SULAT MULA SA LANGIT

PANIMULA
Ilustrasyon: Love letter
Kayo ba’y nakatanggap na ng love letter? Ano ang inyong pakiramdam? Ang Biblia ay love letter ng Diyos
sa mga tao? Ano ang paniniwala mo tungkol sa Biblia? Naniniwala ako na ang Biblia ay Salita ng Diyos.

I. ANG BIBLIA AY:

A. Binubuo ng 66 na aklat (39 ang Lumang Tipan at 27 ang Bagong Tipan)
B. Sinulat ng mga 40 may-akda (daan-daang taon ang agwat ng mga sumulat na ang iba ay hari, pari,
mangingisda, maniningil ng buwis, doktor, pastol, at iba pa).
C. Inabot ng 1,600 taon bago mabuo ang Biblia, subalit ang mga sinulat sa kabila ng ganon kahabang
taon ay nagkakaisa.
D. may 22 aklat ng kasaysayan, 18 ang propesiya, 21 ang liham, at 5 ang patula.
II. PAANO DUMATING SA ATIN ANG BIBLIA SA KASALUKUYANG ANYO NITO?
A. Ang Diyos ay nagsalita sa mga taong tinatawag na propeta na inudyukan ng Espiritu Santo (2 Pedro
1:21; Hebreo 1:1).
B. Ipinasulat ng Diyos ang salita sa mga propeta; halimbawa’y si Jeremias (Jeremias 32:1, 2; 30:2)
C. Nagsalita ang Diyos sa mga propeta sa pamamagitan ng mga panaginip at pangitain (Bilang 12:6;
Daniel 7:1).
III. BAKIT IBINIGAY NG DIYOS ANG KASULATAN O ANG BIBLIA?
A. Upang ang tao’y sumampalataya kay Cristo (Juan 20:31).
B. Upang ang tao’y magkaroon ng buhay na walang hanggan sa pamamagitan ni Cristo (Juan 5:39).
C. Para sa pagtuturo, pagsaway, pagtutuwid, at pagsasanay sa katuwiran (2 Timoteo 3:16, 17).
IV. MAPAGKAKATIWALAAN BA ANG MGA SINASABI NG BIBLIA?
A. Ang salita ng Diyos ay tiyak (2 Pedro 1:19; Isaias 45:19).
B. Ang Biblia ay may kakayahang magsabi ng mga bagay na mangyayari sa hinaharap (Isaias 46:9, 10):
1. Egypt: ang Egypt ay isa sa mga pinakamakapangyarihang bansa noong una katumbas ng America
ngayon. Subalit ngayon ito’y hindi na muling naging tanyag sapagkat ganito ang inihula ng Biblia
(Ezekiel 29:15).
2. Babilonia: ang Babilonia ay isa ring makapangyarihang bansa noong una at kilala sa hanging garden
at makakapal na pader nito. Pero ngayon ang Babilonia ay lubusan nang nawala. Di gaya ng Egypt na
nariyan pa rin ngayon, ito ay isang bunton na lamang ng mga guho, sapagkat ganito ang propesiya ng
Biblia tungkol sa kanya (Isaias 13:19-21; Jeremias 51:37).
C. Ang Salita ng Diyos ay mamamalagi kailanman (1 Pedro 1:24, 25).

KONKLUSYON: Ang Biblia ay Salita ng Diyos. Ito ay talagang mapapagkatiwalaan at lubhang kailangan
natin ngayon. Ang sabi ng Mateo 4:4 “Hindi lamang sa tinapay nabubuhay ang tao, kundi sa bawat
salitang lumalabas sa bibig ng Diyos.” At ang sabi ng Juan 6:63: “Ang mga salitang sinabi Ko sa inyo ay
espiritu at buhay.” Ito’y dapat nating saliksikin gaya ng mga taga-Berea (Gawa 17:11)

APPEAL: Tinatanggap n’yo po ba ang Biblia bilang salita ng Diyos. Maaari po bang itaas ninyo ang inyong
mga kamay. Ang sabi ng Apocalipsis 1:3: “Mapalad ang bumabasa at ang nakikinig ng mga salita ng
propesiya at tumutupad ng mga bagay na nasusulat dito, sapagkat ang panahon ay malapit na.” Nais
n’yo po bang maging mapalad. Puwede po bang tumayo ang mga nagnanais na maging mapalad.
Ang sabi ng Biblia, mapalad ang…bumabasa, at ang…nakikinig, at ang…tumutupad. Saliksikin po natin at
sundin ang mga sinasabi ng Salita ng Diyos.
Tayo ay manalangin.