PASULAT NA ULAT

Teoryang Queer

DE SAN JUAN, CLIVE JHAN F.

LANA, JAZZMERE DENISE G.
SUCIAS, SHERWIN U.

BSF 2-1

JACKSON A. PARCHAMENTO
GURO

Ipinasa sa Departamento ng Filipino

Kolehiyo ng mga Sining at Agham, Central Luzon State University
Bilang Bahagi ng Katugunan sa mga Pangangailangan ng Asignaturang
FILSOS 1115- SINESOSYEDAD/ PELIKULANG PANLIPUNAN

Enero 2020
 TEORYANG QUEER

Pinagmulan

Sa paglipas ng panahon, maraming mga bagay ang natutuklasan at binibigyang

pansin ng madla. Nagkakaroon sila ng mga bagong tuklas hindi lamang mga kaalaman
o bagay bagay, kundi natutuklasan din maging sa kanilang sariling pagkatao. Marami
na sakanila ang nakadiskubre na ang kanilang gender ay salungat sa kanilang sex kaya
naaapektuhan nito ang kanilang sekswalidad. Ayon sa Human Rights Sex Education
(2019), ang sex ay tumutukoy sa isang biyolohikal na konsepto na nakabatay sa mga
biyolohikal na katangian ng isang tao tulad ng pagkakaiba ng genitalia (ari) ng mga
lalaki at babae. Sa kabilang banda, ang gender naman ay tumutukoy sa pansarili,
panglipunan at pangkulturang perspektibo ng mga tao sa kanilang kasarian. Dagdag pa
rito, ayon naman kay Ayongao (2018), ang sekswalidad ay pagiging homosekswal o
heterosekswal na indibidwal kung saan ang homosekswal ay indibidwal na may
sekswal na pakikipagugnayan sa kaparehong kasarian; ang heterosekswal naman ay
indibidwal na may sekswal na pakikipagugnayan sa kaibang kasarian. Kaugnay nito,
marami na ngayon ang nagsasabing sila ay bakla at tomboy. Dahil dito, nagkaroon ng
pagusbong ng LGBT Community.

Kung pag uusapan naman ang salitang “Queer” ang ibig sabihin nito base sa
Encarta Dictionary ay not usual or weird and slightly unwell and an offensive term. Sa
madaling sabi, weirdo. (Ayongao, 2018). Kaugnay nito, ang teoryang Queer ay
umusbong mula sa pagaaral tungkol sa mga bakla at lesbian na nagsimula noong
kalagitnaan ng dekada '80 na sumandig sa teoryang feminist. (Cruspero, 2018). Mula
sa pagaaral sa social construction, identidad at sekswalidad ng tao hanggang sa naging
pagaaral na ito ng pagsusuri sa mga bagay na itinuturing na nasa kategoryang
normative at deviant lalo na sa mga gawain at mapagkakakilanlang sosyal ng bawat
indibidwal.

Impluwensya sa Panitikan
 Dahil taliwas sa itinakda ng lipunan, nagkakaroon ng panghuhusga at pang
aabuso. Dahil dito, umusbong na rin ang mga akdang nagpapakita at nagpapalawak ng
isipan ng madla patungkol sa mga homosekswal. Maraming mga Queer Theorist ang
nagsusulat ng mga akda kung saan kanilang inilalahad ang kwento ng kanilang buhay;
mga dinanas na sakit at diskriminasyon. Nagkakaroon din sila ng karapatan upang
ilahad ang kanilang kwento at kanilang karapatan ng pagkakapantay-pantay kung saan
ito ay nagsisilbing inspirasyon sa mga taong katulad nila na mayroong ibang gender
preference. Halimbawa ng mga akdang nagpapakita ng Teoryang Queer ay ang awit ni
Gloc 9 na “Sirena”at maikling kwento na “Giyera”ni Honorio Bartolome de Dios. Sa
pamamagitan nito, ang kanilang mga obra ay nagbubukas sa isipan ng karamihan na
sila ay tao din at nararapat na mahalin at irespeto lalong lalo na ang mamuhay ng
natatamasa ang kanilang mga karapatan.

Layunin ng Teorya

Ang layunin ng panitikan ay iangat at pagpantayin sa paningin ng lipunan sa mga

homosekswal. Kung ang mga babae ang may feminismo, ang mga homosekswal
naman ay queer.

Halimbawa ng pelikulang nagpapakita ng Teoryang Queer:

DIE BEAUTIFUL

(Local)

BUOD:

Suki ng mga gay beauty pageants ang transgender na si

Trisha Echevarria (Paolo Ballesteros). Simula high school hanggang nang tumanda ay
ang pagiging kontesera na ang naging hanap buhay nito. Ngunit sa kabila ng taglay
nitong ganda at alindog ay lagi siyang umuuwing talunan, ito'y dahil hirap siya sa
pagsagot sa mga katanungang ibinabato sa kaniya pagdating sa question and answer
portion.

Sa huling beauty pageant na kaniyang sinalihan, matapos mapunta sa kaniya

ang tanong na buong buhay niya'y ang tanging tanong na kaniyang memoryado ang
sagot ay sa wakas kay Trisha napunta ang korona. Ngunit ilang minuto lang matapos
itong makoronahan ay bigla siyang binawian ng buhay dahil sa aneurysm. Ngayon ay
kinakailangang sundin ng kaibigan nitong si Barbs (Christian Bables) ang mga bilin ni
Trisha para sa kaniyang lamay, ang bihisan siya ng iba't-ibang hitsura araw-araw mula
kay Angelina Jolie hanggang kay Beyonce. 

Ang Pelikula bilang Teoryang Queer

Ipinaramdam ng pelikula sa mga manonood kung papaano ang buhay ng isang

simpleng Pinoy transgender. Hindi lahat ay nabiyayaan ng mayroong suportadong
pamilya at isa na dito si Trisha na kinatawan ang mga bading na mayroong magulang
na hirap intindihin ang kanilang pinagdadaanan. Pinakita din dito kung paano ang hirap
na dinanas ng bida sa lahat ng mga pangungutya ng lipunan at maging pangloloko
sakanya ng mga lalaki.

MOONLIGHT

(Foreign)

BUOD:

Nagsimula ang kwento sa isang bata na mayroong kakaibang kinikilos sa

madaling salita "bakla" . Hindi naging maganda ang kanyang proseso sa paglaki
marahil sa kadahilanang nakakaranas siya ng hindi pagtanggap sa kanyang
nakakasalamuhang mga tao, kaklase at higit sa lahat sa kanyang mga magulang.Sa
kabila ng lahat na iyon may taong tumulong sa kanya , nagtanggol, nagturo ng mga
mahahalagang bagay at isa na doob ang pagturo sa kanya ng paglangoy. Dahil sa
kanyang pagkilos maraming katulad niyang bata na kayang maglaro ng ano mang
mga larong pambata na hindi niya kayang gawin. Sanay siyang mapagisa at karalasang
nakakahanap ng gulo kahit hindi niya ito gusto . Hanggang siya ay nagkaedad marami
parin siya mga pagsubok na pinagdaanan,diskriminasyon sa ibang tao ngunit sa kabila
ng lahat ang liwanang at pagasa niyang maiturong na kabilang sa lipunan ay unti unti
nang sumangayon sa kanya at naging matatag siya at kakayanin ang mga darating
pang mga pagsubok sa kanyang buhay at sa kanyang pamilya na kanya ring
napatawad kalaunan. Isa itong ubra maistra at itinanghal billang pinakamagandang
palabas na sumasalamin sa teoryang queer taong 2016.

Ang Pelikula bilang Teoryang Queer

Ang palabas na Moonlight ay magandang halimbawa ng teoryang queer. Dahil

nilalaman at sumasalamin ito kung ano ang nais na ipahiwatig ng manunulat at mga
gumanap patungkol sa pagbibigay paliwanag sa Teoryang queer . Ipinakita ng
palabas na ito kung ano ang mga pagsubok na pinag daanan ng isang "bakla" at
paano ito magkakaroon ng puwang o espasyo sa lipunang ginagalawan.
SANGGUNIAN

Human Rights Sex Education. (2019). Ano ang pinagkaiba ng sex at gender?. Kinuha
sa https://aralipunan.com/sex-at-gender/ noong Enero 18, 2020 7:57pm.

Ayongen, G. (2018). Queer Theory Isang Pagsusuri. Kinuha sa

https://www.academia.edu/10800897/Queer_Theory_Isang_Pagsusuri noong Enero 18,
2020 8:10 pm.

Cruspero. (2018). Feminismo ang teoryang ito ay ginagamit sa pagsusuri. Kinuha sa

https://www.coursehero.com/file/p6s9svs/FEMINISMO-Ang-teoryang-ito-ay-ginagamit-
sa-pagsusuri-ng-panitikan-at-awtor-sa/ noong Enero 18, 2020 8:33 pm.