PARTORDING NI PARMINGGUON

MINGGU II DUNG TRINITATIS

=== MINGGU KELUARGA ===

MINGGU, 26 JUNI 2022, PKL. 06.00 WIB

Ev. Rut 1 : 7 - 17 Ep. Lukas 9: 51 – 62

TOPIK :
SATIA MANGIHUTHON DEBATA
== BAPAK, IBU DAN ANAK DUDUK BERSAMA SATU BANGKU ==

01. PANGARADEON
L : Huria na hinaholongan dibagasan Kristus Jesus! Tapuji ma Tuhan
Jesus Kristus na mangalehon tingki na lehet boi hita marsaor di
Minggu keluarga HKBP Kramat Jati sadari on. Tama do hita marlas
ni roha sadari on, ala boi hita natoras rap hundul dohot ianakhonta.
Antong, rap marsijalangan ma hita dohot ianakhonta be.

( ---Marsijalangan huhut di iringi Song leader mangendehon ende 159:4---)

L : Topik Minggu sadari on mangarahon hita asa ”Satia Mangihuthon

Debata”. Ale Tuhan ajari ma saluhut huriaM asa gabe Kelauarga na
Satia, songon hataM na manndok : Sai burju ma ho rasirasa mate;
dung i lehononku ma tu ho tumpal hangoluan i! Goar ni Minggunta
sadari on, I ma Minggu II Dung Trinitatis. Antong, tapuji jala
tapangiar ma soaranta mamuji Tuhan Debata, marende ma hita..

02. MARENDE BE. NO. 11 : 1 - 2 “AHA MA ENDEHONONKU”

 Aha ma endehonongku, asa pujionku Ho
Ale Tuhan Debatangku, sai urupi au gogo
Ai ndang tarpajojor ahu, asi ni rohaM di ahu
Ala ni hupuji Ho tung marribu hali do
--Jongjong--
 Sai sungguli ma rohangku mangendehon gogoMi
Dohot asi ni rohaMu, rodi habasaronMi
Ai i do dihatindangkon tondi dohot pamatanghu
Ala ni hupuji Ho tung marribu hali do

1
03. VOTUM – INTROITUS – TANGIANG : A.XV.A.2 -D.XIII.37

04. MARENDE BE No. 253 : 1 “ALE DEBATANGKI”

 Ale Debatangki lam jonok rohangki, jonok tu Ho

Ima na sai tongtong, sangkap ni rohangkon, jonok tu Ho
Nang beha panoguM di au on naposoM
Asa lam jonok do, jonok tu Ho, jonok tu Ho
05. PATIK:
L : Tatangihon ma Patik ni Debata di Minggu Keluarga sadari on, i
ma Patik Paduahon: Ndang jadi ganaonmu jala ndang jadi
sumanonmu manang aha na di Banuaginjang dohot na di
banuatonga on ro di na di bagasan aek na di toru ni tano, ianggo tung
gabe sisombaon manang sioloan. Dia do Lapatan ni i, on do : Ingkon
dihabiari rohanta Debata jala ingkon holong rohanta di Ibana, asa
ndang jadi iba marsomba tu sombaon manang tu ganaganaan,
mangido hangoluan sian i, jala ndang jadi oloan begu manang
ulpuhan ni hadatuon, jala ndang jadi pos roha di ugasan homitan.
Antong rap mangido gogo ma hita sian Tuhan Debata!
H : Ale Tuhan Debata! Sai pargogoi ma hami mangulahon na
hombar tu PatikMi. Amen.

06. MARENDE BE NO. 416 : 1 - 2 “TU JOLOM O DEBATANGKU”

 Tu joloM o Debatangku Sai use do rohangkon

Sai pasiat tangianghu dohot iluilungkon
---Jongjong---
Kaum Bapak/Semua Laki=-laki :
Husolsoli do rohangku, na gok dosa i tongtong
Kaum Ibu/Semua Perempuan :
Ai godang ariaringku na hubahen ambolong

2
07. MANOPOTI DOSA:
L: Tatopoti ma dosanta tu adopan ni Debata, martangiang ma hita!
Ale Tuhan Debata, Pargogo na so hatudosan, Parasi roha na
sumurung, Ama ni Tuhan Jesus Kristus Sipangolu hami ! Hami,
halak pardosa na dangol on ro tu jolo ni habangsa habadiaonMi
manopoti jala manganggukhon dosanami.

Ama : Mansai jotjot huarsahi hami Ho marhitehite pingkiran dohot hata

dohot pambahenannami na roa i.

Ina : Ndang huhaholongi hami Ho sian nasa rohanami dohot nasa

ateatenami dohot nasa tondinami dohot nasa gogonami;

Anak : Nang dongannami, ndang doshon dirinami hubahen hami.

L : Dibahen i tama do rimasanMu jala uhumanMu hami tu hamatean

saleleng ni lelengna i. Alai na maporus ma hami nuaeng tu asi ni
rohaM na godang i mangido sian nasa rohanami hasesaan ni
dosanami saluhutna.

H : Sai urupi ma hami paubahon rohanami ala ni Tuhan Jesus Kristus.

Anak haholongan ni RohaM, Sipangolu hami dohot ala ni GoarMu
na badia i.

L : Ale Tuhan, sai asi ma rohaM di hami halak na dangol on! Amen.

--- Sahalak Solois mangendehon BE 683:1 ---

L: Bagabaga ni Debata taringot tu hasesaan ni dosanta. Ala ni

pangalaosionta do umbahen na tartullang Kristus, jala binahen ni
hajahatonta do Ibana mabugang. Ampe tu Ibana pinsangpinsang

3
 parhitean ni hasonanganta, jala binahen ni bugangNa malum
itahilala.. Hasangapon ma di Debata na di ginjang !Amen.

--Hundul--

08. MARENDE BE. No. 190 : 2 “LAS ROHANGKU SITUTU”

 Las rohangku situtu mida Jesus na burju

Patupahon hangoluan di au na di hamagoan
Tung saluhut dosangki do disesa Jesus i

09. E P I S T E L :

L : Tatangihon ma hata ni Debata, Epistel di Minggu Keluarga sadari

on, ima na tarsurat di LUKAS 9 : 51 – 62. Alai di na lam donok ari
hababangkitna, dipatohom ma bohina mardalan tu huta
Jerusalem.

H : Laos disuru ma angka suruanna patujolona. Jadi laho ma nasida,

dibongoti ma sada huta ni halak Samaria, paturehon
parbornginanna.

L : Gabe ndang dijangkon nasida Ibana, ala dipatohom bohina laho

tu Jerusalem.

Ama : Marnida i siseanna si Jakobus dohot si Johannes, didok ma:

Tuhan, anggo olo Ho, hudokkon hami ma turun api sian ginjang
mangalengsehon nasida, (songon binahen ni si Elia).

L : Alai humusor ma Ibana, hona hata ma nasida dibahen, (ninna ma:

Ndang diboto hamu hape, manang Tondi dia di hamu?

4
Ina : Ai laho paluahon, ndada mangagohon tondi ni jolma Anak ni jolma
i, umbahen na ro). Jala tu huta na asing nama ditopot nasida.

L : Uju di tongandalan nasida, ninna sahalak ma mandok Ibana: Sai

ihuthononku do Ho, manang tudia pe Ho laho.

Anak :Didok Jesus ma tu ibana: Na marliang do angka antuasu, na

marasar do pidong na martongatonga langit; alai anggo di Anak ni
jolma i ndang adong hapeahan ni uluna.

L : Ia tu sahalak na asing didok: Ihuthon Ahu! Alai didok i ma: Loas

ahu jolo laho mananom damang!

Ama: Alai ninna ma mandok ibana: Pasombu ma angka na mate

mananom na matena; alai anggo ho, borhat ma mamaritahon
harajaon ni Debata

Ina : Sahalak na asing muse mandok: Huihuthon pe Ho, Tuhan; alai

loas ahu jolo martinading hata tu angka donganku sabagas!

Anak :Alai ninna Jesus ma mandok ibana: Na manjama ninggala, huhut

mamereng tu pudi, tung na so tau ma i tu harajaon ni Debata.

L : I do sahatna. Martua do angka na tumangihon Hata ni Debata jala

na umpeopsa. Amen.

10. MARENDE BE No. 238 : 1 + 6 “IHUTHON AU SUDE HAMU”

 Ihuthon au sude hamu Didok Tuhanta Jesus

Sai soadahon dirimu Hatangku ma patulus
Alai bolongkon ma sude Parulanmu na so ture
---Jongjong---

5
  Siparhamaol hosana i, i ma agoan hosa
Alai na sumeahon i, i do pangoluhonsa
Na so mamorsan silang i Na so tama di Au ma i

11. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon
ni donganta sahaporseaon di sandok portibi on. Rap ma hita
mandok!
H:Ahu Porsea di Debata Jahowa….. (Hundul)

13. TINGTING
14. MARENDE BE. No. 731:1 …”BENGET MA HO” (P. Pelean Ia, Ib)
 Benget ma ho di parungkilonmi ai Jesus donganmi
Benget ma ho rahis pe dalan i ditiop tanganmi
Na ro do Raja Siparmonang lao mangurupi, Asa monang, Benget ma ho
….Musik….
 Benget ma ho, sai tiop hata i, asa margogo
Benget maho di paraloanmi, sai na monang do ho
Ai nunga dirapuhon Jesus saluhut rante ni sibolis, Benget ma ho
….Musik….
 Benget ma ho tongtong ma ho dungo unang tarpodom ho
Benget ma ho partumpalanNa do molo manahan ho
Nang pe manosak hasusaan, marujung do tu las ni roha, Benget ma ho
….Musik….
 Benget ma ho parmonang Jesus i, dijaga tondimi
Benget ma ho rade do upami dibaen Tuhanta i
Di ho ma tumpal hangoluan, Di Surgo sogot di na sonang, Benget ma ho

15. JAMITA: RUT 1 : 7 – 17

6
16. MARENDE BE. No. 697:1 ...“MOLO HO DO HUIHUTHON”
(Pelean II + Pel. Tu Persiapan Distrik XXXIII Barus )
 Molo Ho do huihuthon dame sonang rohangki
Sai horas jala martua nasa na hinophopMi
Reff : Ho tongtong ihuthononhu, Jesus na palua au
Ho sambing do oloanhu ala ni~i martua au
….Musik….
 Na rade do au manaon, mangasahon padanMi
Molo Ho na manggogoihon talu haholomon i
Reff : Ho tongtong ihuthononhu …………..
….Musik….
 Hupelehon ma diringku mangihuthon lomoMi
Ndada be na olo salpu na manggohi rohangki
Reff : Ho tongtong ihuthononhu …………..
….Musik….
 Marparange na badia ma au di adopanMi
Sai patau ma au tiruan, songon pinangidoMi
Reff : Ho tongtong ihuthononhu …………..

17. TANGIANG PELEAN + ALE AMANAMI + PASUPASU (AMEN3X)