Republic of the Philippines

DEPARTMENT OF EDUCATION
Region I
Division of Ilocos Sur

MOTHER TONGUE 1
PAULO TI LEKSION:

Panangiyam-ammo Ti Bagi Ken

Panagistoria Ti Bukod a Kapadasan

KUARTER: 1 MELC NO: 1

Most Essential Learning Competency (MELC)
Talk about oneself and one’s personal experiences using
appropriate expressions (family, pet, favorite food, personal
experiences (friends, favorite toys, etc.)

(MT1OL – Ia-i-1.1)
Manursuro – Nagsurat: ERMILYN C. ALBANO, MT-1
Pagadalan: DEAN LEOPOLDO YABES MEMORIAL E/S

Manursuro – Nangiladawan: EMILY D. AGLIAM

Pagadalan: Binacud Integrated School
Distrito: SINAIT

KUARTER 1

1
 Self Learning Kit (MELC #) 1

PANGLUKAT A MENSAHE

Daytoy a self learning kit (SLK) ket naaramid para kadagiti

agbasbasa iti Umuna a Tukad nangnangruna iti asignatura a Mother
Tongue. Sakupenna laeng daytoy ti umuna a kuarter. Basaen ken
anagen a naimbag ti linaonna. Kalpasanna, sungbatan dagiti
saludsod a maited. Kitaen ken pagkumparaen a naimbag dagiti
sungbatmo kadagiti maited a husto a sungbat. Isurat ti sungbat iti
kuaderno ti Mother Tongue. Agbalinka koma a napudno ken saanmo a
kitkitaen ti husto a sungbat sakbay nga isuratmo dagiti sungbatmo.
Manamnama ngarud a dakkel ti maitulongna iti pagsayaatam
nangnangruna no awan ti mangisuro iti uneg ti siled pagadalan.
No adda saan a maawatan kadagiti pagannurotan a nailanad ket
damagen a nasayaat kada nanang/tatang. Pagtalinaeden a nadalus
daytoy SLK ken saan a sursuratan.
Ayaten ken ipasnekmo koma ti inka panagadal!

ABILIDAD A SURSURUEN

Kamauddiananna, manamnama a sika ket:

Cognitive: Maiyam-ammo ti bukod a bagi;
Affective: Maistoria a sipupudno dagiti bukod a padas
ken kaay-ayo;
Psychomotor: Maisurat ti nagan ken maidrowing ti
bukod a bagi ken nagannak.
2
 LEKSION

LAGIPEN /PANGGUYUGOY

Sungbatan iti pabalikas dagiti sumaganad:

1. Ania ti naganmo?
2. Mano ti tawenmo?
3. Sadino ti pagnanaedam?
4. Ania ti nagan ni tatangmo?
5. Ania ti nagan ni nanangmo?

ABABA A PANANGDISKUTIR

Komusta? Napaut ti bakasiontayo ket ammok nga adu

dagitay padas a saanmo a malipatan. Mabalin nga adu ti
nasursurom kada nanang ken tatangmo bayat ti panagnaedmo
iti uneg ti balayyo gapuanan ti pandemia a COVID-19.
Ammom kadin nga ibaga ti nagan ken pagnanaedam? Kasta
metten ti nagan da tatang ken 3nanangmo?

Ti maysa nga ubing ket masapul nga ammona nga ibaga ti

 naganna ken sadino ti pagnanaedanna. Rumbeng a masursurona

LEKSION 1: Panangiyam-ammo ti Bukod a Bagi

4
Siak ni Ben Garcia.
Innem ti tawenko.
Agnaedak idiay Barangay Zapat, Sinait, Ilocos Sur.

5
 Siak ni Ela Rabanal.
Pito ti tawenko.
Agnaedak idiay Barangay Pug-os, Sinait, Ilocos Sur.

Ania ti makitam iti ladawan? Adda iti ladawan

ti maysa nga ubing a lalaki ken maysa nga ubing a
babai. Agpada dagitoy nga adda iti umuna a tukad.
Ammodan nga ibaga ti nagan, tawen ken
pagnanaedanda. Sika, kabaelam kadin nga ibaga ti
nagan, tawen, ken pagnanaedam? Kabaelam ngatan
nga isurat ti naganmo?

PAGSANAYAN/AKTIBIDAD
Aramiden I.

6
Pagannurotan: Isurat iti maminlima a daras ti nagan iti kuaderno ti
Mother Tongue.
________________________________________________________
________________________________________________________
________________________________________________________
________________________________________________________
________________________________________________________
________________________________________________________
________________________________________________________
________________________________________________________
________________________________________________________
________________________________________________________
________________________________________________________

Aramiden 2.
Pagannurotan: Idrowing ti kabukbukodan a bagi a kadua da tatang
ken nanang. Kalpasanna, kumpletuen dagiti patang a makita iti baba.

7
Usaren ti kuaderno iti Mother Tongue. Mabalin a pagibasaran ti
drowing a makita.

Siak ni _________________________________________________.

Tatangko ni ___________________________________________.

Nanangko ni _________________________________________.

Agnanaed kami iti Barangay ___________________________.

LEKSION 2. KABUKBUKODAN A PAGGAAYAT

8
 Daytoy ni Ela. Makita dagiti paboritona a
bado, ay-ayam ken sapatos. Ti kaykayatan ni
Ela nga isuot ket palda ken bestida. Ti met
paboritona nga ay-ayam ket teddy bear.
Magusgustuanna met nga usaren ti sapatos nga
addaan iti maris a nalabaga. Sika, ania met
dagiti paboritom a gamit? Kabaelam ngata met
nga idrowing?

Aramiden 1.

Pagannurotan: Ibasar ti sungbat iti ladawan a makita iti baba.

9
 Ana

Saludsod: (Idrowing dagiti sungbat)

1. Ania ti paborito ni Ana a makan?
2. Ania ti paborito ni Ana nga ay-ayam?
3. Ania ti paborito ni Ana a taraken?
4. Ania ti paborito ni Ana nga aruaten?
Aramiden 2.
Pagannurotan: Idrowing ti kabukbukodan a paborito nga aruaten.
Marisan daytoy.

PANANGRAGUP
10
 Ti panangibaga ti bukod a nagan, pagnanaedan ken
nagan dagiti nagannak ket masapul a masursuro ken
ammo ti maysa nga ubing a kas kenka. Uray sadino a
lugar ti papanam, saanka a mapukaw no la ketdi
ammom nga ibaga dagiti impormasion maipanggep
kenka.

Makaay-ayo pay ti maysa nga ubing a

dengdenggen no ammona ti agistoria kadagiti
inaldaw-aldaw a padasna. Kasta met kadagiti paborito
a makmakan, taraken ken ay-ayam.

PANANGIYAPLIKAR

Sungbatan iti pabalikas:

Siak ni _________________________.
Agnanaedak iti _______________________.
Ti tatangko ko ket ni __________________.
Ti nanangko ko ket ni _________________.
PANANGRUKOD/ PANAGTASAR

A. Pagannurotan: Pilien ti letra ti husto a sungbat.

1. Ania iti naganmo?

11
A. Agnanaedak iti Barangay __________________.

B. Siak ni ________________________________.

C. _________ti tawenko.

2. Tagaano ka?

A. Agnanaedak iti Barangay _________________.

B. Ti nagan ni nanangko ket ______________.

C. Pito ti tawenko.

3. Ania ti nagan ni tatangmo?

A. Ti nanangko ket ni _______________________________.

B. Ti tatangko ket ni _______________________________.

C. Ti naganko ket __________________________________.

4. Mano ti tawenmo

A. Innem ti tawenko.

B. Ti naganko ket _______________________________.

C. Ti nagan ti nanangko ket ___________________________.

5. Ania ti paboritom a makmakan?

A. Kaay-ayok a taraken ti aso.

B. Kaay-ayok nga ay-ayam ti munieka.

C. Kaay-ayok a kanen ti mangga.

12
B. Pagannurotan: Denggen ti maibasa nga ababa nga istoria.
Kalpasanna, sungbatan dagiti saludsod.

Ni Rosa a Nasingpet
Ni: Ermilyn C. Albano

Manmano a mangan iti kendi ni Rosa ta ammona a makaperdi

daytoy iti ngipenna. Iti tawenna nga innem, nagpipintas dagiti
ngipenna. Paboritona a meriendaen ti nalingta a saba ken uminom iti
kalamansi juice. Gapu iti daytoy a galadna, saan nga agsaksakit ni
Rosa ken nalaing isuna iti pagadalanda. Kaay-ayo pay isuna ni nanang
ken tatangna. Kas pammadayaw kenni Rosa, sinagutan ni nanangna iti
paboritona a bestida.

Napalaus ti ragsak ni Rosa a nakakita iti naited kenkuana a

bestida.

Saludsod

1. Ania ti nagan ti ubing iti istoria?

2. Mano ti tawen ni Rosa?

3. Ania ti paboritona a kankanen? Idrowing daytoy.

4. Idrowing ti paborito ni Rosa nga in-inumen.

5. Ania ti naisagut kenni Rosa? Idrowing daytoy.

13
 Pagibasaran iti Puntos Puntos
Addaan masteri, nadalus ken nasayaat ti pannakasurat ken 5
panagmaris kadagiti naidrowing
Addaan sumagmamano a panaglabes iti linya ken saan a 4
maitutop a maris kadagiti ladawan
Addaan sumagmamano a panaglabes iti linya, saan a 3
maitutop a maris kadagiti ladawan, ken addaan ti marka ti
panagbura.

REPERENSIA / NAGIBASARAN

Mother Tongue-Based Multilingual Education. Kagamitan ng Guro

Ilokano.

Ortograpia ti Pagsasao nga Ilokano.

Curriculum Implementation and Learning Management Matrix in

Mother Tongue.

BASA Pilipinas Teachers Guide.

14
https://www.google.com/search?
q=picture+of+pansit&tbm=isch&source=iu&ictx=1&fir=R_tHQV92PsNgDM
%252C_s4uRPjUAdsohM%252C_&vet=1&usg=AI4_-

https://www.google.com/search?
q=picture+of+a+dog&tbm=isch&source=iu&ictx=1&fir=UqXDKt1BAtZPGM%252CYFu-
oWduMmqK_M%252C_&vet=1&usg=AI4_-

https://www.google.com/search?
q=picture+of+a+doll+clipart&tbm=isch&ved=2ahUKEwiB4uaj-
d_qAhUGvZQKHaE5AhcQ2-

https://www.google.com/search?q=picture+of+a+skirt&tbm=isch&ved=2ahUKEwiG3ZLy-
d_qAhUQD6YKHZJvA9cQ2-

DAGITI SUNGBAT

LEKSION 1
ARAMIDEN 1 p.7
Panagsurat iti bukod a nagan
ARAMIDEN 2 p.8
Ikkan ti puntos amin a langa ken impormasion a maited panggep iti
bukod a bagi.

15
LEKSION 2 ARAMIDEN 1 p.10
1. pansit (maidrowing)
2. munmunieka (maidrowing)
3. aso (maidrowing)
4. palda (maidrowing)
ARAMIDEN 2. pp.11
Puntosan ti drowing a maipresentar panggep iti paborito nga aruaten
PANANGRUKOD p.12
A. 1. B1. Rosa
2. A 2. Innem/6
3. B 3. Naidrowing a saba
4. A 4. Naidrowing a kalamansi juice
5. C 5. Drowing ti bestida

16