ATING KAHALALAN LALO NA SA PANAHONG MALAPIT NA TAYO SA HANGGANAN NG PAGLALAKBAY
Nasasaksihan at nararanasan natin na ang kalagayan ng buhay sa
mundo ngayon ay papahirap nang papahirap. Maraming nagba- bantang panganib bunga ng paglaganap ng kriminalidad, kasamaan, at ng mga kaguluhan. Idagdag pa ang mga panganib na dulot ng mga di-pangkaraniwang kalamidad at mga sakit na lumalaganap. Bumabagsak ang ekonomiya ng mga bansa at marami ang nawawalan ng hanapbuhay. Kaya, ang maraming tao sa mundo ay halos nakasentro na lamang ang pananaw sa kung paano nila malalampasan, kung hindi man tuluyang malulunasan, ang mga problemang kanilang pinagdaraanan.
Bagama’t hinaharap din nating mga kaanib sa Iglesia Ni Cristo ang
mga problemang ito at sinisikap nating makatawid sa araw-araw, ngunit may higit tayong dapat harapin at pagtuunan ng pansin. May kaugnayan ito sa panawagan o ipinasasabi ng Diyos sa atin tungkol sa kalagayan ngayon ng mundo.
Ayon sa hula o paunang pahayag ng Panginoong Diyos sa Isaias
62:11-12, “Ang Panginoon ay nagtanyag hanggang sa wakas ng lupa.” Samakatuwid, tumutukoy ito sa gawain ng Diyos na aabutan na ng wakas o ang Kaniyang gawain sa mga wakas ng lupa. Batay sa marami na nating pag-aaral, ang mga wakas ng lupa ay panahong malapit na ang Ikalawang Pagparito ng ating Panginoong Jesucristo o ang Araw ng Paghuhukom. Ito ay nagsimula noong sumiklab ang Unang Digmaang Pandaigdig noong 1914, kasabay ng pagkakatatag ng Iglesia Ni Cristo sa Pilipinas.
Maliwanag ang panawagan o ipinasasabi ng Diyos sa mga taga-
wakas ng lupa: “Inyong sabihin sa anak na babae ng Sion, Narito, ang iyong kaligtasan ay dumarating; narito, ang Kaniyang kagantihan ay nasa Kaniya, at ang Kaniyang ganti ay nasa harap Niya.” Ang tinutukoy sa hula na “anak na babae ng Sion” na ang kanilang kaligtasan ay dumarating ay ang “tinubos ng Panginoon” o ang Iglesia Ni Cristo, ayon sa Gawa 20:28 ( ). Subalit, Pagsambang Pansambahayan Miyerkules/Huwebes: Abril 14/15, 2021 pahina 2
ang tinutukoy sa hula na “anak na babae ng Sion” ay hindi ang
Iglesia Ni Cristo noong unang siglo sapagkat ang panahon ng hinuhulaan ay sa mga wakas ng lupa o panahong malapit na ang Araw ng Paghuhukom. Kaya, natitiyak nating ang tinutukoy sa hula ay ang Iglesia Ni Cristo sa mga huling araw na ating kinaaaniban.
Lagi nating tandaan ang ipinasasabi sa atin ng Diyos: ang ating
kaligtasan ay dumarating. Napakalapit na ng araw ng ating kaligtasan.
Ipinagpauna ng ating Panginoong Jesucristo ang mga pangyayaring
magaganap kapag malapit na ang Kaniyang Ikalawang Pagparito o ang Araw ng Paghuhukom. Binanggit Niya sa Mateo 24:6-8 ( ) ang mga digmaan at paglalabanan ng mga bansa laban sa ibang mga bansa, mga pagkakagutom, mga epidemya ng mga sakit, at mga paglindol sa iba't ibang dako. Nangyari na at patuloy pang nangyayari ang mga ito ngayon sa mundo.
Kaya tayo hinihikayat ng Pamamahala na magpakasigla, mamuhay
nang matuwid, magtalaga sa mga gawain, at ipakipaglaban ang ating pananampalataya, ay sapagkat napakalapit na nating tamuhin ang kaligtasan. Pagtapatan natin ang ating kahalalan anuman ang ating masagupa, upang lubos natin itong pakinabangan.
Ipinagpauna rin ng mga apostol na kapag malapit na ang wakas ay
“magiging napakahirap maging Cristiano,”* ayon sa Ikalawang Timoteo 3:1 ( ). Kaya hindi na natin ipinagtataka ang mga nararanasan nating matitinding pagsubok at kapighatian, sapagkat ipinagpauna na ito sa Biblia. Subalit, mayroon tayong dapat tanawin o asahan—ang mga biyayang darating sa atin. Tulad ng isang kasali sa takbuhan—maaaring sa kaniyang pagtakbo ay pagod na ang kaniyang katawan ngunit, kapag natanaw na niya ang ay nagkakaroon siya ng panibagong sigla at lakas para ibuhos ang buo niyang makakaya upang matapos ang kaniyang takbuhin. Pagsambang Pansambahayan Miyerkules/Huwebes: Abril 14/15, 2021 pahina 3
Kung nagdaranas tayo ng matitinding suliranin at kagipitan, ay
alalahanin natin ang ipinasasabi ng Panginoong Diyos kaugnay ng ating kahalalan. Batay sa Isaias 62:12, tayong mga tinubos ang “Bayang hindi pinabayaan.” Lubos natin itong mapananaligan sapagkat pangako ito ng Diyos, ayon sa Unang Samuel 12:22 ( )
Sa hula sa Isaias 41:17 ( ), nangako rin Siya na “Pag ang Aking
baya'y inabot ng matinding uhaw, na halos matuyo ang kanilang lalamunan, Akong [Panginoon] ang gagawa ng paraan; Akong Diyos ng Israel ay di magpapabaya.”
Dahil dito, sundin natin ang panawagan ng Diyos sa atin sa Isaias
45:22 na tumingin tayo sa Kaniya. Niliwanag sa Mikas 7:7-8 ( ) na ang ibig sabihing tumingin tayo sa Diyos ay sa Kaniya tayo magtiwala at umasa:
Subalit para sa akin, titingin akong may paghihintay sa PANGINOON
at may pagtitiwalang mag-aabang sa Kaniya; Maghihintay ako [na may tiwalang pag-asa] sa Diyos ng aking kaligtasan. Diringgin ako ng aking Diyos. Huwag kang magdiwang tungkol sa akin [sa gitna ng aking mga trahedya], O aking kaaway! Bagama’t ako ay mabuwal, babangon ako; bagaman maupo ako sa kadiliman [ng pagka- bagabag], ang PANGINOON ay ilaw para sa akin.*
Maipakikita natin ang ating pagtitiwala at pag-asa sa Diyos sa
pamamagitan ng pananalangin, batay sa Panaghoy 3:28-29 at 26 ( ). Kaya, napakahalaga ng pananalangin. Ito’y karapatan natin na dulot ng ating kahalalan. Dapat natin itong lubos na pakinabangan. Bawat sambahayan, sa pangunguna ng mga magulang, ay dapat panayang nakapagsasagawa ng pagpapanata at pananalangin sa Panginoong Diyos. Kapag dumarating sa atin ang mabibigat na suliranin, sa halip na kung kani-kanino tayo tumakbo ay sa Diyos tayo unang lumapit at humingi ng tulong. At buong tiyaga tayong maghintay sa Kaniyang pagsaklolo.
Ipanalangin natin sa Panginoong Diyos ngayon ang gaya ng
nakasulat sa Awit 86:1-4 at 6-8 ( ): Pagsambang Pansambahayan Miyerkules/Huwebes: Abril 14/15, 2021 pahina 4
PANGINOON, dinggin n’yo at sagutin ang aking panalangin sapagkat
ako’y naghihirap at nangangailangan. Ingatan n’yo ang buhay ko dahil ako’y tapat sa inyo. Kayo ang aking Dios, iligtas n’yo ang inyong lingkod na nagtitiwala sa inyo. Panginoon, maawa kayo sa akin dahil buong araw akong tumatawag sa inyo. Bigyan n’yo ng kagalakan ang inyong lingkod, Panginoon, dahil sa iyo ako nananalangin. … Pakinggan n’yo ang aking dalangin, PANGINOON. Ang pagsusumamo ko’y inyong dinggin. Tumatawag ako sa inyo sa oras ng kagipitan dahil sinasagot n’yo ako. Walang dios na katulad n’yo, Panginoon, walang sinumang makakagawa ng mga ginagawa ninyo.
Napakalapit na natin sa hangganan ng ating paglalakbay. Bagama’t
papahirap nang papahirap ang pagdadala ng buhay, ngunit hindi tayo dapat mawalan ng pag-asa o abutin man ng panghihina. Mamalagi tayong matatag na nanghahawak sa ating kahalalan sapagkat anuman ang mangyari ay hindi tayo pababayaan ng Panginoong Diyos.
Bilang Kaniyang bayan ngayon, magtiwala tayo sa Kaniya upang
pakinabangan natin ang ating kahalalan sa buhay pa lamang na ito at, higit sa lahat, sa nalalapit nating kaligtasan.
PAGSAMBANG PANSAMBAHAYAN BATAY SA LEKSIYONG BINALANGKAS NI KAPATID NA ERAÑO S. CODERA MIYERKULES/HUWEBES: ABRIL 14/15, 2021 __________________________