Professional Documents
Culture Documents
Adventures Sa Kawatanan NG Rentas Internas
Adventures Sa Kawatanan NG Rentas Internas
Adventures Sa Kawatanan NG Rentas Internas
ni Jol Ong
Okay. So natanggap na ako nung November sa NCCA bilang researcher. Contract employee
lang. 3 months. May Yearbook project kasi sila at kailangan ng extrang tao. Okay lang ang
bayad, kaso may 10% withholding tax, at siyempre, dapat may Tax Identification Number
ako. So tinanong ko yung boss ko- \"Sir, di po ba yung employer ang maglalakad ng TIN ng
employee?\" Sagot ni bosing- \"Di ka kasi regular employee kaya dapat ikaw ang maglakad
ng TIN mo.\"Assurance nung assistant ni bosing- \"Okay lang yan, one-time hassle lang
yan.\"
Alaako problema. Sige, ako maglalakad ng TIN ko. Tutal, ano ba ang worst case scenario?
Mahabang pila? Red Tape? Naknamsiomai, sanay naman ako sa UP e- kuhaan ng classcards,
pila sa registration, pila sa graduation, etc.
So, sige, nagpaalam ako, isang araw mag-aabsent ako para lakarin yun. Dun ako sa Main,
dahil malapit lang sa amin, tapos planoko, dadaanan ko yung ilang research materials sa UP.
Solve!
Pagdating ko sa BIR Main, nagulat nga ako dahil wala ngang katao-tao. Ni wala akong
nakitang pila, maliban lang dun sa pila sa harap, dahil tsinecheck nung sekyu yung bag ng
mga tao. Nung pagpasok ko, wala pala silang TIN forms. Wow. Naubusan ng TIN Forms ang
BIR Main. Hanep.
Tinanong ako nung lalaki sa desk kung para saan yung TIN application ko, sabi ko, para sa
work. Tinanong kung saan ako nagtatrabaho, sabi ko sa Intramuros.
\"Dun ka mag-apply sa Intramuros.\" sabi nung lalaki.
Okay lang, although medyo naburat ako sa efficiency nila. Ibig kong sabihin, wow, Main BIR
sila tapos una, naubusan sila ng TIN Forms, pangalawa, ewan, ang laki-laki ng saklaw nilang
lugar, ang laki-laki ng mga building nila, tapos hindi nila ako ma-accommodate.
Taragis, e malamang sa kanila rin naman mauuwi yung records ko kung sa BIR Davao BIR
Batanes ako mag-apply, dahil tutal, Main sila e, di ba? So ala na akong magawa, ala rin
silang TIN Forms, so useless din kung magprotesta pa ako dun. So pumunta na lang akong
peyups ( U.P.) for official business,for the first time.
Hehehe!
Pagpasok ko sa work, sinubukan kong lakarin yung TIN application ko sa BIR sa labas ng
Intramuros, yung malapit sa port area. Pag-akyat ko sa taas,hinanapan ako ng certificate of
employment, at barangay clearance.
Form 1901, take note. Para sa mga regular employees. May pipirmahan sa likod ang
employer ko. After nito, dumiretso ako sa barangay hall namin para sa clearance. Hiningan
ako ng CV para sa file. Medyo naiirita na ako sa puntong ito. Isipin mo naman kung gaano
ka-hassle ang buong prosesong ito, para saan? Paragawin ko ang aking role bilang
mabuting mamamayan sa pagbabayad ng tamang buwis.
Anyway, tinanong ako nung babae sa barangay hall kung may TIN daw ako. NaFafalo
ako sa noo ko.
Okay! So may clearance na ako! Humingi na ako ng certificate of employment sa bosing ko,
at pinapapirmahan ko na siya sa likod ng Form 1901 ko. Kaso sabi niya, hindi raw puwede
kasi wala ako sa roster of employees ng NCCA. Project employee lang ako e. So tinanong
ko kung puwede ibalik yung mga kaltas sa akin, tutal ala naman akong TIN e, at ayaw
akong bigyan ng BIR,kaya pu@#$%*na sila, di ko bibigay pera ko sa gobyerno!
Ang problema, hindi raw puwede yun. Tuloy-tuloy ang kaltas sa suweldo ko. Kapag hindi
raw kasi kinaltasan, sila raw ang malilintikan kapag nag-check ng expenses ang NCCA,
makikitang hindi binawasan ng suweldo ko. So tinawag ngayon yung isang accountant ng
NCCA para tulungan kami sa aming munting problema. Hindi rin maintindihan nung
accountant kung bakit hinihigpitan ako ng BIR. Putsa, ako na nga ng magbibigay ng pera sa
gobyerno, may gana pa silang magpakipot. Sabi nung accountant, yung kinaltas sa akin,
mapupunta pa rin sa gobyerno, may TIN man ako o wala, at hindi sa bulsa ng kung sinoman
sa NCCA.
Well, dadaan muna sa gobyerno, sa BIR, bago mauwi sa bulsa ng isang congressman, pero
technically, alang problema dahil pagkahaba-haba man ng prusisyon, sa simbahan pa rin ni
s~tan~s ang tuloy. Ang difference bale,kapag may TIN ako, dinedeclare ko lang na sa akin
galing yung kakaning-ibon na baryang portion ng pang-tip ni Mr.Congressman sa p*kpok
niya sa Pegasus.
Advise sa akin, sabihin ko na lang na freelance writer ako. Tutal, may kaltas din naman daw
kapag nag-freelance ka sa mga diyaryo. Tapos i-assert ko raw na ako na ang pagbibigay ng
pera sa kanilang mga letse sila kaya dapat bigyan pa nila ako ng libreng chocolait at
biskwet out of gratitude mga hayop silang mga impakto sila.
Okay. So bumalik ulit ako sa BIR Main. As usual, ang pila lang ay yung sa harap, kung saan
nagtse-check yung sekyu ng bomba sa mga bag ng mga tao. Anyway, babae na yung nasa
desk ngayon. Pinakita ko na yung baranggay clearance ko, at yung accomplished Form 1901
ko. Nung tinanong sa akin kung saan ako nagwowork, inexplain ko na freelance writer ako
kaya wala akong regular employer, kaya walang nakapirma sa likod. Okay?
Okay. Hinde. sabi nung babae, since hindi ako regular employee, ibang form dapat ang
finill-up-an ko. At bigla siyang naglabas ng Form 1902 at binigay sa akin.Whew, kinabahan
ako dun a. Yung Form 1902, sabi niya, ay para sa mga \"mixed-income individuals,\" para sa
mga taong hindi regular ang kita-professionals, businessmen, at sabi niya, freelance writers.
Okay! Fill-up dito, fill-up dun, okay lang!!! Magkakaroon na ako sa wakas!
Nanlaki ang mata ko. Wow, nasira agad ang aking moment of triumph.
Naramdaman ko, parang umiikot-ikot ang paligid ko. Parang gumagaan ang ulo ko,
nanglalambot at naghihina ang tuhod ko. Bigla kong naramdaman ang isang matinding
pangangailangan na i-headbutt ang kausap kong babae sa desk. Sa halip na isang headbutt,
nagtanong na lang ako.
\"Puwede po bang ibang tao na lang ang maglakad nito para sa akin?\"
Ah! Paraakong nabunutan ng tinik sa dibdib! Fafalakad ko na lang ito sa nanay ko. hehehe.
Paglabas ko, marami pa ring tsinecheckan ng bomba sa bag sa harap. Ngayon alam ko na
kung bakit. Ako rin gusto ko rin silang bombahin.
Hindi ko pa rin mawari, nung araw na yun, kung ano pa talaga ang purpose ng BIR Main.
Nakangsiomai, dun sa maliliit na branches nila, siksikan ang mga tao, milya-milya ang pila.
Sa Main, ang lawak-lawak, pero di sila nag-a-accomodate ng applications!
At nakarating din ako, isang araw, sa BIR West Ave.Sa second floor sila nag-oopisina sa
isang building. Masikip yung elevator dahil sa dami ng tao.
Narating ko na rin yung desk para sa TIN. Nung chineck nung babae dun yung papeles ko,
hinanap nila yung pirma ng employer. \"Ay. Wala po. Freelance Writer po ako e.\"
Napatingin sa akin yung babae, tinitigan ako sa mata na wari'y tinitimbang ang mga
salitang aking nasambit...
\"Ma'am, freelancer po ako. wala po akong regular na sahod. Binabayaran ako per article na
sinusulat ko. Hindi po ako regular employee kaya wala akong certificate of employment.\"
Nung makitang Form 1902 ang dala ko, sinabihan pa akong maling form ang bitbit ko, kaya
inexplain ko pa na nanggaling na ako sa BIR Main, na Form 1901 ang dala ko dati pero sabi
dun, maliraw ang 1901 para sa akin kaya binigyan ako ng 1902 dahil freelance writer ako, at
inirefer ako sa branch nila.
Nakatitig sa akin yung babae, ninamnam ang bawat salitang sinambit ko...
Ipinaliwanag ko ulit kung ano ang freelance writer, at nakatingin pa rin siya sa akin na tila
nambubullsh~t lang ako.
Gumuho muli ang mundo ko, pero buti na lang may upuan sa likod ko. Ipinaliwanag ko ulit.
\"Oo nga. Sa second floor ang application ng TIN. Bakit ka pinaakyat sa akin?\"
\"Ano yun?\"
NOOOOOOOOOOOOOOOOOOOOOOOOOOOOOOOOOOOOOOO!!!!!!!!!!!!!!!!!!!!!!!!!!!!!
At ipinaliwanag ko ulit kung ano ang freelance writer, at ikinuwento ko yung episode
kanina, at yung episode sa BIR Main, etc.
\"Ito kasing Form na ito, itong 1902, para sa mga may negosyo ito e.\"
\"E yan po ang binigay ng BIR Main sa akin, dahil hindi regular ang sahod ko!\"
Pikon na pikon na ako nun kaya hindi ako natawa, pero,talaga, grabe, comedy ito, men.
Wow.
\"Opo.\"
\"Writer po.\"
*haaaaaaaaaaaaayyyyyyyyyyy.......*
Kaso, sobrang haba ng pila, at sa takbo ng mga pangayayari ngayon, ayoko nang
maghintay ng isa't kalahating oras para lang mag-replay ng kuwentong kung ano ang
freelance writer, at kung bakit hindi ako regular employee.
Lumabas ako, pumunta ako sa corridor. Pikon na pikon. Tinawagan ko nanay ko, tinanong
ko yung pangalan ng kaibigan dati ng tita ko sa highschool na nagtatrabaho ngayon dun.
Okay, nakuha ko na yung pangalan. Balik ako dun, tinanong ko yung sekyu kung
saan ang opisina nung babae.
Hindeeeeee!!!!! Pero sige, para lang magkaroon ng bunga ang paghihirap ko ngayong araw
na ito- may exodus ng tao sa harap ng elevator, kaya ayun, inipon ko ang natitira kong
lakas at hininga, at aking tinakbo muli ang second to seventh floor sa hagdanan.
Pagdating sa taas, halos bumagsak sa lupa ang baga ko. Nagtanong-tanong ako ulit kung
saan ang opisina nung bes-pren ng tita ko, hanggang sa mapunta na ako sa gitna ng
opisina nila. Sa wakas- \"Ay! Diyan yung opisina nun, pasok ka diyan.\"
Yehey!!!
Hindi pa rin nauubos ang mga tao sa elevator, hindi ko maalala kung paano ko tinakbo
pababa ang first floor. Pikon na pikon ako, grabe. Pag-uwi, nakaubos yata ako ng isang
pitsel ng gulaman. Hinintay kong humupa ang tila-nuclear holocaust ng galit sa loob ng
dibdib ko.
Punyetang gobyerno ito!!! Letse!!! Hindi mahuli-huli yung mga tax evaders,hindi mabigyan-
bigyan ng TIN yung mga nagmamagandang loob na magbayad ng buwis!!! Tangina, no
wonder may lumolobo tayong mga deficit!!!
Nung gabi, tinawagan ko si TJ, yung kasama ko sa trabaho, at kinuwento ko lahat. Lagi ko
kasing kinukuwento ang bawat installment ng aking BIR adventures, at tulad ng isang
epiko, grabe ang climax nung hapon na yun.
Syet. Hayop sa climax. Tinatawanan ko na lang, pero nung hapon na yun kaya ko sigurong
mangagat ng leeg. Tawa rin nang tawa si TJ, at ngayon, kuwento niya, tawa rin nang tawa
yung mga pinagkuwentuhan niya. Pati yung mga tao sa tambayan namin, nung kinuwento
ko, di rin makahinga sa katatawa.
Langya, baka maging urban legend pa ang buhay ko, in which case, sana puwede kong i-
video lahat, at lalagyan ko ng sumpa- ala \"The Ring\", tapos Fafadalhan ko ng kopya yung
mga tao sa BIR.
Naisip-isip ko na lang ngayon, paano nga kung kailangan mo ng lisensya para magsulat.
Isang physical manifestation ng concept ng poetic license? haha!
Kung sa driver's license, may mga restrictions tulad ng \"Vehicle up to 4500 KGS GVW\" o
kaya \"Automatic clutch above 4500 KGS GVW\", etc. paano kaya yung sa \"Poetic
License\" o \"Writing License?\"
I.Restrictions
Pero nag-digress na naman ako. Isang hapon, pagkatapos nung BIR episode, dumaan ako sa
tambayan namin sa UP.Nung makita ako ng mga kasama ko -Jol! Pumayat ka a! Grabe!\"
hehehe. Naalala ko yung jogging-jogging ko sa building, at yung stress, at namagandai ako.
Isang mapait at matamis na ngiti.
ps:
hanggang ngayon, wala pa akong TIN. Kuwento ni TJ, si Santi Bose raw,namatay nang
walang TIN. Nakakatakot.