Kan ram thenawm MYANMAR chu sorkar dinglai Sipai ten namthluin

harsatna namen lo tak an tawk mek a. Zofa tam tak chenna ram a nih
avangin kan unaute hlauhlawpin, raltlan ngai hialin an awm ta a. Zofate
Jerusalem, MIZORAM lam pana raltlan kan nei ta nual mai a. Hetih lai hian
ngaihtuah ngai tam tak awmin a lang a, ka han thai lang ve mai mai. Mi
fing zawk leh thiltithei zawkten engtin ngai maw?

Mizoram Sorkar hian Raltlante hi a lo dawngsawng nge... mimal leh pawl

hian an remchan ang angin an lo dawngsawng zawk? Sorkar hian enge
ruahmanna a neih a, kan Mizo unaute harsatna lo phuhru tur hian a
chhawmdawlna eng ang nge awm thei a, engtia tih chi nge? India ram
danpui hnuaiah raltlan indawnsawn dan engang nge kan neih? Mipui
nawlpui, a hman hmanin sum khawn/kutdawhsak hi thil kalphung tur a ni
em? A duh duhin hetiang tih theihna hi kan nei reng em? Tuna raltlante
leh lo la kal zel tur te hian tun aia dinhmun tha zawk an nei thei em? Nge
silpauline hnuaia mi tlawmngaite pekkhawm rin tawp hi an chantawk?

Ngaihtuah fel ngai hi a tam khawp mai a, ruahmanna fel tak leh dan zulzui
deuha kan kalpui loh chuan kan hmabak hi a thim riau lo maw? Enge in
ngaih ve dan le....