Professional Documents
Culture Documents
Kuya Soju - The Used
Kuya Soju - The Used
by Kuya_Soju
=================
The Used
written by Soju
"When you lost your faith in God, EVIL will gets inside you and will USE you." -
Unknown
"Huwag mong babasahin ang hindi mo naiintindihan." -Bob Ong (Ang Mga Kaibigan ni
Mama Susan)
----------------------------------------------------------------------
Iyon agad ang nasabi ni Soju pagkatapos niyang patayin ang makina ng van na
sinakyan nila papunta sa masukal na kakahuyang iyon. Napagkatuwaan kasi nilang apat
na magkakaibigan na mag-camping for one week. Bonding na rin na kakaiba para sa
kanila iyon dahil sabay-sabay silang nag- end of contract sa pinapasukang opisina.
Nagkatawanan ang grupo pero natigilan silang lahat ng biglang may malakas na
kumalabog sa loob ng bahay.
"Ano iyon? May tao ba sa loob ng cabin?" Tanong ni Sed kay Soju.
"Wala. Ang alam ko ay walang masyadong nakakaalam ng cabin na ito. At wala rin ng
tao na nagpupunta dito." Nagtataka ring sagot ni Soju.
"Anong wala? Ano iyong ingay na narinig natin sa loob?" Giit ni Glaiza.
"OK. OK. Papasok na ako sa loob para matigil na kayo!" Pumasok na nga si SOju sa
loob pero wala naman siyang nakita. Pumasok na rin sina Sheena, Glaiza at Sed.
"See? Walang tao. And besides, pumunta na rin ako dito kahapon to check this cabin.
Naglinis na rin ako kasi nahihiya ako sa inyo." Turan ni Soju.
At maya-maya ay inayos na nila ang kanilang mga gamit. Matapos iyon ay naglakad-
lakad ang apat sa kakahuyan at labis silang namangha ng makakita sila ng isang sapa
sa gitna ng kakahuyan.
"Ano kaya kung mag-barbecue and swimming tayo dito mamayang gabi?" suhestiyon ni
Sed.
"Good idea!"
-------------------------------------------------
"Shit! Nakalimutan ko iyong towel sa cabin!" ani Sheena. "I have to go back there."
Walang sumagot.
Pinagpatuloy niya ang pagahahanap ng tuwalya nang marinig na naman niya ang
mahinang paghingal. Tila nanggagaling iyon sa nag-iisang kwarto sa itaas ng cabin.
Hindi niya alam pero naisipan niyang umakyat sa itaas. Pinasok ni Sheena ang nag-
iisang kwarto roon. Wala siyang nakitang tao. Lalabas na sana siya ng naturang
kwarto ng may napansin siyang baul na nakapatong sa maliit na lamesa. Nilapitan
niya iyon at binuksan ang baul.
Tanging isang maliit na papel lamang ang nakita niya. Halos kulay brown na iyon sa
sobrang luma.
May nakasulat roon at hindi niya napigilan ang sarili na basahin iyon...
Iyon ang mga katagang nabasa ni Sheena sa kapirasong papel na iyon. Nangunit ang
kanyang noo dahil hindi naman niya naintindihan ang kanyang binasa. Ibinalik na
lang niya iyon sa baul. Papalabas na sana siya sa kwartong iyon ng may tila malakas
na hangin na humampas sa kanyang mukha. Napaatras siya...
--------------------------------------------------
"BAKIT ang tagal naman yatang bumalik ni Sheena?" Tanong ni Soju sa dalawa pa
niyang kasama.
Nagkibit-balikat lang si Glaiza. "I don't know. Ang alam ko ay kukuha lang siya ng
towel..."
Pero huli na ang lahat dahil tatayo pa lamang sana si Glaiza ng bigla siyang
sunggaban ni Sheena sa leeg at kagatin iyon. "Ahhhhhhh!!!" Malakas na sigaw ni
Glaiza ng mapuknat ang kanyang balat sa leeg.
Hindi na nag-isip pa sina Soju at Sed. Hinila na nila si Glaiza at nagtatakbo sila
palabas ng cabin. Umiiyak sa sakit si Glaiza. Nang makalayo na sila ay pinunit ni
soju ang kanyang damit at itinali sa leeg ng nasugatang si Glaiza upang kahit
papaano ay maampat ang pagdurugo noon.
"Anong nagyari kay Sheena? Bakit siya nagkaganon?" Umiiyak pa rin na tanong ni
Glaiza.
"P-para siyang nasapian ng demonyo!" Kapwa napatingin sina Glaiza at Sed kay Soju
sa sinabi nito.
Napatingin muna sa malayo si Soju bago ito sumagot. "Dating ispiritista ang lola ko
na nakatira sa cabin na iyon. Dinadayo siya ng mga tao dahil sa angkin niyang
galing sa pagpapaalis ng masasamang espiritu sa katawan ng isang tao. Hanggang sa
isang pasyente ang halos sukuan ng lola ko noon...Masyadong malakas ang demonyong
sumapi sa batang iyon at ang buong akala ng lola ko ay hindi na niya mapapalayas
ang demonyo. Napalayas niya ang demonyo sa katawan ng bata pero nanatili ito sa
cabin. Kaya ang ginawa ng lola ko ay ikinulong niya doon sa basement ang demonyo!"
"Pero kung ikinulong na ng lola mo ang demonyo sa basement, bakit nakawala ito at
sumapi pa kay Sheena?" tanong ni Sed.
"Ngayon? Sa tingin mo makakaalis tayo ngayon? Mahirap magdrive kapag gabi. Sa cabin
mas ligtas tayo! At hindi ako papayag na hindi natin maikulong ang demonyong iyon."
Sumabat na si Sed. "Tama si Soju, Glaiza. Saka matitiis ba nating iwanan si Sheena
sa ganoong kalagayan? Ano na lang ang sasabihin natin sa family niya?"
Natigilan saglit si Glaiza. "S-sige na. Pero papaano kung nandoon pa rin si
Sheena?"
"That'll be good kasi maaari nating mapaalis kay Sheena ang demonyo."
-------------------------------------------------------
"Kumuha ka ng tali! Bilis!" pasigaw na utos ni Soju kay Glaiza. Hindi malaman ni
Glaiza kung saan kukuha ng tali kaya ang ginawa niya ay hinugot na lang niya sa
saksakan ang isang extension cord at iyon ang itinali nila kay Sheena.
Napansin ni Soju na parang nanghihina si Glaiza. Nang damhin niya ang noo at leeg
nito ay nagulat siya dahil sobrang init nito. "Ang mabuti pa kaya ay samahan na
kita sa itaas para makapagpahinga ka Glaiza," ani Soju.
"Mabuti pa nga," pagsang-ayon ni Sed. "Dito muna ako sa ibaba para bantayan si
Sheena."
Ilang oras pa ang lumipas at biglang tinamaan na ng antok si Sed. Pero naisip niya
na hindi siya pwedeng matulog dahil kailangan niyang bantayan si Sheena. Ganunpaman
ay napapikit pa rin siya at pag mulat niya ay nakita niyang bumalik na sa dati
nitong hitsura si Sheena. Normal na ulit ito.
"Oo Sheena. Papakawalan na kita! Salamat naman at nilisan na ng demonyo ang katawan
mo..."
Pumwesto si Sed sa likuran ni Sheena upang alisin ang pagkakatali nito. May katapat
na salamin na nasa dingding si Sheena at di-sinasadyang napatingin doon si Sed.
Kitang-kita niya kung paano naging nakakatakot muli ang hitsura ni Sheena! May
malapad itong ngiti sa labi nito.
Napailing siya. Imbes na tanggalin ang tali ay mas lalo pa niya iyong hinigpitan.
"Demonyo ka! Niloloko mo ako!" sigaw ni Sed at bumalik siyang muli sa kanyang
kinauupuan.
Labis ang takot na naramdaman ni Sed. Gumapang palabas ng kabahayan ang mga ipis
habang ang iba ay lumipad papalabas ng bintana. Ilang sandali pa ay nawalan na ng
malay si Sheena...
-----------------------------------------------------
"NILALAMIG ka pa ba?" nag-aalalang tanong ni Soju kay Glaiza. Kitang-kita niya ang
panginginig ng katawan nito.
-----------------------------------------------------------
NAPAPITLAG si Sed ng biglang gumalaw ang ulo ni Sheena. Dahan-dahan itong tumingin
sa kanya. "S-sed..." tawag nito sa kanya.
Mabilis na nilapitan ni Sed si Sheena at mariing pinisil ang mukha nito. "Hindi mo
na ako malolokong demonyo ka! Lumabas ka sa katawan ng kaibigan ko!"
---------------------------------------------------
Paano ba niya ipapaliwanag dito na wala na talaga sa kanya ang demonyo? Biglang
nanlaki ang mga mata ni Sheena ng mula sa likod ni Sed ay nakita niya si Glaiza na
papalapit. Nakakatakot ang hitsura nito na parang isang demonyo! Maputla na ang
balat nito at nanlilisik ang mga mata. Nagnanaknak na rin ang sugat nito sa leeg.
May hawak din itong matalim na kutsilyo.
"Hindi ako si Glaiza!" sigaw nito sabay saksak ng kutsilyo sa kanyang leeg. "Ako
ang demonyo!" Makailang ulit na pinagsasaksak ni Glaiza si Sheena hanggang sa
mapatay na niya ito...
----------------------------------------------------------
BANG!
Sapol sa ulo si Glaiza ng barilin ito ni Soju. Sumabog ang utak nito sa sahig sa
lakas ng tama ng baril. Dilat ang mga mata at hindi na humihinga si Glaiza ng
bumagsak ito sa sahig.
Napangisi si Soju.
Kahapon ay pinuntahan niya ang cabin at may nakita siyang sulat...Binasa niya iyon
at napakawalan niya ang dalawang demonyong nakakulong sa basement. Sumapi ang isa
sa kanya dahil sa wala na siyang pananampalataya sa Panginoon.
Wala ng lakas si Soju na tumutol dahil hindi na siya ang gumagamit ng kanyang
katawan.
Dahil isang demonyo na ang nakapasok sa kanya. Demonyo na ang gumagamit nito!
-------------------------------------------------------
Bumaba na sina Tinay, Sam, Kei, Rima at Soju sa van na sinakyan nila papunta sa
cabin na iyon.
"I am sure, mag-eenjoy kayo dito..." at sumilay ang isang mala-demonyong ngiti kay
Soju.
WAKAS!