Sangay ng mga Paaralang Panglungsod ng Paranaque

Araling Panlipunan 4
Ikaapat na Kwarter
Ikatlong Linggo
Kahalagahan ng Gawaing Pansibiko

Mga Kasanayang Pampagkatuto

(Most Essential Learning Competency)
Naipaliliwanag ang mga gawaing lumilinang sa kagalingan pansibiko

Layunin

1. Naibibigay ang kahulugan ng Kagalingang Pansibiko.

2. Nakikilahok sa mga proyektong pansibiko sa pamayanang kinabibilangan.
3. Nasusuri ang epekto ng Kagalingan Pansibiko sa pag-unlad ng bansa
4. Napahahalagahan ang mga gawaing pansibiko ng bawat isa bilang kabahagi ng bansa.

Balikan Natin

Panuto: Basahin ng mabuti ang mga pangungusap, Isulat sa sagutang papel ang K kung ang
isinasaad ay karapatan ng isang mamamayang Pilipino at T kungtungkulin.
1. Si Ana ay nakibahagi sa araw ng eleksyon sa pamamagitan ng matalinong
pagpipili kung sino ang iboboto.
2. Pinagsisikapan ni Leonor na tapusin ang kaniyang pag-aaral.
3. Nagtayo si Myrna ng isang maliit na tindahan sa harap ng kanilang bahay.

Unawain Natin

Kahulugan at Kahalagahan ng Gawaing Pansibiko

Ang salitang sibiko ay mula sa salitang Latin na ang ibig sabihin ay mamamayan.
Noong unang panahon sa lipunang Pranses, tinatawag na civique ang isang mamamayang
nakapagbuwis ng buhay para sa kaniyang kapuwa. Naipagpapalit ito sa salitang civil o sibilyan‘ na
isang indibidwal na wala sa serbisyo ng pamahalaan o hindi nanunungkulan bilang sundalo subalit
nakatutulong nang malaki sa kaniyang bayan.
Sa kasalukuyan, ginagamit ang salitang sibiko upang pormal na tukuyin ang mga mamamayang
bumubuo ng lipunan. Kadalasan nang ikinakabit sa salitang ito ang mga katagang kagalingan o welfare.
Tinutukoy ng civic welfare o kagalingang pansibiko ang pinakamataas na kabutihang makakamit at
mararanasan ng mga mamamayan.
Ang kabutihang ito ay natatamasa sapagkat nanggagaling sa kagyat na pagtugon at
pagmamalasakit ng kapuwa mamamayan. Sa pagganap ng mga tungkulin sa lipunan, ang mga
mamamayang may kamalayang pansibiko ay higit na nakatutuwang sa pamahalaan. Ang kamalayang
pansibiko ay kaisipan na ang bawat isa ay may pananagutan sa kaniyang kapuwa. Ito ay pagkilala na
ang indibidwal ay may kakayahang paunlarin ang lipunan sa anumang paraang kaya niyang tugunan at
gampanan.
Ang pagkukusang-loob, pagtulong nang walang inaasahang kapalit, at bayanihan ay mga susing
katangiang dapat taglayin sa gawaing pansibiko. Maaari ding tingnan ang gawaing pansibiko bilang
malawakang pagsasama-sama ng mga tao upang tiyaking nasa pinakamahusay silang pamumuhay lalo
na ang pinakamahihirap.

Karaniwang sinasakop ng kagalingang pansibiko ang mga usapin hinggil sa edukasyon, kalikasan,
kabuhayan, pampublikong serbisyo, at kalusugan. • May iba‘t ibang uri ng gawaing pansibiko. Maaari
itong gampanan ng sinuman, bata man o matanda, batay sakaniyang

1│
kakayahan. May dalawang mukha ng kabutihang naidudulot ang gawaing pansibiko. Isang mukha
nito ang kagyat napagtugon sa mga nangangailangan. Ang isa pa ay ang ang mahabang-panahong
dulot nito sa tao at sa bansa.
Mga Gawaing Pansibiko
Paano maaring makilahok ang mga mamamayan sa gawaing pansibiko?
1. Pakikilahok sa mga gawain sa pamayanan.
2. Pakikilahok sa mga gawaing pang-relihiyon.
3. Pagbibigay ng mga ambag/kontribusyon.
4. Paglahok sa gawaing pang-pulitika.
5. Pakikipaglahok sa mga usapan tungkol sa pamamahala at kaganapan sa kasalukuyan.
6. Panonood, pakikinig, at pagbabasa ng mga balita at pangyayari sa kapaligiran. Ilan sa
mga programa at proyektong maaring lahukan ng mga mamayan na may
kaugnayan sa gawaing pansibiko:
1. Clean and Green Campaign
2. Tree Planting Activities
3. Livelihood Seminar/Training
4. Feeding Program
5. Reforestation Program
6. Clean Up Drive
7. Waste Management Program
8. Literacy and Numeracy Program

lapat Natin
Ang mga sumusunod ay mga proyektong pansibikong nilalahukan sa pamayanang ating kinabibilangan.
Iguhit sa sagutang papel ang simbolo ng gawaing pansibikong inilalarawan sa bawat pahayag.

– Kalikasan – Pampalakasan

– Kalusugan – Edukasyon

1. Pakikibahagi sa sa clean-up drive ng iyong pamayanan.

2. Pakikilahok sa Tree Planting Activities sa inyong barangay.
3. Pagbubuo ng liga para sa palaro ng basketbol sa inyong barangay

Suriin Natin.

Piliin ang angkop na epekto ng kagalingang pansibikong nakatala sa ibaba bilang pag unlad ng ating
bansa. Isulat ang letra ng tamang sagot sa sagutang papel.

1. Ang mga mag aaral sa Paaralang Elementarya ng Don Bosco ay naglunsad ng kampanya laban sa
paggamit ng plastic at iba pang bagay na nakakasira sa ating kapaligiran. Ano ang magiging epekto
nito sa kapaligiran?
A. Magiging masipag ang mga magaaral.
B. Dadami ang mga magkakasakit na mga bata.
C. Patuloy ang mga tao sa pagtatapon ng basura sa paligid.
D. Magiging malinis at ligtas ang mga mag aaral laban sasakit.

2. Nagkaroon ng isang malaking sunog sa barangay ng El Dorado at maraming pamilya ang nawalan
ng tirahan. Sina Jean at Annie ay tumulong sa pamamagitan ng pagbibigay donasyon ng pagakain,
lumang damit at kumot.

2│
A. Maraming taong matutulungan sina Jean at Annie.
B. Matutuwa ang mga taga El Dorado sa dalawang bata.
C. Magiging ligtas sa sunog ang mga tao sa kanilanglugar.
D. Maraming tao ang aasa at hihingi ng tulong sa dalawang bata.

3. Nagkaroon ng palatuntunan na Buwan ng Pag iwas sa Sunog (Fire Prevention Month) kung saan
nagbibigay- diin sa mga tamang pamamaraan sa mga paraan ng pag iwas sa sunog.Ano ang magiging
epekto nito?
A. Maraming bisitang darating sa paaralan.
B. Magkakaroon ng sayawan at mahabang palatuntunan.
C. Makakaiwas ang mga mag aaral sa sakuna at sunog.
D. Magiging masaya ang mga mag aaral sa kanilangnatutunan.

Tayain Natin

Panuto: Basahin ang bawat pangungusap at piliin ang tamang sagot ayon sa hinihingi ng bawat
sitwasyon.
1. Si Grace ay nakilahok sa clean-up drive sa kanilang lugar. Ano kayang gawaing pansibiko
ang sinalihan ni Grace?
A. Paglahok sa gawaing pang-pulitika.
B. Pakikilahok sa mga gawain sa pamayanan.
C. Pakikilahok sa mga gawaing pang-relihiyon.
D. Pakikipaglahok sa mga usapan tungkol sa pamamahala at kaganapan sakasalukuyan.

2. Bilang mag aaral ng ikaapat na baitang, paano ka makatutulong sa mga gawaing pansibiko sa ng
ating bansa sa panahon ng pandemyang ating nararanasan sakasalukuyan?
A. Pagtatanim ng mga puno sa mga gilid ng kalsada.
B. Paglilibre sa mga kaibigan sa mga mamahaling restawran.
C. Pagbebenta ng ticket para makalikom ng malaking halaga ng pera.
D. Pagtutulong sa pagpapanatili ng kalinisan ng sa loob at labas ng bahay.

3. Paano makatutulong ang mga gawaing pansibiko sa pag unlad ng bansa?

A. Magiging maunlad at maayos ang bansa dahil sa gawaing pansibiko na tumutugon sa mga
pangangailan ng bawat mamamayan.
B. Ang gawaing pansibiko ay nagiging tulay upang maging mayaman ang bawat mamamayan ng
bansa dahil sa pag-unlad angekonomiya.
C. Ang gawaing pansibiko ay nakatutulong upang magkaroon ng pagkakaabalahan ang mga
mamamayang walang hanap-buhay.
D. Ang mga gawaing pansibiko ay nagsisilbing- daan upang may mga maaasahan ang mga
mamamayang mahihirap at walang hanap-buhay.

4. Pinangunahan ng mga mag-aaral ng Mababang Paaralan ng Don Bosco ang pagsasagawa ng Proper
Waste Segregation Program. Bunga nito nabawasan nang malaki ang basura sa kanilang lugar. Ang
dating tambakan ng basura ay naging malinis. Ang mga mamamayan ay nagkaroon din ng
pagkakakitaan dahil sa basurang kanilang ni-recycle at ibinibenta.
Paano nito ipinapakita ang kahalagahan ng gawaing pansibiko sa bawat mamamayan?
A. Naging masipag ang mga taong walang trabaho at laging umaasa sa ayuda ng gobyerno.
B. Nagkaroon ng pagkakaabalahan at pagkakakitaan ang mga mamamayan sa kanilang lugar.
C. Naging matiwasay at maunlad ang buhay ng mga mamamayang nakatira sa kanilanglugar.
D. Nagkaroon ng bukas na puso upang magtulungan at pagkakaisa ang bawat mamamayang
makibahagi sa pagpapatupad ng programa na inilunsad sa kanilang lugar.

5. Alin- alin kaya sa mga sumusunod ang mangyayari sa ating bansa kung makikiisa sa
gawaing pansibiko ang mga mamamayan nito?

3│
I. Magiging maunlad at maayos ang buong bansa.
II. Maraming projekto at programa ang maisasakatuparan.
III. Magiging mayaman ang mga mamamayang nakatira sa atingbansa.
IV. Magiging limitado ang oras ng bawat tao sa kanilang sariling tahanan.
A. I at II
B. I, I, at III
C. I, II, at IV
D. Lahat ng nabanggit

Likhain Natin
LAYUNIN Makagawa ng simpleng imbitasyon sa pamamagitan ng poster para sa
mga batang tulad mo upang makalahok sa clean up drive ng inyong lugar.

GAMPANIN Maging Malikhaing Pintor

MGA Mga mag-aaral sa Ika-Apat na baitang, guro at kapamilya (gamit
MANUNUOD ang class group chat sa FB Messenger)
SITWASYON Maaring sitwasyon sa lugar kung saan nagpapakita ng pagtutulungan/
damayan, at pakikiisa.
PRODUKTO Makagawa ng isang poster na nagpapakita ng pakikilahok sa
paglilinis ng kapaligiran bilang gawaing pansibiko.
PAMANTAYAN Gagamitin ang rubrik sa ibaba bilang pamantayan sa natapos mong
Gawain.

Upang matulungan ka sa paggawa ng gawaing ito, maaari mong gamitin ang mga katanungan sa ibaba bilang

5- Napakahusay 3- Mahusay 1- Katamtaman

Pamantayan Napakahusay Mahusay (3 puntos) Kailaangan pa ng
(5 puntos) dagdag na
pagsasanay(1puntos)

Nilalaman Napakalinaw ng Malinaw ang Hindi malinaw ang

mensaheng nais mensaheng nais nais mensaheng nais
iparating ng poster iparating ng poster iparating ng poster.

Pagkamalikhain May angkop at kawili- May mga guhit ngunit Hindi angkop ang mga
wiling larawang na mayroong hindi angkop larawang iginuhit.
ipinakita sa poster. sa hinihinging poster.

Kabuuang Puntos

4│