SYNCHRONOUS [IN CLASS] PAGBASA AT PAGSULAT TUNGO SA

PANANALIKSIK
LEKSYON 4

I. INTRODUKSYON SA LEKSYON

 Pamagat ng Leksyon

Leksyon 4: Mga hakbang, teorya at teknik sa pagbasa

 Oberbyu ng Leksyon

Sa modyul na ito ay mapag- aaralan ang mga hakbang, teorya, at teknik sa

pagbasa, maging ang kategorya bilang mambabasa.

Ang tamang pagbabasa ay may proseso o hakbang na sinusunod upang maging

madali ang pag- unawa sa anumang tekstong babasahin. Matutuklasan din ang mga
teorya ng pagbasa na ginawang batayan kung paano nga ba natutong magbasa ang
isang tao.

Mas maging madali ang pagbabasa at pag- unawa sa tekstong babasahin sa

pamamagitan ng leksyong ito. Malalaman din ang kategorya ng bawat isa bilang
mambabasa gayundin ang mga suliraning maaaring kaharapin sa pagbabasa.

 Kinalabasan ng Modyul

Matapos ang pag-aaral, ang mga mag-aaral ay inaasahang:

1. Natatalakay ang proseso ng pagbasa.

2. Natutukoy ang mga teorya ng pagbasa.
3. Napalalawak ang kaalaman at pang- unawa sa mga binabasa.
4. Natutuklas ang kategorya bilang isang mambabasa.

 Itinakdang oras

1.5 Hours Synchronous session

II. PRE-ASSESSMENT
A. Sanaysay. Sagutin at ipaliwanag ang katanungan. Isaalang- alang ang rubriks sa pag-
iiskor.

5 puntos- kung angkop ang kapaliwanagan at wasto ang gamit ng mga salita sa
loob ng panungusap.
3 puntos- kung angkop ang kapaliwanagan ngunit may dalawang maling salita sa
binuong pangungusap.
1 puntos- para sa pagsisikap na magpaliwanag ngunit hindi angkop ang
kapaliwanagan.
0 puntos- kung walang kapaliwanagan.
 1. Ano ang pagbasa?
2. Bakit kinakailangan pang magbasa gayong marunong ka ng bumasa?

III. LESSON PROPER

A. Mga Hakbang sa Pagbasa

Si William S. Gray, ama ng pagbasa ay naglahad ng apat (4) na hakbang sa

pagbasa, gaya ng mga sumusunod:

1. Pagkilala. Tumutukoy sa kakayahan ng bumabasa na mabigkas ang mga salitang

tinutunghan at makilala ang mga sagisag ng isipang nakalimbag.

2. Pag-unawa. Ang kakayahang bigyang kahulugan at interpretasyon ang kaisipang

ipinapahayag ng mga simbolo ng mga salitang nakalimbag.

3. Reaksyon. Kakayahan ito ng mambabasa ang humatol o magsabi kung may

kawastuhan at kahusayan ang pagkasulat ng teksto. Tumutukoy rin ito sa
pagpapahalaga at pagdama na iniuukol ng mambabasa sa nilalaman ng kanyang
binasang teksto.

4. Asimilasyon at Integrasyon. Kakayahan ito ng mambabasa na isabuhay ang

natutuhang kaisipan sa binasa. Naiuugnay niya ang kasalukuyang karanasan sa
nakaraan na tinalakay sa binasa.

B. Teorya ng Pagbasa

1. Teoryang Bottom-up. Nagmumula ang pagkatuto sa mga titik, salita, parirala, at

pangungusap bago malaman ang kahulugan ng binabasa. Tinatawag din itong
“outside-in” o “data driven” sapagkat ang impormasyon sa pag-unawa ay hindi
nagmula o nanggaling sa bumabasa kundi sa teksto.

2. Teoryang Top-down. Ang pang-unawa sa binasa ay nagsisimula sa isip ng

mambabasa (top) bilang aktibong partisipant sa proseso ng pagbasa na may dati ng
kaalaman na nakaimbak sa kanyang isipan patungo sa teksto (down). Tinatawag
ding “inside-out” o “conceptually driven” ang teoryang ito sa dahilang ang pag-
unawa ay nagsisimula sa mambabasa patungo sa teksto,

3. Teoryang Interaktib. Ito ang kombinasyon ng teoryang bottom-up at top-down

sapagkat ang proseso ng komprehensyon ay may dalawang direksyon (McCormick,
1998). Sa paggamit ng dalawang paraan (bottom-up at top-down), nagaganap ang
interaksyon sa pagitan ng teksto at ng mambabasa. Ito’y nabubuo mula sa kaalaman
at ideya na dala ng mambabasa sa pag-unawa sa teksto.

4. Teoryang Iskema. Ang lahat ng ating naranasan at natutuhan ay nakaimbak sa ating

isipan o memorya. Ito ay nagiging dating kaalaman (prior knowledge). Ito’y
nakaiimpluwensya nang malaki sa pag-unawa kung ano ang alam na o hindi alam ng
mambabasa.
 Ayon kina Barlett (1972) at Rumelhart (1980), ang ginagampanan ng dating
kaalaman sa pag-unawa ang pangunahing batayan ng teoryang iskema. Simulain ng
teoryang ito ang paniniwala na ang teksto, pasalita o pasulat ma’y walang kahulugang
taglay sa kanyang sarili. Ang teksto ay nagbibigay lamang ng direksyon sa mga
mambabasa kung paano sila bubuo ng pakahulugan mula sa mga dati na nilang
kaalaman. Tinatawag ang dating kaalaman na sanligang kaalaman (background
knowledge) at ang kayariang balangkas na dating kaalaman ay tinatawag na iskemata
(pangmaramihan ng iskema).

Paglilinaw sa organisasyon at ang pag-iimbak ng dating kaalaman at mga

karanasan ang tuon ng teoryang iskema sapagkat ang lahat ng dating natutuhan at
naranasan ay nakalagak sa isipan.

Ayon kina Pearson at Spiro (1982), patuloy na nadaragdagan, nalilinang,

napauunlad, nababago, nagagamit ang mga iskemang ito sa pag-uugnay sa anumang
bagong karanasan.

C. Teknik sa pagbasa:

1. Iskiming- pinaraanang pagbasa o pinakamabilis na pagbasang ginagawa ng tao.

Antas ng iskiming:

a. Prebyuwing
b. Sarbeying at oberbyuwing
2. Iskaning- may espisipikong impormasyon na tinitingnan.

3. Kaswal- pampalipas oras lamang

4. Komprehensibo- may pang-unawa sa binabasa

5. Prebyuwing- pahapyaw na pagtingin

6. Kritikal- mapanuri

7. Suring- basa o rebyu-may pagsusuri sa binabasa

8. Replektibo- may pagninilay-nilay o repleksyon.

9. Pagtatala/ basang-tala- isinusulat ang mga impormasyon.

Kategorya ng mambabasa:

SBM- salita sa bawat minuto

1. Mabagal – 99 sbm pababa

2. Katamtaman- 100-175 sbm
3. Mabilis- 176 sbm pataas

Mga Suliranin sa Pagbabasa

1. Malabong paningin.

2. Kakulangan sa kaalamang panglinggwistika

 3. Kakulangan sa kaalaman sa pagsusuri at pag-unawa sa bagong salita o malalim na
salita na ginagamit sa isang parirala, sugnay, pangungusap, talata, kwento, at
sanaysay.

4. Kakulangan sa impormasyon at karanasan na may kaugnayan sa impluwensyang

pampisikal, pangkapaligiran, at kaalamang pangwika.

IV. MGA AKTIBIDAD

Aktibidad 1. Pagbasa ng kuwentong “Saranggola” ni Efren R. Abueg.

Aktibidad 2. Tiyaking sa loob ng isang minuto ay nabasang bahagi ng kuwento at

tingnan kung ilang salita ang nabasa upang malaman ang kategorya bilang mambabasa.

V. LAGOM NG LEKSYON

Ang mga hakbang sa pagsa ay binubuo ng bago magbasa, habang nagbabasa, at

pagkatapos magbasa. Si William S. Gray, na ama ng pagbasa ay naglahad ng apat (4) na
hakbang sa pagbasa, gaya ng mga sumusunod: (a) Pagkilala, (b) Pag- unawa, (c)
Reaksyon, at (d) Asimilasyon at Integrasyon.

Natukoy rin dito na may mga teorya ng pagbasa gaya ng Bottom-up na tinatawag
din itong “outside-in” o “data driven”. Teoryang Top-down na tinatawag ding “inside-
out” o “conceptually driven”. Teoryang Interaktib, ito ang kombinasyon ng teoryang
bottom-up at top-down sapagkat ang proseso ng komprehensyon ay may dalawang
direksyon (McCormick, 1998). Teoryang Iskema, na nagsasaad na lahat ng ating
naranasan at natutuhan ay nakaimbak sa ating isipan o memorya.

Ayon kina Barlett (1972) at Rumelhart (1980), ang ginagampanan ng dating

kaalaman sa pag-unawa ang pangunahing batayan ng teoryang iskema. Simulain ng
teoryang ito ang paniniwala na ang teksto, pasalita o pasulat ma’y walang kahulugang
taglay sa kanyang sarili. Ang teksto ay nagbibigay lamang ng direksyon sa mga
mambabasa kung paano sila bubuo ng pakahulugan mula sa mga dati na nilang
kaalaman. Tinatawag ang dating kaalaman na sanligang kaalaman (background
knowledge) at ang kayariang balangkas na dating kaalaman ay tinatawag na iskemata
(pangmaramihan ng iskema).

Ayon kina Pearson at Spiro (1982), patuloy na nadaragdagan, nalilinang,

napauunlad, nababago, nagagamit ang mga iskemang ito sa pag-uugnay sa anumang
bagong karanasan.

Bukod sa mga ito, mayroong teknik rin sa pagbasa katulad ng iskiming na may
antas na prebyuwing at sarbeying o oberbyuwing. Iskaning, kaswal, komprehensibo,
prebyuwing, kritikal, suring- basa o rebyu, replektibo, pagtatala/ basang-tala na
maaaring estruktural, konseptwal, at diyalektal.

Mayroon ding kategorya ang mambabasa gaya ng mabagal, Katamtaman, at

mabilis. Sa pagbabasa ay makararanas rin ng suliranin.

Sa bahaging ito, hahayaang magtalakay ang mga mag- aaral batay sa kanilang
natutuhan.
VI. PAGTATASA

Pagtatasa A. Sagutan ang maikling pagsusulit na nasa BBL.

VII. INTRODUKSYON SA ASYNCHRONOUS

A. Pananaliksik hinggil sa dimensyon ng pagbasa.
B. Paghahanda para sa pangkatang Gawain.

Mga Batis:

1. Reynaldo l. Aguilar, et.al., Pagbasa at Pagsulat Tungo sa Pananaliksik et.al., Grandbooks

Publishing Inc., Pateros, Metro Manila

2. Rolando A. Bernales, et.al. Kritikal na Pagbasa at Lohikal na pagsulat Tungo sa

Pananaliksik (Batayan at Sanayang Aklat sa Filipino 2. Mutya Publishing House Inc.
Balubaran, Valenzuela City

3. Juanita M. Cusi, et.al., Pagbasa at Pagsulat Tungo sa PananaliksikGrandbooks Publishing

Inc., Pateros, Metro Manila

4. Imelda De Castro, Ph.D. et.al., Kritikal na Pagbasa at Akademikong Pagsulat Tungo sa

Pananaliksik. UST Publishing House, Manila, Philippines

5. Gilbert C. Galit, Filipino 2 Masining na Pagbasa at Malikhaing Pagsulat Tungo sa

Pananaliksik. Unlimited Books, Library Services and Publishing Inc., Intramuros, Manila

6. Perla Gamace, Ph.D., Pagbasa at Pagsulat Tungo sa Pananaliksik (Filipino 2) Grandbooks

Publishing Inc., Pateros, Metro Manila

7. Alcomitser P. Tumangan, Sr. et.al. Pagbasa at Pagsulat Tungo sa Pananaliksik(Filipino II)

Grandbooks Publishing Inc. Pateros, Metro Manila