Ikatlong Markahan Modyul 3

Ikatlong Linggo

1
 PANIMULA
MODYUL 3

Pagbati! Ito ang iyong unang paglalakbay sa akdang pampanitikan ng Africa at

Persia. Batid ko na maiibigan mo ang mga araling inyong matutunghayan sa Modyul
3. Matututuhan mo ang mga pagbabago sa panitikan na bunsod ng pagbabago ng
panahon. Walang panitikan na naluluma o nalalaos bagkus mas nagniningning at
yumayabong ang panitikan dahil sa mga kaakibat na pagbabagong ito sa
pamamagitan ng pagsasalaysay, paglalahad, paglalarawan at pangangatuwiran.
Inaasahan kong ganap mong mauunawaan at mapapahalagahan ang mga
akdang pampanitikan ng Africa at Persia gaya ng mitolohiya ng Kenya, anekdota ng
Persia, sanaysay ng South Africa, tula ng Uganda, maikling kuwento ng East Africa,
epiko ng Mali, at nobela ng Nigeria.

Ang layunin ng modyul na ito ay:

⮚ Natututuhan ng mga mag-aaral ang kasanayang pangkomunikatibo;

⮚ Nalilinang ang kakayahan sa pagsasaling-wika;
⮚ Nauunawaan ang diskursong pagsasalaysay;
⮚ Nagagamit ang tuwiran at di-tuwirang pahayag sa paghahatid ng mensahe;
⮚ Nagagamit nang wasto ang simbolismo at matatalinghagang pananalita; at
⮚ Nakapaglalahad ng opinyon at ekspresiyon sa pagpapahayag ng layon, o
damdamin

Pagkatapos mapag-aralan ang lahat ng mga ito,malalaman kung paano

naiiiba ang mga akdang pampanitikan ng Africa at Persia sa ibang akda mula sa ibang
panig ng mundo at kung paano nakatutulong ang kaalaman sa gramatika at retorika
sa pagpapalawak ng kaalaman sa kultura sa iba’t ibang bansa. Nakatitiyak akong
mapagtatagumpayan mo ang gawaing ito at lubos mong mapapahalagahan ang
panitikan sa buong daigdig.

2
 Alamin Natin

Pagkatapos ng Modyul na ito, ang mga mag-aaral ay inaasahang:

⮚ Nasusuri ang kasiningan at bisa ng tula batay sa napakinggan

(F10PN-IIIc-78)
⮚ Nabibigyang-kahulugan ang iba’t ibang simbolismo at matatalinghagang pahayag sa
tula (F10PB-IIIc-82)
⮚ Naiaantas ang mga salita ayon sa damdaming ipinahahayag ng bawat isa (F10PT-
IIIc-78)

Subukin Natin

Panuto: Bilugan ang titik ng tamang sagot.

1. Ang akdang “Hele ng Ina sa Kaniyang Panganay” ay akdang pampanitikan na
_________.
A. Tula C. Mitolohiya
B. Epiko D. Anekdota
2. Anyo ng tula na walang sukat at tugma.
A. Tradisyonal na Tula C. Malayang Taludturan
B. Blangko Berso D. Makabagong Tula
3. Sa lugar na ito nagmula ang tulang “Hele ng Ina sa Kaniyang Panganay”.
A. Iran C. Persia
B. Uganda D. Kenya
4. Siya ang tagapagsalin sa Filipino ng akdang“Hele ng Ina sa Kaniyang Panganay”.
A. Alfonso Santiago C. Roselyn T. Salum
B. Roderic P. Urgelles D. Mary Grace A. Tabora
5. Ang akdang pampanitikan na ang kaisipan ay nakahanay sa taludtod.
A. Tula C. Awit
B. Dula D. Nobela
6. AAnyo ng tula na mayroong sukat at tugma.
A. Malayang Taludturan C. Blangko Berso
B. Tradisyonal na Tula D. Makabagong Tula
7. Elemento ng tula na tumutukoy sa pagkakapare-pareho sa huling pantig sa bawat
taludtod.
A. sukat C. tugma
B.persona D. aliw-iw
8. Ito ay tumutukoy sa bilang ng pantig sa bawat taludtod.
A. aliw-iw C. persona
B. tugma D. sukat
9. Elemento ng tula na tumutukoy sa pagtataglay ng mga salitang umaakit o pumupukaw sa
damdamin ng mga bumabasa.
A. persona C. kariktan
B. aliw-iw D. kakintalan
10. Ang pahayag na makapal ang palad ay nangangahulugang ___________.
A. matiyaga C. tamad
B. masipag D. maganda magsulat

3
11. Usad-pagong ang pila sa terminal ng traysikel tuwing uwian. Ang ibig sabihin nito ay
_________.
A. masikip C. mabagal
B. maraming tao D. siksikan
12. Ibigay ang kahulugan ng pinagbiyak na bunga.
A. maganda C. naka-makeup
B. maamo D. magkamukha
13. Ang akdang Florante at Laura ay mauuri sa tulang ito.
A. Tulang Liriko C. Tulang Dula
B. Tulang Pasalaysay D. Tulang Patnigan
14. Mauuri sa tulang ________ ang Balagtasan.
A. Tulang Patnigan C. Tulang Dula
B. Tulang Pasalaysay D. Tulang Liriko
15. Ito ay karaniwang itinatanghal sa mga entablado at ang mga linyang binibigkas ng bawat
karakter ay patula.
A. Tulang Liriko C. Tulang Dula
B. Tulang Pasalaysay D. Tulang Patnigan

Karagdagang Gawain (Online class)

Maaring lumikha ang guro ng Gawain gamit ang google classroom/google meet.
Ibibigay ng guro ang link sa mga mag-aaral.

Panitikan: Hele ng Ina sa Kaniyang Panganay (Uganda)

Aralin Isinalin sa Filipino ni Mary Grace A. Tabora
Isinalin sa Ingles ni Jack H. Driberg ng

3 A Song of a Mother to Her Firstborn

Gramatika at Retorika:Wastong Gamit ng Simbolismo at
Matatalinghagang Pananalita
Uri ng Teksto: Nagsasalaysay

Balikan Natin

Gawain 1: Hanapin Mo
Natatandaan mo pa ba ang nakalipas na aralin? Kung gayon, hanapin mo Word
Search ang mga salita o detalye na kaugnay nito. Bilugan ang iyong sagot.
S R H A E T R A V E L O G U E
A Q K B T H K K G D A S N B U
L A O N A L N U S A T A A H G
A A L C K A K G G F Y A I N O
Y G H D H K D Y A A U T L K L
S E P U A L A A S V I O A L E
A R A E L L S Y V S O D G E V
Y T X Y E G A H S V K K G A S
B Y S B M S H M G A C E N R T
D I O F A H J I A O K N U D A

4
 V N U K I O P O E T E A T A R
J K Z X V B N M H J K K W S X
Y C B J T U I O P L Q M L R E
D H J K L T A L A M B U H A Y
K A S U K D U L A N K G H I K

Tuklasin Natin

GAWAIN 2: PictoKuwento
Gamit ang Snapshot Organizer, magdikit ng larawan ng iyong ina at
magsalaysay ka ng mga pangarap, pangaral at hindi makakalimutang kwento tungkol
sa iyong ina.

GAWAIN 3: B-A-S (Basahin at Suriin)

Basahin at suriin ang dalawang tula gamit ang Two-Sided Poetry Analysis. Itala ang
iyong sagot sa journal.

5
 Ako ang Daigdig Gabi

Sukat

Tugma

Talinghaga

Kariktan

Kaisipan

Simbolismo
ooo

Talakayin Natin

Sa seksyong ito, bibigyan ka ng maikling pagtalakay sa aralin. Layunin nitong

matulungan kang maunawaan ang bagong konsepto at mga kasanayan. Basahin
mo ang tula mula sa Uganda upang malaman mo kung masasalamin ba dito ang
kanilang kultura.

Hele ng Ina sa Kaniyang Panganay

A Song of a Mother to Her Firstborn salin sa Ingles ni Jack H. Driberg
Isinalin sa Filipino ni Mary Grace A. Tabora

Mangusap ka, aking sanggol na sinisinta.

Mangusap ka sa iyong namimilog at nagniningning na mga mata,
Wangis ng mata ng bisirong-toro ni Lupeyo.

Mangusap ka, aking musmos na supling.

Ang iyong mga kamay na humahaplos sa akin.
Na puno ng tibay at tatag bagaman yari’y munsik.
Magiging kamay ito ng mandirigma, aking anak.
Kamay na magpapasaya sa iyong ama.
Tingnan mo’t nananabik na ako’y sapulin:
Nagbabalak nang humawak ng panulag na matalim.
Aking giliw, ngalan ng mandirigma sa’yo ilalaan,
at mamumuno sa kalalakihan.
At ika’y hahalikan sa yapak ng mga kaapo-apohan,
Kahit pa malaon nang naparam sa sanlibutan.

6
 Ngunit lagi kong maaalala ang pagkapit mo sa akin,
Maging ang paghimlay mo sa aking dibdib,
At ang pagsulyap-sulyap sa akin.
Kapag ika’y itinanghal na gererong marangal,
Ako’y malulunod sa luha ng paggunita.

Munting mandirigma, paano ka namin pangangalanan?

Masdan ang pagbubuskala sa pagkakakilanlan.
Hindi hamak na ngalan sa iyo’y ibibigay,
Hindi ka rin ipapangangalan sa iyong amang si Nawal sapagkat ika’y panganay.
Higit kang pagpapalain ng poon at ang iyong kawan.
Ikaw ba’y tatawaging “Hibang” o “Kapusugan?”
Ikaw ba’y tatawaging waring dumi ng baka na “anak ng kamalasan?”
Ang poo’y di marapat na pagnakawan,
Sa iyo’y wala silang masamang pinapagimpan.
Ika’y kanilang pinaliguan at dinamitan ng kagandahan.
Ika’y biniyayaan ng mga matang naglalagablab.
At ang pambihirang pangungunot ng iyong kilay
Ay hindi ba palatandaan na ika’y maingat nilang pinanday?
Yaman ni Zeus at Aphrodite sa iyo’y kanilang inalay.
At ang katalinuhang nangungusap sa iyong mga mata,
Maging sa iyong halakhak.
Paano ka pangangalanan, aking inakay?
Ikaw ba’y lahi na iyong lahi o naiibang nilalang?

Munting mandirigma, sinong anito sa iyo’y nananahan?

Kaninong mapagpalang kamay ang sa aking dibdib dumadantay?
Sinong yumuyungyong sa iyo’t nagpapasigla ng buhay?
Ikaw ba’y kanlong ng kapayapaan?
Ngunit ika’y tila leopardong nasa palumpong at tumatanaw.
Hayaan, sa araw na yao’y iyong ibubuyangyang.
Aking supling, ngayon ako’y nasa kaluwalhatian.
Ngayon, ako’y ganap na asawa.
Hindi na isang nobya, kundi isang ina.
Maging maringal, aking supling na ninanasa.
Maging mapagmalaki kaparis ng aking pagmamalaki.
Ika’y magbunyi kaparis ng aking pagbubunyi.
Ika’y irugin kaparis ng pagliyag na aking nadarama.
Anak, na ibinunga ng pag-ibig ng matipunong kabiyak.
Sa wakas, ako’y kahati ng kaniyang puso, ina ng kaniyang unang anak.
Ang kaniyang kaluluwa’y ligtas sa iyong pag-iingat,
Aking supling, ako, ako na sadyang sa iyo’y humulma.

Samakatuwid, ako’y minahal.

Samakatuwid, ako’y lumigaya.
Samakatuwid, ako’y kapilas ng buhay.
Samakatuwid, ako’y nagtamasa ng dangal.

Iingatan mo ang kaniyang libingan kung siya’y nahimlay.

Tuwinang gugunitain yaring kaniyang palayaw.
Aking supling, mananatili siya sa iyong panambitan,
Walang wakas sa kaniya’y daratal mula sa pagsibol ng ‘yong kabataan.
Ikaw ang kaniyang kalasag at sibat, pag-asa’t kaligtasan sa hukay.
Sa iyo, siya’y muling mabubuhay tulad ng suwi sa kalupaan.
At ako ang ina ng kaniyang panganay.
7
 Ika’y mahimbing, supling ng leon, nyongeza’t nyumba.
Ika’y mahimbing,

Ako’y wala nang mahihiling

GAWAIN 4: Pag-unawa sa Binasa

Sagutin ang mga tanong kaugnay ng binasa mong tula.
1. Sino ang person sa tula?
2. Sino ang kanyang pinangangarangalan?
3. Makatuwiran ba ang pangarap ng ina para sa kanyang anak? Patunayan.
4. Paano nagkatulad at nagkaiba ang kultura at kaugalian ng Uganda at Pilipinas?
5. Gumawa ng sariling kasabihan na maiuugnay sa mensahe ng akdang iyong binasa.

Pagyamanin Natin

Ang Matanda at ang Batang Paruparo

Rafael Palma

Isang paruparo na may katandaan,

Sa lakad sa mundo ay sanay na sanay;
Palibhasa’y di nasisilaw sa ilaw
Binigyan ang anak ng ganitong aral:

Ang ilaw na iyang maganda sa mata

Na may liwanag nang kahali-halina
Dapat mong layuan, iyo’y palamara,
Pinapatay bawat malapit sa kaniya.

“Ako na rin itong sa pagiging sabik!

Pinangahasan kong sa kaniya’y lumapit,
ang aking napala’y palad ko pang tikis
nasunog ang aking pakpak na lumiit.”

“At kung ako’y itong nahambing sa iba

na di nagkaisip na layuan siya,
disin ako ngayo’y katulad na nila,
nawalan ng buhay at isang patay na.”

Ang pinangaralang anak ay natakot

at pinangako ang kaniyang pagsunod;
ngunit sandali lang. Sa sariling loob
ibinulong-bulong ang ganitong kutob;

8
 “Bakit gayon na lang kahigpit ang bilin
ng ina ko upang lumayo sa ningning?
Diwa’y ibig niyang ikait sa akin
ang sa buong mundo’y ilaw na pang-aliw.”

“Anong pagkaganda ng kaliwanagan!

isang bagay na hindi dapat layuan,
itong matanda ay totoo nga namang
sukdulan ng lahat nitong karuwagan!”

“Akala’y isa nang elepanteng ganid

ang alin mang langaw na lubhang maliit,
at kung ang paningin nila ang manaig
magiging higante ang unanong paslit.”

“Kung ako’y lumapit na nananagano

ay ano ang sama ng mapapala ko?
Kahit na nga niya murahin pa ako
ay sa hindi naman hangal na totoo.”

“Iyang mga iba’y bibigyan ng matwid

sa kanilang gawa ang aking paglapit,
sa pananakali’y di magsisigasig
sa nagniningningang ilaw na marikit.”

Nang unang sandaliy’ walang naramdaman

kundi munting init na wari’y pambuhay,
ito’y siyang nagpapabuyo pang tunay
upang magtiwala’t lumapit sa ilaw.

Natutuwa pa nga’t habang naglalaro

ay lapit nang lapit na di nahihinto
sa isang pag-iwas ay biglang nasulo
tuloy-tuloy siyang sa ningas nalikmo.

Nang unang sandali’y walang naramdaman

kundi munting init na wari’y pambuhay,
ito’y siya pa ngang nagpabuyong tunay
upang magtiwala’t lumapit sa ilaw.

At siya’y hindi na muling makalipad

hanggang sa mamatay ang kahabag-habag,
ang ganyang parusa’y siyang nararapat
sa hindi marunong sumunod na anak.

-Mula sa Diwang Kayumanggi. 1970

Para sa online class,maaring buksan ang link na ito

https://www.youtube.com/watch?v=I9KtXgskoWc&ab_channel=Soreda%2CRenmarD.

GAWAIN 5:
Gamit ang Butterfly Organizer, suriin ang tula batay sa elemento nito.

9
 Pamagat

Tula

Ang tula ay isang masining na anyo ng panitikan na naglalayong maipahayag ang damdamin
ng makata o manunulat nito sa taludturan.
Elemento ng Tula
Ang sukat ng tula ay tumutukoy sa bilang ng pantig sa bawat linya o taludtod ng tula. Ang
pangkaraniwang tula ay may walo hanggang labindalawang pantig sa bawat taludtod.
Ang tugma ang elemento ng tula na tumutukoy sa pagkakapareho ng tunog ng mga huling
pantig sa bawat taludtod ng tula. Ito ay isang element ng tula na nagbibigay dito ng himig at
indayog.
Ang taludtod ay ang linya sa tula.
Ang saknong ay ang elemento ng tula na tumutukoy sa mga grupo ng mga taludtod ng tula.
Ito ay maaring magsimula sa dalawa o higit pang taludtod.
Ang kariktan ay elemento ng tula na tumutukoy sa pagtataglay ng mga salitang umaakit o
pumupukaw sa damdamin ng mga bumabasa.
Ang persona ng tula ay tumutukoy sa nagsasalita sa tula. Kung minsan, ang persona at ang
makata ay iisa. Maari rin naman na magkaiba ang kasarian ng persona at makata. Maaari rin
na isang bata, matanda, pusa, aso, o iba pang nilalang.
Ang talinhaga ng tula ay tumutukoy sa paggamit ng mga tayutay at matalinhagang pananalita
upang pukawin ang damdamin ng mga mambabasa.
Ang tono o indayog ng tula ay tumutukoy sa paraan ng pagbigkas ng bawat taludtod ng tula.
Ito ay karaniwang pataas o pababa.
Anyo ng Tula
Ang anyong malayang taludturan ay walang sinusunod na sukat, tugma, o anyo. Ito
ay karaniwang ayon sa nais ng sumulat. Ang mga tulang isinulat ni Ginoong Alejandro
Abadilla ang halimbawa ng mga tulang nasa anyong malayang taludturan.
Ang anyong tradisyonal ay may sukat, tugma, at mga matalinhagang salita. Ang ilan
sa mga halimbawa ng tulang nasa anyong tradisyonal ay ang mga tulang isinulatni Dr. Jose
Rizal.
Ang anyong may sukat na walang tugma ay mga tulang may tiyak na bilang ang pantig
ngunit ang huling pantig ay hindi magkakasingtunog o hindi magkakatugma.
Ang anyong walang sukat na may tugma ay mga tulang walang tiyak na bilang ang
pantig sa bawat taludtod ngunit ang huling pantig ay magkakasintunog o magkakatugma.
Uri ng Tula
Ang tulang liriko o pandamdamin ay uri ng tula na tumutukoy sa mga guni – guni, kaisipan,
karanasan, at panaginip ukol sa hinagpis, kaligayahan, kalungkutan, pag – ibig, at iba pang
emosyon o damdamin. Sa kabila ng pagiging maikli, ito ay sapat upang maipahayag ang
damdamin ng manunulat. Ang halimbawa ng tulang ito ay ang Florante at Laura na isinulat
ni Francisco Baltazar.
Ang tulang pasalaysay ay nagsasalaysay ng makulay at mahahalagang pangyayari sa
buhay. Ito ay nagkukwento ukol sa tagumpay, kabiguan, kadakilaan, at kahirapan ng taong

10
 nakikidigma. Ang halimbawa ng tulang ito ay ang Ibong Adarna na isinulat ni Jose dela Cruz
o mas kilala sa tawag na Huseng Sisiw.
Ang tulang dula ay uri ng tula na binibigkas ng padula. Ito ay karaniwang itinatanghal sa
mga entablado at ang mga linyang binibigkas ng bawat karakter ay patula.
Ang tulang patnigan ay uri ng tula na itinatanghal ng mga magkatunggaling makata.
Karaniwan itong tinatawag na balagtasan kapag itinatanghal sa entablado.
https://brainly.ph/question/361441

Pagsasanib ng Gramatika at Retorika

Alam mo ba na….
ang wikang Filipino ay hitik sa mga matatalinhagang salita. Ito ay ang mga pahayag na may
malalim o hindi tiyak na kahulugan, dahil hindi literal ang kahulugan ng salita kung hindi
naglalarawan lamang ng makasagisag. Sinasalamin nito ang kagandahan at
pagkamalikhain ng mga Pilipino sa paggamit ng sariling wika sa pamamaraang pasulat o
pasalita.
Ang mga sumusunod ay halimbawa ng mga matatalinhagang mga salita at ang kahulugan
nito.
Matalinhagang Pahayag = Kahulugan
1. Anak dalita = Mahirap
2. Taingang kawali = Nakukunwaring walang narining o nagbibingi-bingihan
3. Pantay na ang mga paa - Namatay o namayapa na
4. Balitang kutsero = Balita o kwentong hindi totoo o walang konkretong batayan
5. ‘Di makabasag pinggan = Mahinhin

SIMBOLISMO
Ito ay mga salitang binabanggit sa mga akdang pamanitikan na nag-iiwan ng iba’t ibang
pagpapakahulugan sa mambabasa. Ngunit ang pagpapakahulugan ng mambabasa ay
kailangang hindi malayo sa tunay na intension ng makata sa kanyang tula.
Halimbawa:
Puti= kalinisan o kadalisayan Pula=katapangan o kaguluhan, pag-ibig

https://brainly.ph/question/529551#readmore

GAWAIN 6: Isaayos Mo
Isaayos ang mga sumusunod na mga salita batay sa antas ng damdamin at
ipaliwanag ang naging batayan sa pagsasaayos nito. Lagyan ng bilang 1-4.
Poot Pag-irog Ganid Pinakamamahal Nagagalak
Asar Paghanga Suwapang Gusto Nasisiyahan
Inis Pagliyag Maramot Iniibig Natutuwa
Galit Pagmamahal Gahaman Humahanga Naliligayahan
GAWAIN 7: Simbo-Guhit
Iguhit sa bilog ang mga simbolismo na makikita sa akdang Hele ng Ina sa
Kanyang Panganay at ipaliwanag ang mga ito.

11
GAWAIN 8: Mensa-Tula (Mensaheng Patula)
Isiping ikaw ang kinakausap ng persona sa tulang “Hele ng Ina sa Kanyang
Panganay”, paano mo sasagutin ang “Ina” sa akda? Sagutin ito sa pamamagitan ng
isang tula. Lagyan ng magandang pamagat.

Tandaan Natin

Naglalaman ito ng mga katanungan o pupunan ang patlang ng pangungusap o talata upang
ma proseso kung ano ang natutuhan mo mula sa aralin.

Gamit ang Make a Connection, isulat ang iyong natutuhan sa aralin batay sa hinihingi
ng larawan.

Isabuhay Natin

Ito ay naglalaman ng gawaing makatutulong sa inyo upang maisalin ang bagong

kaalaman o kasanayan sa tunay na sitwasyon o realidad ng buhay.

Sa panahon ng Enhanced Community Quarantine, marami ang mga lumitaw na

mga bagong bayani. Interbyuhin mo ang iyong mga kasama sa bahay, sa mga
kabayanihang nagawa ng ating mga frontliners at mula sa mga nakalap mong ideya,
12
 ikaw ay lilikha ng sariling tula para sa ating magigiting na frontliners. Malaya kang pumili
sa anyo ng tula na iyong gagamitin. Lakipan din ito ng mga simbolismo at talinghaga.
Narito ang pamantayan para sa iyong gagawin.
a. Kasiningan ng tula -30%
b. Paggamit ng simbolismo at talinghaga -35%
c. Mensahe ng tula -35%
Kabuuan-100%
Pagbati sa iyo! Nagtagumpay ka sa paglalakbay sa mundo ng tula. Kung mayroon
kang hindi naunawaan ay maaari mo itong balikan. Kung naging malinaw sa iyo ang
aralin na ito, magpatuloy ka sa mundo ng maikling kuwento.

Tayahin Natin

Panuto: Bilugan ang titik ng tamang sagot.

Ang ilaw na iyang maganda sa mata

Na may liwanag na kahali-halina
Dapat mong layuan. Iyo’y palamara
Pinapatay bawat malapit sa kaniya
Hango sa “Ang Matanda at Batang Paruparo” ni Rafael Palma
1. Ano ang sinisimbolo ng ilaw sa saknong ng tulang binasa?
A. bisyo C. panghihikayat
B. tukso D. kayamanan
2. Anong damdamin o saloobin ng persona sa tula?
A. nag-aanyaya C. nangangako
B. nagbababala D. nagpapayo
3. Ano ang angkop na matalinghagang pananalita sa imahe ng saknong ng tulang binasa?
A. bukas na kaisipan C. ikrus sa noo
B. ibaon sa hukay D. isang kisap-mata
Unang Tula Ikalawang Tula
Samakatuwid, ako’y minahal. At kung ako’y iyong nahambing sa iba
Samakatuwid, ako’y lumigaya. Na di nagkaisip na layuan siya,
Samakatuwid, ako’y kapilas ng buhay. Disin ako ngayo’y katulad nila
Samakatuwid, ako’y nagtamasa ng dangal. Mawalan ng buhay at isang patay na.
Hele ng Ina sa Kaniyang Panganay na
Anak Ang Matanda at ang Batang Paruparo
4. Batay sa dalawang tula, paano naiba ang tulang may malayang taludturan sa tulang
tradisyunal na taludturan?
A. Ang tulang malaya ay walang sukat samantalang ang tulang tradisyunal ay may
sukat.
B. Ang tulang malaya ay walang sukat at tugma samantalang ang tulang tradisyunal
ay may sukat at tugma.
C. Ang tulang malaya ay walang sukat at tugma samantalang ang tulang tradisyunal
ay may sukat at tugma at parehong nagtataglay ng matatalinghagang pananalita
upang lumitaw ang kariktan nito.
D. Ang tulang malaya ay walang sukat at tugma samantalang ang tulang tradisyunal
ay may sukat at tugma at parehong nagtataglay ng matatalinghagang pananalita at
simbolismo upang lumitaw ang kariktan nito at talinghaga nito.

13
 5. Anong simbolismo ang akmang ilapat sa dalawang tulang binasa batay sa
talinghaga ng mga ito?
A. araw at gabi C. halakhak at luha
B. diyamante at bato D. puti at itim

Muntingmandirigma, paano ka naming pangangalanan?

Masdan ang pagbubuskalasapagkakakilanlan.
Hindi hamaknangalansaiyo’yibibigay,
Hindi ko rinipapangangalansaiyo naman si Nawalsapagkatika’ypanganay.
Higitkangpagpapalain ng poon at ang iyongkawan.
Ikawba’ytatawaging “Hibang” o “Kapusugan?”
Ikawba’ytatawaging waring dumi ng bakana “anak ng kamalasan?”
Ang poo’y di marapatnapagnakawan, Sa iyo’ywalasilangmasamangpinapagimpan.
Ika’ykanilangpinaliguan at dinamitan ng kagandahan.
-Saknongmulasa Hele ng Ina saKaniyangPanganay

6. Sa akdang angHele ng Ina sa Panganay na Anak, sino ang persona sa tula?

A. Ina C. Bunsong Anak
B. Panganay na Anak D. Ama
7. Ang binasang akda ay isang halimbawa ng ____________.
A. anekdota C. tula
B. epiko D. maiklingkuwento
8. Anong bahagi ng kultura sa Africa ang inilahad sa saknong?
A. malas ang pagkakaroon ng panganay na lalaki sa isang pamilya
B. hindi maaaring isunod sa pangalan ng ama ang panganay na lalaki
C. pagiging mandirigma ng panganay na anak na lalaki
D. kailangang ang bawat pamilya ay may anak na lalaki
9.Anong pagpapahalagang pampamilya ang ipinakita sa akda?
A. pagmamahal ng ina sa anak
B. pagdidikta ng magiging kapalaran ng anak
C. paghiling na maging mabuti ang kapalaran ng anak
D. mas minamahal dapat ang mga panganay na lalaki
10. Naglalahad ng mga bagay at kaisipan sa pamamagitan ng sagisag
A. simbolo C. idyoma
B. tayutay D. Talinghaga
11. Ang pinakapuso ng tula sapagkat ito ang kahulugan ng tula o ang ipinahihiwatig ng may-
akda.
A. tugma C. talinghaga
B. sukat D. Saknong
12. Ibigay ang kahulugan ng sinisimbolo ng pahayag namay salungguhit . “At sa
kubong butas-butas ay naglagos ang pangarap.”
A. Tahanan/Bahay C. Kahirapan
B. Pamilya D. Kayamanan
13. Isaayos ang mga salita sa ibaba batay sa antas ng damdamin.

1. Hikbi 2. Iyak 3. Halinghing 4. Ungol

A. 1-2-3-4 C. 3-4-1-2

14
 B. 2-3-4-1 D. 4-1-2-3
14. Ibigay ang pinakamababang antas ng damdamin sa mga lipon ng salita sa ibaba.
A. Ngising C. Halakhak
B. Tawa D. Ngiti
15. Ibigay ang pinakamataas na antas ng damdamin sa mga lipon ng salita sa ibaba.
A.Kaakit-akit C.Mayumi
B. Maganda D. Kabigha-bighani

Gawin Natin

Upang lubos na mapagtibay ang iyong natutuhan, ikaw ay guguhit ng simbolismo sa iyong
pinakamamahal na ina at iyong ipaliliwanag kung bakit iyon ang napili mong simbolo sa
iyong kanya.

Gumawa ng isang islogan na nagpapakita ng iyong natutuhan sa Modyul 3. Isulat

ang iyong sagot sa ibaba.

15
Pre test Post test
1. D 1. B
2. A 2. D
3. D 3. B
4. B 4. A
5. B 5. A
6. C 6. B
7. D 7. C
8. D 8. D
9. A 9. A
10. D 10. A
11. B 11. D
12. C 12. B
13. D 13. D
14. A 14. A
15. C 15. D

Gawain 1
1. diyos at diyosa
2. kapangyarihan
3. mortal
4. paliwanag
5. lipunan

Sanggunian

Diwang Kayumanggi 1970

Filipino 10, Modyul para sa mga Mag-aaral, Panitikang Pandaigdig 2015
https://brainly.ph/question/361441
https://brainly.ph/question/529551#readmore
https://www.slideshare.net/KairaGo/elemento-ng-tula-8743182
https://www.youtube.com/watch?v=I9KtXgskoWc&ab_channel=Soreda%2CRenmar
D.

For inquiries or feedback, please write or call:

Department of Education –(Bureau/Office)

(Office Address)

Telefax:

Email Address:

16
 EXECUTIVE COMMITTEE FOR HYBRID MODULE

Chairperson: DR. MARGARITO B. MATERUM, SDS

Vice –Chairperson: DR. GEORGE P. TIZON-SGOD-Chief
DR. ELLERY G. QUINTIA-CID-Chief

Ex-Officio Members: EDUCATION PROGRAM SUPERVISORS

TAGUIG SECONDARY SCHOOL PRINCIPALS
DR DAISY L. MATAAC, EPS – LRMS/ALS
Secretariat: QUINN NORMAN O. ARREZA
Team Leader/Facilitator: DR. MELEDA H. POLITA
School Head In-Charge: DR. REA MILANA-CRUZ, PRINCIPAL IV
Writer: RICHELLE B. MACARUBBO
Editors: VIRGINIA V. BAYANI
JOSEPHINE MENDEZ - PAGALING
Content Evaluator: MARIBEL B. SINGSON
Language Evaluators : JHON LESTER SANDIGAN
Reviewer: DR. JENNIFER G. RAMA ,EPS-FILIPINO
Illustrator: CAMILLE JEWEL L. GARCIA
Layout Artist: LEO U. PANTI
Content Validator: JESUSA M. GONZALES
Format and Language Validator: PRIVATE INTERNATIONAL SCHOOLS
REPRESENTATIVES

17