HELL SCENE
Pero bakit di mo sinabi sa
All: Bakit? Bakit? Bakit paghihirap ang aking dinaranas,
uod na umuubos sa aking mga laman ang aking
nakakasama. Init ng apoy, init ng apoy ang dumadampi
sa aking mga balat, isang sitwasyon sa aking buhay na
hindi lalagpas. Pagsisisi, pagsisisi, pagsisisi ngayon ang
aking nararamdaman, dahil minsan mo na akong
binahaginan, ngunit hindi kita pinakinggan. Ngayon,
ika’y nasa langit, ngunit ako ngayo’y puno ng pasakit.
ABORTIONIST: Sila na walang mga malay ang aking mga
biktima. Mga anghel na nasa sinapupunan pa lamang ay
hinatulan ko na ng kamatayan. Ako’y aborsyonista, isang
makasalanan, isang mamamatay tao. Sana noon pa
lamang ay nalaman ko na ang aking kamalian, sana noon
pa lang ay nakilala ko na ang Panginoon at tinanggap ko
ang kaligtasan. Subalit huli na ang lahat. Dinaranas ko
na ngayon ang aking parusa. Dinaranas ko na ngayon
ang habang buhay na kamatayan dito sa impiyerno.
(sigaw)
WORKAHOLIC: (Sigaw) Wala naman akong ibang inisip
kundi makatulong sa aking pamilya. Nagtrabaho lang
naman ako para sa kanila. Masama ba yun? Wala naman
akong ibang inisip kundi ang kapanan ng iba. Pero bakit
ako ngayo’y nakakatangap ng ganitong klaseng parusa.
Oo, minsan na akong nabahaginan ng salita ng Diyos,
pero hindi ko ito pinakinggan, sapagkat akala ko’y sapat
na ang mga ginagawa kong kabutihan para hindi ako
malagay sa impiyernong kinalalagyan ko. Puno ng sakit,
puno ng dusa, (sigaw)
ADULTERER: Oo, oo naging kabit ako. Sumama ako sa
lalaking may sarili nang pamilya. Sinira ko sila, sinira ko
ang kinabukasan ng mga anak niya. At ngayon ako’y
nagdurusa, pinaparusahan sa napakainit na lugar na ito.
Kung alam ko lang Panginoon, kung alam ko lang na ito
ang kapalit ng lahat ng pagkakamali ko, hindi ko na sana
ginawa. Ayoko na dito, ayoko na!...(sigaw)
GAY: Bakla! Oo bakla ako!
akin na sumpa pala ang maging katulad ko. Na
impiyerno ang katapat ng lahat ng ginagawa ko. Kung
alam ko lang na dito ako mapupunta, matagal na akong
nagbago at nagsimula ng tama. Pero huli na ang lahat,
ngayon ako’y nandirito at nagdurusa. Magsisi man ako’y
huli na. Umasa man ako’y tapos na. Wala na akong
magagawa.
POLITICIAN: Bakit? Bakit ako nandito? Masama ba yung
ginawa ko? Inuna ko kayo. Inuna ko kayo kaysa sa aking
sarili. Pinaglingkuran, binigyan ng oras, lakas at
pananalapi upang umunlad ang inyong buhay. Pero bakit
ako nandito ngayon? (sigaw) Panginoon, patawarin mo
ako. Dapat pala kayo ang aking inuna, dapat pala kayo
ang aking pinaglingkuran. Pero huli na ang lahat, habang
buhay na ako ditto sa impiyerno.
STUDENT: Isa akong estudyante, estudyanteng nag-aaral
ng nag-aral at nagpakarunong sa maraming bagay.
Nagbasa ng samu’t saring mga libro. Subalit nakalimutan
ko ang karunungan na patungkol kay Kristo! Ang inakala
kong nalalaman ko ay sapat na, Ngunit kulang pa pala!
Ngayon ang lahat ng aking mga nalalaman ay hindi man
lang ako magawang mailigtas sa impiyerno na aking
kinalalagyan! Sana nakilala ko na si Hesus. Sana wala
ako ditto! Sana nasa langit ako at wala ditto sa
impiyerno!
ROCK SINGER: Anong nangyayaring kaguluhan dito? At
bakit tila sumisikip ang aking dibdib sa init na aking
nararamdaman. Sari-saring ingay, iba’t ibang klaseng
bibig na tila isang musika na walang ibang maidudulot
kundi sakit! (sigaw) Binging-bingi na ako! Bakit?
All: Bakit? Bakit? Bakit paghihirap ang aking dinaranas,
uod na umuubos sa aking mga laman ang aking
nakakasama. Init ng apoy, init ng apoy ang dumadampi
sa aking mga balat, isang sitwasyon sa aking buhay na
hindi lalagpas. Pagsisisi, pagsisisi, pagsisisi ngayon ang
aking nararamdaman, dahil minsan mo na akong
binahaginan, ngunit hindi kita pinakinggan. Ngayon,
ika’y nasa langit, ngunit ako ngayo’y puno ng pasakit.