Aminado ang Department of Environment and Natural Resources (DENR) na humaharap ang

Pilipinas ngayon sa problema sa mga basura.

 
Ayon sa datos ng ahensiya, sa isang araw lamang nasa 2,000 trak na may capacity load na 20
tonelada ang nahahakot sa buong bansa. Ang 450 dito, nahahakot sa Metro Manila.

Sa tantiya nila, humigit kumulang 40,000 tonelada ng basura ang nakokolekta sa bansa sa isang
buong araw lamang. 

"Sa 42,000 barangays sa buong bansa, 70 percent ay wala pang material recovery facility. Kaya
ang nangyayari, sa mga ilog at daluyan ng tubig itinatapon ang basura," hinaing ni Eligio
Ildefonso, director ng DENR Solid Waste Management unit. (DENR, 2018)

https://news.abs-cbn.com/news/07/04/18/daing-ng-denr-2000-trak-ng-basura-nahahakot-
sa-bansa-kada-araw

Ang ilan sa maaaring pagkunan ng impormasyon o datos tungkol sa problema ng basura sa

Pilipinas ay ang Department of Environment and Natural Resources (DENR) at Solid Waste
Management Office (SWMO) ng Metropolitan Manila Development Authority (MMDA).

Ang Department of Environment and Natural Resources (DENR) ay ang pangunahing ahensya
na responsable para sa pagtitipid, pamamahala, pagpapaunlad, at pagsisigurado ng tamang
paggamit ng kapaligiran at mga likas na yaman ng Pilipinas.

Ang Metropolitan Manila Development Authority (MMDA) naman ay responsable sa pag-

paplano, pangangasiwa, pagsasa-ayos, pagsubaybay at pagpapatupad ng mga programa at
proyekto sa Metro Manila, na naaayon sa patakaran ng pamahalaan ng Pilipinas. Sakop ng
MMDA ang isyu kagaya ng trapiko, basura, pag-kontrol ng baha, kalusugan at seguridad ng
publiko at pag-protekta sa kapaligiran. Dahil sa mga sakop nitong isyu, ang Solid Waste
Management Office ay hawak ng MMDA.

Noong 2011, nagsabi ang DENR na ang mga tao na nakatira sa Metro Manila ang responsable sa
25% ng basura araw-araw ng Pilipinas. Ito ang epekto ng basura ng buong Metro Manila.

Samantala, noong 2017, may pag-aaral na ginawa ang SWMO ng MMDA na nagpapakita na ang
dami ng basura sa Metro Manila na naitapon nang maayos ay umabot lamang ng 29,645.44 cubic
meters kada araw kumpara sa kabuuang basura na nakokolekta kada araw na of 54,084.86 cubic
meters (datos hanggang Hunyo ng 2017).
Dahil dito, wastong pagtatapon ng basura ang kailangan na matutunan ng bawat Pilipino
upang maiwasan na matambakan ang bansa ng mga plastic at iba pang uri ng basura, lalo pa’t
may epekto ang basura sa kalusugan ng tao. (Daintyexlibris, 2018)

https://brainly.ph/question/1666875

MANILA, Philippines – Nahaharap na ang Pilipinas sa “krisis sa basura” dahil sa napakataas na

‘volume’ nito na nalilikha ng mga Pilipino, ayon kay Environment and Natural Resources
(DENR) Secretary Roy Cimatu.

“We are now in the middle of a garbage crisis. If we continue to act only for our independent
interests, continue to spoil our water bodies and fail to responsibly manage our wastes, we will
not be able to sustain our efforts on this campaign,” sabi ni Cimatu. 

Sa kanilang datos, ang target na baseline ng basura para sa Metro Manila na 58,000 cubic meters
para sa buong 2019 ay nalagpasan na sa unang dalawang quarter pa lamang ng taon.

Sa unang quarter, nakalikha ang mga taga-Metro Manila ng 34,574.77 cubic meters habang sa
ikalawang quarter ay pumalo ito sa 32,221.17 cubic meters.

Iginiit ni Cimatu na hindi na epektibo ang mga ‘clean-up drive’ partikular sa rehabilitasyon ng
Manila Bay.

Sinabi niya na naging kultura at pag-uugali na talaga ng mga Pilipino ang walang pakundangan
na pagtatapon ng basura. 

Sa mga nakalipas na clean-up drives, makalipas ang ilang linggo ay muling bumabalik ang mga
basura dahil na rin sa pagkakalat ng mga residente na patuloy na walang disiplina sa basura.

“We and the following generations will all suffer the consequences if we do not change the way
we behave as an organization and as individuals,” babala pa ni Cimatu.

Kabilang sa mga pansamantalang aksyon na ikinakasa ng DENR ay paglalagay ng mga pader sa

mga ilog para mapigilan ang mga tao na magtapon ng basura at paglalagay ng mga ‘septic tanks’
para sa mga ‘informal settlers’ habang hindi pa naipatutupad ang kanilang relokasyon.

Nitong Nobyembre, nasa 13,212 establisimiyento sa paligid ng Manila Bay ang ininspeksyon ng
DENR.  Nasa 107 dito ay binigyan ng ‘cease-and-desist orders’ dahil sa mga bayolasyon, nasa
2,684 ang inisyuhan ng ‘notice of violation of environment regulations’ habang nasa 1,910 pa
ang idadagdag na isyu.

Nakatakda naman ang DENR na maglabas ng Department Order para sa pagbabawal sa

paggamit ng ‘single-use plastic’ na siyang pangunahing basura na bumabara sa mga daluyan ng
tubig sa Metro Manila at ibang lungsod.
https://www.philstar.com/pilipino-star-ngayon/bansa/2019/12/06/1974586/pinas-
nahaharap-sa-garbage-crisis
 Marami ang mga karapat-dapat na gawin upang malutas ang problema sa basura. Una na rito ang
tinatawag na “Segregation” o paghihiwalay ng mga nabubulok sa hindi nabubulok. Ang mga nabubulok
ay kadalasang balat ng prutas, balat ng gulay at marami pang iba. Pwede pa rin itong pakinabangan sa
pamamagitan ng pagpapakain sa hayop o kaning baboy. Ang mga hindi nabubulok ay malaki ang
pakinabang. Ito ay pwedeng ipunin at ibenta, tulad ng mga bote, mga plastic na gamit na, mga sirang
cellphone na pwedeng irecycle at iba pa. Sa pamamagitan ng ganitong pamamaraan malaki ang tulong
at kabawasan sa ating suliranin sa basura. Dahil kung nakakalat lang magiging sanhi ito ng pagbaha.
pagkakasakit dahil sa maruming kapaligiran. Ang mga basurang pinabayaan sa paligid ay malaking
pinsala sa ating kalusugan. Marami ang maapektuhan lalo na sa pamumuhay kung
halimbawang mangyari ang biglaang pagbaha ng hindi inaasahan . (Gutierez Y.T., April 3, 2017)