UANTANSKUA [NA ARHINHASINI]

P’IKUARHENHEKUA

KARANTSKUA P’IKUARHENHEKUA

Kánikua sési p’ikuarherasînka ji , enka niárak’a k’umanchikuarhu enka t’ata

k’uerhajpirhiri ampe uantanhak’a , kánikua tsípesînka. Mintsita jinkoni sesi

p’ikuarherasînka: pirhesînka. Piresînka., ka uerhasînka. Pireparhini mintsita

jinkoni maiamukua arhisïnka enkarhini ínskuka sésikua pa ini jurhiatikuani

jimpo jauarhani. ka ´´Úni tsinharhini isi eska uni manakuarhini. ampe.

Kánikua sési p’ikuarherasïnka enka uêrhajka nani tsitsikichani exeani. ka

tata jurhiatani exeni. Manakuarhirichani exeani ampe; ka Sánteru kánikua

maiamukua arhisinka tata k’uerhajperhini jimpoka úspka erhatiani iámintu

juchiiti familiani: ka sánteru tsípikua jinkoni pirhenchani. Pirhekuni tata

k’uerhajperhini ka isi arhini eskarini nómeni jurharkuaka ka eskani nómentini

kèntitachiaka inteni juchiiti p’ikuarhinhikua, enkani ji p’ikuarherajka enka

niarhak’a imerhi k’umanchikuarhu.

Ka kanikua sesi p’ikuarherasïnka; joperhu tatsikua mentarhu uiakusÇinka ka

k’uirhipuni exeni juchiiti iretarhu anapuechani, ka marhuksï noma ampe

jatsikuarhintsï, ka komu p’ikuarherasïnka enkani ji exeajka tataka

sapirhatichani enkaksï meni noma ampe kamkaksï, ka isï auntasïnka

menterhu tata kuerhajperhini jinkoni, ka isî kurhakusînka eskarhini eskarhini

tsipikua sani inskuaka pari ji imani uni jarhoatani.

Ka xanharhapasînka xanharhapani iauani jamerha niarani , hasta ka

mentarhu na jantiojku jauaka, ka pa menterhu uni uantonskuarhini imani

jinkoni, ka menterhu sani tsipikuarhisînka.

Ka isi iamintu k’uirhipu tata kuerhajpirhini uantajpasîntiksï, ka tsipesìntiksî,

ka uarhakusintiksï ka pirhekusïnteksï, ka istuksï k’uincheni ampe, ka kanikua

t’irhekua kamasïntiksï pa tata k’uerhajpirhini maiamukua arhini, ka tsipekua

jinkoni iamintu k’uirhipuecha komu arhisïntiksï para iamintu ampe sesi

kuerhaani ka pa iamintu ampe sesi jukarhuntani anhatapuecha

amanhinchakua ampe enkaksi jatsikuarika

Istuksï nirhasïnti juatarhu isi kokuani ninhasInti anchikuarhini jinisï ka

pakuarhinhasiïnti t’irhekua, amanhenchakua ampe, istuksï pajtakuarhesinti

sapirhatichani pa tsa jinisï jarhoatani tsiri jatsini ampe, tatsinitu ampe

atsikuni ka hasta itsukua ampe pikuni.

Nirhasiïnti k’uirhipu, tsipikua jinkoni nirhasïntiksi kokuanku eska na joskua

ch’eti jukarhi antarhajka, ka tsipikua jinkuni t’ata kuerhajperhini sesi

exesïnka.

Enka ixu jarhaska, joskua kuatsitarhu ma p’urhenkuarheni jurhaska;

xuueratini erhajpaska eska jini echarintu anapuecha, na komu arhinhak’a

kuerhajperini enkani ixu jini jinkoni jaka, ka inte kuerhajperhi isï uantajti ka

k’eri k’eri ma motsitarakua ma xantani ka iamintu inami k’uirhipuni taantani

enkakasï jiji ketsikua komu arhini jaka, ka imani echerhini, ka imani

sapiiichani enkaksï komu nitamakuarhini japka; paastiksï jini anchitaani, ka

mititarani kanikua ampe. Mititarajti ka uanikua ampe exesti, ka exestiksï

imani ampe enka echerirhu notki niarhani jaka,ka joperhu jorhenkuarhistiksï

uanikua ampe ima sapiicha ka noterhu uekajtiksïa nintani ketsimantani,

imaksï ixuani menterhuni jasï xukuparhantasïntiksï, imaksï tiamurhi ampe

jukasïnti, enkakasí no tiamueri ampe jukantaaka k’uirhipueksï

kakarhekuarhesïnti, sesiksï jarhasti usïntiksï materu joskuarhu tsankuarhani,

jimpokaksï, xukuparhakuechani enkaksïima jini ka jini niarajka motsini;

kanikua tsipekuarhinhaxati.

Ima tixaratakua enka komu arhikuarenjapka kuerajperini, ima ixuani

iamintuechani jurhamukuaxati nenaksi jamaka, ka ampemenkaksï uaaka.

Kurikaveri emanka xentaaka imani sapiichani ima kurikaveri, utasï nirhasti

exeantani materhu enkaksï jini ketsikua p’akarhani japka, ka ima xani

jarhuatapka ampe, inteksí menterhu jinhantaxati iamintu ampe ka

nijkuekaxati ia ketsimentani enkaksï isi imani uakasïchani itsukua ampe

p’ikuaka.

No nani marhuesti inte k’uirhipu; uanekua ampeksï exesti, materhu

parhakpeni, joperhuksï kanikua tsitsiti jini niantani, materhu parhakpenirhu

enkaksï japka, jimajkani ji enkani xani sesi p’ikuarhenhejka tata

K’uerhajperheri ampe ka isi kumani imani sapichani uerhanti jupintichani

enkaksï noma ampeksï atsikuarhepka, ka materhu k’uirhipuechani enkakasi

xani sesi nirhanka uarhakuani maiamukua arhintani K’uerhajperhini jimpo

isïsti eskajcha jucha, jorhenkuarhiaka eska iamintu ampe enka xani jaka, ixu

parhakpenirhu kuerhakateska.

Jijtuni kuerhakateska jimpojtsini sesi p’ikuarherajka K’uerhajperhini ampe

antaxeni, kurhaani, p’ikuarherani, irhekani: ju je iamintuecha jakajkuni

juchari kuerhajperhiri jucharhini, is eska isi eska na jaka Tata K’uerhajperhiri

isïstu jarhaska nana k’uerhajperhiri. Ka isïstia.