Sangguniang Panlungsod sa pagpanguna ni Vice Mayor Rey G. Jamboy mopaabot sa among mainitong pagtimbaya kanatong tanang mga Cabadbaranon sa th atong taliabot nga 15 Charter Day Celebration diin ako na usab kamo nga gidapit nga atong saksihan ang mga nagkadaiyang aktibidad nga makahatag og kabibo sa atong kasaulogan. Sa duha ka tuig diin napailawom kita sa pandemya, nahikawan usab kita nga makasaulog nga adunay dagkung panagtapok sa katawhan. Karon nga tuiga, atong ibalik ang gikahinaman sa tanan diin aduna na usab kitay daghang makalingaw na pasundayag ug kalihukan uban ang konsyerto sa mga inilang banda ug mang- aawit gikan sa kaulohan (sama sa South Border, Neocolors, Arthur Nery ug Ben & Ben). Sa atong paglantaw sa kagahapon angay gyud nato nga pasalamatan ang Labaw nga Makagagahum nga bisan pa sa mga hagit ug pagsulay padayon gihapon kita sa malahutayon nga pamuyo diin anaa ang panaghiusa ug pagtinabangay sa matag usa kanato isip usa ka katawhan ug lungsod. Ang kasaulogan nato padayon nga magpadumdom sa atong sugilanon sa pakigbisog diin nahimo kitang malampuson na makab-ot ang gitinguhang kalambuan sa katawhan ug Syudad sa Cabadbaran. Isip Mayor ning atong dakbayan, mainiton ko kamong gidapit nga moduyog kita sa atong selebrasyon uban sa sa panghinaut nga padayon magtubo dinhi kanato ang positibong paglaum nga mas mahimo pang maanindot ang atong kaugmaon diin anaa ang pagmianahalay, pagtinabangay ug panaghiusa sa tanan! Alang sa kaluwasan sa matag usa, awhagon ko kamo nga padayon kita nga mosanong sa mga health protocols sama sa pagsuot sa face mask ug regular nga disinfection.