honger nie” / “Kos smaak nie meer so lekker nie” / “Kos maak my naar”
Maak seker dat jy goed eet op dae wat jy wel wil eet. Probeer kleiner maaltye, meer
gereeld eet. Hou klein peuselhappies byderhand. Kos met baie speserye of vette en kos of
drankies met kaffeïene kan jou maag irriteer en jou laat siek voel. Sout en droë kos kan
hiermee help (brood of soutkoekies).
“Ek het diaree”
Diaree kan deur die virus, medisyne, stres of ander infeksies veroorsaak word. Wanneer jy
diaree het, kry jou liggaam nie die voedingstowwe wat jy nodig het nie. Maak seker dat jy
genoeg vloeistowwe inneem sodat jy nie dehidreer nie.
“My mond is droog / Ek het sere in my mond / kou en sluk maak seer ”
‘n Droë mond kan ‘n newe-effek van die medisyne wees. Sere en pyn in die mond kan
wees as gevolg van infeksies. Kos wat fyngemaak is of sop sal makliker afsluk. Probeer
om nie kos te eet wat baie speserye bevat nie. Koue kosse soos roomys of suig ‘n
ysblokkie om jou mond te verdoof. As jou mond baie seer is, probeer om deur ‘n strooitjie
te drink.
GESONDE LEEFSTYL:
Oefening is ‘n baie belangrike manier om gesond te bly. Is dit veilig om te oefen as jy ‘n siekte
soos MIV/VIGS het? Navorsing het bewys dat dit wel veilig is vir mense met MIV/VIGS om te
oefen. Dit is nie net veilig nie, maar stimuleer ook die immuunstelsel, verbeter uithouvermoë,
verminder moegheid, versterk jou liggaam en verminder jou totale liggaamsvet. Ons weet dat
mense wat gereeld oefen minder verkoue kry en minder afwesig is by die werk. Ons weet ook dat
een van die grootste voordele van oefening is dat dit jou meer in beheer van jou lewe laat voel, en
stress beter hanteer.
Wetenskaplike navorsing het bewys dat oefening talle voordele vir ons liggame inhou soos:
Gemoedstoestand – laat jou beter en gelukkiger voel
Versterk jou liggam en spiere
Slaappatrone – beter slaap = uitgeruste liggaam en herstel vind tydens slaap plaas
Konsentrasie en geheue verbeter, en hou jou kop besig
Hart en longe versterk
Vermindering van jou liggaamsvet persentasie
Verbeterde vertering en dan absorpsie van voedingstowwe
Selfvertroue om jou chroniese siekte self te hanteer.
– al hierdie voordele is baie belangrik vir n MIV pasient wie se liggaam (en gemoed) reeds onder
druk is.
Alhoewel oefening goed en veilig is vir iemand met MIV/VIGS, gaan jou liggaam soms vir jou
tekens gee dat jy jou oefensessie moet uitstel. Indien jy koors het, duiselig voel, braak of diaree
het, of as jou gewrigte skielik swel óf jy het ‘n onverklaarbare pyn, is dit beter om jou sessie uit te
stel totdat jy met ‘n dokter of ‘n verpleegster kon gesels. Dit beteken nie jy moet nooit weer oefen
nie, maar jy moet seker maak dat jy nie besig is om siek te raak nie.
6. WeRELD VIGSDAG
6.2. BELANGRIKHEID:
Wêreldvigsdag vind elke jaar op 1 Desember plaas. Die doel van die dag is om mense
regoor die wêreld teen die MIV virus te verenig, om ook steun te gee aan mense wat met
MIV leef en om persone wat aan ’n VIGS-verwante siekte gesterf het, te gedenk.
Wêreldvigsdag is in 1988 gestig en was die eerste wêreldwye gesondheidsdag. Die dag is
baie belangrik omdat ongeveer 36,7 miljoen mense die virus het en ten spyte van die feit
dat hierdie dodelike virus eers in 1984 geïdentifiseer is, het meer as sowat 35 miljoen
mense al aan MIV en vigs gesterf.
Nie almal weet hoe om hulself teen die virus te beskerm nie en die stigma teen MIV en
vigs bly nog steeds ’n realiteit vir baie mense wat met die virus leef. Die dag is ook
belangrik omdat dit almal herinner dat MIV steeds in ons alle daaglikse samelewing is.
Daar is ook altyd ’n behoefte om geld in te samel, die bewustheid hiervan te verhoog en
om die opleiding oor die MIV-virus te verbeter.
Op Wêreldvigsdag word vigs-leiers ondersteun en meeste mense dra ’n rooi lint om die
dag te herdenk. HIV is vandag 'n bedreiging vir baie mans, vrouens en kinders regoor die
wêreld. Hierdie is 'n dag wat mense herinner dat VIGS steeds 'n werklikheid is en dat daar
nog baie daaraan gedoen moet word.