Department of Education

Region III
Schools Division Office of Bulacan
San Miguel Central District
SALACOT ELEMENTARY SCHOOL
Zone 4, Salacot, San Miguel, Bulacan

SALIGANG BATAS NG PTA

PANIMULA
Kaming mga magulang at guro ng mga batang nagsisipag –
aral sa Paaralang Barangay ng Salacot, Salacot, San Miguel, Bulacan ay
naghanda ng isang Saligang Batas upang pangalagaan ang
kapakanan ng mga batang nagsisipag – aral, mapahusay ang aming
paaralan at ang aming barangay ay nagpapasiya ngayong araw na
ito, ika - ng , 20 upang pagtibayin ang Saligang Batas na
ito ng aming paaralan/samahan.

ARTIKULO I
PANGALAN
Ang pangalan ng samahang ito ay “SAMAHAN NG MGA
MAGULANG, GURO AT MAMAYAN NG PAARALANG BARANGGAY NG
SALACOT (PTA), Salacot, San Miguel, Bulacan.

ARTIKULO II
MGA LAYUNIN
1. Upang mapangalagaan ang karapatan ng mga batang nagsisipag – aral
sa aming paaralan.
2. Upang mapahusay ang pakikipag – ugnayan at pakikipagtulungan ng mga
kasapi ng samahan.
3. Upang higit na mapahusay ang pagtutulungan sa pagsasaayos at
pagpapaganda ng paaralan.
 SALIGANG BATAS NG PTA
4. Upang makatulong sa lahat ng mabuting kilusang pambararanggay,
pambayan t panlalawigan.
5. Upang makiisa sa ibang samahan ng mga magulang at guro na pambayan
at panlalawigan.
6. Mabigyan ng wastong kalinga at mapangalagaan ang ari-arian ng
paaralan.

ARTIKULO III

ANG PAMUNUAN

1. Ang mga pinuno ng mga samahang ito ay ang – Pangulo, Pangalawang

Pangulo, Kalihim, Ingat –Yaman, Tagasuri, Tagapagbalita (PRO), Lakambini,
Konsorte, ang lupon ng mga Patnugutan at mga Kagawad (Pangulo ng
Bawat Klase o Homeroom President)

ARTIKULO IV

KASAPI (MEMBERSHIP)

1. Ang mga kasapi ng mga samahan ay bubuuin ng mga magulang ng mga

batang mag – aaral, lehitimong tagapag – alaga (Guardian) na sa talang
bata (School Records) ay siya ang nakalagay at mga interesadong
mamamayan ng komunidad na nais sumapi sa samahan subalit
pinagbabawalang humawak ng tungkulin sa samahan.
2. Sa loob ng tatlumpong (30) araw matapos ang pagbubukas ng klase, ang
tagapayo ng bawat klase, mga magulang o tagapag – alaga (Guardian)
ay dapat magbuo ng Homeroom PTA.
3. Ang bawat Pangulo ng Homeroom PtA ng bawat klase at mga interesadong
miyembro ng komunidad ay maghahalal ng Pangkalahatang Pangulo ng
PTA ng paaralan at lupon ng patnugutan (Board of Directors).
 SALIGANG BATAS NG PTA
ARTIKULO V
HALALAN

Ang pinuno ng samahan, liban sa mga tagapayo ay inihahalal

ng mga Lupon ng Patnugutan (BOARD OF DIRECTORS) na binubuo ng
mga pangulo ng bawat klase (Homeroom PTA) sa Huling Biyernes ng
buwan ng Hulyo tuwing ikalawang taon at manunungkulan sa loob ng
dalawang taon ang mga mahahalal sa pamunuan.

ARTIKULO VI
PANAHON NG PANUNUNGKULAN
(TENURE OF OFFICE)

Pagkaraan ng dalawang taon ay maaaring mahalal na muli ang

mabuting manungkulan at ititiwalag ang nagpapabaya sa tungkulin sa
pamamagitan ng nakararaming boto ng mga kasaping nasa
kapulungan. Ang bawat isa sa pamunuan ay mahahalal na muli subalit
hindi lalagpas ng anim na taong panunungkulan, liban na lamang kung
ang isang mabuting namumuno ay hilingin ng nakararaming kasapi na
muli siyang ihalal.

ARTIKULO VII
LUPONG PATNUGUTAN
(BOARD OF DIRECTORS)

Ang Lupon ng Patnugot (Board of Directors) ay bubuuin ng mga

Pangulo ng Homeroom PTA ng bawat klase sa umiiral o sa kasalukuyang
taong pampaaralan. Ang lupong ito ay pamumunuan ng samahan ng
mga magulang at guro ay maaaring magpasiya sa pangalan ng
samahan sa anumang panukala at Gawain nito liban sa pagsususog sa
Saligang Batas.
 SALIGANG BATAS NG PTA
ARTIKULO VIII
MGA TAGAPAYO

Ang mga tagapayo ay bubuuin ng Punong guro, nagging

Pangulo ng samahan, Tagamasid pampurok ng distrito at punong
Baranggay.

ARTIKULO IX
MGA TUNGKULIN

1. PANGULO – Tungkulin ng pangulo ang mamuno sa lahat ng pulong ng

samahang ito; magtatag ng mga lupon at gumanap ng pagsasaayosat
pagpapatupad sa mga Gawain at lahat ng mga dapat ihanda tungo sa
pagpapaunlad at pagpapasigla sa mga balakin at Gawain ng samahan.
Tungkulin din ng pangulo na pangalagaan ang pananalapi ng samahan.

2. PANGALAWANG PANGULO – Ang Pangalawang Pangulo ay

manunungkulan kung ang pangulo ay hindi makadalo sa pagpupulong o
kaya’y hindi makaganap sa tungkulin dahilan sa di maiiwasang pangyayari
o makatuwirang dahilan o pangyayari. Gaganap din ito sa iba pang
tungkulin na ipinatutupad sa kanya ng Pangulo ng Samahan.

3. LUPON NG MGA PATNUGOT (Board of Directors) – Tungkulin nito na

ipagbigay alam ang gawain na napagkaisahan o napagpasyahan ng
samahan ng mga magulang ng mga batang kanyang nasasakupan sa
bawat baitang o klase. Tungkulin din na magtakda ng mga alituntunin na
susundin ng samahan. Subaybayan ang pamamalakad sa samahan.
Magbigay ng kaukulang disiplina sa sinumang pinuno ng samahan na
nagkukulang o nagpapabaya sa kanyang tungkulin.

4. KALIHIM - Tungkulin ng Kalihim na ihanda at ingatan ang mga kasulatan ng

samahan. Magkaroon siya ng talaan ng mga kasapi o kagawad at lagging
isaayos ang talaan taun – taon.
 SALIGANG BATAS NG PTA
5. INGAT – YAMAN – Tungkulin ng Ingat-yaman ang paglikom at
pangangalaga sa lahat ng salapi na dapat pumasok sa samahan at gugulin
iyon ng wasto ayon sa pamamaraan na itinakda o itatakda ng samahan.
Kung ang pondo ng samahan ay ipapasok sa bangko, kailangan
nakalagda ang kasalukuyang punung guro ng paaralan at pangulo ng
samahan, subalit libreta de bangko ay nasa pag – iingat ng ingat-yaman na
magsasagawa ng maayos na pagtatala ng pumapasok at lumalabas na
pananalapi ng samahan at iulat ito minsan man lamang sa loob ng isang
taon.

6. TAGASURI – Tungkulin ng tagasuri na suriin ang lahat ng salaping pumapasok

at lumalabas na pag – aari ng samahan. Siya din ang dapat magsikap na
sumubaybay sa wastong paggugol ng salapi ng samahan.

7. TAGAPAGBALITA – Tungkulin ng tagapagbalita ang magdala ng balita sa

mga kasapi tungkol sa iba’t ibang Gawain ng samahan upang mapasigla
ang kilusang itinataguyod nito.

8. TAGAPAMAYAPA – Tungkulin ng Tagapamayapa na panatilihin ang

kaayusan habang ang samahan ay nagpupulong.

9. LAKAMBINI AT KONSORTE – Tungkulin ng Lakambini at Konsorte na katawanin

ang samahan sa pagtitipong cultural at sosyal.

10. KAGAWAD – Tungkulin ng mga Kagawad na ipaabot sa mga taong

kanyang nasasakupan ang napagkaisahang panukala at mga pangyayari
sa loob ng samahan.

11. MGA TAGAPAYO – Tungkulin ng tagapayo ang mgpaalala sa samahan at

tumulong sa pagpapaunlad sa lahat ng balak o gawaing pagpapasiyahan
ng samahan.
 SALIGANG BATAS NG PTA
ARTIKULO X
PULONG
1. Ang mga pulong na regular ay gaganapin dalawang beses isang taon at
tatawag din ng espesyal na pulong ang pangulo kung kinakailangan. Ang
pagpupulong na regular o karaniwang pulong ay gaganapin dalawang
linggo matapos ang unang araw ng pasukan at isang buwan bago
magtapos ang klase (graduation); at ang espesyal na pulong ay maaring
tawagin sa panahon ng pangangailangan.

2. Ang humigit – kumulang na limampung bahagdan (50%) ng mga pinuno at

kasaping dadalo sa pulong ay may kapangyarihang bumuo ng isang
kapulungan (quorum) at magpasiya sa pangalan ng samahan.

ARTIKULO XI
AMBAG O PONDO NG SAMAHAN

Ipauubaya sa pangulo ng samahan at luponng mga patnugot

ang pagpapasiya tungkol sa ambag gaya ng mga sumusunod – PTA
Fee, ambag ng bawat bata (Baitang I-V Recognition), karagdagang
ambag ng mga magsisipagtapos (Grade VI) bukod sa itinakda ng
Kagawaran (Authorized for Graduation) at iba pang ambag para sa
kapakinabangan ng mga proyekto ng paaralan, ambag ng bawat mag
– aaral (Kinder at Grade I – VI). Ang lahat ng koleksiyon o ambag na
napagkaisahan at pinagtibay ng samahanay dapat kolektahin ng ingat
yaman ng samahan.

ARTIKULO XII
MGA GAWAIN NG SAMAHAN
1. Tulungan ang mga batang nagsisipag – aral upang mapabuti ang kanilang
pag – aaral, mapalinis at maisaayos ang kanilang paaralan at paligid.
2. Pagsisikapan ng samahan na tulungan ang mga guro upang magampanan
ang kanilang layunin sa pagtuturo.
 SALIGANG BATAS NG PTA
3. Pagsisikapan ng samahan na tumulong sa pangangailangan at
pagmamalasakit sa mga ugali, kasangkapan, mga halaman ng paaralan at
mga pag – aari ng samahan.

4. Pagsisikapan ng samahan na makipagtulungan sa pamahalaan upang

makapagtayo ng mga gusaling kinakailangan ng paaralan.

5. Pagsisikapan ng samahan na makatulong sa mga kailangan ng paaralan

gaya ng desks, mesa, palikuran, shop building, Home Economics, tanghalan
at iba pa.

6. Ang mga proyektong balak o itatayo sa loob ng paaralan ay isangguni

muna sa nanunungkulang punong guro ng paaralan at pag – uusapan ang
mabuting kalalabasan nito bago isakatuparan.

ARTIKULO XIII
MGA BAWAL NA GAWAIN NG SAMAHAN
(Prohibited Activities and Sanctions)

Ang Samahan PTA lalo na ang mga Pamunuan ay pinagbabawalang –

a. Mkialam sa pang – akademiko at administratibong pamamalakad at

operasyon ng mga paaralan.
b. Kasangkapanin ang paaralan sa paglahok sa pulitika.
c. Magpalakad ng kantina o magbukas ng tindahan ng mga gamit
pampaaralan sa loob at labas ng paaralan.
d. Magtinda ng seguro (Insurance, Pre – need plans o katulad na
gawain o programa sa mga bata).

Ang paglabag sa mga ipinagbabawal na gawain ay maaaring

maging dahilan ng pagkansela sa samahan.
 SALIGANG BATAS NG PTA
ARTIKULO XIV
PAGSAPI NG IBANG
SAMAHAN

Kung sakali’t kailangan na ang samahan ay masapi sa

Pambayang Kapisanan ng mga Magulang, guro at mamamayan
(PTA Federation), kinailangang pagsumikapan ng samahan na
masapi sa nasabing kapisanan.

ARTIKULO XV
PAGSUSUSOG SA SALIGANG BATAS NG SAMAHAN

Ang mga mungkahing susog ay maaring magkabisa bilang

bahagi ng Saligang Batas na ito kung sasang – ayunan na hindi
kukulangin sa limampung bahagdan (50%) ng mga kasapi at mga
pinunong natitipon sa isang pulong pangkalahatan ng samahan.
 ARTIKULO XVI
PAGPAPATIBAY
(RATIFICATION)

PAMUNUAN

Pangulo: Esperanza Z. Carpio

Lagda:

Pang. Pangulo: Lucky Lomotos

Lagda:

Kalihim: Jean Duria

Lagda:

Ingat Yaman: Eva Duria _ _

Lagda: _ _

Tagasuri: Connie Reyes _

Lagda: _ _ _

Tagapagbalita: 1 Mary Ann De Rueda

Lagda: 1 _ _

Tagapagbalita: 2 Riezel Dela Cruz_ _

Lagda: 2 _ _

Lakambini: Ailene Mayuga _

Lagda: _

Konsorte: Ramil Dela Cruz _ _

Lagda: _