Panimula

Sa Pilipinas ngayon, marami na rin ang nabibilang sa ikatlong kasarian. Kabilang dito ang gays,
lesbians, transgenders, at bisexuals. Ang papel na ito ay tumatalakay lamang sa mga usaping
bisexual at naglalayong imulat ang mga mambabasa sa mas malalim na pakahulugan nito.
Naglalayon din itong baguhin ang mga maling pananaw at mga hindi makatarungang
panghuhusga ng mga tao sa mga “bi”.

Sa Pilipinas ngayon, masasabing isa sa bawat dalawampung tao ang matuturing na bisexual.

Depenisyon ng Bisexuality
Ang Bisexuality o pagiging “silahis” ay isang kasarian kung saan ang isang tao ay nakadarama
ng sexual at emotional na pagkaakit sa parehas na kasarian. Ang mga pangunahing dahilan ng
pagiging isa dito ay maaring mag-ugat mula sa kanilang problema sa pamilya, persepsyon ukol
sa sariling kasarian, impluwensya ng mga taong nakapaligid sa kanila at ang impluwensyang
dulot ng social media.

Kinaibahan sa Ibang Sexual Orientations

Maraming tao ay 100% homosexual (bakla o tomboy) na naakit sexually at emotionally sa
kanilang kaparehong kasarian. Ang iba naman ay 100% heterosexual, na nakikipagrelasyon
sexually at emotionally sa kanilang kasalungat na kasarian. Samakatuwid, ang pagiging
heterosexual ang mas tanggap na kasarian sa lipunan.

PANANAW
Para sa mga pilipino, tunay na binibigyang pansin at pinapahalagahan ang kasarian ng bawat
isa. Mula sa sinapupunan pa lamang ng ating inang nagsilbing ilaw ng tahanan, masaya nang
inaalam kung tayo ba ay kabilang sa babaeng bitbit ay manika o sa lalaki na matigas pa sa
bato. Pero sa panahong ating naabutan at sa lugar na ating kinalakihan, tunay na umusbong
ang mga kaibigan nating mga Lesbian at Gay o kilala sa tagalog bilang tomboy at bakla na di
natin maitatatangging naging bahagi na ng ating lipunan at tumatak na sa ating puso ang mga
magagandang naibahagi nila sa atin. Kaya't sa paghahanap ng mga paliwanag sa ganitong
sitwasyon ang mga mananaliksik ay patuloy pa ring gumagawa ng tulay papunta sa daan ng
kaalaman at gumagawa ng hakbang upang maipaliwanag ang sitwasyong kinakaharap ng ating
bansa sa pag usbong ng mga bagong Juan at juana sa lipunang ating ginagalawan.
Ilan sa mga kwentong matatagpuan sa social media ay nagsasabing tanggap ng kanilang
pamilya ang tunay nilang katauhan. Ito ay ang mga bisexual na nagsasabing masaya sila sa
kanilang pamumuhay sa kabila ng kanilang kaibahan sapagkat Malaya silang nakakapaglabas
ng kanilang saloobin. Gayunpaman, ang ilang mga magulang ang nagiging emosyonal o kung
minsan, nakakapanakit ng kanilang anak at ang mga kapatid nila ay ikinakahiya sila sa umpisa
ng kanilang pag- amin. Ito ay sa kadahilanang maaaring mabilang ang magulang at iba pang
kapamilya sa tinatawag na supportive groups at non- supportive groups. Samantala, ang bilang
ng mga umaamin sa kanilang mga magulang ay maliit na bahagi lamang ng bisexual
population. Ang karamihan ay pinipili na lamang itago ang katotohanan o naghihintay na
lamang ng “tamang panahon”, at mayroon din namang naghihintay na lamang na mismong
kanilang pamilya ang makapansin ng kanilang kaibahan.

Ang komunidad na kinabibilangan ng mga bisexual ay maipapahiwatig o maisalalarawan bilang

isang lugar kung saan sila ay lubos na inaapi, pinupuna, at binabansagan ng iba’t ibang maling
interpretasyon. Karamihan sa mga mamamayan ng isang komunidad ang hindi tumatanggap sa
mga bisexual dahil naniniwala silang babae at lalaki lamang ang kasarian ng mga tao. Dahil sa
mga maling bansag o inyerpretasyon sa mga bisexual, lalo nitong pinalalala ang pananaw ng
nakararami. Sa halip na alamin talaga ang totoong ideya patungkol sa kanila a sa kanilang mga
karanasan, tahasan silang hinuhusgahan ng walang sapat na basehan.

“Batay sa Simbahang Katolika, ang nilikha lang ng Diyos ay babae at lalaki kaya sinasabi nila
na maging bakla o tomboy o kahit bisexual man ay hindi nila ito tinatanggap bilang valid na
representasyon ng isang pagkatao. Dahil dito, lubos na hindi kinikilala ng simbahan ang mga
homosexual at bisexual“. (Davies & Neil, 1959) Isa sa mga sakramento na hindi nila
matatanggap ay ang sakramento ng Kasal, dahil tanging babae at lalaki lamang ang dapat at
binabasbasan ng pari upang magpakasal at magsama habang buhay. Hindi maaring ang
parehong lalaki o babae ang ikasal at magsama dahil labag ito sa simbahan. Kahit na gustuhin
pa man nila at nagmamahalan pa sila. Dahil sa mga pagtutol ng Simbahan sa mga bisexual,
hindi nila mapalawig ang kanilang buhay pananampalataya. Kaya ang tanging natitirang paraan
na lamang ay ang gumawa ng isang pangkat na kung saan sila ay tanggap at
makapagpapatuloy ng kanilang pananampalataya.
Samantala, sa simbahang Katolika ng Pilipinas hindi nila tinututulan ang pagiging homosexual o
bisexual ng isang tao. Ngunit, hindi nila kinokondina ang mga imoral na gawain sa kaparehas
nilang kasarian. (Agapay, 1991)
MGA MALING PANANAW

Lahat ng tao ay bisexual.

Noong 1905, si Sigmund Freud, isang prominenteng psychologist, ang nagwikang lahat ng tao
ay bisexual. Ayon sa kanyang pananalita, ang pagtuklas sa sariling kasarian ay nagsisimula sa
pagbibinata at pagdadalaga kung kailan sila ay aktibong nakikipaghalubilo sa parehong
kasarian. Ang teoryang ito ni Freud ay binatikos at pinuna ng isang nangungunang
mananaliksik sa Estados Unidos tungkol sa human sexuality na si Dr. Alfred Kinsey. Siya ang
bumuo ng Heterosexual-Homosexual Scale, ito ay isang batayan ng sexual preference ng isang
indibiwal. Batay sa kanyangpangangalap ng mga imprmasyon, kakaunti lang sa mga matatanda
ang bisexual. Karamihan sa kanila ay binigyan ng markang 0 na nangangahulugang tiyak na
heterosexual at 6 na ang ibig sabihin ay tiyak na homosexual.
Ang salitang bisexual ay nagkaroon ng modernong pangangahulugan taong 1914 sa patnugot
ng Journal of American Medical Association: “By nature all human beings are psychically
bisexual — capable of loving a person of either sex.” Ibig sabihin, ang pagmamahal na tinutukoy
dito ay pag-ibig sa isang kapamilya o kaibigan at hindi pag-ibig na humahantong sa isang
relasyon dahil sa pagkaakit. Maaring may mga insidente na kung saan napupuna o napupuri ng
isang babae ang kagandahan ng kapwa niyang babae. Ngunit, ang pagkabighani na ito ay hindi
pagkaakit. Maaaring dala lamang ito ng kanyang sariling insecurities o isang ordinaryong
paghanga kung saan nais niyang gawing modelo ang taong ito.

Walang bisexual; ang tao ay maari lamang maging lalaki, babae, binabae o bakla, at
tomboy.
Ang Simbahang Katolika ay naniniwalang ang nilikha lamang ng Diyos ay lalaki at babae.
Samantalagng tanggap naman ng lipunan ang mga binabae at tomboy. Ngunit, saan nga ba
nakalugar ang mga bisexual?
Pinaniniwalaan ng marami na walang taong bisexual. Sa kanilang palagay, maaaring kung ang
isang lalaki ay nakipagrelasyon sa kapwa niyang lalaki, siya ay binabae. Kapag ang babae
naman ay nakipagrelasyon sa kapwa niya babae, siya naman ay isang tomboy. Ang iba naman
ay naniniwalang ang mga bisexuals ay ang mga taong ayaw ipakita ang kanilang tunay na
kasarian sapagkat maaaring sila ay nagugulumihanan pa na ibunyag ang kanilang mga sarili sa
lipunan. Pinagwalang tibay ito ng mga pangyayari sa ating kasaysayan tulad ng mga
sumusunod:
Ayon din sa Journal on Developmental Psychology, ang sexual orientation na bisexuality ay
isang kondisyon kung saan ang isang tao ay naaakit sa magkaparehas na kasarian. Ayon din
sa Bisexual Health na isinulat nina Andre, Abin at Miller, marami na ring tao ang tinatanggap
ang kasariang ito at kumukumpirmang sila’y mga bisexual.

Ang pagiging bisexual ay isa lamang panandaliang kaganapan sa buhay ng isang tao.
Karamihan ng tao sa ating komunidad ay naniniwalang ang mga bisexual ay sumasailalim
lamang sa isang transitional phase na kung san humahantong sa pagiging binabae at tomboy
ang isang tao. Ito ay pinagwalang tibay ng American Psychological Association na kung saan
kanilang tinukoy o ipinahayag na ang pagiging bisexual ng isang tao ay naaayon sa kaniyang
sexual orientation at hindi sa transitional phase lamang. Ayon din sa pag-aaral na ginawa ni
Lisa M. Diamond, PhD., isang psychiatrist ng University of Utah, sa 79 na kababaihang
matuturing na tomboy, bisexual at naguguluhan ay nanatili sa kanilang sexual orientation
makalipas ang 10 taon. Ngunit masasabi rin na may posibilidad mag-iba ang sexual orientation
dahil maaring magbago o nagbabago ang pananaw ng isang tao sa kanyang sarili. Kung ano
ang makakaakit sa isang tao ay nagbabago rin habang lumilipas ang panahon. Ang tugon ng
isang tao sa isang pagbabago ay nagkakaiba ayon sa kanilang psychological at cognitive
processes. Makikita rito na nakasalaylay sa persepyson ng isang tao sa kanyang sarili ang
magiging sexual orientation niya.

Ang mga bisexuals ay walang kakahayang lumagay sa tahimik o panindigan ang

pagkakaroon ng pamilya.
Karamihan sa mga Pilipino ay mayroong pananaw na kung saan ang mga bisexuals ay walang
kakayahang lumagay sa tahimik o panindigan ang pagkakaroon ng pamilya dahil hindi sila
nakukuntento sa isang kasarian lamang. Nagkaroon din ng impresyon na sila’y pabago-bago ng
isip dahil mismong sila’y hindi sigurado kung saan ilulugar ang kanilang pagkaakit sa babae at
lalaki. Kung ating, mayroong 1.5 bilyong kababaihan sa mundo na maaring magustuhan ng
isang tiyak na lalaki ngunit kaya parin niyang pumirme at makuntento sa isang babae lamang.
Gayundin sa mga bisexuals. Mayroong 3 bilyong babae’t lalaki sa mundo na maari nilang
magustuhan ngunit kaya parin nilang panindigan ang pakikipagrelasyon sa isa lamang,
mapalalaki o mapababae man ito. Tulad din ng mga tiyak na babae at lalaki, may karapatan din
ang mga bisexual na pagdesisyunang manatiling walang kabiyak, bumuo ng pamilya, o
magpapalit-palit ng mga karelasyon.

Ang mga bisexual ay laging tumutugon sa tawag ng laman.

Ang karamihan ng populasyon ay naniniwalang ang relasyon ng mga bisexual ay nakasentro sa
sex. Bilang bisexual, sila ay may kakayahang makipagrelasyon sa babae man o lalaki.
Masasabing hawak o kontrolado nila ang dalawang mundo at malaya nilang gawin ang lahat na
kanilang naisin. Ang bisexualism ay puro kalaswaan nga lang ba?
Katulad ng mga ordinaryong relasyon, pakikisalamuha, pagkaakit at pagmamahal din sa isang
tao ang pundasyon ng samahan ng mga bisexuals. Hindi nakikipagrelasyon ang isang tao sa
magkapareho o magkaibang kasarian upang masunod lamang ang layaw ng katawan. Ang mga
bisexual ay hindi mga oportyunista na ninanais lamang lang makipagtalik kung kani-kanino.
Bukod dito, maaring maging bisexual ang isang indibidwal sa pamamagitan ng pagkakaroon ng
payak na relasyon kung saan ay walang nagaganap na pagtatalik na namamagitan sa
magkarelasyon. Ang mga bisexual ay mga tao din na mayroong damdamin at kakayahang
panindigan ang kanilang mga taong minamahal. May kakayahan silang bumuo ng isang
relasyon na may malalim na ugnayan. Hindi nararapat na sila ay husgahan kaagad nang
walang matibay at malalim na rason. Katulad ng iba, sila ay mga tao rin na nangangailangan ng
karapatang pagtingin, pakikisama, pagmamahal at higit sa lahat, respeto.

Ang mga bisexual ay naakit sa babae at lalaki sa magkaparehong antas.

Ang nakararami ay may pananaw na ang mga bisexuals ay naaakit sa babae at lalaki sa
magkaparehong antas dahil ang mga bisexuals ay may parehong interes sa mga kababaihan at
kalalakihan. Ito ay pinagwalang tunay ni Dr. Alfred Kinsey sa teorya niyang Heterosexuality-
Homosexuality Scale. Ang mga bisexuals ay nagtamo ng markang 1 o 2 na nangangahulugang
siya ay mas naakit sa ibang kasarian at nagbibigay 4 o 5 na interpretasyon na naakit siya sa
kaparehong kasarian na taliwas sa markang 3 na ang ibig sabihin ay naakit siya sa parehong
kasarian sa magkaparehong antas. Hindi dahil nakikipagrelasyon ang isang tao sa babae at
lalaki ay parehas na ang sukatan ng pagkagusto niya sa isang tao. Naaakit sila sa
magparehong kasarian ngunit maaaring mas gusto niya ang ababe o kaya ang lalaki depende
sa kaniyang personal na kagustuhan. Ang iba naman ay paiba-iba ang gusto, depende sa oras
at panahon. Maaring magkaiba ang mga katangiang hinahanap ng isang bisexual sa isang
babae o sa isang lalaki. Ang emotional, mental at sexual na aspeto rin ay isinasaalang-alang sa
pag-pili ng kanilang kinakasama. Ang bagay na ito ay nakasalalay sa sariling kagustuhan ng tao
kung kanino siya naaakit at maaakit tulad ng mga taong may normal na sexual orientation.

Konklusyon
Sa pamamagitan ng impormasyon nakalap at naibahagi sa pag- aaral na ito, mababatid ang
mas malalim na pagkaunawa sa bisexuality. Sa iba’t ibang sitwasyon, karanasan, gawain,
panahon at pag- iisp ng bawat bisexual, hindi nararapat na tingnan sila sa iisang paraan
lamang. Ang pagiging bisexual ng isang tao ay maaaring impluwensiya o naidudulot ng pamilya,
komunidad, pakikisalamuha sa iba;t ibang tao at mga karanasan sa buhay. Gaya ng mga
normal na tao, nararapat sing isaalang- alang ang karaatang pantao bilang isang indibidwal ng
mga bisexual. Dapat din silang tingnan ayon sa kanilang pagkatao, sa kanilang alooban, sa
kanilang personalidad at hindi sa kasarian na kanilang kinabibilangan. Maaaring sila ay naiiba
sa piniling kasarian ngunit ating alalahanim sa ating mga isip na tayaong lahat, babae man,
lalaki, tomboy, bakla, o bisexual ay hinulma lamang ng isang kamay, an gating Diyos.

Bibliography

Google.com

https://ustbsnonenaynbisexuality.wordpress.com/