Topic : Pagsusi sa mga Balaang Butang sa Elohim

Text : Ex. 23:19; Neh. 10:37; Ex. 13:1-2; Mal. 3:10; Lev. 2:14-16; Ex. 23:16; Deut. 12:5-7; Num.
18:20-
21; Lev. 27:13; Lev. 27:26; Lev. 27:28-34; Mal. 3:8; Lev. 27:3; Num. 18:30-32; Neh. 10:39; 2
Chron. 31:5; Lev. 27:30; Gen.14:20
Theme: Adunay lima ka mg dagkong butang nga balan nga dapt susihon sa alagad sa Elohim kon
ila bang nahimo sumala sa kabubut-on sa Elohim
Pasiuna: Sumala sa atong natun-an nga ang responsibilidad sa usa ka pangulo mao ang pagsusi sa Balaang
Butang sa Elohim kon nahatod ba ang bahinsa Elohim didto sa Templo lakip ang ilang mga
kinabubut-on nga mga halad kon daut ba o dili ug hinlo ba o dili. Kon dili susihon sa alagad sa
Elohim, ilang mahiaguman ang kastigo sa Elohim ug dili usab mapanalanginan ang mga
katawhan sa Elohim. ug ato usab nga nahibaluan nga kutob sa atong gipanghimo alang sa
Elohim, dili Niya pagkalimtan. Busa maoy hinungdan nga ato usab nga kwentahon gikan sa mga
gagmay nga mga abot hangtod sa mga dagkong abot aron may kalipay ang Elohim sa atong
pagkatinugyanan nga walay nalimtan sa bahin sa Elohim. ug atong sugdan pagsusi ang mga
balaang mga butang sa Elohim.
I– Ang una mao ang pagsusi sa tanag abot sa mga Balaang katawhan sa Elohim. gikan sa kaumahan,
gikan sa kahayupan ug gikan sa ilang mga suhol ug sa ilang mga negosyo. Ang problema dinhi, unsaon
pagkahibali sa alagad sa Elohim nga ingon niini kadako ang ilang mga abot. Ang matag-usa adunay
kaugalingong “Record” sa ilang mga abot ug susihon kin isa mga “Levita”. Ang buot ipasabot nga ang
mga “Levita” maoy gipasuroy sa Elohim aron ilang makita ang kinatibuk-ang abot sa katawhan sa
Elohim.
II – Ang ika-duha mao ang pagsusi kon ila bang nahatod ang tanan nga ikanapulo nga bahin sa Elohim
sa Templo.matug pa sa Elohim; ako ang tanang ikanapulo ug inyo ang siyam ka bahin. Mao ra gihapon
aron masayran ang matag-usa kon iya bang gihatod ang bahin sa Elohim, ang mga “Levita” gihapon ang
gipasuroy sa Elohim sa pagkobra niadtong wala makahatod didto sa Templo. Busa atong makita dinhi
ang paagi sa Elohim sa pagkobra sa Iyang bahin mao nga ang matag-usa mohatod sa bahin sa Elohim
mismo maoy maningil sa Iyang bahin. Atong masabtan dinhi kon ang Elohim na ang maningil sa Iyang
bahin, wala na kay mahimo. Busa ang dakong pagtulun-an dinhi, ayaw hulata nga ang Elohim maoy
maningil sa iyang bahin. Neh. 10:37; Deut. 12:5-7; Num. 18:20-21; Mal. 30:10; Gen. 14:20; Lev. 27:13;
Lev. 27:16; Lev. 27:31; Gen. 14:20; Lev. 18:30-32
III – Ang ika-tulo mao ang pagsusi sa tanan nga mga unang abot kon nahatod ba sa matag-usa didto sa
Templo. Mao gihapon matud pa sa Elohim nga ‘ako ang tanang unang mga abot tungod kay kini
pagkaon alang Kanako’. Tungod sa pagka-Balaan niin, ayaw hilabti ang butang nga dili imo. Matud pa
sa Elohim, pagsugod Ninyo ug trabaho didto say utang saad, ang inyong mga iunang abot ihatod didto
sa Templo. Ang buot ipasabot nga ang tag-iya sa tanang butang atong gihatagan ug taas nga pagtahod
nga Siya ang una sa bisan unsa ng atong pagabuhaton. Atong makita usab ang gihimo ni Abraham nga
atong amahan sa pagtoo. Wala siyay kabalaka sa paghalad sa iyang unang anak bisan sa pagsunog alang
sa Elohim. mas pinakalisod ang unang “harvest” nga gihimo ni Abraham kompara sa atong mga unang
abot. Pero nahimo ni Abraham tungod kay nasayod siya bisan mawalaan siya tungod sa Elohim ngatoo
usab siya nga ang tanan anaa lamang sa Elohim. Ex. 23:19; Lev. 2:14-16; Ex. 23:16; Neh. 10:35-36;
Neh. 10:37; Ex. 13:1-2; Lev. 2:14-16; Deut. 11:26-32; Deut. 11:31-32; Deut.11:22-25
IV – Ang ika-upat mao ang pagsusi sa atong mga gisaad sa Elohim. Sama sa nahitabo ni Hana, nagsaad
siya nga kon hatagan siya ug anak sa Elohim, iya kining ihalad didto sa Templo ug mag-alagad siya sa
Elohim sa tibuok niyan kinabuhi. Busa natuman ni Hana ang iyang gisaad sa Elohim ug usab ang mga
katawhan sa Israelnagsaad nga dili nila pasagdan ang Templo ug maghatag sila matag tuig sa mga
galastuhan diha sa Templo sa Elohim. busa ang dako natong pagtulun-an dinhi, ato usab
panghinumdoman ang atong mga gisaad sa Elohim labi na sa atong galastuhan usab sa atong “Building”
nga tigumanan sa pagsimba. Paninglon sa Elohim ang atong mga gisaad Kaniya tungod kay kini
Sagrado ug Balaan sa Iyang atubangan. Dili ta mabalaka sa paghimo kay ang Elohim lang gihapon ang
mutubag sa atong mga saad. Busa kon unsa ang atong gisaad sa balat tigumanan sa pagsimba, dili nato
pagkalimtan. Kon naka saad ka ug mga “Hollow blocks, semento, bakal, haligi, balas, ug mga musical
instruments” ug uban pa, ato kining tumanon aron adunay kalipay ang Elohim. Neh. 10:35-36; Neh.
10:39; Neh. 10:37; Neh. 10:32-33
V– Ang ika-lima mao ang pagsusi sa atong mga gihalad, daut ba o dili, hinlo ba o dili. Kinahanglan ang
unang mogamit sa atong gihalad mao ang Elohim. Ato kining timan-an usab ayaw pag-ihalad ang usa ka
butang nga dili imo. Sama sa bahin sa Elohim kon imong ipamalit ug gamit unya imong ihalad sa
Elohim, usa kini ka pasipala sa Elohim sa imong pagbuhat. Busa atong matngonan pag-ayo ang atong
mga halad para sa Elohim. Atong pilion ang labing maayo para sa Elohim. Ato usab siguraduhon nga
kita malipayon sa paghimo sa atong mga halad diha sa Elohim. Dili lamang ang mga gamit maoy mga
daut, possible usab nga daut ang atong mga pagbati sa paghalad tungod kay napugos ka. Busa kon
napugos ka, ayaw paghimo ug halad ngadto sa Elohim tungod kay kini dsaut sa Iyang panan-aw. Bahala
na kon dunay usa o duha nga naghimo ug halad nga malipayon kay sa daghan nga napugos sapagbuhat.
Busa ang buot ipasabot nga daut mao ang walay kalipay sa paghimo para sa Elohim. Lev. 27:26-34;
Mal. 1:9-14; Mal. 1:6-8; Deut. 16:17; Heb. 6;13-20; Gen. 22:1-19
Pangutana:
1. Sukad sa imong pagkaluwas ug nahimong anak sa Elohim, duna ka bay “record” sa tanang abot sa
imong yuta, sa tanang kahayupan, sa tanan kita sa imong pagtrabaho, sa imong mga negosyo ug uban
pang mg akita nga gipabor sa Elohim kanimo?
2. Wala ka bay gikalimtan sa paghatod sa tanang bahin sa Elohim?
3. Kumusta man usab ang mga unang abot, ato ba kining gihatod didto sa Templo sa Elohim?
4. Kumusta man usab ang atong mga gisaad diha sa Elohim?
5. Kumusta man usab, ato bang gipili ang mga halad nga labing maayo para sa Elohim?
6. Alang niadtong wala pa makahatod sa unang abot, kanus-a ka magsugod sa paghatod niini? Basig
maapsan ka sa panahon nga dili kana makahimo sa pagbuhat.
Panapos: ang Elohim dunay kalipay sa mga tinugyanan nga matinud-anon gikan sa mga gagmay nga mga
butang hangtod sa dakong mga butang. Ug iyang panalanginan pag-ayo ang mga matinud-anon,
ug ang mga dili matinud-anon, kuhaan sa Elohim ug mga panalangin ug iya kining ihatag ngadto
sa mga matinud-anon nga tinugyanan sumala sa Iyang kabubut-on. Gen. 22:1-19; Ps. 31:23;
Prov. 28:20; Jer. 42:5-6; Lukas 12:43; Lukas 16:10; Lukas 19:17; Lukas 8:25; Jer. 35:17; Isa
1:19-20; Isa. 42:23; Prov. 29:1; Isa. 35:8-9; Prov. 28:16; Heb. 13:17; Mal. 3:10-18; Ezra 6:5;
Prov. 28:19; Col. 2:1-3; Deut. 12:8; Roma 14:12; Ezeq. 44:23; Roma 4:20-25; Heb. 10:23; Neh.
9:33-37