SHARL KULONI

Kuloni lindi më 14 qershor 1736 në Angouleme , Francë , dhe vdiq në 23 gusht të vitit
1806 në Paris . Prindërit e tij quheshin Henri Kulon (Henry Coulomb) dhe Catherine
Bajet . Ai studioi në kolegjin “Mazarin” të Parisit , ku jetonte dhe babai i tij . Studimet
e tij përfshinin filozofinë , gjuhësi dhe letërsi . Ai mori gjithashtu një edukim të mirë në
matematikë , astronomi , kimi dhe botanikë .

Kuloni u diplomua në Nëntor të vitit 1761. Në 20 vitet e ardhshme ai zhvendosej

vazhdimisht në vende ku edhe përfshihej si inxhinier . Zhvendosja e tij e parë ishte në
Brest ndërsa në shkurt të vitit 1764 lëvizi në Martinique , për të vazhduar më pas në
vende si Indet Perëndimore ku shërbeu si inxhinier ushtarak .

Pas rikthimit në Francë , ai fillon të punojë me punët dhe projektet e tij shkencore dhe
studimore , ndër të cilat me i famshëm është “Ligji i Kulonit” . Më 1780 , ai përdori
instrumente të ndjeshme që përcaktonin Forcën që ekzistonte midis trupave të
ngarkuar elektrikisht . Kuloni zbuloi se Forca që ekzistonte midis këtyre të fundit ,
ishte në përpjesëtim të zhdrejtë me katrorin e largësisë së tyre , por në përpjesëtim të
drejtë me prodhimin e ngarkesave .

Një lidhje tjetër të ngjashme ai e vërejti edhe për polet magnetike . Më vonë , ndër
arritjet e tij , përmendim edhe gjetjen e forces së fërkimit tek mullinjtë e erës .

Sharl Kuloni ishte një ndër anëtarët e parë të Institutit Kombëtar Francez dhe u
vendos si inspektor i shërbimeve publike më 1802 . Ishte shëndetligë për nga
shëndeti , dhe vdiq vetë katër vite më vonë .

Ai la një trashëgimi të vërtetë si një pioner i fushave të inxhinierisë Gjeoteknike për

kontributin e tij në dizenjimet e mureve mbajtëse .

Emri i tij është gjithashtu ndër 72 emrat e gdhendur në Kullën Eifel .