MAIKA-14 A LEKSIYON:

Iti Panagballigi maisupiat iti Sulisog

PAKAUNA:

Iti pudno a mamati iti Apo, uray pay isuna iti kapanglawan wenno kakapsutan nga miyembro iti Iglesia
(Bagi ni Kristo), ket umanayen nga manggun-gon iti pannakabalin ni Satanas ken iti sangkamaysa a
pagarian na, no isuna ket adda ijay tengnga iti pagayatan iti Dios.

Daytoy ket ammo ni Satanas iso nga kasjay la unay iti panakaipacat na iti cabaelan na nga mangparmek
ken mangpakapsot kadagiti pudno nga Anak iti Dios. Iti kapegsaan a pamuspusan na ket iti panagaramat
na iti sulisog. Gapo na daytoy, kasapulan tayo a sanguwen iti kina-agpayso na nga iti panagballigi tayo
manipod ti sulisog ket maysa laeng kadagiti napateg a rebbeng tayo a kas pudno a Kristiyano.

Paliiwen tayo dagiti sumaganad a sasao:

I. ITI KINA-AGPAYSO MAIPAPAN ITI SULISOG

A. Daytoy ket saan nga sipod iti Dios. (Santiago 1:12-13)
Umannamong iti Sasao iti Dios, iti Apo Dios ket saan nga nangsulisog. Nupay kasta, pinalubosan
ti Dios nga umay kenyatayo iti sulisog tapno daytoy ket mang-aramat iti panggep na ti biyag
tayo.

B. Daytoy ket nagtaud iti dakes a tarigagay ken ti dakes a derrep iti laman. (Santiago 1:14)
“Iti puso ket ad-adda a manangallilaw weno iti amin a banag, ken pudno a dakes; asino koma ti
makaduktal?” (Jeremias 17:9)

C. Daytoy ket manipod iti makinruar a makaguyu-goy a pamay-an. (Santiago 1:14)

Ni Satanas ket agiyappan iti sango tayo ti banbanag a no iti damo nga kita ket maka-ayayo ngem
iti kinapudno na gayam ket iti saan a maliklikan a pannakadadael no datayo ket nasiluan ti palat-
og na.

II. DAGITI PAMAY-AN TI PANNAKATNAG TAYO ITI SULISOG

Iti maysa kadagiti maikanatad unay a pagarigan iti kinapudno na daytoy ket iti biyag ni David idi
isuna ket natennag iti sulisog ni Batsheba. (2 Samuel 11:1-5)

A. Ni David ket awan ti ububraen na ijay a tiyempo. Iti panunot nga saan nga agububra ket iso ti
aramiden nga umok iti diablo. (Samuel 11:2)

B. Nakitana iti sulisog isu a daytoy ti nangipamaysaanna iti panunotna. Dumdumteng ti sulisog iti
tao baben iti pannakaammo na. (2 Samuel 11:2)

C. Dagiti sulisog nga agparparang kenyatayo ket saan tayo a maliclican, ngem iti sulisog a
mangikuspil kenyatayo iti kinadakes ket iso iti panunot ken panagpangpanggep kalpasan tayo
a nakita. Iti bunga na daytuy, birbiruken iti tao iti sarili na a pagkadadael. (2 Samuel 11:3)
D. Ni David ket naananay a natnag iti sulisog ket nagbunga daytuy iti pakikamalala na. Kinadwa
na ni Batsheba sana inpapatay iti asawa daytuy. Iti kinaagpayso panggep iti sulisog ket
 inpalpalawag a usto ni Apostol Juan sadyay 1 Juan 2:15-17. Ibagbaga na a iti kinadirrep iti
mata ken pangapannakkel iti biyag ket agbungbunga iti patay ken panangdadael.

III. DAGITI PAMAY-AN TAPNO AGBALLIGI LABAN ITI SULISOG

A. Kitan a usto iti linteg. Sadyay Santiago 1:17-19, naipakaammo a sadyay sango iti sulisog ket
rumbeng a agbalin tayo a naalumamay a agsao mabayag iti panagunget. Pagpanunutan tayo umuna
a nasayaat nu inya iti naarem sakbay a agunget. Iti pagiyarigan daytuy ket ni Job a nagbalin a
naalumamay iti sango iti pannakaidadanes, uray pay sadyay pannakaidadanes iti asawa na. (Job
2:9-10)

B. Itaming iti sao iti kinapudno. ( Mga Awit 119:11) Iti sao iti Diyos iti pinakanaimbag a espada iti
amin a sulisog ken parikut.

C. Agbalin a manangtungpal iti Sasao iti Diyos a ayaywanan tayo Launay. (Santiago 1:22-23) Inkari
kadatayo iti Apo nga iti amin a banag ket maaramed tayo babaen iti Apo Hesus a mangpapapigsa
kadatayo.

D. Agpasakop tayo iti Diyos ken darupen tayo iti Diablo ket iti sulisog ket tumakas. (Santiago 4:7) Iti
balligi ket sigurado a adda iti ima iti pudno a anak iti Diyos gapo ta datayo ket naaddaan iti espada
ket uman-anay a gamit iti panangranget. (Efeso 6:11-18) Iti laeng kasapulan a aramiden tayo ket
usaren tayo daytuy iti kabusor ket sigurado a datayo ket agballigi.

Pakaudi:

Awan iti rason ta iti maysa a Kristiyano ket mabiyag a napapaay ken naabak iti basol. Maysa a
miyembro iti Iglesia iti nangibaga, “Pastor, iti sangapulo a tawen ko a kristiano, kaano man ket haan
ko pay a nasabat ni Satanas iti panagdayaw wenno inya man a banag” Kumita iti Pastor ket
nagpanunot, tapos sinmungbat ken nagsao, “Nalabit, isu a handaka a sinabsabat ni Satanas gapo ta
kadwam isuna. Ni Satanas kit sigurado a agaramed iti pamay-an tapno malappedan na iti naidato a
biyag iti pudno a kristiyano. Ngem iti namnama tayo ket iti kari iti Apo, “Mas Nabileg iti adda
kadatayo (Ni Hesus) kaysa iti adda dita kalubongan.(Ni Satanas.” (1 Juan 4:4; Apocalipsis 12:11)