LUMITAW ANG ISANG MODERNONG PROPETA

(Ang Espiritu ng Propesiya)

PANIMULA: Maraming tao ang nagtatangkang humula sa mga mangyayari sa hinaharap at sila’y
nag-aangking mga PROPETA. Ngunit ang panghuhula ay isa lang sa maraming tungkulin ng isang
propeta. Ngayon ay marami ang nagsasabing sila ay mga propeta o kaya’y ganon ang paniniwala ng
kanilang mga tagasunod. Si Muhammad ng Islam, Joseph Smith ng Mormon, at iba’t ibang lider ng
relihiyon. Si Nostradamus ay kinikilala ng marami bilang isang propeta sapagkat humula siya ng mga
mangyayari sa hinaharap. Meron nga kayang propeta para sa panahong ito? Ang mga nabanggit
kaya ay mga tunay na propeta? Paano malalaman kung ang isang nag-aangking propeta ay isa
ngang propeta?

RELASYON NG TAO SA DIYOS

1. ORIHINAL. Ang tao’y nakakatanggap ng tagubilin direkta mula sa Manlalalang.
A. Ang tao ay napahiwalay sa Diyos dahil sa kasalanan. Isaias 59:2
B. Subalit bagaman hindi na gaya noong pasimula, ang tao ay hindi hinayaang walang Banal
na Tagapagturo—ang Banal na Espiritu.
2. ANG BANAL NA ESPIRITU AY IPINANGAKO NI JESUS. Juan 14:16, 26
A. Ang Banal na Espiritu ay nagbibigay ng mga kaloob (spiritual gifts) sa iglesya. 1 Corinto
12 at Efeso 4:8-13
B. Isa sa mga kaloob ay propesiya o propeta. 1 Corinto 12:7, 8, 10; Efeso 4:8, 11
C. Hindi lahat ay propeta. Kung paanong sa katawan ay hindi lahat ay mata. 1 Corinto 12:29

ANG PROPETA
1. Ang propeta ay tagapagsalita (spokeperson) ng Diyos sa Kanyang bayan. Hebreo 1:1
2. Ang Banal na Espiritu ang kumikilos sa mga propeta. 2 Pedro 1:20, 21

ANG PROPESIYA
Ang propesiya kasama ng iba pang mga espirituwal na kaloob ay may tungkulin at layunin.
1. TUNGKULIN: Ihanda at patibayin ang iglesya. Efeso 4:12
2. LAYUNIN
 Pagkakaisa ng pananampalataya
 Ganap na pagkakilala sa Anak ng Diyos
 Maging taong may sapat na gulang
 Hanggang sa sukat ng ganap na kapuspusan ni Cristo
Ang kaloob ng propesiya pati ang iba pang kaloob ay hindi lamang para sa iglesya ng mga
apostol sapagkat hindi pa natutupad ang mga layunin nito.

PROPETA SA HULING ARAW

1. Nawawala minsan ang propesiya dahil sa pagbale-wala sa kautusan ng Diyos. Panaghoy 2:9;
Kawikaan 29:18; Ezekiel 7:26
2. Ang propesiya ay tanda ng malalaking krisis at paglipat ng panahon sa karanasan ng iglesya.
A. Unang Pagdating ni Cristo. Lucas 1:67. 76
B. Pentecostes. Sinabi ni Pedro na sa mga huling araw ay may mga propeta. Gawa 2:3, 4,
16-21
C. Ikalawang Pagdating ni Cristo
Tanda ng ikalawang pagdating ay paglitaw ng mga bulaang propeta. Nangangahulugan
na may tunay na propeta. Mateo 24:11, 24
3. Sa mga huling araw ay ibabalik ang kaloob ng propesiya.
 A. PANGITAIN NI JUAN. Apocalipsis 12:17
a. Ang BABAE ay ang iglesya
b. Ang BINHI NG BABAE ay ang bawat kaanib ng iglesya sa isang panahon.
c. Ang NALABI SA BINHI NG BABAE ay ang huling henerasyon ng tunay na Kristiyano o
yung mga tapat na kaanib ng iglesya na madadatnan ni Jesus sa Kanyang pagdating
B. KATANGIAN NG NALABI. Apocalipsis 12:17
a. Tumutupad sa mga utos ng Diyos
b. Mga may patotoo ni Jesus—ang patotoo ni Jesus ay ang “Espiritu ng Propesiya”
Apocalipsis 19:10

KATUPARAN NG PANGITAIN NI JUAN

Ang Seventh-day Adventist Church ang iglesyang nalabi, na tumutupad sa mga utos ng Diyos, ay
may patotoo ni Jesus—may Espiritu ng Propesiya—dahil sa ministeryo ng isang propeta ng Diyos
ngayong huling araw, si Mrs. Ellen G. White.

SI ELLEN G. WHITE
Si Ellen White ay isang pinagkalooban ng kaloob ng propesiya at isa sa mga nagtatag ng
Seventh-day Adventist Church. Sa edad na 17, siya ay tinawagan ng Panginoon na ipahayag ang
Kanyang mensahe para sa huling panahon. Mula 1844 hanggang 1915 nang siya’y mamatay, si Mrs.
White ay nakatanggap ng mahigit 2,000 pangitain na kanyang isinulat.

4 NA SUBUKAN NG TUNAY NA PROPETA.

Ang Biblia lamang ang maaaring maging batayan upang subukin kung tunay nga o hindi ang
isang nagsasabing propeta.
1. ANG MENSAHE NG PROPETA AY DAPAT KAAYON NG BIBLIA.
Isaias 8:20
Si Ellen White ay gumamit ng mahigit 10,000 talata na kadalasa’y may kasamaang
paliwanag. Pinatutunayan ng isang masusing pag-aaral na ang mga sinulat niya ay ganap na
kaayon ng Biblia.
2. ANG INIHULA AY DAPAT NA NAGKAKATOTOO. Deuteronomio 18:22; Jeremias 28:9
Kaunti lang ang hula ni Mrs. White. Ang ilan ay natutupad pa lang at ang iba ay
matutupad pa lang. Subalit sa mga natupad na ay naganap na tumpak na tumpak.
 Pagbangon ng Espirituwalismo
 Pagkakaisa ng Protestante at Katoliko
3. KINIKILALA NG PROPETA ANG PAGKAKATAWANG TAO NI JESUS. Juan 4:1-3
Ang Desire of Ages at ang Steps to Christ ay ilan lamang sa mga sinulat ni Mrs. White sa
pagkilala hindi lamang sa pagkakatawang tao ni Jesus kundi pati kung ano Siya bago
magkatawang-tao—Diyos na mula sa walang-hanggan (Mikas 5:2).
4. ANG PROPETA AY MAY MABUTING “BUNGA.” Mateo 7:15, 16, 18-21
Ang iglesya ni Mrs. White at ang buhay ng mga nakikinig sa kanyang mga payo ay
nagbubunyag sa bisa ng kanyang buhay at mensahe.

KONKLUSYON: Sa huling panahong ito ay mabubuhos ang buong galit ni Satanas. Apocalipsis 12:7;
Daniel 12:1. Subalit napakabuti ng Panginoon. Siya ay nagsugo ng propeta at may pangako sa mga
makikinig sa kanya. Apocalipsis 1:3.
APPEAL: Nais mo bang makalampas sa pinakamalupit na bahaging ito ng malaking tunggalian?
Pakinggan mo ang propeta ng Diyos. 2 Cronica 20:20. Tinatanggap mo ba si Jesus bilang
Tagapagligtas? Tinatanggap mo ba ang sugo niyang propeta para sa mapanganib na panahong ito?
Kung tinatanggap mo si Jesus at ang Kanyang mga propeta, maari po bang kayo ay tumayo?