Activity 3: Pre-Assessment (Yunit I) (Prelim)

a. Ipahayag ang mga kaisipang napakinggan tungkol sa Sulong Wikang Filipino:

Edukasyong Pilipino, Para Kanino?

Naglabas ang Komisyon sa Lalong Mataas na Edukasyon o ang

Commission on Higher Education (CHED) ng bagong kurikulum sa kolehiyo na
naglayong alisin ang mga asignaturang Filipino at panitikan sa kolehiyo. Ito ay sa
pamamagitan ng CHED Memorandum Order (CMO) No. 20, Series of 2013 na
inihain ng naturang Komisyon para diumano’y mabawasan at mapagaan ang
kurikulum ng mga mag-aaral sa kolehiyo. Sa dokumentaryo na may pamagat na
“Sulong Wikang Filipino: Edukasyong Pilipino, Para Kanino? ay ipinaliwanag ng
mga kilalang indibidwal na tagapagtaguyod ng wikang Filipino ang halaga ng
asignaturang Filipino sa antas ng tersiyaryo.

Inihayag ni Ginoong Ramon Guillermo Ph. D., mula sa UP Departamento

ng Filipino at Panitikan ng Pilipinas, ang hamon sa karagdagang dalawang taon
sa basic education o ang tinatawag na K-12. Ipinatupad ang K-12 basic
education sa bansa upang makasabay diumano ang Pilipinas sa antas ng
edukasyon sa ibang bansa. Ayon kay Ginoong Guillermo ay marami nang
pangkasalukuyang problema ang bansa pagdating sa naunang basic education
at mas lalawak pa raw ito sa ilalim ng programang K-12. Sa kabila ng usapin sa
bilang ng taon ay mahalaga rin daw ang usapin patungkol sa sapat na suporta
ng estado sa bagong basic education ng bansa. Katulad sa mga aklat, silid
aralan, pisara, upuan at iba pang pasilidad. Iminungkahi naman ni Ginang
Patricia Licuanan Ph. D., ang Punong Komisyuner ng Komisyon sa Lalong
Mataas na Edukasyon, na ang karagdagang dalawang taon ay magbibigay daan
sa mga Pilipinong mag-aaral upang makahanap kaagad ng trabaho pagkatapos
mag-aral sa Senior High School. Sinabi rin ng naturang Punong Komisyuner na
sa pamamagitan ng programang K-12 ay maaari nang hindi magpatuloy sa
kolehiyo ang mga mag-aaral. Ngunit ayon kay Ginoong Guillermo, ang bagay
 daw na ito ay magiging sanhi ng pagdami ng mga Pilipinong maaaring makakuha
ng mumurahing trabaho. Pinaliliit din daw nito ang posibilidad na
makapagpatuloy ang mga Pilipinong mag-aaral sa antas ng tersiyaryo.

Samantala, giniit ni Ginoong Antonio Tinio, ang kinatawan ng Act Party-

list, ang bagong kurikulum ay maaaring maging dahilan upang magsara ang
maraming departamento ng Filipino sa iba’t ibang unibersidad ng bansa. Marami
ang posibleng mawalan ng trabaho sa pagkawala ng asignaturang Filipino at
panitikan sa bagong kurikulum. Idiniin niya na obligasyon ng administrasyon ng
dating Pangulong Aquino sa ilalim ng konstitusyon na ipalaganap, itaguyod at
paunlarin ang Filipino bilang wikang pambansa at panturo. Ayon naman kay
Ginang Melania Flores, mula sa UP Departamento ng Filipino at Panitikan ng
Pilipinas, ang pagpaplanong pang-wika ay bahagi ng sosyolinggwistika na may
tatlong bahagi, ang corpus planning, status planning at language acquisition.
Sinasaad nito kung paano binibigyang pansin o pinapahagahan ang wika sa
usapin bilang wikang pambansa, opisyal na wika at wikang pagkatuto. Ang mga
ito ay nakatuon sa mga polisiya at paglutas ng mga problema sa wika.

Sinabi rin ni Ginoong Guillermo na malaki ang epekto ng bagong

kurikulum sa Filipino bilang akademikong disiplina at pinapatay daw nito ang
intelektuwalisasyon o ang tuluy- tuloy na pagsulong at paglaganap ng Filipino
bilang isang akademikong gawain sa ating mga pamantasan. Ang pag-alis ng
asignaturang Filipino at panitikan sa antas ng tersiyaryo ay hindi raw nagbibigay
galang o respeto sa naabot na ng Filipino bilang sa larangan ng siyentipiko at
akademikong pag-aaral. Ayon sa kaniya, ang Filipino bilang isang wika ay
simbolo ng ating pagkabansa at ito ay hindi lamang isang simbulo bagkus ay
isang wika na ginagamit natin sa lahat ng larangan ng ating kaalaman.

b. Bilang produkto ng K+12 Curriculum, sapat na ba ang inyong natutunan sa senior

high upang kayo ay makapagtrabaho o makapagtayo ng sariling pagkakakitaan?
 Kumbinsido ka ba sa ipinahayag ni Dr. Licuanan, na hindi na magkokolehiyo ang
isang produkto ng K+12 Curriculum? Ipaliwanag o talakayin ang inyong sagot.

Bilang produkto ng K-12 kurikulum ay naniniwala akong hindi pa sapat

ang aking mga natutunan sa Senior High School upang makapagtrabaho o
makapagtayo ng sariling pagkakakitaan. Bilang isang mag-aaral ay nakikita ko
ang halaga ng pagtuntong sa kolehiyo upang makapagtapos ng pag-aaral. Ito ay
isang tulay upang makahanap ng maayos at magandang trabaho ang isang
mag-aaral. Para sa akin ay higit na maisasakatuparan ang aking pangarap
kapag nagpatuloy ako sa kolehiyo. Hindi sapat na maituturing ang Senior High
School upang makahanap ang isang indibidwal ng magandang trabaho o
makapagtayo ng sariling negosyo.

Hindi ako sang-ayon sa ipinahayag ng Punong Komisyuner ng CHED na

si Dr. Licuanan na maaari nang hindi mag kolehiyo ang isang produkto ng K-12.
Katulad ng sinabi ni Ginoong Guillermo Ph. D. mula sa UP Departamento ng
Filipino at Panitikan ng Pilipinas, ay pinaliliit nito ang posibilidad na makapag
patuloy ang mga mag-aaral sa antas ng kolehiyo. Ako ay naniniwala na ang
sinabi ni Dr. Licuanan ay magiging sanhi ng pagdami ng mga mag-aaral na
maaaring makakuha ng mumurahing trabaho. Hindi rin ito mainam na bagay
para sa mga mahihirap sapagkat marami nang libreng unibersidad o state
university ang nagbibigay ng libreng edukasyon para sa kolehiyo. Malaking
ginhawa para sa mga magulang ang makitang nakapagtapos ng kolehiyo ang
kanilang mga anak. Para sa mga mag-aaral ang kolehiyo ay isang tulay upang
maabot ang magandang kinabukasan sa hinaharap.

c. Bakit mahalaga ang Filipino bilang asignatura at wikang panturo?

 Mahalaga ang Filipino bilang isang asignatura at wikang panturo sapagkat
ito ang simbulo ng ating pagkabansa. Sa simula pa lamang ay kasama na natin
ang ating wikang Filipino sa pang araw-araw nating pamumuhay. Ito ay parte na
ng ating kamalayan bilang mga Pilipino at ginagamit din ito sa iba’t ibang
larangan ng kaalaman. Ang asignaturang Filipino bilang wikang panturo ay
binibigyang pugay ang mga hirap at sakripisyo ng ating mga bayani para sa ating
bansa. Sa pag gamit nito ay napapanatili ang diwa ng ating pagka-makabayan at
dala-dala nito ang mga pagsusumikap ng ating mga bayani para sa bansa. Ang
pagpapalawak ng kaalaman sa Filipino ay magsisilbing boses ng mga Pilipino sa
panahon ng pananawagan sa pagtaguyod ng karapatan ng bawat isa sa bansa.
Malaki ang halaga ng asignaturang Filipino sa mga mag-aaral at bilang wikang
panturo ay ipinalalaganap nito ang tungkulin ng wikang Filipino sa ating
pagkabansa.

d. Ipahayag ang inyong saloobin sa naging plano ng CHED na alisin na ang

Filipino, Philippine Constitution at bawasan ang iba pang General Education
subjects sa kolehiyo tulad ng Sociology at maging ang English.

Bilang mag-aaral ay nadismaya ako nang tangkain ng CHED na alisin ang

Filipino at bawasan ang iba pang general education subjects sa kolehiyo. Unang-
una ang Filipino bilang asignatura ay binubuhay ang intelektuwalisasyon ng ating
bansa. Ang intelektuwalisasyon ay nagbibigay daan upang maipalaganap ang
wikang Filipino sa kamalayan ng bawat isa. Ang mga mag-aaral ng kolehiyo ay
may malawak nang pang unawa at pag iisip sa larangan ng kaalaman. Kung
kaya’y isa itong malaking bagay upang maitaguyod ang mga pag-aaral at
pananaliksik gamit ang wikang Filipino. Ang mga pananaliksik sa antas ng
tersiyaryo ay mabisang paraan upang lumawak pa ang kaalaman ng isang mag-
aaral hinggil sa isang bagay. Ngunit kung aalisin ito sa kolehiyo ay malaki itong
kabawasan sa pagsulong ng wikang Filipino bilang akademikong gawain at pag-
aaral. Maaaring ganito rin ang maging karanasan ng iba pang nabanggit na
asignaturang nais tanggalin ng CHED.
 Samakatuwid, ang tahasang pag alis ng CHED sa asignaturang Filipino at
sa iba pa ay may malaking epekto hindi lamang sa pagpapatuloy ng kaalaman
ng lahat ngunit maging sa trabaho ng mga gurong nagtataguyod nito.
Napabalitang maraming departamento ng Filipino ang maaaring magsara sa
panukala ng CHED na alisin ang Filipino bilang asignatura sa kolehiyo. Kung
kaya’y ipinaglaban ito ng iba’t ibang paaralan, kolehiyo, unibersidad,
organisasyong pangwika at pangkultura ng bansa. Ito ang naging daan upang
mabuo ang Tanggol Wika na isang samahan na lumaban sa panukang nilabas
ng CHED. Bilang mag-aaral ay natutuwa akong malaman na naging
matagumpay ang pagsalba ng asignaturang Filipino at panitikan sa kolehiyo. Ito
ay isang bagay na lubhang mahalaga sa pagtataguyod ng ating wikang
pambansa.