ശ്രീലലിതാ പ്രാതഃസ്തോത്രപഞ്ചകം

പ്രാതഃ സ്മരാമി ലലിതാവദനാരവിന്ദം ബിംബാധരം

പൃഥുലമൗക്തികശോഭിനാസം .
ആകർണദീർഘനയനം മണികുണ്ഡലാഢ്യം മന്ദസ്മിതം
മൃഗമദോജ്ജ്വലഭാലദേശം .. 1..

പ്രാതർഭജാമി ലലിതാഭുജകല്പവല്ലീം
രത്നാംഗുളീയലസദംഗുലിപല്ലവാഢ്യാം .
മാണിക്യഹേമവലയാംഗദശോഭമാനാം
പുണ്ഡ്രേക്ഷുചാപകുസുമേഷുസൃണീഃദധാനാം .. 2..

പ്രാതർനമാമി ലലിതാചരണാരവിന്ദം ഭക്തേഷ്ടദാനനിരതം

ഭവസിന്ധുപോതം .
പദ്മാസനാദിസുരനായകപൂജനീയം
പദ്മാങ്കുശധ്വജസുദർശനലാഞ്ഛനാഢ്യം .. 3..

പ്രാതഃ സ്തുവേ പരശിവാം ലലിതാം ഭവാനീം

ത്രയ്യന്തവേദ്യവിഭവാം കരുണാനവദ്യാം .
വിശ്വസ്യ സൃഷ്ടിവിലയസ്ഥിതിഹേതുഭൂതാം വിശ്വേശ്വരീം
നിഗമവാങ്-മനസാതിദൂരാം .. 4..
പ്രാതർവദാമി ലലിതേ തവ പുണ്യനാമ കാമേശ്വരീതി കമലേതി
മഹേശ്വരീതി .
ശ്രീശാംഭവീതി ജഗതാം ജനനീ പരേതി വാഗ്ദേവതേതി വചസാ
ത്രിപുരേശ്വരീതി .. 5..

യഃ ശ്ലോകപഞ്ചകമിദം ലലിതാംബികായാഃ സൗഭാഗ്യദം സുലലിതം

പഠതി പ്രഭാതേ .
തസ്മൈ ദദാതി ലലിതാ ഝടിതി പ്രസന്നാ വിദ്യാം ശ്രിയം
വിമലസൗഖ്യമനന്തകീർതിം .. 6..

.. ഇതി ശ്രീമച്ഛങ്കരഭഗവതഃ കൃതൗ ലലിതാ പഞ്ചകം സമ്പൂർണം

..
 ശ്രീലലിതാകവചം

. നാരദപുരാണാന്തർഗതേ .

സനത്കുമാര ഉവാച-
അഥ തേ കവചം ദേവ്യാ വക്ഷ്യേ നവരതാത്മകം .
യേന ദേവാസുരനരജയീ സ്യാത്സാധകഃ സദാ .. 1..

സർവതഃ സർവദാഽഽത്മാനം ലലിതാ പാതു സർവഗാ .

കാമേശീ പുരതഃ പാതു ഭഗമാലീ ത്വനന്തരം .. 2..

ദിശം പാതു തഥാ ദക്ഷപാർശ്വം മേ പാതു സർവദാ .

നിത്യക്ലിന്നാഥ ഭേരുണ്ഡാ ദിശം മേ പാതു കൗണപീം .. 3..

തഥൈവ പശ്ചിമം ഭാഗം രക്ഷതാദ്വഹ്നിവാസിനീ .

മഹാവജ്രേശ്വരീ നിത്യാ വായവ്യേ മാം സദാവതു .. 4..

വാമപാർശ്വം സദാ പാതു ഇതീമേലരിതാ തതഃ .

മാഹേശ്വരീ ദിശം പാതു ത്വരിതം സിദ്ധദായിനീ .. 5..

പാതു മാമൂർധ്വതഃ ശശ്വദ്ദേവതാ കുലസുന്ദരീ .

അധോ നീലപതാകാഖ്യാ വിജയാ സർവതശ്ച മാം .. 6..

കരോതു മേ മംഗലാനി സർവദാ സർവമംഗലാ .

ദേഹേന്ദ്രിയമനഃപ്രാണാഞ്ജ്വാലാമാലിനിവിഗ്രഹാ .. 7..
പാലയത്വനിശം ചിത്താ ചിത്തം മേ സർവദാവതു .
കാമാത്ക്രോധാത്തഥാ ലോഭാന്മോഹാന്മാനാന്മദാദപി .. 8..

പാപാന്മാം സർവതഃ ശോകാത്സങ്ക്ഷയാത്സർവതഃ സദാ .

അസത്യാത്ക്രൂരചിന്താതോ ഹിംസാതശ്ചൗരതസ്തഥാ .
സ്തൈമിത്യാച്ച സദാ പാതു പ്രേരയന്ത്യഃ ശുഭം പ്രതി .. 9..

നിത്യാഃ ഷോഡശ മാം പാതു ഗജാരൂഢാഃ സ്വശക്തിഭിഃ .

തഥാ ഹയസമാരൂഢാഃ പാതു മാം സർവതഃ സദാ .. 10..

സിംഹാരൂഢാസ്തഥാ പാതു പാതു ഋക്ഷഗതാ അപി .

രഥാരൂഢാശ്ച മാം പാതു സർവതഃ സർവദാ രണേ .. 11..

താർക്ഷ്യാരൂഢാശ്ച മാം പാതു തഥാ വ്യോമഗതാശ്ച താഃ .

ഭൂതഗാഃ സർവഗാഃ പാതു പാതു ദേവ്യശ്ച സർവദാ .. 12..

ഭൂതപ്രേതപിശാചാശ്ച പരകൃത്യാദികാൻ ഗദാൻ .

ദ്രാവയന്തു സ്വശക്തീനാം ഭൂഷണൈരായുധൈർമമ .. 13..

ഗജാശ്വദ്വീപിപഞ്ചാസ്യതാർക്ഷ്യാരൂഢാഖിലായുധാഃ .
അസംഖ്യാഃ ശക്തയോ ദേവ്യഃ പാതു മാം സർവതഃ സദാ ..

14..

സായം പ്രാതർജപന്നിത്യാകവചം സർവരക്ഷകം .

കദാചിന്നാശുഭം പശ്യേത്സർവദാനന്ദമാസ്ഥിതഃ .. 15..

ഇത്യേതത്കവചം പ്രോക്തം ലലിതായാഃ ശുഭാവഹം .

യസ്യ സന്ധാരണാന്മർത്യോ നിർഭയോ വിജയീ സുഖീ .. 16..

.. ഇതി ശ്രീബൃഹന്നാരദീയപുരാണേ പൂർവഭാഗേ തൃതീയപാദേ

ബൃഹദുപാഖ്യാനേ ശ്രീലലിതാകവചം സമ്പൂർണം .. അധ്യായഃ

89..
 ശ്രീലലിതാ ചതുഃഷഷ്ട്യുപചാരസംഗ്രഹഃ

ഓം ഹൃന്മധ്യനിലയേ ദേവി ലലിതേ പരദേവതേ .

ചതുഷ്ഷഷ്ട്യുപചാരാംസ്തേ ഭക്ത്യാ മാതഃ സമർപയേ .. 1..

കാമേശോത്സംഗനിലയേ പാദ്യം ഗൃഹ്ണീഷ്വ സാദരം .

ഭൂഷണാനി സമുത്താര്യ ഗന്ധതൈലം ച തേഽർപയേ .. 2..

സ്നാനശാലാം പ്രവിശ്യാഽഥ തത്രസ്ഥ മണിപീഠകേ .

ഉപവിശ്യ സുഖേന ത്വം ദേഹോദ്വർതനമാചര .. 3..

ഉഷ്ണോദകേന ലലിതേ സ്നാപയാമ്യഥ ഭക്തിതഃ .

അഭിഷിഞ്ചാമി പശ്ചാത്ത്വാം സൗവർണകലശോദകൈഃ .. 4..

ധൗതവസ്ത്രപ്രോച്ഛനം ചാരക്തക്ഷൗമാംബരം തഥാ .

കുചോത്തരീയമരുണമർപയാമി മഹേശ്വരി .. 5..

തതഃ പ്രവിശ്യ ചാലേപമണ്ടപം പരമേശ്വരി .

ഉപവിശ്യ ച സൗവർണപീഠേ ഗന്ധാന്വിലേപയ .. 6..

കാലഗരുജധൂപൈശ്ച ധൂപയേ കേശപാശകം .

അർപയാമി ച മാല്യാദി സർവർതുകുസുമസ്രജഃ .. 7..

ഭൂഷാമണ്ടപമാവിശ്യ സ്ഥിത്വാ സൗവർണപീഠകേ .

മാണിക്യമുകുടം മൂർധ്നി ദയയാ സ്ഥാപയാംബികേ .. 8..

ശരത്പാർവണചന്ദ്രസ്യ ശകലം തത്ര ശോഭതാം .

സിന്ദൂരേണ ച സീമന്തമലങ്കുരു ദയാനിധേ .. 9..

ഭാലേ ച തിലകം ന്യസ്യ നേത്രയോരഞ്ജനം ശിവേ .

വാലീയുഗളമപ്യംബ ഭക്ത്യാ തേ വിനിവേദയേ .. 10..

മണികുണ്ഡലമപ്യംബ നാസാഭരണമേവ ച .
താടങ്കയുഗളം ദേവി യാവകഞ്ചാധരേഽർപയേ .. 11..

ആദ്യഭൂഷണസൗവർണചിന്താകപദകാനി ച .
മഹാപദകമുക്താവല്യേകാവല്യാദിഭൂഷണം .. 12..

ഛന്നവീരം ഗൃഹാണാംബ കേയൂരയുഗലം തഥാ .

വലയാവലിമംഗുല്യാഭരണം ലലിതാംബികേ .. 13..

ഓഡ്യാണമഥ കട്യന്തേ കടിസൂത്രഞ്ച സുന്ദരി .

സൗഭാഗ്യാഭരണം പാദകടകം നൂപുരദ്വയം .. 14..

അർപയാമി ജഗന്മാതഃ പാദയോശ്ചാംഗുലീയകം .

പാശം വാമോർധ്വഹസ്തേ തേ ദക്ഷഹസ്തേ തഥാങ്കുശം .. 15..

അന്യസ്മിന്വാമഹസ്തേ ച തഥാ പുണ്ഡ്രേക്ഷുചാപകം .

പുഷ്പബാണാംശ്ച ദക്ഷാധഃ പാണൗ ധാരയ സുന്ദരി .. 16..
അർപയാമി ച മാണിക്യപാദുകേ പാദയോഃ ശിവേ .
ആരോഹാവൃതിദേവീഭിഃ ചക്രം പരശിവേ മുദാ .. 17..

സമാനവേഷഭൂഷാഭിഃ സാകം ത്രിപുരസുന്ദരി .

തത്ര കാമേശവാമാങ്കപര്യങ്കോപനിവേശിനീം .. 18..

അമൃതാസവപാനേന മുദിതാം ത്വാം സദാ ഭജേ .

ശുദ്ധേന ഗാംഗതോയേന പുനരാചമനം കുരു .. 19..

കർപൂരവീടികാമാസ്യേ തതോഽംബ വിനിവേശയ .

ആനന്ദോല്ലാസഹാസേന വിലസന്മുഖപങ്കജാം .. 20..

ഭക്തിമത്കല്പലിതികാം കൃതീസ്യാം ത്വാം സ്മരൻ കദാ .

മംഗലാരാർതികം ഛത്രം ചാമരം ദർപണം തഥാ .
താളവൃന്തം ഗന്ധപുഷ്പധൂപദീപാംശ്ച തേഽർപയേ .. 21..

ശ്രീകാമേശ്വരി തപ്തഹാടകകൃതൈഃ സ്ഥാലീസഹസ്രൈർഭൃതം

ദിവ്യാന്നം ഘൃതസൂപശാകഭരിതം ചിത്രാന്നഭേദൈര്യുതം .
ദുഗ്ധാന്നം മധുശർകരാദധിയുതം മാണിക്യപാത്രാർപിതം
മാഷാപൂപകപൂരികാദിസഹിതം നൈവേദ്യമംബാഽർപയേ ..

22..

സാഗ്രവിംശതിപദ്യോക്തചതുഷ്ഷഷ്ട്യുപചാരതഃ .
ഹൃന്മധ്യനിലയാ മാതാ ലലിതാ പരിതുഷ്യതു .. 23..
ശ്രീമുഖാഖ്യസ്യ വർഷസ്യ തുലായാം ശുക്ലപക്ഷകേ .
ചതുർഥ്യാമപരാഹ്ണേ ച ലലിതാർപിതമാനസഃ .. 24..

സാഗ്രവിംശതിപദ്യൈസ്തു ചതുഷ്ഷഷ്ട്യുപചാരകാൻ .
സമഗ്രഹീത്പരാംബായാഃ പ്രീത്യൈ നാരായണോ മുദാ .. 25..

നാരായണഃ ശ്രീപുരുഷോത്തമാത്മജോഽലിഖന്മഹീഷൂരപുരേ
വസൻകൃതീ .
ദേവീസപര്യാമഖിലാഭിലാഷദാം കാമേശവാമാങ്കഗതാ പ്രസീദതു

..

.. ഇതി ശിവം ..
 ശ്രീലലിതാ ത്രിപുരസുന്ദരീ
അപരാധക്ഷമാപണസ്തോത്രം

ഓം കഞ്ജമനോഹര പാദചലന്മണി നൂപുരഹംസ വിരാജിതേ

കഞ്ജഭവാദി സുരൗഘപരിഷ്ടുത ലോകവിസൃത്വര
വൈഭവേ .
മഞ്ജുളവാങ്മയ നിർജിതകീര കുലേചലരാജ സുകന്യകേ
പാലയ ഹേ ലലിതാപരമേശ്വരി മാമപരാധിനമംബികേ ..

1..

ഏണധരോജ്വല ഫാലതലോല്ലസ ദൈണമദാങ്ക സമന്വിതേ

ശോണപരാഗ വിചിത്രിത കന്ദുക സുന്ദരസുസ്തന ശോഭിതേ

.
നീലപയോധര കാലസുകുന്തല നിർജിതഭൃംഗ കദംബകേ
പാലയ ഹേ ലലിതാപരമേശ്വരി മാമപരാധിനമംബികേ ..

2..

ഈതിവിനാശിനി ഭീതി നിവാരിണി ദാനവഹന്ത്രി ദയാപരേ

ശീതകരാങ്കിത രത്നവിഭൂഷിത ഹേമകിരീട സമന്വിതേ .
ദീപ്തതരായുധ ഭണ്ഡമഹാസുര ഗർവ നിഹന്ത്രി പുരാംബികേ
 പാലയ ഹേ ലലിതാപരമേശ്വരി മാമപരാധിനമംബികേ ..

3..

ലബ്ധവരേണ ജഗത്രയമോഹന ദക്ഷലതാന്ത മഹേഷുണാ

ലബ്ധമനോഹര സാലവിഷണ്ണ സുദേഹഭുവാപരി പൂജിതേ .
ലംഘിതശാസന ദാനവ നാശന ദക്ഷമഹായുധ രാജിതേ
പാലയ ഹേ ലലിതാപരമേശ്വരി മാമപരാധിനമംബികേ ..

4..

ഹ്രീമ്പദ ഭൂഷിത പഞ്ചദശാക്ഷര ഷോഡശവർണ സുദേവതേ

ഹ്രീമതിഹാദി മഹാമനുമന്ദിര രത്നവിനിർമിത ദീപികേ .
ഹസ്തിവരാനന ദർശിതയുദ്ധ സമാദര സാഹസതോഷിതേ
പാലയ ഹേ ലലിതാപരമേശ്വരി മാമപരാധിനമംബികേ ..

5..

ഹസ്തലസന്നവ പുഷ്പസരേക്ഷു ശരാസന പാശമഹാങ്കുശേ

ഹര്യജശംഭു മഹേശ്വര പാദ ചതുഷ്ടയ മഞ്ച നിവാസിനി .
ഹംസപദാർഥ മഹേശ്വരി യോഗി സമൂഹസമാദൃത വൈഭവേ
പാലയ ഹേ ലലിതാപരമേശ്വരി മാമപരാധിനമംബികേ ..

6..

സർവജഗത്കരണാവന നാശന കർത്രി കപാലി മനോഹരേ

സ്വച്ഛമൃണാല മരാലതുഷാര സമാനസുഹാര വിഭൂഷിതേ .
സജ്ജനചിത്ത വിഹാരിണി ശങ്കരി ദുർജന നാശന തത്പരേ
 പാലയ ഹേ ലലിതാപരമേശ്വരി മാമപരാധിനമംബികേ ..

7..

കഞ്ജദളാക്ഷി നിരഞ്ജനി കുഞ്ജര ഗാമിനി മഞ്ജുള ഭാഷിതേ

കുങ്കുമപങ്ക വിലേപന ശോഭിത ദേഹലതേ ത്രിപുരേശ്വരി .
ദിവ്യമതംഗ സുതാധൃതരാജ്യ ഭരേ കരുണാരസ വാരിധേ
പാലയ ഹേ ലലിതാപരമേശ്വരി മാമപരാധിനമംബികേ ..

8..

ഹല്ലകചമ്പക പങ്കജകേതക പുഷ്പസുഗന്ധിത കുന്തലേ

ഹാടക ഭൂധര ശൃംഗവിനിർമിത സുന്ദര മന്ദിരവാസിനി .
ഹസ്തിമുഖാംബ വരാഹമുഖീധൃത സൈന്യഭരേ ഗിരികന്യകേ
പാലയ ഹേ ലലിതാപരമേശ്വരി മാമപരാധിനമംബികേ ..

9..

ലക്ഷ്മണസോദര സാദര പൂജിത പാദയുഗേ വരദേശിവേ

ലോഹമയാദി ബഹൂന്നത സാല നിഷണ്ണ ബുധേശ്വര
സമ്യുതേ .
ലോലമദാലസ ലോചന നിർജിത നീലസരോജ സുമാലികേ
പാലയ ഹേ ലലിതാപരമേശ്വരി മാമപരാധിനമംബികേ ..

10..

ഹ്രീമിതിമന്ത്ര മഹാജപ സുസ്ഥിര സാധകമാനസ ഹംസികേ

ഹ്രീമ്പദ ശീതകരാനന ശോഭിത ഹേമലതേ വസുഭാസ്വരേ .
ഹാർദതമോഗുണ നാശിനി പാശ വിമോചനി മോക്ഷസുഖപ്രദേ
 പാലയ ഹേ ലലിതാപരമേശ്വരി മാമപരാധിനമംബികേ ..

11..

സച്ചിദഭേദ സുഖാമൃതവർഷിണി തത്വമസീതി സദാദൃതേ

സദ്ഗുണശാലിനി സാധുസമർചിത പാദയുഗേ പരശാംബവി

.
സർവജഗത് പരിപാലന ദീക്ഷിത ബാഹുലതായുഗ ശോഭിതേ
പാലയ ഹേ ലലിതാപരമേശ്വരി മാമപരാധിനമംബികേ ..

12..

കംബുഗളേ വര കുന്ദരദേ രസ രഞ്ജിതപാദ സരോരുഹേ

കാമമഹേശ്വര കാമിനി കോമല കോകില ഭാഷിണി
ഭൈരവി .
ചിന്തിതസർവ മനോഹര പൂരണ കല്പലതേ കരുണാർണവേ
പാലയ ഹേ ലലിതാപരമേശ്വരി മാമപരാധിനമംബികേ ..

13..

ലസ്തകശോഭി കരോജ്വല കങ്കണകാന്തി സുദീപിത ദിങ്മുഖേ

ശസ്തതര ത്രിദശാലയ കാര്യ സമാദൃത ദിവ്യതനുജ്വലേ .
കശ്ചതുരോഭുവി ദേവിപുരേശി ഭവാനി തവസ്തവനേ ഭവേത്
പാലയ ഹേ ലലിതാപരമേശ്വരി മാമപരാധിനമംബികേ ..

14..

ഹ്രീമ്പദലാഞ്ചിത മന്ത്രപയോദധി മന്ഥനജാത പരാമൃതേ

ഹവ്യവഹാനില ഭൂയജമാനക ഖേന്ദു ദിവാകരരൂപിണി .
ഹര്യജരുദ്ര മഹേശ്വര സംസ്തുത വൈഭവശാലിനി സിദ്ധിദേ
പാലയ ഹേ ലലിതാപരമേശ്വരി മാമപരാധിനമംബികേ ..

15..

ശ്രീപുരവാസിനി ഹസ്തലസദ്വര ചാമരവാക്കമലാനുതേ

ശ്രീഗുഹപൂർവ ഭവാർജിത പുണ്യഫലേ ഭവമത്തവിലാസിനി

.
ശ്രീവശിനീ വിമലാദി സദാനത പാദചലന്മണി നൂപുരേ
പാലയ ഹേ ലലിതാപരമേശ്വരി മാമപരാധിനമംബികേ ..

16..

.. ഇതി ശ്രീലലിതാത്രിപുരസുന്ദരീ അപരാധക്ഷമാപണസ്തോത്രം

സമ്പൂറ്ണം ..

ശ്രീലലിതാത്രിപുരസുന്ദരീഹൃദയസ്തോത്രം

.. ശ്രീലലിതാത്രിപുരസുന്ദര്യൈ നമഃ ..

.. അഥ ശ്രീമത് ലലിതാത്രിപുരസുന്ദരീഹൃദയസ്തോത്രസാധനാ ..

ഓം ശുദ്ധസ്ഫടികസങ്കാശം ദ്വിനേത്രം കരുണാനിധിം .

വരാഭയകരം വന്ദേ ശ്രീഗുരും ശിവരൂപിണം .. 1..
ഭക്താജ്ഞാനതമോഭാനും മൂർധ്നി പങ്കജസംസ്ഥിതം .
സദാശിവമയം നിത്യം ശ്രീഗുരും പ്രണമാമ്യഹം .. 2..

ശ്രീവിദ്യാം ജഗതാം ധാത്രീം സർഗസ്ഥിതിലയേശ്വരീം .

നമാമി ലലിതാം നിത്യം മഹാത്രിപുരസുന്ദരീം .. 3..

ബിന്ദുത്രികോണസംയുക്തം വസുകോണസമന്വിതം .
ദശകോണദ്വയോപേതം ഭുവനാരസമന്വിതം .. 4..

ദലാഷ്ടകസമോപേതം ദലഷോഡശകാന്വിതം .
വൃത്തത്രയാന്വിതം ഭൂമിസദനത്രയഭൂഷിതം .. 5..

നമാമി ലലിതാചക്രം ഭക്താനാമേതദിഷ്ടദം .

അമൃതാംഭോനിധൗ തത്ര രത്നദ്വീപം നമാമ്യഹം .. 6..

നാനാവൃക്ഷമഹോദ്യാനം വന്ദേഽഹം കല്പവാടികാം .

സന്താനവാടികാം വന്ദേ ഹരിചന്ദനവാടികാം .. 7..

മന്ദാരവാടികാം വന്ദേ പാരിജാതാഖ്യവാടികാം .

നമാമി തവ ദേവേശി കദംബവനവാടികാം .. 8..

പുഷ്പരാഗമഹാരത്നപ്രാകാരം പ്രണമാമ്യഹം .
പദ്മരാഗാഖ്യമണിഭിഃ പ്രാകാരം സർവദാ ഭജേ .. 9..
ഗോമേദരത്നപ്രാകാരം വജ്രപ്രാകാരമാശ്രയേ .
വൈഡൂര്യരത്നപ്രാകാരം പ്രണമാമി തവേശ്വരി .. 10..

ഇന്ദ്രനീലാഖ്യരത്നാനാം പ്രാകാരം പ്രണമാമ്യഹം .

മുക്താരത്നമയം ചൈവ പ്രാകാരം സർവദാ ഭജേ .. 11..

മരകതാഖ്യമഹാരത്നപ്രാകാരായ നമസ്തവ .
വിദ്രുമാഖ്യമഹാരത്നപ്രാകാരം തു തവാശ്രയേ .. 12..

മാണിക്യമണ്ഡപം വന്ദേ സഹസ്രസ്തംഭമണ്ഡപം .

ലലിതേ തവ ദേവേശി ഭജാമ്യമൃതവാപികാം .. 13..

ആനന്ദവാപികാം വന്ദേ ഭജേ ചൈവ വിമർശികാം .

ഭജേ ബാലാതപോദ്ഗാരം ചന്ദ്രികോദ്ഗാരമാശ്രയേ .. 14..

മഹാശൃംഗാരപരിഖാം മഹാപദ്മാടവീം ഭജേ .

ചിന്താമണിമഹാരത്നഗൃഹരാജം നമാമ്യഹം .. 15..

പൂർവാമ്നായമയം പൂർവദ്വാരം ദേവി ഭജാമി തേ .

ദക്ഷിണാമ്നായ രൂപം തേ ദക്ഷിണദ്വാരമാശ്രയേ .. 16..

നമാമി തേ പരം ദ്വാരം പശ്ചിമാമ്നായരൂപകം .

വന്ദേഽഹമുത്തരം ദ്വാരമുത്തരാമ്നായരൂപകം .. 17..

ഊർധ്വാമ്നായമഽഹം വന്ദേ ഊർധ്വദ്വാരം കുലേശ്വരി .

ലലിതേ തവ ദേവേശി മഹാസിംഹാസനം ഭജേ .. 18..

ബ്രഹ്മാത്മകമഞ്ചപാദമേകം തവ നമാമ്യഹം .
ഏകം വിഷ്ണുമയം മഞ്ചപാദം തവ നമാമ്യഹം .. 19..

ഏകം രുദ്രമയം മഞ്ചപാദം തവ നമാമ്യഹം .

മഞ്ചപാദം നമാമ്യേകം തവ ദേവീശ്വരാത്മകം .. 20..

മഞ്ചൈകഫലകം വന്ദേ സദാശിവമയം ശുഭം .

നമാമി തേ ഹംസതൂലതലിമാം പരമേശ്വരി .. 21..

ഭജാമി തേ ഹംസതൂല മഹോപാധാനമുത്തമം .

കൗസുംഭാസ്തരണം ദേവി തവ നിത്യം നമാമ്യഹം .. 22..

മാനസപൂജാ .
മഹാവിതാനകം വന്ദേ മഹാജവനികാം ഭജേ .
ഏവം പൂജാഗൃഹം ധ്യാത്വാ ശ്രീചക്രസ്യ ശിവപ്രിയേ .. 23..

മദ്ദക്ഷിണേ സ്ഥാപയാമി ഭാഗേ പുഷ്പാക്ഷതാദികം .

അഭിതസ്തേ മഹാദേവി ദീപാഁസ്താൻ ദർശയാമ്യഹം .. 24..

മൂലേന ത്രിപുരാചക്രം തവ സമ്പൂജയാമ്യഹം .

ത്രിഭിഃഖണ്ഡൈസ്തവ ത്ര്യസ്ത്രം പൂജയാമി ശിവപ്രിയേ .. 25..

വായ്വഗ്നിജലസംയുക്തപ്രാണായാമൈരഹം ശിവേ .
ശോഷണം ദാഹനം ദേവി കരോമ്യാപ്ലാവനം തഥാ .. 26..

ത്രിവാരം മൂലമന്ത്രേണ പ്രാണായാമം കരോമ്യഹം .

അപസർപന്തു തേ ഭൂതാ യേ ഭൂതാ ഭൂമിസംസ്ഥിതാഃ .. 27..

യേ ഭൂതാ വിഘ്നകർതാരസ്തേ നശ്യന്തു ശിവാജ്ഞയാ .

കരോമ്യനേന മന്ത്രേണ താലത്രയമഹം ശിവേ .. 28..

നാരായണോഽഹം ബ്രഹ്മാഽഹം ഭൈരവോഽഹം ശിവോഽസ്മ്യഹം

.
ദേവോഽഹം പരമാത്മാഽഹം മഹാത്രിപുരസുന്ദരി .. 29..

ധ്യാത്വൈവം വജ്രകവചം ന്യാസം തവ കരോമ്യഹം .

കുമാരീബീജസംയുക്തം മഹാത്രിപുരസുന്ദരി .. 30..

മാം രക്ഷ രക്ഷേതി ഹൃദി കരോമ്യഞ്ജലിമീശ്വരി .

നമോ ദേവ്യാസനായേതി തേ കരോമ്യാസനം ശിവേ .. 31..

ചക്രാസനം നമസ്യാമി സർവമന്ത്രാസനം ഭജേ .

സാധ്യസിദ്ധാസനം വന്ദേ മന്ത്രൈരേഭിർമഹേശ്വരി .. 32..

കരോമ്യസ്മിംശ്ചക്രമന്ത്രദേവതാസനമുത്തമം .
കരോമ്യഥ ഷഡംഗാഖ്യം മാതൃകാശ്ച കരോമ്യഹം .. 33..

വശിന്യാദ്യഷ്ടകം ന്യാസം ഷോഢാന്യാസം കരോമ്യഹം .

മഹാഷോഢാം തതഃ കുർവേ നവയോന്യാഖ്യമുത്തമം .. 34..

ചക്രന്യാസം തതഃ കുർവേ ശ്രീകണ്ഠന്യാസമുത്തമം .

കേശവാദി മഹാന്യാസം കാമന്യാസം കരോമ്യഹം .. 35..

കലാന്യാസം തതഃ കുർവേ കുർവേ കാമകലാഹ്വയം .

പീഠന്യാസം തതഃ കുർവേ തത്ത്വന്യാസം കരോമ്യഹം .. 36..

തതഃ കരോമി സ്ഥിത്യാദിന്യാസം തത് ത്രിപുരേശ്വരി .

തതഃ ശുദ്ധോദകേനാഹം വാമഭാഗേ മഹേശ്വരി .. 37..

കരോമി മണ്ഡലം വൃത്തം ചതുരസ്രം ശിവപ്രിയേ .

പുഷ്പൈരഭ്യർച്യ സാധാരം ശംഖം സംസ്ഥാപയാമ്യഹം .. 38..

അർചയാമി ഷഡംഗേന ജലമാപൂരയാമ്യഹം .

ദദാമി ചാദിമം ബിന്ദും കുർവേ മൂലാഭിമന്ത്രിതം .. 39..

തജ്ജലേന ജഗന്മാതസ്ത്രികോണം വൃത്തസംയുതം .

ഷട്കോണം ചതുരസ്ത്രം ച മണ്ഡലം പ്രകരോമ്യഹം .. 40..

വിദ്യയാ പൂജനം മധ്യേ ഖണ്ഡൈസ്ത്ര്യസ്ത്രാഭിപൂജനം .

ബീജാവൃത്യാ കോണഷട്കം പൂജയാമി ശിവപ്രിയേ .. 41..

തസ്മിൻ ദശകലായുക്തമഗ്നിമണ്ഡലമാശ്രയേ .
ധൂമാർചിഷം നമസ്യാമി ഊഷ്മാം ച ജ്വലിനീം ഭജേ .. 42..
ജ്വലിനീം ച നമസ്യാമി വന്ദേഽഹം വിസ്ഫുല്ലിംഗിനീം .
സുശ്രിയം ച സുരൂപാം ച കപിലാം പ്രണമാമ്യഹം .. 43..

നൗമി ഹവ്യവഹാം നിത്യം ഭജേ കവ്യവഹാം കലാം .

യാദിഭിഃ സഹിതാ വഹ്നേഃ കലാ ദശ തഥാ ഭജേ .. 44..

സൂര്യസ്യ മണ്ഡലം തത്ര കലാദ്വാദശകാത്മകം .

അർഘ്യപാത്രേ ത്വഽഹം വന്ദേ തപിനീം താപിനീം ഭജേ .. 45..

ധൂമ്രാം മരീചിം വന്ദേഽഹം ജ്വാലിനീം ച രുചിം ഭജേ .

സുഷുമ്ണാം ഭോഗദാം വന്ദേ ഭജേ വിശ്വാം ച ബോധിനീം ..

46..

ധാരിണീം ച ക്ഷമാം വന്ദേ സൗരാ ഏതാഃ കലാ ഭജേ .

സോമസ്യ മണ്ഡലം തത്ര കലാഃ ഷോഡശകാത്മകാഃ .. 47..

അർഘ്യാമൃതാത്മകം വന്ദേഽമൃതാം മാനദാം സ്തുവേ .

പൂഷാം തുഷ്ടിം ഭജേ പുഷ്ടിം രതിം ധൃതിമഹം ഭജേ .. 48..

ശശിനീം ചന്ദ്രികാം വന്ദേ കാന്തിം ജ്യോത്സ്നാം ശ്രിയം ഭജേ .

നൗമി പ്രീതിം ചാംഗദാം ച പൂർണാം പൂർണാമൃതാം ഭജേ ..

49..

സ്വരൈഃ ഷോഡശഭിര്യുക്താ ഭജേ സോമസ്യ വൈ കലാഃ .

ത്രികോണലേഖനം കുർവേ അകഥാദിസുരേഖകം .. 50..

ഹളക്ഷവർണസംയുക്തം സ്ഥിതാന്തർഹംസഭാസ്വരം .
വാക്കാമശക്തിസംയുക്തം ഹംസേനാരാധയാമ്യഹം .. 51..

വൃത്താദ്ബഹിഃ ഷഡസ്രേ ച ലേഖനം പ്രകരോമ്യഹം .

പുരോഭാഗാദി ഷട്കോണം ഷഡംഗേനാർചയാമ്യഹം .. 52..

ശ്രീവിദ്യായാഃ സപ്തവാരം കരോമ്യത്രാഭിമന്ത്രണം .

സമർപയാമി വിശ്വേശി തസ്മിൻ ഗന്ധാക്ഷതാദികം .. 53..

ധ്യായാമി പൂജാദ്രവ്യം തേ സർവം വിദ്യാമയം ശുഭം .

ചതുർനവതി സന്മന്ത്രാൻ സ്പൃഷ്ട്വാ തത്പ്രജപാമ്യഹം .. 54..

വഹ്നേർദശകലാഃ സൂര്യകലാദ്വാദശകം ഭജേ .

ആശ്രയേ ഷോഡശകലാസ്തത്ര സോമസ്യ കാമദാഃ .. 55..

സൃഷ്ടിമൃദ്ധിം സ്മൃതിം വന്ദേ മേധാം കാന്തിം നമാമ്യഹം .

ലക്ഷ്മീം ധൃതിം സ്ഥിരാംവന്ദേ സ്ഥിതിം സിദ്ധിം ഭജാമ്യഹം ..

56..

ഏതാം ബ്രഹ്മകലാം വന്ദേ ജരാം താം പാലിനീം ഭജേ .

ശാന്തിം നമാമീശ്വരീം ച രതിം വന്ദേ ച കാമികാം .. 57..

വരദാം ഹ്ലാദിനീം വന്ദേ പ്രീതിം ദീർഘാം ഭജാമ്യഹം .

ടാദിഭിഃ സഹിതാ വിഷ്ണോഃ കലാ ദശ തഥാ ഭജേ .. 58..

ഏതാ വിഷ്ണോഃ കലാ വന്ദേ തീക്ഷ്ണാം രൗദ്രീം ഭയാം തഥാ .

നിദ്രാം തന്ദ്രാം ക്ഷുധാം വന്ദേ നമാമി ക്രോധിനീം ക്രിയാം ..

59..

ഉദ്ഗാരീം ച ഭജേ മൃത്യുമേതാ രുദ്രകലാ ഭജേ .

പീതാം ശ്വേതാം ഭജേ നിത്യമരുണാം ച തഥാ ഭജേ .. 60..

ഭജേഽസിതാം തഥാഽനന്താം ഷാദിഭിഃ സഹിതാസ്തഥാ .

ഈശ്വരസ്യ കലാ ഹ്യേതാ വന്ദേ നിത്യമഭീഷ്ടദാഃ .. 61..

നിവൃത്തിം ച പ്രതിഷ്ഠാം ച വിദ്യാം ശാന്തിം നമാമ്യഹം .

ഇന്ധികാം ദീപികാം ചൈവ രേചികാം മോചികാം തഥാ ..

62..

പരാം സൂക്ഷ്മാം നമസ്യാമി നൗമി സൂക്ഷ്മാമൃതാം കലാം .

വന്ദേ ജ്ഞാനാം കലാം ചൈവ തഥാ ജ്ഞാനാമൃതാം കലാം ..

63..

ആപ്യായിനീം വ്യാപിനീം ച വ്യോമരൂപാം നമാമ്യഹം .

കലാഃ സദാശിവസ്യൈതാഃ ഷോഡശ പ്രണമാമ്യഹം .. 64..

ഹാംസാഖ്യം ച മഹാമന്ത്രം ജ്യോതിഷം ഹംസമാശ്രയേ .

പ്രതത്പ്രഥമവിശ്വാന്തം മന്ത്രം ജ്യോതിഷമാശ്രയേ .. 65..
ത്ര്യംബകം ച നമസ്യാമി തദ്വിഷ്ണോഃ പ്രണമാമ്യഹം .
വിഷ്ണുര്യോനിം മൂലവിദ്യാം മന്ത്രൈരേഭിരനുത്തമൈഃ .. 66..

അമൃതം മന്ത്രിതം വന്ദേ ചതുർനവതിഭിസ്തവ .

അഖണ്ഡൈകരസാനന്ദകരേഽപരസുധാത്മനി .. 67..

സ്വച്ഛന്ദസ്ഫുരണാമത്ര നിധേഹ്യകുലരൂപിണി .
അകുലസ്ഥാമൃതാകാരേ ശുദ്ധജ്ഞാനകരേ പരേ .. 68..

അമൃതത്വം നിധേഹ്യസ്മിൻ വസ്തുനി ക്ലിന്നരൂപിണി .

തദ്രൂപിണ്യൈകരസ്യത്വം കൃത്വാ ഹ്യേതത്സ്വരൂപിണി .. 69..

ഭൂത്വാ പരാമൃതാഽഽകാരാ മയി ചിത്സ്ഫുരണം കുരു .

അമൃതേശീം നമസ്യാമി സർവദാമൃതവർഷിണീം .. 70..

വാഗ്വാദിനീം നമസ്യാമി ശ്രീവിദ്യാം പ്രണമാമ്യഹം .

ഏഭിർമനൂത്തമൈർവന്ദേ മന്ത്രിതം പരമാമൃതം .. 71..

ജ്യോതിർമയമിദം കുർവേ പരമർഘ്യം മഹേശ്വരി.

തദ്ബിന്ദുഭിർമേ ശിരസി ത്രിഗുരൂൻ പൂജയാമ്യഹം .. 72..

ബ്രഹ്മാഽഹമസ്മി തദ്ബിന്ദും കുണ്ഡലിന്യാ ജുഹോമ്യഹം .

ഹൃച്ചക്രസ്ഥാ മഹാദേവീം മഹാത്രിപുരസുന്ദരീം .. 73..
നിരസ്തമോഹതിമിരാം സാക്ഷാത് സംവിത്സ്വരൂപിണീം .
നാസാപുടേ പരകലാമഥ നിർഗമയാമ്യഹം .. 74..

സമാനയാമി താം ഹസ്തേ ത്രിഖണ്ഡകുസുമാഞ്ജലൗ .

ജഗന്മാതർമഹാദേവി മഹാത്രിപുരസുന്ദരി .. 75..

സുധാചൈതന്യമൂർതിം തേ കല്പയാമി നമഃ ശിവേ .

അനേന മനുനാ ദേവി യന്ത്രേ ത്വാം സ്ഥാപയാമ്യഹം .. 76..

മഹാപദ്മവനാന്തഃസ്ഥേ കാരണാനന്ദവിഗ്രഹേ .
സർവഭൂതഹിതേ മാതരേഹ്യേഹി പരമേശ്വരി .. 77..

ദേവേശി ഭക്തിസുലഭേ സർവാവരണസംയുതേ .

യാവത് ത്വാം പൂജയിഷ്യാമി താവത് ത്വം സുസ്ഥിരാ ഭവ ..

78..

അനേന മന്ത്രയുഗ്മേന ത്വാമത്രാവാഹയാമ്യഹം .

കല്പയാമി നമഃ പാദ്യമർഘ്യം തേ കല്പയാമ്യഹം .. 79..

സുഗന്ധതൈലാഭ്യംഗം ച മജ്ജശാലാപ്രവേശനം .
കല്പയാമി നമസ്തസ്മിൻ മണിപീഠോപവേശനം .. 80..

ദിവ്യസ്നാനീയമീശാനി ഗൃഹാണോദ്വർതനം ശുഭം .

ഗൃഹാണോഷ്ണോദകസ്നാനം കല്പയാമി നമസ്തവ .. 81..
ഹേമകുംഭച്യുതൈസ്തീർഥൈഃ കല്പയാമ്യഭിഷേചനം .
കല്പയാമി നമസ്തുഭ്യം ധൗതേന പരിമാർജനം .. 82..

ബാലഭാനുപ്രതീകാശം ദുകൂലപരിധാനകം .
അരുണേന ദുകൂലേനോത്തരീയം കല്പയാമി തേ .. 83..

പ്രവേശനം കല്പയാമി തവാലേപനമണ്ഡപം .

നമസ്തേ കല്പയാമ്യത്ര മണിപീഠോപവേശനം .. 84..

അഷ്ടഗന്ധൈഃ കല്പയാമി സർവാംഗേഷു വിലേപനം .

കാലാഗരു മഹാധൂപസ്തവ കേശഭരസ്യ ഹി .. 85..

മല്ലികാമാലതീജാതീചമ്പകാദിമനോരമൈഃ .
രചിതാഃകുസുമൈർമാലാഃ കല്പയാമി നമസ്തവ .. 86..

പ്രവേശനം കല്പയാമി നമോ ഭൂഷണമണ്ഡപം .

ഉപവേശം രത്നപീഠേ തത്ര തേ കല്പയാമ്യഹം .. 87..

നവമാണിക്യമുകുടം തച്ചന്ദ്രശകലം തതഃ .

തതഃ സീമന്തസിന്ദൂരം തതസ്തിലകമുത്തമം .. 88..

കാലാഞ്ജനം കല്പയാമി പാലീയുഗലമുത്തമം .

മണികുണ്ഡലയുഗ്മം തേ നാസാഭരണമീശ്വരി .. 89..

തേ കല്പയാമി ത്രിപുരേ ലലിതാഽധരയാവകം .

അഥാഽഽദ്യഭൂഷണം കണ്ഠേ ഹേമചിന്താകമുത്തമം .. 90..

പദകം തേ കല്പയാമി മഹാപദകമുത്തമം .

കല്പയാമി നമോ മുക്താവലിമേകാവലിം ച തേ .. 91..

ഛന്നവീരം ച കേയൂരയുഗലാനാം ചതുഷ്ടയം .

വലയാവലിമീശാനി ഊർമികാവലിമീശ്വരി .. 92..

കാഞ്ചീദാമകടീസൂത്രം സൗഭാഗ്യാഭരണം ച തേ .
ത്രിപുരേ പാദകടകം കല്പയേ രത്നനൂപുരം .. 93..

പാദാംഗുലീയകം തുഭ്യം പാശമേകകരേ തവ .

അന്യസ്മിന്നങ്കുശം ദേവി പുണ്ഡ്രേക്ഷുധനുഷം പരേ .. 94..

അപരേ പുഷ്പബാണാഁശ്ച ശ്രീമന്മാണിക്യപാദുകേ .

നവാവരണദേവീഭിർമഹാചക്രാധിരോഹണം .. 95..

കാമേശ്വരാങ്കപര്യങ്ക ഉപവേശനമുത്തമം .
സുധാസവാഖ്യം ചഷകം തതഃ ആചമനീയകം .. 96..

കർപൂരവീടികാം തുഭ്യം കല്പയാമി നമഃ ശിവേ .

ആനന്ദോല്ലാസവേലാസഹാസം തേ കല്പയാമ്യഹം .. 97..

മംഗലാരാർതികം ദേവി ഛത്രം തേ കല്പയാമ്യഹം .

തതശ്ചാമരയുഗ്മം തേ ദർപണം കല്പയാമ്യഹം .. 98..
താലവൃന്തം കല്പയാമി ഗന്ധം പുഷ്പം മഹേശ്വരി .
ധൂപം ദീപം ച നൈവേദ്യം കല്പയാമി നമസ്തവ .. 99..

അഥാഽഹം വൈന്ദവേ ചക്രേ സർവാനന്ദമയാത്മികേ .

രത്നസിംഹാസനേ രമ്യേ സമാസീനാം ശിവപ്രിയാം .. 100..

ധ്യാനം .
ഉദ്യദ്ഭാനുസഹസ്രാഭ്യാം ജപാപുഷ്പസമപ്രഭാം .
നവരത്നപ്രഭാദീപ്തമുകുടേന വിരാജിതാം .. 101..

ചന്ദ്രരേഖാസമോപേതാം കസ്തൂരീതിലകാഞ്ചിതാം .
കാമകോദണ്ഡസൗന്ദര്യനിർജിതഭ്രൂലതായുഗാം .. 102..

അഞ്ജനാഞ്ചിതനേത്രാം താം പദ്മപത്രനിഭേക്ഷണാം .

മണികുണ്ഡലസംയുക്തകർണദ്വയവിരാജിതാം .. 103..

മുക്താമാണിക്യഖചിതനാസികാഭരണാന്വിതാം .
മദപാടലസംയുക്തകപോലയുഗലാന്വിതാം .. 104..

പക്വബിംബഫലാഭാസാധരദ്വയവിരാജിതാം .
ശുദ്ധമുക്താവലിപ്രഖ്യദന്തപങ്ക്തിവിരാജിതാം .. 105..

താംബൂലപൂരിതമുഖീം സുസ്മിതാസ്യവിരാജിതാം .
ആദ്യഭൂഷണസംയുക്താം ഹേമചിന്താകസംയുതാം .. 106..
പദകേന സമോപേതാം മഹാപദകസംയുതാം .
മുക്താവലിസമോപേതാമേകാവലിവിരാജിതാം .. 107..

കേയൂരാംഗദസംയുക്തചതുർബാഹുവിരാജിതാം .
അഷ്ടഗന്ധസമോപേതാം ശ്രീചന്ദനവിലേപനാം .. 108..

ഹേമകുംഭസമപ്രഖ്യസ്തനദ്വയവിരാജിതാം .
രക്തവസ്ത്രപരീധാനാം രക്തകഞ്ചുകസംയുതാം .. 109..

സൂക്ഷ്മരോമാവലീയുക്തതനുമധ്യവിരാജിതാം .
മുക്താമാണിക്യഖചിതകാഞ്ചീയുതനിതംബിനീം .. 110..

സദാശിവാങ്കസ്ഥപൃഥുമഹാജഘനമണ്ഡലാം .
കദലീസ്തംഭസങ്കാശഊരുയുഗ്മവിരാജിതാം .. 111..

കദലീകാന്തിസങ്കാശജംഘായുഗലശോഭിതാം .
ഗൂഢഗുൽഫദ്വയോപേതാം രക്തപാദയുഗാന്വിതാം .. 112..

ബ്രഹ്മാവിഷ്ണുമഹാദേവശിരോമുകുടജാതയാ .
കാന്ത്യാ വിരാജിതപദാം ഭക്തത്രാണപരായണാം .. 113..

ഇക്ഷുകാർമുകപുഷ്പേഷു പാശാങ്കുശധരാം പരാം .

സംവിത്സ്വരൂപിണീം ദേവീം ധ്യായാമി പരമേശ്വരീം .. 114..
ഇതി ധ്യാനം .
പ്രദർശയാമ്യഥ ശിവേ നവമുദ്രാ വരപ്രദാഃ .
ത്വാം തർപയാമി ത്രിപുരേ ത്രിധാ മൂലേന പാർവതി .. 115..

ആഗ്നേയ്യാമീശദിഗ്ഭാഗേ നൈരൃത്യാം മാരുതേ തഥാ .

മധ്യേ ദിക്ഷു ഷഡംഗാനി ക്രമാദഭ്യർചയാമ്യഹം .. 116..

ആദ്യാം കാമേശ്വരീം വന്ദേ നമാമി ഭഗമാലിനീം .

നിത്യക്ലിന്നാം നമസ്യാമി ഭേരുണ്ഡാം പ്രണമാമ്യഹം .. 117..

വഹ്നിവാസാം നമസ്യാമി മഹാവജ്രേശ്വരീം സ്തുവേ .

ശിവദൂതീം നമസ്യാമി ത്വരിതാം കുലസുന്ദരീം .. 118..

നിത്യാം നീലപതാകാം ച വിജയാം സർവമംഗലാം .

ജ്വാലാമാലാം ച ചിത്രാം ച മഹാനിത്യാം ച സംസ്തുവേ ..

119..

ദിവ്യൗഘേഭ്യോ നമസ്യാമി പരേശപരമേശ്വരീം .

മിത്രേശമഥ ഷഷ്ഠീശമുഡ്ഡീശം പ്രണമാമ്യഹം .. 120..

ചര്യാനാഥം നമസ്യാമി ലോപാമുദ്രാമഹം ഭജേ .

അഗസ്ത്യം പ്രണമസ്യാമി സിദ്ധൗഘേ കാലതാപനം .. 121..

ധർമാചാര്യം നമസ്യാമി മുക്തകേശീശ്വരം ഭജേ .

ഭജേ ദീപകലാനാഥം മാനവൗഘേ തതഃ പരം .. 122..
വിഷ്ണുദേവം നമസ്യാമി പ്രഭാകരമഹം ഭജേ .
തേജോദേവം നമസ്യാമി മനോജമഥ സംസ്തുവേ .. 123..

കല്യാണദേവം കലയേ രത്നദേവം ഭജാമ്യഹം .

വാസുദേവം നമസ്യാമി ശ്രീരാമാനന്ദമാശ്രയേ .. 124..

പരമേഷ്ഠിഗുരും വന്ദേ പരമം ഗുരുമാശ്രയേ .

ശ്രീഗുരും പ്രണമസ്യാമി മൂർധ്നി ബ്രഹ്മബിലേ സ്ഥിതം .. 125..

കം ബിലേഽഹം നമസ്യാമി ശ്രീഗുരോഃ പാദുകാം തതഃ .

അഥ പ്രാഥമികേ ദേവി ചതുരസ്രേ തവേശ്വരി .. 126..

അണിമാം ലഘിമാം വന്ദേ മഹിമാം പ്രണമാമ്യഹം .

ഈശിത്വസിദ്ധിം വന്ദേഽഹം വശിത്വം ച നമാമ്യഹം .. 127..

പ്രാകാമ്യസിദ്ധിം വന്ദേഽഹം ഭുക്തിമിച്ഛാമഹം ഭജേ .

പ്രാപ്തിസിദ്ധിം സർവകാമപ്രദാസിദ്ധിമഹം ഭജേ .. 128..

മധ്യമേ ചതുരസ്രേഽഹം ബ്രാഹ്മീം മാഹേശ്വരീം ഭജേ .

കൗമാരീം വൈഷ്ണവീം വന്ദേ വാരാഹീം പ്രണമാമ്യഹം ..

129..

മാഹേന്ദ്രീമപി ചാമുണ്ഡാം മഹാലക്ഷ്മീമഹം ഭജേ .

തൃതീയേ ചതുരസ്രേഽഹം സർവസങ്ക്ഷോഭിണീം ഭജേ .. 130..
സർവവിദ്രാവിണീം മുദ്രാം സർവാകർഷിണികാം ഭജേ .
മുദ്രാം വശങ്കരീം വന്ദേ സർവോന്മാദിനികാം ഭജേ .. 131..

ഭജേ മഹാങ്കുശാം മുദ്രാം ഖേചരീം പ്രണമാമ്യഹം .

ബീജമുദ്രാം യോനിമുദ്രാം ഭജേ സർവത്രിഖണ്ഡിനീം .. 132..

ത്രൈലോക്യമോഹനം ചക്രം നമാമി ലലിതേ തവ .

നമാമി യോഗിനീം തത്ര പ്രകടാഖ്യാമഭീഷ്ടദാം .. 133..

സുധാർണവാസനം വന്ദേ തത്ര തേ പരമേശ്വരി .

ചക്രേശ്വരീം തത്ര വന്ദേ ത്രിപുരാം പരമേശ്വരീം .. 134..

സർവേസങ്ക്ഷോഭിണീം മുദ്രാം തതോഽഹം കലയേ ശിവേ .

അഥാഽഹം ഷോഡശദലേ കാമാകർഷണികാം ഭജേ .. 135..

ബുദ്ധ്യാകർഷണികാം വന്ദേഽഹങ്കാരാകർഷണീം ഭജേ .

ശബ്ദാകർഷണികാം വന്ദേ സ്പർശാകർഷണികാം ഭജേ .. 136..

രൂപാകർഷണികാം വന്ദേ രസാകർഷണികാം ഭജേ .

ഗന്ധാകർഷണികാം വന്ദേ ചിത്താകർഷണികാം ഭജേ .. 137..

ധൈര്യാകർഷണികാം വന്ദേ സ്മൃത്യാകർഷണികാം ഭജേ .

നാമാകർഷണികാം വന്ദേ ബീജാകർഷണികാം ഭജേ .. 138..
ആത്മാകർഷണികാം വന്ദേ ഹ്യമൃതാകർഷണീം ഭജേ .
ശരീരാകർഷണീം വന്ദേ നിത്യാം ശ്രീപരമേശ്വരീം .. 139..

സർവാശാപൂരകം ചക്രം കലയേഽഹം തവേശ്വരി .

ഗുപ്താഖ്യാം യോഗിനീം വന്ദേ തത്രാഽഹം ഗുപ്തപൂജിതാം ..

140..

പീതാംബുജാസനം തത്ര നമാമി ലലിതേ തവ .

ത്രിപുരേശീം മഹാദേവീം ഭജാമീഷ്ടാർഥംസിദ്ധിദാം .. 141..

സർവംവിദ്രാവിണീം മുദ്രാം തത്രാഽഹം താം വിചിന്തയേ .

ശിവേ തവാഷ്ടപത്രേഽഹമനംഗകുസുമാം ഭജേ .. 142..

അനംഗമേഖലാം വന്ദേ ഹ്യനംഗമദനാം ഭജേ .

തതോഽഹം പ്രണമസ്യാമി ഹ്യനംഗമദനാതുരാം .. 143..

അനംഗരേഖാം കലയേ ഭജേ തേഽനംഗവേഗിനീം .

ഭജേഽനംഗാങ്കുശാം ദേവി തവ ചാനംഗമാലിനീം .. 144..

സർവസങ്ക്ഷോഭണം ചക്രം തത്രാഽഹം കലയേ സദാ .

വന്ദേ ഗുപ്തതരാഖ്യാം താം യോഗിനീം സർവകാമദാം .. 145..

തത്രാഽഹം പ്രണമസ്യാമി ദേവ്യാത്മാസനമുത്തമം .

നമാമി ജഗദീശാനീമഽഹം ത്രിപുരസുന്ദരീം .. 146..
സർവാകർഷണികാം മുദ്രാം തത്രാഽഹം കലയാമി തേ .
ഭുവനാരേ തവ ശിവേ സർവസങ്ക്ഷോഭിണീം ഭജേ .. 147..

സർവവിദ്രാവിണീം വന്ദേഽഹം സർവാകർഷിണികാം ഭജേ .

സകലാഹ്ലാദിനീം വന്ദേ സർവസമ്മോഹിനീം ഭജേ .. 148..

സകല സ്തംഭിനീം വന്ദേ കലയേ സർവജൃംഭിനീം .

വശങ്കരീം നമസ്യാമി സർവരഞ്ജനികാം ഭജേ .. 149..

സകലോന്മാദിനീം വന്ദേ ഭജേ സർവാർഥസാധിനീം .

സമ്പത്തിപൂരിണീം വന്ദേ സർവമന്ത്രമയീം ഭജേ .. 150..

ഭജാമ്യഹം തതഃ ശക്തിം സർവദ്വന്ദ്വക്ഷയങ്കരീം .

തത്രാഽഹം കലയേ ചക്രം സർവസൗഭാഗ്യദായകം .. 151..

നമാമി ജഗതാം ധാത്രീം സമ്പ്രദായാഖ്യയോഗിനീം .

ശിവേ തവ നമസ്യാമി ശ്രീചക്രാസനമുത്തമം .. 152..

നമാമി ജഗദീശാനീമഹം ത്രിപുരവാസിനീം .

കലയേഽഹം തവ ശിവേ മുദ്രാം സർവവശങ്കരീം .. 153..

ബഹിർദശാരേ തേ ദേവി സർവസിദ്ധിപ്രദാം ഭജേ .

സർവസമ്പത്പ്രദാം വന്ദേ ഭജേ സർവപ്രിയങ്കരീം .. 154..

നമാമ്യഹം തതോ ദേവീം സർവമംഗലകാരിണീം .

സർവകാമപ്രദാം വന്ദേ സർവദുഃഖവിമോചിനീം .. 155..

സർവമൃത്യുപ്രശമനീം സർവവിഘ്നനിവാരിണീം .
സർവാംഗസുന്ദരീം ദേവീം സർവസൗഭാഗ്യദായിനീം .. 156..

സർവാർഥസാധകം ചക്രം തഥാഽഹം കലയേ സദാ .

കലയാമി തതോ ദേവീം കുലോത്തീർണാഖ്യയോഗിനീം .. 157..

സർവമന്ത്രാസനം വന്ദേ ത്രിപുരാശ്രീയമാശ്രയേ .

കലയാമി തതോ മുദ്രാം സർവോന്മാദനകാരിണീം .. 158..

അന്തർദശാരേ തേ ദേവി സർവജ്ഞാം പ്രണമാമ്യഹം .

സർവശക്തിം നമസ്യാമി സർവൈശ്വര്യപ്രദാം ഭജേ .. 159..

സർവജ്ഞാനമയീം വന്ദേ സർവവ്യാധിവിനാശിനീം .

സർവാധാരസ്വരൂപാം ച സർവപാപഹരാം ഭജേ .. 160..

സർവാനന്ദമയീം വന്ദേ സർവരക്ഷാസ്വരൂപിണീം .

പ്രണമാമി മഹാദേവീം സർവേപ്സിതപ്രദാം ഭജേ .. 161..

സർവരക്ഷാകരം ചക്രം തത്രാഽഹം കലയേ സദാ .

നിഗർഭയോഗിനീം വന്ദേ തത്രാഽഹം പരമേശ്വരീം .. 162..

സാധ്യസിംഹാസനം വന്ദേ ഭജേ ത്രിപുരമാലിനീം .

കലയാമി തതോ ദേവി മുദ്രാം സർവമഹാങ്കുശാം .. 163..
അഷ്ടാരേ വശിനീം വന്ദേ ഭജേ കാമേശ്വരീം സദാ .
മോദിനീം വിമലാം വന്ദേ ഹ്യരുണാം ജയിനീം ഭജേ .. 164..

സർവേശ്വരീം നമസ്യാമി കൗലിനീം പ്രണമാമ്യഹം .

സർവരോഗഹരം ചക്രം തവാഽഹം ദേവി ചിന്തയേ .. 165..

രഹസ്യയോഗിനീം ദേവീം സദാഽഹം കലയാമി തേ .

നമാമി ത്രിപുരാസിദ്ധാം ഭജേ മുദ്രാം ച ഖേചരീം .. 166..

മഹാത്രികോണസ്യ ബാഹ്യേ ചതുർദിക്ഷു മഹേശ്വരി .

നമാമി ജൃംഭ്ണാൻ ബാണാൻ ചാപം സമ്മോഹനം ഭജേ ..

167..

പാശം വശങ്കരം വന്ദേ ഭജേ സ്തംഭനമങ്കുശം .

ത്രികോണേഽഹം ജഗദ്ധാത്രീം മഹാകാമേശ്വരീം ഭജേ .. 168..

മഹാവജ്രേശ്വരീം വന്ദേ മഹാശ്രീമാലിനീം ഭജേ .

മഹാശ്രീസുന്ദരീം വന്ദേ സർവകാമഫലപ്രദാം .. 169..

സർവസിദ്ധിപ്രദം ചക്രം തവ ദേവി നമാമ്യഹം .

നമാമ്യതിരഹസ്യാഖ്യാം യോഗിനീം തത്ര കാമദാം .. 170..

ത്രിപുരാംബാം നമസ്യാമി ബീജമുദ്രാം നമാമ്യഹം .

മൂലമന്ത്രേണ ലലിതേ ത്വാം ബിന്ദൗ പൂജയാമ്യഹം .. 171..
സർവാനന്ദമയം ചക്രം നമാമി ലലിതേ തവ .
പരാപരരഹസ്യാഖ്യാം യോഗിനീം കലയേ സദാ .. 172..

മഹാചക്രേശ്വരീം വന്ദേ യോനിമുദ്രാമഹം ഭജേ .

ധൂപാദികം സർവമയി തേ കല്പയാമ്യഹം .. 173..

ത്വത്പ്രീതയേ മഹാമുദ്രാം ദർശയാമി തതഃ ശിവേ .

ത്രിധാ ത്വാം മൂലമന്ത്രേണ തർപയാമി തതഃ ശിവേ .. 174..

ശാല്യന്നം മധുസംയുക്തം പായസാപൂപസംയുതം .

ഘൃതസൂപസമായുക്തം സർവഭക്ഷ്യസമന്വിതം .. 175..

സസിതം ക്ഷീരസംയുക്തം ബഹുശാകസമന്വിതം .

നിക്ഷിപ്യ കാഞ്ചനേ പാത്രേ നൈവേദ്യം കല്പയാമി തേ ..

176..

സങ്കല്പ്യ ബിന്ദുനാ വക്ത്രം കുചൗ ബിന്ദുദ്വയേന ച .

യോനിം തു സപരാർധേന കൃത്വാ ശ്രീത്രിപുരേ തവ .. 177..

ഏതത് കാമകലാരൂപം ഭക്താനാം സർവകാമദം .

സർവസമ്പത്പ്രദം വന്ദേ നമസ്തേ ത്രിപുരേശ്വരി .. 178..

വാമഭാഗേ ത്രികോണം ച വൃത്തം ച ചതുരസ്രകം .

കൃത്വാ ഗന്ധാക്ഷതാദ്യൈശ്ച ഹ്യർചയാമി മഹേശ്വരി .. 179..
വാഗ്ഭവാദ്യം നമസ്യാമി തത്ര വ്യാപകമണ്ഡലം .
ജലയുക്താർദ്രാന്നയുക്തം മകാരത്രയഭാജനം .. 180..

തത്ര വിന്യസ്യ ദാസ്യാമി ഭൂതേഭ്യോ ബലിമുത്തമം .

നമസ്തേ ദേവദേവേശി നമസ്ത്രൈലോക്യവന്ദിതേ .. 181..

നമഃ പരശിവാങ്കസ്ഥേ നമസ്ത്രിപുരസുന്ദരി .

പ്രദക്ഷിണാം നമസ്കാരം മനസാഽഹം കരോമി തേ .. 182..

തതഃ സകലമന്ത്രാണാം സമ്രാജ്ഞീം പരമേശ്വരീം .

പ്രജപാമി മഹാവിദ്യാം ത്വത്പ്രീത്യാർഥമഹം സദാ .
തവ വിദ്യാം പ്രജപ്ത്വാഽഥ സ്തൗമി ത്വാം പരമേശ്വരീം ..

183..

മഹാദേവി മഹേശാനി സദാശിവ മഹാപ്രിയേ .

മഹാനിത്യേ മഹാസിദ്ധേ ത്വാമഹം ശരണം വ്രജേ .. 184..

ജയ ത്വം ത്രിപുരേ ദേവി ലലിതേ ജഗദീശ്വരി .

സദാശിവപ്രിയകരി പാഹി മാം കരുണാകരി .. 185..

ജഗന്മാതർജഗദ്രൂപേ ജഗദീശ്വരവല്ലഭേ .
ജഗന്മയേ ജഗസ്തുല്യേ ഗൗരി ത്വാമഹമാശ്രയേ .. 186..

അനാദ്യേ സർവലോകാനാമാദ്യേ ഭക്തേഷ്ടദായിനി .

ഗിരിരാജസ്യ തനയേ നമസ്തേ ത്രിപുരേശ്വരി .. 187..

ജയാദിദേവദേവേശി ബ്രഹ്മമാതർനമോഽസ്തു തേ .
വിഷ്ണുമാതരനാദ്യന്തേ ഹരമാതഃ സുരേശ്വരി .. 188..

ബ്രഹ്മാദിസുരസംസ്തുത്യേ ലോകത്രയവശങ്കരി .
സർവസമ്പത്പ്രദേ നിത്യേ ത്വാമഹം കലയേ സദാ .. 189..

നിത്യാനന്ദേ നിരാധാരേ ചിദ്രൂപിണി ശിവപ്രിയേ .

അണിമാദിഗുണാധാരേ ത്വാം സദാ കലയാമ്യഹം .. 190..

ബ്രാഹ്മ്യാദിമാതൃസംസ്തുത്യേ സർവാവരണസംയുതേ .
ജ്യോതിർമയേ മഹാരൂപേ പാഹി മാം ത്രിപുരേ സദാ .. 191..

ലക്ഷ്മീവാണ്യാദിസമ്പൂജ്യേ ബ്രഹ്മവിഷ്ണുശിവസ്തുതേ .
ഭജാമി തവ പാദാബ്ജം സർവകാമഫലപ്രദം .. 192..

സർവശക്തിസമോപേതം സർവാഭീഷ്ടഫലപ്രദേ .
നമാമി തവ പാദാബ്ജം ദേവി ത്രിപുരസുന്ദരി .. 193..

ത്വത്പ്രിയാർഥം തതഃ കാംശ്ചിച്ഛക്തിം സമ്പൂജയാമ്യഹം .

മപഞ്ചകേന താം ശക്തിം തർപയാമി മഹേശ്വരി .. 194..

തയോപേതം ഹവിഃശേഷം ചിദഗ്നൗ പ്രജുഹോമ്യഹം .

ത്വത്പ്രിയാർഥം മഹാദേവി മമാഭീഷ്ടാർഥസിദ്ധയേ .. 195..
ബദ്ധ്വാ താം ഖേചരീം മുദ്രാം ക്ഷമസ്വോദ്വാസയാമ്യഹം .
തിഷ്ഠ മേ ഹൃദയേ നിത്യം ത്രിപുരേ പരമേശ്വരി .. 196..

ജഗദംബേ മഹാരാജ്ഞി മഹാശക്തി ശിവപ്രിയേ .

ഹൃച്ചക്രേ തിഷ്ഠ സതതം മഹാത്രിപുരസുന്ദരി .. 197..

സർവലോകൈകസമ്പൂജ്യേ സകലാവരണൈര്യുതേ .
ഹൃച്ചക്രേ തിഷ്ഠ മേ നിത്യം മഹാത്രിപുരസുന്ദരി .. 198..

.. ഫലശ്രുതി ..

ഏതത് ത്രിപുരസുന്ദര്യാ ഹൃദയം സർവകാമദം .

മഹാരഹസ്യം പരമം ദുർലഭം ദൈവതൈരപി .. 1..

സാക്ഷാത് സദാശിവേനോക്തം ഗുഹ്യാദ്ഗുഹ്യമനുത്തമം .. 2..

യഃ പഠേന്നിത്യമേകാഗ്രഃ ശൃണുയാദ് വാ സമാഹിതഃ .

നിത്യപൂജാഫലം ദേവ്യാഃ സ ലഭേന്നാത്ര സംശയഃ .. 3..

പാപൈഃ സ മുച്യതേ സദ്യഃ കായവാക്ചിത്തസംഭവൈഃ .

സർവജന്മസമുദ്ഭൂതൈർജ്ഞാനകൃതൈരപി .. 4.. missing

letter or word
സർവക്രതുഷു യത്പുണ്യം സർവതീർഥേഷു യത് ഫലം .
തത്പുണ്യം ലഭതേ നിത്യം മാനവോ നാത്ര സംശയഃ .. 5..
അചലാം ലഭതേ ലക്ഷ്മീം ത്രൈലോക്യേ ചാപി ദുർലഭാം .
സാക്ഷാദ് വിഷ്ണുസമോ മർത്യോ ശീഘ്രമേവ ഭവേത് സദാ ..

6..

അഷ്ടൈശ്വര്യമവാപ്നോതി സ ശീഘ്രം മാനവോത്തമഃ .

ഗുടികാപാദുകാസിദ്ധ്യാദ്യഷ്ടകം ശീഘ്രമശ്നുതേ .. 7..

ശംഖാദ്യാ നിധ്യോ വാഽപി തം നിത്യം പര്യുപാസതേ .

വശ്യാദീന്യഷ്ടകർമാണി ശീഘ്രം സിദ്ധ്യന്തി സർവദാ .. 8..

ഭൂലോകസ്ഥാഃ സർവനാര്യഃ പാതാലസ്ഥാഃ സദാംഗനാഃ .

സർവലോകസ്ഥിതാഃ സർവാ യാശ്ചാന്യാരൂപഗർവിതാഃ .. 9..

രമന്തേ തേന സതതം ശീഘ്രം വശ്യാ ന സംശയഃ .

രാജാദ്യാഃ സകലാ മർത്യാഃ ഹരഹര്യാദയഃ സുരാഃ .. 10..

അനന്താദ്യാ മഹാനാഗാഃ സിദ്ധയോഗേശ്വരാദയഃ .

ഋഷയോ മുനയോ യക്ഷാസ്തം നിത്യം പര്യുപാസതേ .. 11..

മഹതീം കീർതിമാപ്നോതി ശിവവിഷ്ണുസമപ്രഭാം .

പരമം യോഗമാസാദ്യ ഖേചരോ ജായതേ സദാ .. 12..

അപമൃത്യുവിനിർമുക്തഃ കാലമൃത്യുവിവർജിതഃ .
പരമായുഷ്യമാപ്നോതി ഹരഹര്യാദിദുർലഭം .. 13..
അശ്രുതാനി ച ശാസ്ത്രാണി വ്യാചഷ്ടേ വിധിവത് സദാ .
മൂഢോഽപി സർവവിദ്യാവാൻ ദക്ഷിണാമൂർതിവദ്ഭവേത് ..

14..

ഗ്രഹഭൂതപിശാചാദ്യാ യക്ഷഗന്ധർവരാക്ഷസാഃ .
ഏതസ്യ സ്മരണാദേവ വിനശ്യന്തി ഹി സർവദാ .. 15..

തദ്ഗാത്രം പ്രാപ്യ സകലം വിഷം സദ്യോ വിനശ്യതി .

സഹസ്രകാമസങ്കാശഃ കാന്ത്യാ യഃ സർവദാ ഭവേത് .. 16..

തസ്മാദേതത് പഠേത് സ്തോത്രം ത്രിപുരാഹൃദയം ശുഭം .

ജപേദ് യഃ സർവദാ സാക്ഷാദ് ഭവേദ് ദേവീസ്വരൂപകഃ .. 17..

സാംഗം ത്രിപുരസുന്ദര്യാ നിത്യപൂജാഫലം ലഭേത് .

വിമുക്തോ രോഗസംഘാതൈരാരോഗ്യം മഹദശ്നുതേ .. 18..

പ്രാപ്നോതി മഹദൈശ്വര്യം സർവവിദ്യാനിധിർഭവേത് .

തത്കരസ്പർശമാത്രേണ നരോ ബ്രാഹ്മണതാം ലഭേത് .. 19..

മുച്യതേ സകലൈർവിഘ്നൈഃ സ നിത്യം മാനവോത്തമഃ .

സ ഭുങ്ക്തേ സകലാൻ ഭോഗാൻ ദുർലഭാംശ്ച ദിനേ ദിനേ .. 20..

ലഭതേ പുത്രപൗത്രാംശ്ച മഹാലക്ഷ്മീസമന്വിതാൻ .

പരമായുഷ്യസംയുക്താൻ സാക്ഷച്ഛിവസമാൻ ഗുണൈഃ .. 21..
സൃഷ്ടിപാലനസംഹാരകർതേവായം സദാ ഭവേത് .
യസ്തേ കൃപാവാൻ ഭവതി സ ത്രിമൂർതിർന സംശയഃ .. 22..

തത്സമീപസ്ഥിതഃ ശീഘ്രം സദാ ജാതിസ്മരോഭവേത് .

തസ്യ ഗേഹേ സദാ കാമധേനുഃ കല്പതരുസ്തഥാ .. 23..

ചിന്താമണിശ്ച സതതം തിഷ്ഠത്യേവ ന സംശയഃ .

മഹാജയമവാപ്നോതി സദാ സർവത്ര മാനവഃ .. 24..

വജ്രകായസമോ ഭൂത്വാ ചരത്യേവ ജഗത്യയം .

മഹാസുഖീ ഭവേന്നിത്യം പരമാത്മാ ഭവേത് സദാ .. 25..

മുച്യതേ സകലേഭ്യോഽപി ബന്ധനൈഃ ശൃംഖലാദിഭിഃ .

തം പൂജയന്തി സതതം ഹരിരുദ്രാദയോഽപി ച .. 26..

ശുഭമേവ ഭവേന്നിത്യം സദാപദ്ഭിർവിമുച്യതേ .

ദേവഗന്ധർവരക്ഷാദ്യൈർബ്രഹ്മാദ്യൈരപി ദുർലഭാൻ .. 27..

പ്രാപ്നോതി സകലാൻ കാമാൻ ശീഘ്രമേവ ന സംശയഃ .

ദിവ്യഭോഗയുതോ ദിവ്യകന്യാഭിഃ സഹ സംയുതഃ .. 28..

വിമാനം സ സമാസ്ഥായ ദിവ്യാഭരണഭൂഷിതഃ .

ദിവ്യചന്ദനലിപ്താംഗഃ സദാ വിംശതിവാർഷികഃ .. 29..
സ ഭുങ്ക്തേ സകലാൻ ഭോഗാൻ ദേവലോകേ നരഃ സദാ .
തസ്മാദേതത് പഠേത് സ്തോത്രം ത്രിപുരാഹൃദയം ശുഭം .
ജപേദ്യഃ സതതം ഭക്ത്യാ ഭവേത് സാക്ഷാത് സദാ ശിവഃ .. 30..

.. ഇതി ശ്രീ രുദ്രയാമലേ ഈശ്വരപാർവതീസംവാദേ

ശ്രീലലിതാത്രിപുരസുന്ദരീഹൃദയസ്തോത്രം ..
 ലലിതാ ത്രിശതി

ലലിതാത്രിശതീസ്തോത്രം

.. ശ്രീലലിതാത്രിശതീ പൂർവപീഠികാ ..

അഗസ്ത്യ ഉവാച --
ഹയഗ്രീവ ദയാസിന്ധോ ഭഗവൻശിഷ്യവത്സല .
ത്വത്തഃ ശ്രുതമശേഷേണ ശ്രോതവ്യം യദ്യദസ്തിതത് .. 1..

രഹസ്യ നാമ സാഹസ്രമപി ത്വത്തഃ ശ്രുതം മയ .

ഇതഃ പരം മേ നാസ്ത്യേവ ശ്രോതവ്യമിതി നിശ്ചയഃ .. 2..

തഥാപി മമ ചിത്തസ്യ പര്യാപ്തിർനൈവ ജായതേ.

കാർത്സ്ന്യാർഥഃ പ്രാപ്യ ഇത്യേവ ശോചയിഷ്യാമ്യഹം പ്രഭോ ..

3..

കിമിദം കാരണം ബ്രൂഹി ജ്ഞാതവ്യാംശോഽസ്തി വാ പുനഃ .

അസ്തി ചേന്മമ തദ്ബ്രൂഹി ബ്രൂഹീത്യുക്താ പ്രണമ്യ തം .. 4..

സൂത ഉവാച -
സമാലലംബേ തത്പാദ യുഗളം കലശോദ്ഭവഃ .
ഹയാനനോ ഭീതഭീതഃ കിമിദം കിമിദം ത്വിതി .. 5..
മുഞ്ചമുഞ്ചേതി തം ചോക്കാ ചിന്താക്രാന്തോ ബഭൂവ സഃ .
ചിരം വിചാര്യ നിശ്ചിന്വൻ വക്തവ്യം ന മയേത്യസൗ .. 6..

തഷ്ണീ സ്ഥിതഃ സ്മരന്നാജ്ഞാം ലലിതാംബാകൃതാം പുരാ .

പ്രണമ്യ വിപ്രം സമുനിസ്തത്പാദാവത്യജൻസ്ഥിതഃ .. 7..

വർഷത്രയാവധി തഥാ ഗുരുശിഷ്യൗ തഥാ സ്ഥിതൗ.

തഛൃംവന്തശ്ച പശ്യന്തഃ സർവേ ലോകാഃ സുവിസ്മിതാഃ .. 8..

തത്ര ശ്രീലലിതാദേവീ കാമേശ്വരസമന്വിതാ .

പ്രാദുർഭൂതാ ഹയഗ്രീവം രഹസ്യേവമചോദയത് .. 9..

ശ്രീദേവീ ഉവാച -
ആശ്വാനനാവയോഃ പ്രീതിഃ ശാസ്ത്രവിശ്വാസിനി ത്വയി .
രാജ്യം ദേയം ശിരോ ദേയം ന ദേയാ ഷോഡശാക്ഷരീ .. 10..

സ്വമാതൃ ജാരവത് ഗോപ്യാ വിദ്യൈഷത്യാഗമാ ജഗുഃ .

തതോ ഽതിഗോപനിയാ മേ സർവപൂർതികരീ സ്തുതിഃ .. 11..

മയാ കാമേശ്വരേണാപി കൃതാ സാംഗോപിതാ ഭൃശം .

മദാജ്ഞയാ വചോദേവ്യശ്ചത്രരർനാമസഹസ്രകം .. 12..

ആവാഭ്യാം കഥിതാ മുഖ്യാ സർവപൂർതികരീ സ്തുതിഃ .

സർവക്രിയാണാം വൈകല്യപൂർതിര്യജ്ജപതോ ഭവേത് .. 13..
സർവ പൂർതികരം തസ്മാദിദം നാമ കൃതം മയാ .
തദ്ബ്രൂഹി ത്വമഗസ്ത്യായ പാത്രമേവ ന സംശയഃ .. 14..

പത്ന്യസ്യ ലോപാമുദ്രാഖ്യാ മാമുപാസ്തേഽതിഭക്തിതഃ .

അയഞ്ച നിതരാം ഭക്തസ്തസ്മാദസ്യ വദസ്വ തത് .. 15..

അമുഞ്ചമാനസ്ത്വദ്വാദൗ വർഷത്രയമസൗ സ്ഥിതഃ .

ഏതജ്ജ്ഞാതുമതോ ഭക്തയാ ഹിതമേവ നിദർശനം .. 16..

ചിത്തപര്യാപ്തിരേതസ്യ നാന്യഥാ സംഭവിഷ്യതീ .

സർവപൂർതികരം തസ്മാദനുജ്ഞാതോ മയാ വദ .. 17..

സൂത ഉവാച -
ഇത്യുക്താന്തരധദാംബാ കാമേശ്വരസമന്വിതാ .
അഥോത്ഥാപ്യ ഹയഗ്രീവഃ പാണിഭ്യാം കുംഭസംഭവം .. 18..

സംസ്ഥാപ്യ നികടേവാച ഉവാച ഭൃശ വിസ്മിതഃ .

ഹയഗ്രീവ ഉവാച --
കൃതാർഥോഽസി കൃതാർഥോഽസി കൃതാർഥോഽസി ഘടോദ്ഭവ ..

19..

ത്വത്സമോ ലലിതാഭക്തോ നാസ്തി നാസ്തി ജഗത്രയേ .

ഏനാഗസ്ത്യ സ്വയം ദേവീ തവവക്തവ്യമന്വശാത് .. 20..

സച്ഛിഷ്യേന ത്വയാ ചാഹം ദൃഷ്ട്വാനസ്മി താം ശിവാം .

യതന്തേ ദർശനാർഥായ ബ്രഹ്മവിഷ്ണ്വീശപൂർവകാഃ .. 21..

അതഃ പരം തേ വക്ഷ്യാമി സർവപൂർതികരം സ്ഥവം .

യസ്യ സ്മരണ മാത്രേണ പര്യാപ്തിസ്തേ ഭവേദ്ധൃദി .. 22..

രഹസ്യനാമ സാഹ്സ്രാദപി ഗുഹ്യതമം മുനേ .

ആവശ്യകം തതോഽപ്യേതല്ലലിതാം സമുപാസിതും .. 23..

തദഹം സമ്പ്രവക്ഷ്യാമി ലലിതാംബാനുശാസനാത് .

ശ്രീമത്പഞ്ചദശാക്ഷര്യാഃ കാദിവർണാൻക്രാമൻ മുനേ .. 24..

പൃഥഗ്വിംശതി നാമാനി കഥിതാനി ഘടോദ്ഭവ .

ആഹത്യ നാമ്നാം ത്രിശതീ സർവസമ്പൂർതികാരണീ .. 25..

രഹസ്യാദിരഹസ്യൈഷാ ഗോപനീയാ പ്രയത്നതഃ .

താം ശൃണുഷ്വ മഹാഭാഗ സാവധാനേന ചേതസാ .. 26..

കേവലം നാമബുദ്ധിസ്തേ ന കാര്യ തേഷു കുംഭജ.

മന്ത്രാത്മകം ഏതേഷാം നാമ്നാം നാമാത്മതാപി ച .. 27..

തസ്മാദേകാഗ്രമനസാ ശ്രോതവ്യം ച ത്വയാ സദാ .

സൂത ഉവാച -
ഇതി യുക്താ തം ഹയഗ്രീവഃ പ്രോചേ നാമശതത്രയം .. 28..
.. ഇതി ശ്രീലലിതാത്രിശതീസ്തോത്രസ്യ പൂർവപീഠികാ
സമ്പൂർണം .

.. ന്യാസം ..

അസ്യ ശ്രീലലിതാത്രിശതീ സ്തോത്രനാമാവലിഃ മഹാമന്ത്രസ്യ

ഭഗവാൻ ഹയഗ്രീവ ഋഷിഃ,
അനുഷ്ടുപ്ഛന്ദഃ, ശ്രീലലിതാമഹാത്രിപുരസുന്ദരീ ദേവതാ,
ഐം ബീജം, സൗഃ ശക്തിഃ, ക്ലീം കീലകം,
മമ ചതുർവിധഫലപുരുഷാർഥേ ജപേ (വാ) പാരായണേ
വിനിയോഗഃ ..

ഐം അംഗുഷ്ഠാഭ്യാം നമഃ .
ക്ലീം തർജനീഭ്യാം നമഃ .
സൗഃ മധ്യമാഭ്യാം നമഃ .
ഐം അനാമികാഭ്യാം നമഃ .
ക്ലീം കനിഷ്ഠികാഭ്യാം നമഃ .
സൗഃ കരതലകരപൃഷ്ഠാഭ്യാം നമഃ ..

ഐം ഹൃദയായ നമഃ .
ക്ലീം ശിരസേ സ്വാഹാ .
സൗഃ ശിഖായൈ വഷട് .
ഐം കവചായ ഹും .
ക്ലീം നേത്രത്രയായ വൗഷട് .
സൗഃ അസ്ത്രായ ഫട് .
ഭൂർഭുവസ്സുവരോമിതി ദിഗ്ബന്ധഃ ..

.. ധ്യാനം..

അതിമധുരചാപഹസ്താമപരിമിതാമോദസൗഭാഗ്യാം .
അരുണാമതിശയകരുണാമഭിനവകുലസുന്ദരീം വന്ദേ ..

.. ലം ഇത്യാദി പഞ്ചപൂജാ ..

ലം പൃഥിവ്യാത്മികായൈ ശ്രീലലിതാംബികായൈ ഗന്ധം

സമർപയാമി .
ഹം ആകാശാത്മികായൈ ശ്രീലലിതാംബികായൈ പുഷ്പൈഃ
പൂജയാമി .
യം വായ്വാത്മികായൈ ശ്രീലലിതാംബികായൈ കുങ്കുമം
ആവാഹയാമി .
രം വഹ്യാത്മികായൈ ശ്രീലലിതാംബികായൈ ദീപം ദർശയാമി .
വം അമൃതാത്മികായൈ ശ്രീലലിതാംബികായൈ അമൃതം
മഹാനൈവേദ്യം നിവേദയാമി .
സം സർവാത്മികായൈ ശ്രീലലിതാംബികായൈ
സർവോപചാരപൂജാം സമർപയാമി ..

.. അഥ ശ്രീലലിതാത്രിശതീ സ്തോത്രം ..
കകാരരൂപാ കല്യാണീ കല്യാണഗുണശാലിനീ .
കല്യാണശൈലനിലയാ കമനീയാ കലാവതീ .. 1..

കമലാക്ഷീ കല്മഷഘ്നീ കരുണാമൃതസാഗരാ .

കദംബകാനനാവാസാ കദംബകുസുമപ്രിയാ .. 2..

കന്ദർപവിദ്യാ കന്ദർപജനകാപാംഗവീക്ഷണാ .
കർപൂരവീടീസൗരഭ്യകല്ലോലിതകകുപ്തടാ .. 3..

കലിദോഷഹരാ കഞ്ജലോചനാ കമ്രവിഗ്രഹാ .

കർമാദിസാക്ഷിണീ കാരയിത്രീ കർമഫലപ്രദാ .. 4..

ഏകാരരൂപാ ചൈകാക്ഷര്യേകാനേകാക്ഷരാകൃതിഃ .
ഏതത്തദിത്യനിർദേശ്യാ ചൈകാനന്ദചിദാകൃതിഃ .. 5..

ഏവമിത്യാഗമാബോധ്യാ ചൈകഭക്തിമദർചിതാ .
ഏകാഗ്രചിത്തനിർധ്യാതാ ചൈഷണാ രഹിതാദ്ദൃതാ .. 6..

ഏലാസുഗന്ധിചികുരാ ചൈനഃ കൂടവിനാശിനീ .

ഏകഭോഗാ ചൈകരസാ ചൈകൈശ്വര്യപ്രദായിനീ .. 7..

ഏകാതപത്രസാമ്രാജ്യപ്രദാ ചൈകാന്തപൂജിതാ .
ഏധമാനപ്രഭാ ചൈജദനേകജഗദീശ്വരീ .. 8..
ഏകവീരാദിസംസേവ്യാ ചൈകപ്രാഭവശാലിനീ .
ഈകാരരൂപാ ചേശിത്രീ ചേപ്സിതാർഥപ്രദായിനീ .. 9..

ഈദ്ദൃഗിത്യവിനിർദേശ്യാ ചേശ്വരത്വവിധായിനീ .
ഈശാനാദിബ്രഹ്മമയീ ചേശിത്വാദ്യഷ്ടസിദ്ധിദാ .. 10..

ഈക്ഷിത്രീക്ഷണസൃഷ്ടാണ്ഡകോടിരീശ്വരവല്ലഭാ .
ഈഡിതാ ചേശ്വരാർധാംഗശരീരേശാധിദേവതാ .. 11..

ഈശ്വരപ്രേരണകരീ ചേശതാണ്ഡവസാക്ഷിണീ .
ഈശ്വരോത്സംഗനിലയാ ചേതിബാധാവിനാശിനീ .. 12..

ഈഹാവിരാഹിതാ ചേശശക്തിരീഷത്സ്മിതാനനാ .
ലകാരരൂപാ ലലിതാ ലക്ഷ്മീവാണീനിഷേവിതാ .. 13..

ലാകിനീ ലലനാരൂപാ ലസദ്ദാഡിമപാടലാ .

ലലന്തികാലസത്ഫാലാ ലലാടനയനാർചിതാ .. 14..

ലക്ഷണോജ്ജ്വലദിവ്യാംഗീ ലക്ഷകോട്യണ്ഡനായികാ .
ലക്ഷ്യാർഥാ ലക്ഷണാഗമ്യാ ലബ്ധകാമാ ലതാതനുഃ .. 15..

ലലാമരാജദലികാ ലംബിമുക്താലതാഞ്ചിതാ .
ലംബോദരപ്രസൂർലഭ്യാ ലജ്ജാഢ്യാ ലയവർജിതാ .. 16..

ഹ്രീങ്കാരരൂപാ ഹ്രീങ്കാരനിലയാ ഹ്രീമ്പദപ്രിയാ .

ഹ്രീങ്കാരബീജാ ഹ്രീങ്കാരമന്ത്രാ ഹ്രീങ്കാരലക്ഷണാ .. 17..

ഹ്രീങ്കാരജപസുപ്രീതാ ഹ്രീംമതീ ഹ്രീംവിഭൂഷണാ .

ഹ്രീംശീലാ ഹ്രീമ്പദാരാധ്യാ ഹ്രീംഗർഭാ ഹ്രീമ്പദാഭിധാ .. 18..

ഹ്രീങ്കാരവാച്യാ ഹ്രീങ്കാരപൂജ്യാ ഹ്രീങ്കാരപീഠികാ .

ഹ്രീങ്കാരവേദ്യാ ഹ്രീങ്കാരചിന്ത്യാ ഹ്രീം ഹ്രീംശരീരിണീ .. 19..

ഹകാരരൂപാ ഹലധൃത്പൂജിതാ ഹരിണേക്ഷണാ .

ഹരപ്രിയാ ഹരാരാധ്യാ ഹരിബ്രഹ്മേന്ദ്രവന്ദിതാ .. 20..

ഹയാരൂഢാ സേവിതാംഘ്രിർഹയമേധസമർചിതാ .
ഹര്യക്ഷവാഹനാ ഹംസവാഹനാ ഹതദാനവാ .. 21..

ഹത്യാദിപാപശമനീ ഹരിദശ്വാദിസേവിതാ .
ഹസ്തികുംഭോത്തുങ്കകുചാ ഹസ്തികൃത്തിപ്രിയാംഗനാ .. 22..

ഹരിദ്രാകുങ്കുമാ ദിഗ്ധാ ഹര്യശ്വാദ്യമരാർചിതാ .

ഹരികേശസഖീ ഹാദിവിദ്യാ ഹാലാമദോല്ലസാ .. 23..

സകാരരൂപാ സർവജ്ഞാ സർവേശീ സർവമംഗലാ .

സർവകർത്രീ സർവഭർത്രീ സർവഹന്ത്രീ സനാതനാ .. 24..

സർവാനവദ്യാ സർവാംഗസുന്ദരീ സർവസാക്ഷിണീ .

സർവാത്മികാ സർവസൗഖ്യദാത്രീ സർവവിമോഹിനീ .. 25..
സർവാധാരാ സർവഗതാ സർവാവഗുണവർജിതാ .
സർവാരുണാ സർവമാതാ സർവഭൂഷണഭൂഷിതാ .. 26..

കകാരാർഥാ കാലഹന്ത്രീ കാമേശീ കാമിതാർഥദാ .

കാമസഞ്ജീവിനീ കല്യാ കഠിനസ്തനമണ്ഡലാ .. 27..

കരഭോരുഃ കലാനാഥമുഖീ കചജിതാംഭുദാ .

കടാക്ഷസ്യന്ദികരുണാ കപാലിപ്രാണനായികാ .. 28..

കാരുണ്യവിഗ്രഹാ കാന്താ കാന്തിധൂതജപാവലിഃ .

കലാലാപാ കംബുകണ്ഠീ കരനിർജിതപല്ലവാ .. 29..

കല്പവല്ലീ സമഭുജാ കസ്തൂരീ തിലകാഞ്ചിതാ .

ഹകാരാർഥാ ഹംസഗതിർഹാടകാഭരണോജ്ജ്വലാ .. 30..

ഹാരഹാരികുചാഭോഗാ ഹാകിനീ ഹല്യവർജിതാ .

ഹരിത്പതിസമാരാധ്യാ ഹഠാത്കാരഹതാസുരാ .. 31..

ഹർഷപ്രദാ ഹവിർഭോക്ത്രീ ഹാർദസന്തമസാപഹാ .

ഹല്ലീസലാസ്യസന്തുഷ്ടാ ഹംസമന്ത്രാർഥരൂപിണീ .. 32..

ഹാനോപാദാനനിർമുക്താ ഹർഷിണീ ഹരിസോദരീ .

ഹാഹാഹൂഹൂമുഖസ്തുത്യാ ഹാനിവൃദ്ധിവിവർജിതാ .. 33..
ഹയ്യംഗവീനഹൃദയാ ഹരികോപാരുണാംശുകാ .
ലകാരാഖ്യാ ലതാപൂജ്യാ ലയസ്ഥിത്യുദ്ഭവേശ്വരീ .. 34..

ലാസ്യദർശനസന്തുഷ്ടാ ലാഭാലാഭവിവർജിതാ .
ലംഘ്യേതരാജ്ഞാ ലാവണ്യശാലിനീ ലഘുസിദ്ധിദാ .. 35..

ലാക്ഷാരസസവർണാഭാ ലക്ഷ്മണാഗ്രജപൂജിതാ .
ലഭ്യതരാ ലബ്ധഭക്തിസുലഭാ ലാംഗലായുധാ .. 36..

ലഗ്നചാമരഹസ്ത ശ്രീശാരദാ പരിവീജിതാ .

ലജ്ജാപദസമാരാധ്യാ ലമ്പടാ ലകുലേശ്വരീ .. 37..

ലബ്ധമാനാ ലബ്ധരസാ ലബ്ധസമ്പത്സമുന്നതിഃ .

ഹ്രീങ്കാരിണീ ച ഹ്രീങ്കാരീ ഹ്രീംമധ്യാ ഹ്രീംശിഖാമണിഃ .. 38..

ഹ്രീങ്കാരകുണ്ഡാഗ്നിശിഖാ ഹ്രീങ്കാരശശിചന്ദ്രികാ .
ഹ്രീങ്കാരഭാസ്കരരുചിർഹ്രീങ്കാരാംഭോദചഞ്ചലാ .. 39..

ഹ്രീങ്കാരകന്ദാങ്കുരികാ ഹ്രീങ്കാരൈകപരായണാം .
ഹ്രീങ്കാരദീർഘികാഹംസീ ഹ്രീങ്കാരോദ്യാനകേകിനീ .. 40..

ഹ്രീങ്കാരാരണ്യഹരിണീ ഹ്രീങ്കാരാവാലവല്ലരീ .
ഹ്രീങ്കാരപഞ്ജരശുകീ ഹ്രീങ്കാരാംഗണദീപികാ .. 41..

ഹ്രീങ്കാരകന്ദരാ സിംഹീ ഹ്രീങ്കാരാംഭോജഭൃംഗികാ .

ഹ്രീങ്കാരസുമനോ മാധ്വീ ഹ്രീങ്കാരതരുമഞ്ജരീ .. 42..

സകാരാഖ്യാ സമരസാ സകലാഗമസംസ്തുതാ .

സർവവേദാന്ത താത്പര്യഭൂമിഃ സദസദാശ്രയാ .. 43..

സകലാ സച്ചിദാനന്ദാ സാധ്യാ സദ്ഗതിദായിനീ .

സനകാദിമുനിധ്യേയാ സദാശിവകുടുംബിനീ .. 44..

സകാലാധിഷ്ഠാനരൂപാ സത്യരൂപാ സമാകൃതിഃ .

സർവപ്രപഞ്ചനിർമാത്രീ സമനാധികവർജിതാ .. 45..

സർവോത്തുംഗാ സംഗഹീനാ സഗുണാ സകലേഷ്ടദാ . var

സകലേശ്വരീ
കകാരിണീ കാവ്യലോലാ കാമേശ്വരമനോഹരാ .. 46..

കാമേശ്വരപ്രണാനാഡീ കാമേശോത്സംഗവാസിനീ .
കാമേശ്വരാലിംഗിതാംഗീ കാമേശ്വരസുഖപ്രദാ .. 47..

കാമേശ്വരപ്രണയിനീ കാമേശ്വരവിലാസിനീ .
കാമേശ്വരതപഃ സിദ്ധിഃ കാമേശ്വരമനഃപ്രിയാ .. 48..

കാമേശ്വരപ്രാണനാഥാ കാമേശ്വരവിമോഹിനീ .
കാമേശ്വരബ്രഹ്മവിദ്യാ കാമേശ്വരഗൃഹേശ്വരീ .. 49..

കാമേശ്വരാഹ്ലാദകരീ കാമേശ്വരമഹേശ്വരീ .
കാമേശ്വരീ കാമകോടിനിലയാ കാങ്ക്ഷിതാർഥദാ .. 50..

ലകാരിണീ ലബ്ധരൂപാ ലബ്ധധീർലബ്ധവാഞ്ചിതാ .

ലബ്ധപാപമനോദൂരാ ലബ്ധാഹങ്കാരദുർഗമാ .. 51..

ലബ്ധശക്തിർലബ്ധദേഹാ ലബ്ധൈശ്വര്യസമുന്നതിഃ .
ലബ്ധവൃദ്ധിർലബ്ധലീലാ ലബ്ധയൗവനശാലിനീ .. 52.. var
ലബ്ധബുധിഃ

ലബ്ധാതിശയസർവാംഗസൗന്ദര്യാ ലബ്ധവിഭ്രമാ .
ലബ്ധരാഗാ ലബ്ധപതിർലബ്ധനാനാഗമസ്ഥിതിഃ .. 53.. var
ലബ്ധഗതി

ലബ്ധഭോഗാ ലബ്ധസുഖാ ലബ്ധഹർഷാഭിപൂരിതാ . പൂജിതാ

ഹ്രീങ്കാരമൂർതിർഹ്രീൺകാരസൗധശൃംഗകപോതികാ .. 54..

ഹ്രീങ്കാരദുഗ്ധാബ്ധിസുധാ ഹ്രീങ്കാരകമലേന്ദിരാ .
ഹ്രീങ്കാരമണിദീപാർചിർഹ്രീങ്കാരതരുശാരികാ .. 55..

ഹ്രീങ്കാരപേടകമണിർഹ്രീങ്കാരദർശബിംബിതാ .
ഹ്രീങ്കാരകോശാസിലതാ ഹ്രീങ്കാരാസ്ഥാനനർതകീ .. 56..

ഹ്രീങ്കാരശുക്തികാ മുക്താമണിർഹ്രീങ്കാരബോധിതാ .
ഹ്രീങ്കാരമയസൗവർണസ്തംഭവിദ്രുമപുത്രികാ .. 57..
ഹ്രീങ്കാരവേദോപനിഷദ് ഹ്രീങ്കാരാധ്വരദക്ഷിണാ .
ഹ്രീങ്കാരനന്ദനാരാമനവകല്പക വല്ലരീ .. 58..

ഹ്രീങ്കാരഹിമവദ്ഗംഗാ ഹ്രീങ്കാരാർണവകൗസ്തുഭാ .
ഹ്രീങ്കാരമന്ത്രസർവസ്വാ ഹ്രീങ്കാരപരസൗഖ്യദാ .. 59..

.. ഇതി ശ്രീലലിതാത്രിശതീസ്തോത്രം സമ്പൂർണം ..

.. ശ്രീലലിതാ ത്രിശതീ ഉത്തരപീഠികാ ..

ഹയഗ്രീവ ഉവാച -

ഇത്യേവം തേ മയാഖ്യാതം ദേവ്യാ നാമശതത്രയം .

രഹസ്യാതിരഹസ്യത്വാദ്ഗോപനീയം ത്വയാ മുനേ .. 1..

ശിവവർണാനി നാമാനി ശ്രീദേവ്യാ കഥിതാനി ഹി .

ശക്തയക്ഷരാണി നാമാനി കാമേശകഥിതാനി ച .. 2..

ഉഭയാക്ഷരനാമാനി ഹ്യുഭാഭ്യാം കഥിതാനി വൈ .

തദന്യൈർഗ്രഥിതം സ്തോത്രമേതസ്യ സദൃശം കിമു .. 3..

നാനേന സദൃശം സ്തോത്രം ശ്രീദേവീ പ്രീതിദായകം .

ലോകത്രയേഽപി കല്യാണം സംഭവേന്നാത്ര സംശയഃ.. 4..
സൂത ഉവാച -

ഇതി ഹയമുഖഗീതം സ്തോത്രരാജം നിശമ്യ

പ്രഗലിത കലുഷോഽഭൃച്ചിത്തപര്യാപ്തിമേത്യ .

നിജഗുരുമഥ നത്വാ കുംഭജന്മാ തദുക്തം

പുനരധികരഹസ്യം ജ്ഞാതുമേവം ജഗാദ .. 5..

അഗസ്ത്യ ഉവാച --
അശ്വാനന മഹാഭാഗ രഹസ്യമപി മേ വദ .
ശിവവർണാനി കാന്യത്ര ശക്തിവർണാനി കാനി ഹി .. 6..

ഉഭയോരപി വർണാനി കാനി വാ വദ ദേശിക.

ഇതി പൃഷ്ടഃ കുംഭജേന ഹയഗ്രീവോഽവദത്യുനഃ .. 7..

ഹയഗ്രീവ ഉവാച -

തവ ഗോപ്യം കിമസ്തീഹ സാക്ഷാദംബാനുശാസനാത് .

ഇദം ത്വതിരഹസ്യം തേ വക്ഷ്യാമി കുംഭജ .. 8..

ഏതദ്വിജ്ഞനമാത്രേണ ശ്രീവിദ്യാ സിദ്ധിദാ ഭവേത് .

കത്രയം ഹദ്ബയം ചൈവ ശൈവോ ഭാഗഃ പ്രകീർതിതഃ .. 9..

ശക്തയക്ഷരാണി ശേഷാണിഹ്രീങ്കാര ഉഭയാത്മകഃ .

ഏവം വിഭാഗമജ്ഞാത്വാ യേ വിദ്യാജപശാലിനഃ .. 10..

ന തേശാം സിദ്ധിദാ വിദ്യാ കല്പകോടിശതൈരപി .

ചതുർഭിഃ ശിവചക്രൈശ്ച ശക്തിചക്രൈശ്ച പഞ്ചഭിഃ .. 11..

നവ ചക്രൈശ്ല സംസിദ്ധം ശ്രീചക്രം ശിവയോർവപുഃ .

ത്രികോണമഷ്ടകോനം ച ദശകോണദ്ബയം തഥാ .. 12..

ചതുർദശാരം ചൈതാനി ശക്തിചക്രാണി പഞ്ച ച .

ബിന്ദുശ്ചാഷ്ടദലം പദ്മം പദ്മം ഷോഡശപത്രകം .. 13..

ചതുരശ്രം ച ചത്വാരി ശിവചക്രാണ്യനുക്രമാത് .

ത്രികോണേ ബൈന്ദവം ശ്ലിഷ്ടം അഷ്ടാരേഷ്ടദലാംബുജം .. 14..

ദശാരയോഃ ഷോഡശാരം ഭൂഗൃഹം ഭുവനാശ്രകേ .

ശൈവാനാമപി ശാക്താനാം ചക്രാണാം ച പരസ്പരം .. 15..

അവിനാഭാവസംബന്ധം യോ ജാനാതി സ ചക്രവിത് .

ത്രികോണരൂപിണി ശക്തിർബിന്ദുരൂപപരഃ ശിവഃ .. 16..

അവിനാഭാവസംബന്ധം തസ്മാദ്വിന്ദുത്രികോണയോഃ .
ഏവം വിഭാഗമജ്ഞാത്വാ ശ്രീചക്രം യഃ സമർചയേത് .. 17..

ന തത്ഫലമവാപ്നോതി ലലിതാംബാ ന തുഷ്യതി .

യേ ച ജാനന്തി ലോകേഽസ്മിൻശ്രീവിദ്യാചക്രവേദിനഃ .. 18..
സാമന്യവേദിനഃ സർവേ വിശേഷജ്ഞോഽതിദുർലഭഃ .
സ്വയം വിദ്യാ വിശേഷജ്ഞോ വിശേഷജ്ഞ സമർചയേത് .. 19..

തസ്മൈഃ ദേയം തതോ ഗ്രാഹ്യമശക്തസ്തവ്യദാപയേത്.

അന്ധമ്തമഃ പ്രവിശന്തി യേ ഽവിദ്യാം സമുപാസതേ .. 20..

ഇതി ശ്രുതിരപാഹൈതാനവിദ്യോപാസകാൻപുനഃ .
വിദ്യാന്യോപാസകാനേവ നിന്ദത്യാരുണികീ ശ്രുതിഃ .. 21..

അശ്രുതാ സശ്രുതാസശ്വ യജ്ചാനോം യേഽപ്യയഞ്ജനഃ .

സവര്യന്തോ നാപേക്ഷന്തേ ഇന്ദ്രമഗ്നിശ്ച യേ വിദുഃ .. 22..

സികതാ ഇവ സംയന്തി രശ്മിഭിഃ സമുദീരിതാഃ .

അസ്മാല്ലോകാദമുഷ്മാച്ചേത്യാഹ ചാരണ്യക ശ്രുതിഃ .. 23..

യസ്യ നോ പശ്ചിമം ജന്മ യദി വാ ശങ്കരഃ സ്വയം.

തേനൈവ ലഭ്യതേ വിദ്യാ ശ്രീമത്പച്ചദശാക്ഷരീ .. 24..

ഇതി മന്ത്രേഷു ബഹുധാ വിദ്യായാ മഹിമോച്യതേ .

മോക്ഷൈകഹേതുവിദ്യാ തു ശ്രീവിദ്യാ നാത്ര സംശയഃ .. 25..

ന ശില്പദി ജ്ഞാനയുക്തേ വിദ്വച്ഛവ്ധഃ പ്രയുജ്യതേ .

മോക്ഷൈകഹേതുവിദ്യാ സാ ശ്രീവിദ്യൈവ ന സംശയഃ .. 26..
തസ്മാദ്വിദ്യാവിദേവാത്ര വിദ്വാന്വിദ്വാനിതീര്യതേ .
സ്വയം വിദ്യാവിദേ ദദ്യാത്ഖ്യാപയേത്തദ്ഗുണാൻസുധീഃ .. 27..

സ്വയംവിദ്യാരഹസ്യജ്ഞോ വിദ്യാമാഹാത്മ്യമവേദ്യപി
വിദ്യാവിദം നാർചയേച്ചേത്കോ വാ തം പൂജയേജ്ജനഃ .. 28..

പ്രസംഗാദിദമുക്തം തേ പ്രകൃതം ശൃണു കുംഭജ .

യഃ കീർതയേത്സകൃത്ഭക്തയാ ദിവ്യനാമശതത്രയം .. 29..

തസ്യ പുണ്യമഹം വക്ഷ്യേ ദ്വം കുംഭസംഭവ .

രഹസ്യനാമസാഹസ്രപാഠേ യത്ഫലമീരിതം .. 30..

തത്ഫലം കോടിഗുണിതമേകനാമജപാദ്ഭവേത് .
കാമേശ്വരീകാമേശാഭ്യാം കൃതം നാമശതത്രയം .. 31..

നാന്യേന തുലയേദേതത്സ്തോത്രേണാന്യ കൃതേന ച .

ശ്രിയഃ പരമ്പരാ യസ്യ ഭാവി വാ ചോത്തരോത്തരം .. 32..

തേനൈവ ലഭ്യതേ ചൈതത്പശ്ചാച്ഛേയഃ പരീക്ഷയേത് .

അസ്യാ നാമ്നാം ത്രിശത്യാസ്തു മഹിമാ കേന വർണയതേ ..

33..

യാ സ്വയം ശിവയോർവക്തപദ്മാഭ്യാം പരിനിഃസൃതാ .

നിത്യം ഷോഡശസംഖ്യാകാന്വിപ്രാനാദൗ തു ഭോജയേത് .. 34..
അഭ്യക്താംസിതിലതൈലേന സ്നാതാനുഷ്ണേന വാരിണാ .
അഭ്യർച ഗന്ധപുഷ്പാദ്യൈഃ കാമേശ്വര്യാദിനാമഭിഃ .. 35..

സൂപാപൂപൈഃ ശർകരാദ്മൈഃ പായസൈഃ ഫലസംയുതൈഃ .

വിദ്യാവിദോ വിശേഷേണ ഭോജയേത്പോഡശ ദ്വിജാൻ .. 36..

ഏവം നിത്യാർചനം കുര്യാതാദൗ ബ്രാഹ്മണ ഭോജനം .

ത്രിശതീനാമഭിഃ പശ്ചാദ്ബ്രാഹ്മണാൻക്രമശോഽർചയേത് .. 37..

തൈലാഭ്യംഗാതികം ദത്വാ വിഭവേ സതി ഭക്തിതഃ .

ശുക്ലപ്രതിപദാരഭ്യ പൗർണമാസ്യവധി ക്രമാത് .. 38..

ദിവസേ ദിവസേ വിപ്രാ ഭോജ്യാ വിംശതീസംഖ്യയാ .

ദശഭിഃ പഞ്ചഭിർവാപി ത്രീഭിരേകനവാ ദിനൈഃ .. 39..

ത്രിംശത്പഷ്ടിഃ ശതം വിപ്രാഃ സംഭോജ്യസ്തിശതം ക്രമാത് .

ഏവം യഃ കുരുതേ ഭക്തയാ ജന്മമധ്യേ സകൃന്നരഃ .. 40..

തസ്യൈവ സഫലം ജന്മ മുക്തിസ്തസ്യ കരേ സ്ഥിരാഃ .

രഹസ്യനാമ സാഹസ്ത്ര ഭോജനേഽപ്യേവ്മേവഹി .. 41..

ആദൗ നിത്യബലിം കുര്യാത്പശ്ചാദ്വാഹ്മണഭോജനം .

രഹസ്യനാമസാഹസ്രമഹിമാ യോ മയോദിതഃ .. 42..

സശികരാണുരത്രൈകനാമപ്നോ മഹിമവാരിധേഃ .
വാഗ്ദേവീരചിതേ നാമസാഹസ്നേ യദ്യദീരിതം .. 43..

തത്ഫലം കോടിഗുണിതം നാമ്നോഽപ്യേകസ്യ കീർതനാത് .

ഏതന്യൈർജപൈഃ സ്തോത്രൈരർചനൈര്യത്ഫലം ഭവേത് ..

44..

തത്ഫലം കോടിഗുണിതം ഭവേന്നാമശതത്രയാത് .

വാഗ്ദേവിരചിതാസ്തോത്രേ താദൃശോ മഹിമാ യദി .. 45..

സാക്ഷാത്കാമേശകാമേശീ കൃതേ ഽസ്മിൻഗൃഹൃതാമിതി .

സകൃത്സൻകീർതനാദേവ നാമ്നാമ്നസ്മിവ്ശതത്രയേ .. 46..

ഭവേച്ചിത്തസ്യ പര്യപ്തിർന്യൂനമന്യാനപേക്ഷിണീ .
ന ജ്ഞാതവ്യമിതോഽപ്യന്യത്ര ജപ്തവ്യശ്ച കുംഭജ .. 47..

യദ്യത്സാധ്യതമം കാര്യ തത്തദർഥമിദഞ്ജപേത് .

തത്തത്ഫലമവാപ്നോതി പശ്ചാത്കാര്യ പരീക്ഷയേത് .. 48..

യേ യേ പ്രയോഗാസ്തന്ത്രേഷു തൈസ്തൈര്യത്സാധ്യതേ ഫലം .

തത്സർവ സിദ്ധയതി ക്ഷിപ്രം നാമത്രിശതകീർതനാത് .. 49..

ആയുഷ്കരം പുഷ്ടികരം പുത്രദം വശ്യകാരകം .

വിദ്യാപ്രദം കീർതികരം സുഖവിത്വപ്രദായകം .. 50..

സർവസമ്പത്പ്രദം സർവഭോഗദം സർവസൗഖ്യദം .

സർവാഭിഷ്ടപ്രദം ചൈവ ദേവ്യാ നാമശതത്രയം .. 51..

ഏതജ്ജപപരോ ഭൂയാന്നാന്യദിച്ഛേത്കദാചന .
ഏതത്കീർതനസന്തുഷ്ടാ ശ്രീദേവീ ലലിതാംബികാ .. 52..

ഭക്തസ്യ യദ്യദിഷ്ടം സ്യാത്തത്തത്യൂരയതേ ധ്രുവം .

തസ്മാത്കുഭോദ്ഭവമുനേ കീർതയ ത്വമിദം സദാ .. 53..

നാപരം കിഞ്ചിദപി തേ ബോദ്ധവ്യം നാവശിഷ്യതേ .

ഇതി തേ കഥിതം സ്തോത്ര ലലിതാ പ്രീതിദായകം .. 54..

നാവിദ്യാവേദിനേ ബ്രൂയാന്നാഭക്തായ കദാചന .

ന ശഠായ ന ദുഷ്ടായ നാവിശ്വാസായ കഹിർചിത്.. 56..

യോ ബ്രൂയാത്രിശതീം നാമ്നാം തസ്യാനർഥോ മഹാൻഭവേത് .

ഇത്യാജ്ഞാ ശാങ്കരീ പ്രോക്താ തസ്മാദ്ഗോപ്യമിദം ത്വയാ ..

57..

ലലിതാ പ്രേരിതേനൈവ മയോക്തം സ്തോത്രമുത്തമം .

രഹസ്യനാമസാഹസ്രാദപി ഗോപ്യമിദം മുനേ .. 58..

സൂത ഉവാച -
ഏവമുക്ത്വാ ഹയഗ്രീവഃ കുംഭജം താപസോത്തമം .
സ്തോത്രേണാനേന ലലിതാം സ്തുത്വാ ത്രിപുരസുന്ദരീ ..
ആനന്ദലഹരീമഗ്നരമാനസഃ സമവർതത .. 59..

.. ഇതി ശ്രീ ബ്രഹ്മാണ്ഡപുരാണേ ഉത്തരാഖണ്ഡേ

ശ്രീ ഹയഗ്രീവാഗസ്ത്യസംവാദേ
ശ്രീലലിതാത്രിശതീ സ്തോത്ര കഥനം സമ്പൂർണം ..

ശ്രീലലിതാപുഷ്പാഞ്ജലിസ്തോത്രം

.. ശ്രീഗണേശായ നമഃ ..

.. ശ്രീലലിതാത്രിപുരസുന്ദര്യൈ നമഃ ..

ഓം സമസ്തമുനിയക്ഷകിമ്പുരുഷസിദ്ധവിദ്യാധര-
ഗ്രഹാസുരസുരാപ്സരോഗണമുഖൈർഗണൈഃ സേവിതേ! .
നിവൃത്തിതിലകാംബരാപ്രകൃതിശാന്തിവിദ്യാകലാ-
കലാപമധുരാകൃതേ കലിത ഏഷ പുഷ്പാഞ്ജലിഃ .. 1..

ത്രിവേദകൃതവിഗ്രഹേ, ത്രിവിധകൃത്യസന്ധായിനി,
ത്രിരൂപസമവായിനി ത്രിപുരമാർഗസഞ്ചാരിണി! .
ത്രിലോചനകുടുംബിനി ത്രിഗുണസംവിദുദ്യുത്പദേ
ത്രയി, ത്രിപുരസുന്ദരി, ത്രിജഗദീശി! പുഷ്പാഞ്ജലിഃ .. 2..

പുരന്ദരജലാധിപാന്തകകുബേരരക്ഷോഹര-
പ്രഭഞ്ജനധനഞ്ജയപ്രഭൃതിവന്ദനാനന്ദിതേ! .
പ്രവാലപദപീഠീകാനികടനിത്യവർതിസ്വഭൂ-
വിരിഞ്ചിവിഹിതസ്തുതേ! വിഹിത ഏഷ പുഷ്പാഞ്ജലിഃ ..

3..

യദാനതിബലാദഹങ്കൃതിരുദേതി വിദ്യാവയ-
സ്തപോദ്രവിണരൂപസൗരഭകവിത്വസംവിന്മയി! .
ജരാമരണജന്മജം ഭയമുപൈതി തസ്യൈ സമാ-
ഖിലസമീഹിതപ്രസവഭൂമി! തുഭ്യം നമഃ .. 4..

നിരാവരണസംവിദുദ്ഭ്രമപരാസ്തഭേദോല്ലസത്-
പരാത്പരചിദേകതാവരശരീരിണി, സ്വൈരിണി! .
രസായനതരംഗിണീരുചിതരംഗസഞ്ചാരിണി!,
പ്രകാമപരിപൂരിണി! പ്രകൃത ഏഷ പുഷ്പാഞ്ജലിഃ .. 5..

തരംഗയതി സമ്പദം തദനുസംഹരത്യാപദം

സുഖം വിതരതി ശ്രിയം പരിചിനോതി ഹന്തി ദ്വിഷഃ .
ക്ഷിണോതി ദുരിതാനി യത് പ്രണതിരംബ! തസ്യൈ സദാ
ശിവങ്കരി! ശിവേ പദേ, ശിവപുരന്ധ്രി തുഭ്യം നമഃ .. 6..

ശിവേ, ശിവസുശീതലാമൃതതരംഗഗന്ധോല്ലസ-
ന്നവാവരണദേവതേ!, നവനവാമൃതസ്പന്ദിനീ! .
ഗുരുക്രമപുരസ്കൃതേ! ഗുണശരീരനിത്യോജ്ജ്വലേ!
ഷഡംഗപരിവാരിതേ! കലിത ഏഷ പുഷ്പാഞ്ജലിഃ .. 7..
ത്വമേവ ജനനീ പിതാ ത്വമഥ ബന്ധവസ്ത്വം സഖാ
ത്വമായുരപരാ ത്വമാഭരണമാത്മനസ്ത്വം കലാഃ .
ത്വമേവ വപുഷഃ സ്ഥിതിസ്ത്വമഖിലാ യതിസ്ത്വം ഗുരുഃ
പ്രസീദ പരമേശ്വരി! പ്രണതപാത്രി, തുഭ്യം നമഃ .. 8..

കഞ്ജാസനാദിസുരവൃന്ദലസത്കിരീടകോടിപ്രഘർഷണസമുജ്ജ്വലദം
ഘ്രിപീഠേ .
ത്വാമേവ യാമി ശരണം വിഗതാന്യഭാവം ദീനം വിലോകയ
യദാർദ്രവിലോകനേന .. 9..
 ശ്രീലലിതാ നീരാജനം

ശ്രീലലിതാ-ത്രിപുര-സുന്ദര്യൈ നമഃ .

ജയ ജയ ജയ ലലിതേ .
ജയ ജഗദീശ്വരി മാതഃ ശ്രീസുന്ദരീ ലലിതേ,
ത്വം മാം പാലയ നിത്യം വിശ്വേശ്വരി വരദേ .
മഞ്ജുല മംഗലദായിനി പരമാനന്ദ പ്രദേ,
സകലമനോരഥ പൂരിണി മാതഃ ശ്രീ ലലിതേ .. 1 ജയ ജയ
ജയ ലലിതേ

ജയ ശ്രീചക്രനിവാസിനി കാമേശ്വരി ത്രിപുരേ,

ദീനം മാമവലോകയ കൃപയാ ശ്രീലലിതേ .
ശിവവാമാങ്ക-വിഹാരിണീ മോഹിത ഭൂതപതേ,
കലിത-കലാധരമുകുടേ നേത്ര ത്രയ-ശോഭേ .. 2 ജയ ജയ
ജയ ലലിതേ

ധനുരങ്കുശരപാശൈഃ ശോഭിത-കര-കമലേ,
 ശിശും സ്വകീയം പാലയ മാതഃ ശ്രീലലിതേ .
അരുണ-വിഭാ-ഭവ-ഭാസിത-ഭുവനേശ്വരി വിദ്യേ,
ഭവ-ഭയ-ഭഞ്ജനകാരിണി ഭവനാടകനിപുണേ .. 3 ജയ
ജയ ജയ ലലിതേ

വിധിഹരിസുരപതിമുകുടൈഃ വന്ദിതപദപദ്മേ ,
നീരാജനമവലോകയ ഭഗവതി ചിതിരൂപേ .
സംവിത്ത്വ-സ്വരൂപിണി നിഗമാഗമഗീതേ,
സന്തത-ചിന്തിത-സഞ്ചിത്-സ്വാനന്ദേ ലലിതേ .. 4 ജയ ജയ
ജയ ലലിതേ

ബിന്ദുനാദ-ഭവഭാസിനി ശിവശക്തിപ്രഥിതേ,
സ്പന്ദസുധാരസ-വർണിണി ശാംഭവി ശക്തി ശിവേ .
നീരാജനമിദമമലം ആരാത്ത്രിക-സമയേ,
ഭക്ത്യാ ഗായതി സകലം ഭദ്രം സഞ്ചിനുതേ .. 5 ജയ ജയ
ജയ ലലിതേ

നൃത്യതി ഗായതി കലയതി മുദിതമനാ മനുതേ,

രൂപം പശ്യതി ത്വരിതം തവ ലലിതം ലലിതേ .
നിരുപാധിക-കാമേശ്വര-കാമേശ്വരി ലലിതേ,
അരുണിമ തരുണി-മണ്ഡല മണ്ഡിത ശ്രീസദനേ .. 6 ജയ
ജയ ജയ ലലിതേ

നിഷ്കല-തത്ത്വ-പ്രകാശിനി പരമേശ്വരി ലലിതേ,

ദത്താത്രേയാനന്ദം നാഥയ ശ്രീലലിതേ .
ചരണസരോജേ നമിതം ലോകയ ശ്രീലലിതേ,
ശരണാഗത-പ്രതിപാലിനി പാലയ ശ്രീലലിതേ .. 7 ജയ
ജയ ജയ ലലിതേ

ഇതി ശ്രീലലിതാനീരാജനസപ്തകം സമ്പൂർണം .

ശ്രീലലിതാംബാപരമേശ്വരസ്തവഃ

കലയതു കന്യാണതതിം കമലാസഖപദ്മയോനിമുഖവന്ദ്യഃ .

കരിമുഖഷണ്മുഖയുക്തഃ കാമേശസ്ത്രിപുരസുന്ദരീനാഥഃ .. 1..

ഏകൈവാഹം ജഗതീത്യായോധനമധ്യ അബ്രവീദാദൗ .

ശുംഭം പ്രതി സാ പായാദാദ്യാ ശക്തിഃ കൃപാപയോരാശിഃ ..

2..

ഈഷദിതി മന്യതേ യത്പദഭക്തഃ ശംഭുവിഷ്ണുമുഖപദവീഃ .

സാ മേ നിശ്ചലവിരതിം ദദ്യാദ്വിഷയേഷു വിഷ ഇവാത്യന്തം ..

3..

ലഭതേ പരാത്മവിദ്യാം സുദൃഢാമേവാശു യത്പദാസക്തഃ .

താം നൗമി ബോധരൂപാമാദ്യാം വിദ്യാം ശിവാജമുഖസേവ്യാം ..

4..
ഹ്രീമാൻഭവേത്സുരേശസ്തദ്ഗുരുരപി യത്പദാബ്ജഭക്തസ്യ .
ലക്ഷ്മീം ഗിരം ച ദൃഷ്ട്വാ സാ മാമവ്യാത്തയോഃ പ്രദാനേന ..

5..

ഹസതി വിധും ഹാസേന പ്രവാലമപി പഞ്ചശാഖമാർദവതഃ .

അധരേണ ബിംബമവ്യാത്സാ മാ സോമാർധമൂർധപുണ്യതതിഃ ..

6..

സകലാമ്നായശിരോഭിസ്താത്പര്യേണൈവ ഗീയതേ രൂപം .

യസ്യാഃ സാവതു സതതം ഗംഗാധരപൂർവപുണ്യപരിപാഠീ .. 7..

കലിമലനിവാരണവ്രതകൃതദീക്ഷഃ കാലസർവഗർവഹരഃ .
കരണവശീകരണപടുപ്രാഭവദഃ പാതു പാർവതീനാഥഃ .. 8..

ഹരതു തമോ ഹാർദേം മേ ഹാലാഹലരാജമാനഗലദേശഃ .

ഹംസമനുപ്രതിപാദ്യഃ പരഹംസാരാധ്യപാദപാഥോജഃ .. 9..

ലലനാഃ സുരേശ്വരാണാം യത്പാദപാഥോജമർചയന്തി മുദാ .

സാ മേ മനസി വിഹാരം രചയതു രാകേന്ദുഗർവഹരവദനാ ..

10..

ഹ്രീമന്തഃ കലയതി യോ മൂലം മൂലം സമസ്തലക്ഷ്മീനാം .

തം ചക്രവർതിനോഽപി പ്രണമന്തി ച യാന്തി തസ്യ ഭൃത്യത്വം ..

സദനം പ്രഭവതി വാചാം യന്മൂർതിധ്യാനതോ ഹി മൂകോഽപി .

സരസാം സാലങ്കാരാം സാ മേ വാചം ദദാതു ശിവമഹിഷീ ..

12..

കരകലിതപാശസൃണിശരശരാസനഃ കാമധുക്പ്രണമ്രാണാം .
കാമേശ്വരീഹൃദംബുജഭാനുഃ പായാദ്യുവാ കോഽപി .. 13..

ലബ്ധ്വാ സ്വയം പുമർഥാംശ്ചതുരഃ കിഞ്ചാത്മഭക്തവര്യേഭ്യഃ .

ദദ്യാദ്യത്പദഭക്തഃ സാ മയി കരുണാം കരോതു കാമേശീ ..

14..

ഹ്രീങ്കാരജപപരാണാം ജീവന്മുക്തിം ച ഭുക്തിം ച .

യാ പ്രദദാത്യചിരാത്താം നൗമി ശ്രീചക്രരാജകൃതവസതിം .. 15..

ശ്രീമാതൃപദപയോജാസക്തസ്വാന്തേന കേനചിദ്യതിനാ .
രചിതാ സ്തുതിരിയമവനൗ പഠതാം ഭക്ത്യാ ദദാതി ശുഭപങ്ക്തിം

.. 16..

ഇതി ശൃംഗേരി ശ്രീജഗദ്ഗുരു

ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതഃ ശ്രീലലിതാംബാപരമേശ്വരസ്തവഃ
സമ്പൂർണഃ .
 ശ്രീലലിതാംബാപരമേശ്വരസ്തുതിഃ

കല്യാണശൈലധന്വാ കരധൃതകുംഭാക്ഷമാലികാമുദ്രഃ .
കലയതു മമ സന്തോഷം കരിചർമധരഃ കൃപാപയോരാശിഃ ..

1..

ഏകാത്മകത്വധിഷണാമേധയതീമീശജീവയോർനമതാം .
ഏകാന്തവാസലഭ്യാമേകാം പുണ്യാവലിം നുമഃ ശംഭോഃ .. 2..

ഈശോഽർധവപുര്യസ്യാ ഈപ്സിതപങ്ക്തിര്യദംഘ്രിനതസുലഭാ .
ഈകാരരൂപിണീം താമീശ്വരപത്നീം ഹൃദാ സദാ കലയേ .. 3..

ലഭ്യന്തേഽഖിലവിഭവാ ലബ്ധാവസരൈര്യദീയമന്ത്രജപേ .
ലക്ഷ്മീഗീർവിനുതാ സാ ലക്ഷ്യാ ഭൂയാന്മദീയചിത്തസ്യ .. 4..

ഹ്രീങ്കാരപദ്മഭൃംഗൗ ഹ്രീങ്കാരാവൃത്തിശീലനരസുലഭൗ .
ഹ്രീങ്കാരഗിരിമൃഗേന്ദ്രൗ ഹ്രീങ്കാരേണൈവ ഭാവയാമി ശിവൗ ..

5..

ഹരതാദാശു ജഡത്വം ഹരിദധിപാരാധ്യപാദപാഥോജഃ .

ഹരിണാങ്കകലിതചൂഡോ ഹൃതവർഷ്മാർധഃ കുലാദ്രികന്യകയാ

.. 6..

സത്യം ജ്ഞാനമിതീമേ സകലാമ്നായാ വദന്തി യദ്രൂപം .

സദ്ഗുരുമുഖൈകവേദ്യാം സന്മതിദാം നൗമി താം പരാമനിശം ..

7..

കർമഭിരാത്മാനുഗണൈഃ കലിതാമലഭാവചിത്തകഞ്ജാതൈഃ .
കതിപയപുരുഷവരേണ്യൈഃ കഥമപി ബുദ്ധം നമാമി ശശിമൗലിം

.. 8..

ഹതരിപുവർഗൈഃ
ശാന്തൈർഹരിഹയപദ്മോദ്ഭവാദിപദവിമുഖൈഃ .
ഹംസകരൈഃ പരമാദ്യൈർഹസ്താംബുജപൂജിതം നമാമി ഹരം

.. 9..

ലലിതാം കവിത്വസരണിം ലഭതേ മൂകോഽപി യത്കൃപാലേശാത്

.
ലങ്കേശാഹിതവിനുതാം ലംബോദരമാതരം നമസ്യാമി .. 10..

ഹ്രീങ്കാരഗേഹഗൃഹിണൗ ഹ്രീങ്കാരപയഃപയോധികല്പതരൂ .
ഹ്രീങ്കാരവനമയൂരൗ ഹ്രീങ്കാരശരീരിണൗ ശിവൗ വന്ദേ .. 11..

സമ്യങ്നിരുധ്യ ചേതഃ സകലാനി നിഗൃഹ്യ കരണാനി .

സതതം യതിഭിർഹൃദയേ സമാധിഭാവ്യാം നമാമി ലലിതാംബാം

.. 12..

കണഭുക്കപിലാരാധ്യഃ കഥിതാധികസൗഖ്യദാനകൃതദീക്ഷഃ .
കരവിധൃതഹരിണബാലഃ കലാഭിവൃദ്ധ്യൈ മമാസ്തു പരമേശഃ

.. 13..

ലലനാഭിസ്ത്രിദശാനാം ലലിതൈർഗീതൈഃ സ്തുതാത്മചാരിത്രാം .

ലസദലകഫാലദേശാം ലഭ്യാം യോഗൈർനമാമി ജഗദംബാം ..

14..

ഹ്രീങ്കാരസൗധരാജൗ ഹ്രീങ്കാരാംഭോധിപൂർണസിതകിരണൗ .
ഹ്രീങ്കാരവാച്യരൂപൗ ഹ്രീന്നിഷ്കുടകോകിലൗ ശിവൗ കലയേ ..

15..

ആദൗ യന്മനുവർണൈർഘടിതാ രചിതാ സ്തുതിര്യേയം .

സാ ലലിതാ താമൂരീകുര്യാദവ്യാജകരുണാംഗീ .. 16..
ഇതി ശൃംഗേരി ശ്രീജഗദ്ഗുരു
ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതാ ശ്രീലലിതാംബാപരമേശ്വരസ്തുതിഃ
സമ്പൂർണാ .

ശ്രീലലിതാംബികാ ദിവ്യാഷ്ടോത്തരശതനാമസ്തോത്രം

ശിവകാമസുന്ദര്യംബാഷ്ടോത്തരശതനാമസ്തോത്രം ച
പൂർവ പീഠികാ .
ശ്രീഷണ്മുഖ ഉവാച .
വന്ദേ വിഘ്നേശ്വരം ശക്തിം വന്ദേ വാണീം വിധിം ഹരിം .
വന്ദേ ലക്ഷ്മീം ഹരം ഗൗരീം വന്ദേ മായാ മഹേശ്വരം .. 1..
വന്ദേ മനോന്മയീം ദേവീം വന്ദേ ദേവം സദാശിവം .
വന്ദേ പരശിവം വന്ദേ ശ്രീമത്ത്രിപുരസുന്ദരീം .. 2..

പഞ്ചബ്രഹ്മാസനാസീനാം സർവാഭീഷ്ടാർഥസിദ്ധയേ .
സർവജ്ഞ ! സർവജനക ! സർവേശ്വര ! ശിവ ! പ്രഭോ ! ..

3..

നാമ്നാമഷ്ടോത്തരശതം ശ്രീദേവ്യാഃ സത്യമുത്തമം .

ശ്രോതുമിച്ഛാമ്യഽഹം താത! നാമസാരാത്മകം സ്തവം .. 4..

ശ്രീശിവ ഉവാച .
തദ്വദാമി തവ സ്നേഹാച്ഛൃണു ഷണ്മുഖ ! തത്ത്വതഃ .

ഓം മഹാമനോന്മനീ ശക്തിഃ ശിവശക്തിഃ ശിവങ്കരീ .

(ശിവശങ്കരീ)
ഇച്ഛാശക്തിഃ ക്രിയാശക്തിഃ ജ്ഞാനശക്തിസ്വരൂപിണീ .. 1..

ശാന്ത്യാതീതാ കലാ നന്ദാ ശിവമായാ ശിവപ്രിയാ .

സർവജ്ഞാ സുന്ദരീ സൗമ്യാ സച്ചിദാനന്ദവിഗ്രഹാ .. 2..

പരാത്പരാമയീ ബാലാ ത്രിപുരാ കുണ്ഡലീ ശിവാ .

രുദ്രാണീ വിജയാ സർവാ സർവാണീ ഭുവനേശ്വരീ .. 3..

കല്യാണീ ശൂലിനീ കാന്താ മഹാത്രിപുരസുന്ദരീ .

മാലിനീ മാനിനീ ശർവാ മഗ്നോല്ലാസാ ച മോഹിനീ .. 4..
മാഹേശ്വരീ ച മാതംഗീ ശിവകാമാ ശിവാത്മികാ .
കാമാക്ഷീ കമലാക്ഷീ ച മീനാക്ഷീ സർവസാക്ഷിണീ .. 5..

ഉമാദേവീ മഹാകാലീ ശ്യാമാ സർവജനപ്രിയാ .

ചിത്പരാ ചിദ്ഘനാനന്ദാ ചിന്മയാ ചിത്സ്വരൂപിണീ .. 6..

മഹാസരസ്വതീ ദുർഗാ ജ്വാലാ ദുർഗാഽതിമോഹിനീ .

നകുലീ ശുദ്ധവിദ്യാ ച സച്ചിദാനന്ദവിഗ്രഹാ .. 7..

സുപ്രഭാ സ്വപ്രഭാ ജ്വാലാ ഇന്ദ്രാക്ഷീ വിശ്വമോഹിനീ .

മഹേന്ദ്രജാലമധ്യസ്ഥാ മായാമയവിനോദിനീ .. 8..

ശിവേശ്വരീ വൃഷാരൂഢാ വിദ്യാജാലവിനോദിനീ .

മന്ത്രേശ്വരീ മഹാലക്ഷ്മീർമഹാകാലീ ഫലപ്രദാ .. 9..

ചതുർവേദവിശേഷജ്ഞാ സാവിത്രീ സർവദേവതാ .

മഹേന്ദ്രാണീ ഗണാധ്യക്ഷാ മഹാഭൈരവമോഹിനീ .. 10..

മഹാമയീ മഹാഘോരാ മഹാദേവീ മദാപഹാ .

മഹിഷാസുരസംഹന്ത്രീ ചണ്ഡമുണ്ഡകുലാന്തകാ .. 11..

ചക്രേശ്വരീ ചതുർവേദാ സർവാദിഃ സുരനായികാ .

ഷഡ്ശാസ്ത്രനിപുണാ നിത്യാ ഷഡ്ദർശനവിചക്ഷണാ .. 12..
കാലരാത്രിഃ കലാതീതാ കവിരാജമനോഹരാ .
ശാരദാ തിലകാ താരാ ധീരാ ശൂരജനപ്രിയാ .. 13..

ഉഗ്രതാരാ മഹാമാരീ ക്ഷിപ്രമാരീ രണപ്രിയാ .

അന്നപൂർണേശ്വരീ മാതാ സ്വർണകാന്തിതടിപ്രഭാ .. 14..

സ്വരവ്യഞ്ജനവർണാഢ്യാ ഗദ്യപദ്യാദികാരണാ .
പദവാക്യാർഥനിലയാ ബിന്ദുനാദാദികാരണാ .. 15..

മോക്ഷേശീ മഹിഷീ നിത്യാ ഭുക്തിമുക്തിഫലപ്രദാ .

വിജ്ഞാനദായിനീ പ്രാജ്ഞാ പ്രജ്ഞാനഫലദായിനീ .. 16..

അഹങ്കാരാ കലാതീതാ പരാശക്തിഃ പരാത്പരാ .

നാമ്നാമഷ്ടോത്തരശതം ശ്രീദേവ്യാഃ പരമാദ്ഭുതം .. 17..

ഫലശ്രുതിഃ .
സർവപാപക്ഷയ കരം മഹാപാതകനാശനം .
സർവവ്യാധിഹരം സൗഖ്യം സർവജ്വരവിനാശനം .. 1..

ഗ്രഹപീഡാപ്രശമനം സർവശത്രുവിനാശനം .
ആയുരാരോഗ്യധനദം സർവമോക്ഷശുഭപ്രദം .. 2..

ദേവത്വമമരേശത്വം ബ്രഹ്മത്വം സകലപ്രദം .

അഗ്നിസ്തംഭം ജലസ്തംഭം സേനാസ്തംഭാദിദായകം .. 3..
ശാകിനീഡാകിനീപീഡാ ഹാകിന്യാദിനിവാരണം .
ദേഹരക്ഷാകരം നിത്യം പരതന്ത്രനിവാരണം .. 4..

മന്ത്രം യന്ത്രം മഹാതന്ത്രം സർവസിദ്ധിപ്രദം നൃണാം .

സർവസിദ്ധികരം പുംസാമദൃശ്യത്വാകരം വരം .. 5..

സർവാകർഷകരം നിത്യം സർവസ്ത്രീവശ്യമോഹനം .

മണിമന്ത്രൗഷധീനാം ച സിദ്ധിദം ശീഘ്രമേവ ച .. 6..

ഭയശ്ചൗരാദിശമനം ദുഷ്ടജന്തുനിവാരണം .
പൃഥിവ്യാദിജനാനാം ച വാക്സ്ഥാനാദിപരോ വശം .. 7..

നഷ്ടദ്രവ്യാഗമം സത്യം നിധിദർശനകാരണം .

സർവഥാ ബ്രഹ്മചാരീണാം ശീഘ്രകന്യാപ്രദായകം .. 8..

സുപുത്രഫലദം ശീഘ്രമശ്വമേധഫലപ്രദം .
യോഗാഭ്യാസാദി ഫലദം ശ്രീകരം തത്ത്വസാധനം .. 9..

മോക്ഷസാമ്രാജ്യഫലദം ദേഹാന്തേ പരമം പദം .

ദേവ്യാഃ സ്തോത്രമിദം പുണ്യം പരമാർഥം പരമം പദം .. 10..

വിധിനാ വിഷ്ണുനാ ദിവ്യം സേവിതം മയാ ച പുരാ .

സപ്തകോടിമഹാമന്ത്രപാരായണഫലപ്രദം .. 11..

ചതുർവർഗപ്രദം നൃണാം സത്യമേവ മയോദിതം .

നാമ്നാമഷ്ടോത്തരശതം യച്ഛാമ്യഽഹം സുഖപ്രദം .. 12..

കല്യാണീം പരമേശ്വരീം പരശിവാം ശ്രീമത്ത്രിപുരസുന്ദരീം

മീനാക്ഷീം ലലിതാംബികാമനുദിനം വന്ദേ ജഗന്മോഹിനീം .
ചാമുണ്ഡാം പരദേവതാം സകലസൗഭാഗ്യപ്രദാം സുന്ദരീം
ദേവീം സർവപരാം ശിവാം ശശിനിഭാം ശ്രീരാജരാജേശ്വരീം

..

ഇതി ശ്രീമന്ത്രരാജകല്പേ മോക്ഷപാദേ സ്കന്ദേശ്വരസംവാദേ

ശ്രീലലിതാദിവ്യാഷ്ടോത്തരശതനാമസ്തോത്രം അഥവാ
ശിവകാമസുന്ദര്യംബാഷ്ടോത്തരശതനാമസ്തോത്രം സമ്പൂർണം .

ശ്രീലലിതാംബികാ ദിവ്യാഷ്ടോത്തരശതനാമാവലിഃ

ശിവകാമസുന്ദര്യംബാഷ്ടോത്തരശതനാമാവലിഃ ച
സ്തോത്രസ്യ പൂർവപീഠികാ .
ശ്രീഷണ്മുഖ ഉവാച .
വന്ദേ വിഘ്നേശ്വരം ശക്തിം വന്ദേ വാണീം വിധിം ഹരിം .
വന്ദേ ലക്ഷ്മീം ഹരം ഗൗരീം വന്ദേ മായാ മഹേശ്വരം .. 1..
വന്ദേ മനോന്മയീം ദേവീം വന്ദേ ദേവം സദാശിവം .
വന്ദേ പരശിവം വന്ദേ ശ്രീമത്ത്രിപുരസുന്ദരീം .. 2..

പഞ്ചബ്രഹ്മാസനാസീനാം സർവാഭീഷ്ടാർഥസിദ്ധയേ .
സർവജ്ഞ ! സർവജനക ! സർവേശ്വര ! ശിവ ! പ്രഭോ ! ..

3..

നാമ്നാമഷ്ടോത്തരശതം ശ്രീദേവ്യാഃ സത്യമുത്തമം .

ശ്രോതുമിച്ഛാമ്യഽഹം താത! നാമസാരാത്മകം സ്തവം .. 4..

ശ്രീശിവ ഉവാച .
തദ്വദാമി തവ സ്നേഹാച്ഛൃണു ഷണ്മുഖ ! തത്ത്വതഃ .

അഥ നാമാവലിഃ .
ഓം മഹാമനോന്മന്യൈ നമഃ .
ഓം ശക്ത്യൈ നമഃ .
ഓം ശിവശക്ത്യൈ നമഃ .
ഓം ശിവങ്കര്യൈ നമഃ .
ഓം ഇച്ഛാശക്തിസ്വരൂപിണ്യൈ നമഃ .
ഓം ക്രിയാശക്തിസ്വരൂപിണ്യൈ നമഃ .
ഓം ജ്ഞാനശക്തിസ്വരൂപിണ്യൈ നമഃ .
ഓം ശാന്ത്യാതീതാ കലായൈ നമഃ .
ഓം നന്ദായൈ നമഃ .
ഓം ശിവമായായൈ നമഃ . 10
ഓം ശിവപ്രിയായൈ നമഃ .
ഓം സർവജ്ഞായൈ നമഃ .
ഓം സുന്ദര്യൈ നമഃ .
ഓം സൗമ്യായൈ നമഃ .
ഓം സച്ചിദാനന്ദവിഗ്രഹായൈ നമഃ .
ഓം പരാത്പരാമയ്യൈ നമഃ .
ഓം ബാലായൈ നമഃ .
ഓം ത്രിപുരായൈ നമഃ .
ഓം കുണ്ഡല്യൈ നമഃ .
ഓം ശിവായൈ നമഃ . 20
ഓം രുദ്രാണ്യൈ നമഃ .
ഓം വിജയായൈ നമഃ .
ഓം സർവായൈ നമഃ .
ഓം സർവാണ്യൈ നമഃ .
ഓം ഭുവനേശ്വര്യൈ നമഃ .
ഓം കല്യാണ്യൈ നമഃ .
ഓം ശൂലിന്യൈ നമഃ .
ഓം കാന്തായൈ നമഃ .
ഓം മഹാത്രിപുരസുന്ദര്യൈ നമഃ .
ഓം മാലിന്യൈ നമഃ . 30
ഓം മാനിന്യൈ നമഃ .
ഓം ശർവായൈ നമഃ .
ഓം മഗ്നോല്ലാസായൈ നമഃ .
ഓം മോഹിന്യൈ നമഃ .
ഓം മാഹേശ്വര്യൈ നമഃ .
ഓം മാതംഗ്യൈ നമഃ .
ഓം ശിവകാമായൈ നമഃ .
ഓം ശിവാത്മികായൈ നമഃ .
ഓം കാമാക്ഷ്യൈ നമഃ .
ഓം കമലാക്ഷ്യൈ നമഃ . 40
ഓം മീനാക്ഷ്യൈ നമഃ .
ഓം സർവസാക്ഷിണ്യൈ നമഃ .
ഓം ഉമാദേവ്യൈ നമഃ .
ഓം മഹാകാല്യൈ നമഃ .
ഓം ശ്യാമായൈ നമഃ .
ഓം സർവജനപ്രിയായൈ നമഃ .
ഓം ചിത്പരായൈ നമഃ .
ഓം ചിദ്ഘനാനന്ദായൈ നമഃ .
ഓം ചിന്മയായൈ നമഃ .
ഓം ചിത്സ്വരൂപിണ്യൈ നമഃ . 50
ഓം മഹാസരസ്വത്യൈ നമഃ .
ഓം ദുർഗായൈ നമഃ .
ഓം ജ്വാലാ ദുർഗായൈ നമഃ .
ഓം അതിമോഹിന്യൈ നമഃ .
ഓം നകുല്യൈ നമഃ .
ഓം ശുദ്ധവിദ്യായൈ നമഃ .
ഓം സച്ചിദാനന്ദവിഗ്രഹായൈ നമഃ .
ഓം സുപ്രഭായൈ നമഃ .
ഓം സ്വപ്രഭായൈ നമഃ .
ഓം ജ്വാലായൈ നമഃ . 60
ഓം ഇന്ദ്രാക്ഷ്യൈ നമഃ .
ഓം വിശ്വമോഹിന്യൈ നമഃ .
ഓം മഹേന്ദ്രജാലമധ്യസ്ഥായൈ നമഃ .
ഓം മായാമയവിനോദിന്യൈ നമഃ .
ഓം ശിവേശ്വര്യൈ നമഃ .
ഓം വൃഷാരൂഢായൈ നമഃ .
ഓം വിദ്യാജാലവിനോദിന്യൈ നമഃ .
ഓം മന്ത്രേശ്വര്യൈ നമഃ .
ഓം മഹാലക്ഷ്മ്യൈ നമഃ .
ഓം മഹാകാല്യൈ നമഃ . 70
ഓം ഫലപ്രദായൈ നമഃ .
ഓം ചതുർവേദവിശേഷജ്ഞായൈ നമഃ .
ഓം സാവിത്ര്യൈ നമഃ .
ഓം സർവദേവതായൈ നമഃ .
ഓം മഹേന്ദ്രാണ്യൈ നമഃ .
ഓം ഗണാധ്യക്ഷായൈ നമഃ .
ഓം മഹാഭൈരവമോഹിന്യൈ നമഃ .
ഓം മഹാമയ്യൈ നമഃ .
ഓം മഹാഘോരായൈ നമഃ .
ഓം മഹാദേവ്യൈ നമഃ . 80
ഓം മദാപഹായൈ നമഃ .
ഓം മഹിഷാസുരസംഹന്ത്ര്യൈ നമഃ .
ഓം ചണ്ഡമുണ്ഡകുലാന്തകായൈ നമഃ .
ഓം ചക്രേശ്വരീ ചതുർവേദായൈ നമഃ .
ഓം സർവാദ്യൈ നമഃ .
ഓം സുരനായികായൈ നമഃ .
ഓം ഷഡ്ശാസ്ത്രനിപുണായൈ നമഃ .
ഓം നിത്യായൈ നമഃ .
ഓം ഷഡ്ദർശനവിചക്ഷണായൈ നമഃ .
ഓം കാലരാത്ര്യൈ നമഃ . 90
ഓം കലാതീതായൈ നമഃ .
ഓം കവിരാജമനോഹരായൈ നമഃ .
ഓം ശാരദാതിലകായൈ നമഃ .
ഓം താരായൈ നമഃ .
ഓം ധീരായൈ നമഃ .
ഓം ശൂരജനപ്രിയായൈ നമഃ .
ഓം ഉഗ്രതാരായൈ നമഃ .
ഓം മഹാമാര്യൈ നമഃ .
ഓം ക്ഷിപ്രമാര്യൈ നമഃ .
ഓം രണപ്രിയായൈ നമഃ . 100
ഓം അന്നപൂർണേശ്വരീ മാത്രേ നമഃ .
ഓം സ്വർണകാന്തിതടിപ്രഭായൈ നമഃ .
ഓം സ്വരവ്യഞ്ജനവർണാഢ്യായൈ നമഃ .
ഓം ഗദ്യപദ്യാദികാരണായൈ നമഃ .
ഓം പദവാക്യാർഥനിലയായൈ നമഃ .
ഓം ബിന്ദുനാദാദികാരണായൈ നമഃ .
ഓം മോക്ഷേശീ മഹിഷീ നിത്യായൈ നമഃ .
ഓം ഭുക്തിമുക്തിഫലപ്രദായൈ നമഃ .
ഓം വിജ്ഞാനദായിനീ പ്രാജ്ഞായൈ നമഃ .
ഓം പ്രജ്ഞാനഫലദായിന്യൈ നമഃ . 110
ഓം അഹങ്കാരാ കലാതീതായൈ നമഃ .
ഓം പരാശക്തിഃ പരാത്പരായൈ നമഃ . 112

സ്തോത്രസ്യ ഫലശ്രുതിഃ .
സർവപാപക്ഷയ കരം മഹാപാതകനാശനം .
സർവവ്യാധിഹരം സൗഖ്യം സർവജ്വരവിനാശനം .. 1..

ഗ്രഹപീഡാപ്രശമനം സർവശത്രുവിനാശനം .
ആയുരാരോഗ്യധനദം സർവമോക്ഷശുഭപ്രദം .. 2..

ദേവത്വമമരേശത്വം ബ്രഹ്മത്വം സകലപ്രദം .

അഗ്നിസ്തംഭം ജലസ്തംഭം സേനാസ്തംഭാദിദായകം .. 3..

ശാകിനീഡാകിനീപീഡാ ഹാകിന്യാദിനിവാരണം .
ദേഹരക്ഷാകരം നിത്യം പരതന്ത്രനിവാരണം .. 4..

മന്ത്രം യന്ത്രം മഹാതന്ത്രം സർവസിദ്ധിപ്രദം നൃണാം .

സർവസിദ്ധികരം പുംസാമദൃശ്യത്വാകരം വരം .. 5..

സർവാകർഷകരം നിത്യം സർവസ്ത്രീവശ്യമോഹനം .

മണിമന്ത്രൗഷധീനാം ച സിദ്ധിദം ശീഘ്രമേവ ച .. 6..

ഭയശ്ചൗരാദിശമനം ദുഷ്ടജന്തുനിവാരണം .
പൃഥിവ്യാദിജനാനാം ച വാക്സ്ഥാനാദിപരോ വശം .. 7..
നഷ്ടദ്രവ്യാഗമം സത്യം നിധിദർശനകാരണം .
സർവഥാ ബ്രഹ്മചാരീണാം ശീഘ്രകന്യാപ്രദായകം .. 8..

സുപുത്രഫലദം ശീഘ്രമശ്വമേധഫലപ്രദം .
യോഗാഭ്യാസാദി ഫലദം ശ്രീകരം തത്ത്വസാധനം .. 9..

മോക്ഷസാമ്രാജ്യഫലദം ദേഹാന്തേ പരമം പദം .

ദേവ്യാഃ സ്തോത്രമിദം പുണ്യം പരമാർഥം പരമം പദം .. 10..

വിധിനാ വിഷ്ണുനാ ദിവ്യം സേവിതം മയാ ച പുരാ .

സപ്തകോടിമഹാമന്ത്രപാരായണഫലപ്രദം .. 11..

ചതുർവർഗപ്രദം നൃണാം സത്യമേവ മയോദിതം .

നാമ്നാമഷ്ടോത്തരശതം യച്ഛാമ്യഽഹം സുഖപ്രദം .. 12..

കല്യാണീം പരമേശ്വരീം പരശിവാം ശ്രീമത്ത്രിപുരസുന്ദരീം

മീനാക്ഷീം ലലിതാംബികാമനുദിനം വന്ദേ ജഗന്മോഹിനീം .
ചാമുണ്ഡാം പരദേവതാം സകലസൗഭാഗ്യപ്രദാം സുന്ദരീം
ദേവീം സർവപരാം ശിവാം ശശിനിഭാം ശ്രീരാജരാജേശ്വരീം

..

ഇതി ശ്രീമന്ത്രരാജകല്പേ മോക്ഷപാദേ സ്കന്ദേശ്വരസംവാദേ

ശ്രീലലിതാദിവ്യാഷ്ടോത്തരശതനാമാവലിഃ അഥവാ
ശ്രീശിവകാമസുന്ദര്യംബാഷ്ടോത്തരശതനാമാവലിഃ സമാപ്താ .
 ശ്രീലലിതാലകാരാദിഅഷ്ടോത്തരശതനാമാവലീ

ശ്രീലലിതാത്രിപുരസുന്ദര്യൈ നമഃ .
ശ്രീലലിതാലകാരാദിശതനാമസ്തോത്രസാധനാ .
വിനിയോഗഃ -
ഓം അസ്യ ശ്രീലലിതാലകാരാദിശതനാമമാലാമന്ത്രസ്യ
ശ്രീരാജരാജേശ്വരോ ൠഷിഃ .
അനുഷ്ടുപ്ഛന്ദഃ . ശ്രീലലിതാംബാ ദേവതാ . ക ഏ ഈ ല
ഹ്രീം ബീജം .
സ ക ല ഹ്രീം ശക്തിഃ . ഹ സ ക ഹ ല ഹ്രീം ഉത്കീലനം .
ശ്രീലലിതാംബാദേവതാപ്രസാദസിദ്ധയേ ഷട്കർമസിദ്ധ്യർഥേ തഥാ
ധർമാർഥകാമമോക്ഷേഷു പൂജനേ തർപണേ ച വിനിയോഗഃ .
ൠഷ്യാദി ന്യാസഃ -
ഓം ശ്രീരാജരാജേശ്വരോൠഷയേ നമഃ- ശിരസി .
ഓം അനുഷ്ടുപ്ഛന്ദസേ നമഃ- മുഖേ .
ഓം ശ്രീലലിതാംബാദേവതായൈ നമഃ- ഹൃദി .
ഓം ക ഏ ഈ ല ഹ്രീം ബീജായ നമഃ- ലിംഗേ .
ഓം സ ക ല ഹ്രീം ശക്ത്തയേ നമഃ- നാഭൗ .
ഓം ഹ സ ക ഹ ല ഹ്രീം ഉത്കീലനായ നമഃ- സർവാംഗേ .
ഓം ശ്രീലലിതാംബാദേവതാപ്രസാദസിദ്ധയേ ഷട്കർമസിദ്ധ്യർഥേ
തഥാ
ധർമാർഥകാമമോക്ഷേഷു പൂജനേ തർപണേ ച വിനിയോഗായ
നമഃ- അഞ്ജലൗ .
കരന്യാസഃ -
ഓം ഐം ക ഏ ഈ ല ഹ്രീം അംഗുഷ്ഠാഭ്യാം നമഃ .
ഓം ക്ലീം ഹ സ ക ഹ ല ഹ്രീം തർജനീഭ്യാം നമഃ .
ഓം സൗഃ സ ക ല ഹ്രീം മധ്യമാഭ്യാം നമഃ .
ഓം ഐം ക ഏ ഈ ല ഹ്രീം അനാമികാഭ്യാം നമഃ .
ഓം ക്ലീം ഹ സ ക ഹ ല ഹ്രീം കനിഷ്ഠികാഭ്യാം നമഃ .
ഓം സൗം സ ക ല ഹ്രീം കരതലകരപൃഷ്ഠാഭ്യാം നമഃ .
അംഗ ന്യാസഃ -
ഓം ഐം ക ഏ ഈ ല ഹ്രീം ഹൃദയായ നമഃ .
ഓം ക്ലീം ഹ സ ക ഹ ല ഹ്രീം ശിരസേ സ്വാഹാ .
ഓം സൗം സ ക ല ഹ്രീം ശിഖായൈ വഷട് .
ഓം ഐം ക ഏ ഈ ല ഹ്രീം കവചായ ഹും .
ഓം ക്ലീം ഹ സ ക ഹ ല ഹ്രീം നേത്രത്രയായ വൗഷട് .
ഓം സൗം സ ക ല ഹ്രീം അസ്ത്രായ ഫട് .
ധ്യാനം .
ബാലാർകമണ്ഡലാഭാസാം ചതുർബാഹും ത്രിലോചനാം .
പാശാങ്കുശധനുർബാണാൻ ധാരയന്തീം ശിവാം ഭജേ ..

മാനസപൂജനം .
ഓം ലം പൃഥിവ്യാത്മകം ഗന്ധം ശ്രീലലിതാത്രിപുരാപ്രീതയേ
സമർപയാമി നമഃ .
ഓം ഹം ആകാശതത്ത്വാത്മകം പുഷ്പം
ശ്രീലലിതാത്രിപുരാപ്രീതയേ സമർപയാമി നമഃ .
ഓം യം വായുതത്ത്വാത്മകം ധൂപം ശ്രീലലിതാത്രിപുരാപ്രീതയേ
ഘ്രാപയാമി നമഃ .
ഓം രം അഗ്നിതത്ത്വാത്മകം ദീപം ശ്രീലലിതാത്രിപുരാപ്രീതയേ
ദർശയാമി നമഃ .
ഓം വം ജലതത്ത്വാത്മകം നൈവേദ്യം
ശ്രീലലിതാത്രിപുരാപ്രീതയേ നിവേദയാമി നമഃ .
ഓം സം സർവതത്ത്വാത്മകം താംബൂലം
ശ്രീലലിതാത്രിപുരാപ്രീതയേ സമർപയാമി നമഃ ..

ശ്രീലലിതാലകാരാദിശതനാമജപസാധനാ -
ശ്രീലലിതായൈ നമഃ .
ശ്രീലക്ഷ്മ്യൈ നമഃ .
ശ്രീലോലാക്ഷ്യൈ നമഃ .
ശ്രീലക്ഷ്മണായൈ നമഃ .
ശ്രീലക്ഷ്മണാർചിതായൈ നമഃ .
ശ്രീലക്ഷ്മണപ്രാണരക്ഷിണ്യൈ നമഃ .
ശ്രീലാകിന്യൈ നമഃ .
ശ്രീലക്ഷ്മണപ്രിയായൈ നമഃ .
ശ്രീലോലായൈ നമഃ .
ശ്രീലകാരായൈ നമഃ . 10
ശ്രീലോമശായൈ നമഃ .
ശ്രീലോലജിഹ്വായൈ നമഃ .
ശ്രീലജ്ജാവത്യൈ നമഃ .
ശ്രീലക്ഷ്യായൈ നമഃ .
ശ്രീലാക്ഷ്യായൈ നമഃ .
ശ്രീലക്ഷരതായൈ നമഃ .
ശ്രീലകാരാക്ഷരഭൂഷിതായൈ നമഃ .
ശ്രീലോലലയാത്മികായൈ നമഃ .
ശ്രീലീലായൈ നമഃ .
ശ്രീലീലാവത്യൈ നമഃ . 20
ശ്രീലാംഗല്യൈ നമഃ .
ശ്രീലാവണ്യാമൃതസാരായൈ നമഃ .
ശ്രീലാവണ്യാമൃതദീർഘികായൈ നമഃ .
ശ്രീലജ്ജായൈ നമഃ .
ശ്രീലജ്ജാമത്യൈ നമഃ .
ശ്രീലജ്ജായൈ നമഃ .
ശ്രീലലനായൈ നമഃ .
ശ്രീലലനപ്രിയായൈ നമഃ .
ശ്രീലവണായൈ നമഃ .
ശ്രീലവല്യൈ നമഃ . 30
ശ്രീലസായൈ നമഃ .
ശ്രീലാക്ഷിവ്യൈ നമഃ .
ശ്രീലുബ്ധായൈ നമഃ .
ശ്രീലാലസായൈ നമഃ .
ശ്രീലോകമാത്രേ നമഃ .
ശ്രീലോകപൂജ്യായൈ നമഃ .
ശ്രീലോകജനന്യൈ നമഃ .
ശ്രീലോലുപായൈ നമഃ .
ശ്രീലോഹിതായൈ നമഃ .
ശ്രീലോഹിതാക്ഷ്യൈ നമഃ . 40
ശ്രീലിംഗാഖ്യായൈ നമഃ .
ശ്രീലിംഗേശ്യൈ നമഃ .
ശ്രീലിംഗഗീത്യൈ നമഃ .
ശ്രീലിംഗഭവായൈ നമഃ .
ശ്രീലിംഗമാലായൈ നമഃ .
ശ്രീലിംഗപ്രിയായൈ നമഃ .
ശ്രീലിംഗാഭിധായിന്യൈ നമഃ .
ശ്രീലിംഗായൈ നമഃ .
ശ്രീലിംഗനാമസദാനന്ദായൈ നമഃ .
ശ്രീലിംഗാമൃതപ്രീതായൈ നമഃ . 50
ശ്രീലിംഗാർചിനപ്രീതായൈ നമഃ .
ശ്രീലിംഗപൂജ്യായൈ നമഃ .
ശ്രീലിംഗരൂപായൈ നമഃ .
ശ്രീലിംഗസ്ഥായൈ നമഃ .
ശ്രീലിംഗാലിംഗനതത്പരായൈ നമഃ .
ശ്രീലതാപൂജനരതായൈ നമഃ .
ശ്രീലതാസാധകതുഷ്ടിദായൈ നമഃ .
ശ്രീലതാപൂജകരക്ഷിണ്യൈ നമഃ .
ശ്രീലതാസാധനസിദ്ധിദായൈ നമഃ .
ശ്രീലതാഗൃഹനിവാസിന്യൈ നമഃ . 60
ശ്രീലതാപൂജ്യായൈ നമഃ .
ശ്രീലതാരാധ്യായൈ നമഃ .
ശ്രീലതാപുഷ്പായൈ നമഃ .
ശ്രീലതാരതായൈ നമഃ .
ശ്രീലതാധാരായൈ നമഃ .
ശ്രീലതാമയ്യൈ നമഃ .
ശ്രീലതാസ്പർശനസന്ത്ഷ്ടായൈ നമഃ .
ശ്രീലതാഽഽലിംഗനഹർഷതായൈ നമഃ .
ശ്രീലതാവിദ്യായൈ നമഃ .
ശ്രീലതാസാരായൈ നമഃ . 70
ശ്രീലതാഽഽചാരായൈ നമഃ .
ശ്രീലതാനിധയേ നമഃ .
ശ്രീലവംഗപുഷ്പസന്തുഷ്ടായൈ നമഃ .
ശ്രീലവംഗലതാമധ്യസ്ഥായൈ നമഃ .
ശ്രീലവംഗലതികാരൂപായൈ നമഃ .
ശ്രീലവംഗഹോമസന്തുഷ്ടായൈ നമഃ .
ശ്രീലകാരാക്ഷരപൂജിതായൈ നമഃ .
ശ്രീലകാരവർണോദ്ഭവായൈ നമഃ .
ശ്രീലകാരവർണഭൂഷിതായൈ നമഃ .
ശ്രീലകാരവർണരുചിരായൈ നമഃ . 80
ശ്രീലകാരബീജോദ്ഭവായൈ നമഃ .
ശ്രീലകാരാക്ഷരസ്ഥിതായൈ നമഃ .
ശ്രീലകാരബീജനിലയായൈ നമഃ .
ശ്രീലകാരബീജസർവസ്വായൈ നമഃ .
ശ്രീലകാരവർണസർവാംഗ്യൈ നമഃ .
ശ്രീലക്ഷ്യഛേദനതത്പരായൈ നമഃ .
ശ്രീലക്ഷ്യധരായൈ നമഃ .
ശ്രീലക്ഷ്യഘൂർണായൈ നമഃ .
ശ്രീലക്ഷജാപേനസിദ്ധിദായൈ നമഃ .
ശ്രീലക്ഷകോടിരൂപധരായൈ നമഃ . 90
ശ്രീലക്ഷലീലാകലാലക്ഷ്യായൈ നമഃ .
ശ്രീലോകപാലേനാർചിതായൈ നമഃ .
ശ്രീലാക്ഷാരാഗവിലോപനായൈ നമഃ .
ശ്രീലോകാതീതായൈ നമഃ .
ശ്രീലോപമുദ്രായൈ നമഃ .
ശ്രീലജ്ജാബീജസ്വരൂപിണ്യൈ നമഃ .
ശ്രീലജ്ജാഹീനായൈ നമഃ .
ശ്രീലജ്ജാമയ്യൈ നമഃ .
ശ്രീലോകയാത്രാവിധായിന്യൈ നമഃ .
ശ്രീലാസ്യപ്രിയായൈ നമഃ . 100
ശ്രീലയകര്യൈ നമഃ .
ശ്രീലോകലയായൈ നമഃ .
ശ്രീലംബോദര്യൈ നമഃ .
ശ്രീലഘിമാദിസിദ്ധിദാത്ര്യൈ നമഃ .
ശ്രീലാവണ്യനിധിദായിന്യൈ നമഃ .
ശ്രീലകാരവർണഗ്രഥിതായൈ നമഃ .
ശ്രീലഁബീജായൈ നമഃ .

ശ്രീലലിതാംബികായൈ നമഃ . 108

ഇതി ശ്രീകൗലികാർണവേ ശ്രീഭൈരവീസംവാദേ

ഷട്കർമസിദ്ധദായക
ശ്രീമല്ലലിതായാ ലകാരാദിശതനാമാവലിഃ സമാപ്താ .

ശ്രീലലിതാലകാരാദിശതനാമസ്തോത്രം

ശ്രീലലിതാത്രിപുരസുന്ദര്യൈ നമഃ .
ശ്രീലലിതാലകാരാദിശതനാമസ്തോത്രസാധനാ .
വിനിയോഗഃ -
ഓം അസ്യ ശ്രീലലിതാലകാരാദിശതനാമമാലാമന്ത്രസ്യ
ശ്രീരാജരാജേശ്വരോ ൠഷിഃ .
അനുഷ്ടുപ്ഛന്ദഃ . ശ്രീലലിതാംബാ ദേവതാ . ക ഏ ഈ ല
ഹ്രീം ബീജം .
സ ക ല ഹ്രീം ശക്തിഃ . ഹ സ ക ഹ ല ഹ്രീം ഉത്കീലനം .
ശ്രീലലിതാംബാദേവതാപ്രസാദസിദ്ധയേ ഷട്കർമസിദ്ധ്യർഥേ തഥാ
ധർമാർഥകാമമോക്ഷേഷു പൂജനേ തർപണേ ച വിനിയോഗഃ .
ൠഷ്യാദി ന്യാസഃ -
ഓം ശ്രീരാജരാജേശ്വരോൠഷയേ നമഃ- ശിരസി .
ഓം അനുഷ്ടുപ്ഛന്ദസേ നമഃ- മുഖേ .
ഓം ശ്രീലലിതാംബാദേവതായൈ നമഃ- ഹൃദി .
ഓം ക ഏ ഈ ല ഹ്രീം ബീജായ നമഃ- ലിംഗേ .
ഓം സ ക ല ഹ്രീം ശക്ത്തയേ നമഃ- നാഭൗ .
ഓം ഹ സ ക ഹ ല ഹ്രീം ഉത്കീലനായ നമഃ- സർവാംഗേ .
ഓം ശ്രീലലിതാംബാദേവതാപ്രസാദസിദ്ധയേ ഷട്കർമസിദ്ധ്യർഥേ
തഥാ
ധർമാർഥകാമമോക്ഷേഷു പൂജനേ തർപണേ ച വിനിയോഗായ
നമഃ- അഞ്ജലൗ .
കരന്യാസഃ -
ഓം ഐം ക ഏ ഈ ല ഹ്രീം അംഗുഷ്ഠാഭ്യാം നമഃ .
ഓം ക്ലീം ഹ സ ക ഹ ല ഹ്രീം തർജനീഭ്യാം നമഃ .
ഓം സൗഃ സ ക ല ഹ്രീം മധ്യമാഭ്യാം നമഃ .
ഓം ഐം ക ഏ ഈ ല ഹ്രീം അനാമികാഭ്യാം നമഃ .
ഓം ക്ലീം ഹ സ ക ഹ ല ഹ്രീം കനിഷ്ഠികാഭ്യാം നമഃ .
ഓം സൗം സ ക ല ഹ്രീം കരതലകരപൃഷ്ഠാഭ്യാം നമഃ .
അംഗന്യാസഃ -
ഓം ഐം ക ഏ ഈ ല ഹ്രീം ഹൃദയായ നമഃ .
ഓം ക്ലീം ഹ സ ക ഹ ല ഹ്രീം ശിരസേ സ്വാഹാ .
ഓം സൗം സ ക ല ഹ്രീം ശിഖായൈ വഷട് .
ഓം ഐം ക ഏ ഈ ല ഹ്രീം കവചായ ഹും .
ഓം ക്ലീം ഹ സ ക ഹ ല ഹ്രീം നേത്രത്രയായ വൗഷട് .
ഓം സൗം സ ക ല ഹ്രീം അസ്ത്രായ ഫട് .
ധ്യാനം .
ബാലാർകമണ്ഡലാഭാസാം ചതുർബാഹും ത്രിലോചനാം .
പാശാങ്കുശധനുർബാണാൻ ധാരയന്തീം ശിവാം ഭജേ ..

മാനസപൂജനം .
ഓം ലം പൃഥിവ്യാത്മകം ഗന്ധം ശ്രീലലിതാത്രിപുരാപ്രീതയേ
സമർപയാമി നമഃ .
ഓം ഹം ആകാശതത്ത്വാത്മകം പുഷ്പം
ശ്രീലലിതാത്രിപുരാപ്രീതയേ സമർപയാമി നമഃ .
ഓം യം വായുതത്ത്വാത്മകം ധൂപം ശ്രീലലിതാത്രിപുരാപ്രീതയേ
ഘ്രാപയാമി നമഃ .
ഓം രം അഗ്നിതത്ത്വാത്മകം ദീപം ശ്രീലലിതാത്രിപുരാപ്രീതയേ
ദർശയാമി നമഃ .
ഓം വം ജലതത്ത്വാത്മകം നൈവേദ്യം
ശ്രീലലിതാത്രിപുരാപ്രീതയേ നിവേദയാമി നമഃ .
ഓം സം സർവതത്ത്വാത്മകം താംബൂലം
ശ്രീലലിതാത്രിപുരാപ്രീതയേ സമർപയാമി നമഃ ..

ശ്രീലലിതാത്രിപുരസുന്ദര്യൈ നമഃ .
ശ്രീലലിതാലകാരാദിശതനാമസ്തോത്രസാധനാ .
പൂർവപീഠികാ -
കൈലാസശിഖരാസീനം ദേവദേവം ജഗദ്ഗരൂം .
പപ്രച്ഛേശം പരാനന്ദം ഭൈരവീ പരമേശ്വരം .. 1..

ശ്രീഭൈരവ്യുവാച .
കൗലേശ ! ശ്രോതുമിച്ഛാമി സർവമന്ത്രോത്തമോത്തമം .
ലലിതായാ ശതനാമ സർവകാമഫലപ്രദം .. 2..

ശ്രീഭൈരവോവാച .
ശൃണു ദേവീ മഹാഭാഗേ സ്തോത്രമേതദനുത്തമം
പഠനദ്ധാരണാദസ്യ സർവസിദ്ധീശ്വരോ ഭവേത് .. 3..

ഷട്കർമാണി സിദ്ധ്യന്തി സ്തവസ്യാസ്യ പ്രസാദതഃ .

ഗോപനീയം പശോരഗ്രേ സ്വയോനിമപരേ യഥാ .. 4..

വിനിയോഗഃ .
ലലിതായാ ലകാരാദി നാമശതകസ്യ ദേവി ! .
രാജരാജേശ്വരോ ഋഷിഃ പ്രോക്തോ ഛന്ദോഽനുഷ്ടുപ് തഥാ .. 5..

ദേവതാ ലലിതാദേവീ ഷട്കർമസിദ്ധ്യർഥേ തഥാ .

ധർമാർഥകാമമോക്ഷേഷു വിനിയോഗഃ പ്രകീർതിതഃ .. 6..

വാക്കാമശക്ത്തിബീജേന കരഷഡംഗമാചരേത് .
പ്രയോഗേ ബാലാത്ര്യക്ഷരീ യോജയിത്വാ ജപം ചരേത് .. 7..
അഥ മൂല ശ്രീലലിതാലകാരാദിശതനാമസ്തോത്രം .
ലലിതാ ലക്ഷ്മീ ലോലാക്ഷീ ലക്ഷ്മണാ ലക്ഷ്മണാർചിതാ .
ലക്ഷ്മണപ്രാണരക്ഷിണീ ലാകിനീ ലക്ഷ്മണപ്രിയാ .. 1..

ലോലാ ലകാരാ ലോമശാ ലോലജിഹ്വാ ലജ്ജാവതീ .

ലക്ഷ്യാ ലാക്ഷ്യാ ലക്ഷരതാ ലകാരാക്ഷരഭൂഷിതാ .. 2..

ലോലലയാത്മികാ ലീലാ ലീലാവതീ ച ലാംഗലീ .

ലാവണ്യാമൃതസാരാ ച ലാവണ്യാമൃതദീർഘികാ .. 3..

ലജ്ജാ ലജ്ജാമതീ ലജ്ജാ ലലനാ ലലനപ്രിയാ .

ലവണാ ലവലീ ലസാ ലാക്ഷകീ ലുബ്ധാ ലാലസാ .. 4..

ലോകമാതാ ലോകപൂജ്യാ ലോകജനനീ ലോലുപാ .

ലോഹിതാ ലോഹിതാക്ഷീ ച ലിംഗാഖ്യാ ചൈവ ലിംഗേശീ ..

5..

ലിംഗഗീതി ലിംഗഭവാ ലിംഗമാലാ ലിംഗപ്രിയാ .

ലിംഗാഭിധായിനീ ലിംഗാ ലിംഗനാമസദാനന്ദാ .. 6..

ലിംഗാമൃതപ്രിതാ ലിംഗാർചനപ്രിതാ ലിംഗപൂജ്യാ .

ലിംഗരൂപാ ലിംഗസ്ഥാ ച ലിംഗാലിംഗനതത്പരാ .. 7..

ലതാപൂജനരതാ ച ലതാസാധകതുഷ്ടിദാ .
ലതാപൂജകരക്ഷിണീ ലതാസാധനസധ്ദിദാ .. 8..
ലതാഗൃഹനിവാകസിനീ ലതാപൂജ്യാ ലതാരാധ്യാ .
ലതാപുഷ്പാ ലതാരതാ ലതാധാരാ ലതാമയീ .. 9..

ലതാസ്പർശനസന്തുഷ്ടാ ലതാഽഽലിംഗനഹർഷിതാ .
ലതാവിദ്യാ ലതാസാരാ ലതാഽഽചാരാ ലതാനിധീ .. 10..

ലവംഗപുഷ്പസന്തുഷ്ടാ ലവംഗലതാമധ്യസ്ഥാ .
ലവംഗലതികാരൂപാ ലവംഗഹോമസന്തുഷ്ടാ .. 11..

ലകാരാക്ഷാരപൂജിതാ ച ലകാരവർണോദ്ഭവാ .
ലകാരവർണഭൂഷിതാ ലകാരവർണരൂചിരാ .. 12..

ലകാരബീജോദ്ഭവാ തഥാ ലകാരാക്ഷരസ്ഥിതാ .

ലകാരബീജനിലയാ ലകാരബീജസർവസ്വാ .. 13..

ലകാരവർണസർവാംഗീ ലക്ഷ്യഛേദനതത്പരാ .
ലക്ഷ്യധരാ ലക്ഷ്യഘൂർണാ ലക്ഷജാപേനസിദ്ധദാ .. 14..

ലക്ഷകോടിരൂപധരാ ലക്ഷലീലാകലാലക്ഷ്യാ .
ലോകപാലേനാർചിതാ ച ലാക്ഷാരാഗവിലേപനാ .. 15..

ലോകാതീതാ ലോപാമുദ്രാ ലജ്ജാബീജസ്വരൂപിണീ .

ലജ്ജാഹീനാ ലജ്ജാമയീ ലോകയാത്രാവിധായിനീ .. 16..
ലാസ്യപ്രിയാ ലയകരീ ലോകലയാ ലംബോദരീ .
ലഘിമാദിസിദ്ധദാത്രീ ലാവണ്യനിധിദായിനീ .
ലകാരവർണഗ്രഥിതാ ലംബീജാ ലലിതാംബികാ .. 17..

ഫലശ്രുതിഃ .
ഇതി തേ കഥിതം ! ഗുഹ്യാദ്ഗുഹ്യതരം പരം .
പ്രാതഃകാലേ ച മധ്യാഹ്നേ സായാഹ്നേ ച സദാ നിശി .
യഃ പഠേത്സാധകശ്രേഷ്ഠോ ത്രൈലോക്യവിജയീ ഭവേത് .. 1..

സർവപാപിവിനിർമമുക്തഃ സ യാതി ലലിതാപദം .

ശൂന്യാഗാരേ ശിവാരണ്യേ ശിവദേവാലയേ തഥാ .. 2..

ശൂന്യദേശേ തഡാഗേ ച നദീതീരേ ചതുഷ്പഥേ .

ഏകലിംഗേ ഋതുസ്നാതാഗേഹേ വേശ്യാഗൃഹേ തഥാ .. 3..

പഠേദഷ്ടോത്തരശതനാമാനി സർവസിദ്ധയേ .
സാധകോ വാഞ്ഛാം യത്കുര്യാത്തത്തഥൈവ ഭവിഷ്യതി .. 4..

ബഹ്മാണ്ഡഗോലകേ യാശ്ച യാഃ കാശ്ചിജ്ജഗതീതലേ .

സമസ്താഃ സിദ്ധയോ ദേവീ ! കരാമലകവത്സദാ .. 5..

സാധകസ്മൃതിമാത്രേണ യാവന്ത്യഃ സന്തി സിദ്ധയഃ .

സ്വയമായാന്തി പുരതോ ജപാദീനാം തു കാ കഥാ .. 6..

അയുതാവർത്തനാദ്ദേവി ! പുരശ്ചര്യാഽസ്യ ഗീയതേ .

പുരശ്ചര്യായുതഃ സ്തോത്രഃ സർവകർമഫലപ്രദഃ .. 7..

സഹസ്രം ച പഠേദ്യസ്തു മാസാർധ സാധകോത്തമഃ .

ദാസീഭൂതം ജഗത്സർവം മാസാർധാദ്ഭവതി ധ്രുവം .. 8..

നിത്യം പ്രതിനാമ്നാ ഹുത്വാ പാലശകുസുമൈർനരഃ .

ഭൂലോകസ്ഥാഃ സർവകന്യാഃ സർവലോകസ്ഥിതാസ്തഥാ .. 9..

പാതാലസ്ഥാഃ സർവകന്യാഃ നാഗകന്യാഃ യക്ഷകന്യാഃ .

വശീകുര്യാന്മണ്ഡലാർധാത്സംശയോ നാത്ര വിദ്യതേ .. 10..

അശ്വത്ഥമൂലേ പഠേത്ശതവാര ധ്യാനപൂർവകം .

തത്ക്ഷണാദ്വ്യാധിനാശശ്ച ഭവേദ്ദേവീ ! ന സംശയഃ .. 11..

ശൂന്യാഗാരേ പഠേത്സ്തോത്രം സഹസ്രം ധ്യാനപൂർവവകം .

ലക്ഷ്മീ പ്രസീദതി ധ്രുവം സ ത്രൈലോക്യം വശിഷ്യതി .. 12..

പ്രേതവസ്ത്രം ഭൗമേ ഗ്രാഹ്യം രിപുനാമ ച കാരയേത് .

പ്രാണപ്രതിഷ്ഠാ കൃത്വാ തു പൂജാം ചൈവ ഹി കാരയേത് ..

13..

ശ്മശാനേ നിഖനേദ്രാത്രൗ ദ്വിസഹസ്രം പഠേത്തതഃ .

ജിഹവാസ്തംഭനമാപ്നോതി സദ്യോ മൂകത്വമാപ്നുയാത് ..

14..
ശ്മശാനേ പഠേത് സ്തോത്രം അയുതാർധ സുബുദ്ധിമാൻ .
ശത്രുക്ഷയോ ഭവേത് സദ്യോ നാന്യഥാ മമ ഭാഷിതം .. 15..

പ്രേതവസ്ത്രം ശനൗ ഗ്രാഹ്യം പ്രതിനാമ്നാ സമ്പുടിതം .

ശത്രുനാമ ലിഖിത്വാ ച പ്രാണപ്രതിഷ്ഠാം കാരയേത് .. 16..

തതഃ ലലിതാം സമ്പൂജ്യയ കൃഷ്ണധത്തൂരപുഷ്പകൈഃ .

ശ്മശാനേ നിഖനേദ്രാത്രൗ ശതവാരം പഠേത് സ്തോത്രം .. 17..

തതോ മൃത്യുമവാപ്നോതി ദേവരാജസമോഽപി സഃ .

ശ്മശാനാംഗാരമാദായ മംഗലേ ശനിവാരേ വാ .. 18..

പ്രേതവസ്ത്രേണ സംവേഷ്ട്യ ബധ്നീയാത് പ്രേതരജ്ജുനാ .

ദശാഭിമന്ത്രിതം കൃത്വാ ഖനേദ്വൈരിവേശ്മനി .. 19..

സപ്തരാത്രാന്തരേ തസ്യോച്ചാടനം ഭ്രാമണം ഭവേത് .

കുമാരീ പൂജയിത്വാ തു യഃ പഠേദ്ഭക്തിതത്പരഃ .. 20..

ന കിഞ്ചിദ്ദുർലഭം തസ്യ ദിവി വാ ഭുവി മോദതേ .

ദുർഭിക്ഷേ രാജപീഡായാം സഗ്രാമേ വൈരിമധ്യകേ .. 21..

യത്ര യത്ര ഭയം പ്രാപ്തഃ സർവത്ര പ്രപഠേന്നരഃ .

തത്ര തത്രാഭയം തസ്യ ഭവത്യേവ ന സംശയഃ .. 22..

വാമപാർശ്വേ സമാനീയ ശോധിതാം വരകാമിനീം .

ജപം കൃത്വാ പഠേദ്യസ്തു സിദ്ധിഃ കരേ സ്ഥിതാ .. 23..

ദരിദ്രസ്തു ചതുർദശ്യാം കാമിനീസംഗമൈഃ സഹ .

അഷ്ടവാരം പഠേദ്യസ്തു കുബേരസദൃശോ ഭവേത് .. 24..

ശ്രീലലിതാ മഹാദേവീം നിത്യം സമ്പൂജ്യ മാനവഃ .

പ്രതിനാമ്നാ ജുഹുയാത്സ ധനരാശിമവാപ്നുയാത് .. 25..

നവനീത ചാഭിമന്ത്ര്യ സ്ത്രീഭ്യോ ദദ്യാന്മഹേശ്വരി .

വന്ധ്യാം പുത്രപ്രദം ദേവി ! നാത്ര കാര്യാ വിചാരണാ .. 26..

കണ്ഠേ വാ വാമബാഹൗ വാ യോനൗ വാ ധാരണാച്ഛിവേ .

ബഹുപുത്രവതീ നാരീ സുഭഗാ ജായതേ ധ്രുവമ .. 27..

ഉഗ്ര ഉഗ്രം മഹദുഗ്രം സ്തവമിദം ലലിതായാഃ .

സുവിനീതായ ശാന്തായ ദാന്തായാതിഗുണായ ച .. 28..

ഭക്ത്തായ ജ്യേഷ്ഠപുത്രായ ഗരൂഭക്ത്തിപരായ ച .

ഭക്തഭക്തായ യോഗ്യായ ഭക്തിശക്തിപരായ ച .. 29..

വേശ്യാപൂജനയുക്തായ കുമാരീപൂജകായ ച .
ദുർഗാഭക്തായ ശൈവായ കാമേശ്വരപ്രജാപിനേ .. 30..

അദ്വൈതഭാവയുക്തായ ശക്തിഭക്തിപരായ ച .
പ്രദേയം ശതനാമാഖ്യം സ്വയം ലലിതാജ്ഞയാ .. 31..
ഖലായ പരതന്ത്രായ പരനിന്ദാപരായ ച .
ഭ്രഷ്ടായ ദുഷ്ടസത്ത്വായ പരീവാദപരായ ച .. 32..

ശിവാഭക്ത്തായ ദുഷ്ടായ പരദാരരതായ ച .

വേശ്യാസ്ത്രീനിന്ദകായ ച പഞ്ചമകാരനിന്ദകേ .. 33..

ന സ്ത്രോത്രം ദർശയേദ്ദേവീ ! മമ ഹത്യാകരോ ഭവേത് .

തസ്മാന്ന ദാപയേദ്ദേവീ ! മനസാ കർമണാ ഗിരാ .. 34..

അന്യഥാ കുരുതേ യസ്തു സ ക്ഷീണായുർഭവേദ്ധ്രുവമ .

പുത്രഹാരീ ച സ്ത്രീഹാരീ രാജ്യഹാരീ ഭവേദ്ധ്രുവമ .. 35..

മന്ത്രക്ഷോഭശ്ച ജായതേ തസ്യ മൃത്യുർഭവിഷ്യതി .

ക്രമദീക്ഷായുതാനാം ച സിദ്ധിർഭവതി നാന്യഥാ .. 36..

ക്രമദീക്ഷായുതോ ദേവീ ! ക്രമാദ് രാജ്യമവാപ്നുയാത് .

ക്രമദീക്ഷാസമായുക്തഃ കല്പോക്തസിദ്ധിഭാഗ് ഭവേത് .. 37..

വിധേർലിപിം തു സമ്മാർജ്യ കിങ്കരത്വ വിസൃജ്യ ച .

സർവസിദ്ധിമവാപ്നോതി നാത്ര കാര്യാ വിചാരണാ .. 38..

ക്രമദീക്ഷായുതോ ദേവീ ! മമ സമോ ന സംശയഃ .

ഗോപനീയം ഗോപനീയം ഗോപനീയം സദാഽനഘേ .. 39..
സ ദീക്ഷിതഃ സുഖീ സാധുഃ സത്യവാദീ നജിതേന്ദ്രയഃ .
സ വേദവക്താ സ്വാധ്യായീ സർവാനന്ദപരായണാഃ .. 40..

സ്വസ്മിൻലലിതാ സംഭാവ്യ പൂജയേജ്ജഗദംബികാം .

ത്രൈലോക്യവിജയീ ഭൂയാന്നാത്ര കാര്യാ വിചാരണാ .. 41..

ഗുരുരൂപം ശിവം ധ്യാത്വാ ശിവരൂപം ഗുരും സ്മരേത് .

സദാശിവഃ സ ഏവ സ്യാന്നാത്ര കാര്യാ വിചാരണാ .. 42..

ഇതി ശ്രീകൗലികാർണവേ ശ്രീഭൈരവീസംവാദേ

ഷട്കർമസിദ്ധദായക
ശ്രീമല്ലലിതായാ ലകാരാദിശതനാമസ്തോത്രം സമ്പൂർണം .

ശ്രീലലിതാഷ്ടകം

ശ്രീലലിതാപ്രണാമസ്തോത്രം
ശ്രീലലിതായ നമഃ .
രാധാമുകുന്ദ പദസംഭവഘർമബിന്ദു
നിർമഞ്ഛനോപകരണീകൃത ദേഹലക്ഷാം .
ഉത്തുംഗസൗഹൃദവിശേഷവശാത് പ്രഗൽഭാം
ദേവീം ഗുണൈഃ സുലലിതാം ലലിതാം നമാമി .. 1..

രാകാസുധാകിരണമണ്ഡലകാന്തിദണ്ഡി
വക്ത്രശ്രിയം ചകിതചാരൂ ചമൂരുനേത്രാം .
രാധാപ്രസാധനവിധാനകലാപ്രസിദ്ധാം
ദേവീം ഗുണൈഃ സുലലിതാം ലലിതാം നമാമി .. 2..

ലാസ്യോല്ലസദ്ഭുജഗശത്രുപതത്രചിത്ര
പട്ടാംശുകാഭരണകഞ്ചുലികാഞ്ചിതാംഗീം .
ഗോരോചനാരുചിവിഗർഹണ ഗൗരിമാണം
ദേവീം ഗുണൈഃ സുലലിതാം ലലിതാം നമാമി .. 3..

ധൂർതേ വ്രജേന്ദ്രതനയേ തനു സുഷ്ഠുവാമ്യം

മാ ദക്ഷിണാ ഭാവ കലങ്കിനി ലാഘവായ .
രാധേ ഗിരം ശൃണു ഹിതാമിതി ശിക്ഷയന്തീം
ദേവീം ഗുണൈഃ സുലലിതാം ലലിതാം നമാമി .. 4..

രാധാമഭിവ്രജപതേഃ കൃതമാത്മജേന
കൂടം മനാഗപി വിലോക്യ വിലോഹിതാക്ഷീം .
വാഗ്ഭംഗിഭിസ്തമചിരേണ വിലജ്ജയന്തീം
ദേവീം ഗുണൈഃ സുലലിതാം ലലിതാം നമാമി .. 5..

വാത്സല്യവൃന്ദവസതിം പശുപാലരാജ്ഞ്യാഃ
സഖ്യാനുശിക്ഷണകലാസു ഗുരും സഖീനാം .
രാധാബലാവരജ ജീവിതനിർവിശേഷാം
ദേവീം ഗുണൈഃ സുലലിതാം ലലിതാം നമാമി .. 6..

യാം കാമപി വ്രജകുലേ വൃഷഭാനുജായാഃ

പ്രേക്ഷ്യ സ്വപക്ഷപദവീമനുരുദ്ധ്യമാനാം .
സദ്യസ്തദിഷ്ടഘടനേന കൃതാർഥയന്തീം
ദേവീം ഗുണൈഃ സുലലിതാം ലലിതാം നമാമി .. 7..

രാധാവ്രജേന്ദ്രസുതസംഗമരംഗചര്യാം
വര്യാം വിനിശ്ചിതവതീമഖിലോത്സവേഭ്യഃ .
താം ഗോകുലപ്രിയസഖീനികുരംബമുഖ്യാം
ദേവീം ഗുണൈഃ സുലലിതാം ലലിതാം നമാമി .. 8..

നന്ദനമൂനി ലലിതാഗുണലാലിതാനി
പദ്യാനി യഃ പഠതി നിർമലദൃഷ്ടിരഷ്ടൗ .
പ്രീത്യാ വികർഷതി ജനം നിജവൃന്ദമധ്യേ
തം കീർതിദാപതികുലോജ്ജ്വലകല്പവല്ലീ .. 9..

ഇതി ശ്രീരൂപഗോസ്വാമിവിരചിതസ്തവമാലായാം ശ്രീലലിതാഷ്ടകം

ശ്രീലലിതാപ്രണാമസ്തോത്രം സമ്പൂർണം .

ശ്രീലലിതാഽഷ്ടോത്തരശതനാമദിവ്യസ്തോത്രം

.. ശ്രീഃ ..
.. അഥ ശ്രീലലിതാഽഷ്ടോത്തരശതനാമദിവ്യസ്തോത്രം ..

ശിവപ്രിയാശിവാരാധ്യാ ശിവേഷ്ടാ ശിവകോമലാ .

ശിവോത്സവാ ശിവരസാ ശിവദിവ്യശിഖാമണിഃ .. 1..

ശിവപൂർണാ ശിവഘനാ ശിവസ്ഥാ ശിവവല്ലഭാ .

ശിവാഭിന്നാ ശിവാർധാംഗീ ശിവാധീനാ ശിവങ്കരീ .. 2..

ശിവനാമജപാസക്താ ശിവസാംനിധ്യകാരിണീ .
ശിവശക്തിഃ ശിവാധ്യക്ഷാ ശിവകാമേശ്വരീ ശിവാ .. 3..

ശിവയോഗീശ്വരീദേവീ ശിവാജ്ഞാവശവർതിനീ .
ശിവവിദ്യാതിനിപുണാ ശിവപഞ്ചാക്ഷരപ്രിയാ .. 4..

ശിവസൗഭാഗ്യസമ്പന്നാ ശിവകൈങ്കര്യകാരിണീ .
ശിവാങ്കസ്ഥാ ശിവാസക്താ ശിവകൈവല്യദായിനീ .. 5..

ശിവക്രീഡാ ശിവനിധിഃ ശിവാശ്രയസമന്വിതാ .

ശിവലീലാ ശിവകലാ ശിവകാന്താ ശിവപ്രദാ .. 6..

ശിവശ്രീലലിതാദേവീ ശിവസ്യ നയനാമൃതാ .

ശിവചിന്താമണിപദാ ശിവസ്യ ഹൃദയോജ്ജ്വലാ .. 7..

ശിവോത്തമാ ശിവാകാരാ ശിവകാമപ്രപൂരിണീ .

ശിവലിംഗാർചനപരാ ശിവാലിംഗനകൗതുകീ .. 8..

ശിവാലോകനസന്തുഷ്ടാ ശിവലോകനിവാസിനീ .
ശിവകൈലാസനഗരസ്വാമിനീ ശിവരഞ്ജിനീ .. 9..

ശിവസ്യാഹോപുരുഷികാ ശിവസങ്കല്പപൂരകാ .
ശിവസൗന്ദര്യസർവാംഗീ ശിവസൗഭാഗ്യദായിനീ .. 10..

ശിവശബ്ദൈകനിരതാ ശിവധ്യാനപരായണാ .
ശിവഭക്തൈകസുലഭാ ശിവഭക്തജനപ്രിയാ .. 11..

ശിവാനുഗ്രഹസമ്പൂർണാ ശിവാനന്ദരസാർണ്വാ .
ശിവപ്രകാശസന്തുഷ്ടാ ശിവശൈലകുമാരികാ .. 12..

ശിവാസ്യപങ്കജാർകാഭാ ശിവാന്തഃപുരവാസിനീ .
ശിവജീവാതുകലികാ ശിവപുണ്യപരമ്പരാ .. 13..

ശിവാക്ഷമാലാസന്തൃപ്താ ശിവനിത്യമനോഹരാ .
ശിവഭക്തശിവജ്ഞാനപ്രദാ ശിവവിലാസിനീ .. 14..

ശിവസംമോഹനകരീ ശിവസാംരാജ്യശാലിനീ .
ശിവസാക്ഷാദ്ബ്രഹ്മവിദ്യാ ശിവതാണ്ഡവസാക്ഷിണീ .. 15..

ശിവാഗമാർഥതത്ത്വജ്ഞാ ശിവമാന്യാ ശിവാത്മികാ .

ശിവകാര്യൈകചതുരാ ശിവശാസ്ത്രപ്രവർതകാ .. 16..
ശിവപ്രസാദജനനീ ശിവസ്യ ഹിതകാരിണീ .
ശിവോജ്ജ്വലാ ശിവജ്യോതിഃ ശിവഭോഗസുഖങ്കരീ .. 17..

ശിവസ്യ നിത്യതരുണീ ശിവകല്പകവല്ലരീ .

ശിവബില്വാർചനകരീ ശിവഭക്താർതിഭഞ്ജനീ .. 18..

ശിവാക്ഷികുമുദജ്യോത്സ്നാ ശിവശ്രീകരുണാകരാ .
ശിവാനന്ദസുധാപൂർണാ ശിവഭാഗ്യാബ്ധിചന്ദ്രികാ .. 19..

ശിവശക്ത്യൈക്യലലിതാ ശിവക്രീഡാരസോജ്ജ്വലാ .
ശിവപ്രേമമഹാരത്നകാഠിന്യകലശസ്തനീ .. 20..

ശിവലാലിതളാക്ഷാർദ്രചരണാംബുജകോമലാ .
ശിവചിത്തൈകഹരണവ്യാലോലഘനവേണികാ .. 21..

ശിവാഭീഷ്ടപ്രദാനശ്രീകല്പവല്ലീകരാംബുജാ .
ശിവേതരമഹാതാപനിർമൂലാമൃതവർഷിണീ .. 22..

ശിവയോഗീന്ദ്രദുർവാസമഹിമ്നസ്തുതിതോഷിതാ .
ശിവസമ്പൂർണവിമലജ്ഞാനദുഗ്ധാബ്ധിശായിനീ .. 23..

ശിവഭക്താഗ്രഗണ്യേശവിഷ്ണുബ്രഹ്മേന്ദ്രവന്ദിതാ .
ശിവമായാസമാക്രാന്തമഹിഷാസുരമർദിനീ .
ശിവദത്തബലോന്മത്തശുംഭാദ്യസുരനാശിനീ .. 24..
ശിവദ്വിജാർഭകസ്തന്യജ്ഞാനക്ഷീരപ്രദായിനീ .
ശിവാതിപ്രിയഭക്താദിനന്ദിഭൃംഗിരിടിസ്തുതാ .. 25..

ശിവാനലസമുദ്ഭൂതഭസ്മോദ്ധൂലിതവിഗ്രഹാ .
ശിവജ്ഞാനാബ്ധിപാരജ്ഞമഹാത്രിപുരസുന്ദരീ .. 26..

ഇത്യേതല്ലലിതാനാമ്നാമഷ്ടോത്തരശതം മുനേ .
അനേകജന്മപാപഘ്നം ലലിതാപ്രീതിദായകം .. 27..

സർവൈശ്വര്യപ്രദം നൄണാമാധിവ്യാധിനിവാരണം .
യോ മർത്യഃ പഠതേ നിത്യം സർവാൻകാമാനവാപ്നുയാത് ..

28..

ഇതിശ്രീലലിതോപാഖ്യാനേ സ്തോത്രഖണ്ഡേ ശ്രീലലിതാഷ്ടോത്തര-

ശതനാമസ്തോത്രം സമ്പൂർണം ..

ലലിതാഷ്ടോത്തരശതനാമാവലീ
.. ശ്രീരസ്തു ..

.. അഥ ശ്രീലലിതാഷ്ടോത്തരശതനാമാവലിഃ ..

ഓം-ഐം-ഹ്രീം-ശ്രീം .

രജതാചലശൃംഗാഗ്രമധ്യസ്ഥായൈ നമോ നമഃ .

ഹിമാചലമഹാവംശപാവനായൈ നമോ നമഃ .
ശങ്കരാർധാംഗസൗന്ദര്യശരീരായൈ നമോ നമഃ .
ലസന്മരകതസ്വച്ഛവിഗ്രഹായൈ നമോ നമഃ .
മഹാതിശയസൗന്ദര്യലാവണ്യായൈ നമോ നമഃ .
ശശാങ്കശേഖരപ്രാണവല്ലഭായൈ നമോ നമഃ .
സദാപഞ്ചദശാത്മൈക്യസ്വരൂപായൈ നമോ നമഃ .
വജ്രമാണിക്യകടകകിരീടായൈ നമോ നമഃ .
കസ്തൂരീതിലകോല്ലാസനിടിലായൈ നമോ നമഃ .
ഭസ്മരേഖാങ്കിതലസന്മസ്തകായൈ നമോ നമഃ . 10
വികചാംഭോരുഹദലലോചനായൈ നമോ നമഃ .
ശരച്ചാമ്പേയപുഷ്പാഭനാസികായൈ നമോ നമഃ .
ലസത്കാഞ്ചനതാടങ്കയുഗലായൈ നമോ നമഃ .
മണിദർപണസങ്കാശകപോലായൈ നമോ നമഃ .
താംബൂലപൂരിതസ്മേരവദനായൈ നമോ നമഃ .
സുപക്വദാഡിമീബീജരദനായൈ നമോ നമഃ .
കംബുപൂഗസമച്ഛായകന്ധരായൈ നമോ നമഃ .
സ്ഥൂലമുക്താഫലോദാരസുഹാരായൈ നമോ നമഃ .
ഗിരീശബദ്ധമാംഗല്യമംഗലായൈ നമോ നമഃ .
പദ്മപാശാങ്കുശലസത്കരാബ്ജായൈ നമോ നമഃ . 20
പദ്മകൈരവമന്ദാരസുമാലിന്യൈ നമോ നമഃ .
സുവർണകുംഭയുഗ്മാഭസുകുചായൈ നമോ നമഃ .
രമണീയചതുർബാഹുസംയുക്തായൈ നമോ നമഃ .
കനകാംഗദകേയൂരഭൂഷിതായൈ നമോ നമഃ .
ബൃഹത്സൗവർണസൗന്ദര്യവസനായൈ നമോ നമഃ .
ബൃഹന്നിതംബവിലസജ്ജഘനായൈ നമോ നമഃ .
സൗഭാഗ്യജാതശൃംഗാരമധ്യമായൈ നമോ നമഃ .
ദിവ്യഭൂഷണസന്ദോഹരഞ്ജിതായൈ നമോ നമഃ .
പാരിജാതഗുണാധിക്യപദാബ്ജായൈ നമോ നമഃ .
സുപദ്മരാഗസങ്കാശചരണായൈ നമോ നമഃ . 30
കാമകോടിമഹാപദ്മപീഠസ്ഥായൈ നമോ നമഃ .
ശ്രീകണ്ഠനേത്രകുമുദചന്ദ്രികായൈ നമോ നമഃ .
സഞ്ചാരമരരമാവാണീവീജിതായൈ നമോ നമഃ .
ഭക്തരക്ഷണദാക്ഷിണ്യകടാക്ഷായൈ നമോ നമഃ .
ഭൂതേശാലിംഗനോദ്ഭൂതപുലകാംഗ്യൈ നമോ നമഃ .
അനംഗജനകാപാംഗവീക്ഷണായൈ നമോ നമഃ .
ബ്രഹ്മോപേന്ദ്രശിരോരത്നരഞ്ജിതായൈ നമോ നമഃ .
ശചീമുഖ്യാമരവധൂസേവിതായൈ നമോ നമഃ .
ലീലാകല്പിതബ്രഹ്മാണ്ഡമണ്ഡലായൈ നമോ നമഃ .
അമൃതാദിമഹാശക്തിസംവൃതായൈ നമോ നമഃ . 40
ഏകാതപത്രസാമ്രാജ്യദായികായൈ നമോ നമഃ .
സനകാദിസമാരാധ്യപാദുകായൈ നമോ നമഃ .
ദേവർഷിഭിസ്സ്തൂയമാനവൈഭവായൈ നമോ നമഃ .
കലശോദ്ഭവദുർവാസഃപൂജിതായൈ നമോ നമഃ .
മത്തേഭവക്ത്രഷഡ്വക്ത്രവത്സലായൈ നമോ നമഃ .
ചക്രരാജമഹായന്ത്രമധ്യവർതിന്യൈ നമോ നമഃ .
ചിദഗ്നികുണ്ഡസംഭൂതസുദേഹായൈ നമോ നമഃ .
ശശാങ്കഖണ്ഡസംയുക്തമകുടായൈ നമോ നമഃ .
മത്തഹംസവധൂമന്ദഗമനായൈ നമോ നമഃ .
വന്ദാരുജനസന്ദോഹവന്ദിതായൈ നമോ നമഃ . 50
അന്തർമുഖജനാനന്ദഫലദായൈ നമോ നമഃ .
പതിവ്രതാംഗനാഭീഷ്ടഫലദായൈ നമോ നമഃ .
അവ്യാജകരുണാപൂരപൂരിതായൈ നമോ നമഃ .
നിതാന്തസച്ചിദാനന്ദസംയുക്തായൈ നമോ നമഃ .
സഹസ്രസൂര്യസംയുക്തപ്രകാശായൈ നമോ നമഃ .
രത്നചിന്താമണിഗൃഹമധ്യസ്ഥായൈ നമോ നമഃ .
ഹാനിവൃദ്ധിഗുണാധിക്യരഹിതായൈ നമോ നമഃ .
മഹാപദ്മാടവീമധ്യനിവാസായൈ നമോ നമഃ .
ജാഗ്രത്സ്വപ്നസുഷുപ്തീനാം സാക്ഷിഭൂത്യൈ നമോ നമഃ .
മഹാപാപൗഘപാപാനാം വിനാശിന്യൈ നമോ നമഃ . 60
ദുഷ്ടഭീതിമഹാഭീതിഭഞ്ജനായൈ നമോ നമഃ .
സമസ്തദേവദനുജപ്രേരകായൈ നമോ നമഃ .
സമസ്തഹൃദയാംഭൂജനിലയായൈ നമോ നമഃ .
അനാഹതമഹാപദ്മമന്ദിരായൈ നമോ നമഃ .
സഹസ്രാരസരോജാതവാസിതായൈ നമോ നമഃ .
പുനരാവൃത്തിരഹിതപുരസ്ഥായൈ നമോ നമഃ .
വാണീഗായത്രീസാവിത്രീസന്നുതായൈ നമോ നമഃ .
രമാഭൂമിസുതാരാധ്യപദാബ്ജായൈ നമോ നമഃ .
ലോപാമുദ്രാർചിതശ്രീമച്ചരണായൈ നമോ നമഃ .
സഹസ്രരതിസൗന്ദര്യശരീരായൈ നമോ നമഃ . 70
ഭാവനാമാത്രസന്തുഷ്ടഹൃദയായൈ നമോ നമഃ .
സത്യസമ്പൂർണവിജ്ഞാനസിദ്ധിദായൈ നമോ നമഃ .
ശ്രീലോചനകൃതോല്ലാസഫലദായൈ നമോ നമഃ .
ശ്രീസുധാബ്ധിമണിദ്വീപമധ്യഗായൈ നമോ നമഃ .
ദക്ഷാധ്വരവിനിർഭേദസാധനായൈ നമോ നമഃ .
ശ്രീനാഥസോദരീഭൂതശോഭിതായൈ നമോ നമഃ .
ചന്ദ്രശേഖരഭക്താർതിഭഞ്ജനായൈ നമോ നമഃ .
സർവോപാധിവിനിർമുക്തചൈതന്യായൈ നമോ നമഃ .
നാമപാരയണാഭീഷ്ടഫലദായൈ നമോ നമഃ .
സൃഷ്ടിസ്ഥിതിതിരോധാനസങ്കല്പായൈ നമോ നമഃ . 80
ശ്രീഷോഡശാക്ഷരീമന്ത്രമധ്യഗായൈ നമോ നമഃ .
അനാദ്യന്തസ്വയംഭൂതദിവ്യമൂർത്യൈ നമോ നമഃ .
ഭക്തഹംസപരിമുഖ്യവിയോഗായൈ നമോ നമഃ .
മാതൃമണ്ഡലസംയുക്തലലിതായൈ നമോ നമഃ .
ഭണ്ഡദൈത്യമഹാസത്ത്വനാശനായൈ നമോ നമഃ .
ക്രൂരഭണ്ഡശിരച്ഛേദനിപുണായൈ നമോ നമഃ .
ധാത്രച്യുതസുരാധീശസുഖദായൈ നമോ നമഃ .
ചണ്ഡമുണ്ഡനിശുംഭാദിഖണ്ഡനായൈ നമോ നമഃ .
രക്താക്ഷരക്തജിഹ്വാദിശിക്ഷണായൈ നമോ നമഃ .
മഹിഷാസുരദോർവീര്യനിഗ്രഹായൈ നമോ നമഃ . 90
അഭ്രകേശമഹോത്സാഹകാരണായൈ നമോ നമഃ .
മഹേശയുക്തനടനതത്പരായൈ നമോ നമഃ .
നിജഭർതൃമുഖാംഭോജചിന്തനായൈ നമോ നമഃ .
വൃഷഭധ്വജവിജ്ഞാനഭാവനായൈ നമോ നമഃ .
ജന്മമൃത്യുജരാരോഗഭഞ്ജനായൈ നമോ നമഃ .
വിധേയമുക്തവിജ്ഞനസിദ്ധിദായൈ നമോ നമഃ .
കാമക്രോധാദിഷഡ്വർഗനാശനായൈ നമോ നമഃ .
രാജരാജാർചിതപദസരോജായൈ നമോ നമഃ .
സർവവേദാന്തസംസിദ്ധസുതത്വായൈ നമോ നമഃ . 100
ശ്രീവീരഭക്തവിജ്ഞാനവിധാനായൈ നമോ നമഃ .
അശേഷദുഷ്ടദനുജസൂദനായൈ നമോ നമഃ .
സാക്ഷാച്ഛ്രീദക്ഷിണാമൂർതിമനോജ്ഞായൈ നമോ നമഃ .
ഹയമേധാഗ്രസമ്പൂജ്യമഹിമായൈ നമോ നമഃ .
ദക്ഷപ്രജാപതിസുതവേഷാഢ്യായൈ നമോ നമഃ .
സുമബാണേക്ഷുകോദണ്ഡമണ്ഡിതായൈ നമോ നമഃ .
നിത്യയൗവനമാംഗല്യമംഗലായൈ നമോ നമഃ .
മഹാദേവസമായുക്തശരീരായൈ നമോ നമഃ .
മഹാദേവരതൗത്സുക്യമഹാദേവ്യൈ നമോ നമഃ .

.. ശ്രീലലിതാഷ്ടോത്തരശതനാമാവലിഃ സമ്പൂർണാ ..

ശ്രീലലിതാഷ്ടോത്തരശതനാമാവലിഃ 2
സിന്ദൂരാരുണവിഗ്രഹാം ത്രിനയനാം മാണിക്യമൗലിസ്ഫുരത്-
താരാനായകശേഖരാം സ്മിതമമുഖീം ആപീനവക്ഷോരുഹാം

.
പാണിഭ്യാമലിപൂർണരത്നചഷകം രക്തോത്പലം വിഭ്രതീം
സൗമ്യാം രത്നഘടസ്ഥരക്തചരണാം ധ്യായേത് പരാമംബികാം

..

അരുണാം കരുണാതരംഗിതാക്ഷീം
ധൃതപാശാങ്കുശപുഷ്പബാണചാപാം .
അണിമാദിഭിരാവൃതാം മയൂഖൈരഹമിത്യേവ വിഭാവയേ
ഭവാനീം ..

ധ്യായേത് പദ്മാസനസ്ഥാം വികസിതവദനാം പദ്മപത്രായതാക്ഷീം

ഹേമാഭാം പീതവസ്ത്രാം കരകലിതലസദ്ധേമപദ്മാം
വരാംഗീം .
സർവാലങ്കാര-യുക്താം സതതമഭയദാം ഭക്തനമ്രാം ഭവാനീം
ശ്രീവിദ്യാം ശാന്തമൂർതിം സകലസുരനുതാം
സർവസമ്പത്പ്രദാത്രീം ..

ഓം ഭൂരൂപസകലാധാരായൈ നമഃ
ഓം ബീജൗഷധ്യന്നരൂപിണ്യൈ നമഃ .
ഓം ജരായുജാണ്ഡജോദ്ഭിജ്ജ-
സ്വേദജാദിശരീരിണ്യൈ നമഃ .
ഓം ക്ഷേത്രരൂപായൈ നമഃ .
ഓം തീർഥരൂപായൈ നമഃ .
ഓം ഗിരികാനനരൂപിണ്യൈ നമഃ .
ഓം ജലരൂപാഖിലാപ്യായായൈ നമഃ .
ഓം തേജഃപുഞ്ജസ്വരൂപിണ്യൈ നമഃ .
ഓം ജഗത്പ്രകാശികായൈ നമഃ .
ഓം അജ്ഞാനതമോഹൃദ്ഭാനുരൂപിണ്യൈ നമഃ . 10
ഓം വായുരൂപായൈ നമഃ .
ഓം അഖിലവ്യാപ്തായൈ നമഃ .
ഓം ഉത്പത്യാദിവിധായിന്യൈ നമഃ .
ഓം നഭോരൂപായൈ നമഃ .
ഓം ഇന്ദുസൂര്യാദി-
ജ്യോതിർഭൂതാവകാശദായൈ നമഃ .
ഓം ഘ്രാണരൂപായൈ നമഃ .
ഓം ഗന്ധരൂപായൈ നമഃ .
ഓം ഗന്ധഗ്രഹണകാരിണ്യൈ നമഃ .
ഓം രസനായൈ നമഃ .
ഓം രസരൂപായൈ നമഃ . 20
ഓം രസഗ്രഹണകാരിണ്യൈ നമഃ .
ഓം ചക്ഷുരൂപായൈ നമഃ .
ഓം രൂപരൂപായൈ നമഃ .
ഓം രൂപഗ്രഹണകാരിണ്യൈ നമഃ .
ഓം ത്വഗ്രൂപായൈ നമഃ .
ഓം സ്പർശരൂപായൈ നമഃ .
ഓം സ്പർശഗ്രഹണകാരിണ്യൈ നമഃ .
ഓം ശ്രോത്രരൂപായൈ നമഃ .
ഓം ശബ്ദരൂപായൈ നമഃ .
ഓം ശബ്ദഗ്രഹണകാരിണ്യൈ നമഃ . 30
ഓം വാഗിന്ദ്രിയസ്വരൂപായൈ നമഃ .
ഓം വാചാവൃത്തിപ്രദായിന്യൈ നമഃ .
ഓം പാണീന്ദ്രിയസ്വരൂപായൈ നമഃ .
ഓം ക്രിയാവൃത്തിപ്രദായിന്യൈ നമഃ .
ഓം പാദേന്ദ്രിയസ്വരൂപായൈ നമഃ .
ഓം ഗതിവൃത്തിപ്രദായിന്യൈ നമഃ .
ഓം പായ്വിന്ദ്രിയസ്വരൂപായൈ നമഃ .
ഓം വിസർഗാർഥൈകകാരിണ്യൈ നമഃ .
ഓം രഹസ്യേന്ദ്രിയരൂപായൈ നമഃ .
ഓം വിഷയാനന്ദദായിന്യൈ നമഃ . 40
ഓം മനോരൂപായൈ നമഃ .
ഓം സങ്കല്പവികല്പാദി-
സ്വരൂപിണ്യൈ നമഃ .
ഓം സർവോപലബ്ധിഹേതവേ നമഃ .
ഓം ബുദ്ധിനിശ്ചയരൂപിണ്യൈ നമഃ .
ഓം അഹങ്കാരസ്വരൂപായൈ നമഃ .
ഓം അഹങ്കർതവ്യവൃത്തിദായൈ നമഃ .
ഓം ചേതനാചിത്തരൂപായൈ നമഃ .
ഓം സർവചൈതന്യദായിന്യൈ നമഃ .
ഓം ഗുണവൈഷമ്യരൂപാഢ്യ-
മഹത്തത്ത്വാഭിമാനിന്യൈ നമഃ .
ഓം ഗുണസാമ്യാവ്യക്തമായാമൂല-
 പ്രകൃതിസഞ്ചികായൈ നമഃ . 50
ഓം പഞ്ചീകൃതമഹാഭൂത-
സൂക്ഷ്മഭൂതസ്വരൂപിണ്യൈ നമഃ .
ഓം വിദ്യാഽവിദ്യാത്മികായൈ നമഃ .
ഓം മായാബന്ധമോചനകാരിണ്യൈ നമഃ .
ഓം ഈശ്വരേച്ഛാരാഗരൂപായൈ നമഃ .
ഓം പ്രകൃതിക്ഷോഭകാരിണ്യൈ നമഃ .
ഓം കാലശക്ത്യൈ നമഃ .
ഓം കാലരൂപായൈ നമഃ .
ഓം നിയത്യാദിനിയാമികായൈ നമഃ .
ഓം ധൂമ്രാദിപഞ്ചവ്യോമാഖ്യായൈ നമഃ .
ഓം യന്ത്രമന്ത്രകലാത്മികായൈ നമഃ . 60
ഓം ബ്രഹ്മരൂപായൈ നമഃ .
ഓം വിഷ്ണുരൂപായൈ നമഃ .
ഓം രുദ്രരൂപായൈ നമഃ .
ഓം മഹേശ്വര്യൈ നമഃ .
ഓം സദാശിവസ്വരൂപായൈ നമഃ .
ഓം സർവജീവമയ്യൈ നമഃ .
ഓം ശിവായൈ നമഃ .
ഓം ശ്രീവാണീലക്ഷ്മ്യുമാരൂപായൈ നമഃ .
ഓം സദാഖ്യായൈ നമഃ .
ഓം ചിത്കലാത്മികായൈ നമഃ . 70
ഓം പ്രാജ്ഞതൈജസവിശ്വാഖ്യ-
വിരാട്സൂത്രേശ്വരാത്മികായൈ നമഃ .
ഓം സ്ഥൂലദേഹസ്വരൂപായൈ നമഃ .
ഓം സൂക്ഷ്മദേഹസ്വരൂപിണ്യൈ നമഃ .
ഓം വാച്യവാചകരൂപായൈ നമഃ .
ഓം ജ്ഞാനജ്ഞേയസ്വരൂപിണ്യൈ നമഃ .
ഓം കാര്യകാരണരൂപായൈ നമഃ .
ഓം തത്തത്തത്വാധിദേവതായൈ നമഃ .
ഓം ദശനാദസ്വരൂപായൈ നമഃ .
ഓം നാഡീരൂപാഢ്യകുണ്ഡല്യൈ നമഃ .
ഓം അകാരാദിക്ഷകാരാന്തവൈഖരീ-
വാക്സ്വരൂപിണ്യൈ നമഃ . 80
ഓം വേദവേദാംഗരൂപായൈ നമഃ .
ഓം സൂത്രശാസ്ത്രാദിരൂപിണ്യൈ നമഃ .
ഓം പുരാണരൂപായൈ നമഃ .
ഓം സദ്ധർമശാത്രരൂപായൈ നമഃ .
ഓം പരാത്പരസ്യൈ നമഃ .
ഓം ആയുർവേദസ്വരൂപായൈ നമഃ .
ഓം ധനുർവേദസ്വരൂപിണ്യൈ നമഃ .
ഓം ഗാന്ധർവവിദ്യാരൂപായൈ നമഃ .
ഓം അർഥശാസ്ത്രാദിരൂപിണ്യൈ നമഃ .
ഓം ചതുഷ്ഷഷ്ടികലാരൂപായൈ നമഃ . 90
ഓം നിഗമാഗമരൂപിണ്യൈ നമഃ .
ഓം കാവ്യേതിഹാസരൂപായൈ നമഃ .
ഓം ഗാനവിദ്യാദിരൂപിണ്യൈ നമഃ .
ഓം പദവാക്യസ്വരൂപായൈ നമഃ .
ഓം സർവഭാഷാസ്വരൂപിണ്യൈ നമഃ .
ഓം പദവാക്യസ്ഫോടരൂപായൈ നമഃ .
ഓം ജ്ഞാനജ്ഞേയക്രിയാത്മികായൈ നമഃ .
ഓം സർവതന്ത്രമയ്യൈ നമഃ .
ഓം സർവയന്ത്രതന്ത്രാദിരൂപിണ്യൈ നമഃ .
ഓം വേദമാത്രേ നമഃ . 100
ഓം ലലിതായൈ നമഃ .
ഓം മഹാവ്യാഹൃതിരൂപിണ്യൈ നമഃ .
ഓം അവ്യാകൃതപദാനാദ്യചിന്ത്യ-
ശക്ത്യൈ നമഃ .
ഓം തമോമയ്യൈ നമഃ .
ഓം പരസ്മൈ ജ്യോതിഷേ നമഃ .
ഓം പരബ്രഹ്മസാക്ഷാത്കാര-
സ്വരൂപിണ്യൈ നമഃ .
ഓം പരബ്രഹ്മമയ്യൈ നമഃ .
ഓം സത്യാസത്യജ്ഞാനസുധാത്മികായൈ നമഃ . 108

ഇതി ശ്രീലലിതാഷ്ടോത്തരശതനാമാവലിഃ സമാപ്താ .

 ശ്രീലലിതാഷ്ടോത്തരശതനാമാവലീ

ശ്രീകാമേശ്വര്യൈ നമഃ .
ശ്രീകാമശക്ത്യൈ നമഃ .
ശ്രീകാമദായിന്യൈ നമഃ .
ശ്രീസൗഭഗ്യദായിന്യൈ നമഃ .
ശ്രീകാമരൂപായൈ നമഃ .
ശ്രീകാമകലായൈ നമഃ .
ശ്രീകാമിന്യൈ നമഃ .
ശ്രീകമലാസനായൈ നമഃ .
ശ്രീകമലായൈ നമഃ .
ശ്രീകലനാഹീനായൈ നമഃ . 10
ശ്രീകമനീയായൈ നമഃ .
ശ്രീകലാവത്യൈ നമഃ .
ശ്രീപദ്യപായൈ നമഃ .
ശ്രീഭാരത്യൈ നമഃ .
ശ്രീസേവ്യായൈ നമഃ .
ശ്രീകല്പിതാഽശേഷസംസ്ഥിത്യൈ നമഃ .
ശ്രീഅനുത്തരായൈ നമഃ .
ശ്രീഅനഘായൈ നമഃ .
ശ്രീഅനന്തായൈ നമഃ .
ശ്രീഅദ്ഭുതരൂപായൈ നമഃ . 20
ശ്രീഅനലോദ്ഭവായൈ നമഃ .
ശ്രീഅതിലോകചരിത്രായൈ നമഃ .
ശ്രീഅതിസുന്ദര്യൈ നമഃ .
ശ്രീഅതിശുഭപ്രദായൈ നമഃ .
ശ്രീവിശ്വായൈ നമഃ .
ശ്രീആദ്യായൈ നമഃ .
ശ്രീഅതിവിസ്താരായൈ നമഃ .
ശ്രീഅർചനതുഷ്ടായൈ നമഃ .
ശ്രീഅമിതപ്രഭായൈ നമഃ .
ശ്രീഏകരൂപായൈ നമഃ . 30
ശ്രീഏകവീരപ്രിയായൈ നമഃ .
ശ്രീഏകനാഥപ്രിയായൈ നമഃ .
ശ്രീഏകാന്തപ്രിയായൈ നമഃ .
ശ്രീഅർചനപ്രീയായൈ നമഃ .
ശ്രീഏകായൈ നമഃ .
ശ്രീഏകഭാവതുഷ്ടായൈ നമഃ .
ശ്രീഏകരസപ്രീയായൈ നമഃ .
ശ്രീഏകാന്തജനപ്രീയായൈ നമഃ .
ശ്രീഏധമാനപ്രഭായൈ നമഃ .
ശ്രീവൈധഭക്തായൈ നമഃ . 40
ശ്രീപാതകനാശിന്യൈ നമഃ .
ശ്രീഏലാമോദമുഖായൈ നമഃ .
ശ്രീനോഽദ്രിശക്തായുധായൈ നമഃ .
ശ്രീസമസ്ഥിത്യൈ നമഃ .
ശ്രീഈഹാശൂന്യേപ്സിതേശാദിസേവ്യേശാനായൈ നമഃ .
ശ്രീവരാംഗനായൈ നമഃ .
ശ്രീഈശ്വരാജ്ഞാപികേകാരഭാവ്യേപ്സിതഫലപ്രദായൈ നമഃ .
ശ്രീഈശാനേത്യൈ നമഃ .
ശ്രീഹരേശൈഷായൈ നമഃ .
ശ്രീചാരുണാക്ഷീശ്വരേശ്വര്യൈ നമഃ . 50
ശ്രീലലിതായൈ നമഃ .
ശ്രീലലനാരൂപായൈ നമഃ .
ശ്രീലയഹീനായൈ നമഃ .
ശ്രീലസതതനവേ നമഃ .
ശ്രീലയസർവായൈ നമഃ .
ശ്രീലയക്ഷോണ്യൈ നമഃ .
ശ്രീലയകർത്രേ നമഃ .
ശ്രീലയാത്മികായൈ നമഃ .
ശ്രീലഘിമായൈ നമഃ .
ശ്രീലഘുമധ്യാഢ്യായൈ നമഃ . 60
ശ്രീലലമാനായൈ നമഃ .
ശ്രീലഘുദ്രുതായൈ നമഃ .
ശ്രീഹയാരൂഢായൈ നമഃ .
ശ്രീഹതായൈ നമഃ .
ശ്രീഅമിത്രായൈ നമഃ .
ശ്രീഹരകാന്തായൈ നമഃ .
ശ്രീഹരിസ്തുതായൈ നമഃ .
ശ്രീഹയഗ്രീവേഷ്ടദായൈ നമഃ .
ശ്രീഹാലാപ്രിയായൈ നമഃ .
ശ്രീഹർഷസമുദ്ഭവായൈ നമഃ . 70
ശ്രീഹർഷണായൈ നമഃ .
ശ്രീഹല്ലകാഭാംഗ്യൈ നമഃ .
ശ്രീഹസ്ത്യന്തൈശ്വര്യദായിന്യൈ നമഃ .
ശ്രീഹലഹസ്താർചിതപദായൈ നമഃ .
ശ്രീഹവിപ്രസാദിന്യൈ നമഃ .
ശ്രീദാനപ്രസാദിന്യൈ നമഃ .
ശ്രീരാമായൈ നമഃ .
ശ്രീരാമാർചിതായൈ നമഃ .
ശ്രീരാജ്ഞ്യൈ നമഃ .
ശ്രീരമ്യായൈ നമഃ . 80
ശ്രീരവമയ്യൈ നമഃ .
ശ്രീരത്യൈ നമഃ .
ശ്രീരക്ഷിണ്യൈ നമഃ .
ശ്രീരമണ്യൈ നമഃ .
ശ്രീരാകാഽഽദിത്യാദിമണ്ഡലപ്രിയായൈ നമഃ .
ശ്രീരക്ഷിതാഽഖിലലോകേശ്യൈ നമഃ .
ശ്രീരക്ഷോഗണനിഷൂദിന്യൈ നമഃ .
ശ്രീഅന്താന്തകാരിണ്യംഭോജക്രിയാന്തകഭയങ്കര്യൈ നമഃ .
ശ്രീഅംബുരൂപായൈ നമഃ .
ശ്രീഅംബുജായൈ നമഃ . 90
ശ്രീകരാംബുജായൈ നമഃ .
ശ്രീജാതവരപ്രദായൈ നമഃ .
ശ്രീഅന്തഃപൂജാക്രിയാന്തഃസ്ഥായൈ നമഃ .
ശ്രീഅന്തർധ്യാനവചോമയ്യൈ നമഃ .
ശ്രീഅന്തകാഽരാതിവാമാങ്കസ്ഥിതായൈ നമഃ .
ശ്രീഅന്തഃസുഖരൂപിണ്യൈ നമഃ .
ശ്രീസർവജ്ഞായൈ നമഃ .
ശ്രീസർവഗായൈ നമഃ .
ശ്രീസാരായൈ നമഃ .
ശ്രീസമായൈ നമഃ . 100
ശ്രീസമസുഖായൈ നമഃ .
ശ്രീസത്യൈ നമഃ .
ശ്രീസന്തത്യൈ നമഃ .
ശ്രീസന്തതായൈ നമഃ .
ശ്രീസോമായൈ നമഃ .
ശ്രീസർവായൈ നമഃ .
ശ്രീസാംഖ്യായൈ നമഃ .
ശ്രീസനാതന്യൈ നമഃ . 108
 ലലിതാഽഷ്ടോത്തരശതനാമാവലീ

അഥ ലലിതാഽഷ്ടോത്തരശതനാമാവലിഃ ..

ഓം ശിവപ്രിയായൈ നമഃ .
ഓം ശിവാരാധ്യായൈ നമഃ .
ഓം ശിവേഷ്ടായൈ നമഃ .
ഓം ശിവകോമലായൈ നമഃ .
ഓം ശിവോത്സവായൈ നമഃ .. 5..

ഓം ശിവരസായൈ നമഃ .
ഓം ശിവദിവ്യശിഖാമണ്യൈ നമഃ .
ഓം ശിവപൂർണായൈ നമഃ .
ഓം ശിവഘനായൈ നമഃ .
ഓം ശിവസ്ഥായൈ നമഃ .. 10..

ഓം ശിവവല്ലഭായൈ നമഃ .
ഓം ശിവാഭിന്നായൈ നമഃ .
ഓം ശിവാർധാംഗ്യൈ നമഃ .
ഓം ശിവാധീനായൈ നമഃ .
ഓം ശിവങ്കര്യൈ നമഃ .. 15..

ഓം ശിവനാമജപാസക്തയൈ നമഃ .
ഓം ശിവസാന്നിധ്യകാരിണ്യൈ നമഃ .
ഓം ശിവശക്ത്യൈ നമഃ .
ഓം ശിവാധ്യക്ഷായൈ നമഃ .
ഓം ശിവകാമേശ്വര്യൈ നമഃ .. 20..

ഓം ശിവായൈ നമഃ .
ഓം ശിവയോഗീശ്വരീദേവ്യൈ നമഃ .
ഓം ശിവാജ്ഞാവശവർതിന്യൈ നമഃ .
ഓം ശിവവിദ്യാതിനിപുണായൈ നമഃ .
ഓം ശിവപഞ്ചാക്ഷരപ്രിയായൈ നമഃ .. 25..

ഓം ശിവസൗഭാഗ്യസമ്പന്നായൈ നമഃ .
ഓം ശിവകൈങ്കര്യകാരിണ്യൈ നമഃ .
ഓം ശിവാങ്കസ്ഥായൈ നമഃ .
ഓം ശിവാസക്തായൈ നമഃ .
ഓം ശിവകൈവല്യദായിന്യൈ നമഃ .. 30..

ഓം ശിവക്രീഡായൈ നമഃ .
ഓം ശിവനിധയേ നമഃ .
ഓം ശിവാശ്രയസമന്വിതായൈ നമഃ .
ഓം ശിവലീലായൈ നമഃ .
ഓം ശിവകലായൈ നമഃ .. 35..

ഓം ശിവകാന്തായൈ നമഃ .
ഓം ശിവപ്രദായൈ നമഃ .
ഓം ശിവശ്രീലലിതാദേവ്യൈ നമഃ .
ഓം ശിവസ്യ നയനാമൃതായൈ നമഃ .
ഓം ശിവചിൺതാമണിപദായൈ നമഃ .. 40..

ഓം ശിവസ്യ ഹൃദയോജ്ജ്വലായൈ നമഃ .

ഓം ശിവോത്തമായൈ നമഃ .
ഓം ശിവാകാരായൈ നമഃ .
ഓം ശിവകാമപ്രപൂരിണ്യൈ നമഃ .
ഓം ശിവലിംഗാർചനപരായൈ നമഃ .. 45..

ഓം ശിവാലിംഗനകൗതുക്യൈ നമഃ .
ഓം ശിവാലോകനസന്തുഷ്ടായൈ നമഃ .
ഓം ശിവലോകനിവാസിന്യൈ നമഃ .
ഓം ശിവകൈലസനഗരസ്വാമിന്യൈ നമഃ .
ഓം ശിവരഞ്ജിന്യൈ നമഃ .. 50..

ഓം ശിവസ്യാഹോപുരുഷികായൈ നമഃ .
ഓം ശിവസങ്കല്പപൂരകായൈ നമഃ .
ഓം ശിവസൗന്ദര്യസർവാംഗ്യൈ നമഃ .
ഓം ശിവസൗഭാഗ്യദായിന്യൈ നമഃ .
ഓം ശിവശബ്ദൈകനിരതായൈ നമഃ .. 55..

ഓം ശിവധ്യാനപരായണായൈ നമഃ .
ഓം ശിവഭക്തൈകസുലഭായൈ നമഃ .
ഓം ശിവഭക്തജനപ്രിയായൈ നമഃ .
ഓം ശിവാനുഗ്രഹസമ്പൂർണായൈ നമഃ .
ഓം ശിവാനന്ദരസാർണവായൈ നമഃ .. 60..
ഓം ശിവപ്രകാശസന്തുഷ്ടായൈ നമഃ .
ഓം ശിവശൈലകുമാരികായൈ നമഃ .
ഓം ശിവാസ്യപങ്കജാർകാഭായൈ നമഃ .
ഓം ശിവാന്തഃപുരവാസിന്യൈ നമഃ .
ഓം ശിവജീവാതുകലികായൈ നമഃ .. 65..

ഓം ശിവപുണ്യപരമ്പരായൈ നമഃ .
ഓം ശിവാക്ഷമാലാസന്തൃപ്തായൈ നമഃ .
ഓം ശിവനിത്യമനോഹരായൈ നമഃ .
ഓം ശിവഭക്തശിവജ്ഞാനപ്രദായൈ നമഃ .
ഓം ശിവവിലാസിന്യൈ നമഃ .. 70..

ഓം ശിവസംമോഹനകര്യൈ നമഃ .
ഓം ശിവസാമ്രാജ്യശാലിന്യൈ നമഃ .
ഓം ശിവസാക്ഷാത്ബ്രഹ്മവിദ്യായൈ നമഃ .
ഓം ശിവതാണ്ഡവസാക്ഷിണ്യൈ നമഃ .
ഓം ശിവാഗമാർഥതത്ത്വജ്ഞായൈ നമഃ .. 75..

ഓം ശിവമാന്യായൈ നമഃ .
ഓം ശിവാത്മികായൈ നമഃ .
ഓം ശിവകാര്യൈകചതുരായൈ നമഃ .
ഓം ശിവശാസ്ത്രപ്രവർതകായൈ നമഃ .
ഓം ശിവപ്രസാദജനന്യൈ നമഃ .. 80..
ഓം ശിവസ്യ ഹിതകാരിണ്യൈ നമഃ .
ഓം ശിവോജ്ജ്വലായൈ നമഃ .
ഓം ശിവജ്യോതിഷേ നമഃ .
ഓം ശിവഭോഗസുഖങ്കര്യൈ നമഃ .
ഓം ശിവസ്യ നിത്യതരുണ്യൈ നമഃ .. 85..

ഓം ശിവകല്പകവല്ലര്യൈ നമഃ .
ഓം ശിവബില്വാർചനകര്യൈ നമഃ .
ഓം ശിവഭക്താർതിഭഞ്ജനായൈ നമഃ .
ഓം ശിവാക്ഷികുമുദജ്യോത്സ്നായൈ നമഃ .
ഓം ശിവശ്രീകരുണാകരായൈ നമഃ .. 90..

ഓം ശിവാനന്ദസുധാപൂർണായൈ നമഃ .
ഓം ശിവഭാഗ്യാബ്ധിചന്ദ്രികായൈ നമഃ .
ഓം ശിവശക്ത്യൈക്യലലിതായൈ നമഃ .
ഓം ശിവക്രീഡാരസോജ്ജ്വലായൈ നമഃ .
ഓം ശിവപ്രേമമഹാരത്നകാഠിന്യകലശസ്തന്യൈ നമഃ .. 95..

ഓം ശിവലാലിതലാക്ഷാർദ്രചരണാംബുജകോമലായൈ നമഃ .
ഓം ശിവചിത്തൈകഹരണവ്യാലോലഘനവേണികായൈ നമഃ .
ഓം ശിവാഭീഷ്ടപ്രദാനശ്രീകല്പവല്ലീകരാംബുജായൈ നമഃ .
ഓം ശിവേതരമഹാതാപനിർമൂലാമൃതവർഷിണ്യൈ നമഃ .
ഓം ശിവയോഗീന്ദ്രദുർവാസമഹിമ്നസ്തുതിതോഷിതായൈ നമഃ

.. 100..
ഓം ശിവസമ്പൂർണവിമലജ്ഞാനദുഗ്ധാബ്ധിശായിന്യൈ നമഃ .
ഓം ശിവഭക്താഗ്രഗണ്യേശവിഷ്ണുബ്രഹ്മേന്ദ്രവന്ദിതായൈ നമഃ .
ഓം ശിവമായാസമാക്രാന്തമഹിഷാസുരമർദിന്യൈ നമഃ .
ഓം ശിവദത്തബലോന്മത്തശുംഭാദ്യസുരനാശിന്യൈ നമഃ .
ഓം ശിവദ്വിജാർഭകസ്തന്യജ്ഞാനക്ഷീരപ്രദായിന്യൈ നമഃ ..

105..

ഓം ശിവാതിപ്രിയഭക്താദിനന്ദിഭൃംഗിരിടിസ്തുതായൈ നമഃ .
ഓം ശിവാനലസമുദ്ഭൂതഭസ്മോദ്ധൂലിതവിഗ്രഹായൈ നമഃ .
ഓം ശിവജ്ഞാനാബ്ധിപാരജ്ഞമഹാത്രിപുരസുന്ദര്യൈ നമഃ .
ഇതി ശ്രീലലിതാഷ്ടോത്തരശതനാമാവലിഃ സമ്പൂർണാ ..
 ശ്രീലലിതാസഹസ്രനാമസ്തോത്രം പൂർവപീഠികാ
ഫലശ്രുതി സഹിതം

മാതഃ ശ്രീലലിതേ പ്രസീദ !

ലൗഹിത്യനിർജിത ജപാകുസുമാനുരാഗാം
പാശാങ്കുശൗ ധനുരിഷൂനപി ധാരയന്തീം .
താമ്രേക്ഷണാമരുണമാല്യവിശേഷഭൂഷാം
താംബൂലപൂരിതമുഖീം ത്രിപുരാം നമാമി .. 1..

മധുരാന്മധുരാ മഹിതാന്മഹിതാ
മൃദുലാന്മൃദുലാ സുലഭാത്സലഭാ .
അരുണാദരുണാ സദയാത്സദയാ
ലലിതാല്ലലിതാ ലലിതാഽവതു മാം .. 2..

ലലിതം ചരണസരോജേ ലലിതതരം വദനശീതരുചിബിംബേ .

ലലിതതമം സ്മിതരോചിഷി ലലിതാഖ്യം വസ്തു മേ പുരതഃ ..

3..

ത്വത്പ്രസൂതസ്ത്വദാജ്ഞപ്തസ്ത്വദാസസ്ത്വത്പരായണഃ .
ത്വന്നാമചിന്തനപരസ്ത്വദർഥേഽഹം നിയോജിതഃ .. 4..

ത്വയാർജിതമിദം സർവം തവ സ്വം പരമേശ്വരി .

ത്വദധീനം കരോമീഹ ത്വദർഥേ തന്നിയോജയേ .. 5..
തവ ദേവി വശേ വർതേ തവാജ്ഞാമേവ പാലയൻ .
തവ നാമാനി ഗണയൻ ത്വയി ലീയേ ഗഹാണ മാം .. 6..

ഏഷാ ഭക്ത്യാ തവ വിരചിതാ യാ ദേവി സേവാ

സ്വീകൃത്യൈനാം സപദി സകലാന്മേഽപരാധാൻ ക്ഷമസ്വ .
ന്യൂനം യത്തത്തവ കരുണയാ പൂർണതാമേതു സദ്യഃ
സാനന്ദ മേ ഹൃദയകമലേ തേഽസ്തു നിത്യം നിവാസഃ .. 7..

ശ്രീലലിതാസഹസ്രനാമസ്തോത്രം
(ഉപോദ്ധാതാഖ്യാ പ്രഥമാ കലാ)
ഗുരുർബ്രഹ്മാ ഗുരൂർവിഷ്ണുഃ ഗുരുർദേവോ മഹേശ്വരഃ .
ഗുരുഃ സാക്ഷാത്പരം ബ്രഹ്മ തസ്മൈ ശ്രീഗുരവേ. നമഃ .. 1..

വന്ദേ ഗുരുപദദ്വന്ദ്വമവാങ്മനസഗോചരം .
രക്തശുക്ലപ്രഭാമിശ്രം അതർക്യം ത്രൈപുരം മഹഃ .. 2..

ശുക്ലാംബരധരം വിഷ്ണും ശശിവർണം ചതുർഭുജം .

പ്രസന്നവദനം വന്ദേ സർവവിഘ്നോപശാന്തയേ .. 3..

ത്രിപുരാം കുലനിധിമീഡേഽരുണശ്രിയം കാമരാജവിദ്ധാംഗീം .

ത്രിഗുണൈർദേവൈർനിനുതാമേകാന്താം ബിന്ദുഗാം മഹാരംഭാം

.. 1..

ലലിതാനാമസഹസ്രേ ഛലാർണസൂത്രാനുയായിന്യഃ .
പരിഭാഷാ ഭാഷ്യന്തേ സങ്ക്ഷേപാത്കൗലികപ്രമോദായ .. 2..

പഞ്ചാശദേക ആദൗ നാമസു സാർധദ്വ്യശീതിശതം .

ഷഡശീതിഃ സാർധാന്തേ സർവേ വിംഷതിശതത്രയം ശ്ലോകാഃ ..

3..

ദശഭൂഃ സാർധനൃപാലാ അധ്യുഷ്ടം സാർധനവഷഡധ്യുഷ്ടം .

മുനിസൂതഹയാംബാശ്വോക്തിർധ്യാനമേകേന .. 4.. BSR part 2

NR AchArya

അഗസ്ത്യ ഉവാച -
അശ്വാനന മഹാബുദ്ധേ സർവശാസ്ത്രവിശാരദ .
കഥിതം ലലിതാദേവ്യാഃ ചരിതം പരമാദ്ഭുതം .. 1..

പൂർവം പ്രാദുർഭവോ മാതുഃ തതഃ പട്ടാഭിഷേചനം .

ഭണ്ഡാസുരവധശ്ചൈവ വിസ്തരേണ ത്വചോദിതഃ .. 2..

വർണിതം ശ്രീപുരം ചാപി മഹാവിഭവവിസ്തരം .

ശ്രീമത്പഞ്ചദശാക്ഷര്യാഃ മഹിമാ വർണിതസ്തഥാ .. 3..

ഷോഢാന്യാസാദയോ ദേവ്യാഃ ന്യാസഖണ്ഡേ സമീരിതാഃ .

അന്തര്യാഗക്രമശ്ചൈവ ബഹിര്യാഗക്രമസ്തഥാ .. 4..

മഹായാഗാക്രമശ്ചാപി പൂജാഖണ്ഡേ സമീരിതാഃ .

പുരശ്ചരണഖണ്ഡേ തു ജപലക്ഷണമീരിതം .. 5..
ഹോമഖണ്ഡേ ത്വയാ പ്രോക്തോ ഹോമദ്രവ്യവിധിക്രമഃ .
ചക്രരാജസ്യ വിദ്യായാഃ ശ്രീദേവ്യാ ദേശികാന്മനോഃ .. 6..

രഹസ്യഖണ്ഡേ താദാത്മ്യം പരസ്പരമുദീരിതം .

സ്തോത്രഖണ്ഡേ ബഹുവിധാഃ സ്തുതയഃ പരികീർതിതാഃ .. 7..

മന്ത്രിണീദണ്ഡിനീദേവ്യോഃ പ്രോക്തേ നാമസഹസ്രകേ .

ന തു ശ്രീലലിതാദേവ്യാഃ പ്രോക്തം നാമസഹസ്രകം .. 8..

തത്ര മേ സംശയോ ജാതോ ഹയഗ്രീവ ദയാനിധേ .

കിം വാ ത്വയാ വിസ്മൃതം തജ്ജ്ഞാത്വാ വാ സമുപേക്ഷിതം ..

9..

മമ വാ യോഗ്യതാ നാസ്തി ശ്രോതും നാമസഹസ്രകം .

കിമർഥം ഭവതാ നോക്തം തത്ര മേ കാരണം വദ .. 10..

സൂത ഉവാച -
ഇതി പൃഷ്ടോ ഹയഗ്രീവോ മുനിനാ കുംഭജന്മനാ .
പ്രഹൃഷ്ടോ വചനം പ്രാഹ താപസം കുംഭസംഭവം .. 11..

ശ്രീഹയഗ്രീവ ഉവാച -
ലോപാമുദ്രാപതേഽഗസ്ത്യ സാവധാനമനാഃ ശൃണു .
നാമ്രാം സഹസ്രം യന്നോക്തം കാരണം തദ്വദാമി തേ .. 12..
രഹസ്യമിതി മത്വാഽഹം നോക്തവാംസ്തേ ന ചാന്യഥാ .
പുനശ്ച പൃച്ഛതേ ഭക്ത്യാ തസ്മാത്തത്തേ വദാമ്യഹം .. 13..

ബ്രൂയാച്ഛിഷ്യായ ഭക്തായ രഹസ്യമപി ദേശികഃ .

ഭവതാ ന പ്രദേയം സ്യാദഭക്തായ കദാചന .. 14..

ന ശഠായ ന ദുഷ്ടായ നാവിശ്വാസായ കർഹിചിത് .

ശ്രീമാതൃഭക്തിയുക്ത്തായ ശ്രീവിദ്യാരാജവേദിനേ .. 15..

ഉപാസകായ ശുദ്ധായ ദേയം നാമസഹസ്രകം .

യാനി നാമസഹസ്രാണി സദ്യഃ സിദ്ധിപ്രദാനി വൈ .. 16..

തന്ത്രേഷു ലലിതാദേവ്യാസ്തേഷു മുഖ്യമിദം മുനേ .

ശ്രീവിദ്യൈവ തു മന്ത്രാണാം തത്ര കാദിര്യഥാ പരാ .. 17..

പുരാണാം ശ്രീപുരമിവ ശക്തീനാം ലലിതാ യഥാ .

ശ്രീവിദ്യോപാസകാനാം ച യഥാ ദേവഃ പരഃ ശിവഃ .. 18..

തഥാ നാമസഹസ്രേഷു പരമേതത്പ്രകീർതിതം .

യഥാസ്യ പഠനാദ്ദേവീ പ്രീയതേ ലലിതാംബികാ .. 19..

അന്യനാമസഹസ്രസ്യ പാഠാന്ന പ്രീയതേ തഥാ .

ശ്രീമാതുഃ പ്രീതയേ തസ്മാദനിശം കീർതയേദിദം .. 20..

ബില്വപത്രൈശ്ചക്രരാജേ യോഽർചയേല്ലലിതാംബികാം .
പദ്യൈവാം തുലസീപുഷ്പൈരേഭിർനാമസഹസ്രകൈഃ .. 21..

സദാ പ്രസാദം കുരുതേ തസ്യ സിംഹാസനേശ്വരീ .

ചക്രാധിരാജഗഭ്യർച്യ ജപ്ത്വാ പഞ്ചദശാക്ഷരീം .. 22..

ജപാന്തേ കീർതയേന്നിത്യമിദം നാമസഹസ്രകം .

ജപസ്താദ്യശക്തശ്ചേത്പഠേന്നാമസഹസ്രകം .. 23..

സാംഗാർചനേ സാംഗജ്ജപേ യത്ഫലം തദാപ്നുയാത് .

ഉപാസനേ സ്തുതീരന്യാഃ പഠേദഭ്യുദയോ ഹി സഃ .. 24..

ഇദം നാമസഹസ്രം തു കീർതയേന്നിത്യകർമവത് .

ചക്രരാജാർചനം ദേവ്യാ ജപോ നാമ്നാം ച കീർതനം .. 25..

ഭക്തസ്യ കൃത്യമേതാവദന്യദഭ്യുദയം വിദുഃ .

ഭക്തസ്യാവശ്യകമിദം നാമസാഹസ്രകീർതനം .. 26..

തത്ര ഹേതും പ്രവക്ഷ്യാമി ശൃണു ത്വം കുംഭസംഭവ .

പുരാ ശ്രീലലിതാദേവീ ഭക്താനാം ഹിതകാമ്യയാ .. 27..

വാഗ്ദേവീർവശിനീമുഖ്യാഃ സമാക്ഷേദമബ്രവീത് .
ദേവ്യുവാച -
വാഗ്ദേവതാ വശിന്യാദ്യാഃ ശൃണുധ്വം വചനം മമ .. 28..

ഭവത്യോ മത്പ്രസാദേന പ്രോല്ലസദ്വാഗ്വിഭൂതയഃ .

മദ്ഭക്താനാം വാഗ്വിഭൂതിപ്രദാനേ വിനിയോജിതാഃ .. 29..

മച്ചക്രസ്യ രഹസ്യജ്ഞാ മമ നാമപരായണാഃ .

മമ സ്തോത്രവിധാനായ തസ്മാദാജ്ഞാപയാമി വഃ .. 30..

കുരുധ്വമങ്കിതം സ്തോത്രം മമ നാമസഹസ്രകൈഃ .

യേന ഭക്തൈഃ സ്തുതായാ മേ സദ്യഃ പ്രീതിഃ പരാ ഭവേത് ..

31..

ഹയഗ്രീവ ഉവാച -
ഇത്യാജ്ഞപ്താസ്തതോ ദേവ്യഃ ശ്രീദേവ്യാ ലലിതാംബയാ .
രഹസ്യൈർനാമഭിർദിവ്യൈശ്ചക്രുഃ സ്തോത്രമനുത്തമം .. 32..

രഹസ്യം നാമസാഹസ്രമിതി തദ്വിശ്രുതം പരം .

തതഃ കദാചിത്സദസി സ്ഥിത്വാ സിംഹാസനേഽംബികാ .. 33..

സ്വസേവാവസരം പ്രാദാത് സർവേഷാം കുംഭസംഭവ .

സേവാർഥമാഗതാസ്തത്ര ത്വത്യാണീസ്രത്യകോടയഃ .. 34..

ലക്ഷ്മീനാരായണാനാം ച കോടയഃ സമുപാഗതാഃ .

ഗൗരീകോടിസമേതാനാം രുദ്രാണാമപി കോടയഃ .. 35..

മന്ത്രിണീദണ്ഡിനീമുഖ്യാഃ സേവാർഥം യാസ്സമാഗതാഃ .

ശക്തയോ വിവിധാകാരാസ്താസാം സംഖ്യാ ന വിദ്യതേ .. 36..
ദിവ്യൗഘാ മാനവൗഘാശ്ച സിദ്ധൗഘാശ്ച സമാഗതാഃ .
തത്ര ശ്രീലലിതാദേവീ സർവേഷാം ദർശനം ദദൗ .. 37..

തേഷു ദൃഷ്ട്വോപവിഷ്ടേഷു സ്വേ സ്വേ സ്ഥാനേ യഥാക്രമം .

തതഃ ശ്രീലലിതാദേവീകടാക്ഷാക്ഷേപചോദിതാഃ .. 38..

ഉത്ഥായ വശിനീമുഖ്യാ ബദ്ധാഞ്ജലിപുടാസ്തദാ .

അസ്തുവന്നാമസാഹസ്രൈഃ സ്വകൃതൈർലംലിതാംബികാം .. 39..

ശ്രുത്വാ സ്തവം പ്രസന്നാഽഭൂൽല്ലിതാ പരമേശ്വരീ .

തേ സർവേ വിസ്മയം ജഗ്ഭുര്യേ തത്ര സദസി സ്ഥിതാഃ .. 40..

തതഃ പ്രോവാച ലലിതാ സദസ്യാൻ ദേവതാഗണാൻ .

മമാജ്ഞയൈവ വാഗ്ദേവ്യശ്ചക്രുഃ സ്തോത്രമാനുഽത്തമം .. 41..

അങ്കിതം നാമഭിർദിവ്യൈർമമ പ്രീതിവിധായകൈഃ .

തത്പഠധ്വം സദാ യൂയം സ്തോത്രം മത്പ്രീതിവൃദ്ധയേ .. 42..

പ്രവർതയധ്വം ഭക്തേഷു മമ നാമസഹസ്രകം .

ഇദം നാമസഹസ്രം മേ യോ. ഭക്തഃ പഠതേ സകൃത് .. 43..

സ മേ പ്രിയതമോ ജ്ഞേയസ്തസ്മൈ കാമാന്ദദാമ്യഹം .

ശ്രീചക്രേ മാം സദാഭ്യർച്യ ജപ്ത്വാ പഞ്ചദശാക്ഷരീം .. 44..

പശ്ചാന്നാമസഹസ്രം മം കീർതയേന്മമ തുഷ്ടയേ .

മാമർചയതു വാ മാ വാ വിദ്യാം ജപതു വാ ന വാ .. 45..

കീർതയേന്നാമസഹസ്രമിദം മത്പ്രീതയേ സദാ .

മത്പ്രീത്യാ സകലാൻ കാമാംല്ലഭതേ നാത്ര സംശയഃ .. 46..

തസ്മാന്നാമസഹസ്രം മേ കീർതയധ്വം സദാദരാത് .

ശ്രീഹയഗ്രീവ ഉവാച -
ഇതി ശ്രീലലിതേശാനീ ശാസ്തി ദേവാൻസഹാനുഗാൻ .. 47..

തദാജ്ഞയാ തദാരഭ്യ ബ്രഹ്മവിഷ്ണുമഹേശ്വരാഃ .

ശക്തയോ മന്ത്രണീമുഖ്യാ ഇദം നാമസഹസ്രകം .. 48..

പഠന്തി ഭക്ത്യാ സതതം ലലിതാപരിതുഷ്ടയേ .

തസ്മാദവശ്യം ഭക്തേന കീർതനീയമിദം മുനേ .. 49..

ആവശ്യകത്വേ ഹേതുസ്തേ മയാ പ്രോക്തോ മുനീശ്വര .

ഇദാനീം നാമസാഹസ്രം വക്ഷ്യാമി ശ്രദ്ധയാ ശൃണു .. 50..

ഇതി ലലിതാസഹസ്രനാമ്ന്യുപോദ്ധാതപ്രകരണം സമാപ്തം ..

.. ന്യാസഃ ..
അസ്യ ശ്രീലലിതാസഹസ്രനാമസ്തോത്രമഹാമന്ത്രസ്യ
വശിന്യാദയോ വാഗ്ദേവതാ ഋഷയഃ .
അനുഷ്ടുപ് ഛന്ദഃ . ശ്രീലലിതാ പരമേശ്വരീ ദേവതാ .
ശ്രീമദ്ബാഗ്ഭവകൂടേതി ബീജം . മധ്യകൂടേതി ശക്തിഃ .
ശക്തികൂടേതി കീലകം . ധ്യാനം .
മമ ശ്രീലലിതാമഹാത്രിപുരസുന്ദരീപ്രസാദസിദ്ധിദ്വാരാ
ചിന്തിതഫലാവാപ്ത്യർഥേ ജപേ വിനിയോഗഃ .
.. കരന്യാസഃ ..

ഐം അംഗുഷ്ഠാഭ്യാം നമഃ . ക്ലീം തർജനീഭ്യാം നമഃ .

സൗഃ മധ്യമാഭ്യാം നമഃ . സൗഃ അനാമികാഭ്യാം നമഃ .
ക്ലീം കനിഷ്ഠികാഭ്യാം നമഃ . ഐം കരതലകരപൃഷ്ഠാഭ്യാം നമഃ

.
.. അംഗന്യാസഃ ..

ഐം ഹൃദയായ നമഃ . ക്ലീം ശിരസേ സ്വാഹാ . സൗഃ

ശിഖായൈ വഷട് .
സൗഃ കവചായ ഹും . ക്ലീം നേത്രത്രയായ വൗഷട് . ഐം
അസ്ത്രായ ഫട് .
ഭൂർഭവസ്സുവരോമിതി ദിഗ്ബന്ധഃ .
.. ധ്യാനം ..

സിന്ദൂരാരുണ വിഗ്രഹാം ത്രിനയനാം മാണിക്യമൗലി സ്ഫുരത്

താരാ നായക ശേഖരാം സ്മിതമുഖീമാപീനവക്ഷോരുഹാം .
പാണിഭ്യാമലിപൂർണരത്നചഷകം രക്തോത്പലം ബിഭ്രതീം
സൗമ്യാം രത്ന ഘടസ്ഥ രക്തചരണാം ധ്യായേത് പരാമംബികാം

..

അരുണാം കരുണാതരംഗിതാക്ഷീം
ധൃതപാശാങ്കുശപുഷ്പബാണചാപാം .
അണിമാദിഭിരാവൃതാം മയൂഖൈരഹമിത്യേവ വിഭാവയേ
ഭവാനീം ..

ധ്യായേത് പദ്മാസനസ്ഥാം വികസിതവദനാം പദ്മപത്രായതാക്ഷീം

ഹേമാഭാം പീതവസ്ത്രാം കരകലിതലസദ്ധേമപദ്മാം വരാംഗീം .
സർവാലങ്കാരയുക്താം സതത മഭയദാം ഭക്തനമ്രാം ഭവാനീം
ശ്രീവിദ്യാം ശാന്തമൂർതിം സകലസുരനുതാം സർവ
സമ്പത്പ്രദാത്രീം ..

സകുങ്കുമവിലേപനാമലികചുംബികസ്തൂരികാം
സമന്ദഹസിതേക്ഷണാം സശരചാപപാശാങ്കുശാം .
അശേഷജനമോഹിനീം അരുണമാല്യഭൂഷാംബരാം
ജപാകുസുമഭാസുരാം ജപവിധൗ സ്മരാമ്യംബികാം ..

ലമിത്യാദിപഞ്ചപൂജാ
``ലം'' പൃഥിവീതത്ത്വാത്മികായൈ ശ്രീലലിതാദേവ്യൈ ഗന്ധം
പരികല്പയാമി .
``ഹം'' ആകാശതത്ത്വാത്മികായൈ ശ്രീലലിതാദേവ്യൈ പുഷ്പം
പരികല്പയാമി .
``യം'' വായുതത്ത്വാത്മികായൈ ശ്രീലലിതാദേവ്യൈ ധൂപം
പരികല്പയാമി .
``രം'' വഹ്നിതത്ത്വാത്മികായൈ ശ്രീലലിതാദേവ്യൈ ദീപം
പരികല്പയാമി .
``വം'' അമൃതതത്ത്വാമികായൈ ശ്രീലലിതാദേവ്യൈ അമൃതം
മഹാനൈവേദ്യം
പരികല്പയാമി .
``സം'' സർവതത്ത്വാത്മികായൈ ശ്രീലലിതാദേവ്യൈ
സർവോപചാരപൂജാം
പരികല്പയാമി .

(തതഃ പാരായണം കുര്യാത് .)

.. അഥ ശ്രീലലിതാസഹസ്രനാമസ്തോത്രം ..

(ദ്വിതീയാ താപിനീ കലാ 1-100 നാമാനി)

ശ്രീമാതാ ശ്രീമഹാരാജ്ഞീ ശ്രീമത്സിംഹാസനേശ്വരീ .
ചിദഗ്നികുണ്ഡസംഭൂതാ ദേവകാര്യസമുദ്യതാ .. 1..

ഉദ്യദ്ഭാനുസഹസ്രാഭാ ചതുർബാഹുസമന്വിതാ .
രാഗസ്വരൂപപാശാഢ്യാ ക്രോധാകാരാങ്കുശോജ്ജ്വലാ .. 2..

മനോരൂപേക്ഷുകോദണ്ഡാ പഞ്ചതന്മാത്രസായകാ .
നിജാരുണപ്രഭാപൂരമജ്ജദ്ബ്രഹ്മാണ്ഡമണ്ഡലാ .. 3..

ചമ്പകാശോകപുന്നാഗസൗഗന്ധികലസത്കചാ .
കുരുവിന്ദമണിശ്രേണീകനത്കോടീരമണ്ഡിതാ .. 4..

അഷ്ടമീചന്ദ്രവിഭ്രാജദലികസ്ഥലശോഭിതാ .
മുഖചന്ദ്രകലങ്കാഭമൃഗനാഭിവിശേഷകാ .. 5..

വദനസ്മരമാംഗല്യഗൃഹതോരണചില്ലികാ .
വക്ത്രലക്ഷ്മീപരീവാഹചലന്മീനാഭലോചനാ .. 6..

നവചമ്പകപുഷ്പാഭനാസാദണ്ഡവിരാജിതാ .
താരാകാന്തിതിരസ്കാരിനാസാഭരണഭാസുരാ .. 7..

കദംബമഞ്ജരീകൢപ്തകർണപൂരമനോഹരാ .
താടങ്കയുഗലീഭൂതതപനോഡുപമണ്ഡലാ .. 8..

പദ്മരാഗശിലാദർശപരിഭാവികപോലഭൂഃ .
നവവിദ്രുമബിംബശ്രീന്യക്കാരിരദനച്ഛദാ .. 9.. ദശനച്ഛദാ

ശുദ്ധവിദ്യാങ്കുരാകാരദ്വിജപങ്ക്തിദ്വയോജ്ജ്വലാ .
കർപൂരവീടികാമോദസമാകർഷിദിഗന്തരാ .. 10..

നിജസല്ലാപമാധുര്യവിനിർഭർത്സിതകച്ഛപീ . നിജസംലാപ
മന്ദസ്മിതപ്രഭാപൂരമജ്ജത്കാമേശമാനസാ .. 11..

അനാകലിതസാദൃശ്യചിബുകശ്രീവിരാജിതാ . ചുബുകശ്രീ
കാമേശബദ്ധമാംഗല്യസൂത്രശോഭിതകന്ധരാ .. 12..
കനകാംഗദകേയൂരകമനീയഭുജാന്വിതാ .
രത്നഗ്രൈവേയചിന്താകലോലമുക്താഫലാന്വിതാ .. 13..

കാമേശ്വരപ്രേമരത്നമണിപ്രതിപണസ്തനീ .
നാഭ്യാലവാലരോമാലിലതാഫലകുചദ്വയീ .. 14..

ലക്ഷ്യരോമലതാധാരതാസമുന്നേയമധ്യമാ .
സ്തനഭാരദലന്മധ്യപട്ടബന്ധവലിത്രയാ .. 15..

അരുണാരുണകൗസുംഭവസ്ത്രഭാസ്വത്കടീതടീ .
രത്നകിങ്കിണികാരമ്യരശനാദാമഭൂഷിതാ .. 16..

കാമേശജ്ഞാതസൗഭാഗ്യമാർദവോരുദ്വയാന്വിതാ .
മാണിക്യമുകുടാകാരജാനുദ്വയവിരാജിതാ .. 17..

ഇന്ദ്രഗോപപരിക്ഷിപ്തസ്മരതൂണാഭജംഘികാ .
ഗൂഢഗുൽഫാ കൂർമപൃഷ്ഠജയിഷ്ണുപ്രപദാന്വിതാ .. 18..

നഖദീധിതിസഞ്ഛന്നനമജ്ജനതമോഗുണാ .
പദദ്വയപ്രഭാജാലപരാകൃതസരോരുഹാ .. 19..

സിഞ്ജാനമണിമഞ്ജീരമണ്ഡിതശ്രീപദാംബുജാ . ശിഞ്ജാന
മരാലീമന്ദഗമനാ മഹാലാവണ്യശേവധിഃ .. 20..
സർവാരുണാഽനവദ്യാംഗീ സർവാഭരണഭൂഷിതാ .
ശിവകാമേശ്വരാങ്കസ്ഥാ ശിവാ സ്വാധീനവല്ലഭാ .. 21..

സുമേരുമധ്യശൃംഗസ്ഥാ ശ്രീമന്നഗരനായികാ .
ചിന്താമണിഗൃഹാന്തസ്ഥാ പഞ്ചബ്രഹ്മാസനസ്ഥിതാ .. 22..

മഹാപദ്മാടവീസംസ്ഥാ കദംബവനവാസിനീ .
സുധാസാഗരമധ്യസ്ഥാ കാമാക്ഷീ കാമദായിനീ .. 23..

ദേവർഷിഗണസംഘാതസ്തൂയമാനാത്മവൈഭവാ .
ഭണ്ഡാസുരവധോദ്യുക്തശക്തിസേനാസമന്വിതാ .. 24..

സമ്പത്കരീസമാരൂഢസിന്ധുരവ്രജസേവിതാ .
അശ്വാരൂഢാധിഷ്ഠിതാശ്വകോടികോടിഭിരാവൃതാ .. 25..

ചക്രരാജരഥാരൂഢസർവായുധപരിഷ്കൃതാ .
ഗേയചക്രരഥാരൂഢമന്ത്രിണീപരിസേവിതാ .. 26..

കിരിചക്രരഥാരൂഢദണ്ഡനാഥാപുരസ്കൃതാ .
ജ്വാലാമാലിനികാക്ഷിപ്തവഹ്നിപ്രാകാരമധ്യഗാ .. 27..

ഭണ്ഡസൈന്യവധോദ്യുക്തശക്തിവിക്രമഹർഷിതാ .
നിത്യാപരാക്രമാടോപനിരീക്ഷണസമുത്സുകാ .. 28..

ഭണ്ഡപുത്രവധോദ്യുക്തബാലാവിക്രമനന്ദിതാ .
മന്ത്രിണ്യംബാവിരചിതവിഷംഗവധതോഷിതാ .. 29..
(വിശുക്രവധതോഷിതാ)

(See a note at the end)

വിശുക്രപ്രാണഹരണവാരാഹീവീര്യനന്ദിതാ .
(വിഷംഗപ്രാണഹരണ)
കാമേശ്വരമുഖാലോകകല്പിതശ്രീഗണേശ്വരാ .. 30..

മഹാഗണേശനിർഭിന്നവിഘ്നയന്ത്രപ്രഹർഷിതാ .
ഭണ്ഡാസുരേന്ദ്രനിർമുക്തശസ്ത്രപ്രത്യസ്ത്രവർഷിണീ .. 31..

കരാംഗുലിനഖോത്പന്നനാരായണദശാകൃതിഃ .
മഹാപാശുപതാസ്ത്രാഗ്നിനിർദഗ്ധാസുരസൈനികാ .. 32..

കാമേശ്വരാസ്ത്രനിർദഗ്ധസഭണ്ഡാസുരശൂന്യകാ .
ബ്രഹ്മോപേന്ദ്രമഹേന്ദ്രാദിദേവസംസ്തുതവൈഭവാ .. 33..

ഹരനേത്രാഗ്നിസന്ദഗ്ധകാമസഞ്ജീവനൗഷധിഃ .
ശ്രീമദ്വാഗ്ഭവകൂടൈകസ്വരൂപമുഖപങ്കജാ .. 34..

കണ്ഠാധഃകടിപര്യന്തമധ്യകൂടസ്വരൂപിണീ .
ശക്തികൂടൈകതാപന്നകട്യധോഭാഗധാരിണീ .. 35..

മൂലമന്ത്രാത്മികാ മൂലകൂടത്രയകലേബരാ .
കുലാമൃതൈകരസികാ കുലസങ്കേതപാലിനീ .. 36..
കുലാംഗനാ കുലാന്തസ്ഥാ കൗലിനീ കുലയോഗിനീ .
അകുലാ സമയാന്തസ്ഥാ സമയാചാരതത്പരാ .. 37..

മൂലാധാരൈകനിലയാ ബ്രഹ്മഗ്രന്ഥിവിഭേദിനീ .

(തൃതീയാ ധൂമ്രികാ കലാ 101-200 നാമാനി)

മണിപൂരാന്തരുദിതാ വിഷ്ണുഗ്രന്ഥിവിഭേദിനീ .. 38..

ആജ്ഞാചക്രാന്തരാലസ്ഥാ രുദ്രഗ്രന്ഥിവിഭേദിനീ .
സഹസ്രാരാംബുജാരൂഢാ സുധാസാരാഭിവർഷിണീ .. 39..

തഡില്ലതാസമരുചിഃ ഷട്ചക്രോപരിസംസ്ഥിതാ .
മഹാസക്തിഃ കുണ്ഡലിനീ ബിസതന്തുതനീയസീ .. 40..

ഭവാനീ ഭാവനാഗമ്യാ ഭവാരണ്യകുഠാരികാ .

ഭദ്രപ്രിയാ ഭദ്രമൂർതിർഭക്തസൗഭാഗ്യദായിനീ .. 41..

ഭക്തിപ്രിയാ ഭക്തിഗമ്യാ ഭക്തിവശ്യാ ഭയാപഹാ .

ശാംഭവീ ശാരദാരാധ്യാ ശർവാണീ ശർമദായിനീ .. 42..

ശാങ്കരീ ശ്രീകരീ സാധ്വീ ശരച്ചന്ദ്രനിഭാനനാ .

ശാതോദരീ ശാന്തിമതീ നിരാധാരാ നിരഞ്ജനാ .. 43..

നിർലേപാ നിർമലാ നിത്യാ നിരാകാരാ നിരാകുലാ .

നിർഗുണാ നിഷ്കലാ ശാന്താ നിഷ്കാമാ നിരുപപ്ലവാ .. 44..

നിത്യമുക്താ നിർവികാരാ നിഷ്പ്രപഞ്ചാ നിരാശ്രയാ .

നിത്യശുദ്ധാ നിത്യബുദ്ധാ നിരവദ്യാ നിരന്തരാ .. 45..

നിഷ്കാരണാ നിഷ്കലങ്കാ നിരുപാധിർനിരീശ്വരാ .

നീരാഗാ രാഗമഥനീ നിർമദാ മദനാശിനീ .. 46..

നിശ്ചിന്താ നിരഹങ്കാരാ നിർമോഹാ മോഹനാശിനീ .

നിർമമാ മമതാഹന്ത്രീ നിഷ്പാപാ പാപനാശിനീ .. 47..

നിഷ്ക്രോധാ ക്രോധശമനീ നിർലോഭാ ലോഭനാശിനീ .

നിഃസംശയാ സംശയഘ്നീ നിർഭവാ ഭവനാശിനീ .. 48..
നിസ്സംശയാ

നിർവികല്പാ നിരാബാധാ നിർഭേദാ ഭേദനാശിനീ .

നിർനാശാ മൃത്യുമഥനീ നിഷ്ക്രിയാ നിഷ്പരിഗ്രഹാ .. 49..

നിസ്തുലാ നീലചികുരാ നിരപായാ നിരത്യയാ .

ദുർലഭാ ദുർഗമാ ദുർഗാ ദുഃഖഹന്ത്രീ സുഖപ്രദാ .. 50..

ദുഷ്ടദൂരാ ദുരാചാരശമനീ ദോഷവർജിതാ .

സർവജ്ഞാ സാന്ദ്രകരുണാ സമാനാധികവർജിതാ .. 51..

(ചതുർഥീ മരീച്യാഖ്യാ കലാ 201-300 നാമാനി)

സർവശക്തിമയീ സർവമംഗലാ സദ്ഗതിപ്രദാ .
സർവേശ്വരീ സർവമയീ സർവമന്ത്രസ്വരൂപിണീ .. 52..

സർവയന്ത്രാത്മികാ സർവതന്ത്രരൂപാ മനോന്മനീ .

മാഹേശ്വരീ മഹാദേവീ മഹാലക്ഷ്മീർമൃഡപ്രിയാ .. 53..

മഹാരൂപാ മഹാപൂജ്യാ മഹാപാതകനാശിനീ .

മഹാമായാ മഹാസത്ത്വാ മഹാശക്തിർമഹാരതിഃ .. 54..

മഹാഭോഗാ മഹൈശ്വര്യാ മഹാവീര്യാ മഹാബലാ .

മഹാബുദ്ധിർമഹാസിദ്ധിർമഹായോഗേശ്വരേശ്വരീ .. 55..

മഹാതന്ത്രാ മഹാമന്ത്രാ മഹായന്ത്രാ മഹാസനാ .

മഹായാഗക്രമാരാധ്യാ മഹാഭൈരവപൂജിതാ .. 56..

മഹേശ്വരമഹാകല്പമഹാതാണ്ഡവസാക്ഷിണീ .
മഹാകാമേശമഹിഷീ മഹാത്രിപുരസുന്ദരീ .. 57..

ചതുഃഷഷ്ട്യുപചാരാഢ്യാ ചതുഃഷഷ്ടികലാമയീ .
മഹാചതുഃഷഷ്ടികോടിയോഗിനീഗണസേവിതാ .. 58..

മനുവിദ്യാ ചന്ദ്രവിദ്യാ ചന്ദ്രമണ്ഡലമധ്യഗാ .

ചാരുരൂപാ ചാരുഹാസാ ചാരുചന്ദ്രകലാധരാ .. 59..

ചരാചരജഗന്നാഥാ ചക്രരാജനികേതനാ .
പാർവതീ പദ്മനയനാ പദ്മരാഗസമപ്രഭാ .. 60..

പഞ്ചപ്രേതാസനാസീനാ പഞ്ചബ്രഹ്മസ്വരൂപിണീ .
ചിന്മയീ പരമാനന്ദാ വിജ്ഞാനഘനരൂപിണീ .. 61..

ധ്യാനധ്യാതൃധ്യേയരൂപാ ധർമാധർമവിവർജിതാ .
വിശ്വരൂപാ ജാഗരിണീ സ്വപന്തീ തൈജസാത്മികാ .. 62..

സുപ്താ പ്രാജ്ഞാത്മികാ തുര്യാ സർവാവസ്ഥാവിവർജിതാ .

സൃഷ്ടികർത്രീ ബ്രഹ്മരൂപാ ഗോപ്ത്രീ ഗോവിന്ദരൂപിണീ .. 63..

സംഹാരിണീ രുദ്രരൂപാ തിരോധാനകരീശ്വരീ .

സദാശിവാഽനുഗ്രഹദാ പഞ്ചകൃത്യപരായണാ .. 64..

ഭാനുമണ്ഡലമധ്യസ്ഥാ ഭൈരവീ ഭഗമാലിനീ .

പദ്മാസനാ ഭഗവതീ പദ്മനാഭസഹോദരീ .. 65..

ഉന്മേഷനിമിഷോത്പന്നവിപന്നഭുവനാവലീ .
സഹസ്രശീർഷവദനാ സഹസ്രാക്ഷീ സഹസ്രപാത് .. 66..

ആബ്രഹ്മകീടജനനീ വർണാശ്രമവിധായിനീ .
നിജാജ്ഞാരൂപനിഗമാ പുണ്യാപുണ്യഫലപ്രദാ .. 67..

ശ്രുതിസീമന്തസിന്ദൂരീകൃതപാദാബ്ജധൂലികാ .
സകലാഗമസന്ദോഹശുക്തിസമ്പുടമൗക്തികാ .. 68..
പുരുഷാർഥപ്രദാ പൂർണാ ഭോഗിനീ ഭുവനേശ്വരീ .
അംബികാഽനാദിനിധനാ ഹരിബ്രഹ്മേന്ദ്രസേവിതാ .. 69..

നാരായണീ നാദരൂപാ നാമരൂപവിവർജിതാ .

(പഞ്ചമീ ജ്വാലിനീ കലാ 301-400 നാമാനി)

ഹ്രീങ്കാരീ ഹ്രീമതീ ഹൃദ്യാ ഹേയോപാദേയവർജിതാ .. 70..

രാജരാജാർചിതാ രാജ്ഞീ രമ്യാ രാജീവലോചനാ .

രഞ്ജനീ രമണീ രസ്യാ രണത്കിങ്കിണിമേഖലാ .. 71..

രമാ രാകേന്ദുവദനാ രതിരൂപാ രതിപ്രിയാ .

രക്ഷാകരീ രാക്ഷസഘ്നീ രാമാ രമണലമ്പടാ .. 72..

കാമ്യാ കാമകലാരൂപാ കദംബകുസുമപ്രിയാ .

കല്യാണീ ജഗതീകന്ദാ കരുണാരസസാഗരാ .. 73..

കലാവതീ കലാലാപാ കാന്താ കാദംബരീപ്രിയാ .

വരദാ വാമനയനാ വാരുണീമദവിഹ്വലാ .. 74..

വിശ്വാധികാ വേദവേദ്യാ വിന്ധ്യാചലനിവാസിനീ .

വിധാത്രീ വേദജനനീ വിഷ്ണുമായാ വിലാസിനീ .. 75..

ക്ഷേത്രസ്വരൂപാ ക്ഷേത്രേശീ ക്ഷേത്രക്ഷേത്രജ്ഞപാലിനീ .

ക്ഷയവൃദ്ധിവിനിർമുക്താ ക്ഷേത്രപാലസമർചിതാ .. 76..

വിജയാ വിമലാ വന്ദ്യാ വന്ദാരുജനവത്സലാ .

വാഗ്വാദിനീ വാമകേശീ വഹ്നിമണ്ഡലവാസിനീ .. 77..

ഭക്തിമത്കല്പലതികാ പശുപാശവിമോചിനീ .
സംഹൃതാശേഷപാഷണ്ഡാ സദാചാരപ്രവർതികാ .. 78..
പാഖണ്ഡാ

താപത്രയാഗ്നിസന്തപ്തസമാഹ്ലാദനചന്ദ്രികാ .
തരുണീ താപസാരാധ്യാ തനുമധ്യാ തമോഽപഹാ .. 79..

ചിതിസ്തത്പദലക്ഷ്യാർഥാ ചിദേകരസരൂപിണീ .
സ്വാത്മാനന്ദലവീഭൂതബ്രഹ്മാദ്യാനന്ദസന്തതിഃ .. 80..

പരാ പ്രത്യക്ചിതീരൂപാ പശ്യന്തീ പരദേവതാ .

മധ്യമാ വൈഖരീരൂപാ ഭക്തമാനസഹംസികാ .. 81..

കാമേശ്വരപ്രാണനാഡീ കൃതജ്ഞാ കാമപൂജിതാ .

ശൃംഗാരരസസമ്പൂർണാ ജയാ ജാലന്ധരസ്ഥിതാ .. 82..

ഓഡ്യാണപീഠനിലയാ ബിന്ദുമണ്ഡലവാസിനീ .
രഹോയാഗക്രമാരാധ്യാ രഹസ്തർപണതർപിതാ .. 83..

സദ്യഃപ്രസാദിനീ വിശ്വസാക്ഷിണീ സാക്ഷിവർജിതാ .

ഷഡംഗദേവതായുക്താ ഷാഡ്ഗുണ്യപരിപൂരിതാ .. 84..

നിത്യക്ലിന്നാ നിരുപമാ നിർവാണസുഖദായിനീ .

നിത്യാഷോഡശികാരൂപാ ശ്രീകണ്ഠാർധശരീരിണീ .. 85..

പ്രഭാവതീ പ്രഭാരൂപാ പ്രസിദ്ധാ പരമേശ്വരീ .

മൂലപ്രകൃതിരവ്യക്താ വ്യക്താവ്യക്തസ്വരൂപിണീ .. 86..

(ഷഷ്ഠീ രുച്യാഖ്യാ കലാ 401-500 നാമാനി)

വ്യാപിനീ വിവിധാകാരാ വിദ്യാവിദ്യാ-സ്വരൂപിണീ .
മഹാകാമേശനയനകുമുദാഹ്ലാദകൗമുദീ .. 87..

ഭക്തഹാർദതമോഭേദഭാനുമദ്ഭാനുസന്തതിഃ .
ശിവദൂതീ ശിവാരാധ്യാ ശിവമൂർതിഃ ശിവങ്കരീ .. 88..

ശിവപ്രിയാ ശിവപരാ ശിഷ്ടേഷ്ടാ ശിഷ്ടപൂജിതാ .

അപ്രമേയാ സ്വപ്രകാശാ മനോവാചാമഗോചരാ .. 89..

ചിച്ഛക്തിശ് ചേതനാരൂപാ ജഡശക്തിർജഡാത്മികാ .

ഗായത്രീ വ്യാഹൃതിഃ സന്ധ്യാ ദ്വിജബൃന്ദനിഷേവിതാ .. 90..

തത്ത്വാസനാ തത്ത്വമയീ പഞ്ചകോശാന്തരസ്ഥിതാ .

നിഃസീമമഹിമാ നിത്യയൗവനാ മദശാലിനീ .. 91.. നിസ്സീമ

മദഘൂർണിതരക്താക്ഷീ മദപാടലഗണ്ഡഭൂഃ .
ചന്ദനദ്രവദിഗ്ധാംഗീ ചാമ്പേയകുസുമപ്രിയാ .. 92..

കുശലാ കോമലാകാരാ കുരുകുല്ലാ കുലേശ്വരീ .

കുലകുണ്ഡാലയാ കൗലമാർഗതത്പരസേവിതാ .. 93..

കുമാരഗണനാഥാംബാ തുഷ്ടിഃ പുഷ്ടിർമതിർധൃതിഃ .

ശാന്തിഃ സ്വസ്തിമതീ കാന്തിർനന്ദിനീ വിഘ്നനാശിനീ .. 94..

തേജോവതീ ത്രിനയനാ ലോലാക്ഷീകാമരൂപിണീ .

മാലിനീ ഹംസിനീ മാതാ മലയാചലവാസിനീ .. 95..

സുമുഖീ നലിനീ സുഭ്രൂഃ ശോഭനാ സുരനായികാ .

കാലകണ്ഠീ കാന്തിമതീ ക്ഷോഭിണീ സൂക്ഷ്മരൂപിണീ .. 96..

വജ്രേശ്വരീ വാമദേവീ വയോഽവസ്ഥാവിവർജിതാ .

സിദ്ധേശ്വരീ സിദ്ധവിദ്യാ സിദ്ധമാതാ യശസ്വിനീ .. 97..

വിശുദ്ധിചക്രനിലയാഽഽരക്തവർണാ ത്രിലോചനാ .
ഖട്വാംഗാദിപ്രഹരണാ വദനൈകസമന്വിതാ .. 98..

പായസാന്നപ്രിയാ ത്വക്സ്ഥാ പശുലോകഭയങ്കരീ .

അമൃതാദിമഹാശക്തിസംവൃതാ ഡാകിനീശ്വരീ .. 99..

അനാഹതാബ്ജനിലയാ ശ്യാമാഭാ വദനദ്വയാ .

ദംഷ്ട്രോജ്ജ്വലാഽക്ഷമാലാദിധരാ രുധിരസംസ്ഥിതാ .. 100..
കാലരാത്ര്യാദിശക്ത്യൗഘവൃതാ സ്നിഗ്ധൗദനപ്രിയാ .
മഹാവീരേന്ദ്രവരദാ രാകിണ്യംബാസ്വരൂപിണീ .. 101..

മണിപൂരാബ്ജനിലയാ വദനത്രയസംയുതാ .
വജ്രാദികായുധോപേതാ ഡാമര്യാദിഭിരാവൃതാ .. 102..

(സപ്തമീ സുഷുമ്ണാ കലാ 501-600 നാമാനി)

രക്തവർണാ മാംസനിഷ്ഠാ ഗുഡാന്നപ്രീതമാനസാ .
സമസ്തഭക്തസുഖദാ ലാകിന്യംബാസ്വരൂപിണീ .. 103..

സ്വാധിഷ്ഠാനാംബുജഗതാ ചതുർവക്ത്രമനോഹരാ .
ശൂലാദ്യായുധസമ്പന്നാ പീതവർണാഽതിഗർവിതാ .. 104..

മേദോനിഷ്ഠാ മധുപ്രീതാ ബന്ധിന്യാദിസമന്വിതാ .

ദധ്യന്നാസക്തഹൃദയാ കാകിനീരൂപധാരിണീ .. 105..

മൂലാധാരാംബുജാരൂഢാ പഞ്ചവക്ത്രാഽസ്ഥിസംസ്ഥിതാ .
അങ്കുശാദിപ്രഹരണാ വരദാദിനിഷേവിതാ .. 106..

മുദ്ഗൗദനാസക്തചിത്താ സാകിന്യംബാസ്വരൂപിണീ .
ആജ്ഞാചക്രാബ്ജനിലയാ ശുക്ലവർണാ ഷഡാനനാ .. 107..

മജ്ജാസംസ്ഥാ ഹംസവതീമുഖ്യശക്തിസമന്വിതാ .
ഹരിദ്രാന്നൈകരസികാ ഹാകിനീരൂപധാരിണീ .. 108..
സഹസ്രദലപദ്മസ്ഥാ സർവവർണോപശോഭിതാ .
സർവായുധധരാ ശുക്ലസംസ്ഥിതാ സർവതോമുഖീ .. 109..

സർവൗദനപ്രീതചിത്താ യാകിന്യംബാസ്വരൂപിണീ .
സ്വാഹാ സ്വധാഽമതിർമേധാ ശ്രുതിഃ സ്മൃതിരനുത്തമാ .. 110..

പുണ്യകീർതിഃ പുണ്യലഭ്യാ പുണ്യശ്രവണകീർതനാ .

പുലോമജാർചിതാ ബന്ധമോചനീ ബന്ധുരാലകാ .. 111..
മോചനീ ബർബരാലകാ

വിമർശരൂപിണീ വിദ്യാ വിയദാദിജഗത്പ്രസൂഃ .

സർവവ്യാധിപ്രശമനീ സർവമൃത്യുനിവാരിണീ .. 112..

അഗ്രഗണ്യാഽചിന്ത്യരൂപാ കലികല്മഷനാശിനീ .
കാത്യായനീ കാലഹന്ത്രീ കമലാക്ഷനിഷേവിതാ .. 113..

താംബൂലപൂരിതമുഖീ ദാഡിമീകുസുമപ്രഭാ .
മൃഗാക്ഷീ മോഹിനീ മുഖ്യാ മൃഡാനീ മിത്രരൂപിണീ .. 114..

നിത്യതൃപ്താ ഭക്തനിധിർനിയന്ത്രീ നിഖിലേശ്വരീ .

മൈത്ര്യാദിവാസനാലഭ്യാ മഹാപ്രലയസാക്ഷിണീ .. 115..

പരാ ശക്തിഃ പരാ നിഷ്ഠാ പ്രജ്ഞാനഘനരൂപിണീ .

മാധ്വീപാനാലസാ മത്താ മാതൃകാവർണരൂപിണീ .. 116..
മഹാകൈലാസനിലയാ മൃണാലമൃദുദോർലതാ .
മഹനീയാ ദയാമൂർതിർമഹാസാമ്രാജ്യശാലിനീ .. 117..

ആത്മവിദ്യാ മഹാവിദ്യാ ശ്രീവിദ്യാ കാമസേവിതാ .

ശ്രീഷോഡശാക്ഷരീവിദ്യാ ത്രികൂടാ കാമകോടികാ .. 118..

കടാക്ഷകിങ്കരീഭൂതകമലാകോടിസേവിതാ .
ശിരഃസ്ഥിതാ ചന്ദ്രനിഭാ ഭാലസ്ഥേന്ദ്രധനുഃപ്രഭാ .. 119..

ഹൃദയസ്ഥാ രവിപ്രഖ്യാ ത്രികോണാന്തരദീപികാ .

ദാക്ഷായണീ ദൈത്യഹന്ത്രീ ദക്ഷയജ്ഞവിനാശിനീ .. 120..

(അഷ്ടമീ ഭോഗദാ കലാ 601-700 നാമാനി)

ദരാന്ദോലിതദീർഘാക്ഷീ ദരഹാസോജ്ജ്വലന്മുഖീ .
ഗുരുമൂർതിർഗുണനിധിർഗോമാതാ ഗുഹജന്മഭൂഃ .. 121..

ദേവേശീ ദണ്ഡനീതിസ്ഥാ ദഹരാകാശരൂപിണീ .

പ്രതിപന്മുഖ്യരാകാന്തതിഥിമണ്ഡലപൂജിതാ .. 122..

കലാത്മികാ കലാനാഥാ കാവ്യാലാപവിനോദിനീ . വിമോദിനീ

സചാമരരമാവാണീസവ്യദക്ഷിണസേവിതാ .. 123..

ആദിശക്തിരമേയാഽഽത്മാ പരമാ പാവനാകൃതിഃ .

അനേകകോടിബ്രഹ്മാണ്ഡജനനീ ദിവ്യവിഗ്രഹാ .. 124..
ക്ലീങ്കാരീ കേവലാ ഗുഹ്യാ കൈവല്യപദദായിനീ .
ത്രിപുരാ ത്രിജഗദ്വന്ദ്യാ ത്രിമൂർതിസ്ത്രിദശേശ്വരീ .. 125..

ത്ര്യക്ഷരീ ദിവ്യഗന്ധാഢ്യാ സിന്ദൂരതിലകാഞ്ചിതാ .

ഉമാ ശൈലേന്ദ്രതനയാ ഗൗരീ ഗന്ധർവസേവിതാ .. 126..

വിശ്വഗർഭാ സ്വർണഗർഭാഽവരദാ വാഗധീശ്വരീ .

ധ്യാനഗമ്യാഽപരിച്ഛേദ്യാ ജ്ഞാനദാ ജ്ഞാനവിഗ്രഹാ .. 127..

സർവവേദാന്തസംവേദ്യാ സത്യാനന്ദസ്വരൂപിണീ .
ലോപാമുദ്രാർചിതാ ലീലാകൢപ്തബ്രഹ്മാണ്ഡമണ്ഡലാ .. 128..

അദൃശ്യാ ദൃശ്യരഹിതാ വിജ്ഞാത്രീ വേദ്യവർജിതാ .

യോഗിനീ യോഗദാ യോഗ്യാ യോഗാനന്ദാ യുഗന്ധരാ .. 129..

ഇച്ഛാശക്തിജ്ഞാനശക്തിക്രിയാശക്തിസ്വരൂപിണീ .
സർവാധാരാ സുപ്രതിഷ്ഠാ സദസദ്രൂപധാരിണീ .. 130..

അഷ്ടമൂർതിരജാജൈത്രീ ലോകയാത്രാവിധായിനീ . അജാജേത്രീ

ഏകാകിനീ ഭൂമരൂപാ നിർദ്വൈതാ ദ്വൈതവർജിതാ .. 131..

അന്നദാ വസുദാ വൃദ്ധാ ബ്രഹ്മാത്മൈക്യസ്വരൂപിണീ .

ബൃഹതീ ബ്രാഹ്മണീ ബ്രാഹ്മീ ബ്രഹ്മാനന്ദാ ബലിപ്രിയാ .. 132..
ഭാഷാരൂപാ ബൃഹത്സേനാ ഭാവാഭാവവിവർജിതാ .
സുഖാരാധ്യാ ശുഭകരീ ശോഭനാ സുലഭാ ഗതിഃ .. 133..

രാജരാജേശ്വരീ രാജ്യദായിനീ രാജ്യവല്ലഭാ .

രാജത്കൃപാ രാജപീഠനിവേശിതനിജാശ്രിതാ .. 134..

രാജ്യലക്ഷ്മീഃ കോശനാഥാ ചതുരംഗബലേശ്വരീ .

സാമ്രാജ്യദായിനീ സത്യസന്ധാ സാഗരമേഖലാ .. 135..

ദീക്ഷിതാ ദൈത്യശമനീ സർവലോകവശങ്കരീ .

സർവാർഥദാത്രീ സാവിത്രീ സച്ചിദാനന്ദരൂപിണീ .. 136..

(നവമീ വിശ്വാ കലാ 701-800 നാമാനി)

ദേശകാലാപരിച്ഛിന്നാ സർവഗാ സർവമോഹിനീ .
സരസ്വതീ ശാസ്ത്രമയീ ഗുഹാംബാ ഗുഹ്യരൂപിണീ .. 137..

സർവോപാധിവിനിർമുക്താ സദാശിവപതിവ്രതാ .
സമ്പ്രദായേശ്വരീ സാധ്വീ ഗുരുമണ്ഡലരൂപിണീ .. 138..

കുലോത്തീർണാ ഭഗാരാധ്യാ മായാ മധുമതീ മഹീ .

ഗണാംബാ ഗുഹ്യകാരാധ്യാ കോമലാംഗീ ഗുരുപ്രിയാ .. 139..

സ്വതന്ത്രാ സർവതന്ത്രേശീ ദക്ഷിണാമൂർതിരൂപിണീ .

സനകാദിസമാരാധ്യാ ശിവജ്ഞാനപ്രദായിനീ .. 140..
ചിത്കലാഽഽനന്ദകലികാ പ്രേമരൂപാ പ്രിയങ്കരീ .
നാമപാരായണപ്രീതാ നന്ദിവിദ്യാ നടേശ്വരീ .. 141..

മിഥ്യാജഗദധിഷ്ഠാനാ മുക്തിദാ മുക്തിരൂപിണീ .

ലാസ്യപ്രിയാ ലയകരീ ലജ്ജാ രംഭാദിവന്ദിതാ .. 142..

ഭവദാവസുധാവൃഷ്ടിഃ പാപാരണ്യദവാനലാ .
ദൗർഭാഗ്യതൂലവാതൂലാ ജരാധ്വാന്തരവിപ്രഭാ .. 143..

ഭാഗ്യാബ്ധിചന്ദ്രികാ ഭക്തചിത്തകേകിഘനാഘനാ .
രോഗപർവതദംഭോലിർമൃത്യുദാരുകുഠാരികാ .. 144..

മഹേശ്വരീ മഹാകാലീ മഹാഗ്രാസാ മഹാശനാ .

അപർണാ ചണ്ഡികാ ചണ്ഡമുണ്ഡാസുരനിഷൂദിനീ .. 145..

ക്ഷരാക്ഷരാത്മികാ സർവലോകേശീ വിശ്വധാരിണീ .

ത്രിവർഗദാത്രീ സുഭഗാ ത്ര്യംബകാ ത്രിഗുണാത്മികാ .. 146..

സ്വർഗാപവർഗദാ ശുദ്ധാ ജപാപുഷ്പനിഭാകൃതിഃ .

ഓജോവതീ ദ്യുതിധരാ യജ്ഞരൂപാ പ്രിയവ്രതാ .. 147..

ദുരാരാധ്യാ ദുരാധർഷാ പാടലീകുസുമപ്രിയാ .

മഹതീ മേരുനിലയാ മന്ദാരകുസുമപ്രിയാ .. 148..

വീരാരാധ്യാ വിരാഡ്രൂപാ വിരജാ വിശ്വതോമുഖീ .

പ്രത്യഗ്രൂപാ പരാകാശാ പ്രാണദാ പ്രാണരൂപിണീ .. 149..

മാർതാണ്ഡഭൈരവാരാധ്യാ മന്ത്രിണീന്യസ്തരാജ്യധൂഃ . മാർതണ്ഡ

ത്രിപുരേശീ ജയത്സേനാ നിസ്ത്രൈഗുണ്യാ പരാപരാ .. 150..

സത്യജ്ഞാനാനന്ദരൂപാ സാമരസ്യപരായണാ .
കപർദിനീ കലാമാലാ കാമധുക് കാമരൂപിണീ .. 151..

കലാനിധിഃ കാവ്യകലാ രസജ്ഞാ രസശേവധിഃ .

(ദശമീ ബോധിനീ കലാ 801-900 നാമാനി)

പുഷ്ടാ പുരാതനാ പൂജ്യാ പുഷ്കരാ പുഷ്കരേക്ഷണാ .. 152..

പരഞ്ജ്യോതിഃ പരന്ധാമ പരമാണുഃ പരാത്പരാ .

പാശഹസ്താ പാശഹന്ത്രീ പരമന്ത്രവിഭേദിനീ .. 153..

മൂർതാഽമൂർതാഽനിത്യതൃപ്താ മുനിമാനസഹംസികാ .
സത്യവ്രതാ സത്യരൂപാ സർവാന്തര്യാമിനീ സതീ .. 154..

ബ്രഹ്മാണീ ബ്രഹ്മജനനീ ബഹുരൂപാ ബുധാർചിതാ .

പ്രസവിത്രീ പ്രചണ്ഡാഽഽജ്ഞാ പ്രതിഷ്ഠാ പ്രകടാകൃതിഃ .. 155..

പ്രാണേശ്വരീ പ്രാണദാത്രീ പഞ്ചാശത്പീഠരൂപിണീ .

വിശൃംഖലാ വിവിക്തസ്ഥാ വീരമാതാ വിയത്പ്രസൂഃ .. 156..
മുകുന്ദാ മുക്തിനിലയാ മൂലവിഗ്രഹരൂപിണീ .
ഭാവജ്ഞാ ഭവരോഗഘ്നീ ഭവചക്രപ്രവർതിനീ .. 157..

ഛന്ദഃസാരാ ശാസ്ത്രസാരാ മന്ത്രസാരാ തലോദരീ .

ഉദാരകീർതിരുദ്ദാമവൈഭവാ വർണരൂപിണീ .. 158..

ജന്മമൃത്യുജരാതപ്തജനവിശ്രാന്തിദായിനീ .
സർവോപനിഷദുദ്ഘുഷ്ടാ ശാന്ത്യതീതകലാത്മികാ .. 159..

ഗംഭീരാ ഗഗനാന്തസ്ഥാ ഗർവിതാ ഗാനലോലുപാ .

കല്പനാരഹിതാ കാഷ്ഠാഽകാന്താ കാന്താർധവിഗ്രഹാ .. 160..

കാര്യകാരണനിർമുക്താ കാമകേലിതരംഗിതാ .
കനത്കനകതാടങ്കാ ലീലാവിഗ്രഹധാരിണീ .. 161..

അജാ ക്ഷയവിനിർമുക്താ മുഗ്ധാ ക്ഷിപ്രപ്രസാദിനീ .

അന്തർമുഖസമാരാധ്യാ ബഹിർമുഖസുദുർലഭാ .. 162..

ത്രയീ ത്രിവർഗനിലയാ ത്രിസ്ഥാ ത്രിപുരമാലിനീ .

നിരാമയാ നിരാലംബാ സ്വാത്മാരാമാ സുധാസൃതിഃ .. 163..
സുധാസ്രുതിഃ

സംസാരപങ്കനിർമഗ്നസമുദ്ധരണപണ്ഡിതാ .
യജ്ഞപ്രിയാ യജ്ഞകർത്രീ യജമാനസ്വരൂപിണീ .. 164..
ധർമാധാരാ ധനാധ്യക്ഷാ ധനധാന്യവിവർധിനീ .
വിപ്രപ്രിയാ വിപ്രരൂപാ വിശ്വഭ്രമണകാരിണീ .. 165..

വിശ്വഗ്രാസാ വിദ്രുമാഭാ വൈഷ്ണവീ വിഷ്ണുരൂപിണീ .

അയോനിര്യോനിനിലയാ കൂടസ്ഥാ കുലരൂപിണീ .. 166..

(ഏകാദശീ ധാരിണീ കലാ 901-1000 നാമാനി)

വീരഗോഷ്ഠീപ്രിയാ വീരാ നൈഷ്കർമ്യാ നാദരൂപിണീ .
വിജ്ഞാനകലനാ കല്യാ വിദഗ്ധാ ബൈന്ദവാസനാ .. 167..

തത്ത്വാധികാ തത്ത്വമയീ തത്ത്വമർഥസ്വരൂപിണീ .

സാമഗാനപ്രിയാ സൗമ്യാ സദാശിവകുടുംബിനീ .. 168.. സോമ്യാ

സവ്യാപസവ്യമാർഗസ്ഥാ സർവാപദ്വിനിവാരിണീ .
സ്വസ്ഥാ സ്വഭാവമധുരാ ധീരാ ധീരസമർചിതാ .. 169..

ചൈതന്യാർഘ്യസമാരാധ്യാ ചൈതന്യകുസുമപ്രിയാ .
സദോദിതാ സദാതുഷ്ടാ തരുണാദിത്യപാടലാ .. 170..

ദക്ഷിണാദക്ഷിണാരാധ്യാ ദരസ്മേരമുഖാംബുജാ .
കൗലിനീകേവലാഽനർഘ്യകൈവല്യപദദായിനീ .. 171..

സ്തോത്രപ്രിയാ സ്തുതിമതീ ശ്രുതിസംസ്തുതവൈഭവാ .

മനസ്വിനീ മാനവതീ മഹേശീ മംഗലാകൃതിഃ .. 172..
വിശ്വമാതാ ജഗദ്ധാത്രീ വിശാലാക്ഷീ വിരാഗിണീ .
പ്രഗൽഭാ പരമോദാരാ പരാമോദാ മനോമയീ .. 173..

വ്യോമകേശീ വിമാനസ്ഥാ വജ്രിണീ വാമകേശ്വരീ .

പഞ്ചയജ്ഞപ്രിയാ പഞ്ചപ്രേതമഞ്ചാധിശായിനീ .. 174..

പഞ്ചമീ പഞ്ചഭൂതേശീ പഞ്ചസംഖ്യോപചാരിണീ .

ശാശ്വതീ ശാശ്വതൈശ്വര്യാ ശർമദാ ശംഭുമോഹിനീ .. 175..

ധരാധരസുതാ ധന്യാ ധർമിണീ ധർമവർധിനീ .

ലോകാതീതാ ഗുണാതീതാ സർവാതീതാ ശമാത്മികാ .. 176..

ബന്ധൂകകുസുമപ്രഖ്യാ ബാലാ ലീലാവിനോദിനീ .

സുമംഗലീ സുഖകരീ സുവേഷാഢ്യാ സുവാസിനീ .. 177..

സുവാസിന്യർചനപ്രീതാഽഽശോഭനാ ശുദ്ധമാനസാ .
ബിന്ദുതർപണസന്തുഷ്ടാ പൂർവജാ ത്രിപുരാംബികാ .. 178..

ദശമുദ്രാസമാരാധ്യാ ത്രിപുരാശ്രീവശങ്കരീ .
ജ്ഞാനമുദ്രാ ജ്ഞാനഗമ്യാ ജ്ഞാനജ്ഞേയസ്വരൂപിണീ .. 179..

യോനിമുദ്രാ ത്രിഖണ്ഡേശീ ത്രിഗുണാംബാ ത്രികോണഗാ .

അനഘാഽദ്ഭുതചാരിത്രാ വാഞ്ഛിതാർഥപ്രദായിനീ .. 180..

അഭ്യാസാതിശയജ്ഞാതാ ഷഡധ്വാതീതരൂപിണീ .
അവ്യാജകരുണാമൂർതിരജ്ഞാനധ്വാന്തദീപികാ .. 181..

ആബാലഗോപവിദിതാ സർവാനുല്ലംഘ്യശാസനാ .
ശ്രീചക്രരാജനിലയാ ശ്രീമത്ത്രിപുരസുന്ദരീ .. 182..

ശ്രീശിവാ ശിവശക്ത്യൈക്യരൂപിണീ ലലിതാംബികാ .

ഏവം ശ്രീലലിതാ ദേവ്യാ നാമ്നാം സാഹസ്രകം ജഗുഃ ..

.. ഇതി ശ്രീബ്രഹ്മാണ്ഡ പുരാണേ ഉത്തരഖണ്ഡേ

ശ്രീഹയഗ്രീവാഗസ്ത്യസംവാദേ
ശ്രീലലിതാസഹസ്രനാമസ്തോത്രകഥനം സമ്പൂർണം ..

ഫലശ്രുതിഃ
(ക്ഷമാഖ്യാ ദ്വാദശീ കലാ)
ഇത്യേതന്നാമസാഹസ്രം കഥിത തേ ഘടോദ്ഭവ .
രഹസ്യാനാം രഹസ്യം ച ലലിതാപ്രീതിദായകം .. 1..

അനേന സദൃശം സ്തോത്രം ന ഭൂതം ന ഭവിഷ്യതി .

സർവരോഗപ്രശമനം സർവസമ്പത്പ്രവർധനം .. 2..

സർവാപമൃത്യുശമനം കാലമൃത്യുനിവാരണം .
സർവജ്വരാർതിശമനം ദീർഘായുഷ്യപ്രദായകം .. 3..
പുത്രപ്രദമപുത്രാണാം പുരുഷാർഥപ്രദായകം .
ഇദം വിശേഷാച്ഛ്രീദേവ്യാഃ സ്തോത്രം പ്രീതിവിധായകം .. 4..

ജപേന്നിത്യം പ്രയത്നേന ലലിതോപാസ്തിതത്പരഃ .

പ്രാതഃ സ്നാത്വാ വിധാനേന ക്ത്വയാകർമ സമാപ്യ ച .. 5..

പൂജാഗൃഹം തതോ ഗത്വാ ചക്രരാജം സമർചയേത് .

വിദ്യാം ജപേത് സഹസ്രം വാ ത്രിശതം ശതമേവ വാ .. 6..

രഹസ്യനാമസാഹസ്രമിദം പശ്ചാത്പഠേന്നരഃ .
ജന്മമധ്യേ സകൃച്ചാപി യ ഏതത്പഠതേ സുധീഃ .. 7..

തസ്യ പുണ്യഫലം വക്ഷ്യേ ശൃണു ത്വം കുംഭസംഭവ .

ഗംഗാദി സർവതീർഥേഷു യഃ സ്നായാത്കോടിജന്മസു .. 8..

കോടിലിംഗപ്രതിഷ്ഠാം ച യഃ കുര്യാദവിമുക്തകേ .
കുരുക്ഷേത്രേ തു യോ ദദ്യാത്കോടിവാരം രവിഗ്രഹേ .. 9..

കോടിം സൗവർണഭാരാണാം ശ്രോത്രിയേഷു ദ്വിജന്മസു .

യഃ കോടിം ഹയമേധാനാമാഹരേദ് ഗാത്രരോധസി .. 10..

ആചരേത്കൂപകോടീര്യോ നിർജലേ മരുഭൂതലേ .

ദുർഭിക്ഷേ യഃ പ്രതിദിനം കോടിബ്രാഹ്മണഭോജനം .. 11..
ശ്രദ്ധയാ പരയാ കുര്യാത്സഹസ്രപരിവത്സരാൻ .
തത്പുണ്യം കോടിഗുണിതം ലഭേത്പുണ്യമനുത്തമം .. 12..

രഹസ്യനാമസാഹസ്രേ നാമ്രോഽപ്യേകസ്യ കീർതനാത് .

രഹസ്യനാമസാഹസ്രേ നാമൈകമപി യഃ പഠേത് .. 13..

തസ്യ പാപാനി നശ്യന്തി മഹാന്ത്യപി ന സംശയഃ .

നിത്യകർമാനനുഷ്ഠാനാന്നിഷിദ്ധകരണാദപി .. 14..

യത്പാപം ജായതേ പുംസാം തത്സർവം നശ്യതി ധ്രുവം .

ബഹുനാത്ര കിമുക്തേന ശൃണു ത്വം കുംഭസംഭവ .. 15..

അത്രൈകനാമ്നോ യാ ശക്തിഃ പാതകാനാം നിവർതനേ .

തന്നിവർത്യമഘം കർതും നാലം ലോകാശ്ചതുർദശ .. 16..

യസ്ത്യക്ത്വാ നാമസാഹസ്രം പാപഹാനിമഭീപ്സതി .

സ ഹി ശീതനിവൃത്യർഥം ഹിമശൈലേ നിഷേവതേ .. 17..

ഭക്തോ യഃ കീർതയേന്നിത്യമിദം നാമസഹസ്രകം .

തസ്മൈ ശ്രീലിതാദേവീ പ്രീതാഽഭീഷ്ടം പ്രയച്ഛതി .. 18..

അകീർതയന്നിദം സ്തോത്രം കഥം ഭക്തോ ഭവിഷ്യതി .

നിത്യം സങ്കീർതനാശക്തഃ കീർതയേത്പുണ്യവാസരേ .. 19..

സങ്ക്രാന്തൗ വിഷുവേ ചൈവ സ്വജന്മത്രിതയേഽയനേ .

നവമ്യാം വാ ചതുർദശ്യാം സിതായാം ശുക്രവാസരേ .. 20..

കീർതയേന്നാമസാഹസ്രം പൗർണമാസ്യാം വിശേഷതഃ .

പൗർണമാസ്യാം ചന്ദ്രബിംബേ ധ്യാത്വാ ശ്രീലലിതാംബികാം ..

21..

പഞ്ചോപചാരൈഃ സമ്പൂജ്യ പഠേന്നാമസഹസ്രകം .

സർവേ രോഗാഃ പ്രണശ്യന്തി ദീർഘമായുശ്ച വിന്ദതി .. 22..

അയമായുഷ്കരോ നാമ പ്രയോഗഃ കല്പചോദിതഃ .

ജ്വരാർതം ശിരസി സ്പൃഷ്ട്വാ പഠേന്നാമസഹസ്രകം .. 23..

തത്ക്ഷണാത്പ്രശമം യാതി ശിരസ്തോദോ ജ്വരോഽപി ച .

സർവവ്യാധിനിവൃത്ത്യർഥം സ്പൃഷ്ട്വാ ഭസ്മ ജപേദിദം .. 24..

തദ്ഭസ്മധാരണാദേവ നശ്യന്തി വ്യാധയഃ ക്ഷണാത് .

ജലം സമ്മന്ത്ര്യ കുംഭസ്ഥം നാമസാഹസ്രതോ മുനേ .. 25..

അഭിഷിഞ്ചേദ്ഗ്രഹഗ്രസ്താൻഗ്രഹാ നശ്യന്തി തത്ക്ഷണാത് .

സുധാസാഗരമധ്യസ്ഥാം ധ്യാത്വാ ശ്രീലലിതാംബികാം .. 26..

യഃ പഠേന്നാമസാഹസ്രം വിഷം തസ്യ വിനശ്യതി .

വന്ധ്യാനാം പുത്രലാഭായ നാമസാഹസ്രമന്ത്രിതം .. 27..

നവനീതം പ്രദദ്യാത്തു പുത്രലാഭോ ഭവേദധ്രുവം .

ദേവ്യാഃ പാശേന സംബദ്ധാഭാകൃഷ്ടാഭംഗുശേന ച .. 28..

ധ്യാത്വാഽഭീഷ്ടാം സ്ത്രിയം രാത്രൗ ജപേന്നാമസഹസ്രകം .

ആയാതി സ്വസമീപം സാ യദ്യപ്യന്തഃ പുരം ഗതാ .. 29..

രാജാകർഷണകാമശ്ചേദ്ഭാജാവസഥദിങ്മുഖഃ .
ത്രിരാത്രം യഃ പഠേതച്ഛ്രീദേവീധ്യാനത്പരഃ .. 30..

സ രാജാ പാരവശ്യേന തുരംഗം വാ മതംഗജം .

ആരുഹ്യായാതി നികടം ദാസവത്പ്രണിപത്യ ച .. 31..

തസ്മൈ രാജ്യം ച കോശം ച ദദാത്യേവ വശം ഗതഃ .

രഹസ്യനാമസാഹസ്രം യഃ കീർതയതി നിത്യശഃ .. 32..

തന്മുഖാലോകമാത്രേണ മുഹ്യേല്ലോകത്രയം മുനേ .

യസ്ത്വിദം നാമസാഹസ്രം സകൃത്പഠതി ഭക്തിമാൻ .. 33..

തസ്യ യേ ശത്രവസ്തേഷാം നിഹന്താ ശരഭേശ്വരഃ .

യോ വാഽഭിചാര കുരുതേ നാമസാഹസ്രപാഠകം .. 34..

നിവർത്യം തത്ക്രിയാം ഹന്യാത്തം വൈ പ്രത്യംഗിരാ സ്വയം ..

.
യേ ക്രൂരദൃഷ്ട്യാ വീക്ഷന്തേ നാമസാഹസ്രപാഠകം .. 35..

താനന്ധാൻകുരുതേ ക്ഷിപ്രം സ്വയം മാർതണ്ഡഭൈരവഃ .

ധനം യോ ഹരതേ ചോരൈർനാമസാഹസ്രജാപിനഃ .. 36..

യത്ര കുത്ര സ്ഥിതം വാപി ക്ഷേത്രപാലോ നിഹന്തി തം .

വിദ്യാസു കുരുതേ വാദം യോ വിദ്വാന്നാമജാപിനാ .. 37..

തസ്യ വാക്യതംഭനം സദ്യഃ കരോതി നകുലേശ്വരീ .

യോ രാജാ കുരുതേ വൈരം നാമസാഹസ്രജാപിനാ .. 38..

ചതുരംഗബലം തസ്യ ദണ്ഡിനീ സംഹരേത്സ്വയം .

യഃ പഠേന്നാമസാഹസ്രം ഷണ്മാസം ഭക്തിസംയുതഃ .. 39..

ലക്ഷ്മീശ്ചാന്ധല്യരഹിതാ സദാ തിഷ്ഠതി തഹൃഹേ .

മാസമേകം പ്രതിദിനം ത്രിവാരം യഃ പഠേന്നരഃ .. 40..

ഭാരതീ തസ്യ ജിഹ്വാഗ്രേ രംഗേ നൃത്യതി നിത്യശഃ .

യസ്ത്വേകവാരം പതതി പക്ഷമാത്രമതന്ദ്രിതഃ .. 41..

മുഹ്യന്തി കാമവശഗാ മൃഗാക്ഷ്യസ്തസ്യ വീക്ഷണാത് .

യഃ പഠേന്നാമസാഹസ്രം ജന്മമധ്യേ സകൃന്നരഃ .. 42..

തദ്ദൃഷ്ടിഗോചരാസ്സർവേ മുച്യന്തേ സർവകിൽബിഷൈഃ .

യോ വേത്തി നാമസാഹസ്രം തസ്മൈ ദേയം ദ്വിജന്മനേ .. 43..

അന്നം വസ്നം ധനം ധാന്യം നാന്യേഭ്യസ്തു കദാചന .

ശ്രീമന്ത്രരാജം യോ വേത്തി ശ്രീചക്രം യഃ സമർചതി .. 44..
യഃ കീർതയതി നാമാനി തം സത്പാത്രം വിദുർബുധാഃ .
തസ്മൈ ദേയം പ്രയത്നേന ശ്രീദേവീപ്രീതിമിച്ഛതാ .. 45..

ന കീർതയതി നാമാനി മന്ത്രരാജം ന വേത്തി യഃ .

പശുതുല്യഃ സ വിജ്ഞേയസ്തസ്മൈ ദത്തം നിരർഥകം .. 46..

പരീക്ഷ്യ വിദ്യാവിദുഷസ്തേഭ്യോ ദദ്യാദ്വിചക്ഷണഃ .

ശ്രീമന്ത്രരാജസദൃശോ യഥാ മന്രോ ന വിദ്യതേ .. 47..

ദേവതാ ലലിതാതുല്യാ യഥാ നാസ്തി ഘടോദ്ഭവ .

രഹസ്യനാമസാഹസ്രതുല്യാ നാസ്തി തഥാ സ്തുതി .. 48..

ലിഖിത്വാ പുസ്തകേ യസ്തു നാമസാഹസ്രമുത്തമം .

സമർചയേത്സദാ ഭക്ത്യാ തസ്യ തുഷ്യതി സുന്ദരീ .. 49..

ബഹുനാത്ര കിമുക്തേനാ ശൃണു ത്വം കുംഭസംഭവ .

നാനേന സദൃശം സ്തോത്രം സർവതന്ത്രേഷു ദൃശ്യതേ .. 50..

തസ്മാദുപാസകോ നിത്യം കീർതയേദിദമാദരാത് .

ഏഭിർനാമസഹസ്രൈസ്തു ശ്രീചക്രം യോഽർചയേത്സകൃത് ..

51..

പദ്മൈർവാ തുലസീപുഷ്പൈഃ കൽഹാരൈർവാ കദംബകൈഃ .

ചമ്പകൈർജാതികുസുമൈഃ മല്ലികാകരവീരകൈഃ .. 52..
ഉത്പലൈർബില്വപത്രൈർവാ കുന്ദകേസരപാടലൈഃ .
അന്യൈഃ സുഗന്ധികുസുമൈഃ കേതകീമാധവീമുഖൈഃ .. 53..

തസ്യ പുണ്യഫലം വക്ത്തും ന ശക്രോതി മഹേശ്വരഃ .

സാ വേത്തി ലലിതാദേവീ സ്വചക്രാർചനജം ഫലം .. 54..

അന്യേ കഥം വിജാനീയുർബ്രഹ്മാദ്യാഃ സ്വല്പമേധസഃ .

പ്രതിമാസം പൗർണമാസ്യാമേഭിർനാമസഹസ്രകൈഃ .. 55..

രാത്രൗ യശ്ചക്രരാജസ്ഥാമർചയേത്പരദേവതാം .
സ ഏവ ലലിതാരൂപസ്തദ്രൂപാ ലലിതാ സ്വയം .. 56..

ന തയോർവിദ്യതേ ഭേദോ ഭേദകൃത്പാപകൃദ്ഭവേത് .

മഹാനവമ്യാം യോ ഭക്തഃ ശ്രീദേവീം ചക്രമധ്യഗാം .. 57..

അർചയേന്നാമസാഹസ്രൈസ്തസ്യ മുക്തിഃ കരേ സ്ഥിതാ .

യസ്തു നാമസഹസ്രേണ ശുക്രവാരേ സമർചയേത് .. 58..

ചക്രരാജേ മഹാദേവീം തസ്യ പുണ്യഫലം ശൃണു .

സർവാൻകാമാനവാപ്യേഹ സർവസൗഭാഗ്യസംയുതഃ .. 59..

പുത്രപൗത്രാദിസംയുക്തോ ഭുക്ത്യാ ഭോഗാന്യഥേപ്സിതാൻ .

അന്തേ ശ്രീലലിതാദേവ്യാഃ സായുജ്യമതിദുർലഭം .. 60..
പ്രാർഥനീയം ശിവാദ്യൈശ്ച പ്രാപ്നോത്യേവ ന സംശയഃ .
യഃ സഹസ്രം ബ്രാഹ്മണാനാമേഭിർനാമസഹസ്രകൈഃ .. 61..

സമർച്യ ഭോജയേദ്ഭക്ത്യാ പായസാപൂപഷഡ്രസൈഃ .

തസ്മൈ പ്രീണാതി ലലിതാ സ്വസാമ്രാജ്യം പ്രയച്ഛതി .. 62..

ന തസ്യ ദുർലഭം വസ്തു ത്രിഷു ലോകേഷു വിദ്യതേ .

നിഷ്കാമഃ കീർതയേദ്യസ്തു നാമസാഹസ്രമുത്തമം .. 63..

ബ്രഹ്യജ്ഞാനമവാപ്നോതി യേന മുച്യേത ബന്ധനാത് .

ധനാർഥീ ധനമാപ്നോതി യശോഽർഥീ ചാപുയാദ്യശഃ .. 64..

വിദ്യാർഥീ ചാപുയാദ്വിദ്യാം നാമസാഹസ്രകർതിനാത് .

നാനേന സദൃശം സ്തോത്രം ഭോഗമോക്ഷപ്രദം മുനേ .. 65..

കീർതനീയമിദം തസ്മാർഭോഗമോക്ഷാർഥിഭിനരൈഃ .
ചതുരാശ്രമനിഷ്ഠൈശ്ച കീർതനീയമിദംസദാ .. 66..

സ്വധർമസമനുഷ്ഠാനവൈകല്യപരിപൂർതയേ .
കലൗ പാപൈകബഹുലേ ധർമാനുഷ്ഠാനവർജിതേ .. 67..

നാമസങ്കീർതനം മുക്ത്വാ നൃണാം നാന്യത്പരായണം .

ലൗകികാദ്വചനാന്മുഖ്യം വിഷ്ണുനാമാനുകീർതനം .. 68..

വിഷ്ണുനാമസഹസ്രാച്ച ശിവനാമൈകമുത്തമം .
ശിവനാമസഹസ്രാച്ച ദേവ്യാ നാമൈകമുത്തമം .. 69..

ദേവീനാമസഹസ്രാണി കോടിശഃ സന്തി കുംഭജ .

തേഷു മുഖ്യം ദശവിധം നാമസാഹസ്രമുച്യതേ .. 70..

രഹസ്യനാമസാഹസ്രമിദം ശസ്തം ദശസ്വപി .

തസ്മാത്സങ്കീർതയേന്നിത്യം കലിദോഷനിവൃത്തയേ .. 71..

മുഖ്യം ശ്രീമാതൃനാമേതി ന ജാനന്തി വിമോഹിതാഃ .

വിഷ്ണുനാമയപരാഃ കേച്ഛിവനാമപരാഃ പര .. 72..

ന കശ്ചിദപി ലോകേഷു ലലിതാനാമതത്പരഃ .

യേനാന്യ ദേവതാനാമ കീർതിതം ജന്മകോടിഷു .. 73..

തസ്യൈവ ഭവതി ശ്രദ്ധാ ശ്രീദേവീനാമകീർതനേ .

ചരമേ ജന്മനി യഥാ ശ്രീവിദ്യോപാസകോ ഭവേത് .. 74..

നാമസാഹസ്രപാഠശ്ച തഥാ ചരമജന്മനി .

യഥൈവ വിരലാ ലോകേ ശ്രീവിദ്യാരാജവേദിനഃ .. 75..

തഥൈവ വിരലോ ഗുഹ്യനാമസാഹസ്രപാഠകഃ .

മന്ത്രരാജജപശ്ചൈവ ചക്രരാജാർചനം തഥാ .. 76..

രഹസ്യനാമപാഠശ്ച നാല്പസ്യ തപസഃ ഫലം .

അപഠന്നാമസാഹസ്രം പ്രീണയേദ്യോ മഹേശ്വരീം .. 77..
സ ചക്ഷുഷാ വിനാ രൂപം പശ്യേദേവ വിമൂഢധീഃ .
രഹസ്യനാമസാഹസ്രം ത്യക്ത്വാ യഃ സിദ്ധികാമുകഃ .. 78..

സ ഭോജനം വിനാ നൂനം ക്ഷുന്നിചൂത്തിമഭീപ്സതി!

സ ഭക്തോ ലലിതാദേവ്യാഃ സ നിത്യം കീർതയേദിദം .. 79..

നാന്യഥാ പ്രീയതേ ദേവീ കല്പകോടിശതൈരപി .

തസ്മാദ്രഹസ്യനാമാനി ശ്രീമാതുഃ പ്രയതഃ പഠേത് .. 80..

ഇതി തേ കഥിതം സ്തോത്രം രഹസ്യം കുംഭസംഭവ .

നാവിദ്യാവേദിനേ ബ്രൂയാന്നാഭക്തായ കദാചന .. 81..

യഥൈവ ഗോപ്യാ ശ്രീവിദ്യാ തഥാ ഗോപ്യമിദം മുനേ .

പശുതുല്യേഷു ന ബ്രൂയാജ്ജനേഷു സ്തോത്രമുത്തമം .. 82..

യോ ദദാതി വിമൂഢാത്മാ ശ്രീവിദ്യാരഹിതായ ച .

തസ്മൈ കുപ്യന്തി യോഗിന്യഃ സോഽനർഥഃ സുമഹാൻസ്മൃതഃ ..

83..

രഹസ്യനാമസാഹസ്രം തസ്മാത്സംഗോപയേദിദം .
സ്വതന്ത്രേണ ഭയാ നോക്തം തവാപി കലശോദ്ഭവ .. 84..

ലലിതാപ്രേരണേനൈവ മയോക്തം സ്തോത്രമുത്തമം .

തേന തുഷ്ടാ മഹാദേവീ തവാഭീഷ്ടം പ്രദാസ്യതി .. 85..
ശ്രീസൂത ഉവാച -
ഇത്യുക്ത്വാ ശ്രീഹയഗ്രീവോ ധ്യാത്വാ ശ്രീലലിതാംബികാം .
ആനന്ദമഗ്രഹൃദയഃ സദ്യഃ പുലകിതോഽഭവത് .. 86..

ശ്രീബ്രഹ്മാണ്ഡപുരാണതഃ

പാശാങ്കുശേക്ഷുസുമരാജിതപഞ്ചശാഖാം
പാടല്യശാലിസുഷുമാഞ്ചിത ഗാത്രവല്ലീം .
പ്രാചീനവാക്സ്തുതപദാം പരദേവതാം ത്വാം
പഞ്ചായുധാർചിതപദാം പ്രണമാമി ദേവീം ..

Before we begin, let us offer ourselves at the feet of

the Divine Mother, shrImat mahAtripurasundarI.

This introduction deals with the background on

lalitAsahasranAma (the purANa etc) and the importance of
Shri Chakra, the diagrammitical form for meditation.
(Only a brief description is provided here since it
has been extensively described by Adi Shankara in the text
of
SaundaryalaharI. A detailed description of Lalita yantra
(Shri
Chakra) is given in the Hindu Tantrik page
http://www.shivashakti.com/)

Among the 18 purANas, brahmANDa-purANa is well known for the

extolation of Lalita. It explains in detail the appearance
of
the Goddess Lalita to save the world from the clutches of
the
demon bhaNDAsura. There are three important sub-texts in
this
purANa.

The first of these texts is LalitopAkhyAna, consisting of 45

chapters and is found in the last chapter of the purANa. The
last five chapters are especially well known. They extol the
greatness of the Divine mother, the significance of the
mantra
of the goddess (shoDashAkSharI-vidyA), the various mudras
and
postures to be practiced, meditations, initiations etc., and
the mystical placement of the deities involved in Shri
Chakra.
The next text is the lalitA trishati in which 300 names of
the
goddess is featured. There is a well known commentary on
this
work by Adi ShankarAchArya.

The third text is the celebrated LalitA sahasranAma, which

consists of 320 verses in three chapters. The first chapter
is
51 verses, and relates that the 1000 names of LalitA were
recited by various devatas as commanded by the goddess
herself.
This chapter also explains that the verses are in anuShTup
ChaNDaH(metre known as anuShTup)
and that the deity Lalita is invoked in three kUTas
(vAgbhava, kAmarAja, and shakti). The second chapter of the
text contains the thousand names of the goddess in 182 1/2
verses (which is transliterated below). The third and final
chapter is 86 1/2 verses long and enumerates the benefits
accrued by reciting these one thousand names of the Goddess.
This is mainly to encourage people to recite the names with
concentration to achieve, if not anything else, a peace of
mind.

Lalita trishati and lalitA sahasranAma are dialogues between

the sage Agastya and the god Hayagriva (Pronounced as
hayagrIva). Hayagriva is the
incarnation of ViShNu who assumed the form of a horse
to kill a demon by the same name. Agastya was a
sage of great renown, who is immortalized as a star in the
celestial heavens(one of the seven Rishi-s, saptarShi or
Ursa Major).
He is the patron saint of Tamilnadu being a
founder of a system of medicine called Siddha, and also
having
drunk the whole ocean in his kamaNDalum. According to
yAska's
Nirukta, Agastya is the half-brother of the great sage,
VasishTha.

The story of the meeting of Agastya and Hayagriva is

given in the lalitopAkhyAna and is quite interesting.
Agastya
was visiting several places of pilgrimage and was sad to see
many people steeped in ignorance and involved in only
sensual
pleasures. He came to kA~nchi and worshipped kAmAkShI and
sought
a solution for the masses. Pleased with the devotion and his
caring for the society, Lord ViShNu appeared before Agastya
and provided the sage Agastya with the solution of `curing'
the
worldly folk from ignorance. He explained that He is the
primordial principle, and the source and the end of
everything.
Though He is above forms and guNas, He involves himself in
them. He goes on to explain that a person should recognize
that
He is the pradhAna (primordial) transformed into the
universe,
and that He is also the puruSha (conscious spirit) who is
transcendental and beyond all qualities(guNa-s) and forms.
However to
recognize this, one has to perform severe penance,
self-discipline etc. If (since) this is difficult, Lord
ViShNu
advises that the worship of the goddess will achieve the
purpose of life, given as liberation from bondage,
very easily. He points out that even
other Gods like Shiva and Brahma have worshiped the goddess
TripurA. ViShNu concludes his discourse saying that this was
revealed to Agastya so that he (Agastya) can spread the
message
to god, sages, and humans. ViShNu requests Agastya to
approach
his incarnation, Hayagriva and disappears from Agastya's
sight.

Agastya approaches Hayagriva with devotion and reverence.

Hayagriva reveals to Agastya that the great Goddess, lalitA,
is without beginning or end and is the foundation of the
entire
universe. The great goddess abides in everyone and can be
realized only in meditation. The worship of
goddess is done with the lalitA sahasranamA (1000 names) or
with trishati (300 names) or with aShTottaranAma (108 names)
or
with Shri Chakra (diagrammatical form for meditation).

In tantra shAstra, each devi/deva is worshipped as a mantra,

and yantra. Shri Chakra is used to represent the divine
mother
diagrammatically. It denotes how the power of a small point
in
the centre of the Shri Chakra transforms itself into a
series
of triangles, circles, and lines. One can meditate on the
Shri
Chakra itself knowing the significance of the triangles and
circles. These forms respresent the various transformations
of
the Reality. One can realize that the universe has evolved
through
the undifferentiated consciousness and has eventually
become the universe as
we know it. The recitation of sahasranAma and trishati are
used in the worship of Shri Chakra. The correspondence
between Shri Chakra as a yantra and the fifteen letter
mantra
of the goddess (pa~nchadashIvidyA, pronounced
panchadashIvidyA)
is achieved by carefully studying the Shri Chakra which is
constructed using the symbolism of the three kUTa-s and the
significance of the fifteen letters of the shrIvidyA. It is
said that if meditation on Shri Chakra is not possible,
recitation of the sahasranAma with utmost devotion
would confer the same benefits, perhaps in longer time-
frame.

The sahasranAma also mentions how to meditate on the various

centres of consciousness (chakras) in one's body. Kundalini,
meaning
coiled up, ordinarly resides in the muladhAra chakra,
at the base of spine, and when it rises
to the sahasrAra chakra at the top of the head, one becomes
aware of the ultimate reality.

Before reciting the sahasranAma, it is advised that

the divine mother be meditated upon according to the dhyAna
shloka-s, given in the beginning of the text.
(reposted here with English meaning)
.. ധ്യാനം ..

സിന്ദൂരാരുണ വിഗ്രഹാം ത്രിനയനാം മാണിക്യമൗലി സ്ഫുരത്

താരാ നായക ശേഖരാം സ്മിതമുഖീ മാപീന വക്ഷോരുഹാം .
പാണിഭ്യാമലിപൂർണ രത്ന ചഷകം രക്തോത്പലം ബിഭ്രതീം
സൗമ്യാം രത്ന ഘടസ്ഥ രക്തചരണാം ധ്യായേത് പരാമംബികാം

..

The Divine mother is to be meditated upon

as shining in a vermilion-red body, with a
triple eyes, sporting a crown of rubies
studded with the crescent moon, a face all
smiles, a splendid bust, one hand holding
a jewel-cup brimming with mead, and the
other twirling a red lotus.

അരുണാം കരുണാ തരംഗിതാക്ഷീം

ധൃത പാശാങ്കുശ പുഷ്പ ബാണചാപാം .
അണിമാദിഭി രാവൃതാം മയൂഖൈ-
രഹമിത്യേവ വിഭാവയേ ഭവാനീം ..

I meditate on the great Empress. She

is red in color, and her eyes are full
of compassion, and holds the noose, the
goad, the bow and the flowery arrow in
Her hands. She is surrounded on all sides
by powers such as aNimA for rays and
She is the Self within me.

ധ്യായേത് പദ്മാസനസ്ഥാം വികസിതവദനാം പദ്മപത്രായതാക്ഷീം

ഹേമാഭാം പീതവസ്ത്രാം കരകലിതലസദ്ധേമപദ്മാം വരാംഗീം .
സർവാലങ്കാര യുക്താം സതത മഭയദാം ഭക്തനമ്രാം ഭവാനീം
ശ്രീവിദ്യാം ശാന്ത മൂർതിം സകല സുരനുതാം സർവ
സമ്പത്പ്രദാത്രീം ..

The Divine Goddess is to be meditated upon

as seated on the lotus with petal eyes.
She is golden hued, and has lotus flowers in Her hand.
She dispels fear of the devotees who bow before Her.
She is the embodiment of peace, knowledge
(vidyA), is praised by gods and grants
every kind of wealth wished for.
സകുങ്കുമ വിലേപനാമലികചുംബി കസ്തൂരികാം
സമന്ദ ഹസിതേക്ഷണാം സശര ചാപ പാശാങ്കുശാം .
അശേഷജന മോഹിനീം അരുണ മാല്യ ഭൂഷാംബരാം
ജപാകുസുമ ഭാസുരാം ജപവിധൗ സ്മരേ ദംബികാം ..

I meditate on the Mother, whose eyes

are smiling, who holds the arrow, bow,
noose and the goad in Her hand. She is
glittering with red garlands and ornaments.
She is painted with kumkuma on her forehead
and is red and tender like the japa flower.

May the Divine Mother guide us in our every action and

thought,
and may She confer upon us the greatest gift of all, mokSha,
the liberation.
OM tat sat.

ശ്രീലലിതാസഹസ്രനാമസ്തോത്രം
നാരദപുരാണാന്തർഗതം
.. നാരദപുരാണാന്തർഗതേ സകവച
ശ്രീലലിതാസഹസ്രനാമസ്തോത്രം ..

സനത്കുമാര ഉവാച-
അഥാ സാമാവൃതിസ്ഥാനാം ശക്തീനാം സമയേന ച .
or together ?? അഥാസാമാവൃതിസ്ഥാനാം as അഥ അസാം
ആവൃത്തിസ്ഥാനാം ശക്തീനാം
നാമ്നാം സഹസ്രം വക്ഷ്യാമി ഗുരുധ്യാനപുരഃസരം .. 1..

നാഥാ നവ പ്രകാശാദ്യാഃ സുഭഗാന്താഃ പ്രകീർതിതാഃ .

ഭൂമ്യാദീനി ശിവാന്താനി വിദ്ധി തത്ത്വാനി നാരദ .. 2..

ഗുരുജന്മാദിപർവാണി ദർശാന്താനി ച സപ്ത വൈ .

ഏതാനി പ്രാങ്മനോവൃത്ത്യാ ചിന്തയേത്സാധകോത്തമഃ .. 3..

ഗുരുസ്തോത്രം ജപേച്ചാപി തദ്ഗതേനാന്തരാത്മനാ .

നമസ്തേ നാഥ ഭഗവഞ്ശിവായ ഗുരുരൂപിണേ .. 4..

വിദ്യാവതാരസംസിദ്ധ്യൈ സ്വീകൃതാനേകവിഗ്രഹ .
നവായ നവരൂപായ പരമാർഥൈകരൂപിണേ .. 5..

സർവാജ്ഞാനതമോഭേദഭാനവേ ചിദ്ഘനായ തേ .
സ്വതന്ത്രായ ദയാകൢപ്തവിഗ്രഹായ ശിവാത്മനേ .. 6..

പരതന്ത്രായ ഭക്താനാം ഭവ്യാനാം ഭവ്യരൂപിണേ .

വിവേകിനാം വിവേകായ വിമർശായ വിമർശിനാം .. 7..

പ്രകാശാനാം പ്രകാശായ ജ്ഞാനിനാം ജ്ഞാനരൂപിണേ .

പുരസ്താത്പാർശ്വയോഃ പൃഷ്ഠേ നമഃ കുര്യാമുപര്യധഃ .. 8..

സദാ മച്ചിത്തസദനേ വിധേഹി ഭവദാസനം .

ഇതി സ്തുത്വാ ഗുരും ഭക്ത്യാ പരാം ദേവീം വിചിന്തയേത് ..

9..

ഗണേശഗ്രഹനക്ഷത്രയോഗിനീരാശിരൂപിണീം .
ദേവീം മന്ത്രമയീം നൗമി മാതൃകാപീഠരൂപിണീം .. 10..

പ്രണമാമി മഹാദേവീം മാതൃകാം പരമേശ്വരീം .

കാലഹൃല്ലോഹലോല്ലോഹകലാനാശനകാരിണീം .. 11..

യദക്ഷരൈകമാത്രേഽപി സംസിദ്ധേ സ്പർദ്ധതേ നരഃ .

രവിതാക്ഷ്യേന്ദുകന്ദർപൈഃ ശങ്കരാനലവിഷ്ണുഭിഃ .. 12..

യദക്ഷരശശിജ്യോത്സ്നാമണ്ഡിതം ഭുവനത്രയം .
വന്ദേ സർവേശ്വരീം ദേവീം മഹാശ്രീസിദ്ധമാതൃകാം .. 13..

യദക്ഷരമഹാസൂത്രപ്രോതമേതജ്ജഗത്ത്രയം .
ബ്രഹ്മാണ്ഡാദികടാഹാന്തം താം വന്ദേ സിദ്ധമാതൃകാം .. 14..

യദേകാദശമാധാരം ബീജം കോണത്രയോദ്ഭവം .

ബ്രഹ്മാണ്ഡാദികടാഹാന്തം ജഗദദ്യാപി ദൃശ്യതേ .. 15..

അകചാദിടതോന്നദ്ധപയശാക്ഷരവർഗിണീം .
ജ്യേഷ്ഠാംഗബാഹുഹൃത്കണ്ഠകടിപാദനിവാസിനീം .. 16..

നൗമീകാരാക്ഷരോദ്ധാരാം സാരാത്സാരാം പരാത്പരാം .

പ്രണമാമി മഹാദേവീം പരമാനന്ദരൂപിണീം .. 17..

അഥാപി യസ്യാ ജാനന്തി ന മനാഗപി ദേവതാഃ .

കേയം കസ്മാത്ക്വ കേനേതി സരൂപാരൂപഭാവനാം .. 18..

വന്ദേ താമഹമക്ഷയ്യാം ക്ഷകാരാക്ഷരരൂപിണീം .

ദേവീം കുലകലോല്ലോലപ്രോല്ലസന്തീം ശിവാം പരാം .. 19..

വർഗാനുക്രമയോഗേന യസ്യാഖ്യോമാഷ്ടകം സ്ഥിതം .

വന്ദേ താമഷ്ടവർഗോത്ഥമഹാസിദ്ധ്യാദികേശ്വരീം .. 20..

കാമപൂർണജകാരാഖ്യസുപീഠാന്തർന്നിവാസിനീം .
ചതുരാജ്ഞാകോശഭൂതാം നൗമി ശ്രീത്രിപുരാമഹം .. 21..

ഏതത്സ്തോത്രം തു നിത്യാനാം യഃ പഠേത്സുസമാഹിതഃ .

പൂജാദൗ തസ്യ സർവാസ്താ വരദാഃ സ്യുർന സംശയഃ .. 22..

അഥ തേ കവചം ദേവ്യാ വക്ഷ്യേ നവരതാത്മകം .

യേന ദേവാസുരനരജയീ സ്യാത്സാധകഃ സദാ .. 23..
സർവതഃ സർവദാഽഽത്മാനം ലലിതാ പാതു സർവഗാ .
കാമേശീ പുരതഃ പാതു ഭഗമാലീ ത്വനന്തരം .. 24..

ദിശം പാതു തഥാ ദക്ഷപാർശ്വം മേ പാതു സർവദാ .

നിത്യക്ലിന്നാഥ ഭേരുണ്ഡാ ദിശം മേ പാതു കൗണപീം .. 25..

തഥൈവ പശ്ചിമം ഭാഗം രക്ഷതാദ്വഹ്നിവാസിനീ .

മഹാവജ്രേശ്വരീ നിത്യാ വായവ്യേ മാം സദാവതു .. 26..

വാമപാർശ്വം സദാ പാതു ഇതീമേലരിതാ തതഃ .

മാഹേശ്വരീ ദിശം പാതു ത്വരിതം സിദ്ധദായിനീ .. 27..

പാതു മാമൂർധ്വതഃ ശശ്വദ്ദേവതാ കുലസുന്ദരീ .

അധോ നീലപതാകാഖ്യാ വിജയാ സർവതശ്ച മാം .. 28..

കരോതു മേ മംഗലാനി സർവദാ സർവമംഗലാ .

ദേഹേന്ദ്രിയമനഃപ്രാണാഞ്ജ്വാലാമാലിനിവിഗ്രഹാ .. 29..

പാലയത്വനിശം ചിത്താ ചിത്തം മേ സർവദാവതു .

കാമാത്ക്രോധാത്തഥാ ലോഭാന്മോഹാന്മാനാന്മദാദപി .. 30..

പാപാന്മാം സർവതഃ ശോകാത്സങ്ക്ഷയാത്സർവതഃ സദാ .

അസത്യാത്ക്രൂരചിന്താതോ ഹിംസാതശ്ചൗരതസ്തഥാ .
സ്തൈമിത്യാച്ച സദാ പാന്തു പ്രേരയന്ത്യഃ ശുഭം പ്രതി .. 31..
നിത്യാഃ ഷോഡശ മാം പാന്തു ഗജാരൂഢാഃ സ്വശക്തിഭിഃ .
തഥാ ഹയസമാരൂഢാഃ പാന്തു മാം സർവതഃ സദാ .. 32..

സിംഹാരൂഢാസ്തഥാ പാന്തു പാന്തു ഋക്ഷഗതാ അപി .

രഥാരൂഢാശ്ച മാം പാന്തു സർവതഃ സർവദാ രണേ .. 33..

താർക്ഷ്യാരൂഢാശ്ച മാം പാന്തു തഥാ വ്യോമഗതാശ്ച താഃ .

ഭൂതഗാഃ സർവഗാഃ പാന്തു പാന്തു ദേവ്യശ്ച സർവദാ .. 34..

ഭൂതപ്രേതപിശാചാശ്ച പരകൃത്യാദികാൻ ഗദാൻ .

ദ്രാവയന്തു സ്വശക്തീനാം ഭൂഷണൈരായുധൈർമമ .. 35..

ഗജാശ്വദ്വീപിപഞ്ചാസ്യതാർക്ഷ്യാരൂഢാഖിലായുധാഃ .
അസംഖ്യാഃ ശക്തയോ ദേവ്യഃ പാന്തു മാം സർവതഃ സദാ ..

36..

സായം പ്രാതർജപന്നിത്യാകവചം സർവരക്ഷകം .

കദാചിന്നാശുഭം പശ്യേത്സർവദാനന്ദമാസ്ഥിതഃ .. 37..

ഇത്യേതത്കവചം പ്രോക്തം ലലിതായാഃ ശുഭാവഹം .

യസ്യ സന്ധാരണാന്മർത്യോ നിർഭയോ വിജയീ സുഖീ .. 38..

അഥ നാമ്നാം സഹസ്രം തേ വക്ഷ്യേ സാവരണാർചനം .

ഷോഡശാനാമപി മുനേ സ്വസ്വക്രമഗതാത്മകം .. 39..
ഓം ലലിതാ ചാപി വാ കാമേശ്വരീ ച ഭഗമാലിനീ .
നിത്യക്ലിന്നാ ച ഭേരുണ്ഡാ കീർതിതാ വഹ്നിവാസിനീ .. 40..

വജ്രേശ്വരീ തഥാ ദൂതീ ത്വരിതാ കുലസുന്ദരീ .

നിത്യാ സംവിത്തഥാ നീലപതാകാ വിജയാഹ്വയാ .. 41..

സർവമംഗലികാ ചാപി ജ്വാലാമാലിനിസഞ്ജ്ഞിതാ .

ചിത്രാ ചേതി ക്രമാന്നിത്യാഃ ഷോഡശാപീഷ്ടവിഗ്രഹാഃ .. 42..

കുരുകുല്ലാ ച വാരാഹീ ദ്വേ ഏതേ ചേഷ്ടവിഗ്രഹേ .

വശിനീ ചാപി കാമേശീ മോഹിനീ വിമലാരുണാ .. 43..

തപിനീ ച തഥാ സർവേശ്വരീചാപ്യഥ കൗലിനീ .

മുദ്രാണന്തനുരിഷ്വർണരൂപാ ചാപാർണവിഗ്രഹാ .. 44..

പാശവർണശരീരാ ചാകുർവർണസുവപുർദ്ധരാ .
ത്രിഖണ്ഡാ സ്ഥാപനീ സന്നിരോധനീ ചാവഗുണ്ഠനീ .. 45..

സന്നിധാനേഷു ചാപാഖ്യാ തഥാ പാശാങ്കുശാഭിധാ .

നമസ്കൃതിസ്തഥാ സങ്ക്ഷോഭണീ വിദ്രാവണീ തഥാ .. 46..

ആകർഷണീ ച വിഖ്യാതാ തഥൈവാവേശകാരിണീ .

ഉന്മാദിനീ മഹാപൂർവാ കുശാഥോ ഖേചരീ മതാ .. 47..
ബീജാ ശക്ത്യുത്ഥാപനാ ച സ്ഥൂലസൂക്ഷ്മപരാഭിധാ .
അണിമാ ലഘിമാ ചൈവ മഹിമാ ഗരിമാ തഥാ .. 48..

പ്രാപ്തിഃ പ്രകാമിതാ ചാപി ചേശിതാ വശിതാ തഥാ .

ഭുക്തിഃ സിദ്ധിസ്തഥൈവേച്ഛാ സിദ്ധിരൂപാ ച കീർതിതാ .. 49..

ബ്രാഹ്മീ മാഹേശ്വരീ ചൈവ കൗമാരീ വൈഷ്ണവീ തഥാ .

വാരാഹീന്ദ്രാണീ ചാമുണ്ഡാ മഹാലക്ഷ്മീസ്വരൂപിണീ .. 50..

കാമാ ബുദ്ധിരഹങ്കാരശബ്ദസ്പർശസ്വരൂപിണീ .
രൂപരൂപാ രസാഹ്വാ ച ഗന്ധവിത്തധൃതിസ്തഥാ .. 51..

നാഭബീജാമൃതാഖ്യാ ച സ്മൃതിദേഹാത്മരൂപിണീ .
കുസുമാ മേഖലാ ചാപി മദനാ മദനാതുരാ .. 52..

രേഖാ സംവേഗിനീ ചൈവ ഹ്യങ്കുശാ മാലിനീതി ച .

സങ്ക്ഷോഭിണീ തഥാ വിദ്രാവിണ്യാകർഷണരൂപിണീ .. 53..

ആഹ്ലാദിനീതി ച പ്രോക്താ തഥാ സമ്മോഹിനീതി ച .

സ്തംഭിനീ ജംഭിനീ ചൈവ വശങ്കര്യഥ രഞ്ജിനീ .. 54..

ഉന്മാദിനീ തഥൈവാർഥസാധിനീതി പ്രകീർതിതാ .

സമ്പത്തിപൂർണാ സാ മന്ത്രമയീ ദ്വന്ദ്വക്ഷയങ്കരീ .. 55..

സിദ്ധിഃ സമ്പത്പ്രദാ ചൈവ പ്രിയമംഗലകാരിണീ .

കാമപ്രദാ നിഗദിതാ തഥാ ദുഃഖവിമോചിനീ .. 56..

മൃത്യുപ്രശമനീ ചൈവ തഥാ വിഘ്നനിവാരിണീ .

അംഗസുന്ദരികാ ചൈവ തഥാ സൗഭാഗ്യദായിനീ .. 57..

ജ്ഞാനൈശ്വര്യപ്രദാ ജ്ഞാനമയീ ചൈവ ച പഞ്ചമീ .

വിന്ധ്യവാസനകാ ഘോരസ്വരൂപാ പാപഹാരിണീ .. 58..

തഥാനന്ദമയീ രക്ഷാരൂപേപ്സിതഫലപ്രദാ .
ജയിനീ വിമലാ ചാഥ കാമേശീ വജ്രിണീ ഭഗാ .. 59..

ത്രൈലോക്യമോഹനാ സ്ഥാനാ സർവാശാപരിപൂരണീ .

സർവസങ്ക്ഷോഭണഗതാ സൗഭാഗ്യപ്രദസംസ്ഥിതാ .. 60..

സവാർഥസാധകാഗാരാ സർവരോഗഹരാസ്ഥിതാ .
സർവരക്ഷാകരാസ്ഥാനാ സർവസിദ്ധിപ്രദസ്ഥിതാ .. 61..

സർവാനന്ദമയാധാരബിന്ദുസ്ഥാനശിവാത്മികാ .
പ്രകൃഷ്ടാ ച തഥാ ഗുപ്താ ജ്ഞേയാ ഗുപ്തതരാപി ച .. 62..

സമ്പ്രദായസ്വരൂപാ ച കുലകൗലനിഗർഭഗാ .
രഹസ്യാപരാപരപ്രാകൃത്തഥൈവാതിരഹസ്യകാ .. 63..

ത്രിപുരാ ത്രിപുരേശീ ച തഥൈവ പുരവാസിനീ .

ശ്രീമാലിനീ ച സിദ്ധാന്താ മഹാത്രിപുരസുന്ദരീ .. 64..
നവരത്നമയദ്വീപനവഖണ്ഡവിരാജിതാ .
കല്പകോദ്യാനസംസ്ഥാ ച ഋതുരൂപേന്ദ്രിയാർചകാ .. 65..

കാലമുദ്രാ മാതൃകാഖ്യാ രത്നദേശോപദേശികാ .

തത്ത്വാഗ്രഹാഭിധാ മൂർതിസ്തഥൈവ വിഷയദ്വിപാ .. 66..

ദേശകാലാകാരശബ്ദരൂപാ സംഗീതയോഗിനീ .
സമസ്തഗുപ്തപ്രകടസിദ്ധയോഗിനിചക്രയുക് .. 67..

വഹ്നിസൂര്യേന്ദുഭൂതാഹ്വാ തഥാത്മാഷ്ടാക്ഷരാഹ്വയാ .
പഞ്ചധാർചാസ്വരൂപാ ച നാനാവ്രതസമാഹ്വയാ .. 68..

നിഷിദ്ധാചാരരഹിതാ സിദ്ധചിഹ്നസ്വരൂപിണീ .
ചതുർദ്ധാ കൂർമഭാഗസ്ഥാ നിത്യാദ്യർചാസ്വരൂപിണീ .. 69..

ദമനാദിസമഭ്യർചാ ഷട്കർമസിദ്ധിദായിനീ .
തിഥിവാരപൃഥഗ്ദ്രവ്യസമർചനശുഭാവഹാ .. 70..

വായോശ്യനംഗകുസുമാ തഥൈവാനംഗമേഖലാ .
അനംഗമദനാനംഗമദനാതുരസാഹ്വയാ .. 71..

മദദേഗിനികാ ചൈവ തഥാ ഭുവനപാലിനീ .

ശശിലേഖാ സമുദ്ദിഷ്ടാ ഗതിലേഖാഹ്വയാ മതാ .. 72..
ശ്രദ്ധാ പ്രീതീ രതിശ്ചൈവ ധൃതിഃ കാന്തിർമനോരമാ .
മനോഹരാ സമാഖ്യാതാ തഥൈവ ഹി മനോരഥാ .. 73..

മദനോന്മാദിനീ ചൈവ മോദിനീ ശംഖിനീ തഥാ .

ശോഷിണീ ചൈവ ശങ്കാരീ സിഞ്ജിനീ സുഭഗാ തഥാ .. 74..

പൂഷാചേദ്വാസുമനസാ രതിഃ പ്രീതിർധൃതിസ്തഥാ .

ഋദ്ധിഃ സൗമ്യാ മരീചിശ്ച തഥൈവ ഹ്യംശുമാലിനീ .. 75..

ശശിനീ ചാംഗിരാ ഛായാ തഥാ സമ്പൂർണമണ്ഡലാ .

തുഷ്ടിസ്തഥാമൃതാഖ്യാ ച ഡാകിനീ സാഥ ലോകപാ .. 76..

ബടുകേഭാസ്വരൂപാ ച ദുർഗാ ക്ഷേത്രേശരൂപിണീ .

കാമരാജസ്വരൂപാ ച തഥാ മന്മഥരൂപിണീ .. 77..

കന്ദർപ്പരൂപിണീ ചൈവ തഥാ മകരകേതനാ .

മനോഭവസ്വരൂപാ ച ഭാരതീ വർണരൂപിണീ .. 78..

മദനാ മോഹിനീ ലീലാ ജംഭിനീ ചോദ്യമാ ശുഭാ .

ഹ്ലാദിനീ ദ്രാവിണീ പ്രീതീ രതീ രക്താ മനോരമാ .. 79..

സർവോന്മാദാ സർവമുഖാ ഹ്യഭംഗാ ചാമിതോദ്യമാ .

അനല്പാവ്യക്തവിഭവാ വിവിധാക്ഷോഭവിഗ്രഹാ .. 80..

രാഗശക്തിർദ്വേഷശക്തിസ്തഥാ ശബ്ദാദിരൂപിണീ .
നിത്യാ നിരഞ്ജനാ ക്ലിന്നാ ക്ലേദിനീ മദനാതുരാ .. 81..

മദദ്രവാ ദ്രാവിണീ ച ദ്രവിണീ ചേതി കീർതിതാ .

മദാവിലാ മംഗലാ ച മന്മഥാനീ മനസ്വിനീ .. 82..

മോഹാ മോദാ മാനമയീ മായാ മന്ദാ മിതാവതീ .

വിജയാ വിമലാ ചൈവ ശുഭാ വിശ്വാ തഥൈവ ച .. 83..

വിഭൂതിർവിനതാ ചൈവ വിവിധാ വിനതാ ക്രമാത് .

കമലാ കാമിനീ ചൈവ കിരാതാ കീർതിരൂപിണീ .. 84..

കുട്ടിനീ ച സമുദ്ദിഷ്ടാ തഥൈവ കുലസുന്ദരീ .

കല്യാണീ കാലകോലാ ച ഡാകിനീ ശാകിനീ തഥാ .. 85..

ലാകിനീ കാകിനീ ചൈവ രാകിനീ കാകിനീ തഥാ .

ഇച്ഛാജ്ഞാനാ ക്രിയാഖ്യാ ചാപ്യായുധാഷ്ടകധാരിണീ .. 86..

കപർദിനീ സമുദ്ദിഷ്ടാ തഥൈവ കുലസുന്ദരീ .

ജ്വാലിനീ വിസ്ഫുലിംഗാ ച മംഗലാ സുമനോഹരാ .. 87..

കനകാ കിനവാ വിദ്യാ വിവിധാ ച പ്രകീർതിതാ .

മേഷാ വൃഷാഹ്വയാ ചൈവ മിഥുനാ കർകടാ തഥാ .. 88..

സിംഹാ കന്യാ തുലാ കീടാ ചാപാ ച മകരാ തഥാ .

കുംഭാ മീനാ ച സാരാ ച സർവഭക്ഷാ തഥൈവ ച .. 89..
വിശ്വാത്മാ വിവിധോദ്ഭൂതചിത്രരൂപാ ച കീർതിതാ .
നിഃസപത്നാ നിരാതങ്കാ യാചനാചിന്ത്യവൈഭവാ .. 90..

രക്താ ചൈവ തതഃ പ്രോക്താ വിദ്യാപ്രാപ്തിസ്വരൂപിണീ .

ഹൃല്ലേഖാ ക്ലേദിനീ ക്ലിന്നാ ക്ഷോഭിണീ മദനാതുരാ .. 91..

നിരഞ്ജനാ രാഗവതീ തഥൈവ മദനാവതീ .

മേഖലാ ദ്രാവിണീ വേഗവതീ ചൈവ പ്രകീർതിതാ .. 92..

കമലാ കാമിനീ കല്പാ കലാ ച കലിതാദ്ഭുതാ .

കിരാതാ ച തഥാ കാലാ കദനാ കൗശികാ തഥാ .. 93..

കംബുവാദനികാ ചൈവ കാതരാ കപടാ തഥാ .

കീർതിശ്ചാപി കുമാരീ ച കുങ്കുമാ പരികീർതിതാ .. 94..

ഭഞ്ജിനീ വേഗിനീ നാഗാ ചപലാ പേശലാ സതീ .

രതിഃ ശ്രദ്ധാ ഭോഗലോലാ മദോന്മത്താ മനസ്വിനീ .. 95..

വിഹ്വലാ കർഷിണീ ലോലാ തഥാ മദനമാലിനീ .

വിനോദാ കൗതുകാ പുണ്യാ പുരാണാ പരികീർതിതാ .. 96..

വാഗീശീ വരദാ വിശ്വാ വിഭവാ വിഘ്നകാരിണീ .

ബീജവിഘ്നഹരാ വിദ്യാ സുമുഖീ സുന്ദരീ തഥാ .. 97..
സാരാ ച സുമനാ ചൈവ തഥാ പ്രോക്താ സരസ്വതീ .
സമയാ സർവഗാ വിദ്ധാ ശിവാ വാണീ ച കീർതിതാ .. 98..

ദൂരസിദ്ധാ തഥാ പ്രോക്താഥോ വിഗ്രഹവതീ മതാ .

നാദാ മനോന്മനീ പ്രാണപ്രതിഷ്ഠാരുണവൈഭവാ .. 99..

പ്രാണാപാനാ സമാനാ ച വ്യാനോദാനാ ച കീർതിതാ .

നാഗാ കൂർമാ ച കൃകലാ ദേവദത്താ ധനഞ്ജയാ .. 100..

ഫട്കാരീ കിങ്കരാരാധ്യാ ജയാ ച വിജയാ തഥാ .

ഹുങ്കാരീ ഖേചരീ ചണ്ഡം ഛേദിനീ ക്ഷപിണീ തഥാ .. 101..

സ്ത്രീഹുങ്കാരീ ക്ഷേമകാരീ ചതുരക്ഷരരൂപിണീ .

ശ്രീവിദ്യാമതവർണാംഗീ കാലീ യാമ്യാ നൃപാർണകാ .. 102..

ഭാഷാ സരസ്വതീ വാണീ സംസ്കൃതാ പ്രാകൃതാ പരാ .

ബഹുരൂപാ ചിത്തരൂപാ രമ്യാനന്ദാ ച കൗതുകാ .. 103..

ത്രയാഖ്യാ പരമാത്മാഖ്യാപ്യമേയവിഭവാ തഥാ .

വാക്സ്വരൂപാ ബിന്ദുസർഗരൂപാ വിശ്വാത്മികാ തഥാ .. 104..

തഥാ ത്രൈപുരകന്ദാഖ്യാ ജ്ഞാത്രാദിത്രിവിധാത്മികാ .

ആയുർലക്ഷ്മീകീർതിഭോഗസൗന്ദര്യാരോഗ്യദായികാ .. 105..

ഐഹികാമുഷ്മികജ്ഞാനമയീ ച പരികീർതിതാ .
ജീവാഖ്യാ വിജയാഖ്യാ ച തഥൈവ വിശ്വവിന്മയീ .. 106..

ഹൃദാദിവിദ്യാ രൂപാദിഭാനുരൂപാ ജഗദ്വപുഃ .

വിശ്വമോഹനികാ ചൈവ ത്രിപുരാമൃതസഞ്ജ്ഞികാ .. 107..

സർവാപ്യായനരൂപാ ച മോഹിനീ ക്ഷോഭണീ തഥാ .

ക്ലേദിനീ ച സമാഖ്യാതാ തഥൈവ ച മഹോദയാ .. 108..

സമ്പത്കരീ ഹലക്ഷാർണാ സീമാമാതൃതനൂ രതിഃ .

പ്രീതിർമനോഭവാ വാപി പ്രോക്താ വാരാധിപാ തഥാ .. 109..

ത്രികൂടാ ചാപി ഷട്കൂടാ പഞ്ചകൂടാ വിശുദ്ധഗാ .

അനാഹതഗതാ ചൈവ മണിപൂരകസംസ്ഥിതാ .. 110..

സ്വാധിഷ്ഠാനസമാസീനാധാരസ്ഥാജ്ഞാസമാസ്ഥിതാ .
ഷട്ത്രിംശത്കൂടരൂപാ ച പഞ്ചാശന്മിഥുനാത്മികാ .. 111..

പാദുകാദികസിദ്ധീശാ തഥാ വിജയദായിനീ .

കാമരൂപപ്രദാ വേതാലരൂപാ ച പിശാചികാ .. 112..

വിചിത്രാ വിഭ്രമാ ഹംസീ ഭീഷണീ ജനരഞ്ജികാ .

വിശാലാ മദനാ തുഷ്ടാ കാലകണ്ഠീ മഹാഭയാ .. 113..

മാഹേന്ദ്രീ ശംഖിനീ ചൈന്ദ്രീ മംഗലാ വടവാസിനീ .

മേഖലാ സകലാ ലക്ഷ്മീർമാലിനീ വിശ്വനായികാ .. 114..
സുലോചനാ സുശോഭാ ച കാമദാ ച വിലാസിനീ .
കാമേശ്വരീ നന്ദിനീ ച സ്വർണരേഖാ മനോഹരാ .. 115..

പ്രമോദാ രാഗിണീ സിദ്ധാ പദ്മിനീ ച രതിപ്രിയാ .

കല്യാണദാ കലാദക്ഷാ തതശ്ച സുരസുന്ദരീ .. 116..

വിഭ്രമാ വാഹകാ വീരാ വികലാ കോരകാ കവിഃ .

സിംഹനാദാ മഹാനാദാ സുഗ്രീവാ മർകടാ ശഠാ .. 117..

ബിഡാലാക്ഷാ ബിഡാലാസ്യാ കുമാരീ ഖേചരീ ഭവാ .

മയൂരാ മംഗലാ ഭീമാ ദ്വിപവക്ത്രാ ഖരാനനാ .. 118..

മാതംഗീ ച നിശാചാരാ വൃഷഗ്രാഹാ വൃകാനനാ .

സൈരിഭാസ്യാ ഗജമുഖാ പശുവക്ത്രാ മൃഗാനനാ .. 119..

ക്ഷോഭകാ മണിഭദ്രാ ച ക്രീഡകാ സിംഹചക്രകാ .

മഹോദരാ സ്ഥൂലശിഖാ വികൃതാസ്യാ വരാനനാ .. 120..

ചപലാ കുക്കുടാസ്യാ ച പാവിനീ മദനാലസാ .

മനോഹരാ ദീർഘജംഘാ സ്ഥൂലദന്താ ദശാനനാ .. 121..

സുമുഖാ പണ്ഡിതാ ക്രുദ്ധാ വരാഹാസ്യാ സടാമുഖാ .

കപടാ കൗതുകാ കാലാ കിങ്കരാ കിതവാ ഖലാ .. 122..
ഭക്ഷകാ ഭയദാ സിദ്ധാ സർവഗാ ച പ്രകീർതിതാ .
ജയാ ച വിജയാ ദുർഗാ ഭദ്രാ ഭദ്രകരീ തഥാ .. 123..

അംബികാ വാമദേവീ ച മഹാമായാസ്വരൂപിണീ .

വിദാരികാ വിശ്വമയീ വിശ്വാ വിശ്വവിഭഞ്ജിതാ .. 124..

വീരാ വിക്ഷോഭിണീ വിദ്യാ വിനോദാ ബീജവിഗ്രഹാ .

വീതശോകാ വിഷഗ്രീവാ വിപുലാ വിജയപ്രദാ .. 125..

വിഭവാ വിവിധാ വിപ്രാ തഥൈവ പരികീർതിതാ .

മനോഹരാ മംഗലാ ച മദോത്സിക്താ മനസ്വിനീ .. 126..

മാനിനീ മധുരാ മായാ മോഹിനീ ച തഥാ സ്മൃതാ .

ഭദ്രാ ഭവാനീ ഭവ്യാ ച വിശാലാക്ഷീ ശുചിസ്മിതാ .. 127..

കകുഭാ കമലാ കല്പാ കലാഥോ പൂരണീ തഥാ .

നിത്യാ ചാപ്യമൃതാ ചൈവ ജീവിതാ ച തഥാ ദയാ .. 128..

അശോകാ ഹ്യമലാ പൂർണാ പൂർണാ ഭാഗ്യോദ്യതാ തഥാ .

വിവേകാ വിഭവാ വിശ്വാ വിതതാ ച പ്രകീർതിതാ .. 129..

കാമിനീ ഖേചരീ ഗർവാ പുരാണാ പരമേശ്വരീ .

ഗൗരീ ശിവാ ഹ്യമേയാ ച വിമലാ വിജയാ പരാ .. 130..

പവിത്രാ പദ്മിനീ വിദ്യാ വിശ്വേശീ ശിവവല്ലഭാ .

അശേഷരൂപാ ഹ്യാനന്ദാംബുജാക്ഷീ ചാപ്യനിന്ദിതാ .. 131..

വരദാ വാക്യദാ വാണീ വിവിധാ വേദവിഗ്രഹാ .

വിദ്യാ വാഗീശ്വരീ സത്യാ സംയതാ ച സരസ്വതീ .. 132..

നിർമലാനന്ദരൂപാ ച ഹ്യമൃതാ മാനദാ തഥാ .

പൂഷാ ചൈവ തഥാ പുഷ്ടിസ്തുഷ്ടിശ്ചാപി രതിർധൃതിഃ .. 133..

ശശിനീ ചന്ദ്രികാ കാന്തിർജ്യോത്സ്നാ ശ്രീഃ പ്രീതിരംഗദാ .

പൂർണാ പൂർണാമൃതാ കാമദായിനീന്ദുകലാത്മികാ .. 134..

തപിനീ താപിനീ ധൂമ്രാ മരീചിർജ്വാലിനീ രുചിഃ .

സുഷുമ്ണാ ഭോഗദാ വിശ്വാ ബാധിനീ ധാരിണീ ക്ഷമാ .. 135..

ധൂമ്രാർചിരൂഷ്മാ ജ്വലിനീ ജ്വാലിനീ വിസ്ഫുലിംഗിനീ .

സുശ്രീഃ സ്വരൂപാ കപിലാ ഹവ്യകവ്യവഹാ തഥാ .. 136..

ഘസ്മരാ വിശ്വകവലാ ലോലാക്ഷീ ലോലജിഹ്വികാ .

സർവഭക്ഷാ സഹസ്രാക്ഷീ നിഃസംഗാ ച ഗതിപ്രിയാ .. 137..

അചിന്ത്യാ ചാപ്രമേയാ ച പൂർണരൂപാ ദുരാസദാ .

സർവാ സംസിദ്ധിരൂപാ ച പാവനീത്യേകരൂപിണീ .. 138..

തഥാ യാമലവേധാഖ്യാ ശാക്തേ വേദസ്വരൂപിണീ .

തഥാ ശാംഭവവേധാ ച ഭാവനാസിദ്ധിസൂചിനീ .. 139..
വഹ്നിരൂപാ തഥാ ദസ്രാ ഹ്യമാവിധ്നാ ഭുജംഗമാ .
ഷണ്മുഖാ രവിരൂപാ ച മാതാ ദുർഗാ ദിശാ തഥാ .. 140..

ധനദാ കേശവാ ചാപി യമീ ചൈവ ഹരാ ശശാ .

അശ്വിനീ ച യമീ വഹ്നിരൂപാ ധാത്രീതി കീർതിതാ .. 141..

ചന്ദ്രാ ശിവാദിതിർജീവാ സർപിണീ പിതൃരൂപിണീ .

അര്യമ്ണാ ച ഭഗാ സൂര്യാ ത്വാഷ്ട്രിമാരുതിസഞ്ജ്ഞികാ ..

142..

ഇന്ദ്രാഗ്നിരൂപാ മിത്രാ ചാപീന്ദ്രാണീ നിരൃതിർജലാ .

വൈശ്വദേവീ ഹരിതഭൂർവാസവീ വരുണാ ജയാ .. 143..

അഹിർബുധ്ന്യാ പൂഷണീ ച തഥാ കാരസ്കരാമലാ .

ഉദുംബരാ ജംബുകാ ച ഖദിരാ കൃഷ്ണരൂപിണീ .. 144..

വംശാ ച പിപ്പലാ നാഗാ രോഹിണാ ച പലാശകാ .

പക്ഷകാ ച തഥാംബഷ്ഠാ ബില്വാ ചാർജുനരൂപിണീ .. 145..

വികങ്കതാ ച കകുഭാ സരലാ ചാപി സർജികാ .

ബഞ്ജുലാ പനസാർകാ ച ശമീ ഹലിപ്രിയാമ്രകാ .. 146..

നിംബാ മധൂകസഞ്ജ്ഞാ ചാപ്യശ്വത്ഥാ ച ഗജാഹ്വയാ .

നാഗിനീ സർപിണീ ചൈവ ശുനീ ചാപി ബിഡാലികീ .. 147..
ഛാഗീ മാർജാരികാ മൂഷീ വൃഷഭാ മാഹിഷീ തഥാ .
ശാർദൂലീ സൈരിഭീ വ്യാഘ്രീ ഹരിണീ ച മൃഗീ ശുനീ .. 148..

കപിരൂപാ ച ഗോഘണ്ടാ വാനരീ ച നരാശ്വിനീ .

നഗാ ഗൗർഹസ്തിനീ ചേതി തഥാ ഷട്ചക്രവാസിനീ .. 149..

ത്രിഖണ്ഡാ തീരപാലാഖ്യാ ഭ്രാമണീ ദ്രവിണീ തഥാ .

സോമാ സൂര്യാ തിഥിർവാരാ യോഗാർക്ഷാ കരണാത്മികാ ..

150..

യക്ഷിണീ താരണാ വ്യോമശബ്ദാദ്യാ പ്രാണിനീ ച ധീഃ .

ക്രോധിനീ സ്തംഭിനീ ചണ്ഡോച്ചണ്ഡാ ബ്രാഹ്മ്യാദിരൂപിണീ ..

151..

സിംഹസ്ഥാ വ്യാഘ്രഗാ ചൈവ ഗജാശ്വഗരുഡസ്ഥിതാ .

ഭൗമാപ്യാ തൈജസീ വായുരൂപിണീ നാഭസാ തഥാ .. 152..

ഏകവക്ത്രാ ചതുർവക്ത്രാ നവവക്ത്രാ കലാനനാ .

പഞ്ചവിംശതിവക്ത്രാ ച ഷഡ്വിംശദ്വദനാ തഥാ .. 153..

ഊനപഞ്ചാശദാസ്യാ ച ചതുഃഷഷ്ടിമുഖാ തഥാ .

ഏകാശീതിമുഖാ ചൈവ ശതാനനസമന്വിതാ .. 154..

സ്ഥൂലരൂപാ സൂക്ഷ്മരൂപാ തേജോവിഗ്രഹധാരിണീ .

വൃണാവൃത്തിസ്വരൂപാ ച നാഥാവൃത്തിസ്വരൂപിണീ .. 155..

തത്ത്വാവൃത്തിസ്വരൂപാപി നിത്യാവൃത്തിവപുർദ്ധരാ .. 156..

അംഗാവൃത്തിസ്വരൂപാ ചാപ്യായുധാവൃത്തിരൂപിണീ .
ഗുരുപങ്ക്തിസ്വരൂപാ ച വിദ്യാവൃത്തിതനുസ്തഥാ .. 157..

ബ്രഹ്മാദ്യാവൃത്തിരൂപാ ച പരാ പശ്യന്തികാ തഥാ .

മധ്യമാ വൈഖരീ ശീർഷകണ്ഠതാല്വോഷ്ഠദന്തഗാ .. 158..

ജിഹ്വാമൂലഗതാ നാസാഗതോരഃസ്ഥലഗാമിനീ .
പദവാക്യസ്വരൂപാ ച വേദഭാഷാസ്വരൂപിണീ .. 159..

സേകാഖ്യാ വീക്ഷണാഖ്യാ ചോപദേശാഖ്യാ തഥൈവ ച .

വ്യാകുലാക്ഷരസങ്കേതാ ഗായത്രീ പ്രണവാദികാ .. 160..

ജപഹോമാർചനധ്യാനയന്ത്രതർപണരൂപിണീ .
സിദ്ധസാരസ്വതാ മൃത്യുഞ്ജയാ ച ത്രിപുരാ തഥാ .. 161..

ഗാരുഡാ ചാന്നപൂർണാ ചാപ്യശ്വാരൂഢാ നവാത്മികാ .

ഗൗരീ ച ദേവീ ഹൃദയാ ലക്ഷദാ ച മതംഗിനീ .. 162..

നിഷ്കത്രയപദാ ചേഷ്ടാവാദിനീ ച പ്രകീർതിതാ .

രാജലക്ഷ്മീർമഹാലക്ഷ്മീഃ സിദ്ധലക്ഷ്മീർഗവാനനാ .. 163..
ഇത്യേവം ലലിതാദേവ്യാ ദിവ്യം നാമസഹസ്രകം .
സർവാർഥസിദ്ധിദം പ്രോക്തം ചതുർവർഗഫലപ്രദം .. 164..

ഏതന്നിത്യമുഷഃകാലേ യോ ജപേച്ഛുദ്ധമാനസഃ .
സ യോഗീ ബ്രഹ്മവിജ്ജ്ഞാനീ ശിവയോഗീ തഥാഽഽത്മവിത് ..

165..

ദ്വിരാവൃത്ത്യാ പ്രജപതോ ഹ്യായുരാരോഗ്യസമ്പദഃ .

ലോകാനുരഞ്ജനം നാരീനൃപാവർജനകർമ ച .. 166..

അപൃഥക്ത്വേന സിദ്ധ്യന്തി സാധകസ്യാസ്യ നിശ്ചിതം .

ത്രിരാവൃത്ത്യാസ്യ വൈ പുംസോ വിശ്വം ഭൂയാദ്വശേഽഖിലം ..

167..

ചതുരാവൃത്തിതശ്ചാസ്യ സമീഹിതമനാരതം .
ഫലത്യേവ പ്രയോഗാർഹോ ലോകരക്ഷാകരോ ഭവേത് .. 168..

പഞ്ചാവൃത്ത്യാ നരാ നാര്യോ നൃപാ ദേവാശ്ച ജന്തവഃ .

ഭജന്ത്യേനം സാധകം ച ദേവ്യാമാഹിതചേതസഃ .. 169..

ഷഡാവൃത്ത്യാ തന്മയഃ സ്യാത്സാധകശ്ചാസ്യ സിദ്ധയഃ .

അചിരേണൈവ ദേവീനാം പ്രസാദാത്സംഭവന്തി ച .. 170..

സപ്താവൃത്ത്യാരിരോഗാദികൃത്യാപസ്മാരനാശനം .
അഷ്ടാവൃത്ത്യാ നരോ ഭൂപാന്നിഗ്രഹാനുഗ്രഹക്ഷമഃ .. 171..
നവാവൃത്ത്യാ മന്മഥാഭോ വിക്ഷോഭയതി ഭൂതലം .
ദശാവൃത്ത്യാ പഠേന്നിത്യം വാഗ്ലക്ഷ്മീകാന്തിസിദ്ധയേ .. 172..

രുദ്രാ വൃത്ത്യാഖിലർദ്ധിശ്ച തദായത്തം ജഗദ്ഭവേത് .

അർകാവൃത്ത്യാ സിദ്ധിഭിഃ സ്യാദ്ദിഗ്ഭിർമർത്യോ ഹരോപമഃ ..

173..

വിശ്വാവൃത്ത്യാ തു വിജയീ സർവതഃ സ്യാത്സുഖീ നരഃ .

ശക്രാവൃത്ത്യാഖിലേഷ്ടാപ്തിഃ സർവതോ മംഗലം ഭവേത് ..

174..

തിഥ്യാവൃത്ത്യാഖിലാനിഷ്ടാനയത്നാദാപ്നുയാന്നരഃ .
ഷോഡശാവൃത്തിതോ ഭൂയാന്നരഃ സാക്ഷാന്മഹേശ്വരഃ .. 175..

വിശ്വം സ്രഷ്ടും പാലയിതും സംഹർതും ച ക്ഷമോ ഭവേത് .

മണ്ഡലം മാസമാത്രം വാ യോ ജപേദ്യദ്യദാശയഃ .. 176..

തത്തദേവാപ്നുയാത്സത്യം ശിവസ്യ വചനം യഥാ .

ഇത്യേതത്കഥിതം വിപ്ര നിത്യാവൃത്ത്യർചനാശ്രിതം .. 177..

നാമ്നാം സഹസ്രം മനസോഽഭീഷ്ടസമ്പാദനക്ഷമം .. 178..

.. ഇതി ശ്രീബൃഹന്നാരദീയപുരാണേ പൂർവഭാഗേ തൃതീയപാദേ

ബൃഹദുപാഖ്യാനേ സകവച ശ്രീലലിതാസഹസ്രനാമസ്തോത്രം
സമ്പൂർണം .. 89.

ശ്രീലലിതാസഹസ്രനാമസ്തോത്രം ശിവകൃതം

ശ്രീമഹാദേവ ഉവാച -
ഹരനേത്രസമുദ്ഭൂതഃ സ വഹ്നിർന മഹേശ്വരം .
പുനർഗന്തും ശശാകാഥ കദാചിദപി നാരദ .. 1..

ബഭൂവ വഡവാരൂപസ്താപയാമാസ മേദിനീം .

തതോ ബ്രഹ്മാ സമാഗത്യ വഡവാരൂപിണം ച തം .. 2..

നീത്വാ സമുദ്രം സമ്പ്രാർഥ്യം തത്തോയേഽസ്ഥാപയന്മുനേ .

യയുർദേവാ നിജം സ്ഥാനം കാമശോകേന മോഹിതാഃ .. 3..

സമാശ്വസ്യ രതിം സ്വാമീ പുനസ്തേ ജീവിതോ ഭവേത് .. 4..

ശ്രഥ പ്രാഹ മഹാദേവം പാർവതീ രുചിരാനനാ .

ത്രിജഗജ്ജനനീ സ്മിത്വാ നിർജനേ തത്ര കാനനേ .. 5..

ശ്രീദേവ്യുവാച -
മാമാദ്യാം പ്രകൃതിം ദേവ ലബ്ധും പത്നീം മഹത്ത്തപഃ .
ചിരം കരോഷി തത്കസ്മാത്കാമോഽയം നാശിതസ്ത്വയാ .. 6..

കാമേ വിനഷ്ടേ പത്ന്യാഃ കിം വിദ്യതേ തേ പ്രയോജനം .

യോഗിനാമേഷ ധർമോ വൈ യത്കാമസ്യ വിനാശനം .. 7..

ഇതി ശ്രുത്വാ വചസ്തസ്യാഃ ശങ്കരശ്ചകിതസ്തദാ .

സന്ധ്യായൻ ജ്ഞാതവാനാദ്യാം പ്രകൃതിം പർവതാത്മജാം .. 8..

തതോ നിമീല്യ നേത്രാണി പ്രഹർഷപുലകാന്വിതഃ .

നിരീക്ഷ്യ പാർവതീം പ്രാഹ സർവലോകൈകസുന്ദരീം .. 9..

ജാനേ ത്വാം പ്രകൃതിം പൂർണാമാവിർഭൂതാം സ്വലീലയാ .

ത്വാമേവ ലബ്ധും ധ്യാനസ്ഥശ്ചിരം തിഷ്ഠാമി കാനനേ .. 10..

അദ്യാഹം കൃതകൃത്യോഽസ്മി യത്ത്വാം സാക്ഷാത്പരാത്പരാം .

പുരഃ പശ്യാമി ചാർവംഗീം സതീമിവ മമ പ്രിയാം .. 11..

ശ്രീദേവ്യുവാച -
തവ ഭാവേന തുഷ്ടാഽഹം സംഭൂയ ഹിമവദ്ഗൃഹേ .
ത്വാമേവ ച പതിം ലബ്ധും സമായാതാ തവാന്തികം .. 12..

യോ മാം യാദൃശഭാവേന സമ്പ്രാർഥയതി ഭക്തിതഃ .

തസ്യ തേനൈവ ഭാവേന പൂരയാമി മനോരഥാൻ .. 13..

അഹം സൈവ സതീ ശംഭോ ദക്ഷസ്യ ച മഹാധ്വരേ .

വിഹായ ത്വാം ഗതാ കാലീ ഭീമാ ത്രൈലോക്യമോഹിനീ .. 14..

ശിവ ഉവാച -
യദി മേ പ്രാണതുല്യാസി സതീ ത്വം ചാരുലോചനാ .
തദാ യഥാ മഹാമേഘപ്രഭാ സാ ഭീമരൂപിണീ .. 15..

ബഭൂവ ദക്ഷയജ്ഞസ്യ വിനാശായ ദിഗംബരീ .

കാലീ തഥാ സ്വരൂപേണ ചാത്മാനം ദർശയസ്വ മാം .. 16..

ഇത്യുക്താ സാ ഹിമസുതാ ശംഭുനാ മുനിസത്തമം .

ബഭൂവ പൂർവവത്കാലീ സ്നിഗ്ധാഞ്ജനചയപ്രഭാ .. 17..

ദിഗംബരീ ക്ഷരദ്രക്താ ഭീമായതവിലോചനാ .

പീനോന്നതകുചദ്വന്ദ്വചാരുശോഭിതവക്ഷസാ .. 18..

ഗലദാപാദസംലംബികേശപുഞ്ജഭയാനകാ .
ലലജ്ജിഹ്വാ ജ്വലദ്ദന്തനഖരൈരൂപശോഭിതാ .. 19..

ഉദ്യച്ഛശാങ്കനിചയൈർമേഘപങ്ക്തിരിവാംബരേ .
ആജാനുലംബിമുണ്ഡാലിമാലയാഽതിവിശാലയാ .. 20..

രാജമാനാ മഹാമേഘപങ്ക്തിശ്ചഞ്ചലയാ യഥാ .

ഭുജൈശ്ചതുർഭിർഭൂയോച്ചൈഃ ശോഭമാനാ മഹാപ്രഭാ .. 21..

വിചിത്രരത്നവിഭ്രാജന്മുകുടോജ്ജ്വലമസ്തകാ .
താം വിലോക്യ മഹാദേവഃ പ്രാഹ ഗദ്ഗദയാ ഗിരാ .. 22..

രോമാഞ്ചിതതനുർഭക്ത്യാ പ്രഹൃഷ്ടാത്മാ മഹാമുനേ .

ചിരം ത്വദ്വിരഹേനേദം നിർദഗ്ധം ഹൃദയം മമ .. 23..

ത്വമന്തര്യാമിനീ ശക്തിർഹൃദയസ്ഥാ മഹേശ്വരീ .

ആരാധ്യ ത്വത്പദാംഭോജം ധൃത്വാ ഹൃദയപങ്കജേ .. 24..

ത്വദ്വിച്ഛേദസമുത്തപ്തം ഹൃത്കരോമി സുശീതലം .. 25..

ഇത്യുക്ത്വാ സ മഹാദേവോ യോഗം പരമമാസ്ഥിതഃ .

ശയിതസ്തത്പദാംഭോജം ദധാര ഹൃദയേ തദാ .. 26..

ധ്യാനാനന്ദേന നിഷ്പന്ദശവരൂപധരഃ സ്ഥിതഃ .

വ്യാഘൂർണമാനനേത്രസ്താം ദദർശ പരമാദരഃ .. 27..

അംശതഃ പുരതഃ സ്ഥിത്വാ പഞ്ചവക്ത്രഃ കൃതാഞ്ജലിഃ .

സഹസ്രനാമഭിഃ കാലീം തുഷ്ടാവ പരമേശ്വരീം .. 28..

(അഥ നാമാവലിഃ .)
ശിവ ഉവാച -
ഓം അനാദ്യാ പരമാ വിദ്യാ പ്രധാനാ പ്രകൃതിഃ പരാ .
പ്രധാനപുരുഷാരാധ്യാ പ്രധാനപുരുഷേശ്വരീ .. 29..

പ്രാണാത്മികാ പ്രാണശക്തിഃ സർവപ്രാണഹിതൈഷിണീ .

ഉമാ ചോത്തമകേശിന്യുത്തമാ ചോന്മത്തഭൈരവീ .. 30..

ഉർവശീ ചോന്നതാ ചോഗ്രാ മഹോഗ്രാ ചോന്നതസ്തനീ .

ഉഗ്രചണ്ഡോഗ്രനയനാ മഹോഗ്രാ ദൈത്യനാശിനീ .. 31..

ഉഗ്രപ്രഭാവതീ ചോഗ്രവേഗാഽനുഗ്രാഽപ്രമർദിനീ .
ഉഗ്രതാരോഗ്രനയനാ ചോർധ്വസ്ഥാനനിവാസിനീ .. 32..

ഉന്മത്തനയനാഽത്യുഗ്രദന്തോത്തുംഗസ്ഥലാലയാ .
ഉല്ലാസിന്യുല്ലാസചിത്താ ചോത്ഫുല്ലനയനോജ്ജ്വലാ .. 33..

ഉത്ഫുല്ലകമലാരൂഢാ കമലാ കാമിനീ കലാ .

കാലീ കരാലവദനാ കാമിനീ മുഖകാമിനീ .. 34..

കോമലാംഗീ കൃശാംഗീ ച കൈടഭാസുരമർദിനീ .

കാലിന്ദീ കമലസ്ഥാ ച കാന്താ കാനനവാസിനീ .. 35..

കുലീനാ നിഷ്കലാ കൃഷ്ണാ കാലരാത്രിസ്വരൂപിണീ .

കുമാരീ കാമരൂപാ ച കാമിനീ കൃഷ്ണപിംഗലാ .. 36..

കപിലാ ശാന്തിദാ ശുദ്ധാ ശങ്കരാർധശരീരിണീ .

കൗമാരീ കാർത്തികീ ദുർഗാ കൗശികീ കുണ്ഡലോജ്ജവലാ ..

37..

കുലേശ്വരീ കുലശ്രേഷ്ഠാ കുണ്ഡലോജ്ജ്വലമസ്തകാ .

ഭവാനീ ഭാവിനീ വാണീ ശിവാ ച ശിവമോഹിനീ .. 38..

ശിവപ്രിയാ ശിവാരാധ്യാ ശിവപ്രാണൈകവല്ലഭാ .

ശിവപത്നീ ശിവസ്തുത്യാ ശിവാനന്ദപ്രദായിനീ .. 39..

നിത്യാനന്ദമയീ നിത്യാ സച്ചിദാനന്ദവിഗ്രഹാ .

ത്രൈലോക്യജനനീ ശംഭുഹൃദയസ്ഥാ സനാതനീ .. 40..

സദയാ നിർദയാ മായാ ശിവാ ത്രൈലോക്യമോഹിനീ .

ബ്രഹ്മാദിത്രിദശാരാധ്യാ സർവാഭീഷ്ടപ്രദായിനീ .. 41..

ബ്രഹ്മാണീ ബ്രഹ്മ ഗായത്രീ സാവിത്രീ ബ്രഹ്മസംസ്തുതാ .

ബ്രഹ്മോപാസ്യാ ബ്രഹ്മശക്തിർബ്രഹ്മസൃഷ്ടിവിധായിനീ .. 42..

കമണ്ഡലുകരാ സൃഷ്ടികർത്രീ ബ്രഹ്മസ്വരൂപിണീ .

ചതുർഭുജാത്മികാ യജ്ഞസൂത്രരൂപാ ദൃഢവ്രതാ .. 43..

ഹംസാരൂഢാ ചതുർവക്ത്രാ ചതുർവേദാഭിസംസ്തുതാ .

വൈഷ്ണവീ പാലനകാരീ മഹാലക്ഷ്മീർഹരിപ്രിയാ .. 44..

ശംഖചക്രധരാ വിഷ്ണുശക്തിർവിഷ്ണുസ്വരൂപിണീ .
വിഷ്ണുപ്രിയാ വിഷ്ണുമായാ വിഷ്ണുപ്രാണൈകവല്ലഭാ ..

45..

യോഗനിദ്രാഽക്ഷരാ വിഷ്ണുമോഹിനീ വിഷ്ണുസംസ്തുതാ .

വിഷ്ണുസമ്മോഹനകരീ ത്രൈലോക്യപരിപാലിനീ .. 46..

ശംഖിനീ ചക്രിണീ പദ്മാ പദ്മിനീ മുസലായുധാ .

പദ്മാലയാ പദ്മഹസ്താ പദ്മമാലാദിഭൂഷിതാ .. 47..

ഗരുഡസ്ഥാ ചാരുരൂപാ സമ്പദ്രൂപാ സരസ്വതീ .

വിഷ്ണുപാർശ്വസ്ഥിതാ വിഷ്ണുപരമാഽഽഹ്ലാദദായിനീ .. 48..

സമ്പത്തിഃ സമ്പദാധാരാ സർവസമ്പത്പ്രദായിനീ .

ശ്രീർവിദ്യാ സുഖദാ സൗഖ്യദായിനീ ദുഃഖനാശിനീ .. 49..

ദുഃഖഹന്ത്രീ സുഖകരീ സുഖാസീനാ സുഖപ്രദാ .

സുഖപ്രസന്നവദനാ നാരായണമനോരമാ .. 50..

നാരായണീ ജഗദ്ധാത്രീ നാരായണവിമോഹിനീ .

നാരായണശരീരസ്ഥാ വനമാലാവിഭൂഷിതാ .. 51..

ദൈത്യഘ്നീ പീതവസനാ സർവദൈത്യപ്രമർദിനീ .

വാരാഹീ നാരസിംഹീ ച രാമചന്ദ്രസ്വരൂപിണീ .. 52..

രക്ഷോഘ്നീ കാനനാവാസാ ചാഹല്യാശാപമോചിനീ .

സേതുബന്ധകരീ സർവരക്ഷഃകുലവിനാശിനീ .. 53..

സീതാ പതിവ്രതാ സാധ്വീ രാമപ്രാണൈകവല്ലഭാ .

അശോകകാനനാവാസാ ലങ്കേശ്വരവിനാശിനീ .. 54..
നീതിഃ സുനീതിഃ സുകൃതിഃ കീർതിർമേധാ വസുന്ധരാ .
ദിവ്യമാല്യധരാ ദിവ്യാ ദിവ്യഗന്ധാനുലേപനാ .. 55..

ദിവ്യവസ്ത്രപരീധാനാ ദിവ്യസ്ഥാനനിവാസിനീ .
മാഹേശ്വരീ പ്രേതസംസ്ഥാ പ്രേതഭൂമിനിവാസിനീ .. 56..

നിർജനസ്ഥാ ശ്മശാനസ്ഥാ ഭൈരവീ ഭീമലോചനാ .

സുഘോരനയനാ ഘോരാ ഘോരരൂപാ ഘനപ്രഭാ .. 57..

ഘനസ്തനീ വരാ ശ്യാമാ പ്രേതഭൂമികൃതാലയാ .

ഖട്വാംഗധാരിണീ ദ്വീപിചർമാംബരസുശോഭനാ .. 58..

മഹാകാലീ ചണ്ഡവക്ത്രാ ചണ്ഡമുണ്ഡവിനാശിനീ .

ഉദ്യാനകാനനാവാസാ പുഷ്പോദ്യാനവനപ്രിയാ .. 59..

ബലിപ്രിയാ മാംസഭക്ഷ്യാ രുധിരാസവഭക്ഷിണീ .

ഭീമരാവാ സാട്ടഹാസാ രണനൃത്യപരായണാ .. 60..

അസുരാസൃക്പ്രിയാ തുഷ്ടാ ദൈത്യദാനവമർദിനീ .

ദൈത്യവിദ്രാവിണീ ദൈത്യമഥനീ ദൈത്യസൂദനീ .. 61..

ദേത്യഘ്നീ ദൈത്യഹന്ത്രീ ച മഹിഷാസുരമർദിനീ .

രക്തബീജനിഹന്ത്രീ ച ശുംഭാസുരവിനാശിനീ .. 62..
നിശുംഭഹന്ത്രീ ധൂമ്രാക്ഷമർദിനീ ദുർഗഹാരിണീ .
ദുർഗാസുരനിഹന്ത്രീ ച ശിവദൂതീ മഹാബലാ .. 63..

മഹാബലവതീ ചിത്രവസ്ത്രാ രക്താംബരാഽമലാ .

വിമലാ ലലിതാ ചാരുഹാസാ ചാരുസ്ത്രിലോചനാ .. 64..

അജേയാ ജയദാ ജ്യേഷ്ഠാ ജയശീലാഽപരാജിതാ .

വിജയാ ജാഹ്നവീ ദുഷ്ടജൃംഭിണീ ജയദായിനീ .. 65..

ജഗദ്രക്ഷാകരീ സർവജഗച്ചൈതന്യകാരിണീ .
ജയാ ജയന്തീ ജനനീ ജനഭക്ഷണതത്പരാ .. 66..

ജലരൂപാ ജലസ്ഥാ ച ജപ്യാ ജാപകവത്സലാ .

ജാജ്ജ്വല്യമാനാ യജ്ഞേശാ ജന്മനാശവിർവജിതാ .. 67..

ജരാതീതാ ജഗന്മാതാ ജഗദ്രൂപാ ജഗന്മയീ .

ജംഗമാ ജ്വാലിനീ ജൃംഭാ സ്തംഭിനീ ദുഷ്ടതാപിനീ .. 68..

ത്രിപുരഘ്നീ ത്രിനയനാ മഹാത്രിപുരതാപിനീ .

തൃഷ്ണാ ജാതിഃ പിപാസാ ച ബുഭുക്ഷാ ത്രിപുരാ പ്രഭാ ..

69..

ത്വരിതാ ത്രിപുടാ ത്ര്യക്ഷാ തന്വീ താപവിവർജിതാ .

ത്രിലോകേശീ തീവ്രവേഗാ തീവ്രാ തിവ്രബലാലയാ .. 70..
നിഃശങ്കാ നിർമലാഭാ ച നിരാതങ്കാഽമലപ്രഭാ .
വിനീതാ വിനയാഭിജ്ഞാ വിശേഷജ്ഞാ വിലക്ഷണാ .. 71..

വരദാ വല്ലഭാ വിദ്യുത്പ്രഭാ വിനയശാലിനീ .

ബിംബോഷ്ഠീ വിധുവക്ത്രാ ച വിവസ്ത്രാ വിനയപ്രഭാ .. 72..

വിശ്വേശപത്നീ വിശ്വാത്മാ വിശ്വരൂപാ ബലോത്കടാ .

വിശ്വേശീ വിശ്വവനിതാ വിശ്വമാതാ വിചക്ഷണാ .. 73..

വിദുഷീ വിശ്വവിദിതാ വിശ്വമോഹനകാരിണീ .

വിശ്വമൂർതിർവിശ്വധരാ വിശ്വേശപരിപാലിനീ .. 74..

വിശ്വകർത്രീ വിശ്വഹർത്രീ വിശ്വപാലനതത്പരാ .

വിശ്വേശഹൃദയാവാസാ വിശ്വേശ്വരമനോരമാ .. 75..

വിശ്വഹാ വിശ്വനിലയാ വിശ്വമായാ വിഭൂതിദാ .

വിശ്വാ വിശ്വോപകാരാ ച വിശ്വപ്രാണാത്മികാപി ച .. 76..

വിശ്വപ്രിയാ വിശ്വമയീ വിശ്വദുഷ്ടവിനാശിനീ .

ദാക്ഷായണീ ദക്ഷകന്യാ ദക്ഷയജ്ഞവിനാശിനീ .. 77..

വിശ്വംഭരീ വസുമതീ വസുധാ വിശ്വപാവനീ .

സർവാതിശായിനീ സർവദുഃഖദാരിദ്ര്യഹാരിണീ .. 78..

മഹാവിഭൂതിരവ്യക്താ ശാശ്വതീ സർവസിദ്ധിദാ .

അചിന്ത്യാഽചിന്ത്യരൂപാ ച കേവലാ പരമാത്മികാ .. 79..

സർവജ്ഞാ സർവവിഷയാ സർവോപരിപരായണാ .

സർവസ്യാർതിഹരാ സർവമംഗലാ മംഗലപ്രദാ .. 80..

മംഗലാർഹാ മഹാദേവീ സർവമംഗലദായികാ .

സർവാന്തരസ്ഥാ സർവാർഥരൂപിണീ ച നിരഞ്ജനാ .. 81..

ചിച്ഛക്തിശ്ചിന്മയീ സർവവിദ്യാ സർവവിധായിനീ .

ശാന്തിഃ ശാന്തികരീ സൗമ്യാ സർവാ സർവപ്രദായിനീ .. 82..

ശാന്തിഃ ക്ഷമാ ക്ഷേമകരീ ക്ഷേത്രജ്ഞാ ക്ഷേത്രവാസിനീ .

ക്ഷണാത്മികാ ക്ഷീണതനുഃ ക്ഷീണാംഗീ ക്ഷീണമധ്യമാ .. 83..

ക്ഷിപ്രഗാ ക്ഷേമദാ ക്ഷിപ്താ ക്ഷണദാ ക്ഷണവാസിനീ .

വൃത്തിർനിവൃത്തിർഭൂതാനാം പ്രവൃത്തിർവൃത്തലോചനാ ..

84..

വ്യോമമൂർതിർവ്യോമസംസ്ഥാ വ്യോമാലയകൃതാശ്രയാ .
ചന്ദ്രാനനാ ചന്ദ്രകാന്തിശ്ചന്ദ്രാർധാങ്കിതമസ്തകാ . 85..

ചന്ദ്രപ്രഭാ ചന്ദ്രകലാ ശരച്ചന്ദ്രനിഭാനനാ .

ചന്ദ്രാത്മികാ ചന്ദ്രമുഖീ ചന്ദ്രശേഖരവല്ലഭാ .. 86..

ചന്ദ്രശേഖരവക്ഷഃസ്ഥാ ചന്ദ്രലോകനിവാസിനീ .
ചന്ദ്രശേഖരശൈലസ്ഥാ ചഞ്ചലാ ചഞ്ചലേക്ഷണാ .. 87..

ഛിന്നമസ്താ ഛാഗമാംസപ്രിയാ ഛാഗബലിപ്രിയാ .

ജ്യോത്സ്നാ ജ്യോതിർമയീ സർവജ്യായസീ ജീവനാത്മികാ .. 88..

സർവകാര്യനിയന്ത്രീ ച സർവഭൂതഹിതൈഷിണീ .
ഗുണാതീതാ ഗുണമയീ ത്രിഗുണാ ഗുണശാലിനീ .. 89..

ഗുണൈകനിലയാ ഗൗരീ ഗുഹ്യാ ഗോപകുലോദ്ഭവാ .

ഗരീയസീ ഗുരുരതാ ഗുഹ്യസ്ഥാനനിവാസിനീ .. 90..

ഗുണജ്ഞാ നിർഗുണാ സർവഗുണാർഹാ ഗുഹ്യകാഽംബികാ .

ഗലജ്ജടാ ഗലത്കേശാ ഗലദ്രുധിരചർചിതാ .. 91..

ഗജേന്ദ്രഗമനാ ഗന്ത്രീ ഗീതനൃത്യപരായണാ .

ഗമനസ്ഥാ ഗയാധ്യക്ഷാ ഗണേശജനനീ തഥാ .. 92..

ഗാനപ്രിയാ ഗാനരതാ ഗൃഹസ്ഥാ ഗൃഹിണീ പരാ .

ഗജസംസ്ഥാ ഗജാരൂഢാ ഗ്രസന്തീ ഗരുഡാസനാ .. 93..

യോഗസ്ഥാ യോഗിനീഗമ്യാ യോഗചിന്താപരായണാ .

യോഗിധ്യേയാ യോഗിവന്ദ്യാ യോഗലഭ്യാ യുഗാത്മികാ .. 94..

യോഗിജ്ഞേയാ യോഗയുക്താ മഹായോഗേശ്വരേശ്വരീ .

യോഗാനുരക്താ യുഗദാ യുഗാന്തജലദപ്രഭാ .. 95..
യുഗാനുകാരിണീ യജ്ഞരൂപാ സൂര്യസമപ്രഭാ .
യുഗാന്താനിലവേഗാ ച സർവയജ്ഞഫലപ്രദാ .. 96..

സംസാരയോനിഃ സംസാരവ്യാപിനീ സഫലാസ്പദാ .

സംസാരതരുനിഃസേവ്യാ സംസാരാർണവതാരിണീ .. 97..

സർവാർഥസാധികാ സർവാ സംസാരവ്യാപിനീ തഥാ .

സംസാരബന്ധകർത്രീ ച സംസാരപരിവർജിതാ .. 98..

ദുർനിരീക്ഷ്യാ സുദുഷ്പ്രാപ്യാ ഭൂതിർഭൂതിമതീത്യപി .

അത്യന്തവിഭവാഽരൂപാ മഹാവിഭവരൂപിണീ .. 99..

ശബ്ദബ്രഹ്മസ്വരൂപാ ച ശബ്ദയോനിഃ പരാത്പരാ .

ഭൂതിദാ ഭൂതിമാതാ ച ഭൂതിസ്തന്ദ്രീ വിഭൂതിദാ .. 100..

ഭൂതാന്തരസ്ഥാ കൂടസ്ഥാ ഭൂതനാഥപ്രിയാംഗനാ .

ഭൂതമാതാ ഭൂതനാഥാ ഭൂതാലയനിവാസിനീ .. 101..

ഭൂതനൃത്യപ്രിയാ ഭൂതസംഗിനീ ഭൂതലാശ്രയാ .

ജന്മമൃത്യുജരാതീതാ മഹാപുരുഷസംഗതാ .. 102..

ഭുജഗാ താമസീ വ്യക്താ തമോഗുണവതീ തഥാ .

ത്രിതത്ത്വാ തത്ത്വരൂപാ ച തത്ത്വജ്ഞാ തത്ത്വകപ്രിയാ .. 103..
ത്ര്യംബകാ ത്ര്യംബകരതാ ശുക്ലാ ത്ര്യംബകരൂപിണീ .
ത്രികാലജ്ഞാ ജന്മഹീനാ രക്താംഗീ ജ്ഞാനരൂപിണീ .. 104..

അകാര്യാ കാര്യജനനീ ബ്രഹ്മാഖ്യാ ബ്രഹ്മസംസ്ഥിതാ .

വൈരാഗ്യയുക്താ വിജ്ഞാനഗമ്യാ ധർമസ്വരൂപിണീ .. 105..

സർവധർമവിധാനജ്ഞാ ധർമിഷ്ഠാ ധർമതത്പരാ .

ധർമിഷ്ഠപാലനകരീ ധർമശാസ്ത്രപരായണാ .. 106..

ധർമാധർമവിഹീനാ ച ധർമജന്യഫലപ്രദാ .
ധർമിണീ ധർമനിരതാ ധർമിണാമിഷ്ടദായിനീ .. 107..

ധന്യാ ധീർധാരണാ ധീരാ ധന്വിനീ ധനദായിനീ .

ധനുഷ്മതീ ധരാസംസ്ഥാ ധരണീ സ്ഥിതികാരിണീ .. 108..

സർവയോനിർവിശ്വയോനിരപാംയോനിരയോനിജാ .
രുദ്രാണീ രുദ്രവനിതാ രുദ്രൈകാദശരൂപിണീ .. 109..

രുദ്രാക്ഷമാലിനീ രൗദ്രീ ഭുക്തിമുക്തിഫലപ്രദാ .

ബ്രഹ്മോപേന്ദ്രപ്രവന്ദ്യാ ച നിത്യം മുദിതമാനസാ .. 110..

ഇന്ദ്രാണീ വാസവീ ചൈന്ദ്രീ വിചിത്രൈരാവതസ്ഥിതാ .

സഹസ്രനേത്രാ ദിവ്യാംഗീ ദിവ്യകേശവിലാസിനീ .. 111..

ദിവ്യാംഗനാ ദിവ്യനേത്രാ ദിവ്യചന്ദനചർചിതാ .

ദിവ്യാലങ്കരണാ ദിവ്യശ്വേതചാമരവീജിതാ .. 112..

ദിവ്യഹാരാ ദിവ്യപദാ ദിവ്യനൂപുരശോഭിതാ .

കേയൂരശോഭിതാ ഹൃഷ്ടാ ഹൃഷ്ടചിത്തപ്രഹർഷിണീ .. 113..

സമ്പ്രഹൃഷ്ടമനാ ഹർഷപ്രസന്നവദനാ തഥാ .

ദേവേന്ദ്രവന്ദ്യപാദാബ്ജാ ദേവേന്ദ്രപരിപൂജിതാ .. 114..

രജസാ രക്തനയനാ രക്തപുഷ്പപ്രിയാ സദാ .

രക്താംഗീ രക്തനേത്രാ ച രക്തോത്പലവിലോചനാ .. 115..

രക്താഭാ രക്തവസ്ത്രാ ച രക്തചന്ദനചർചിതാ .

രക്തേക്ഷണാ രക്തഭക്ഷ്യാ രക്തമത്തോരഗാശ്രയാ .. 116..

രക്തദന്താ രക്തജിഹ്വാ രക്തഭക്ഷണതത്പരാ .

രക്തപ്രിയാ രക്തതുഷ്ടാ രക്തപാനസുതത്പരാ .. 117..

ബന്ധൂകകുസുമാഭാ ച രക്തമാല്യാനുലേപനാ .
സ്ഫുരദ്രക്താഞ്ചിതതനുഃ സ്ഫുരത്സൂര്യശതപ്രഭാ .. 118..

സ്ഫുരന്നേത്രാ പിംഗജടാ പിംഗലാ പിംഗലേക്ഷണാ .

ബഗലാ പീതവസ്ത്രാ ച പീതപുഷ്പപ്രിയാ സദാ .. 119..

പീതാംബരാ പിബദ്രക്താ പീതപുഷ്പോപശോഭിതാ .

ശത്രുഘ്നീ ശത്രുസമ്മോഹജനനീ ശത്രുതാപിനീ .. 120..
ശത്രുപ്രമർദിനീ ശത്രുവാക്യസ്തംഭനകാരിണീ .
ഉച്ചാടനകരീ സർവദുഷ്ടോത്സാരണകാരിണീ .. 121..

ശത്രുവിദ്രാവിണീ ശത്രുസമ്മോഹനകരീ തഥാ .

വിപക്ഷമർദനകരീ ശത്രുപക്ഷക്ഷയങ്കരീ .. 122..

സർവദുഷ്ടഘാതിനീ ച സർവദുഷ്ടവിനാശിനീ .
ദ്വിഭുജാ ശൂലഹസ്താ ച ത്രിശൂലവരധാരിണീ .. 123..

ദുഷ്ടസന്താപജനനീ ദുഷ്ടക്ഷോഭപ്രവർധിനീ .
ദുഷ്ടാനാം ക്ഷോഭസംബദ്ധാ ഭക്തക്ഷോഭനിവാരിണീ .. 124..

ദുഷ്ടസന്താപിനീ ദുഷ്ടസന്താപപരിമർദിനീ .
സന്താപരഹിതാ ഭക്തസന്താപപരിനാശിനീ .. 125..

അദ്വൈതാ ദ്വൈതരഹിതാ നിഷ്കലാ ബ്രഹ്മരൂപിണീ .

ത്രിദശേശീ ത്രിലോകേശീ സർവേശീ ജഗദീശ്വരീ .. 126..

ബ്രഹ്മേശസേവിതപദാ സർവവന്ദ്യപദാംബുജാ .
അചിന്ത്യരൂപചരിതാ ചാചിന്ത്യബലവിക്രമാ .. 127..

സർവാചിന്ത്യപ്രഭാവാ ച സ്വപ്രഭാവപ്രദർശിനീ .
അചിന്ത്യമഹിമാഽചിന്ത്യരൂപാ സൗന്ദര്യശാലിനീ .. 128..
അചിന്ത്യവേശശോഭാ ച ലോകാചിന്ത്യഗുണാന്വിതാ .
അചിന്ത്യശക്തിർദുശ്ചിന്ത്യപ്രഭാവാ ചിന്ത്യരൂപിണീ .. 129..

യോഗീചിന്ത്യാ മഹാചിന്താനാശിനീ ചേതനാത്മികാ .

ഗിരിജാ ദക്ഷജാ വിശ്വജനയിത്രീ ജഗത്പ്രസൂഃ .. 130..

സന്നമ്യാഽപ്രണതാ സർവപ്രണതാർതിഹരീ തഥാ .

പ്രണതൈശ്വര്യദാ സർവപ്രണതാശുഭനാശിനീ .. 131..

പ്രണതാപന്നാശകരീ പ്രണതാശുഭമോചനീ .
സിദ്ധേശ്വരീ സിദ്ധസേവ്യാ സിദ്ധചാരണസേവിതാ .. 132..

സിദ്ധിപ്രദാ സിദ്ധികരീ സർവസിദ്ധഗണേശ്വരീ .

അഷ്ടസിദ്ധിപ്രദാ സിദ്ധഗണസേവ്യപദാംബുജാ .. 133..

കാത്യായനീ സ്വധാ സ്വാഹാ വഷഡ് വൗഷട്സ്വരൂപിണീ .

പിതൃണാം തൃപ്തിജനനീ കവ്യരൂപാ സുരേശ്വരീ .. 134..

ഹവ്യഭോക്ത്രീ ഹവ്യതുഷ്ടാ പിതൃരൂപാഽസിതപ്രിയാ .

കൃഷ്പപക്ഷപ്രപൂജ്യാ ച പ്രേതപക്ഷസമർചിതാ .. 135..

അഷ്ടഹസ്താ ദശഭുജാ ചാഷ്ടാദശഭുജാന്വിതാ .

ചതുർദശഭുജാഽസംഖ്യഭുജവല്ലീവിരാജിതാ .. 136..

സിംഹപൃഷ്ഠസമാരൂഢാ സഹസ്രഭൂജരാജിതാ .
ഭുവനേശീ ചാന്നപൂർണാ മഹാത്രിപുരസുന്ദരീ .. 137..

ത്രിപുരാ സുന്ദരീ സൗമ്യമുഖീ സുന്ദരലോചനാ .

സുന്ദരാസ്യാ ശുഭ്രദംഷ്ട്രാ സുഭ്രൂഃ പർവതനന്ദിനീ .. 138..

നീലോത്പലദലശ്യാമാ സ്മേരോത്ഫുല്ലമുഖാംബുജാ .
സത്യസന്ധാ പദ്മവക്ത്രാ ഭ്രൂകുടീകുടിലാനനാ .. 139..

വിദ്യാധരീ വരാരോഹാ മഹാസന്ധ്യാസ്വരൂപിണീ .

അരുന്ധതീ ഹിരണ്യാക്ഷീ സുധൂമ്രാക്ഷീ ശുഭേക്ഷണാ .. 140..

ശ്രുതിഃ സ്മൃതിഃ കൃതിര്യോഗമായാ പുണ്യാ പുരാതനീ .

വാഗ്ദേവതാ വേദവിദ്യാ ബ്രഹ്മവിദ്യാസ്വരൂപിണീ .. 141..

വേദശക്തിർവേദമാതാ വേദാദ്യാ പരമാ ഗതിഃ .

ആന്വീക്ഷികീ തർകവിദ്യാ യോഗശാസ്ത്രപ്രകാശിനീ .. 142..

ധൂമാവതീ വിയന്മൂർതിർവിദ്യുന്മാലാ വിലാസിനീ .

മഹാവ്രതാ സദാനന്ദനന്ദിനീ നഗനന്ദിനീ .. 143..

സുനന്ദാ യമുനാ ചണ്ഡീ രുദ്രചണ്ഡീ പ്രഭാവതീ .

പാരിജാതവനാവാസാ പാരിജാതവനപ്രിയാ .. 144..

സുപുഷ്പഗന്ധസന്തുഷ്ടാ ദിവ്യപുഷ്പോപശോഭിതാ .
പുഷ്പകാനനസദ്വാസാ പുഷ്പമാലാവിലാസിനീ .. 145..
പുഷ്പമാല്യധരാ പുഷ്പഗുച്ഛാലങ്കൃതദേഹികാ .
പ്രതപ്തകാഞ്ചനാഭാസാ ശുദ്ധകാഞ്ചനമണ്ഡിതാ .. 146..

സുവർണകുണ്ഡലവതീ സ്വർണപുഷ്പപ്രിയാ സദാ .

നർമദാ സിന്ധുനിലയാ സമുദ്രതനയാ തഥാ .. 147..

ഷോഡശീ ഷോഡശഭുജാ മഹാഭുജംഗമണ്ഡിതാ .

പാതാലവാസിനീ നാഗീ നാഗേന്ദ്രകൃതഭൂഷണാ .. 148..

നാഗിനീ നാഗകന്യാ ച നാഗമാതാ നഗാലയാ .

ദുർഗാഽഽപത്താരിണീ ദുർഗദുഷ്ടഗ്രഹനിവാരിണീ .. 149..

അഭയാഽഽപന്നിഹന്ത്രീ ച സർവാപത്പരിനാശിനീ .
ബ്രഹ്മണ്യാ ശ്രുതിശാസ്ത്രജ്ഞാ ജഗതാം കാരണാത്മികാ .. 150..

നിഷ്കാരണാ ജന്മഹീനാ മൃത്യുഞ്ജയമനോരമാ .

മൃത്യുഞ്ജയഹൃദാവാസാ മൂലാധാരനിവാസിനീ . 151..

ഷട്ചക്രസംസ്ഥാ മഹതീ മഹോത്സവവിലാസിനീ .

രോഹിണീ സുന്ദരമുഖീ സർവവിദ്യാവിശാരദാ .. 152..

സദസദ്വസ്തുരൂപാ ച നിഷ്കാമാ കാമപീഡിതാ .

കാമാതുരാ കാമമത്താ കാമമാനസസത്തനുഃ .. 153..
കാമരൂപാ ച കാലിന്ദീ കചാലംബിതവിഗ്രഹാ .
അതസീകുസുമാഭാസാ സിംഹപൃഷ്ഠനിഷേദുഷീ .. 154..

യുവതീ യൗവനോദ്രിക്താ യൗവനോദ്രിക്തമാനസാ .

അദിതിർദേവജനനീ ത്രിദശാർതിവിനാശിനീ .. 155..

ദക്ഷിണാഽപൂർവവസനാ പൂർവകാലവിവർജിതാ .
അശോകാ ശോകരഹിതാ സർവശോകനിവാരിണീ .. 156..

അശോകകുസുമാഭാസാ ശോകദുഃഖക്ഷയങ്കരീ .
സർവയോഷിത്സ്വരൂപാ ച സർവപ്രാണിമനോരമാ .. 157..

മഹാശ്ചര്യാ മദാശ്ചര്യാ മഹാമോഹസ്വരൂപിണീ .

മഹാമോക്ഷകരീ മോഹകാരിണീ മോഹദായിനീ .. 158..

അശോച്യാ പൂർണകാമാ ച പൂർണാ പൂർണമനോരഥാ .

പൂർണാഭിലഷിതാ പൂർണനിശാനാഥസമാനനാ .. 159..

ദ്വാദശാർകസ്വരൂപാ ച സഹസ്രാർകസമപ്രഭാ .
തേജസ്വിനീ സിദ്ധമാതാ ചന്ദ്രാ നയനരക്ഷണാ .. 160..

അപരാഽപാരമാഹാത്മ്യാ നിത്യവിജ്ഞാനശാലിനീ .
വിവസ്വതീ ഹവ്യവാഹാ ജാതവേദഃസ്വരൂപിണീ .. 161..

സ്വൈരിണീ സ്വേച്ഛവിഹരാ നിർബീജാ ബീജരൂപിണീ .

അനന്തവർണാഽനന്താഖ്യാഽനന്തസംസ്ഥാ മഹോദരീ .. 162..

ദുഷ്ടഭൂതാപഹന്ത്രീ ച സദ്ധൃത്തപരിപാലികാ .
കപാലിനീ പാനമത്താ മത്തവാരണഗാമിനീ .. 163..

വിന്ധ്യസ്ഥാ വിന്ധ്യനിലയാ വിന്ധ്യപർവതവാസിനീ .

ബന്ധുപ്രിയാ ജഗദ്വന്ധുഃ പവിത്രാ സപവിത്രിണീ .. 164..

പരാമൃതാഽമൃതകലാ ചാപമൃത്യുവിനാശിനീ .
മഹാരജതസങ്കാശാ രജതാദ്രിനിവാസിനീ .. 165..

കാശീവിലാസിനീ കാശീക്ഷേത്രരക്ഷണതത്പരാ .
യോനിരൂപാ യോനിപീഠസ്ഥിതാ യോനിസ്വരൂപിണീ .. 166..

കാമോല്ലസിതചാർവംഗീ കടാക്ഷക്ഷേപമോഹിനീ .
കടാക്ഷക്ഷേപനിരതാ കല്പവൃക്ഷസ്വരൂപിണീ .. 167..

പാശാങ്കുശധരാ ശക്തിധാരിണീ ഖേടകായുധാ .

ബാണായുധാഽമോഘശസ്ത്രാ ദിവ്യശസ്ത്രാഽസ്ത്രവർഷിണീ ..

168..

മഹാസ്ത്രജാലവിക്ഷേപവിപക്ഷക്ഷയകാരിണീ .
ഘണ്ടിനീ പാശിനീ പാശഹസ്താ പാശാങ്കുശായുധാ .. 169..

ചിത്രസിംഹാസനഗതാ മഹാസിംഹാസനസ്ഥിതാ .
മന്ത്രാത്മികാ മന്ത്രബീജാ മന്ത്രാധിഷ്ഠാതൃദേവതാ .. 170..

സുരൂപാഽനേകരൂപാ ച വിരൂപാ ബഹുരൂപിണീ .

വിരൂപാക്ഷപ്രിയതമാ വിരൂപാക്ഷമനോരമാ .. 171..

വിരൂപാക്ഷാ കോടരാക്ഷീ കൂടസ്ഥാ കൂടരൂപിണീ .

കരാലാസ്യാ വിശാലാസ്യാ ധർമശാസ്ത്രാർഥപാരാഗാ .. 172..

മൂലക്രിയാ മൂലരൂപാ മൂലപ്രകൃതിരൂപിണീ .

കാമാക്ഷീ കമനീയാ ച കാമേശീ ഭഗമംഗലാ .. 173..

സൂഭഗാ ഭോഗിനീ ഭോഗ്യാ ഭാഗ്യദാ സുഭഗാ ഭഗാ .

ശ്വേതാഽരുണാ ബിന്ദുരൂപാ വേദയോനിർധ്വനിക്ഷണാ .. 174..

അധ്യാത്മവിദ്യാ ശാസ്ത്രാർഥകുശലാ ശൈലനന്ദിനീ .

നഗാധിരാജപുത്രീ ച നഗപുത്രീ നഗോദ്ഭവാ .. 175..

ഗിരീന്ദ്രബാലാ ഗിരിശപ്രാണതുല്യാ മനോരമാ .

പ്രസന്നാ ചാരുവദനാ പ്രസന്നാസ്യാ പ്രസന്നദാ .. 176..

ശിവപ്രാണാ പതിപ്രാണാ പതിസമ്മോഹകാരിണീ .

മൃഗാക്ഷീ ചഞ്ചലാപാംഗീ സുദൃഷ്ടിർഹംസഗാമിനീ .. 177..

നിത്യം കുതൂഹലപരാ നിത്യാനന്ദാഽഭിനന്ദിതാ .

സത്യവിജ്ഞാനരൂപാ ച തത്ത്വജ്ഞാനൈകകാരിണീ .. 178..
ത്രൈലോക്യസാക്ഷിണീ ലോകധർമാധർമപ്രദർശിനീ .
ധർമാഽധർമവിധാത്രീ ച ശംഭുപ്രാണാത്മികാ പരാ .. 179..

മേനകാഗർഭസംഭൂതാ മൈനാകഭഗിനീ തഥാ .

ശ്രീകണ്ഠാ കണ്ഠഹാരാ ച ശ്രീകണ്ഠഹൃദയസ്ഥിതാ .. 180..

ശ്രീകണ്ഠകണ്ഠജപ്യാ ച നീലകണ്ഠമനോരമാ .
കാലകൂടാത്മികാ കാലകൂടഭക്ഷണകാരിണീ .. 181..

വർണമാലാ സിദ്ധികലാ ഷട്ചക്രക്രമവാസിനീ .

മൂലകേലീരതാ സ്വാധിഷ്ഠാനാ തുര്യനിവാസിനീ .. 182..

മണിപൂരസ്ഥിതിഃ സ്നിഗ്ധാ കൂർമചക്രപരായണാ .

അനാഹതഗതിർദീപശിഖാ മണിമയാകൃതിഃ .. 183..

വിശുദ്ധിചക്രസംസ്ഥാനാ ചാജ്ഞാചക്രാബ്ജമധ്യഗാ .
മഹാകാലപ്രിയാ കാലകലനൈകവിധായിനീ .
അക്ഷോഭ്യപത്നീ സങ്ക്ഷോഭനാശിനീ തേ നമോ നമഃ .. 184..

ശ്രീമഹാദേവ ഉവാച -
ഏവം നാമസഹസ്രേണ സംസ്തുതാ പർവതാത്മജാ .
വാക്യമേതന്മഹേശാനമുവാച മുനിസത്തമ .. 185..

ശ്രീദേവ്യുവാച -
അഹം ത്വദർഥേ ശൈലേന്ദ്രതനയാത്വമുപാഗതാ .
ത്വം മേ പ്രാണസമോ ഭർതാ ത്വദനന്യാഽഹമംഗനാ .. 186..

ത്വം മദർഥേ തപസ്തീവ്രം സുചിരം കൃതവാനസി .

അഹം ച തപസാഽഽരാധ്യ ത്വാം ലപ്സ്യാമി പുനഃ പതിം ..

187..

ശ്രീമഹാദേവ ഉവാച -
ത്വമാരാധ്യതമാ സർവജനനീ പ്രകൃതിഃ പരാ .
തവാരാധ്യോ ജഗത്യത്ര വിദ്യതേ നൈവ കോഽപി ഹി .. 188..

അഹം ത്വയാ നിജഗുണൈരനുഗ്രാഹ്യോ മഹേശ്വരി .

പ്രാർഥനീയസ്ത്വയി ശിവേ ഏഷ ഏവ വരോ മമ .. 189..

യത്ര യത്ര തവേദം ഹി കാലീരൂപം മനോഹരം .

ആവിർഭവതി തത്രൈവ ശിവരൂപസ്യ മേ ഹൃദി .. 190..

സംസ്ഥാതവ്യം ത്വയാ ലോകേ ഖ്യാതാ ച ശവവാഹനാ .

ഭവിഷ്യസി മഹാകാലീ പ്രസീദ ജഗദംബികേ .. 191..

ശ്രീമഹാദേവ ഉവാച -
ഇത്യുക്ത്ത്വാ ശംഭുനാ കാലീ കാലമേഘസമപ്രഭാ .
തഥേത്യുക്ത്ത്വാ സമഭവത്പുനർഗൗരീ യഥാ പുരാ .. 192..

യ ഇദം പഠതേ ദേവ്യാ നാമ്നാം ഭക്ത്യാ സഹസ്രകം .

സ്തോത്രം ശ്രീശംഭുനാ പ്രോക്തം സ ദേവ്യാഃ സമതാമിയാത് ..

193..

അഭ്യർച്യ ഗന്ധപുഷ്പൈശ്ച ധൂപദീപൈർമഹശ്വരീം .

യഃ പഠേത്സ്തോത്രാമേതച്ച സ ലഭേത്പരമം പദം .. 194..

അനന്യമനസാ ദേവീം സ്തോത്രേണാനേന യോ നരഃ .

സംസ്തൗതി പ്രത്യഹം തസ്യ സർവസിദ്ധിഃ പ്രജായതേ .. 195..

രാജാനോ വശഗാസ്തസ്യ നശ്യന്തി രിപവസ്തഥാ .

സിംഹവ്യാഘ്രമുഖാഃ സർവേ ഹിംസകാ ദസ്യവസ്തഥാ .. 196..

ദൂരാദേവ പലായന്തേ തസ്യ ദർശനമാത്രതഃ .

അവ്യാഹതാജ്ഞഃ സർവത്ര ലഭതേ മംഗലം മഹത് .
അന്തേ ദുർഗാസ്മൃതിം ലബ്ധ്വാ സ്വയം ദേവീകലാമിയാത് ..

197..

.. ഇതി ശ്രീമഹാഭാഗവതേ ഉപപുരാണേ ശ്രീശിവകൃതം

ശ്രീലലിതാസഹസ്രനാമസ്തോത്രം നാമ
ത്രയോവിംശതിതമോഽധ്യായഃ സമ്പൂർണഃ ..
 ശ്രീവിദ്യാ ലലിതാ നാമാവലീ വർഗീകരണ

ചിത്

ചിതിഃ, ചൈതന്യകുസുമപ്രിയാ, ചിദഗ്നികുണ്ഡസംഭൂതാ,

ചിദേകരസരൂപിണീ,
ചേതനാരൂപാ, ചിച്ഛക്തി, ചിന്മയീ, ചിത്കലാ, യാ ദേവീ
സർവഭൂതേഷു
ചേതനേത്യഭിധീയതേ, ചിതിരൂപേണ യാ കൃത്സ്നമേതദ് വ്യാപ്യ
സ്ഥിതാ ജഗത് .

യാ ദേവീ സർവഭൂതേഷു
ബുദ്ധി, നിദ്രാ, ക്ഷുധാ, ഛായാ, ശക്തി, തൃഷ്ണാ, ക്ഷാന്തി,
ജാതി,
ലജ്ജാ, ശാന്തി, ശ്രദ്ധാ, കാന്തി, ലക്ഷ്മീ, വൃത്തി, സ്മൃതി,
ദയാ,
തുഷ്ടി, മാതൃ, ഭ്രാന്തി, ചേതനാ .

മാഁ, ജനനീ

അംബികാ, ഗുഹാംബാ, ഗുഹജന്മഭൂ, വിയത്പ്രസൂ, അനേക

കോടി ബ്രഹ്മാണ്ഡ
ജനനീ, ശ്രീമാതാ, ഗണാംബാ, കുമാരഗണനാഥാംബാ, ജനനീ,
പ്രസവിത്രീ,
ആബ്രഹ്മകീടജനനീ, ജഗദ്ധാത്രീ, വിശ്വമാതാ,
പ്രസീദമാതർജഗതോഽഖിലസ്യ .

ലീലാ

ലീലാവിഗ്രഹധാരിണീ, ലീലാവിനോദിനീ,
ലീലാക്ലൃപ്തബ്രഹ്മാണ്ഡമണ്ഡലാ .

ജ്ഞാന

സർവജ്ഞാ, ജ്ഞാനദാ, ജ്ഞാനവിഗ്രഹാ, ജ്ഞാനമുദ്രാ,

ജ്ഞാനഗമ്യാ,
ജ്ഞാനജ്ഞേയസ്വരൂപിണീ, ശാസ്ത്രമയീ, ശാസ്ത്രസാരാ,
വിജ്ഞാനഘനരൂപിണീ,
പ്രജ്ഞാനഘനരൂപിണീ, വിജ്ഞാനകലനാ .

ആനന്ദ

പരമാനന്ദാ, സത്യജ്ഞാനാനന്ദരൂപാ, സത്യാനന്ദസ്വരൂപിണീ,

സ്വാത്മാനന്ദലവീഭൂതബ്രഹ്മാദ്യാനന്ദസന്തതിഃ, ബ്രഹ്മാനന്ദാ,
ആനന്ദകലികാ,
സച്ചിദാനന്ദരൂപിണീ, സ്വാത്മാരാമാ, ഭൂമരൂപാ, ആനന്ദമിഥുന .

രസ

രസശേവധിഃ, രസ്യാ, രസജ്ഞാ, കുലാമൃതൈകരസികാ .

വാക് സരസ്വതീ

ശബ്ദാത്മികാ, പരാ, പശ്യന്തീ, മധ്യമാ, വൈഖരീ,

തുരീയജ്യോതി,
വാഗ്വാദിനീ, വാഗധീശ്വരീ, ഭാഷാരൂപാ, സരസ്വതീ, ഭാരതീ,
വാക്, ആര്യാ,
ബ്രാഹ്മീ, ഭാഷാക്ഷരാ, സ്വരാ, വാഗ്ദേവതാ (വശിന്യാദി).

കാമ

കാമപൂജിതാ, കാമസേവിതാ, കാമസഞ്ജീവനൗഷധിഃ, കാമകലാ,

കാമകേലിതരംഗിതാ, കാമരൂപിണീ, മഹാരതിഃ, വിലാസിനീ,
രതിരൂപാ, രതിപ്രിയാ,
രമണലമ്പടാ, രമണീ, കാമേശീ, സർവകാമദുധൗസ്തനൗ,
കാമരൂപിണീ .

മാധുര്യ

സ്വാധീനവല്ലഭാ, മാനവതീ, ശ്രൃംഗാരരസസമ്പൂർണാ,

ശിവകാമേശ്വരാങ്കസ്ഥാ, മഹാകാമേശമഹിഷീ,
മന്ദസ്മിതപ്രഭാപൂരമജ്ജത്കാമേശമാനസാ,
നാഭ്യാലവാലരോമാലിലതാഫലകുചദ്വയീ,
കാമേശ്വരപ്രേമരത്നമണിപ്രതിപണസ്തനീ, ദശനച്ഛദാ .

സൗന്ദര്യ

സുഭൂ, ബന്ധുരാലകാ, പദ്മാവതീ (പ്രേമഗാഥാ),

രത്നഗ്രൈവേയചിന്താകലോലമുക്താഫലാന്വിതാ, സുമുഖീ,
താംബൂലപൂരിതമുഖീ, കനകാംഗദകേയൂരകമനീയഭുജാന്വിതാ,
രമ്യാ, തനുമധ്യാ, രാകേന്ദുവദനാ, കനത്കനകതാടങ്കാ,
ചാരുഹാസാ, ശരച്ചന്ദ്രനിഭാനനാ, വിനിർഭർത്സിതകച്ഛപീ,
വിശാലാക്ഷീ, ദരസ്മേരമുഖാംബുജാ, പദ്മനയനാ,
ഹാസോജ്ജ്വലമുഖീ,
ദിവ്യഗന്ധാഢ്യാ, ചാരുചന്ദ്രകലാധരാ, നാസാഭരണഭൂഷിതാ,
സിന്ദൂരതിലകാഞ്ചിതാ, അനവദ്യാംഗീ, മഹാലാവണ്യശേവധിഃ,
ചമ്പകാശോകപുന്നാഗസൗഗന്ധികലസത്കചാ, രാജീവലോചനാ,
ലോലാക്ഷീ,
കാമാക്ഷീ, സംലാപമാധുര്യ, നാസാഭരണ, മീനാക്ഷീ,
മന്ദാരകുസുമപ്രിയാ,
പാടലീകുസുമപ്രിയാ, കദംബകുസുമപ്രിയാ,
കർപൂരവീടികാമോദ, നയനയുഗലേ
കജ്ജലകലാ, രണത്കിങ്കിണിമേഖലാ, കലാലാപാ,
സുവേഷാഢ്യാ, മന്ദഗമനാ,
നീലചികുരാ, കോമലാകാരാ, കോമലാംഗീ, മരാലീ,
നിത്യയൗവനാ, തരുണീ,
അരുണാരുണകൗസ്തുംഭവസ്ത്രഭാസ്വത്കടീതടീ,
മാണിക്യമുകുടാകാരാജാനുദ്യവിരാജിതാ,
ശോഭനാ, കദംബമഞ്ജരീക്ലൃപ്തകർണപൂരമനോഹരാ,
പുഷ്കരേക്ഷണാ,
നവചമ്പകപുഷ്പാഭനാസാദണ്ഡവിരാജിതാ,
മഹാലാവണ്യശേവധിഃ .

ത്രി

ത്രിപുരമാലിനീ, ത്രിപുരാംബികാ, ത്രിപുരാ, ത്രിപുരാശ്രീ,

ത്രിപുരേശീ,
ത്രിപുരസുന്ദരീ, ത്രയീ, ത്രികൂടാ, ത്രിസ്ഥാ, ത്രിമൂർതി,
ത്രികോണഗാ,
ത്രികോണാന്തരദീപികാ, ത്രിലോചനാ, ത്രിഖണ്ഡേശീ,
ത്രിവർഗദാത്രീ, ത്രിഗുണാത്മികാ .

തേജ : ജ്യോതി

തേജോവതീ, തൈജസാത്മികാ, വിദ്രുമാഭാ, സർവാരുണാ,

സ്വപ്രകാശാ,
തടില്ലതാസമരുചിഃ, കാന്തി, രക്തവർണാ, പരമജ്യോതി,
പദ്മരാഗസമപ്രഭാ,
വിദ്രുമാഭാ, ഉദ്യദ്ഭാനുസഹസ്രാഭാ,
നിജാരുണപ്രഭാപൂരമജ്ജദ്ബ്രഹ്മാണ്ഡമണ്ഡലാ,
അഷ്ടമീചന്ദ്രവിഭ്രാജാ, ദ്യുതിധരാ, രവിപ്രഖ്യാ, ചന്ദ്രനിഭാ,
ഇന്ദ്രധനുപ്രഭാ, തടില്ലതാസമരുചിഃ, ജ്വാലാമാലിനീ,
ചന്ദ്രമണ്ഡലമധ്യഗാ, തരുണാദിത്യപാടലാ, സദോദിതാ,
പ്രഭാരൂപാ,
പ്രഭാവതീ, ജപാപുഷ്പനിഭാകൃതി, ശ്യാമാഭാ, വിമർശരൂപിണീ,
മിത്രരൂപിണീ, ബന്ധൂകകുസുമപ്രഭാ, ആരക്തവർണാ,
തമോപഹാ, പീതവർണാ,
ശുക്ലവർണാ, ദാഡിമീകുസുമപ്രഭാ, ഭാനുമണ്ഡലമധ്യസ്ഥാ,
ഭാനുസന്തതിഃ,
വഹ്നിമണ്ഡലവാസിനീ, കാന്തിമതീ, വഹ്നികലാ, സൂര്യകലാ,
സോമകലാ .

ഐശ്വര്യ

ശാശ്വതൈശ്വര്യാ, ഉദ്ദാമവൈഭവാ, സുഭഗാ, നിസ്സീമമഹിമാ,

ഭുവനേശ്വരീ,
ഭഗമാലിനീ, ഭഗാരാധ്യാ, ഷഡൈശ്വര്യസമ്പന്നാ, സ്വർണഗർഭാ,
നിഖിലേശീ,
സർവലോകേശീ, ത്വമീശ്വരീ ദേവി ചരാചരസ്യ,
സർവലോകവശങ്കരീ .

തത്ത്വ
തത്ത്വാധികാ, തത്ത്വാസനാ, തത്ത്വമയീ, തത്ത്വമർഥസ്വരൂപിണീ,
ആത്മതത്ത്വ,
വിദ്യാതത്ത്വ, ശിവതത്ത്വ, സർവതത്ത്വ .

സർവ : പൂർണാ

സർവകാമസിദ്ധാ, സർവാ, സർവാകർഷിണീ, സർവവംശകരീ,

സർവോന്മാദിനീ,
സർവമഹാങ്കുശേ, സർവസങ്ക്ഷോഭിണീ, സർവവിദ്രാവിണീ,
സർവഖേചരീ,
സർവബീജാ, സർവയോനി, സർവത്രിഖണ്ഡാ, സർവാഹ്ലാദിനീ,
സർവസമ്മോഹിനീ,
സർവസ്തംഭിനീ, സർവജൃംഭിണീ, സർവരഞ്ജനീ,
സർവോന്മാദിനീ,
സർവാർഥസാധിനീ, സർവസമ്പത്തിപൂരിണീ, സർവമന്ത്രമയീ,
സർവദ്വന്ദ്വക്ഷയങ്കരീ, സർവസൗഭാഗ്യദായകചക്രസ്വാമിനീ,
സർവജ്ഞാ, സർവശക്തി, സർവൈശ്വര്യപ്രദായിനീ,
സർവജ്ഞാനമയീ,
സർവവ്യാധിവിനാശിനീ, സർവാധാരസ്വരൂപാ,
സർവപാപഹരാ, സർവാനന്ദമയി,
സർവരക്ഷാസ്വരൂപിണീ, സർവേപ്സിതഫലപ്രദാ,
സർവരക്ഷാകരചക്രസ്വാമിനീ,
സർവസിദ്ധിപ്രദചക്രസ്വാമിനീ, സർവാനന്ദമയചക്രസ്വാമിനീ,
സർവമന്ത്രമയീ, സർവാതീതാ, സർവഗാ, സർവാധാരാ,
സർവമംഗലാ,
സർവമയീ, സർവായുധധരാ, സർവാന്തര്യാമിനീ,
സർവാനുല്ലംഘ്യശാസനാ,
സർവമോഹിനീ, സർവവർണോപശോഭിതാ, സർവജ്ഞാ,
സർവമന്ത്രമയീ,
സർവലോകേശീ, സർവയന്ത്രാത്മികാ, സർവതന്ത്രേശീ,
സർവേശ്വരീ, സർവാശ്രയാ,
പൂർണാ .

പ്രകൃതി : സൃഷ്ടി

ജഡശക്തി, ജഡാത്മികാ, പരമാണു, തിരോധാനകരീ,

മഹാപ്രലയസാക്ഷിണീ,
സൃഷ്ടികർത്രീ, മഹേശ്വരമഹാകല്പമഹാതാണ്ഡവസാക്ഷിണീ,
ജഗതീകന്ദാ, ചരാചരജഗന്നാഥാ, ഭവചക്രപ്രവർതിനീ,
സംഹാരിണീ,
പഞ്ചകൃത്യപരായണാ,
ഉന്മേഷനിമിഷോത്പന്നവിപന്നഭുവനാവലീ, ലയകരീ,
വ്യാപിനീ, അവ്യാകൃതാ ഹി പരമാ പ്രകൃതിസ്ത്വമാദ്യാ,
ത്രിഗുണാത്മികാ,
സാഗരമേഖലാ, മഹീ, പഞ്ചഭൂതേശീ, വിയത്പ്രസൂ, ജഗത്പ്രസൂ,
വിരാട്, സൂക്ഷ്മരൂപിണീ, യോഗനിദ്രാ, ക്ഷോഭിണീ,
പ്രകൃതിസ്ത്വം ച
സർവസ്യഗുണത്രയവിഭാവിനീ, മൂലപ്രകൃതി .
 പരാ

പരാപരാ, പരാകാശാ, പരാത്പരാ, പരമാ .

നിർഗുണതത്ത്വ

നിരാലംബാ, നിരത്യയാ, നിരാധാരാ, നിരഞ്ജനാ, നിർലേപാ,

നിർമലാ,
നിഷ്കലങ്കാ, നിരുപാധി, നിരീശ്വരാ, നിരപായാ, നിർഭവാ,
നിസ്വൈഗുണ്യാ,
നിർവികല്പാ, നിർനാശാ, നിഷ്ക്രിയാ, നിർദ്വൈതാ,
നിഷ്കാമാ, നിരുപപ്ലവാ,
നിത്യമുക്താ, നിത്യശുദ്ധാ, നിത്യബുദ്ധാ, നിഷ്പ്രപഞ്ചാ,
നിർവികാരാ,
നിരാശ്രയാ, നിരവദ്യാ, നിരന്തരാ, നിഷ്കാരണാ, നിരാകാരാ,
നിഷ്കലാ,
നിരാകുലാ, അമൂർതാ, അചിന്ത്യരൂപാ, അപ്രമേയാ,
അപരിച്ഛേദ്യാ, അമേയാ,
അദൃശ്യാ, നിത്യാ, അവ്യക്താ, അനുത്തമാ, നിരൂപമാ,
കാര്യകാരണനിർമുക്താ .

വേദാന്തദർശന : ബ്രഹ്മ

സർവവേദാന്തസംവേദ്യാ, ബ്രഹ്മരൂപാ,
ബ്രഹ്മാത്മൈക്യസ്വരൂപിണീ,
ബ്രഹ്മജനനീ, ക്ഷേത്രേശീ, ക്ഷേത്രസ്വരൂപാ,
ക്ഷേത്രക്ഷേത്രജ്ഞപാലിനീ,
വ്യക്താവ്യക്ത-സ്വരൂപിണീ, ബ്രാഹ്മീ, പഞ്ചബ്രഹ്മസ്വരൂപിണീ,
കരാംഗുലിനഖോത്പന്ന നാരായണദശാകൃതിഃ, സ്വതന്ത്രാ,
ശാശ്വതീ,
ദേശകാലാപരിച്ഛിന്നാ, മനോവാചാമഗോചരാ, കല്പനാരഹിതാ,
ദ്വൈതവർജിതാ,
പരബ്രഹ്മരൂപിണീ .

വേദ : യജ്ഞ

സ്വാഹാ, യജ്ഞകർത്രീ, യജ്ഞപ്രിയാ, യജമാനസ്വരൂപിണീ,

പഞ്ചയജ്ഞപ്രിയാ,
ശ്രുതി, വേദവിദ്യാ, വേദജനനീ,
ശ്രുതിസീമന്തസിന്ദൂരീകൃതപാദാബ്ജധൂലികാ,
നിജാജ്ഞാരൂപനിഗമാ, സാമഗാനപ്രിയാ,
ശ്രുതിസംസ്തുതവൈഭവാ, ഛന്ദഃസാരാ,
സർവോപനിഷദുദ്ഘുഷ്ടാ .

സംഗീത

ലാസ്യപ്രിയാ, ഗാനലോലുപാ, കലാലാപാ, നടേശ്വരീ,

നാദരൂപാ, സാമഗാനപ്രിയാ .

കലാ
കാവ്യാലാപവിനോദിനീ, കാവ്യകലാ, കലാനിധി, കലാമാലാ,
കലാവതീ,
ചതുഃഷഷ്ഠികലാമയീ .

വിദ്യാ

വിദ്യാ സമസ്താസ്തവ ദേവി ഭേദാ, വിദ്യാഽസി സാ ഭഗവതീ

പരമാ ഹി ദേവീ,
ബ്രഹ്മവിദ്യാ, വിശ്വവിദ്യാ, വിദ്യാ, വിദ്യാവിദ്യാ, മഹാവിദ്യാ,
ആത്മവിദ്യാ,
ശ്രീവിദ്യാ .

തന്ത്ര

സർവതന്ത്രരൂപാ, സർവതന്ത്രേശീ,
സകലാഗമസന്ദോഹശുക്തിസമ്പുടമൗക്തികാ,
നിത്യാ, സന്ധ്യാ, കാലരാത്രി, യാകിനീ, ഹാകിനീ, ഡാകിനീ,
രാകിനീ, ലാകിനീ,
കാകിനീ, സാകിനീ, വജ്രിണീ, ഹംസവതീ, വരദാ, മന്ത്രിണീ,
ലലിതാംബാ,
പ്രകടയോഗിനീ, തിഥിമണ്ഡലപൂജിതാ, ത്വരിതാ, വജ്രേശ്വരീ,
കുരുകുല്ലാ .

സിദ്ധി
അണിമാ, ലഘിമാ, മഹിമാ, ഈശത്വ, വശിത്വ, പ്രാകാമ്യ,
ഭുക്തി,
ഇച്ഛാസിദ്ധി, പ്രാപ്തസിദ്ധി, സർവകാമസിദ്ധി .

ലോകമാതൃകാ

ബ്രാഹ്മീ, മാഹേശ്വരീ, കൗമാരീ, വൈഷ്ണവീ, വാരാഹീ,

മാഹേന്ദ്രീ, ചാമുണ്ഡാ,
മഹാലക്ഷ്മീ .

ജീവന കേ പ്രയോജന

പുരുഷാർഥ, സിദ്ധി, ആനന്ദ, ജ്ഞാന, സത്യ, സൗന്ദര്യ-മാധുര്യ,

രസ,
ഭക്തി, ജ്ഞാന, ഐശ്വര്യ, മോക്ഷ .

പിണ്ഡ

പഞ്ചകോഷ, ദഹരാകാശരൂപിണീ, മേദോനിഷ്ഠാ,

രുധിരസംസ്ഥിതാ,
അസ്ഥിസംസ്ഥിതാ, മജ്ജാസംസ്ഥാ, ത്വക്, മാംസനിഷ്ഠാ,
ഭാലസ്ഥാ, ശിരസ്ഥാ,
ഹൃദയസ്ഥാ, ഇന്ദ്രിയാണാമധിഷ്ഠാത്രീ .

മായാ
വിഷ്ണുമായാ, യോഗമായാ, മായാ .

നിദാന

ചതുർബാഹുസമന്വിതാ, പഞ്ചതന്മാത്രസായകാ,
മനോരൂപേക്ഷുകോദണ്ഡാ,
ക്രോധാങ്കാരാകുശോജ്ജ്വലാ, രാഗസ്വരൂപപാശാഢ്യാ,
സഹസ്രശീർഷവദനാ,
ത്രിലോചനാ, സഹസ്രാക്ഷീ, സഹസ്രപാത്,
ചതുർവക്ത്രമനോഹരാ, വദനദ്യാ .

ലോക മണിദ്വീപ

സുധാസാഗരമധ്യസ്ഥാ, കദംബവനവാസിനീ,
മഹാപദ്മാടവീസംസ്ഥാ,
ചിന്താമണിഗൃഹാന്തസ്ഥാ, മണിദ്വീപ .

ദർശന ഔര സമ്പ്രദായ

ദർശനവിദ്യാ, ശൈവദർശന, ശാക്തദർശന, വൈഷ്ണവദർശന,

സൗരദർശന, ബൗദ്ധദർശന, വൈദികദർശന, ശ്രീരാമാനന്ദമയി
സിദ്ധ : സിദ്ധേശ്വരീ, സിദ്ധവിദ്യാ
യോഗ : യോഗിനീ, യോഗദാ, യോഗിനീഗണസേവിതാ,
മഹായോഗേശ്വരേശ്വരീ, മനോന്മനീ, യോഗനിദ്രാ
കൗല : കൗലിനീ, കുലയോഗിനീ, കുലാമൃതൈകരസികാ,
കുലസങ്കേതപാലിനീ,
അകുലാ, കുലാംഗനാ കുലാന്തസ്ഥാ, സമയാചാരതത്പരാ,
സമയാ, സമയാന്തസ്ഥാ,
വജ്രേശ്വരീ, കുരുകുല്ലാ .

ആസന

മഹാസനാ, സിംഹാസനാ, സിംഹാസനേശ്വരീ, പദ്മാസനാ,

പഞ്ചാസനാ,
ബൈന്ദവാസനാ .

മുദ്രാ

യോനിമുദ്രാ, ജ്ഞാനമുദ്രാ, ദശമുദ്രാസമാരാധ്യാ .

മന്ത്ര

വാഗ്ഭവകൂട : മുഖ,
മധ്യകൂട : മധ്യഭാഗ,
ശക്തികൂട : കട്യധോഭാഗ, മൂലമന്ത്രാത്മികാ, കൂടത്രയകലേവരാ,
മാതൃകാവർണരൂപിണീ, ത്രികൂടാ, അക്ഷമാലാ,
സർവവർണോപശോഭിതാ,
വർണരൂപിണീ, മന്ത്രസാരാ, മഹാമന്ത്രാ, സർവമന്ത്രസ്വരൂപിണീ,
ത്ര്യക്ഷരീ, പഞ്ചദശാക്ഷരീ, ഷഡക്ഷരീ, ഷോഡശാക്ഷരീ,
ഹംസിനീ,
ഹ്രീങ്കാരജപസുപ്രീതാ .

യന്ത്ര
യന്ത്രാത്മികാ, യന്ത്രസ്വരൂപിണീ, സർവയന്ത്രാത്മികാ,
മഹായന്ദ്രാ,
ചക്രരാജനികേതനാ, ചക്രരാജരഥാരൂഢാ, ത്രികോണാന്തരദീപികാ,
ശ്രീകണ്ഠാർധശരീരിണീ, ബിന്ദുതർപണസന്തുഷ്ടാ, ത്രികോണഗാ,
ശ്രീചക്രരാജനിലയാ, യോനിനിലയാ, കിരിചക്രരഥാരൂഢാ,
ഗേയചക്ര .

യോനി

യോനിനിലയാ, ജഗദ്യോനി, കാമകലാ, സർവയോനി,

ബ്രഹ്മയോനി .

ഉപാസക

സനകാദിസമാരാധ്യാ, ശിവാരാധ്യാ, ബുധാർചിതാ,

പുലോമജാർചിതാ, ധീരസമർചിതാ, രംഭാദിവന്ദിതാ,
ബ്രഹ്മോപേന്ദ്രമഹേന്ദ്രാദിദേവസംസ്തുതവൈഭവാ, ത്രിജഗദ്വന്ദ്യാ,
ക്ഷേത്രപാല,
മനു, ചന്ദ്ര, നന്ദി,
ദേവർഷിഗണസംഘാതസ്തൂയമാനാത്മവൈഭവാ, ഭദ്ര,
ശിഷ്ട, ഗന്ധർവ, മാർതാണ്ഡഭൈരവ, ദുർവാസാ, രംഭാ,
ഉർവശീ, കാമ,
ശാരദാ, ലോപാമുദ്രാ, ആബാലഗോപവിദിതാ, ത്രിജഗദ്വന്ദ്യാ .

വിഷ്ണു : നാരായണി
വിഷ്ണുരൂപിണീ, വൈഷ്ണവീ, ഗോവിന്ദരൂപിണീ, മുകുന്ദാ,
നാരായണീ, വിഷ്ണുമായാ,
പദ്മനാഭസഹോദരീ .

പുരാണ സന്ദർഭ

ദേവകാര്യസമുദ്യതാ, ദേവേശീ, സുരനായികാ, ഗോപ്ത്രീ,

ദണ്ഡനാഥാ
പുരസ്കൃതാ, ഗണേശ-അംബാ, പൂർവജാ,
വിഷംഗപ്രാണഹരണാ,
ഭണ്ഡാസുരവധോദ്യുക്തശക്തിവിക്രമഹർഷിതാ,
ഭണ്ഡപുത്രവധോദ്യുക്ത ബാലാ
വിക്രമനന്ദിതാ, വിശുക്രപ്രാണഹരണാവാരാഹീവീര്യനന്ദിതാ .

പാർവതീ : ശിവാ

ഗൗരീ, ദക്ഷയജ്ഞവിനാശിനീ, സ്കന്ദമാതാ, സതീ, ഉമാ,

ശൈലേന്ദ്രതനയാ,
അപർണാ, കുമാരഗണനാഥാംബാ, ഗുഹേശീ, ശാങ്കരീ, മൃഡാനീ,
ഭൈരവീ,
കാമേശ്വരപ്രാണനാഡീ, സദാശിവാ, സദാശിവകുടുംബിനീ,
രുദ്രാണീ,
ശാംഭവീ, ശർവാണീ, ഭവാനീ, കാലകണ്ഠീ, ശംഭുമോഹിനീ,
വാമദേവീ,
ശിവദൂതീ, ശിവപ്രിയാ, ശിവമൂർതി, വ്യോമകേശീ, മാഹേശ്വരീ,
മഹാദേവീ,
ത്ര്യംബകാ, ദക്ഷിണാമൂർതിരൂപിണീ, ശിവങ്കരീ,
ശിവജ്ഞാനപ്രദായിനീ,
ശിവാ, ശിവ-കാമേശ്വരാങ്കസ്ഥാ, കപർദിനീ, നടേശ്വരീ,
മൃഡപ്രിയാ,
ശ്രീകണ്ഠാർധശരീരിണീ, ശർവാണീ, മഹേശീ .

വിശ്വ

വിശ്വസ്യ ബീജം പരമാസി മായാ, ആധാരഭൂതാ

ജഗതസ്ത്വമേകാ, യയേദം
ധാര്യതേ ജഗത്, വിശ്വഗർഭാ, വിശ്വധാരിണീ, വിശ്വതോമുഖീ,
വിശ്വരൂപാ,
വിശ്വസാക്ഷിണീ, വിശ്വഗ്രാസാ, വിശ്വമാതാ, വിശ്വാധികാ,
വിശ്വഭ്രമണകാരിണീ

വിവർജിതാ

വയോവസ്ഥാ വിവർജിതാ, നാമരൂപവിവർജിതാ,

ഹേയോപാദേയവർജിതാ, വേദ്യവർജിതാ,
ഭാവാഭാവവിവർജിതാ, ധർമാധർമവിവർജിതാ,
സാക്ഷിവർജിതാ,
ക്ഷയവൃദ്ധിവിനിർമുക്താ, ദ്വൈതവർജിതാ,
കാര്യകാരണനിർമുക്താ,
സമാനാധികവർജിതാ .

തീർഥ

മലയാചലവാസിനീ, വിന്ധ്യാചലനിവാസിനീ, ജാലന്ധരസ്ഥിതാ,

സുമേരുമധ്യശൃംഗസ്ഥാ, കാമകോടിനിലയാ, ശ്രീമന്നഗരനായികാ,
മഹാകൈലാശനിലയാ .

രാജ്യതത്ത്വ

രാജപീഠനിഷേവിതാ, രാജരാജാർചിതാ, സാമ്രാജ്യദായിനീ,

രാജ്യദായിനീ,
രാജരാജേശ്വരീ, രാജ്യലക്ഷ്മീ, രാജ്ഞീ, രാജ്യവല്ലഭാ,
സർവാനുല്ലംഘ്യശാസനാ, ചതുരംഗബലേശ്വരീ, രാജമാതംഗീ,
സർവരാജവശങ്കരീ .

ശക്തി

മൂലശക്തി, ഇച്ഛാശക്തി, ജ്ഞാനശക്തി, ക്രിയാശക്തി,

ആദിശക്തി,
മഹാശക്തി, ശിവശക്ത്യൈകരൂപിണീ, മഹാസത്ത്വാ,
മഹാവീര്യാ, മഹാബലാ .

സാമരസ്യ

സാമരസ്യപരായണാ, സമരസാ .
 മനോമയീ

ഭാവജ്ഞാ, ഭാവനാഗമ്യാ, നിത്യക്ലിന്നാ, കരുണാരസസാഗരാ,

ദയാമദാരുണാപാംഗാ, ദയാമൂർതി, അവ്യാജകരുണാമൂർതി,
സാന്ദ്രകരുണാ,
ശാന്തിമതീ, ശാന്താ, മൈത്ര്യാദിവാസനാലഭ്യാ, മമതാഹന്ത്രീ,
നിർമോഹാ,
മോഹനാശിനീ, നിർമമാ, നന്ദിനീ, നിഃസംശയാ, സംശയഘ്നീ,
വിരാഗിണീ,
വത്സലാ, ശർമദാ, സദ്യഃപ്രസാദിനീ, ഗംഭീരാ, ലജ്ജാ,
പ്രേമരൂപാ,
പ്രിയങ്കരീ, മനസ്വിനീ, നിശ്ചിന്താ, അതിഗർവിതാ, നിഷ്പാപാ,
തുഷ്ടി,
നിത്യതൃപ്താ, സദാതുഷ്ടാ, പരാനിഷ്ഠാ, പ്രഗൽഭാ, ഭയാപഹാ,
നിർലോഭാ, നിർവികാരാ, നിർലേപാ, നിഷ്കാമാ,
നിഷ്പരിഗ്രഹാ, നിരഹങ്കാരാ,
നിഷ്ക്രോധാ, ചണ്ഡികാ, പരമോദാ, പരമോദാരാ, വിരാഗിണീ,
സൗമ്യാ, ധൃതി,
മതി, സ്മൃതി, മേധാ, പ്രാജ്ഞാത്മികാ, മഹാബുദ്ധി, ശ്രദ്ധാ,
ലജ്ജാ,
ശുദ്ധമാനസാ .

വിരുദ്ധധർമാശ്രയത്വ
വ്യക്താവ്യക്തസ്വരൂപിണീ, നിത്യതൃപ്താ, അനിത്യതൃപ്താ,
വിദ്യാവിദ്യാസ്വരൂപിണീ,
സദസരൂപിണീ, ക്ഷരാക്ഷരാത്മികാ, സവ്യാപസവ്യമാർഗസ്ഥാ,
പരാപരാ,
ധർമാധർമവിവർജിതാ .

അവസ്ഥാ

ജാഗരന്തീ, സുപ്താ, തുര്യാ, സ്വപന്തീ,

സർവാവസ്ഥാവിവർജിതാ, നിത്യയൗവനാ,
വയോവസ്ഥാവിവർജിതാ .

ഉപാസനാ

അഭ്യാസാതിശയജ്ഞാതാ, ദുർഗാ, ദുരാധർഷാ, ദുർഗമാ,

ദുർലഭാ, ദുരാരാധ്യാ,
അന്തർമുഖസമാരാധ്യാ, താപസാരാധ്യാ, ധ്യാനഗമ്യാ,
ധ്യാനധ്യാതൃധ്യേയരൂപാ,
ഭക്തിപ്രിയാ, ഭക്തമാനസഹംസികാ, ഭക്തനിധി,
ഭക്തചിത്തകേകിഘനാഘനാ,
ഭക്തിവശ്യാ, ഭാവനാഗമ്യാ, ജ്ഞാനഗമ്യാ, സുലഭാ,
സുഖാരാധ്യാ,
ആബാലഗോപാവിദിതാ, രഹോയാഗക്രമാരാധ്യാ,
രഹസ്തർപണതർപിതാ,
മഹായാഗക്രമാരാധ്യാ, യജ്ഞകർത്രീ, പഞ്ചയജ്ഞപ്രിയാ,
യജമാനസ്വരൂപിണീ,
പ്രിയവ്രതാ, ബലിപ്രിയാ, നാമപാരായണപ്രീതാ,
സുവാസിന്യർചനപ്രീതാ,
ചതുഃഷഷ്ഠ്യുപചാരാഢ്യാ, പുണ്യശ്രവണകീർതനാ,
മൈത്ര്യാദിവാസനാലഭ്യാ,
വിപ്രപ്രിയാ, വിപ്രരൂപാ, ദ്വിജബൃന്ദനിഷേവിതാ .

കുണ്ഡലിനീ

ഷട്ചക്രോപരിസംസ്ഥിതാ, മൂലാധാരൈകനിലയാ,
മൂലാധാരാംബുജാരൂഢാ,
അനാഹതാബ്ജനിലയാ, സഹസ്രാരാംബുജാരൂഢാ,
സഹസ്രദലപദ്മസ്ഥാ,
വിശുദ്ധിചക്രനിലയാ, സ്വാധിഷ്ഠാനാംബുജഗതാ,
ആജ്ഞാചക്രാന്തരാലസ്ഥാ,
ആജ്ഞാചക്രാബ്ജനിലയാ, മണിപൂരാബ്ജനിലയാ,
മണിപൂരാന്തരുദിതാ,
സുധാസാരാഭിവർഷിണീ, ബിസതന്തുതനീയസീ,
ബ്രഹ്മഗ്രന്ഥിവിഭേദിനീ,
വിഷ്ണുഗ്രന്ഥിവിഭേദിനീ, രുദ്രഗ്രന്ഥിവിഭേദിനീ .

കല്പലതാ

പുരുഷാർഥപ്രദാ, വാഞ്ഛിതാർഥപ്രദായിനീ, രാജ്യദായിനീ,

സാമ്രാജ്യദായിനീ,
ശർമദാ, ശർമദായിനീ, സദ്ഗതിപ്രദാ, സ്വർഗാപവർഗദാ,
യോഗദാ,
കൈവല്യപദദായിനീ, വസുദാ, പ്രാണദാ, ആനന്ദാ,
സർവാർഥദാത്രീ,
സമസ്തഭക്തസുഖദാ, സർവാപദ്വിനിവാരിണീ, ദുഃഖവിമോചിനീ,
രോഗഘ്നീ,
സർവവ്യാധിപ്രശമനീ, ശിവങ്കരീ, സർവമംഗലാ, സ്വസ്തിമതീ,
ദൗർഭാഗ്യതൂലവാതൂലാ, സൗഭാഗ്യദായിനീ,
രോഗപർവതദംഭോലിഃ, ദുഃഖഹന്ത്രീ,
ജന്മമൃത്യുജരാതപ്തജനവിശ്രാന്തിദായിനീ, ജരാധ്വാന്തരവിപ്രഭാ,
കല്പലതികാ, കാമധുക, ഭവദാവസുധാവൃഷ്ടി, സർവമംഗലാ,
സംസാരപങ്കനിർമഗ്നസമുദ്ധരണപണ്ഡിതാ, പരമന്ത്രവിഭേദിനീ,
ഭവാരണ്യകുഠാരികാ, ഭയാപഹാ, പുരുഷാർഥപ്രദാ, ശുഭങ്കരീ,
ശാന്തി,
നിർവാണാനന്ദ, സുഖദായിനീ, മുക്തിദാ .
 ശ്രീലലിതാസഹസ്രനാമാവലീ

.. ധ്യാനം ..

സിന്ദൂരാരുണവിഗ്രഹാം ത്രിനയനാം മാണിക്യമൗലിസ്ഫുരത്

താരാനായകശേഖരാം സ്മിതമുഖീമാപീനവക്ഷോരുഹാം .
പാണിഭ്യാമലിപൂർണരത്നചഷകം രക്തോത്പലം ബിഭ്രതീം
സൗമ്യാം രത്നഘടസ്ഥരക്തചരണാം ധ്യായേത്പരാമംബികാം ..

അരുണാം കരുണാതരംഗിതാക്ഷീം
ധൃതപാശാങ്കുശപുഷ്പബാണചാപാം .
അണിമാദിഭിരാവൃതാം മയൂഖൈരഹമിത്യേവ വിഭാവയേ
ഭവാനീം ..
ധ്യായേത് പദ്മാസനസ്ഥാം വികസിതവദനാം പദ്മപത്രായതാക്ഷീം
ഹേമാഭാം പീതവസ്ത്രാം കരകലിതലസദ്ധേമപദ്മാം വരാംഗീം .
സർവാലങ്കാരയുക്താം സതതമഭയദാം ഭക്തനമ്രാം ഭവാനീം
ശ്രീവിദ്യാം ശാന്തമൂർതിം സകലസുരനുതാം സർവസമ്പത്പ്രദാത്രീം

..

സകുങ്കുമവിലേപനാമലികചുംബികസ്തൂരികാം
സമന്ദഹസിതേക്ഷണാം സശരചാപപാശാങ്കുശാം .
അശേഷജനമോഹിനീമരുണമാല്യഭൂഷാംബരാം
ജപാകുസുമഭാസുരാം ജപവിധൗ സ്മരേദംബികാം ..

.. അഥ ശ്രീ ലലിതാ സഹസ്രനാമാവലീ ..

ഓം ഐം ഹ്രീം ശ്രീം ശ്രീമാത്രേ നമഃ .

ഓം ശ്രീമഹാരാജ്ഞൈ നമഃ .
ഓം ശ്രീമത്സിംഹാസനേശ്വര്യൈ നമഃ .
ഓം ചിദഗ്നികുണ്ഡസംഭൂതായൈ നമഃ .
ഓം ദേവകാര്യസമുദ്യതായൈ നമഃ .
ഓം ഉദ്യദ്ഭാനുസഹസ്രാഭായൈ നമഃ .
ഓം ചതുർബാഹുസമന്വിതായൈ നമഃ .
ഓം രാഗസ്വരൂപപാശാഢ്യായൈ നമഃ .
ഓം ക്രോധാകാരാങ്കുശോജ്ജ്വലായൈ നമഃ .
ഓം മനോരൂപേക്ഷുകോദണ്ഡായൈ നമഃ . 10
ഓം പഞ്ചതന്മാത്രസായകായൈ നമഃ .
ഓം നിജാരുണപ്രഭാപൂരമജ്ജദ് ബ്രഹ്മാണ്ഡമണ്ഡലായൈ നമഃ .
ഓം ചമ്പകാശോകപുന്നാഗസൗഗന്ധികലസത്കചായൈ നമഃ .
ഓം കുരുവിന്ദമണിശ്രേണീകനത്കോടീരമണ്ഡിതായൈ നമഃ .
ഓം അഷ്ടമീചന്ദ്രവിഭ്രാജദലികസ്ഥലശോഭിതായൈ നമഃ .
ഓം മുഖചന്ദ്രകലങ്കാഭമൃഗനാഭിവിശേഷകായൈ നമഃ .
ഓം വദനസ്മരമാംഗല്യഗൃഹതോരണചില്ലികായൈ നമഃ .
ഓം വക്ത്രലക്ഷ്മീപരീവാഹചലന്മീനാഭലോചനായൈ നമഃ .
ഓം നവചമ്പകപുഷ്പാഭനാസാദണ്ഡവിരാജിതായൈ നമഃ .
ഓം താരാകാന്തിതിരസ്കാരിനാസാഭരണഭാസുരായൈ നമഃ . 20
ഓം കദംബമഞ്ജരീക്ലൃപ്തകർണപൂരമനോഹരായൈ നമഃ .
ഓം താടങ്കയുഗലീഭൂതതപനോഡുപമണ്ഡലായൈ നമഃ .
ഓം പദ്മരാഗശിലാദർശപരിഭാവികപോലഭുവേ നമഃ .
ഓം നവവിദ്രുമബിംബശ്രീന്യക്കാരിരദനച്ഛദായൈ നമഃ .
ഓം ശുദ്ധവിദ്യാങ്കുരാകാരദ്വിജപങ്ക്തിദ്വയോജ്ജ്വലായൈ നമഃ .
ഓം കർപൂരവീടികാമോദസമാകർഷി ദിഗന്തരായൈ നമഃ .
ഓം നിജസല്ലാപമാധുര്യ വിനിർഭത്സിതകച്ഛപ്യൈ നമഃ .
ഓം മന്ദസ്മിതപ്രഭാപൂരമജ്ജത്കാമേശമാനസായൈ നമഃ .
ഓം അനാകലിതസാദൃശ്യചിബുകശ്രീവിരാജിതായൈ നമഃ .
ഓം കാമേശബദ്ധമാംഗല്യസൂത്രശോഭിതകന്ധരായൈ നമഃ . 30
ഓം കനകാംഗദകേയൂരകമനീയമുജാന്വിതായൈ നമഃ .
ഓം രത്നഗ്രൈവേയ ചിന്താകലോലമുക്താഫലാന്വിതായൈ നമഃ .
ഓം കാമേശ്വരപ്രേമരത്നമണിപ്രതിപണസ്തന്യൈ നമഃ .
ഓം നാഭ്യാലവാലരോമാലിലതാഫലകുചദ്വയ്യൈ നമഃ .
ഓം ലക്ഷ്യരോമലതാധാരതാസമുന്നേയമധ്യമായൈ നമഃ .
ഓം സ്തനഭാരദലന്മധ്യപട്ടബന്ധവലിത്രയായൈ നമഃ .
ഓം അരുണാരുണകൗസുംഭവസ്ത്രഭാസ്വത്കടീതട്യൈ നമഃ .
ഓം രത്നകിങ്കിണികാരമ്യരശനാദാമഭൂഷിതായൈ നമഃ .
ഓം കാമേശജ്ഞാതസൗഭാഗ്യമാർദവോരുദ്വയാന്വിതായൈ നമഃ .
ഓം മാണിക്യമുകുടാകാരജാനുദ്വയവിരാജിതായൈ നമഃ . 40
ഓം ഇന്ദ്രഗോപപരിക്ഷിപ്തസ്മരതൂണാഭജംഘികായൈ നമഃ .
ഓം ഗൂഢഗുൽഫായൈ നമഃ .
ഓം കൂർമ പൃഷ്ഠജയിഷ്ണുപ്രപദാന്വിതായൈ നമഃ .
ഓം നഖദീധിതിസഞ്ഛന്നനമജ്ജനതമോഗുണായൈ നമഃ .
ഓം പദദ്വയപ്രഭാജാലപരാകൃതസരോരുഹായൈ നമഃ .
ഓം ശിഞ്ജാനമണിമഞ്ജീരമണ്ഡിതശ്രീപദാംബുജായൈ നമഃ .
ഓം മരാലീമന്ദഗമനായൈ നമഃ .
ഓം മഹാലാവണ്യശേവധയേ നമഃ .
ഓം സർവാരുണായൈ നമഃ .
ഓം അനവദ്യാംഗ്യൈ നമഃ . 50
ഓം സർവാഭരണഭൂഷിതായൈ നമഃ .
ഓം ശിവകാമേശ്വരാങ്കസ്ഥായൈ നമഃ .
ഓം ശിവായൈ നമഃ .
ഓം സ്വാധീനവല്ലഭായൈ നമഃ .
ഓം സുമേരുമധ്യശൃംഗസ്ഥായൈ നമഃ .
ഓം ശ്രീമന്നഗരനായികായൈ നമഃ .
ഓം ചിന്താമണിഗൃഹാന്തസ്ഥായൈ നമഃ .
ഓം പഞ്ചബ്രഹ്മാസനസ്ഥിതായൈ നമഃ .
ഓം മഹാപദ്മാടവീസംസ്ഥായൈ നമഃ .
ഓം കദംബവനവാസിന്യൈ നമഃ . 60
ഓം സുധാസാഗരമധ്യസ്ഥായൈ നമഃ .
ഓം കാമാക്ഷ്യൈ നമഃ .
ഓം കാമദായിന്യൈ നമഃ .
ഓം ദേവർഷിഗണസംഘാതസ്തൂയമാനാത്മവൈഭായൈ നമഃ .
ഓം ഭണ്ഡാസുരവധോദ്യുക്തശക്തിസേനാസമന്വിതായൈ നമഃ .
ഓം സമ്പത്കരീസമാരൂഢസിന്ദുരവ്രജസേവിതായൈ നമഃ .
ഓം അശ്വാരൂഢാധിഷ്ഠിതാശ്വകോടികോടിഭിരാവൃതായൈ നമഃ .
ഓം ചക്രരാജരഥാരൂഢസർവായുധപരിഷ്കൃതായൈ നമഃ .
ഓം ഗേയചക്രരഥാരൂഢമന്ത്രിണീപരിസേവിതായൈ നമഃ .
ഓം കിരിചക്രരഥാരൂഢദണ്ഡനാഥാപുരസ്കൃതായൈ നമഃ . 70
ഓം ജ്വാലാമാലിനികാക്ഷിപ്തവഹ്നിപ്രാകാരമധ്യഗായൈ നമഃ .
ഓം ഭണ്ഡസൈന്യവധോദ്യുക്തശക്തിവിക്രമഹർഷിതായൈ നമഃ .
ഓം നിത്യാപരാക്രമാടോപനിരീക്ഷണസമുത്സുകായൈ നമഃ .
ഓം ഭണ്ഡപുത്രവധോദ്യുക്തബാലാവിക്രമനന്ദിതായൈ നമഃ .
ഓം മന്ത്രിണ്യംബാവിരചിതവിഷംഗവധതോഷിതായൈ നമഃ .
(വിശുക്രവധതോഷിതായൈ)

See a note at the end)

ഓം വിശുക്രപ്രാണഹരണവാരാഹീവീര്യനന്ദിതായൈ നമഃ .
(വിഷംഗപ്രാണഹരണ)
ഓം കാമേശ്വരമുഖാലോകകല്പിതശ്രീഗണേശ്വരായൈ നമഃ .
ഓം മഹാഗണേശനിർഭിന്നവിഘ്നയന്ത്രപ്രഹർഷിതായൈ നമഃ .
ഓം ഭണ്ഡാസുരേന്ദ്രനിർമുക്തശസ്ത്രപ്രത്യസ്ത്രവർഷിണ്യൈ നമഃ .
ഓം കരാംഗുലിനഖോത്പന്നനാരായണദശാകൃത്യൈ നമഃ . 80
ഓം മഹാപാശുപതാസ്ത്രാഗ്നിനിർദഗ്ധാസുരസൈനികായൈ നമഃ

.
ഓം കാമേശ്വരാസ്ത്രനിർദഗ്ധസഭാണ്ഡാസുരശൂന്യകായൈ നമഃ .
ഓം ബ്രഹ്മോപേന്ദ്രമഹേന്ദ്രാദിദേവസംസ്തുതവൈഭവായൈ നമഃ .
ഓം ഹരനേത്രാഗ്നിസന്ദഗ്ധകാമസഞ്ജീവനൗഷധ്യൈ നമഃ .
ഓം ശ്രീമദ്വാഗ്ഭവകൂടൈകസ്വരൂപമുഖപങ്കജായൈ നമഃ .
ഓം കണ്ഠാധഃ കടിപര്യന്തമധ്യകൂടസ്വരൂപിണ്യൈ നമഃ .
ഓം ശക്തികൂടൈകതാപന്നകട്യധോഭാഗധാരിണ്യൈ നമഃ .
ഓം മൂലമന്ത്രാത്മികായൈ നമഃ .
ഓം മൂലകൂടത്രയകലേബരായൈ നമഃ .
ഓം കുലാമൃതൈകരസികായൈ നമഃ . 90
ഓം കുലസങ്കേതപാലിന്യൈ നമഃ .
ഓം കുലാംഗനായൈ നമഃ .
ഓം കുലാന്തസ്ഥായൈ നമഃ .
ഓം കൗലിന്യൈ നമഃ .
ഓം കുലയോഗിന്യൈ നമഃ .
ഓം അകുലായൈ നമഃ .
ഓം സമയാന്തസ്ഥായൈ നമഃ .
ഓം സമയാചാരതത്പരായൈ നമഃ .
ഓം മൂലാധാരൈകനിലയായൈ നമഃ .
ഓം ബ്രഹ്മഗ്രന്ഥിവിഭേദിന്യൈ നമഃ . 100
ഓം മണിപൂരാന്തരുദിതായൈ നമഃ .
ഓം വിഷ്ണുഗ്രന്ഥിവിഭേദിന്യൈ നമഃ .
ഓം ആജ്ഞാചക്രാന്തരാലസ്ഥായൈ നമഃ .
ഓം രുദ്രഗ്രന്ഥിവിഭേദിന്യൈ നമഃ .
ഓം സഹസ്രാരാംബുജാരൂഢായൈ നമഃ .
ഓം സുധാസാരാഭിവർഷിണ്യൈ നമഃ .
ഓം തടില്ലതാസമരുച്യൈ നമഃ .
ഓം ഷട്ചക്രോപരിസംസ്ഥിതായൈ നമഃ .
ഓം മഹാസക്ത്യൈ നമഃ .
ഓം കുണ്ഡലിന്യൈ നമഃ . 110
ഓം ബിസതന്തുതനീയസ്യൈ നമഃ .
ഓം ഭവാന്യൈ നമഃ .
ഓം ഭാവനാഗമ്യായൈ നമഃ .
ഓം ഭവാരണ്യകുഠാരികായൈ നമഃ .
ഓം ഭദ്രപ്രിയായൈ നമഃ .
ഓം ഭദ്രമൂർത്യൈ നമഃ .
ഓം ഭക്തസൗഭാഗ്യദായിന്യൈ നമഃ .
ഓം ഭക്തിപ്രിയായൈ നമഃ .
ഓം ഭക്തിഗമ്യായൈ നമഃ .
ഓം ഭക്തിവശ്യായൈ നമഃ . 120
ഓം ഭയാപഹായൈ നമഃ .
ഓം ശാംഭവ്യൈ നമഃ .
ഓം ശാരദാരാധ്യായൈ നമഃ .
ഓം ശർവാണ്യൈ നമഃ .
ഓം ശർമദായിന്യൈ നമഃ .
ഓം ശാങ്കര്യൈ നമഃ .
ഓം ശ്രീകര്യൈ നമഃ .
ഓം സാധ്വ്യൈ നമഃ .
ഓം ശരച്ചന്ദ്രനിഭാനനായൈ നമഃ .
ഓം ശാതോദര്യൈ നമഃ . 130
ഓം ശാന്തിമത്യൈ നമഃ .
ഓം നിരാധാരായൈ നമഃ .
ഓം നിരഞ്ജനായൈ നമഃ .
ഓം നിർലേപായൈ നമഃ .
ഓം നിർമലായൈ നമഃ .
ഓം നിത്യായൈ നമഃ .
ഓം നിരാകാരായൈ നമഃ .
ഓം നിരാകുലായൈ നമഃ .
ഓം നിർഗുണായൈ നമഃ .
ഓം നിഷ്കലായൈ നമഃ . 140
ഓം ശാന്തായൈ നമഃ .
ഓം നിഷ്കാമായൈ നമഃ .
ഓം നിരുപപ്ലവായൈ നമഃ .
ഓം നിത്യമുക്തായൈ നമഃ .
ഓം നിർവികാരായൈ നമഃ .
ഓം നിഷ്പ്രപഞ്ചായൈ നമഃ .
ഓം നിരാശ്രയായൈ നമഃ .
ഓം നിത്യശുദ്ധായൈ നമഃ .
ഓം നിത്യബുദ്ധായൈ നമഃ .
ഓം നിരവദ്യായൈ നമഃ . 150
ഓം നിരന്തരായൈ നമഃ .
ഓം നിഷ്കാരണായൈ നമഃ .
ഓം നിഷ്കലങ്കായൈ നമഃ .
ഓം നിരുപാധയേ നമഃ .
ഓം നിരീശ്വരായൈ നമഃ .
ഓം നീരാഗായൈ നമഃ .
ഓം രാഗമഥന്യൈ നമഃ .
ഓം നിർമദായൈ നമഃ .
ഓം മദനാശിന്യൈ നമഃ .
ഓം നിശ്ചിന്തായൈ നമഃ . 160
ഓം നിരഹങ്കാരായൈ നമഃ .
ഓം നിർമോഹായൈ നമഃ .
ഓം മോഹനാശിന്യൈ നമഃ .
ഓം നിർമമായൈ നമഃ .
ഓം മമതാഹന്ത്ര്യൈ നമഃ .
ഓം നിഷ്പാപായൈ നമഃ .
ഓം പാപനാശിന്യൈ നമഃ .
ഓം നിഷ്ക്രോധായൈ നമഃ .
ഓം ക്രോധശമന്യൈ നമഃ .
ഓം നിർലോഭായൈ നമഃ . 170
ഓം ലോഭനാശിന്യൈ നമഃ .
ഓം നിഃസംശയായൈ നമഃ .
ഓം സംശയഘ്ന്യൈ നമഃ .
ഓം നിർഭവായൈ നമഃ .
ഓം ഭവനാശിന്യൈ നമഃ .
ഓം നിർവികല്പായൈ നമഃ .
ഓം നിരാബാധായൈ നമഃ .
ഓം നിർഭേദായൈ നമഃ .
ഓം ഭേദനാശിന്യൈ നമഃ .
ഓം നിർനാശായൈ നമഃ . 180
ഓം മൃത്യുമഥന്യൈ നമഃ .
ഓം നിഷ്ക്രിയായൈ നമഃ .
ഓം നിഷ്പരിഗ്രഹായൈ നമഃ .
ഓം നിസ്തുലായൈ നമഃ .
ഓം നീലചികുരായൈ നമഃ .
ഓം നിരപായായൈ നമഃ .
ഓം നിരത്യയായൈ നമഃ .
ഓം ദുർലഭായൈ നമഃ .
ഓം ദുർഗമായൈ നമഃ .
ഓം ദുർഗായൈ നമഃ . 190
ഓം ദുഃഖഹന്ത്ര്യൈ നമഃ .
ഓം സുഖപ്രദായൈ നമഃ .
ഓം ദുഷ്ടദൂരായൈ നമഃ .
ഓം ദുരാചാരശമന്യൈ നമഃ .
ഓം ദോഷവർജിതായൈ നമഃ .
ഓം സർവജ്ഞായൈ നമഃ .
ഓം സാന്ദ്രകരുണായൈ നമഃ .
ഓം സമാനാധികവർജിതായൈ നമഃ .
ഓം സർവശക്തിമയ്യൈ നമഃ .
ഓം സർവമംഗലായൈ നമഃ . 200
ഓം സദ്ഗതിപ്രദായൈ നമഃ .
ഓം സർവേശ്വര്യൈ നമഃ .
ഓം സർവമയ്യൈ നമഃ .
ഓം സർവമന്ത്രസ്വരൂപിണ്യൈ നമഃ .
ഓം സർവയന്ത്രാത്മികായൈ നമഃ .
ഓം സർവതന്ത്രരൂപായൈ നമഃ .
ഓം മനോന്മന്യൈ നമഃ .
ഓം മാഹേശ്വര്യൈ നമഃ .
ഓം മഹാദേവ്യൈ നമഃ .
ഓം മഹാലക്ഷ്മ്യൈ നമഃ . 210
ഓം മൃഡപ്രിയായൈ നമഃ .
ഓം മഹാരൂപായൈ നമഃ .
ഓം മഹാപൂജ്യായൈ നമഃ .
ഓം മഹാപാതകനാശിന്യൈ നമഃ .
ഓം മഹാമായായൈ നമഃ .
ഓം മഹാസത്വായൈ നമഃ .
ഓം മഹാശക്ത്യൈ നമഃ .
ഓം മഹാരത്യൈ നമഃ .
ഓം മഹാഭോഗായൈ നമഃ .
ഓം മഹൈശ്വര്യായൈ നമഃ . 220
ഓം മഹാവീര്യായൈ നമഃ .
ഓം മഹാബലായൈ നമഃ .
ഓം മഹാബുദ്ധ്യൈ നമഃ .
ഓം മഹാസിദ്ധ്യൈ നമഃ .
ഓം മഹായോഗേശ്വരേശ്വര്യൈ നമഃ .
ഓം മഹാതന്ത്രായൈ നമഃ .
ഓം മഹാമന്ത്രായൈ നമഃ .
ഓം മഹായന്ത്രായൈ നമഃ .
ഓം മഹാസനായൈ നമഃ .
ഓം മഹായാഗക്രമാരാധ്യായൈ നമഃ . 230
ഓം മഹാഭൈരവപൂജിതായൈ നമഃ .
ഓം മഹേശ്വരമഹാകല്പമഹാ താണ്ഡവസാക്ഷിണ്യൈ നമഃ .
ഓം മഹാകാമേശമഹിഷ്യൈ നമഃ .
ഓം മഹാത്രിപുരസുന്ദര്യൈ നമഃ .
ഓം ചതുഃഷഷ്ട്യുപചാരാഢ്യായൈ നമഃ .
ഓം ചതുഃഷഷ്ടികലാമയ്യൈ നമഃ .
ഓം മഹാചതുഃഷഷ്ടികോടി യോഗിനീഗണസേവിതായൈ നമഃ .
ഓം മനുവിദ്യായൈ നമഃ .
ഓം ചന്ദ്രവിദ്യായൈ നമഃ .
ഓം ചന്ദ്രമണ്ഡലമധ്യഗായൈ നമഃ . 240
ഓം ചാരുരൂപായൈ നമഃ .
ഓം ചാരുഹാസായൈ നമഃ .
ഓം ചാരുചന്ദ്രകലാധരായൈ നമഃ .
ഓം ചരാചരജഗന്നാഥായൈ നമഃ .
ഓം ചക്രരാജനികേതനായൈ നമഃ .
ഓം പാർവത്യൈ നമഃ .
ഓം പദ്മനയനായൈ നമഃ .
ഓം പദ്മരാഗസമപ്രഭായൈ നമഃ .
ഓം പഞ്ചപ്രേതാസനാസീനായൈ നമഃ .
ഓം പഞ്ചബ്രഹ്മസ്വരൂപിണ്യൈ നമഃ . 250
ഓം ചിന്മയ്യൈ നമഃ .
ഓം പരമാനന്ദായൈ നമഃ .
ഓം വിജ്ഞാനഘനരൂപിണ്യൈ നമഃ .
ഓം ധ്യാനധ്യാതൃധ്യേയരൂപായൈ നമഃ .
ഓം ധർമാധർമവിവർജിതായൈ നമഃ .
ഓം വിശ്വരൂപായൈ നമഃ .
ഓം ജാഗരിണ്യൈ നമഃ .
ഓം സ്വപത്ന്യൈ നമഃ .
ഓം തൈജസാത്മികായൈ നമഃ .
ഓം സുപ്തായൈ നമഃ . 260
ഓം പ്രാജ്ഞാത്മികായൈ നമഃ .
ഓം തുര്യായൈ നമഃ .
ഓം സർവാവസ്ഥാവിവർജിതായൈ നമഃ .
ഓം സൃഷ്ടികർത്ര്യൈ നമഃ .
ഓം ബ്രഹ്മരൂപായൈ നമഃ .
ഓം ഗോപ്ത്ര്യൈ നമഃ .
ഓം ഗോവിന്ദരൂപിണ്യൈ നമഃ .
ഓം സംഹാരിണ്യൈ നമഃ .
ഓം രുദ്രരൂപായൈ നമഃ .
ഓം തിരോധാനകര്യൈ നമഃ . 270
ഓം ഈശ്വര്യൈ നമഃ .
ഓം സദാശിവായൈ നമഃ .
ഓം അനുഗ്രഹദായൈ നമഃ .
ഓം പഞ്ചകൃത്യപരായണായൈ നമഃ .
ഓം ഭാനുമണ്ഡലമധ്യസ്ഥായൈ നമഃ .
ഓം ഭൈരവ്യൈ നമഃ .
ഓം ഭഗമാലിന്യൈ നമഃ .
ഓം പദ്മാസനായൈ നമഃ .
ഓം ഭഗവത്യൈ നമഃ .
ഓം പദ്മനാഭസഹോദര്യൈ നമഃ . 280
ഓം ഉന്മേഷനിമിഷോത്പന്നവിപന്നഭുവനാവല്യൈ നമഃ .
ഓം സഹസ്രശീർഷവദനായൈ നമഃ .
ഓം സഹസ്രാക്ഷ്യൈ നമഃ .
ഓം സഹസ്രപദേ നമഃ .
ഓം ആബ്രഹ്മകീടജനന്യൈ നമഃ .
ഓം വർണാശ്രമവിധായിന്യൈ നമഃ .
ഓം നിജാജ്ഞാരൂപനിഗമായൈ നമഃ .
ഓം പുണ്യാപുണ്യഫലപ്രദായൈ നമഃ .
ഓം ശ്രുതിസീമന്തസിന്ദൂരീകൃത പാദാബ്ജധൂലികായൈ നമഃ .
ഓം സകലാഗമസന്ദോഹശുക്തിസമ്പുടമൗക്തികായൈ നമഃ . 290
ഓം പുരുഷാർഥപ്രദായൈ നമഃ .
ഓം പൂർണായൈ നമഃ .
ഓം ഭോഗിന്യൈ നമഃ .
ഓം ഭുവനേശ്വര്യൈ നമഃ .
ഓം അംബികായൈ നമഃ .
ഓം അനാദിനിധനായൈ നമഃ .
ഓം ഹരിബ്രഹ്മേന്ദ്രസേവിതായൈ നമഃ .
ഓം നാരായണ്യൈ നമഃ .
ഓം നാദരൂപായൈ നമഃ .
ഓം നാമരൂപവിവർജിതായൈ നമഃ . 300
ഓം ഹ്രീങ്കാര്യൈ നമഃ .
ഓം ഹ്രീമത്യൈ നമഃ .
ഓം ഹൃദ്യായൈ നമഃ .
ഓം ഹേയോപാദേയവർജിതായൈ നമഃ .
ഓം രാജരാജാർചിതായൈ നമഃ .
ഓം രാജ്ഞൈ നമഃ .
ഓം രമ്യായൈ നമഃ .
ഓം രാജീവലോചനായൈ നമഃ .
ഓം രഞ്ജന്യൈ നമഃ .
ഓം രമണ്യൈ നമഃ . 310
ഓം രസ്യായൈ നമഃ .
ഓം രണത്കിങ്കിണിമേഖലായൈ നമഃ .
ഓം രമായൈ നമഃ .
ഓം രാകേന്ദുവദനായൈ നമഃ .
ഓം രതിരൂപായൈ നമഃ .
ഓം രതിപ്രിയായൈ നമഃ .
ഓം രക്ഷാകര്യൈ നമഃ .
ഓം രാക്ഷസഘ്ന്യൈ നമഃ .
ഓം രാമായൈ നമഃ .
ഓം രമണലമ്പടായൈ നമഃ . 320
ഓം കാമ്യായൈ നമഃ .
ഓം കാമകലാരൂപായൈ നമഃ .
ഓം കദംബകുസുമപ്രിയായൈ നമഃ .
ഓം കല്യാണ്യൈ നമഃ .
ഓം ജഗതീകന്ദായൈ നമഃ .
ഓം കരുണാരസസാഗരായൈ നമഃ .
ഓം കലാവത്യൈ നമഃ .
ഓം കലാലാപായൈ നമഃ .
ഓം കാന്തായൈ നമഃ .
ഓം കാദംബരീപ്രിയായൈ നമഃ . 330
ഓം വരദായൈ നമഃ .
ഓം വാമനയനായൈ നമഃ .
ഓം വാരുണീമദവിഹ്വലായൈ നമഃ .
ഓം വിശ്വാധികായൈ നമഃ .
ഓം വേദവേദ്യായൈ നമഃ .
ഓം വിന്ധ്യാചലനിവാസിന്യൈ നമഃ .
ഓം വിധാത്ര്യൈ നമഃ .
ഓം വേദജനന്യൈ നമഃ .
ഓം വിഷ്ണുമായായൈ നമഃ .
ഓം വിലാസിന്യൈ നമഃ . 340
ഓം ക്ഷേത്രസ്വരൂപായൈ നമഃ .
ഓം ക്ഷേത്രേശ്യൈ നമഃ .
ഓം ക്ഷേത്രക്ഷേത്രജ്ഞപാലിന്യൈ നമഃ .
ഓം ക്ഷയവൃദ്ധിവിനിർമുക്തായൈ നമഃ .
ഓം ക്ഷേത്രപാലസമർചിതായൈ നമഃ .
ഓം വിജയായൈ നമഃ .
ഓം വിമലായൈ നമഃ .
ഓം വന്ദ്യായൈ നമഃ .
ഓം വന്ദാരുജനവത്സലായൈ നമഃ .
ഓം വാഗ്വാദിന്യൈ നമഃ . 350
ഓം വാമകേശ്യൈ നമഃ .
ഓം വഹ്നിമണ്ഡലവാസിന്യൈ നമഃ .
ഓം ഭക്തിമത്കല്പലതികായൈ നമഃ .
ഓം പശുപാശവിമോചിന്യൈ നമഃ .
ഓം സംഹൃതാശേഷപാഷണ്ഡായൈ നമഃ .
ഓം സദാചാരപ്രവർതികായൈ നമഃ .
ഓം താപത്രയാഗ്നിസന്തപ്തസമാഹ്ലാദനചന്ദ്രികായൈ നമഃ .
ഓം തരുണ്യൈ നമഃ .
ഓം താപസാരാധ്യായൈ നമഃ .
ഓം തനുമധ്യായൈ നമഃ . 360
ഓം തമോപഹായൈ നമഃ .
ഓം ചിത്യൈ നമഃ .
ഓം തത്പദലക്ഷ്യാർഥായൈ നമഃ .
ഓം ചിദേകരസരൂപിണ്യൈ നമഃ .
ഓം സ്വാത്മാനന്ദലവീഭൂതബ്രഹ്മാദ്യാനന്ദസന്തത്യൈ നമഃ .
ഓം പരായൈ നമഃ .
ഓം പ്രത്യക് ചിതീരൂപായൈ നമഃ .
ഓം പശ്യന്ത്യൈ നമഃ .
ഓം പരദേവതായൈ നമഃ .
ഓം മധ്യമായൈ നമഃ . 370
ഓം വൈഖരീരൂപായൈ നമഃ .
ഓം ഭക്തമാനസഹംസികായൈ നമഃ .
ഓം കാമേശ്വരപ്രാണനാഡ്യൈ നമഃ .
ഓം കൃതജ്ഞായൈ നമഃ .
ഓം കാമപൂജിതായൈ നമഃ .
ഓം ശൃംഗാരരസസമ്പൂർണായൈ നമഃ .
ഓം ജയായൈ നമഃ .
ഓം ജാലന്ധരസ്ഥിതായൈ നമഃ .
ഓം ഓഡ്യാണപീഠനിലയായൈ നമഃ .
ഓം ബിന്ദുമണ്ഡലവാസിന്യൈ നമഃ . 380
ഓം രഹോയാഗക്രമാരാധ്യായൈ നമഃ .
ഓം രഹസ്തർപണതർപിതായൈ നമഃ .
ഓം സദ്യഃ പ്രസാദിന്യൈ നമഃ .
ഓം വിശ്വസാക്ഷിണ്യൈ നമഃ .
ഓം സാക്ഷിവർജിതായൈ നമഃ .
ഓം ഷഡംഗദേവതായുക്തായൈ നമഃ .
ഓം ഷാഡ്ഗുണ്യപരിപൂരിതായൈ നമഃ .
ഓം നിത്യക്ലിന്നായൈ നമഃ .
ഓം നിരുപമായൈ നമഃ .
ഓം നിർവാണസുഖദായിന്യൈ നമഃ . 390
ഓം നിത്യാഷോഡശികാരൂപായൈ നമഃ .
ഓം ശ്രീകണ്ഠാർധശരീരിണ്യൈ നമഃ .
ഓം പ്രഭാവത്യൈ നമഃ .
ഓം പ്രഭാരൂപായൈ നമഃ .
ഓം പ്രസിദ്ധായൈ നമഃ .
ഓം പരമേശ്വര്യൈ നമഃ .
ഓം മൂലപ്രകൃത്യൈ നമഃ .
ഓം അവ്യക്തായൈ നമഃ .
ഓം വ്യക്താവ്യക്തസ്വരൂപിണ്യൈ നമഃ .
ഓം വ്യാപിന്യൈ നമഃ . 400
ഓം വിവിധാകാരായൈ നമഃ .
ഓം വിദ്യാവിദ്യാസ്വരൂപിണ്യൈ നമഃ .
ഓം മഹാകാമേശനയനകുമുദാഹ്ലാദകൗമുദ്യൈ നമഃ .
ഓം ഭക്താഹാർദതമോഭേദഭാനുമദ്ഭാനുസന്തത്യൈ നമഃ .
ഓം ശിവദൂത്യൈ നമഃ .
ഓം ശിവാരാധ്യായൈ നമഃ .
ഓം ശിവമൂർത്യൈ നമഃ .
ഓം ശിവങ്കര്യൈ നമഃ .
ഓം ശിവപ്രിയായൈ നമഃ .
ഓം ശിവപരായൈ നമഃ . 410
ഓം ശിഷ്ടേഷ്ടായൈ നമഃ .
ഓം ശിഷ്ടപൂജിതായൈ നമഃ .
ഓം അപ്രമേയായൈ നമഃ .
ഓം സ്വപ്രകാശായൈ നമഃ .
ഓം മനോവാചാമഗോചരായൈ നമഃ .
ഓം ചിച്ഛക്ത്യൈ നമഃ .
ഓം ചേതനാരൂപായൈ നമഃ .
ഓം ജഡശക്ത്യൈ നമഃ .
ഓം ജഡാത്മികായൈ നമഃ .
ഓം ഗായത്ര്യൈ നമഃ . 420
ഓം വ്യാഹൃത്യൈ നമഃ .
ഓം സന്ധ്യായൈ നമഃ .
ഓം ദ്വിജവൃന്ദനിഷേവിതായൈ നമഃ .
ഓം തത്ത്വാസനായൈ നമഃ .
ഓം തസ്മൈ നമഃ .
ഓം തുഭ്യം നമഃ .
ഓം അയ്യൈ നമഃ .
ഓം പഞ്ചകോശാന്തരസ്ഥിതായൈ നമഃ .
ഓം നിഃസീമമഹിമ്നേ നമഃ .
ഓം നിത്യയൗവനായൈ നമഃ . 430
ഓം മദശാലിന്യൈ നമഃ .
ഓം മദഘൂർണിതരക്താക്ഷ്യൈ നമഃ .
ഓം മദപാടലഗണ്ഡഭുവേ നമഃ .
ഓം ചന്ദനദ്രവദിഗ്ധാംഗ്യൈ നമഃ .
ഓം ചാമ്പേയകുസുമപ്രിയായൈ നമഃ .
ഓം കുശലായൈ നമഃ .
ഓം കോമലാകാരായൈ നമഃ .
ഓം കുരുകുല്ലായൈ നമഃ .
ഓം കുലേശ്വര്യൈ നമഃ .
ഓം കുലകുണ്ഡാലയായൈ നമഃ . 440
ഓം കൗലമാർഗതത്പരസേവിതായൈ നമഃ .
ഓം കുമാരഗണനാഥാംബായൈ നമഃ .
ഓം തുഷ്ട്യൈ നമഃ .
ഓം പുഷ്ട്യൈ നമഃ .
ഓം മത്യൈ നമഃ .
ഓം ധൃത്യൈ നമഃ .
ഓം ശാന്ത്യൈ നമഃ .
ഓം സ്വസ്തിമത്യൈ നമഃ .
ഓം കാന്ത്യൈ നമഃ .
ഓം നന്ദിന്യൈ നമഃ . 450
ഓം വിഘ്നനാശിന്യൈ നമഃ .
ഓം തേജോവത്യൈ നമഃ .
ഓം ത്രിനയനായൈ നമഃ .
ഓം ലോലാക്ഷീകാമരൂപിണ്യൈ നമഃ .
ഓം മാലിന്യൈ നമഃ .
ഓം ഹംസിന്യൈ നമഃ .
ഓം മാത്രേ നമഃ .
ഓം മലയാചലവാസിന്യൈ നമഃ .
ഓം സുമുഖ്യൈ നമഃ .
ഓം നലിന്യൈ നമഃ . 460
ഓം സുഭ്രുവേ നമഃ .
ഓം ശോഭനായൈ നമഃ .
ഓം സുരനായികായൈ നമഃ .
ഓം കാലകണ്ഠ്യൈ നമഃ .
ഓം കാന്തിമത്യൈ നമഃ .
ഓം ക്ഷോഭിണ്യൈ നമഃ .
ഓം സൂക്ഷ്മരൂപിണ്യൈ നമഃ .
ഓം വജ്രേശ്വര്യൈ നമഃ .
ഓം വാമദേവ്യൈ നമഃ .
ഓം വയോഽവസ്ഥാവിവർജിതായൈ നമഃ . 470
ഓം സിദ്ധേശ്വര്യൈ നമഃ .
ഓം സിദ്ധവിദ്യായൈ നമഃ .
ഓം സിദ്ധമാത്രേ നമഃ .
ഓം യശസ്വിന്യൈ നമഃ .
ഓം വിശുദ്ധിചക്രനിലയായൈ നമഃ .
ഓം ആരക്തവർണായൈ നമഃ .
ഓം ത്രിലോചനായൈ നമഃ .
ഓം ഖട്വാംഗാദിപ്രഹരണായൈ നമഃ .
ഓം വദനൈകസമന്വിതായൈ നമഃ .
ഓം പായസാന്നപ്രിയായൈ നമഃ . 480
ഓം ത്വക്സ്ഥായൈ നമഃ .
ഓം പശുലോകഭയങ്കര്യൈ നമഃ .
ഓം അമൃതാദിമഹാശക്തിസംവൃതായൈ നമഃ .
ഓം ഡാകിനീശ്വര്യൈ നമഃ .
ഓം അനാഹതാബ്ജനിലയായൈ നമഃ .
ഓം ശ്യാമാഭായൈ നമഃ .
ഓം വദനദ്വയായൈ നമഃ .
ഓം ദംഷ്ട്രോജ്വലായൈ നമഃ .
ഓം അക്ഷമാലാദിധരായൈ നമഃ .
ഓം രുധിരസംസ്ഥിതായൈ നമഃ . 490
ഓം കാലരാത്ര്യാദിശക്ത്യൗഘവൃതായൈ നമഃ .
ഓം സ്നിഗ്ധൗദനപ്രിയായൈ നമഃ .
ഓം മഹാവീരേന്ദ്രവരദായൈ നമഃ .
ഓം രാകിണ്യംബാസ്വരൂപിണ്യൈ നമഃ .
ഓം മണിപൂരാബ്ജനിലയായൈ നമഃ .
ഓം വദനത്രയസംയുതായൈ നമഃ .
ഓം വജ്രാധികായുധോപേതായൈ നമഃ .
ഓം ഡാമര്യാദിഭിരാവൃതായൈ നമഃ .
ഓം രക്തവർണായൈ നമഃ .
ഓം മാംസനിഷ്ഠായൈ നമഃ . 500
ഓം ഗുഡാന്നപ്രീതമാനസായൈ നമഃ .
ഓം സമസ്തഭക്തസുഖദായൈ നമഃ .
ഓം ലാകിന്യംബാസ്വരൂപിണ്യൈ നമഃ .
ഓം സ്വാധിഷ്ഠാനാംബുജഗതായൈ നമഃ .
ഓം ചതുർവക്ത്രമനോഹരായൈ നമഃ .
ഓം ശൂലാദ്യായുധസമ്പന്നായൈ നമഃ .
ഓം പീതവർണായൈ നമഃ .
ഓം അതിഗർവിതായൈ നമഃ .
ഓം മേദോനിഷ്ഠായൈ നമഃ .
ഓം മധുപ്രീതായൈ നമഃ . 510
ഓം ബന്ദിന്യാദിസമന്വിതായൈ നമഃ .
ഓം ദധ്യന്നാസക്തഹൃദയായൈ നമഃ .
ഓം കാകിനീരൂപധാരിണ്യൈ നമഃ .
ഓം മൂലാധാരാംബുജാരൂഢായൈ നമഃ .
ഓം പഞ്ചവക്ത്രായൈ നമഃ .
ഓം അസ്ഥിസംസ്ഥിതായൈ നമഃ .
ഓം അങ്കുശാദിപ്രഹരണായൈ നമഃ .
ഓം വരദാദി നിഷേവിതായൈ നമഃ .
ഓം മുദ്ഗൗദനാസക്തചിത്തായൈ നമഃ .
ഓം സാകിന്യംബാസ്വരൂപിണ്യൈ നമഃ . 520
ഓം ആജ്ഞാചക്രാബ്ജനിലായൈ നമഃ .
ഓം ശുക്ലവർണായൈ നമഃ .
ഓം ഷഡാനനായൈ നമഃ .
ഓം മജ്ജാസംസ്ഥായൈ നമഃ .
ഓം ഹംസവതീമുഖ്യശക്തിസമന്വിതായൈ നമഃ .
ഓം ഹരിദ്രാന്നൈകരസികായൈ നമഃ .
ഓം ഹാകിനീരൂപധാരിണ്യൈ നമഃ .
ഓം സഹസ്രദലപദ്മസ്ഥായൈ നമഃ .
ഓം സർവവർണോപശോഭിതായൈ നമഃ .
ഓം സർവായുധധരായൈ നമഃ . 530
ഓം ശുക്ലസംസ്ഥിതായൈ നമഃ .
ഓം സർവതോമുഖ്യൈ നമഃ .
ഓം സർവൗദനപ്രീതചിത്തായൈ നമഃ .
ഓം യാകിന്യംബാസ്വരൂപിണ്യൈ നമഃ .
ഓം സ്വാഹായൈ നമഃ .
ഓം സ്വധായൈ നമഃ .
ഓം അമത്യൈ നമഃ .
ഓം മേധായൈ നമഃ .
ഓം ശ്രുത്യൈ നമഃ .
ഓം സ്മൃത്യൈ നമഃ . 540
ഓം അനുത്തമായൈ നമഃ .
ഓം പുണ്യകീർത്യൈ നമഃ .
ഓം പുണ്യലഭ്യായൈ നമഃ .
ഓം പുണ്യശ്രവണകീർതനായൈ നമഃ .
ഓം പുലോമജാർചിതായൈ നമഃ .
ഓം ബന്ധമോചന്യൈ നമഃ .
ഓം ബർബരാലകായൈ നമഃ .
ഓം വിമർശരൂപിണ്യൈ നമഃ .
ഓം വിദ്യായൈ നമഃ .
ഓം വിയദാദിജഗത്പ്രസുവേ നമഃ . 550
ഓം സർവ വ്യാധിപ്രശമന്യൈ നമഃ .
ഓം സർവ മൃത്യുനിവാരിണ്യൈ നമഃ .
ഓം അഗ്രഗണ്യായൈ നമഃ .
ഓം അചിന്ത്യരൂപായൈ നമഃ .
ഓം കലികല്മഷനാശിന്യൈ നമഃ .
ഓം കാത്യായന്യൈ നമഃ .
ഓം കാലഹന്ത്ര്യൈ നമഃ .
ഓം കമലാക്ഷനിഷേവിതായൈ നമഃ .
ഓം താംബൂലപൂരിതമുഖ്യൈ നമഃ .
ഓം ദാഡിമീകുസുമപ്രഭായൈ നമഃ . 560
ഓം മൃഗാക്ഷ്യൈ നമഃ .
ഓം മോഹിന്യൈ നമഃ .
ഓം മുഖ്യായൈ നമഃ .
ഓം മൃഡാന്യൈ നമഃ .
ഓം മിത്രരൂപിണ്യൈ നമഃ .
ഓം നിത്യതൃപ്തായൈ നമഃ .
ഓം ഭക്തനിധയേ നമഃ .
ഓം നിയന്ത്ര്യൈ നമഃ .
ഓം നിഖിലേശ്വര്യൈ നമഃ .
ഓം മൈത്ര്യാദിവാസനാലഭ്യായൈ നമഃ . 570
ഓം മഹാപ്രലയസാക്ഷിണ്യൈ നമഃ .
ഓം പരാശക്ത്യൈ നമഃ .
ഓം പരാനിഷ്ഠായൈ നമഃ .
ഓം പ്രജ്ഞാനഘനരൂപിണ്യൈ നമഃ .
ഓം മാധ്വീപാനാലസായൈ നമഃ .
ഓം മത്തായൈ നമഃ .
ഓം മാതൃകാവർണ രൂപിണ്യൈ നമഃ .
ഓം മഹാകൈലാസനിലയായൈ നമഃ .
ഓം മൃണാലമൃദുദോർലതായൈ നമഃ .
ഓം മഹനീയായൈ നമഃ . 580
ഓം ദയാമൂർത്യൈ നമഃ .
ഓം മഹാസാമ്രാജ്യശാലിന്യൈ നമഃ .
ഓം ആത്മവിദ്യായൈ നമഃ .
ഓം മഹാവിദ്യായൈ നമഃ .
ഓം ശ്രീവിദ്യായൈ നമഃ .
ഓം കാമസേവിതായൈ നമഃ .
ഓം ശ്രീഷോഡശാക്ഷരീവിദ്യായൈ നമഃ .
ഓം ത്രികൂടായൈ നമഃ .
ഓം കാമകോടികായൈ നമഃ .
ഓം കടാക്ഷകിങ്കരീഭൂതകമലാകോടിസേവിതായൈ നമഃ . 590
ഓം ശിരഃസ്ഥിതായൈ നമഃ .
ഓം ചന്ദ്രനിഭായൈ നമഃ .
ഓം ഭാലസ്ഥായൈ നമഃ .
ഓം ഇന്ദ്രധനുഃപ്രഭായൈ നമഃ .
ഓം ഹൃദയസ്ഥായൈ നമഃ .
ഓം രവിപ്രഖ്യായൈ നമഃ .
ഓം ത്രികോണാന്തരദീപികായൈ നമഃ .
ഓം ദാക്ഷായണ്യൈ നമഃ .
ഓം ദൈത്യഹന്ത്ര്യൈ നമഃ .
ഓം ദക്ഷയജ്ഞവിനാശിന്യൈ നമഃ . 600
ഓം ദരാന്ദോലിതദീർഘാക്ഷ്യൈ നമഃ .
ഓം ദരഹാസോജ്ജ്വലന്മുഖ്യൈ നമഃ .
ഓം ഗുരുമൂർതയേ നമഃ .
ഓം ഗുണനിധയേ നമഃ .
ഓം ഗോമാത്രേ നമഃ .
ഓം ഗുഹജന്മഭുവേ നമഃ .
ഓം ദേവേശ്യൈ നമഃ .
ഓം ദണ്ഡനീതിസ്ഥായൈ നമഃ .
ഓം ദഹരാകാശരൂപിണ്യൈ നമഃ .
ഓം പ്രതിപന്മുഖ്യരാകാന്തതിഥിമണ്ഡലപൂജിതായൈ നമഃ . 610
ഓം കലാത്മികായൈ നമഃ .
ഓം കലാനാഥായൈ നമഃ .
ഓം കാവ്യാലാപവിനോദിന്യൈ നമഃ .
ഓം സചാമരരമാവാണീസവ്യദക്ഷിണസേവിതായൈ നമഃ .
ഓം ആദിശക്തയൈ നമഃ .
ഓം അമേയായൈ നമഃ .
ഓം ആത്മനേ നമഃ .
ഓം പരമായൈ നമഃ .
ഓം പാവനാകൃതയേ നമഃ .
ഓം അനേകകോടിബ്രഹ്മാണ്ഡജനന്യൈ നമഃ . 620
ഓം ദിവ്യവിഗ്രഹായൈ നമഃ .
ഓം ക്ലീങ്കാര്യൈ നമഃ .
ഓം കേവലായൈ നമഃ .
ഓം ഗുഹ്യായൈ നമഃ .
ഓം കൈവല്യപദദായിന്യൈ നമഃ .
ഓം ത്രിപുരായൈ നമഃ .
ഓം ത്രിജഗദ്വന്ദ്യായൈ നമഃ .
ഓം ത്രിമൂർത്യൈ നമഃ .
ഓം ത്രിദശേശ്വര്യൈ നമഃ .
ഓം ത്ര്യക്ഷര്യൈ നമഃ . 630
ഓം ദിവ്യഗന്ധാഢ്യായൈ നമഃ .
ഓം സിന്ദൂരതിലകാഞ്ചിതായൈ നമഃ .
ഓം ഉമായൈ നമഃ .
ഓം ശൈലേന്ദ്രതനയായൈ നമഃ .
ഓം ഗൗര്യൈ നമഃ .
ഓം ഗന്ധർവസേവിതായൈ നമഃ .
ഓം വിശ്വഗർഭായൈ നമഃ .
ഓം സ്വർണഗർഭായൈ നമഃ .
ഓം അവരദായൈ നമഃ .
ഓം വാഗധീശ്വര്യൈ നമഃ . 640
ഓം ധ്യാനഗമ്യായൈ നമഃ .
ഓം അപരിച്ഛേദ്യായൈ നമഃ .
ഓം ജ്ഞാനദായൈ നമഃ .
ഓം ജ്ഞാനവിഗ്രഹായൈ നമഃ .
ഓം സർവവേദാന്തസംവേദ്യായൈ നമഃ .
ഓം സത്യാനന്ദസ്വരൂപിണ്യൈ നമഃ .
ഓം ലോപാമുദ്രാർചിതായൈ നമഃ .
ഓം ലീലാക്ലൃപ്തബ്രഹ്മാണ്ഡമണ്ഡലായൈ നമഃ .
ഓം അദൃശ്യായൈ നമഃ .
ഓം ദൃശ്യരഹിതായൈ നമഃ . 650
ഓം വിജ്ഞാത്ര്യൈ നമഃ .
ഓം വേദ്യവർജിതായൈ നമഃ .
ഓം യോഗിന്യൈ നമഃ .
ഓം യോഗദായൈ നമഃ .
ഓം യോഗ്യായൈ നമഃ .
ഓം യോഗാനന്ദായൈ നമഃ .
ഓം യുഗന്ധരായൈ നമഃ .
ഓം ഇച്ഛാശക്തിജ്ഞാനശക്തിക്രിയാശക്തിസ്വരൂപിണ്യൈ നമഃ .
ഓം സർവാധാരായൈ നമഃ .
ഓം സുപ്രതിഷ്ഠായൈ നമഃ . 660
ഓം സദസദ്രൂപധാരിണ്യൈ നമഃ .
ഓം അഷ്ടമൂർത്യൈ നമഃ .
ഓം അജാജൈത്ര്യൈ നമഃ .
ഓം ലോകയാത്രാവിധായിന്യൈ നമഃ .
ഓം ഏകാകിന്യൈ നമഃ .
ഓം ഭൂമരൂപായൈ നമഃ .
ഓം നിദ്വൈതായൈ നമഃ .
ഓം ദ്വൈതവർജിതായൈ നമഃ .
ഓം അന്നദായൈ നമഃ .
ഓം വസുദായൈ നമഃ . 670
ഓം വൃദ്ധായൈ നമഃ .
ഓം ബ്രഹ്മാത്മൈക്യസ്വരൂപിണ്യൈ നമഃ .
ഓം ബൃഹത്യൈ നമഃ .
ഓം ബ്രാഹ്മണ്യൈ നമഃ .
ഓം ബ്രാഹ്മ്യൈ നമഃ .
ഓം ബ്രഹ്മാനന്ദായൈ നമഃ .
ഓം ബലിപ്രിയായൈ നമഃ .
ഓം ഭാഷാരൂപായൈ നമഃ .
ഓം ബൃഹത്സേനായൈ നമഃ .
ഓം ഭാവാഭാവവിർജിതായൈ നമഃ . 680
ഓം സുഖാരാധ്യായൈ നമഃ .
ഓം ശുഭകര്യൈ നമഃ .
ഓം ശോഭനാസുലഭാഗത്യൈ നമഃ . ശോഭനായൈ സുലഭായൈ
ഗത്യൈ
ഓം രാജരാജേശ്വര്യൈ നമഃ .
ഓം രാജ്യദായിന്യൈ നമഃ .
ഓം രാജ്യവല്ലഭായൈ നമഃ .
ഓം രാജത്കൃപായൈ നമഃ .
ഓം രാജപീഠനിവേശിതനിജാശ്രിതായൈ നമഃ .
ഓം രാജ്യലക്ഷ്മ്യൈ നമഃ .
ഓം കോശനാഥായൈ നമഃ . 690
ഓം ചതുരംഗബലേശ്വര്യൈ നമഃ .
ഓം സാമ്രാജ്യദായിന്യൈ നമഃ .
ഓം സത്യസന്ധായൈ നമഃ .
ഓം സാഗരമേഖലായൈ നമഃ .
ഓം ദീക്ഷിതായൈ നമഃ .
ഓം ദൈത്യശമന്യൈ നമഃ .
ഓം സർവലോകവംശകര്യൈ നമഃ .
ഓം സർവാർഥദാത്ര്യൈ നമഃ .
ഓം സാവിത്ര്യൈ നമഃ .
ഓം സച്ചിദാനന്ദരൂപിണ്യൈ നമഃ . 700
ഓം ദേശകാലാപരിച്ഛിന്നായൈ നമഃ .
ഓം സർവഗായൈ നമഃ .
ഓം സർവമോഹിന്യൈ നമഃ .
ഓം സരസ്വത്യൈ നമഃ .
ഓം ശാസ്ത്രമയ്യൈ നമഃ .
ഓം ഗുഹാംബായൈ നമഃ .
ഓം ഗുഹ്യരൂപിണ്യൈ നമഃ .
ഓം സർവോപാധിവിനിർമുക്തായൈ നമഃ .
ഓം സദാശിവപതിവ്രതായൈ നമഃ .
ഓം സമ്പ്രദായേശ്വര്യൈ നമഃ . 710
ഓം സാധുനേ നമഃ .
ഓം യൈ നമഃ .
ഓം ഗുരുമണ്ഡലരൂപിണ്യൈ നമഃ .
ഓം കുലോത്തീർണായൈ നമഃ .
ഓം ഭഗാരാധ്യായൈ നമഃ .
ഓം മായായൈ നമഃ .
ഓം മധുമത്യൈ നമഃ .
ഓം മഹ്യൈ നമഃ .
ഓം ഗണാംബായൈ നമഃ .
ഓം ഗുഹ്യകാരാധ്യായൈ നമഃ . 720
ഓം കോമലാംഗ്യൈ നമഃ .
ഓം ഗുരുപ്രിയായൈ നമഃ .
ഓം സ്വതന്ത്രായൈ നമഃ .
ഓം സർവതന്ത്രേശ്യൈ നമഃ .
ഓം ദക്ഷിണാമൂർതിരൂപിണ്യൈ നമഃ .
ഓം സനകാദിസമാരാധ്യായൈ നമഃ .
ഓം ശിവജ്ഞാനപ്രദായിന്യൈ നമഃ .
ഓം ചിത്കലായൈ നമഃ .
ഓം ആനന്ദകലികായൈ നമഃ .
ഓം പ്രേമരൂപായൈ നമഃ . 730
ഓം പ്രിയങ്കര്യൈ നമഃ .
ഓം നാമപാരായണപ്രീതായൈ നമഃ .
ഓം നന്ദിവിദ്യായൈ നമഃ .
ഓം നടേശ്വര്യൈ നമഃ .
ഓം മിഥ്യാജഗദധിഷ്ഠാനായൈ നമഃ .
ഓം മുക്തിദായൈ നമഃ .
ഓം മുക്തിരൂപിണ്യൈ നമഃ .
ഓം ലാസ്യപ്രിയായൈ നമഃ .
ഓം ലയകര്യൈ നമഃ .
ഓം ലജ്ജായൈ നമഃ . 740
ഓം രംഭാദിവന്ദിതായൈ നമഃ .
ഓം ഭവദാവസുധാവൃഷ്ട്യൈ നമഃ .
ഓം പാപാരണ്യദവാനലായൈ നമഃ .
ഓം ദൗർഭാഗ്യതൂലവാതൂലായൈ നമഃ .
ഓം ജരാധ്വാന്തരവിപ്രഭായൈ നമഃ .
ഓം ഭാഗ്യാബ്ധിചന്ദ്രികായൈ നമഃ .
ഓം ഭക്തചിത്തകേകിഘനാഘനായൈ നമഃ .
ഓം രോഗപർവതദംഭോലയേ നമഃ .
ഓം മൃത്യുദാരുകുഠാരികായൈ നമഃ .
ഓം മഹേശ്വര്യൈ നമഃ . 750
ഓം മഹാകാല്യൈ നമഃ .
ഓം മഹാഗ്രാസായൈ നമഃ .
ഓം മഹാശനായൈ നമഃ .
ഓം അപർണായൈ നമഃ .
ഓം ചണ്ഡികായൈ നമഃ .
ഓം ചണ്ഡമുണ്ഡാസുരനിഷൂദിന്യൈ നമഃ .
ഓം ക്ഷരാക്ഷരാത്മികായൈ നമഃ .
ഓം സർവലോകേശ്യൈ നമഃ .
ഓം വിശ്വധാരിണ്യൈ നമഃ .
ഓം ത്രിവർഗദാത്ര്യൈ നമഃ . 760
ഓം സുഭഗായൈ നമഃ .
ഓം ത്ര്യംബകായൈ നമഃ .
ഓം ത്രിഗുണാത്മികായൈ നമഃ .
ഓം സ്വർഗാപവർഗദായൈ നമഃ .
ഓം ശുദ്ധായൈ നമഃ .
ഓം ജപാപുഷ്പനിഭാകൃതയേ നമഃ .
ഓം ഓജോവത്യൈ നമഃ .
ഓം ദ്യുതിധരായൈ നമഃ .
ഓം യജ്ഞരൂപായൈ നമഃ .
ഓം പ്രിയവ്രതായൈ നമഃ . 770
ഓം ദുരാരാധ്യായൈ നമഃ .
ഓം ദുരാധർഷായൈ നമഃ .
ഓം പാടലീകുസുമപ്രിയായൈ നമഃ .
ഓം മഹത്യൈ നമഃ .
ഓം മേരുനിലയായൈ നമഃ .
ഓം മന്ദാരകുസുമപ്രിയായൈ നമഃ .
ഓം വീരാരാധ്യായൈ നമഃ .
ഓം വിരാഡ്രൂപായൈ നമഃ .
ഓം വിരജസേ നമഃ .
ഓം വിശ്വതോമുഖ്യൈ നമഃ . 780
ഓം പ്രത്യഗ്രൂപായൈ നമഃ .
ഓം പരാകാശായൈ നമഃ .
ഓം പ്രാണദായൈ നമഃ .
ഓം പ്രാണരൂപിണ്യൈ നമഃ .
ഓം മാർതാണ്ഡഭൈരവാരാധ്യായൈ നമഃ .
ഓം മന്ത്രിണീന്യസ്തരാജ്യധുരേ നമഃ .
ഓം ത്രിപുരേശ്യൈ നമഃ .
ഓം ജയത്സേനായൈ നമഃ .
ഓം നിസ്ത്രൈഗുണ്യായൈ നമഃ .
ഓം പരാപരായൈ നമഃ . 790
ഓം സത്യജ്ഞാനാനന്ദരൂപായൈ നമഃ .
ഓം സാമരസ്യപരായണായൈ നമഃ .
ഓം കപർദിന്യൈ നമഃ .
ഓം കലാമാലായൈ നമഃ .
ഓം കാമദുഘേ നമഃ .
ഓം കാമരൂപിണ്യൈ നമഃ .
ഓം കലാനിധയേ നമഃ .
ഓം കാവ്യകലായൈ നമഃ .
ഓം രസജ്ഞായൈ നമഃ .
ഓം രസശേവധയേ നമഃ . 800
ഓം പുഷ്ടായൈ നമഃ .
ഓം പുരാതനായൈ നമഃ .
ഓം പൂജ്യായൈ നമഃ .
ഓം പുഷ്കരായൈ നമഃ .
ഓം പുഷ്കരേക്ഷണായൈ നമഃ .
ഓം പരസ്മൈ ജ്യോതിഷേ നമഃ .
ഓം പരസ്മൈ ധാമ്നേ നമഃ .
ഓം പരമാണവേ നമഃ .
ഓം പരാത്പരായൈ നമഃ .
ഓം പാശഹസ്തായൈ നമഃ . 810
ഓം പാശഹന്ത്ര്യൈ നമഃ .
ഓം പരമന്ത്രവിഭേദിന്യൈ നമഃ .
ഓം മൂർതായൈ നമഃ .
ഓം അമൂർതായൈ നമഃ .
ഓം അനിത്യതൃപ്തായൈ നമഃ .
ഓം മുനിമാനസഹംസികായൈ നമഃ .
ഓം സത്യവ്രതായൈ നമഃ .
ഓം സത്യരൂപായൈ നമഃ .
ഓം സർവാന്തര്യാമിണ്യൈ നമഃ .
ഓം സത്യൈ നമഃ . 820
ഓം ബ്രഹ്മാണ്യൈ നമഃ .
ഓം ബ്രഹ്മണേ നമഃ .
ഓം ജനന്യൈ നമഃ .
ഓം ബഹുരൂപായൈ നമഃ .
ഓം ബുധാർചിതായൈ നമഃ .
ഓം പ്രസവിത്ര്യൈ നമഃ .
ഓം പ്രചണ്ഡായൈ നമഃ .
ഓം ആജ്ഞായൈ നമഃ .
ഓം പ്രതിഷ്ഠായൈ നമഃ .
ഓം പ്രകടാകൃതയേ നമഃ . 830
ഓം പ്രാണേശ്വര്യൈ നമഃ .
ഓം പ്രാണദാത്ര്യൈ നമഃ .
ഓം പഞ്ചാശത്പീഠരൂപിണ്യൈ നമഃ .
ഓം വിശൃംഖലായൈ നമഃ .
ഓം വിവിക്തസ്ഥായൈ നമഃ .
ഓം വീരമാത്രേ നമഃ .
ഓം വിയത്പ്രസുവേ നമഃ .
ഓം മുകുന്ദായൈ നമഃ .
ഓം മുക്തിനിലയായൈ നമഃ .
ഓം മൂലവിഗ്രഹരൂപിണ്യൈ നമഃ . 840
ഓം ഭാവജ്ഞായൈ നമഃ .
ഓം ഭവരോഗഘ്ന്യൈ നമഃ .
ഓം ഭവചക്രപ്രവർതിന്യൈ നമഃ .
ഓം ഛന്ദഃസാരായൈ നമഃ .
ഓം ശാസ്ത്രസാരായൈ നമഃ .
ഓം മന്ത്രസാരായൈ നമഃ .
ഓം തലോദര്യൈ നമഃ .
ഓം ഉദാരകീർതയേ നമഃ .
ഓം ഉദ്ദാമവൈഭവായൈ നമഃ .
ഓം വർണരൂപിണ്യൈ നമഃ . 850
ഓം ജന്മമൃത്യുജരാതപ്തജന
വിശ്രാന്തിദായിന്യൈ നമഃ .
ഓം സർവോപനിഷദുദ് ഘുഷ്ടായൈ നമഃ .
ഓം ശാന്ത്യതീതകലാത്മികായൈ നമഃ .
ഓം ഗംഭീരായൈ നമഃ .
ഓം ഗഗനാന്തസ്ഥായൈ നമഃ .
ഓം ഗർവിതായൈ നമഃ .
ഓം ഗാനലോലുപായൈ നമഃ .
ഓം കല്പനാരഹിതായൈ നമഃ .
ഓം കാഷ്ഠായൈ നമഃ .
ഓം അകാന്തായൈ നമഃ . 860
ഓം കാന്താർധവിഗ്രഹായൈ നമഃ .
ഓം കാര്യകാരണനിർമുക്തായൈ നമഃ .
ഓം കാമകേലിതരംഗിതായൈ നമഃ .
ഓം കനത്കനകതാടങ്കായൈ നമഃ .
ഓം ലീലാവിഗ്രഹധാരിണ്യൈ നമഃ .
ഓം അജായൈ നമഃ .
ഓം ക്ഷയവിനിർമുക്തായൈ നമഃ .
ഓം മുഗ്ധായൈ നമഃ .
ഓം ക്ഷിപ്രപ്രസാദിന്യൈ നമഃ .
ഓം അന്തർമുഖസമാരാധ്യായൈ നമഃ . 870
ഓം ബഹിർമുഖസുദുർലഭായൈ നമഃ .
ഓം ത്രയ്യൈ നമഃ .
ഓം ത്രിവർഗനിലയായൈ നമഃ .
ഓം ത്രിസ്ഥായൈ നമഃ .
ഓം ത്രിപുരമാലിന്യൈ നമഃ .
ഓം നിരാമയായൈ നമഃ .
ഓം നിരാലംബായൈ നമഃ .
ഓം സ്വാത്മാരാമായൈ നമഃ .
ഓം സുധാസൃത്യൈ നമഃ .
ഓം സംസാരപങ്കനിർമഗ്ന
 സമുദ്ധരണപണ്ഡിതായൈ നമഃ . 880
ഓം യജ്ഞപ്രിയായൈ നമഃ .
ഓം യജ്ഞകർത്ര്യൈ നമഃ .
ഓം യജമാനസ്വരൂപിണ്യൈ നമഃ .
ഓം ധർമാധാരായൈ നമഃ .
ഓം ധനാധ്യക്ഷായൈ നമഃ .
ഓം ധനധാന്യവിവർധിന്യൈ നമഃ .
ഓം വിപ്രപ്രിയായൈ നമഃ .
ഓം വിപ്രരൂപായൈ നമഃ .
ഓം വിശ്വഭ്രമണകാരിണ്യൈ നമഃ .
ഓം വിശ്വഗ്രാസായൈ നമഃ . 890
ഓം വിദ്രുമാഭായൈ നമഃ .
ഓം വൈഷ്ണവ്യൈ നമഃ .
ഓം വിഷ്ണുരൂപിണ്യൈ നമഃ .
ഓം അയോന്യൈ നമഃ var അയോനയേ
ഓം യോനിനിലയായൈ നമഃ .
ഓം കൂടസ്ഥായൈ നമഃ .
ഓം കുലരൂപിണ്യൈ നമഃ .
ഓം വീരഗോഷ്ഠീപ്രിയായൈ നമഃ .
ഓം വീരായൈ നമഃ .
ഓം നൈഷ്കർമ്യായൈ നമഃ . 900
ഓം നാദരൂപിണ്യൈ നമഃ .
ഓം വിജ്ഞാനകലനായൈ നമഃ .
ഓം കല്യായൈ നമഃ .
ഓം വിദഗ്ധായൈ നമഃ .
ഓം ബൈന്ദവാസനായൈ നമഃ .
ഓം തത്വാധികായൈ നമഃ .
ഓം തത്ത്വമയ്യൈ നമഃ .
ഓം തത്ത്വമർഥസ്വരൂപിണ്യൈ നമഃ .
ഓം സാമഗാനപ്രിയായൈ നമഃ .
ഓം സൗമ്യായൈ നമഃ . 910
ഓം സദാശിവകുടുംബിന്യൈ നമഃ .
ഓം സവ്യാപസവ്യമാർഗസ്ഥായൈ നമഃ .
ഓം സർവാപദ്വിനിവാരിണ്യൈ നമഃ .
ഓം സ്വസ്ഥായൈ നമഃ .
ഓം സ്വഭാവമധുരായൈ നമഃ .
ഓം ധീരായൈ നമഃ .
ഓം ധീരസമർചിതായൈ നമഃ .
ഓം ചൈതന്യാർഘ്യസമാരാധ്യായൈ നമഃ .
ഓം ചൈതന്യകുസുമപ്രിയായൈ നമഃ .
ഓം സദോദിതായൈ നമഃ . 920
ഓം സദാതുഷ്ടായൈ നമഃ .
ഓം തരുണാദിത്യപാടലായൈ നമഃ .
ഓം ദക്ഷിണാദക്ഷിണാരാധ്യായൈ നമഃ .
ഓം ദരസ്മേരമുഖാംബുജായൈ നമഃ .
ഓം കൗലിനീകേവലായൈ നമഃ .
ഓം അനർഘ്യ കൈവല്യപദദായിന്യൈ നമഃ .
ഓം സ്തോത്രപ്രിയായൈ നമഃ .
ഓം സ്തുതിമത്യൈ നമഃ .
ഓം ശ്രുതിസംസ്തുതവൈഭവായൈ നമഃ .
ഓം മനസ്വിന്യൈ നമഃ . 930
ഓം മാനവത്യൈ നമഃ .
ഓം മഹേശ്യൈ നമഃ .
ഓം മംഗലാകൃതയേ നമഃ .
ഓം വിശ്വമാത്രേ നമഃ .
ഓം ജഗദ്ധാത്ര്യൈ നമഃ .
ഓം വിശാലാക്ഷ്യൈ നമഃ .
ഓം വിരാഗിണ്യൈ നമഃ .
ഓം പ്രഗൽഭായൈ നമഃ .
ഓം പരമോദാരായൈ നമഃ .
ഓം പരാമോദായൈ നമഃ . 940
ഓം മനോമയ്യൈ നമഃ .
ഓം വ്യോമകേശ്യൈ നമഃ .
ഓം വിമാനസ്ഥായൈ നമഃ .
ഓം വജ്രിണ്യൈ നമഃ .
ഓം വാമകേശ്വര്യൈ നമഃ .
ഓം പഞ്ചയജ്ഞപ്രിയായൈ നമഃ .
ഓം പഞ്ചപ്രേതമഞ്ചാധിശായിന്യൈ നമഃ .
ഓം പഞ്ചമ്യൈ നമഃ .
ഓം പഞ്ചഭൂതേശ്യൈ നമഃ .
ഓം പഞ്ചസംഖ്യോപചാരിണ്യൈ നമഃ . 950
ഓം ശാശ്വത്യൈ നമഃ .
ഓം ശാശ്വതൈശ്വര്യായൈ നമഃ .
ഓം ശർമദായൈ നമഃ .
ഓം ശംഭുമോഹിന്യൈ നമഃ .
ഓം ധരായൈ നമഃ .
ഓം ധരസുതായൈ നമഃ .
ഓം ധന്യായൈ നമഃ .
ഓം ധർമിണ്യൈ നമഃ .
ഓം ധർമവർധിന്യൈ നമഃ .
ഓം ലോകാതീതായൈ നമഃ . 960
ഓം ഗുണാതീതായൈ നമഃ .
ഓം സർവാതീതായൈ നമഃ .
ഓം ശമാത്മികായൈ നമഃ .
ഓം ബന്ധൂകകുസുമപ്രഖ്യായൈ നമഃ .
ഓം ബാലായൈ നമഃ .
ഓം ലീലാവിനോദിന്യൈ നമഃ .
ഓം സുമംഗല്യൈ നമഃ .
ഓം സുഖകര്യൈ നമഃ .
ഓം സുവേഷാഢ്യായൈ നമഃ .
ഓം സുവാസിന്യൈ നമഃ . 970
ഓം സുവാസിന്യർചനപ്രീതായൈ നമഃ .
ഓം ആശോഭനായൈ നമഃ .
ഓം ശുദ്ധമാനസായൈ നമ
ഓം ബിന്ദുതർപണസന്തുഷ്ടായൈ നമഃ .
ഓം പൂർവജായൈ നമഃ .
ഓം ത്രിപുരാംബികായൈ നമഃ .
ഓം ദശമുദ്രാസമാരാധ്യായൈ നമഃ .
ഓം ത്രിപുരാശ്രീവശങ്കര്യൈ നമഃ .
ഓം ജ്ഞാനമുദ്രായൈ നമഃ .
ഓം ജ്ഞാനഗമ്യായൈ നമഃ . 980
ഓം ജ്ഞാനജ്ഞേയസ്വരൂപിണ്യൈ നമഃ .
ഓം യോനിമുദ്രായൈ നമഃ .
ഓം ത്രിഖണ്ഡേശ്യൈ നമഃ .
ഓം ത്രിഗുണായൈ നമഃ .
ഓം അംബായൈ നമഃ .
ഓം ത്രികോണഗായൈ നമഃ .
ഓം അനഘായൈ നമഃ .
ഓം അദ്ഭുതചാരിത്രായൈ നമഃ .
ഓം വാഞ്ഛിതാർഥപ്രദായിന്യൈ നമഃ .
ഓം അഭ്യാസാതിശയജ്ഞാതായൈ നമഃ . 990
ഓം ഷഡധ്വാതീതരൂപിണ്യൈ നമഃ .
ഓം അവ്യാജകരുണാമൂർതയേ നമഃ .
ഓം അജ്ഞാനധ്വാന്തദീപികായൈ നമഃ .
ഓം ആബാലഗോപവിദിതായൈ നമഃ .
ഓം സർവാനുല്ലംഘ്യശാസനായൈ നമഃ .
ഓം ശ്രീചക്രരാജനിലയായൈ നമഃ .
ഓം ശ്രീമത്ത്രിപുരസുന്ദര്യൈ നമഃ .
ഓം ശ്രീശിവായൈ നമഃ .
ഓം ശിവശക്ത്യൈക്യരൂപിണ്യൈ നമഃ .
ഓം ലലിതാംബികായൈ നമഃ . 1000
.. ഓം തത്സത് ബ്രഹ്മാർപണമസ്തു ..

.. ഇതി ശ്രീലലിതാസഹസ്രനാമാവലിഃ സമ്പൂർണാ ..

 ശ്രീലലിതാസ്തവഃ

കലയതു കവിതാം സരസാം കവിഹൃദ്യാം കാലകാലകാന്താ മേ

.
കമലോദ്ഭവകമലാസഖകലിതപ്രണതിഃ കൃപാപയോരാശിഃ .. 1..

ഏനോനീരധിനൗകാമേകാന്തവാസമൗനരതലഭ്യാം .
ഏണാങ്കതുല്യവദനാമേകാക്ഷരരൂപിണീം ശിവാം നൗമി .. 2..

ഈക്ഷണനിർജിതഹരിണീമീപ്സിതസർവാർഥദാനധൗരേയാം .
ഈഡിതവിഭവാം വേദൈരീശാങ്കനിവാസിനീം സ്തുവേ ദേവീം ..

3..
ലലിതൈഃ പദവിന്യാസൈർലജ്ജാം തനുതേ യദീയപദഭക്തഃ .
ലഘു ദേവേന്ദ്രഗുരോരപി ലലിതാം താം നൗമി സന്തതം ഭക്ത്യാ

.. 4..

ഇതി ശൃംഗേരി ശ്രീജഗദ്ഗുരു

ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതഃ ശ്രീലലിതാസ്തവഃ സമ്പൂർണഃ .

ലലിതാസ്തവരത്നം മഹർഷിദൂർവാസഃ പ്രണീതം

ആര്യാ ദ്വിശതീ ച

.. ശ്രീ ലലിതാസ്തവരത്നം പാരായണ ക്രമഃ ..

വന്ദേ ഗജേന്ദ്രവദനം വാമാങ്കാരൂഢവല്ലഭാശ്ലിഷ്ടം .

കുങ്കുമപരാഗശോണം കുവല്യിനീജാര-കോരകാപീഡം ..

അസ്യ ശ്രീ ലലിതാസ്തവരത്നമാലാമഹാമന്ത്രസ്യ .

ഭഗവാൻ ശ്രീദുർവാസാ ഋഷിഃ . പങ്ക്തിഃ ഛന്ദഃ .
സപരിവാരശ്രീലലിതാമഹാത്രിപുരസുന്ദരീ ദേവതാ ..
ഐം താപിഞ്ചമേചകാഭാം താലീദലരചിത കർണതാടങ്കാം .
താംബൂലപൂരിതമുഖീം താമ്രാധരബിംബദരഹാസാം .. ഇതി
ബീജം ..

സൗഃ ധൂർതാനാമതിദൂരാ വാർതാ ശേഷാവലഗ്ന കമനീയാ .

ആർതാലീശുഭദാത്രീ വാർതാലീ ഭവതു വാഞ്ചിതാർഥായ .. ഇതി
ശക്തിഃ ..

ക്ലീം ആദിമരസാവലംബാം അനിദമ്പ്രഥമാക്തിവല്ലരീകലികാം .

ആബ്രഹ്മകീടജനനീംമന്തഃ കലയാമി സുന്ദരീമനിശം .. ഇതി
കീലകം ..

മമ സപരിവാരശ്രീലലിതാമഹാത്രിപുരസുന്ദരീപ്രസാദസിദ്ധിദ്വാരാ
സർവാഭീഷ്ടസിദ്ധ്യർഥേ പാരായണേ വിനിയോഗഃ .
കുങ്കുമലലാമഭാസ്വന്നിടിലാം കുടിലതരഛില്ലികാ യുഗലാം .
നാലീകതുല്യനയനാം നാസാഞ്ചലനടിതമൗക്തികാഭരണാം ..

അംഗുഷ്ടാഭ്യാം നമഃ . ഹൃദയായ നമഃ .. 1..

അങ്കുരിത മന്ദഹാസാം അരുണാധരകാന്തിവിജിതബിംബാഭാം .

കസ്തൂരീമകരീയുതകപോലസങ്ക്രാന്തകനകതാടങ്കാം ..

തർജനീഭ്യാം നമഃ . ശിരസേ സ്വാഹാ .. 2..

കർപൂരസാന്ദ്രവീടീകബലിതവദനാരവിന്ദകമനീയാം .
കംബുസഹോദരകണ്ഠപ്രലംബമാനാച്ഛമൗക്തികകലാപാം ..

മധ്യമാഭ്യാം നമഃ . ശിഖായൈ വഷട് .. 3..

കൽഹാരദാമകോമല ഭുജയുഗല സ്ഫുരിത രത്നകേയൂരാം .

കരപദ്മമൂലവിലസത് കാഞ്ചനമയകടകവലയസന്ദോഹാം ..

അനാമികാഭ്യാം നമഃ . കവചായ ഹും .. 4..

പാണിചതുഷ്ടയവിലസത്പാശാങ്കുശപുണ്ഡ്രചാപപുഷ്പാസ്രാം .
കൂലങ്കഷകുചശിഖരാം കുങ്കുമകർദമിതരത്നകൂർപാസാം ..

കനിഷ്ടികാഭ്യാം നമഃ . നേത്രത്രയായ വൗഷട് .. 5..

കമലഭവകഞ്ജലോചനകിരീടരത്നാംശുരഞ്ജിതപദാബ്ജാം .
ഉന്മസ്തകാനുകമ്പാമുത്തരലാപാങ്കപോഷിതാനംഗാം ..

കരതലകരപൃഷ്ടാഭ്യാം നമഃ . അസ്ത്രായ ഫട് .

ഭൂർഭുവസ്സുവരോമിതി ദിഗ്ബന്ധഃ .. 6..

.. ധ്യാനം ..

ആദിമരസാവലംബാം അനിദമ്പ്രഥമോക്തിവല്ലരീകലികാം .
ആബ്രഹ്മകീടജനനീം അന്തഃ കലയാമി സുന്ദരീമനിശം .. 1..
നതജനസുലഭായ നമോ നാലീകസനാഭിലോചനായ നമഃ .
നന്ദിതഗിരിശായ നമോ മഹസേ നവനീപപാടലായ നമഃ .. 2..

പവനമയി പാവകമയി ക്ഷോണീമയി ഗഗനമയി കൃപീടമയി .

രവിമയി ശശിമയി ദിങ്മയി സമയമയി പ്രാണമയി ശിവേ
പാഹി .. 3..

കാലി കപാലിനി ശൂലിനി ഭൈരവി മാതംഗി പഞ്ചമി ത്രിപുരേ

.
വാഗ്ദേവി വിന്ധ്യവാസിനി ബാലേ ഭുവനേശി പാലയ ചിരം
മാം .. 4..

ലമിത്യാദി പഞ്ചപൂജാ ..

തതഃ പാരായണാന്തരമം ഹൃദയാദിന്യാസം വിധായ ധ്യാത്വാ

പഞ്ചോപചാരേഃ സമ്പൂജയേത് ..

.. മഹർഷിദുർവാസഃ പ്രണീതം ശ്രീ ലലിതാസ്തവരത്നം ..

.. ആര്യാ ദ്വിശതീ ..

വന്ദേ ഗജേന്ദ്രവദനം വാമാങ്കാരൂഢവല്ലഭാശ്ലിഷ്ടം .

കുങ്കുമപരാഗശോണം കുവലയിനീജാര-കോരകാപീഡം .. 1..
സ ജയതി സുവർണശൈലഃ സകലജഗച്ചക്രസംഘടിതമൂർതിഃ .
കാഞ്ചന നികുഞ്ജവാടീ കന്ദലദമരീപ്രപഞ്ച സംഗീതഃ .. 2..

ഹരിഹയനൈരൃതമാരുതഹരിതാമന്തേഷ്വവസ്ഥിതം തസ്യ .
വിനുമഃ സാനുത്രിതയം വിധിഹരിഗൗരീശവിഷ്ടപാധാരം .. 3..

മധ്യേ പുനർമനോഹരരത്നരുചിസ്തബക രഞ്ജിതദിഗന്തം .

ഉപരി ചതുഃ ശതയോജനമുത്തംഗ ശൃംഗമ്പുംഗവമുപാസേ .. 4..

തത്ര ചതുഃ ശതയോജനപരിണാഹം ദേവ ശില്പിനാ രചിതം .

നാനാസാലമനോജ്ഞം നമാമ്യഹം നഗരം ആദിവിദ്യായാഃ .. 5..

പ്രഥമം സഹസ്രപൂർവക ഷട്ശതസംഖ്യാക യോജനം പരിതഃ .

വലയീകൃതസ്വഗാത്രം വരണം ശരണം വ്രജാമ്യയോ രൂപം ..

6..

തസ്യോത്തരേ സമീരണയോജനദൂരേ തരംഗിതച്ഛായഃ .

ഘടയതു മുദം ദ്വിതീയോ ഘണ്ടാസ്തനസാര നിർമിതഃ സാലഃ ..

7..

ഉഭയോരന്തരസീമന്യുദ്ദാമ ഭ്രമരരഞ്ജിതോദാരം .
ഉപവമനമുപാസ്മഹേ വയമൂരീകൃത മന്ദമാരുത സ്യന്ദം .. 8..

ആലിംഗ്യ ഭദ്രകാലീമാസീനസ്തത്ര ഹരിശിലാശ്യാമാം .

മനസി മഹാകാലോ മേ വിഹരതു മധുപാനവിഭ്രമന്നേത്രഃ .. 9..
താർത്തീയീകോ വരണസ്തസ്യോത്തരസീമ്നി വാതയോജനതഃ .
താമ്രേണ രചിതമൂർതിസ്തനുതാദാ ചന്ദ്രതാരകം ഭദ്രം .. 10..

മധ്യേ തയോശ്ച മണിമയപല്ലവശാഖാ പ്രസൂനപക്ഷ്മലിതാം .

കല്പാനോകഹവാടീം കലയേ മകരന്ദപങ്കിലാവാലാം .. 11..

തത്ര മധുമാധവശ്രീതരുണീഭ്യാം തരലദൃക്ചകോരാഭ്യാം .

ആലിംഗിതോഽവതാന്മാമനിശം പ്രഥമർതുരാത്തപുഷ്പാസ്രഃ ..

12..

നമത തദുത്തരഭാഗേ നാകിപഥോല്ലംഘി ശൃംഗസംഘാതം .

സീസാകൃതിം തുരീയം സിതകിരണാലോകനിർമലം സാലം ..

13..

സാലദ്വയാന്തരാലേ സരലാലികപോത-ചാടുസുഭഗായാം .
സന്താനവാടികായാം സക്തം ചേതോഽസ്തു സതതമസ്മാകം ..

14..

തത്ര തപനാദിരൂക്ഷഃ സാമ്രാജ്ഞീചരണ സാന്ദ്രിതസ്വാന്തഃ .

ശുക്ര ശുചിശ്രീസഹിതോ ഗ്രീഷ്മർതുർദിശതു കീർതിമാകല്പം ..

15..

ഉത്തരസീമനി തസ്യോന്നതശിഖരോത്കമ്പി ഹാടകപതാകഃ .

പ്രകടയതു പഞ്ചമോ നഃ പ്രാകാരഃ കുശലമാരകൂടമയഃ .. 16..
പ്രാകാരയോശ്ച മധ്യേ പല്ലവിതാന്യഭൃതപഞ്ചമോന്മേഷാ .
ഹരിചന്ദനദ്രുവാടീഹരതാദാമൂലമസ്മദനുതാപം .. 17..

തത്ര നഭശ്രീ മുഖ്യൈസ്തരുണീ വർഗൈഃ സമന്വിതഃ പരിതഃ .

വജ്രാട്ടഋഹാസമുഖരോ വാഞ്ഛാപൂർതിം തനോതു വർഷർതുഃ

.. 18..

മാരുതയോജനദൂരേ മഹനീയസ്തസ്യ ചോത്തരേ ഭാഗേ .

ഭദ്രം കൃഷീഷ്ട ഷഷ്ഠഃ പ്രാകാരഃ പഞ്ചലോഹധാതുമയഃ .. 19..

അനയോർമധ്യേ സന്തതമങ്കൂരദ്ദിവ്യകുസുമഗന്ധായാം .
മന്ദാരവാടികായാം മാനസമംഗീകരോതു മേ വിഹൃതിം .. 20..

തസ്യാമിഷോർജലക്ഷ്മീതരുണീഭ്യാം ശരദൃതുഃ സദാ സഹിതഃ .

അഭ്യർചയൻ സ ജീയാദംബാമാമോദമേദുരൈഃ കുസുമൈഃ ..

21..

തസ്യർഷിസംഖ്യയോജനദൂരേ ദേദീപ്യമാനശൃംഗൗഘഃ .
കലധൗതകലിതമൂർതിഃ കല്യാണം ദിശതു സപ്തമഃ സാലഃ ..

22..

മധ്യേ തയോർമരുത്പഥ ലംഘിഥവിട-പാഗ്രവിരുതകലകണ്ഠാ .

ശ്രീപാരിജാതവാടീ ശ്രിയമനിശം ദിശതു ശീതലോദ്ദേശാ .. 23..
തസ്യാമതിപ്രിയാഭ്യാം സഹഖേലൻ സഹസഹസ്യ ലക്ഷ്മീഭ്യാം .
സാമന്തോ ഝഷകേതോർഹേമന്തോ ഭവതു ഹേമവൃദ്ധ്യൈ നഃ ..

24..

ഉത്തരതസ്തസ്യ മഹാനുദ്ഭട ഹുത്ഭുക്ഷി സ്വാരുണഃ മയൂഖഃ .

തപനീയഖണ്ഡരചിതസ്തനുതാദായുഷ്യമഷ്ടമോ വരണഃ .. 25..

കാദംബവിപിനവാടീമനയോർമധ്യഭുവി കല്പിതാവാസാം .
കലയാമി സൂനകോരകകന്ദലിതാമോദ-തുന്ദിലസമീരാം .. 26..

തസ്യാമതി-ശിശിരാകൃതിരാസീനസ്തപതപസ്യലക്ഷ്മീഭ്യാം .
ശിവമനിശം കുരുതാന്മേ ശിശിരർതുഃ സതതശീതലദിഗന്തഃ .. 27..

തസ്യാം കദംബവാട്യാം തത്പ്രസവാമോദമിലിത-മധുഗന്ധം .

സപ്താവരണമനോജ്ഞം ശരണം സമുപൈമി മന്ത്രിണീ-ശരണം

.. 28..

തത്രാലയേ വിശാലേ തപനീയാരചിത-തരല-സോപാനേ .

മാണിക്യ മണ്ഡപാന്തർമഹിതേ സിംഹാസനേ മണീഖചിതേ ..

29..

ബിന്ദു-ത്രിപഞ്ച-കോണ-ദ്വിപ-നൃപ-വസു-വേദ-ദല-കുരേഖാഢ്യേ

.
ചക്രേ സദാ നിവിഷ്ടാം ഷഷ്ഠ്യഷ്ടത്രിംശദക്ഷരേശാനീം .. 30..
താപിഞ്ഛമേചകാഭാം താലീദലഘടിതകർണതാടങ്കാം .
താംബൂലപൂരിതമുഖീം താമ്രാധരബിംബദൃഷ്ടദരഹാസാം .. 31..

കുങ്കുമപങ്കിലദേഹാം കുവലയ-ജീവാതു-ശാവകാവതംസാം .
കോകനദശോണചരണാം കോകില-നിക്വാണ-കോമലാലാപാം ..

32..

വാമാംഗഗലിതചൂലീം വനമാല്യകദംബമാലികാഭരണാം .
മുക്താലലന്തികാഞ്ചിത മുഗ്ധാലിക-മിലിത-ചിത്രകോദാരാം ..

33..

കരവിധൃതകീരശാവക-കല-നിനദ-വ്യക്ത-നിഖില-നിഗമാർഥാം .
വാമകുചസംഗിവീണാവാദനസൗഖ്യാർധമീലിതാക്ഷിയുഗാം ..

34..

ആപാടലാംശുകധരാം ആദിരസോന്മേഷവാസിത കടാക്ഷാം .

ആമ്നായസാരഗുലികാം ആദ്യാം സംഗീതമാതൃകാം വന്ദേ ..

35..

തസ്യ ച സുവർണസാലസ്യോത്തരതസ്തരുണകുങ്കുമച്ഛായഃ .
ശമയതു മമ സന്താപം സാലോ നവമഃ സ പുഷ്പരാഗമയഃ ..

36..

അനയോരന്തരവസുധാഃ പ്രണുമഃ പ്രത്യഗ്രപുഷ്പരാഗമയീഃ .

സിംഹാസനേശ്വരീമനുചിന്തന-നിസ്തന്ദ്ര-സിദ്ധനീരന്ധ്രാഃ .. 37..
തത്സാലോത്തരദേശേ തരുണജപാ-കിരണ-ധോരണീ-ശോണഃ .
പ്രശമയതു പദ്മരാഗപ്രാകാരോ മമ പരാഭവം ദശമഃ .. 38..

അന്തരഭൂകൃതവാസാനനയോരപനീത ചിത്തവൈമത്യാൻ .
ചക്രേശീപദഭക്താംശ്ചാരണവർഗാനഹർനിശം കലയേ .. 39..

സാരംഗവാഹയോജനദൂരേഽഽസംഘടിത കേതനസ്തസ്യ .
ഗോമേദകേന രചിതോ ഗോപായതു മാം സമുന്നതഃ സാലഃ ..

40..

വപ്രദ്വയാന്തരോർവ്യാം വടുകൈർവിവിധൈശ്ച യോഗിനീ

ബൃന്ദൈഃ .
സതതം സമർചിതായാഃ സങ്കർഷിണ്യാഃ പ്രണൗമി ചരണാബ്ജം

.. 41..

താപസയോജനദൂരേ തസ്യ സമുത്തുംഗഃ ഗോപുരോപേതഃ .

വാഞ്ഛാപൂർത്യൈ ഭവതാദ്വജ്രമണീ-നികര-നിർമിതോ വപ്രഃ ..

42..

വരണദ്വിതയാന്തരതോ വാസജുഷോ വിഹിതമധുരസാസ്വാദാഃ .

രംഭാദിവിബുധവേശ്യാഃ രചയന്തു മഹാന്തമസ്മദാനന്ദം .. 43..

തത്ര സദാ പ്രവഹന്തി തടിനീ വജ്രാഭിധാ ചിരം ജീയാത് .

ചടുലോർമിജാലനൃത്യത് കലഹംസീകുലകലക്വണിതപുഷ്ടാ ..

44..

രോധസി തസ്യാ രുചിരേ വജ്രേശീ ജയതി വജ്രഭൂഷാഢ്യാ .

വജ്രപ്രദാനതോഷിതവജ്രിമുഖത്രിദശ-വിനുതചാരിത്രാ .. 45..

തസ്യോദീച്യാം ഹരിതി സ്തവകിതസുഷമാവലീഢ-വിയദന്തഃ .

വൈഡൂര്യരത്നരചിതോ വൈമല്യം ദിശതു ചേതസോ വരണഃ ..

46..

അധിമധ്യമേതയോഃ പുനരംബാചരണാവലംബിതസ്വാന്താം .
കാർകോടകാദിനാഗാൻ കലയാമഃ കിം ച ബലിമുഖാന്ദനുജാൻ ..

47..

ഗന്ധവഹസംഖ്യ-യോജനദൂരേ ഗഗനോർധ്വജാംഘികസ്തസ്യ .
വാസവമണിപ്രണീതോ വരണോ വർധയതു വൈദുഷീം വിശദാം

.. 48..

മധ്യക്ഷോണ്യാമനയോർമഹേന്ദ്രനീലാത്മകാനി ച സരാംസി .
ശാതോദരീ സഹായാൻഭൂപാലാനപി പുനഃ പുനഃ പ്രണുമഃ ..

49..

ആശുഗയോജനദൂരേ തസ്യോർധ്വം കാന്തിധവലിതദിഗന്തഃ .

മുക്താവിരചിതഗാത്രോ മുഹുരസ്മാകം മുദേ ഭവതു വപ്രഃ ..

50..
ആവൃത്ത്യോരധിമധ്യം പൂർവസ്യാം ദിശി പുരന്ദരഃ ശ്രീമാൻ .
അഭ്രമുവിടാധിരൂഢോ വിഭ്രമമസ്മാകമനിശമാതനുതാത് .. 51..

തത്കോണേ വ്യജനസ്രുക്തോമരപാത്രസ്രുവാന്ന ശക്തിധരഃ .

സ്വാഹാസ്വധാസമേതഃ സുഖയതു മാം ഹവ്യവാഹനഃ സുചിരം

.. 52..

ദക്ഷിണദിഗന്തരാലേ ദണ്ഡധരോ നീലനീരദച്ഛായഃ .

ത്രിപുരപദാബ്ജഭക്തസ്തിരയതു മമ നിഖിലമംഹംസാം നികരം

.. 53..

തസ്യൈവ പശ്ചിമായാം ദിശി ദലിതേന്ദീവര പ്രഭാശ്യാമഃ .

ഖേടാസി യഷ്ടിധാരീ ഖേദാനപനയതു യാതുധാനോ മേ .. 54..

തസ്യാ ഉത്തരദേശേ ധവലാംഗോ വിപുലഝഷ വരാരൂഢഃ .

പാശായുധാത്തപാണിഃ പാശീ വിദലയതു പാശജാലാനി .. 55..

വന്ദേ തദുത്തരഹരിത്കോണേ വായും ചമൂരൂവരവാഹം .

കോരകിത തത്വബോധാൻഗോരക്ഷ പ്രമുഖ യോഗിനോഽപി മുഹുഃ

.. 56..

തരുണീരിഡാപ്രധാനാസ്തിസ്രോ വാതസ്യ തസ്യ കൃതവാസാഃ .

പ്രത്യഗ്രകാപിശായനപാന-പരിഭ്രാന്ത-ലോചനാഃ കലയേ .. 57..
തല്ലോകപൂർവഭാഗേ ധനദം ധ്യായാമി ശേവധികുലേശം .
അപി മാണിഭദ്രമുഖ്യാനംബാചരണാവലംബിനോ യക്ഷാൻ ..

58..

തസ്യൈവ പൂർവസീമനി തപനീയാരചിതഗോപുരേ നഗരേ .

കാത്യായനീസഹായം കലയേ ശീതാംശുഖണ്ഡചൂഡാലം .. 59..

തത്പുരുഷോഡശവരണസ്ഥലഭാജസ്തരുണചന്ദ്രചൂഡാലാൻ .
രുദ്രാധ്യായേ പഠിതാൻ രുദ്രാണീസഹചരാൻ ഭജേ രുദ്രാൻ ..

60..

പവമാനസംഖ്യയോജനദൂരേ ബാലതൃണ്മേചകസ്തസ്യ .
സാലോ മരകതരചിതഃ സമ്പദമചലാം ശ്രിയം ച പുഷ്ണാതു ..

61..

ആവൃതി യുഗ്മാന്തരതോ ഹരിതമണീ-നിവഹമേചകേ ദേശേ .

ഹാടക-താലീ-വിപിനം ഹാലാഘടഘടിത-വിടപമാകലയേ ..

62..

തത്രൈവ മന്ത്രിണീഗൃഹപരിണാഹം തരലകേതനം സദനം .

മരകതസൗധമനോജ്ഞം ദദ്യാദായൂഷി ദണ്ഡനാഥായാഃ .. 63..

സദനേ തവ ഹരിന്മണിസംഘടിതേ മണ്ഡപേ ശതസ്തംഭേ .

കാർത്തസ്വരമയപീഠേ കനകമയാംബുരുഹകർണികാമധ്യേ ..

64..
ബിന്ദുത്രികോണവർതുലഷഡസ്രവൃത്തദ്വയാന്വിതേ ചക്രേ .
സഞ്ചാരിണീ ദശോത്തരശതാർണ-മനുരാജകമലകലഹംസീ .. 65..

കോലവദനാ കുശേശയനയനാ കോകാരിമണ്ഡിതശിഖണ്ഡാ .

സന്തപ്തകാഞ്ചനാഭാ സന്ധ്യാരുണ-ചേല-സംവൃത-നിതംബാ ..

66..

ഹലമുസലശംഖചക്രാങ്കുശപാശാഭയവരസ്ഫുരിതഹസ്താ .
കൂലങ്കഷാനുകമ്പാ കുങ്കുമജംബാലിതസ്തനാഭോഗാ .. 67..

ധൂർതാനാമതിദൂരാവാർതാശേഷാവലഗ്നകമനീയാ .
ആർതാലീശുഭദാത്രീ വാർതാലീ ഭവതു വാഞ്ഛിതാർഥായ ..

68..

തസ്യാഃ പരിതോ ദേവീഃ സ്വപ്നേശ്യുന്മത്തഭൈരവീമുഖ്യാഃ .

പ്രണമത ജംഭിന്യാദ്യാഃ ഭൈരവവർഗാംശ്ച ഹേതുകപ്രമുഖാൻ ..

69..

പൂർവോക്തസംഖ്യയോജനദൂരേ പൂയാംശുപാടലസ്തസ്യ .
വിദ്രാവയതു മദാർതിം വിദ്രുമസാലോ വിശങ്കടദ്വാരഃ .. 70..

ആവരണയോർമഹർനിശമന്തരഭൂമൗ പ്രകാശശാലിന്യാം .
ആസീനമംബുജാസനമഭിനവസിന്ദൂരഗൗരമഹമീഡേ .. 71..
വരണസ്യ തസ്യ മാരുതയോജനതോ വിപുലഗോപുരദ്വാരഃ .
സാലോ നാനാരത്നൈഃ സംഘടിതാംഗഃ കൃഷീഷ്ട മദഭീഷ്ടം .. 72..

അന്തരകക്ഷ്യാമനയോരവിരലശോഭാപിചണ്ഡിലോദ്ദേശാം .
മാണിഖ്യമണ്ഡപാഖ്യാം മഹതീമധിഹൃദയമനിശമാകലയേ .. 73..

തത്ര സ്തിഥം പ്രസന്നം തരുണതമാലപ്രവാലകിരണാഭം .

കർണാവലംബികുണ്ഡലകന്ദലിതാഭീശുകവചിതകപോലം .. 74..

ശോണാധരം ശുചിസ്മിതമേണാങ്കവദനമേധമാനകൃപം .
മുഗ്ധൈണമദവിശേഷകമുദ്രിതനിടിലേന്ദുരേഖികാ രുചിരം ..

75..

നാലീകദലസഹോദരനയനാഞ്ചലഘടിതമനസിജാകൂതം .
കമലാകഠിണപയോധരകസ്തൂരീ-ധുസൃണപങ്കിലോരസ്കം .. 76..

ചാമ്പേയഗന്ധികൈശ്യം ശമ്പാസബ്രഹ്മചാരികൗശേയം .
ശ്രീവത്സകൗസ്തുഭധരം ശ്രിതജനരക്ഷാധുരീണചരണാബ്ജം .. 77..

കംബുസുദർശനവിലസത്-കരപദ്മം കണ്ഠലോലവനമാലം .
മുചുകുന്ദമോക്ഷഫലദം മുകുന്ദമാനന്ദകന്ദമവലംബേ .. 78..

തദ്വരണോത്തരഭാഗേ താരാപതി-ബിംബചുംബിനിജശൃംഗഃ .
വിവിധമണീ-ഗണഘടിതോ വിതരതു സാലോ വിനിർമലാം
ധിഷണാം .. 79..
പ്രാകാരദ്വിതയാന്തരകക്ഷ്യാം പൃഥുരത്നനികര-സങ്കീർണാം .
നമത സഹസ്രസ്തംഭകമണ്ഡപനാമ്നാതിവിശ്രുതാം ഭുവനേ ..

80..

പ്രണുമസ്തത്ര ഭവാനീസഹചരമീശാനമിന്ദുഖണ്ഡധരം .
ശൃംഗാരനായികാമനുശീലനഭാജോഽപി ഭൃംഗിനന്ദിമുഖാൻ .. 81..

തസ്യൈണവാഹയോജനദൂരേ വന്ദേ മനോമയം വപ്രം .

അങ്കൂരന്മണികിരണാമന്തരകക്ഷ്യാം ച നിർമലാമനയോഃ .. 82..

തത്രൈവാമൃതവാപീം തരലതരംഗാവലീഢതടയുഗ്മാം .
മുക്താമയ-കലഹംസീ-മുദ്രിത-കനകാരവിന്ദസന്ദോഹാം .. 83..

ശക്രോപലമയഭൃംഗീസംഗീതോന്മേഷഘോഷിതദിഗന്താം .
കാഞ്ചനമയാംഗവിലസത്കാരണ്ഡവഷണ്ഡ-താണ്ഡവമനോജ്ഞാം ..

84..

കുരുവിന്ദാത്മ-കഹല്ലക-കോരക-സുഷമാ-സമൂഹ-പാടലിതാം .
കലയേ സുധാസ്വരൂപാം കന്ദലിതാമന്ദകൈരവാമോദാം .. 85..

തദ്വാപികാന്തരാലേ തരലേ മണിപോതസീമ്നി വിഹരന്തീം .

സിന്ദൂര-പാടലാംഗീം സിതകിരണാങ്കൂരകല്പിതവതംസാം .. 86..

പർവേന്ദുബിംബവദനാം പല്ലവശോണാധരസ്ഫുരിതഹാസാം .
കുടിലകവരീം കുരംഗീശിശുനയനാം കുണ്ഡലസ്ഫുരിതഗണ്ഡാം ..

87..

നികടസ്ഥപോതനിലയാഃ ശക്തീഃ ശയവിധൃതഹേമശൃംഗജലൈഃ .

പരിഷിഞ്ചന്തീം പരിതസ്താരാം താരുണ്യഗർവിതാം വന്ദേ ..

88..

പ്രാഗുക്തസംഖ്യയോജനദൂരേ പ്രണമാമി ബുദ്ധിമയസാലം .

അനയോരന്തരകക്ഷ്യാമഷ്ടാപദപുഷ്ടമേദിനീം രുചിരാം .. 89..

കാദംബരീനിധാനാം കലയാമ്യാനന്ദവാപികാം തസ്യാം .

ശോണാശ്മനിവഹനിർമിതസോപാനശ്രേണിശോഭമാനതടീം .. 90..

മാണിക്യതരണിനിലയാം മധ്യേ തസ്യാ മദാരുണകപോലാം .

അമൃതേശീത്യഭിധാനാമന്തഃ കലയാമി വാരുണീം ദേവീം .. 91..

സൗവർണകേനിപാതനഹസ്താഃ സൗന്ദര്യഗർവിതാ ദേവ്യഃ .

തത്പുരതഃ സ്ഥിതിഭാജോ വിതരന്ത്വസ്മാകമായുഷോ വൃദ്ധിം ..

92..

തസ്യ പൃഷദശ്വയോജനദൂരേഽഹങ്കാരസാലമതിതുംഗം .
വന്ദേ തയോശ്ച മധ്യേ കക്ഷ്യാം വലമാനമലയപവമാനാം ..

93..

വിനുമോ വിമർശവാപീം സൗഷുമ്നസുധാസ്വരൂപിണീം തത്ര .

വേലാതിലംഘ്യവീചീകോലാഹലഭരിതകൂലവനവാടീം .. 94..

തത്രൈവ സലിലമധ്യേ താപിഞ്ഛദലപ്രപഞ്ചസുഷമാഭാം .

ശ്യാമലകഞ്ചുകലസിതാം ശ്യാമാ-വിടബിംബഡംബരഹരാസ്യാം ..

95..

ആഭുഗ്നമസൃണചില്ലീഹസിതായുഗ്മശരകാർമുകവിലാസാം .
മന്ദസ്മിതാഞ്ചിതമുഖീം മണിമയതാടങ്കമണ്ഡിതകപോലാം .. 96..

കുരുവിന്ദതരണിനിലയാം കുലാചലസ്പർധികുചനമന്മധ്യാം .
കുങ്കുമവിലിപ്തഗാത്രീം കുരുകുല്ലാം മനസി കുർമഹേ സതതം

.. 97..

തത്സാലോത്തരഭാഗേ ഭാനുമയം വപ്രമാശ്രയേ ദീപ്തം .

മധ്യം ച വിപുലമനയോർമന്യേ വിശ്രാന്തമാതപോദ്ഗാരം ..

98..

തത്ര കുരുവിന്ദപീഠേ താമരസേ കനകകർണികാഘടിതേ .

ആസീനമരുണവാസസമമ്ലാനപ്രസവമാലികാഭരണം .. 99..

ചക്ഷുഷ്മതീപ്രകാശനശക്തിച്ഛായാ-സമാരചിതകേലിം .
മാണിക്യമുകുടരമ്യം മന്യേ മാർതാണ്ഡഭൈരവം ഹൃദയേ ..

100..

ഇന്ദുമയസാലമീഡേ തസ്യോത്തരതസ്തുഷാരഗിരിഗൗരം .
അത്യന്ത-ശിശിരമാരുതമനയോർമധ്യം ച ചന്ദ്രികോദ്ഗാരം ..

101..

തത്ര പ്രകാശമാനം താരാനികരൈശ്ച (സർവതസ്സേവ്യം )

പരിഷ്കൃതോദ്ദേശം .
അമൃതമയകാന്തികന്ദലമന്തഃ കലയാമി കുന്ദസിതമിന്ദും .. 102..

ശൃംഗാരസാലമീഡേ ശൃംഗോല്ലസിതം തദുത്തരേ ഭാഗേ .

മധ്യസ്ഥലേ തയോരപി മഹിതാം ശൃംഗാരപൂർവികാം പരിഖാം

.. 103..

തത്ര മണിനൗസ്ഥിതാഭിസ്തപനീയാരചിതശൃംഗഹസ്താഭിഃ .
ശൃംഗാരദേവതാഭിഃ സഹിതം പരിഖാധിപം ഭജേ മദനം .. 104..

ശൃംഗാരവരണവര്യസ്യോത്തരതഃ സകലവിബുധസംസേവ്യം .
ചിന്താമണിഗണരചിതം ചിന്താം ദൂരീകരോതു മേ സദനം ..

105..

മണിസദന സാലയോരധിമധ്യം ദശതാലഭൂമിരുഹദീർഘൈഃ .

പർണൈഃ സുവർണവർണൈര്യുക്താം കാണ്ഡൈശ്ച
യോജനോത്തുംഗൈഃ .. 106..

മൃദുലൈസ്താലീപഞ്ചകമാനൈർമിലിതാം ച കേസരകദംബൈഃ .
സന്തതഗലിതമരന്ദസ്രോതോനിര്യന്മിലിന്ദസന്ദോഹാം .. 107..
പാടീരപവനബാലകധാടീനിര്യത്പരാഗപിഞ്ജരിതാം .
കലഹംസീകുലകലകലകൂലങ്കഷനിനദനിചയകമനീയാം .. 108..

പദ്മാടവീം ഭജാമഃ പരിമലകല്ലോലപക്ഷ്മലോപാന്താം .

ദേവ്യർഘ്യപാത്രധാരീ തസ്യാഃ പൂർവദിശി ദശകലായുക്തഃ .
വലയിതമൂർതിർഭഗവാൻ വഹ്നിഃ കോശോന്നതശ്ചിരം പായാത്

.. 109..

തത്രാധാരേ ദേവ്യാഃ പാത്രീരൂപഃ പ്രഭാകരഃ ശ്രീമാൻ .

ദ്വാദശകലാസമേതോ ധ്വാന്തം മമ ബഹുലമാന്തരം ഭിന്ദ്യാത് ..

110..

തസ്മിൻ ദിനേശപാത്രേ തരംഗിതാമോദമമൃതമയമർഘ്യം .

ചന്ദ്രകലാത്മകമമൃതം സാന്ദ്രീകുര്യാദമന്ദമാനന്ദം .. 111..

അമൃതേ തസ്മിന്നഭിതോ വിഹരന്ത്യോ വിവിധതരണിഭാജഃ .

ഷോഡശകലാഃ സുധാംശോഃ ശോകാദുത്താരയന്തു മാമനിശം ..

112..

തത്രൈവ വിഹൃതിഭാജോ ധാതൃമുഖാനാം ച കാരണേശാനാം .

സൃഷ്ട്യാദിരൂപികാസ്താഃ ശമയന്ത്വഖിലാഃ കലാശ്ച സന്താപം

..113..

കീനാശവരുണകിന്നരരാജദിഗന്തേഷു രത്നഗേഹസ്യ .
കലയാമി താന്യജസ്രം കലയന്ത്വായുഷ്യമർഘ്യപാത്രാണി .. 114..
പാത്രസ്ഥലസ്യ പുരതഃ പദ്മാരമണവിധിപാർവതീശാനാം .
ഭവനാനി ശർമണേ നോ ഭവന്തു ഭാസാ പ്രദീപിതജഗന്തി ..

115..

സദനസ്യാനലകോണേ സതതം പ്രണമാമി കുണ്ഡമാഗ്നേയം .

തത്ര സ്ഥിതം ച വഹ്നിം തരലശിഖാജടിലമംബികാജനകം ..

116..

തസ്യാസുരദിശി താദൃശരത്നപരിസ്ഫുരിതപർവനവകാഢ്യം .
ചക്രാത്മകം ശതാംഗം ശതയോജനമുന്നതം ഭജേ ദിവ്യം .. 117..

തത്രൈവ ദിശി നിഷണ്ണം തപനീയധ്വജപരമ്പരാശ്ലിഷ്ടം .

രഥമപരം ച ഭവാന്യാ രചയാമോ മനസി രത്നമയചൂഡം ..

118..

ഭവനസ്യ വായുഭാഗേ പരിഷ്കൃതോ വിവിധവൈജയന്തീഭിഃ .

രചയതു മുദം രഥേന്ദ്രഃ സചിവേശാന്യാഃ സമസ്തവന്ദ്യായാഃ ..

119..

കുർമോഽധിഹൃദയമനിശം ക്രോഡാസ്യായാഃ ശതാങ്കമൂർധന്യം .

രുദ്രദിശി രത്നധാമ്നോ രുചിരശലാകാ പ്രപഞ്ചകഞ്ചുകിതം ..

120..

പരിതോ ദേവീധാമ്നഃ പ്രണീതവാസാ മനുസ്വരൂപിണ്യഃ .

കുർവന്തു രശ്മിമാലാകൃതയഃ കുശലാനി ദേവതാ നിഖിലാഃ ..

121..

പ്രാഗ്ദ്വാരസ്യ ഭവാനീധാമ്നഃ പാർശ്വദ്വയാരചിതവാസേ .

മാതംഗീ കിടിമുഖ്യൗ മണിസദനേ മനസി ഭാവയാമി ചിരം ..

122..

യോജനയുഗലാഭോഗാ തത്കോശപരിണാഹയൈവ ഭിത്ത്യാ ച .

ചിന്താമണിഗൃഹ-ഭൂമിർജീയാദാമ്നായമയചതുർദ്വാരാ .. 123..

ദ്വാരേ ദ്വാരേ ധാമ്നഃ പിണ്ഡീഭൂതാ നവീനബിംബാഭാഃ .

വിദധതു വിപുലാം കീർതിം ദിവ്യാ ലൗഹിത്യസിദ്ധ്യോ ദേവ്യഃ

.. 124..

മണിസദനസ്യാന്തരതോ മഹനീയേ രത്നവേദികാമധ്യേ .

ബിന്ദുമയചക്രമീഡേ പീഠാനാമുപരി വിരചിതാവാസം 125..

ചക്രാണാം സകലാനാം പ്രഥമമധഃ സീമഫലകവാസ്തവ്യാഃ .

അണിമാദിസിദ്ധയോ മാമവന്തു ദേവീ പ്രഭാസ്വരൂപിണ്യഃ ..

126..

അണിമാദിസിദ്ധിഫലകസ്യോപരിഹരിണാങ്കഖണ്ഡകൃതചൂഡാഃ .
ഭദ്രം പക്ഷ്മലയന്തു ബ്രാഹ്മീപ്രമുഖായ മാതരോഽസ്മാകം ..

127..
തസ്യോപരി മണിഫലകേ താരുണ്യോത്തുംഗപീനകുചഭാരാഃ .
സങ്ക്ഷോഭിണീപ്രധാനാ ഭ്രാന്തിം വിദ്രാവയന്തു ദശമുദ്രാഃ .. 128..

ഫലകത്രയസ്വരൂപേ പൃഥുലേ ത്രൈലോക്യമോഹനേ ചക്രേ .

ദീവ്യന്തു പ്രകടാഖ്യാസ്താസാം കർത്രീം ച ഭഗവതീ ത്രിപുരാ ..

129..

തദുപരി വിപുലേ ധിഷ്ണ്യേ തരലദൃശസ്തരുണകോകനദഭാസഃ .

കാമാകർഷിണ്യാദ്യാഃ കലയേ ദേവീഃ കലാധരശിഖണ്ഡാഃ .. 130..

സർവാശാപരിപൂരകചക്രേഽസ്മിൻ ഗുപ്തയോഗിനീ സേവ്യാഃ .

ത്രിപുരേശീ മമ ദുരിതം തുദ്യാത് കണ്ഠാവലംബിമണിഹാരാ ..

131..

തസ്യോപരി മണിപീഠേ താമ്രാംഭോരുഹദലപ്രഭാശോണാഃ .

ധ്യായാമ്യനംഗകുസുമാപ്രമുഖാ ദേവീശ്ച വിധൃതകൂർപാസാഃ ..

132..

സങ്ക്ഷോഭകാരകേഽസ്മിംശ്ചക്രേ ശ്രീത്രിപുരസുന്ദരീ സാക്ഷാത് .

ഗോപ്ത്രീ ഗുപ്തരാഖ്യാഃ ഗോപായതുമാം കൃപാർദ്രയാ ദൃഷ്ട്യാ

.. 133..

സങ്ക്ഷോഭിണീപ്രധാനാഃ ശക്തീസ്തസ്യോർധ്വവലയകൃതവാസാഃ .
ആലോലനീലവേണീരന്തഃ കലയാമി യൗവനോന്മത്താഃ .. 134..
സൗഭാഗ്യദായകേഽസ്മിംശ്ചക്രേശീ ത്രിപുരവാസിനീ ജീയാത് .
ശക്തീശ്ച സമ്പ്രദായാഭിധാഃ സമസ്താഃ പ്രമോദയന്ത്വനിശം ..

135..

മണിപീഠോപരി താസാം മഹതി ചതുർഹസ്തവിസ്തൃതേ

വലയേ .
സന്തതവിരചിതവാസാഃ ശക്തീഃ കലയാമി സർവസിദ്ധിമുഖാഃ ..

136..

സർവാർഥസാധകാഖ്യേ ചക്രേഽമുഷ്മിൻ സമസ്തഫലദാത്രീ .

ത്രിപുരാ ശ്രീർമമ കുശലം ദിശതാദുത്തീർണയോഗിനീസേവ്യാ ..

137..

താസാം നിലയസ്യോപരി ധിഷ്ണ്യേ കൗസുംഭകഞ്ചുകമനോജ്ഞാഃ

.
സർവജ്ഞാദ്യാ ദേവ്യഃ സകലാഃ സമ്പാദയന്തു മമ കീർതിം ..

138..

ചക്രേ സമസ്തരക്ഷാകരനാമ്ന്യസ്മിൻസമസ്തജനസേവ്യാം .
മനസി നിഗർഭാസഹിതാം മന്യേ ത്രിപുരമാലിനീ ദേവീം ..

139..

സർവജ്ഞാസദനസ്യോപരി ചക്രേ വിപുലേ സമാകലിതഗേഹാഃ .

വന്ദേ വശിനീമുഖ്യാഃ ശക്തീഃ സിന്ദൂരരേണുശോണരുചഃ .. 140..
ശ്രീസർവരോഗഹാരിണിചക്രേഽസ്മിന്ത്രിപുരപൂർവികാം സിദ്ധാം

.
വന്ദേ രഹസ്യനാമ്നാ വേദ്യാഭിഃ ശക്തിഭിഃ സദാ സേവ്യാം ..

141..

വശിനീഗൃഹോപരിഷ്ടാദ് വിംശതിഹസ്തോന്നതേ മഹാപീഠേ .

ശമയന്തു ശത്രുബൃന്ദം ശസ്ത്രാണ്യസ്ത്രാണി ചാദിദമ്പത്യോഃ ..

142..

ശസ്ത്രസദനോപരിഷ്ടാ വലയേ വലവൈരിരത്നസംഘടിതേ .

കാമേശ്വരീപ്രധാനാഃ കലയേ ദേവീഃ സമസ്തജനവന്ദ്യാഃ .. 143..

ചക്രേഽത്ര സർവസിദ്ധിപ്രദനാമനി സർവഫലദാത്രീ .

ത്രിപുരാംബാവതു സതതം പരാപരരഹസ്യയോഗിനീസേവ്യാ ..

144..

കാമേശ്വരീഗൃഹോപരിവലയേ വിവിധമനുസമ്പ്രദായജ്ഞാഃ .
ചത്വാരോ യുഗനാഥാ ജയന്തു മിത്രേശപൂർവകാ ഗുരവഃ ..

145..

നാഥഭവനോപരിഷ്ടാന്നാനാരത്നചയമേദുരേ പീഠേ .
കാമേശ്യാദ്യാ നിത്യാഃകലയന്തു മുദം തിഥിസ്വരൂപിണ്യഃ .. 146..

നിത്യാസദനസ്യോപരി നിർമലമണിനിവഹവിരചിതേ ധിഷ്ണ്യേ .

കുശലം ഷഡംഗദേവ്യഃ കലയന്ത്വസ്മാകമുത്തരലനേത്രാഃ .. 147..
സദനസ്യോപരി താസാം സർവാനന്ദമയനാമകേ ബിന്ദൗ .
പഞ്ചബ്രഹ്മാകാരാം മഞ്ചം പ്രണമാമി മണിഗണാകീർണം .. 148..

പരിതോ മണിമഞ്ചസ്യ പ്രലംബമാനാ നിയന്ത്രിതാ പാശൈഃ .

മായാമയീ യവനികാ മമ ദുരിതം ഹരതു മേചകച്ഛായാ ..

149..

മഞ്ചസ്യോപരി ലംബന്മദനീപുന്നാഗമാലികാഭരിതം .
ഹരിഗോപമയവിതാനം ഹരതാദാലസ്യമനിശമസ്മാകം .. 150..

പര്യങ്കസ്യ ഭജാമഃ പാദാൻബിംബാംബുദേന്ദുഹേമരുചഃ .

അജഹരിരുദ്രേശമയാനനലാസുരമാരുതേശകോണസ്ഥാൻ .. 151..

ഫലകം സദാശിവമയം പ്രണൗമി സിന്ദൂരരേണുകിരണാഭം .

ആരഭ്യാംഗേശീനാം സദനാത്കലിതം ച രത്നസോപാനം .. 152..

പട്ടോപധാനഗണ്ഡകചതുഷ്ടയസ്ഫുരിതപാടലാസ്തരണം .
പര്യങ്കോപരിഘടിതം പാതു ചിരം ഹംസതൂലശയനം നഃ ..

153..

തസ്യോപരി നിവസന്തം താരുണ്യശ്രീനിഷേവിതം സതതം .

ആവൃന്തപുല്ലഹല്ലകമരീചികാപുഞ്ജമഞ്ജുലച്ഛായം .. 154..

സിന്ദൂരശോണവസനം ശീതാംശുസ്തബകചുംബിതകിരീടം .
കുങ്കുമതിലകമനോഹരകുടിലാലികഹസിതകുമുദബന്ധുശിശും ..

155..

പൂർണേന്ദുബിംബവദനം ഫുല്ലസരോജാതലോചനത്രിതയം .
തരലാപാംഗതരംഗിതശഫരാങ്കനശാസ്ത്രസമ്പ്രദായാർഥം .. 156..

മണിമയകുണ്ഡലപുഷ്യന്മരീചികല്ലോലമാംസലകപോലം .
വിദ്രുമസഹോദരാധരവിസൃമരസ്മിത-കിശോരസഞ്ചാരം .. 157..

ആമോദികുസുമശേഖരമാനീലഭ്രൂലതായുഗമനോജ്ഞം .
വീടീസൗരഭംവീചീദ്വിഗുണിതവക്ത്രാരവിന്ദസൗരഭ്യം .. 158..

പാശാങ്കുശേക്ഷുചാപപ്രസവശരസ്ഫുരിതകോമലകരാബ്ജം .
കാശ്മീരപങ്കിലാംഗം കാമേശം മനസി കുർമഹേ സതതം ..

159..

തസ്യാങ്കഭുവി നിഷണ്ണാം തരുണകദംബപ്രസൂനകിരണാഭാം .

ശീതാംശുഖണ്ഡചൂഡാം സീമന്തന്യസ്തസാന്ദ്രസിന്ദൂരാം .. 160..

കുങ്കുമലലാമഭാസ്വന്നിടിലാം കുടിലതരചില്ലികായുഗലാം .
നാലീകതുല്യനയനാം നാസാഞ്ചലനടിതമൗക്തികാഭരണാം .. 161..

അങ്കുരിതമന്ദഹാസമരുണാധരകാന്തിവിജിതബിംബാഭാം .
കസ്തൂരീമകരീയുതകപോലസങ്ക്രാന്തകനകതാടങ്കാം .. 162..
കർപൂരസാന്ദ്രവീടീകബലിത വദനാരവിന്ദ കമനീയാം .
കംബുസഹോദരകണ്ഠപ്രലംബമാനാച്ഛമൗക്തികകലാപാം .. 163..

കൽഹാരദാമകോമലഭുജയുഗലസ്ഫുരിതരത്നകേയൂരാം .
കരപദ്മമൂലവിലസത് കാഞ്ചനമയകടകവലയസന്ദോഹാം ..

164..

പാണിചതുഷ്ടയ വിലസത് പാശാങ്കുശപുണ്ഡ്രചാപപുഷ്പാസ്ത്രാം

.
കൂലങ്കഷകുചശിഖരാം കുങ്കുമകർദമിതരത്നകൂർപാസാം ..

165..

അണുദായാദവലഗ്നാമംബുദശോഭാസനാഭി-രോമലതാം .
മാണിക്യഖചിതകാഞ്ചീമരീചികാക്രാന്തമാംസലനിതംബാം .. 166..

കരഭോരുകാണ്ഡയുഗലാം ജംഘാജിതകാമജൈത്രതൂണീരാം .
പ്രപദപരിഭൂതകൂർമാം പല്ലവസച്ഛായപദയുഗമനോജ്ഞാം ..

167..

കമലഭവകഞ്ജലോചനകിരീടരത്നാംശുരഞ്ജിതപദാബ്ജാം .
ഉന്മസ്തകാനുകമ്പാമുത്തരലാപാംഗപോഷിതാനംഗാം .. 168..

ആദിമരസാവലംബാമനിദം പ്രഥമോക്തിവല്ലരീകലികാം .
ആബ്രഹ്മകീടജനനീം അന്തഃ കലയാമി സുന്ദരീമനിശം .. 169..
കസ്തു ക്ഷിതൗ പടീയാന്വസ്തുസ്തോതും ശിവാങ്കവാസ്തവ്യം .
അസ്തു ചിരന്തനസുകൃതൈഃ പ്രസ്തുതകാമ്യായ തന്മമ
പുരസ്താത് .. 170..

പ്രഭുസമ്മിതോക്തിഗമ്യേ പരമശിവോത്സംഗതുംഗപര്യങ്കം .
തേജഃ കിഞ്ചന ദിവ്യം പുരതോ മേ ഭവതു പുണ്ഡ്രകോദണ്ഡം ..

171..

മധുരിമഭരിതശരാസം മകരന്ദസ്പന്ദിമാർഗണോദാരം .
കൈരവിണീവിടചൂഡം കൈവല്യായാസ്തു കിഞ്ചന മഹോ നഃ

.. 172..

അക്ഷുദ്രമിക്ഷുചാപം പരോക്ഷമവലഗ്നസീമ്നി ത്ര്യക്ഷം .

ക്ഷപയതു മേ ക്ഷേമേതരമുക്ഷരഥപ്രേമപക്ഷ്മലം തേജഃ .. 173..

ഭൃംഗരുചിസംഗരകരാപാംഗം ശൃംഗാരതുംഗമരുണാംഗം .
മംഗലമഭംഗുരം മേ ഘടയതു ഗംഗാധരാംഗസംഗി മഹഃ .. 174..

പ്രപദജിതകൂർമമൂർമിലകരുണം ഭർമരുചിനിർമഥനദേഹം .
ശ്രിതവർമ മർമ ശംഭോഃ കിഞ്ചന നർമ മമ ശർമനിർമാതു ..

175..

കാലകുരലാലികാലിമകന്ദലവിജിതാലിവി ധൃതമണിവാലി .
മിലതു ഹൃദി പുലിനജലഘനം ബഹുലിത ഗലഗരലകേലി
കിമപി മഹഃ .. 176..
കുങ്കുമതിലകിതഫാലാ കുരുവിന്ദച്ഛായപാടലദുകൂലാ .
കരുണാപയോധിവേലാ കാചന ചിത്തേ ചകാസ്തു മേ ലീലാ ..

177..

പുഷ്പന്ധയരുചിവേണ്യഃ പുലിനാഭോഗത്രപാകരശ്രേണ്യഃ .
ജീയാസുരിക്ഷുപാണ്യഃ കാശ്ചന കാമാരികേലിസാക്ഷിണ്യഃ ..

178..

തപനീയാംശുകഭാംസി ദ്രാക്ഷാമാധുര്യനാസ്തികവചാംസി .
കതിചന ശുചം മഹാംസി ക്ഷപയതു കപാലിതോഷിതമനാംസി

.. 179..

അസിതകചമായതാക്ഷം കുസുമശരം കുലമുദ്വഹകൃപാർദ്രം .

ആദിമരസാധിദൈവതമന്തഃ കലയേ ഹരാങ്കവാസി മഹഃ .. 180..

കർണോപാന്തതരംഗിതകടാക്ഷനിസ്പന്ദി കണ്ഠദഘ്നകൃപാം .
കാമേശ്വരാങ്കനിലയാം കാമപി വിദ്യാം പുരാതനീം കലയേ ..

181..

അരവിന്ദകാന്ത്യരുന്തുദവിലോചനദ്വന്ദ്വസുന്ദരമുഖേന്ദുഃ .
ഛന്ദഃ കന്ദലമന്ദിരമന്തഃ പുരമൈന്ദുശേഖരം വന്ദേ .. 182..

ബിംബനികുരുംബഡംബരവിഡംബകച്ഛായമംബരവലഗ്നം .
കംബുഗലമംബുദകുചം ബിംബോകം കമപി ചുംബതു മനോ മേ

.. 183..

കമപി കമനീയരൂപം കലയാമ്യന്തഃ കദംബകുസുമാഢ്യം .

ചമ്പകരുചിരസുവേഷൈഃ സമ്പാദിതകാന്ത്യലങ്കൃതദിഗന്തം .. 184..

ശമ്പാരുചിഭരഗർഹാ സമ്പാദക ക്രാന്തി കവചിത ദിഗന്തം .

സിദ്ധാന്തം നിഗമാനാം ശുദ്ധാന്തം കിമപി ശൂലിനഃ കലയേ ..

185..

ഉദ്യദ്ദിനകരശോണാനുത്പലബന്ധുസ്തനന്ധയാപീഡാൻ .
കരകലിതപുണ്ഡ്രചാപാൻ കലയേ കാനപി കപർദിനഃ പ്രാണാൻ

.. 186..

രശനാലസജ്ജഘനയാ രസനാജീവാതു-ചാപഭാസുരയാ .
ഘ്രാണായുഷ്കരശരയാ ഘ്രാതം ചിത്തം കയാപി വാസനയ ..

187..

സരസിജസഹയുധ്വദൃശാ ശമ്പാലതികാസനാഭിവിഗ്രഹയാ .
ഭാസാ കയാപി ചേതോ നാസാമണി ശോഭിവദനയാ ഭരിതം ..

188..

നവയാവകാഭസിചയാന്വിതയാ ഗജയാനയാ ദയാപരയാ .

ധൃതയാമിനീശകലയാ ധിയാ കയാപി ക്ഷതാമയാ ഹി വയം ..

189..
അലമലമകുസുമബാണൈഃ ബിംബശോണൈഃ പുണ്ഡ്രകോദണ്ഡൈഃ

.
അകുമുദബാന്ധവചൂഡൈരന്യൈരിഹ ജഗതി ദൈവതം മന്യൈഃ

.. 190..

കുവലയസദൃക്ഷനയനൈഃ കുലഗിരികൂടസ്ഥബന്ധുകുചഭാരൈഃ .
കരുണാസ്പന്ദികടാക്ഷൈഃ കവചിതചിത്തോഽസ്മി കതിപയൈഃ
കുതുകൈഃ .. 191..

നതജനസുലഭായ നമോ നാലീകസനാഭിലോചനായ നമഃ .

നന്ദിത ഗിരിശായ നമോ മഹസേ നവനീപപാടലായ നമഃ ..

192..

കാദംബകുസുമധാമ്നേ കായച്ഛായാകണായിതാര്യമ്ണേ .
സീമ്നേ ചിരന്തനഗിരാം ഭൂമ്നേ കസ്മൈചിദാദധേ പ്രണതിം ..

193..

കുടിലകബരീഭരേഭ്യഃ കുങ്കുമസബ്രഹ്മചാരികിരണേഭ്യഃ .
കൂലങ്കഷസ്തനേഭ്യഃ കുർമഃ പ്രണതിം കുലാദ്രികുതുകേഭ്യഃ ..

194..

കോകണദശോണ ചരണാത് കോമല കുരലാലി

വിജിതശൈവാലാത് .
ഉത്പലസുഗന്ധി നയനാദുരരീകുർമോ ന ദേവതമാന്യാം .. 195..
ആപാടലാധരാണാമാനീലസ്നിഗ്ധബർബരകചാനാം .
ആമ്നായ ജീവനാനാമാകൂതാനാം ഹരസ്യ ദാസോഽസ്മി ..

196..

പുംഖിതവിലാസഹാസസ്ഫുരിതാസു പുരാഹിതാങ്കനിലയാസു .
മഗ്നം മനോമദീയം കാസ്വപി കാമാരി ജീവനാഡീഷു .. 197..

ലലിതാ പാതു ശിരോ മേ ലലാടാംബാ ച മധുമതീരൂപാ .

ഭ്രൂയുഗ്മം ച ഭവാനീ പുഷ്പശരാ പാതു ലോചനദ്വന്ദ്വം ..

198..

പായാന്നാസാം ബാലാ സുഭഗാ ദന്താംശ്ച സുന്ദരീ ജിഹ്വാം .

അധരോഷ്ടമാദിശക്തിശ്ചക്രേശീ പാതു മേ ചിരം ചിബുകം ..

199..

കാമേശ്വരീ ച കർണൗ കാമാക്ഷീ പാതു ഗണ്ഡയോര്യുഗലം .

ശൃംഗാരനായികാവ്യാദ്വദനം സിംഹാസനേശ്വരീ ച ഗലം ..

200..

സ്കന്ദപ്രസൂശ്ച പാതു സ്കന്ധൗ ബാഹൂ ച പാടലാംഗീ മേ .

പാണീ ച പദ്മനിലയാ പായാദനിശം നഖാവലീർവിജയാ ..

201..

കോദണ്ഡിനീ ച വക്ഷഃ കുക്ഷിം ചാവ്യാത് കുലാചലതനൂജാ .

കല്യാണീ ച വലഗ്നം കടിം ച പായാത്കലാധരശിഖണ്ഡാ ..

202..

ഊരുദ്വയം ച പായാദുമാ മൃഡാനീ ച ജാനുനീ രക്ഷേത് .

ജംഘേ ച ഷോഡശീ മേ പായാത് പാദൗ ച പാശസൃണി
ഹസ്താ .. 203..

പ്രാതഃ പാതു പരാ മാം മധ്യാഹ്നേ പാതു മണിഗൃഹാധീശാ .

ശർവാണ്യവതു ച സായം പായാദ്രാത്രൗ ച ഭൈരവീ സാക്ഷാത്

.. 204..

ഭാര്യാ രക്ഷതു ഗൗരീ പായാത് പുത്രാംശ്ച ബിന്ദുഗൃഹപീഠാ .

ശ്രീവിദ്യാ ച യശോ മേ ശീലം ചാവ്യാശ്ചിരം മഹാരാജ്ഞീ ..

205..

പവനമയി പാവകമയി ക്ഷോണീമയി ഗഗനമയി കൃപീടമയി .

രവിമയി ശശിമയി ദിങ്മയി സമയമയി പ്രാണമയി ശിവേ
പാഹി .. 206..

കാലി കപാലിനി ശൂലിനി ഭൈരവി മാതംഗി പഞ്ചമി ത്രിപുരേ

.
വാഗ്ദേവി വിന്ധ്യവാസിനി ബാലേ ഭുവനേശി പാലയ ചിരം
മാം .. 207..

അഭിനവസിന്ദൂരാഭാമംബ ത്വാം ചിന്തയന്തി യേ ഹൃദയേ .

ഉപരി നിപതന്തി തേഷാമുത്പലനയനാകടാക്ഷകല്ലോലാഃ .. 208..

വർഗാഷ്ടകമിലിതാഭിർവശിനീമുഖ്യാഭിരാവൃതാം ഭവതീം .
ചിന്തയതാം സിതവർണാം വാചോ നിര്യാന്ത്യയത്നതോ വദനാത്

.. 209..

കനകശലാകാഗൗരീം കർണവ്യാലോലകുണ്ഡലദ്വിതയാം .
പ്രഹസിതമുഖീം ച ഭവതീം ധ്യായന്തോ യേ ത ഏവ ഭൂധനദാഃ

.. 210..

ശീർഷാംഭോരുഹമധ്യേ ശീതലപീയൂഷവർഷിണീം ഭവതീം .

അനുദിനമനുചിന്തയതാമായുഷ്യം ഭവതി പുഷ്കലമവന്യാം ..

211..

മധുരസ്മിതാം മദാരുണനയനാം മാതംഗകുംഭവക്ഷോജാം .

ചന്ദ്രവതംസിനീം ത്വാം സവിധേ പശ്യന്തി സുകൃതിനഃ കേചിത്

.. 212..

ലലിതായാഃ സ്തവരത്നം ലലിതപദാഭിഃ പ്രണീതമാര്യാഭിഃ .

പ്രതിദിനമവനൗ പഠതാം ഫലാനി വക്തും പ്രഗൽഭതേ സൈവ ..

213..

സദസദനുഗ്രഹനിഗ്രഹഗൃഹീതമുനിവിഗ്രഹോ ഭഗവാൻ .
സർവാസാമുപനിഷദാം ദുർവാസാ ജയതി ദേശികഃ പ്രഥമഃ ..

214..
.. ഇതി മഹർഷിദുർവാസഃ പ്രണീതം ലലിതാസ്തവരത്നം
സമ്പൂർണം ..

ലലിതാ സ്തവരാജഃ ബ്രഹ്മാണ്ഡമഹാപുരാണേ

ദേവാ ഊചുഃ
ജയ ദേവി ജഗന്മാതർജയ ദേവി പരാത്പരേ .
ജയ കല്യാണനിലയേ ജയ കാമകലാത്മികേ .. 3.13.1..

ജയകാരി ച വാമാക്ഷി ജയ കാമാക്ഷി സുന്ദരി .

ജയാഖിലസുരാരാധ്യേ ജയ കാമേശി മാനദേ .. 3.13.2..
ജയ ബ്രഹ്മമയേ ദേവി ബ്രഹ്മാത്മകരസാത്മികേ .
ജയ നാരായണി പരേ നന്ദിതാശേഷവിഷ്ടപേ .. 3.13.3..

ജയ ശ്രീകണ്ഠദയിതേ ജയ ശ്രീലലിതേഽംബികേ .
ജയ ശ്രീവിജയേ ദേവി വിജയശ്രീസമൃദ്ധിദേ .. 3.13.4..

ജാതസ്യ ജായമാനസ്യ ഇഷ്ടാപൂർതസ്യ ഹേതവേ .

നമസ്തസ്യൈ ത്രിജഗതാം പാലയിത്ര്യൈ പരാത്പരേ .. 3.13.5..

കലാമുഹൂർതകാഷ്ഠാഹർമാസർതുശരദാത്മനേ .
നമഃ സഹസ്രശീർഷായൈ സഹസ്രമുഖലോചനേ .. 3.13.6..

നമഃ സഹസ്രഹസ്താബ്ജപാദപങ്കജശോഭിതേ .
അണോരണുതരേ ദേവി മഹതോഽപി മഹീയസി .. 3.13.7..

പരാത്പരതരേ മാതസ്തേജസ്തേജീയസാമപി .
അതലം തു ഭവേത്പാദൗ വിതലം ജാനുനീ തവ .. 3.13.8..

രസാതലം കടീദേശഃ കുക്ഷിസ്തേ ധരണീ ഭവേത് .

ഹൃദയം തു ഭുവർലോകഃ സ്വസ്തേ മുഖമുദാഹൃതം ..

3.13.9..

ദൃശശ്ചന്ദ്രാർകദഹനാ ദിശസ്തേ ബാഹവോഽംബികേ .

മരുതസ്തു തവോച്ഛ്വാസാ വാചസ്തേ ശ്രുതയോഽഖിലാഃ ..

3.13.10..

ക്രീഡാ തേ ലോകരചനാ സഖാ തേ ചിന്മയഃ ശിവഃ .

ആഹാരസ്തേ സദാനന്ദോ വാസസ്തേ ഹൃദയേ സതാം ..

3.13.11..

ദൃശ്യാദൃശ്യസ്വരൂപാണി രൂപാണി ഭുവനാനി തേ .

ശിരോരുഹാ ഘനാസ്തേ തു താരകാഃ കുസുമാനി തേ ..

3.13.12..

ധർമാദ്യാ ബാഹവസ്തേ സ്യുരധർമാദ്യായുധാനി തേ .

യമാശ്ച നിയമാശ്ചൈവ കരപാദരുഹാസ്തഥാ .. 3.13.13..

സ്തനൗ സ്വാഹാസ്വധാഽഽകരൗ ലോകോജ്ജീവനകാരകൗ .

പ്രാണായാമസ്തു തേ നാസാ രസനാ തേ സരസ്വതീ .. 3.13.14..

പ്രത്യാഹാരസ്ത്വിന്ദ്രിയാണി ധ്യാനം തേ ധീസ്തു സത്തമാ .

മനസ്തേ ധാരണാശക്തിർഹൃദയം തേ സമാധികഃ .. 3.13.15..

മഹീരുഹാസ്തേഽംഗരുഹാഃ പ്രഭാതം വസനം തവ .

ഭൂതം ഭവ്യം ഭവിഷ്യച്ച നിത്യം ച തവ വിഗ്രഹഃ .. 3.13.16..

യജ്ഞരൂപാ ജഗദ്ധാത്രീ വിശ്വരൂപാ ച പാവനീ .

ആദൗ യാ തു ദയാഭൂതാ സസർജ നിഖിലാഃ പ്രജാഃ ..

3.13.17..

ഹൃദയസ്ഥാപി ലോകാനാമദൃശ്യാ മോഹനാത്മികാ .. 3.13.18..

നാമരൂപവിഭാഗം ച യാ കരോതി സ്വലീലയാ .

താന്യധിഷ്ഠായ തിഷ്ഠന്തീ തേഷ്വസക്താർഥകാമദാ .
നമസ്തസ്യൈ മഹാദേവ്യൈ സർവശക്ത്യൈ നമോനമഃ ..

3.13.19..

(യാ ദേവീ പരമാശക്തിഃ പരബ്രഹ്മാഭിധായിനീ .

ബ്രഹ്മാനന്ദാഭിദായിന്യൈ തസ്യൈ ദേവ്യൈ നമോ നമഃ ..)
യദാജ്ഞയാ പ്രവർതന്തേ വഹ്നിസൂര്യേന്ദുമാരുതാഃ .
പൃഥിവ്യാദീനി ഭൂതാനി തസ്യൈ ദേവ്യൈ നമോനമഃ ..

3.13.20..

യാ സസർജാദിധാതാരം സർഗാദാവാദിഭൂരിദം .
ദധാര സ്വയമേവൈകാ തസ്യൈ ദേവ്യൈ നമോനമഃ .. 3.13.21..

യഥാ ധൃതാ തു ധരണീ യയാഽഽകാശമമേയയാ . യയാ ധൃതാ

യസ്യാമുദേതി സവിതാ തസ്യൈ ദേവ്യൈ നമോനമഃ ..

3.13.22..

(യദന്തരസ്ഥം ത്രിദിവം യദാധാരോഽന്തരിക്ഷകഃ .

യന്മയശ്ചാഖിലോ ലോകഃ തസ്യ ദേവൈ നമോ നമഃ ..)
യത്രോദേതി ജഗത്കൃത്സ്നം യത്ര തിഷ്ഠതി നിർഭരം .
യത്രാന്തമേതി കാലേ തു തസ്യൈ ദേവ്യൈ നമോനമഃ ..

3.13.23..

നമോനമസ്തേ രജസേ ഭവായൈ നമോനമഃ

സാത്ത്വികസംസ്ഥിതായൈ .
നമോനമസ്തേ തമസേ ഹരായൈ നമോനമോ നിർഗുണതഃ
ശിവായൈ .. 3.13.24..

നമോനമസ്തേ ജഗദേകമാത്രേ നമോനമസ്തേ ജഗദേകപിത്രേ .

നമോനമസ്തേഽഖിലരൂപതന്ത്രേ നമോനമസ്തേഽഖിലയന്ത്രരൂപേ ..

3.13.25..

നമോനമോ ലോകഗുരുപ്രധാനേ
നമോനമസ്തേഽഖിലവാഗ്വിഭൂത്യൈ .
നമോഽസ്തു ലക്ഷ്മ്യൈ ജഗദേകതുഷ്ട്യൈ നമോനമഃ ശാംഭവി
സർവശക്ത്യൈ .. 3.13.26..

അനാദിമധ്യാന്തമപാഞ്ചഭൗതികം
ഹ്യവാങ്മനോഗമ്യമതർക്യവൈഭവം .
അരൂപമദ്വന്ദ്വമദൃഷ്ടഗോചരം പ്രഭാവമഗ്ര്യം കഥമംബ വർണയേ

.. 3.13.27..

പ്രസീദ വിശ്വേശ്വരി വിശ്വവന്ദിതേ പ്രസീദ വിദ്യേശ്വരി

വേദരൂപിണി .
പ്രസീദ മായാമയി മന്ത്രാവിഗ്രഹേ പ്രസീദ സർവേശ്വരി
സർവരൂപിണി .. 3.13.28..

ഇതി സ്തുത്വാ മഹാദേവീം ദേവാഃ സർവേ സവാസവാഃ .

ഭൂയോ ഭൂയോ നമസ്കൃത്യ ശരണം ജഗ്മുരഞ്ജസാ .. 3.13.29..

തതഃ പ്രസന്നാ സാ ദേവീ പ്രണതം വീക്ഷ്യ വാസവം .

വരേണ ച്ഛന്ദയാമാസ വരദാഖിലദേഹിനാം .. 3.13.30..

ഇന്ദ്ര ഉവാച
യദി തുഷ്ടാസി കല്യാണി വരം ദൈത്യേന്ദ്രപീഡിതാഃ .
ദുർധരം ജീവിതം ദേഹി ത്വാം ഗതാഃ ശരണാർഥിനഃ ..

3.13.31..

ശ്രീദേവ്യുവാച
അഹമേവ വിനിർജിത്യ ഭണ്ഡം ദൈത്യകുലോദ്ഭവം .
അചിരാത്തവ ദാസ്യാമി ത്രൈലോക്യം സചരാചരം .. 3.13.32..

നിർഭയാ മുദിതാഃ സന്തു സർവേ ദേവഗണാസ്തഥാ .

യേ സ്തോഷ്യന്തി ച മാം ഭക്ത്യാ സ്തവേനാനേന മാനവാഃ ..

3.13.33..

ഭാജനം തേ ഭവിഷ്യന്തി ധർമശ്രീയശസാം സദാ .

വിദ്യാവിനയസമ്പന്നാ നീരോഗാ ദീർഘജീവിനഃ .. 3.13.34..
പുത്രമിത്രകലത്രാഢ്യാ ഭവന്തു മദനുഗ്രഹാത് .
ഇതി ലബ്ധവരാ ദേവാ ദേവേന്ദ്രോഽപി മഹാബലഃ .. 3.13.35..

ആമോദം പരമം ജഗ്മുസ്താം വിലോക്യ മുഹുർമുഹുഃ ..

3.13.36..

ഇതി ശ്രീബ്രഹ്മാണ്ഡമഹാപുരാണേ ഉത്തരഭാഗേ

ഹയഗ്രീവാഗസ്ത്യസംവാദേ ലലിതോപാഖ്യാനേ
ലലിതാസ്തവരാജോ നാമ ത്രയോദശോഽധ്യായഃ ..
 ശ്രീലലിതാസ്തോത്രം

കഥനീയം കിം വാഞ്ഛിതമംബ പുരസ്തേ ന സർവജ്ഞാ .

കിം ത്വം ശൈലേശസുതേ പൂരയ വാഞ്ഛാം മമാശു
കരുണാബ്ധേ .. 1..

ഏതാവതാ തവ സ്യാത്കാ ഹാനിഃ കാമവൈരിപുണ്യതതേ .

പശ്യ ദൃഗഗ്രേണ ജനം ക്ലിഷ്ടമിമം ബഹുവിധൈർദുഃഖൈഃ .. 2..

ഈഡിതപദേ സുരാഗ്ര്യൈരീശാനപ്രഭൃതിഭിർനിജേഷ്ടാപ്ത്യൈ .
ഈപ്സിതവിതരണനിർജിതകല്പതരോ രോഹിണീശശിശുചൂഡേ

.. 3..

ലക്ഷ്യം ഭൂയാദക്ഷ്ണോർലലനാരത്നം ലലാടനയനസ്യ .

ക്വ നു മമ ഹേതുവിഹീനാപാരകൃപാജന്മഗേഹമഗജന്മ .. 4..

ഹ്രീമാൻകോ വാ ന ഭവതി ഗിരിജേ ത്വത്പാദപങ്കജം സ്തോതും

.
പദ്മജഷണ്മുഖഫണിരാണ്മുഖ്യാ അപി യത്ര മൂകതാം യാന്തി ..

5..
ഇതി ശൃംഗേരി ശ്രീജഗദ്ഗുരു
ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ശ്രീലലിതാസ്തോത്രം സമ്പൂർണം .

ശ്രീലലിതാഹൃദയസ്തോത്രം 2

.. പൂർവ-പീഠികാ ..

അഗസ്ത്യ ഉവാച -
ഹയഗ്രീവ ! ദയാ-സിന്ധോ ! ലലിതായാഃ ശുഭം മമ .
ഹൃദയം ച മഹോത്കൃഷ്ടം കഥയസ്വ മഹാ-മുനേ .. 1..

ഹയഗ്രീവ ഉവാച-
ശൃണു ത്വം ശിഷ്യ ! വാക്യം മേ ഹൃദയം കഥയാമി തേ .
മഹാ-ദേവ്യാസ്തഥാ ശക്തേഃ പ്രീതി-സമ്പാദ-കാരകം .. 2..

ബീജാത്മകം മഹാ-മന്ത്ര-രൂപകം പരമം നിജം .

കാമേശ്വര്യാഃ സ്വാംഗ-ഭൂതം ഡാമര്യാദിഭിരാവൃതം .. 3..

കാമാകർഷ്യാദി-സംയുക്തം പഞ്ച-കാമ-ദുഘാന്വിതം ..

നവ-വല്ലി-സമായുക്തം കാദി-ഹാദി-മതാന്വിതം .. 4..

ത്രികൂട-ദർശിതം ഗുപ്തം ഹൃദയോത്തമമേവ ച .

മൂല-പ്രകൃതി-വ്യക്താദി-കലാ-ശോധന-കാരകം .. 5..

വിമർശ-രൂപകം ചൈവ വിദ്യാ-ശക്തി-ഷഡംഗകം .

ഷഡധ്വ-മാർഗ-പീഠസ്ഥം സൗര-ശാക്താദി-സഞ്ജ്ഞകം .. 6..

അഭേദ-ഭേദ-നാശം ച സർവ-വാഗ്-വൃത്തി-ദായകം .
തത്ത്വ-ചക്ര-മയം തത്ത്വ-ബിന്ദു-നാദ-കലാന്വിതം .. 7..

പ്രഭാ-യന്ത്ര-സമായുക്തം മൂല-ചക്ര-മയാന്വിതം .
കണ്ഠ-ശക്തി-മയോപേതം ഭ്രാമരീ-ശക്തി-രൂപകം .. 8..

വിനിയോഗഃ -
ഓം അസ്യ ശ്രീലലിതാ-ഹൃദയ-സ്തോത്ര-മാലാ-മന്ത്രസ്യ
ശ്രീആനന്ദ-ഭൈരവ
ഋഷിഃ . അമൃത-വിരാട് ഛന്ദഃ . ശ്രീലലിതാ-വാഗ്ദേവതാ-
പ്രസാദ-സിദ്ധയേ
ജപേ വിനിയോഗായ നമഃ ..

ഋഷ്യാദി-ന്യാസം കൃത്വാ കര-സമ്പുടേ കൂട-ത്രയം ദ്വിരാവൃത്യ

ഷഡംഗ-ദ്വയം കുര്യാത് ..

ധ്യാനം -
ദ്രാം ദ്രീം ക്ലീം ബീജ-രൂപേ, ഹസിത-കഹ-കഹേ, ബ്രഹ്മ-
ദേഹാന്തരംഗേ !
ബ്ലൂം സഃ ക്രോം വർണ-മാലേ, സുര-ഗണ-നമിതേ, തത്ത്വ-രൂപേ
! ഹസഖഫ്രേം .
ഹ്സാം ഹ്സീം ഹ്സൗം ബീജ-രൂപേ, പരമ-സുഖ-കരേ, വീര-
മാതഃ ! സ്വയംഭൂഃ .
ഐം സഹഖഫ്രേം ബീജ-തത്ത്വേ, കലിത-കുല-കലേ ! തേ നമഃ
ശുദ്ധ-വീരേ .. 1..

ഇതി ധ്യാത്വാ, മനസാ പഞ്ചധോപചര്യ, നവ-മുദ്രാഃ പ്രദര്യ,

മൂലം ത്രി-വാരം ജപ്ത്വാ, യോനിമുദ്രയാ പ്രണമേത് ..

അഥ ഹൃദയ-സ്തോത്രം .

ഹൃദയാംബുജ-മധ്യസ്ഥാ ബ്രഹ്മാത്മൈക്യ-പ്രദായിനീ .
ത്രിപുരാംബാ ത്രികോണസ്ഥാ പാതു മേ ഹൃദയം സദാ .. 1..

അവർണ-മാലികാ ശക്തിർവർണമാലാ-സ്വരൂപിണീ .
നിത്യാഽനിത്യാ തത്ത്വഗാ സാ നിരാകാര-മയാന്വിതാ .. 2..

ശബ്ദ-ബ്രഹ്മ-മയീ ശബ്ദ-ബോധാകാര-സ്വരൂപിണീ .
സാംവിദീ വാദി-സംസേവ്യാ സർവ-ശ്രുതിഭിരീഡിതാ .. 3..

മഹാ-വാക്യോപദേശാനീ സ്വര-നാഡീ-ഗുണാന്വിതാ .
ഹ്രീങ്കാര-ചക്ര-മധ്യസ്ഥാ ഹ്രീമുദ്യാന-വിഹാരിണീ .. 4..

ഹ്രീം മോക്ഷ-കാരിണീ ഹ്രീം ഹ്രീം, മഹാ-ഹ്രീങ്കാര-ധാരിണീ .

കാല-കണ്ഠീ മഹാ-ദേവീ കുരു-കുല്ലാ കുലേശ്വരീ .. 5..

ഐം ഐം പ്രകാശ-രൂപേണ, ഐം ബീജാന്തര-വാസിനീ .
ഈശസ്ഥാ ഈദൃശീ ചേശീ ഈം ഈം വീജ-കരീ തഥാ .. 6..
ലക്ഷ്മീ-നാരായണാന്തഃസ്ഥാ ലക്ഷ്യാലക്ഷ്യ-കരീ തഥാ .
ശിവസ്ഥാ ഹേതി-വർണസ്ഥാ സ-ശക്തേർവർണ-രൂപിണീ .. 7..

കമലസ്ഥാ കലാ-മാലാ ഹ്രാം ഹ്രീം ഹ്രീം ഹ്രീം മുഖീ തഥാ .

ലാവണ്യ-സുന്ദരീ പാതു ലക്ഷ്യ-കോണാഗ്രമന്വിതാ .. 8..

ലാം ലാം ലീം ലീം സുരൈഃ സ്തുത്യാ സാം സീം സൂം സൈം
സുരാർചിതാ .
കാം കീം കൂം കാകിനീ സേവ്യാ ലാം ലീം ലൂം കാകിനീ-
സ്തുതാ .. 6..

ബിന്ദു-ചക്രേശ്വരീ പാതു ദ്വിതീയാ-വർണ-ദേവതാ .

വസു-കോണേശ്വരീ ദേവീ ദ്വി-ദശാരേശ്വരീ ച മാം .. 10..

മന്വസ്ത്ര-ചക്ര-മധ്യസ്ഥാ നാഗ-പത്രേശ്വരീ സദാ .

ഷോഡശാരേശ്വരീ നിത്യാ മണ്ഡല-ത്രയ-ദേവതാ .. 11..

ഭൂപുര-ത്രയ-മധ്യസ്ഥാ ദ്വാദശ-ഗ്രന്ഥി-ഭേദിനീ .
ഹംസീ ഹസീ സു-ബീജസ്ഥാ ഹരിദ്രാദിഭിരർചിതാ .. 12..

അനന്ത-കോടി-ജന്മസ്ഥാ ജന്മാജന്മത്വ-വർജിതാ .
അമൃതാംഭോധി-മധ്യസ്ഥാ അമൃതേശാദി-സേവിതാ .. 13..

മൃതാമൃത-കരീ മൂല-വിരാട്-ശക്തിഃ പരാത്മികാ .

ആത്മനം പാതു മേ നിത്യം തഥാ സർവാംഗമേവ ച .. 14..

അഷ്ട-ദിക്ഷു കരാലീ സാ ഊർധ്വാധഃ-പ്രാന്തകേ തഥാ .

ഗുരു-ശക്തി-മഹാ-വിദ്യാ ഗുരു-മണ്ഡല-ഗാമിനീ .. 15..

സർവ-ചക്രേശ്വരീ സർവ-ബ്രഹ്മാദിഭിഃ സു-വന്ദിതാ .

സത്ത്വ-ശക്തിഃ രജഃ-ശക്തിസ്തമഃ-ശക്തിഃ പരാത്മികാ .. 16..

പ്രപഞ്ചേശീ സു-കാലസ്ഥാ മഹാ-വേദാന്ത-ഗർഭിതാ .

കൂടസ്ഥാ കൂട-മധ്യസ്ഥാ കൂടാകൂട-വിവർജിതാ .. 17..

യോഗാംഗീ യോഗ-മധ്യസ്ഥാ അഷ്ട-യോഗ-പ്രദായിനീ .

നവ-ശക്തിഃ കൃതീ മാതാ അഷ്ട-സിദ്ധി-സ്വരൂപിണീ .. 18..

നവ-വീരാവലീ രമ്യാ മുക്തി-കന്യാ മുകുന്ദഗാ .

ഉപദേശ-കരീ വിദ്യാ മഹാ-മുഖ്യ-വിരാജിതാ .. 16..

മുഖ്യാഽമുഖ്യാ മഹാ-മുഖ്യാ മൂല-ബീജ-പ്രവർതികാ .

ദിക്-പാലകാഃ സദാ പാന്തു ശ്രീചക്രാധി-ദേവതാഃ .. 20..

ദിഗ്-യോഗിന്യഷ്ടകം പാതു തഥാ ഭൈരവ ചാഷ്ടകം .

ഷഡംഗ-ദേവതാഃ പാന്തു നിത്യാ-ഷോഡശികാസ്തഥാ .. 21..

നാഥ-ശക്തിഃ സദാ പാതു ത്രികോണാന്തര-ദീപികാ .

ത്രി-സാരാ ത്രയ-കർമാണി നാശിനീ ത്രയം ദർശതി .. 22..
ത്രി-കാലാ ശോഷണീ ശോഷ-കാരിണീ ശോഷണേശ്വരീ .
ഭുക്തി-മുക്തി-പ്രദാ ബാലാ ഭുവനാംബാ ബഗലേശ്വരീ .. 23..
var ബുധേശ്വരീ
അതൃപ്തിസ്തൃപ്തി-സന്തുഷ്ടാ തൃപ്താ തൃപ്ത-കരീ സദാ .
ആമ്നായ-ശക്തയഃ പാന്തു ആദി-ശേഷ-സു-തല്പിനീ .. 24..

രാജ്യത്വം ദേഹി മേ നിത്യം ആദി-ശംഭു-സ്വരൂപിണീ .

സർവ-രോഗ-ഹരാ സർവ-കൈവല്യ-പദ-ദായിനീ .. 25..

ഫല-ശ്രുതിഃ -
ഇദം തു ഹൃദയം ദിവ്യം ലലിതാ-പ്രീതി-ദായകം .
അനേന ച സമം നാസ്തി സ്തോത്രം പ്രഖ്യാത-വൈഭവം ..

26..

ശക്തി-രൂപം ശക്തി-ഗുപ്തം പ്രകടാംഗേ പ്രഭും ശുഭം .

മൂല-വിദ്യാത്മകം മൂല-ബ്രഹ്മ-സംഭവ-കാരണം .. 27..

നാദാദി-ശക്തി-സംയുക്തമഭൂതമദ്ഭുതം മഹത് .
രോഗഹം പാപഹം വിഘ്ന-നാശനം വിഘ്ന-ഹാരിണം .. 28..

ചിരായുഷ്യ-പ്രദം സർവ-മൃത്യു-ദാരിദ്രയ-നാശനം .
ക്രോധഹം മുക്തിദം മുക്തി-ദായകം പരം മേ സുഖം .. 26..

രുദ്രദം മൃഡപം വിഷ്ണും ദണ്ഡകം ബ്രഹ്മ-രൂപകം .

വിചിത്രം ച സുചിത്രം ച സുന്ദരം ച സു-ഗോചരം .. 30..

നാഭക്തായ ന ദുഷ്ടായ നാവിശ്വസ്തായ ദേശികഃ .

ന ദാപയേത് പരം വിദ്യാ-ഹൃദയം മന്ത്ര-ഗർഭിതം .. 31..

സ്തോത്രാണാമുത്തമം സ്തോത്രം മന്ത്രാണാമുത്തമം മനും .

ബീജാനാമുത്തമം ബീജം ശാക്താനാമുത്തമം ശിവം .. 32..

പഠേദ് ഭക്ത്യാ ത്രി-കാലേഷു അർധ-രാത്രേ തഥൈവ ച .

വാക്-സിദ്ധി-ദായകം നിത്യം പര-വിദ്യാ-വിമോഹകം .. 33..

സ്വ-വിദ്യാ-സ്ഥാപകം ചാന്യദ് യന്ത്ര-തന്ത്രാദി-ഭേദനം .

കൃത്തികാ-നക്ഷത്ര-കൂർമാഖ്യേ ചക്രേ സ്ഥിത്വാ ജപേന്മനും ..

34..

ഇതി ശ്രീമഹത്തര-യോനി-വിദ്യായാ മഹാ-തന്ത്രേ ശ്രീലലിതാ-

ഹൃദയം സമ്പൂർണം ..
 ശ്രീലലിതാഹൃദയസ്തോത്രം

അഥശ്രീലലിതാഹൃദയസ്തോത്രം ..

ശ്രീലലിതാംബികായൈ നമഃ .
ദേവ്യുവാച .
ദേവദേവ മഹാദേവ സച്ചിദാനന്ദവിഗ്രഹാ .
സുന്ദര്യാഹൃദയം സ്തോത്രം പരം കൗതൂഹലം വിഭോ .. 1..

ഈശ്വരൗവാച .

സാധു സാധുത്വയാ പ്രാജ്ഞേ ലോകാനുഗ്രഹകാരകം .

രഹസ്യമപിവക്ഷ്യാമി സാവധാനമനാഃശൃണു .. 2..

ശ്രീവിദ്യാം ജഗതാം ധാത്രീം സർഗ്ഗസ്ഥിതിലയേശ്വരീം .

നമാമിലലിതാം നിത്യാം ഭക്താനാമിഷ്ടദായിനീം .. 3..

ബിന്ദുത്രികോണസമ്യുക്തം വസുകോണസമന്വിതം .
ദശകോണദ്വയോപേതം ചതുർദ്ദശ സമന്വിതം .. 4..
ദലാഷ്ടകേസരോപേതം ദലഷോഡശകാന്വിതം .
വൃത്തത്രയയാന്വിതംഭൂമിസദനത്രയഭൂഷിതം .. 5..

നമാമി ലലിതാചക്രം ഭക്താനാമിഷ്ടദായകം .

അമൃതാംഭോനിധിന്തത്ര രത്നദ്വീപം നമാമ്യഹം .. 6..

നാനാവൃക്ഷമഹോദ്യാനം വന്ദേഹം കല്പവാടികാം .

സന്താനവാടികാംവന്ദേ ഹരിചന്ദനവാടികാം .. 7..

മന്ദാരവാടികാം പാരിജാതവാടീം മുദാ ഭജേ .

നമാമിതവ ദേവേശി കദംബവനവാടികാം .. 8..

പുഷ്യരാഗമഹാരത്നപ്രാകാരം പ്രണമാമ്യഹം .
പദ്മരാഗാദിമണിഭിഃപ്രാകാരം സർവദാ ഭജേ .. 9..

ഗോമേദരത്നപ്രാകാരം വജ്രപ്രാകാരമാശ്രയേ .
വൈഡൂര്യരത്നപ്രാകാരമ്പ്രണമാമി കുലേശ്വരീ .. 10..

ഇന്ദ്രനീലാഖ്യരത്നാനാം പ്രാകാരം പ്രണമാമ്യഹം .

മുക്താഫലമഹാരത്നപ്രാകാരമ്പ്രണമാമ്യഹം .. 11..

മരതാഖ്യമഹാരത്നപ്രാകാരായ നമോനമഃ .
വിദ്രുമാഖ്യമഹാരത്നപ്രാകാരമ്പ്രണമാമ്യഹം .. 12..

മാണിക്യമണ്ഡപം രത്നസഹസ്രസ്തംഭമണ്ഡപം .
ലലിതേ!തവദേവേശി ഭജാമ്യമൃതവാപികാം .. 13..

ആനന്ദവാപികാം വന്ദേവിമർശവാപികാം ഭജേ .

ഭജേബാലാതപോൽഗാരം ചന്ദ്രികോഗാരികാം ഭജേ .. 14..

മഹാശൃംഗാരപരിഖാം മഹാപത്മാടവീം ഭജേ .

ചിന്താമണിമഹാരത്നഗൃഹരാജം നമാമ്യഹം .. 15..

പൂർവാംനായമയം പൂർവ്വദ്വാരം ദേവി നമാമ്യഹം .

ദക്ഷിണാംനായരൂപന്തേദക്ഷിണദ്വാരമാശ്രയേ .. 16..

നമാമി പശ്ചിമദ്വാരം പശ്ചിമാമ്നായ രൂപകം .

വന്ദേഹമുത്തരദ്വാരമുത്തരാമ്നായരൂപകം .. 17..

ഊർദ്ധ്വാമ്നായമയം വന്ദേ ഹ്യൂർദ്ധദ്വാരം കുലേശ്വരി .

ലലിതേതവ ദേവേശി മഹാസിംഹാസനം ഭജേ .. 18..

ബ്രഹ്മാത്മകം മഞ്ചപാദമേകം തവ നമാമ്യഹം .

ഏകംവിഷ്ണുമയം മഞ്ചപാദമന്യം നമാമ്യഹം .. 19..

ഏകം രുദ്രമയം മഞ്ചപാദമന്യം നമാമ്യഹം .

മഞ്ചപാദംമമാമ്യേകം തവ ദേവീശ്വരാത്മകം .. 20..

മഞ്ചൈകഫലകം വന്ദേ സദാശിവമയം ശുഭം .

നമാമിതേഹംസതൂലതല്പകം പരമേശ്വരീ! .. 21..
നമാമിതേ ഹംസതൂലമഹോപാധാനമുത്തമം .
കൗസ്തുഭാസ്തരണംവന്ദേ തവ നിത്യം കുലേശ്വരീ .. 22..

മഹാവിതാനികാം വന്ദേ മഹായവിനികാം ഭജേ .

ഏവം പൂജാഗൃഹം ധ്യാത്വാ ശ്രീചക്രേ ശ്രീശിവാം ഭജേ .. 23..

സ്വദക്ഷിണേ സ്ഥാപയാമി ഭാഗേ പുഷ്പാക്ഷതാദികാൻ .

അമിതാംസ്തേമഹാദേവി ദീപാൻ സന്ദർശയാമ്യഹം .. 24..

മൂലേന ത്രിപുരാചക്രം തവ സമ്പൂജ്യയാമ്യഹം .

ത്രിഭിഃഖണ്ഡൈസ്തവഖ്യാതൈഃ പൂജയാമി മഹേശ്വരി! .. 25..

വായ്വഗ്നി ജലസമ്യുക്തം പ്രാണായാമൈരഹം ശിവൈ .

ശോഷാണാന്ദാഹനം ചൈവ കരോമി പ്ലാവനം തഥാ .. 26..

ത്രിവാരം മൂലമന്ത്രേണ പ്രാണായാമം കരോമ്യഹം .

പാഷണ്ഡകാരിണോഭൂതാ ഭൂമൗയേ ചാന്തരിക്ഷകേ .. 27..

കരോമ്യനേന മന്ത്രേണ താലത്രയമഹം ശിവേ .

നാരായണോഽഹംബ്രഹ്മാഹം ഭൈരവോഽഹം ശിവോസ്മ്യഹം ..

28..

ദേവോഹം പരമാനന്ദോഽസ്മ്യഹം ത്രിപുരസുന്ദരി .

ധ്യാത്വാവൈ വജ്രകവചം ന്യാസം തവ കരോമ്യഹം .. 29..
കുമാരീബീജസമ്യുക്തം മഹാത്രിപുരസുന്ദരി! .
മാംരക്ഷരക്ഷേതി ഹൃദി കരോമ്യജ്ഞലിമീശ്വരി! .. 30..

മഹാദേവ്യാസനായേതി പ്രകരോമ്യാസനം ശിവേ .

ചക്രാസനംനമസ്യാമി സർവമന്ത്രാസനം ശിവേ .. 31..

സാദ്ധ്യസിദ്ധാസനം മന്ത്രൈരേഭിര്യുക്തം മഹേശ്വരി .

കരോമ്യസ്മിഞ്ചക്രമന്ത്രൈർദേവതാസനമുത്തമം .. 32..

കരോമ്യഥ ഷഡംഗാഖ്യം മാതൃകാം ച കലാം ന്യസേ .

ശ്രീകണ്ടങ്കേശവം ചൈവ പ്രപഞ്ചം യോഗമാതൃകാം .. 33..

തത്വന്യാസം തതഃ കൂർവ്വേ ചതുഷ്പീടം യഥാചരേ .

ലഘുഷോഢാന്തതഃ കൂർവ്വേ ശക്തിന്യാസം മഹോത്തമം .. 34..

പീടന്യാസം തതഃ കുർവേ ദേവതാവാഹനം പ്രിയേ .

കുങ്കുമന്യാസകഞ്ചൈവ ചക്രന്യാസമഥാചരേ .. 35..

ചക്രന്യാസം തതഃ കുർവ്വേ ന്യാസം കാമകലാദ്വയം .

ഷോഡശാർണ്ണമഹാമന്ത്രൈരംഗന്യാസങ്കരോമ്യഹം .. 36..

മഹാഷോഢാം തതഃ കുർവ്വേ ശാംഭവം ച മഹാപ്രിയേ .

തതോമൂലമ്പ്രജപ്ത്വാഥ പാദുകാഞ്ച തതഃ പരം .. 37..
ഗുരവേ സമ്യഗർച്യാഥ ദേവതാം ഹൃദിസംഭജേ .
കരോമിമണ്ഡലം വൃത്തം ചതുരശ്രം ശിവപ്രിയേ .. 38..

പുഷ്പൈരഭ്യർച്ച്യസാധാരം ശംഖം സമ്പൂജയാമഹം .

അർച്ചയാമിഷഡംഗേന ജലമാപൂരയാമ്യഹം .. 39..

ദദാമി ചാദിമം ബിന്ദും കുർവേ മൂലാഭിമന്ത്രിതം .

തജ്ജലേനജഗന്മാതസ്ത്രികോണം വൃത്തസമ്യുതം .. 40..

ഷൽകോണം ചതുരശ്രഞ്ച മണ്ഡലം പ്രണമാമ്യഹം .

വിദ്യയാപൂജയാമീഹ ത്രിഖണ്ഡേന തു പൂജനം .. 41..

ബീജേനവൃത്തഷൽകോണം പൂജയാമി തവപ്രിയേ .

തസ്മിന്ദേവീകലാത്മാനാം മണിമണ്ഡലമാശ്രയേ .. 42..

ധൂമ്രാർച്ചിഷം നമസ്യാമി ഊഷ്മാം ച ജ്വലനീം തഥാ .

ജ്വാലിനീഞ്ച നമസ്യാമി വന്ദേഹം വിസ്പുലിംഗിനീം .. 43..

സുശ്രിയം ച സുരൂപാഞ്ചകമ്പിലാം പ്രണമാമ്യഹം .

നൗമിഹവ്യവഹാം നിത്യാം ഭജേ കവ്യവഹാം കലാം .. 44..

സൂര്യാഗ്നിമണ്ഡലാം തത്ര സകലാദ്വാദശാത്മകം .

അർഘ്യപാദ്യമഹന്തത്ര തപിനീം താപിനീം ഭജേ .. 45..

ധൂമ്രാം മരീചീം വന്ദേഹം ജ്വാലിനീം മരുഹം ഭജേ .

സുഷുമ്നാംഭോഗദാം വന്ദേ ഭജേ വിശ്വാം ച ബോധിനീം .. 46..

ധാരിണീം ച ക്ഷമാം വന്ദേ സൗരീരേതാഃ കലാഭജേ .

ആശ്രയേമണ്മലം ചാന്ദ്രം തൽകലാഷോഡശാത്മകം .. 47..

അമൃതാം മാനദാം വന്ദേ പൂഷാം തുഷ്ടീം ഭജാമ്യഹം .

പുഷ്ടിംഭജേ മഹാദേവി ഭജേഽഹം ച രതിം ധൃതിം .. 48..

രശനിം ചന്ദ്രികാം വന്ദേ കാന്തീം ജോത്സനാ ശ്രിയം ഭജേ .

നേഔമിപ്രീതിഞ്ചാഗതദാഞ്ചപൂർണ്ണിമാമമൃതാംഭജേ .. 49..

ത്രികോണലേഖനം കുർവ്വേ ആകാരാദിസുരേഖകം .

ഹലക്ഷവർണ്ണസമ്യുക്തംസ്പീതം തം ഹംസഭാസ്കരം .. 50..

വാക്കാമശക്തി സംയുക്തം ഹംസമാരാധയാമ്യഹം .

വൃത്താദ്ബഹിഃഷഡശ്രസ്യലേഖനം പ്രകരോമ്യഹം .. 51..

പുരതോഗ്ന്യാദിഷൽഖോണം കഖഗേനാർച്ചയാമ്യഹം .
ശ്രീവിദ്യയാസപ്തവാരം കരോമ്യത്രാഭി മന്ത്രിതം .. 52..

സമർപ്പയാമി ദേവേശി തസ്മാത് ഗന്ധാക്ഷതാദികം .

ധ്യായാമിപൂജാദ്രവ്യേഷു തത് സർവം വിദ്യയായുതം .. 53..

ചതുർന്നവതിസന്മന്ത്രാൻ സ്പൃഷ്ട്വാ തത് പ്രജപാമ്യഹം .

വഹ്നേർദ്ദശകലാഃസൂര്യകലാദ്വാദശകം ഭജേ .. 54..
ആശ്രയേ ശോഡഷകലാസ്തത്ര ചന്ദ്രമസസ്തദാ .
സൃഷ്ടിമ്വൃദ്ധിം സ്മൃതിം വന്ദേ മേധാം കാന്തീം തഥൈവ ച ..

55..

ലക്ഷ്മീം ദ്യുഥിം സ്ഥിതാം വന്ദേ സ്ഥിതിം സിദ്ധിം ഭജാമ്യഹം .

ഏതാബ്രഹ്മകലാവന്ദേ ജരാന്ഥാം പാലിനീം ഭജേ .. 56..

ശാന്തിം നമാമീശ്വരീം ച രതീം വന്ദേ ച കാരികാം .

വരദാംഹ്ലാദിനീം വന്ദേ പ്രീതിം ദീർഘാം ഭജാഭമ്യഹം .. 57..

ഏതാ വിഷ്ണുഅകലാവന്ദേ തീക്ഷണാം രൗദ്രിം ഭയാം ഭജേ .

നിദ്രാന്തന്ദ്രീം ക്ഷുധാം വന്ദേ നമാമി ക്രോധിനീം ക്രിയാം .. 58..

ഉൽകാരീം മൃത്യുരൂപാം ച ഏതാ രുദ്രകലാ ഭജേ .

നീലാമ്പീതാം ഭജേ ശ്വേതാം വന്ദേഹമരുണാം കലാം .. 59..

അനന്തഖ്യാം കലാഞ്ചേതി ഈശ്വരസ്യ കലാഭജേ .

നിവൃത്തിഞ്ചപ്രതിഷ്ഠാഞ്ചവിദ്യാംശാന്തിം ഭജാമ്യഹം .. 60..

രോധികാം ദീപികാം വന്ദേ രേചികാം മോചികാം ഭജേ .

പരാംസൂക്ഷാമൃതാം സൂക്ഷാം പ്രണാമി കുലേശ്വരി! .. 61..

ജ്ഞാനാഖ്യാഞ്ചനമസ്യാമി നൗമിജ്ഞാനാമൃതാം കലാം .

ആപ്യായിനീംവ്യാപിനീം ച മോദിനീം പ്രണമാമ്യഹം .. 62..
കലാഃ സദാശിവസ്യൈതാഃ ഷോഡശ പ്രണമാമ്യഹം .
വിഷ്ണുയോനിന്നമസ്യാമി മൂലവിദ്യാം നമാമ്യഹം .. 63..

ത്രൈയംബകം നമസ്യാമി തദ്വിഷ്ണും പ്രണമാമ്യഹം .

വിഷ്ണുയോനിമ്നമസ്യാമി മൂലവിദ്യാം നമാമ്യഹം .. 64..

അമൃതം മന്ത്രിതം വന്ദേ ചതുർന്നവതിഭിസ്തഥാ .

അഖണ്ഡൈകരസാനന്ദകരേപരസുധാത്മനി .. 65..

സ്വച്ഛന്ദസ്പപുരണം മന്ത്രം നീധേഹി കുലരൂപിണി .

അകുലസ്ഥാമൃതാകാരേസിദ്ധിജ്ഞാനകരേപരേ .. 66..

അമൃതം നിധേഹ്യസ്മിൻ വസ്തുനിക്ലിന്നരൂപിണി .

തദ്രൂപാണേകരസ്യത്വങ്കൃത്വാഹ്യേതത്സ്വരൂപിണി .. 67..

ഭൂത്വാ പരാമൃതാകാരമയി ചിത് സ്പുരണം കുരു .

ഏഭിർമ്മനൂത്തമൈർവന്ദേമന്ത്രിതം പരമാമൃതം .. 68..

ജോതിമ്മയമിദം വന്ദേ പരമർഘ്യഞ്ച സുന്ദരി .

തദ്വിന്ദുഭിർമേശിരസി ഗുരും സന്തർപ്പയാമ്യഹം .. 69..

ബ്രഹ്മാസ്മിൻ തദ്വിന്ദും കുണ്ഡലിന്യാം ജുഹോമ്യഹം .

ഹൃച്ചക്രസ്താം-മഹാദേവീമ്മഹാത്രിപുരസുന്ദരീം .. 70..
നിരസ്തമോഹതിമിരാം സാക്ഷാത് സംവിത്സ്വരൂപിണീം .
നാസാപുടാത്പരകലാമഥനിർഗ്ഗമയാമ്യഹം .. 71..

നമാമിയോനിമദ്ധ്യാസ്ഥാം ത്രിഖണ്ഡകുസുമാംഞ്ജലിം .
ജഗന്മാതർമഹാദേവിയന്ത്രേത്വാം സ്ഥാപയാമ്യഹം .. 72..

സുധാചൈതന്യമൂർത്തീം തേ കല്പയാമിമനും തവ .
അനേനദേവിമന്ത്രയന്ത്രേത്വാം സ്ഥാപയാമ്യഹം .. 73..

മഹാപദ്മവനാന്തസ്ഥേ കാരണാനന്തവിഗ്രഹേ .
സർവഭൂതഹിതേമാതരേഹ്യപി പരമേശ്വരി .. 74..

ദേവേശീ ഭക്തസുലഭേ സർവാഭരണഭൂഷിതേ .

യാവത്വമ്പൂജയാമീഹതാവത്ത്വം സുസ്ഥിരാഭവ .. 75..

അനേന മന്ത്രയുഗ്മേന ത്വാമത്രാവാഹയാമ്യഹം .

കല്പയാമിനമഃ പാദമർഘ്യം തേ കല്പയാമ്യഹം .. 76..

ഗന്ധതൈലാഭ്യഞ്ജനഞ്ചമജ്ജശാലാപ്രവേശം .
കല്പയാമിനമസ്തസ്മൈ മണിപീഠോപ്രവേശനം .. 77..

ദിവ്യസ്നാനീയമീശാനി ഗൃഹാണോദ്വർത്തനം ശുഭേ .

ഗൃഹാണോഷ്ണാദകസ്നാനങ്കല്പയാമ്യഭിഷേചനം .. 78..

ഹേമകുംഭായുതൈഃ സ്നിഗ്ദ്ധൈഃ കല്പയാമ്യഭിഷേചനം .

കല്പയാമിനമസ്തുഭ്യം ധഏഔതേന പരിമാർജ്ജനം .. 79..

ബാലഭാനു പ്രതീകാശം ദുകൂലം പരിധാനകം .

അരുണേനദുകുലേനോത്തരീയം കല്പയാമ്യഹം .. 80..

പ്രവേശനം കല്പയാമി സർവാംഗാനി വിലേപനം .

നമസ്തേകല്പയാമ്യത്ര മണിപീഠോപവേശനം .. 81..

അഷ്ടഗന്ധൈഃ കല്പയാമി തവലേഖനമംബികേ .

കാലാഗരുമഹാധൂപങ്കല്പയാമി നമശ്ശിവേ .. 82..

മല്ലികാമാലാതീജാതി ചമ്പകാദി മനോരമൈഃ .

അർച്ചിതാങ്കുസുമൈർമ്മാലാം കല്പയാമി നമശ്ശിവേ .. 83..

പ്രവേശനം കല്പയാമി നമോ ഭൂഷണമണ്ഡപേ .

ഉപവേശ്യംരത്നപീഠേ തത്രതേ കല്പയാമ്യഹം .. 84..

നവമാണിക്യമകുടം തത്രതേ കല്പയാമ്യഹം .

ശരച്ചന്ദ്രനിഭംയുക്തം തച്ചന്ദ്രശകലം തവ .. 85..

തത സീമന്തസിന്ദൂരം കസ്തൂരീതിലകം തവ .
കാലാജ്ഞനങ്കല്പയാമി പാലീയുഗലമുത്തമം .. 86..

മണികുണ്ഡലയുഗ്മഞ്ച നാസാഭരണമീശ്വരീ! .
താടങ്കയുഗലന്ദേവി ലലിതേ ധാരയാമ്യഹം .. 87..
അഥാദ്യാം ഭൂഷണം കണ്ഠേ മഹാചിന്താകമുത്തമം .
പദകന്തേ കല്പയാമി മഹാപദകമുത്തമം .. 88..

മുക്താവലീം കല്പയാമി ചൈകാവലി സമന്വിതാം .

ഛന്നവീരഞ്ചകേയൂരയുഗലാനാം ചതുഷ്ടയം .. 89..

വലയാവലിമാലാനീം ചോർമികാവലിമീശ്വരി .
കാഞ്ചീദാമകടീസൂത്രംസൗഭഗ്യാഭരണം ച തേ .. 90..

ത്രിപുരേ പാദകടകം കല്പയേ രത്നനൂപുരം .

പാദാംഗുലീയകന്തുഭ്യം പാശമേകം കരേതവ .. 91..

അന്യേ കരേങ്കുശം ദേവി പൂണ്ഡ്രേക്ഷുധനുഷം തവ .

അപരേപുഷ്പബാണഞ്ച ശ്രീമന്മാണിക്യപാദുകേ .. 92..

തദാവരണ ദേവേശി മഹാമഞ്ചാദിരോഹണം .

കാമേശ്വരാങ്കപര്യങ്കമുപവേശനമുത്തമം .. 93..

സുധയാ പൂർണ്ണചഷകം തതസ്തത് പാനമുത്തമം .

കർപ്പൂരവീടികാന്തുഭ്യം കല്പയാമി നമഃ ശിവേ .. 94..

ആനന്ദോല്ലാസവിലസദ്ധംസം തേ കല്പയാമ്യഹം .
മംഗലാരാത്രികംവന്ദേ ഛത്രം തേ കല്പയാമ്യഹം .. 95..
ചാമരം യൂഗലം ദേവിദർപ്പണം കല്പയാമ്യഹം .
താലവ്രിന്തങ്കല്പയാമിഗന്ധപുഷ്പാക്ഷതൈരപി .. 96..

ധൂപം ദീപശ്ചനൈവേദ്യം കല്പയാമി ശിവപ്രിയേ .

അഥാഹംബൈന്ദവേ ചക്രേ സർവാനന്ദമയാത്മകേ .. 97..

രത്നസിംഹാസനേ രമ്യേ സമാസീനാം ശിവപ്രിയാം .

ഉദ്യദ്ഭാനുസഹസ്രാഭാഞ്ജപാപുഷ്പസമപ്രഭാം .. 98..

നവരത്നപ്രഭായുക്തമകുടേന വിരാജിതാം .
ചന്ദ്രരേഖാസമോപേതാങ്കസ്തൂരിതിലകാങ്കിതാം .. 99..

കാമകോദണ്ഡസൗന്ദര്യനിർജ്ജിതഭ്രൂലതായുതാം .
അഞ്ജനാഞ്ചിതനേത്രാന്തുപദ്മപത്രനിഭേഷണാം .. 100..

മണികുണ്ഡലസമ്യുക്ത കർണ്ണദ്വയവിരാജിതാം .
താംബൂലപൂരിതമുഖീംസുസ്മിതാസ്യവിരാജിതാം .. 101..

ആദ്യഭൂഷണസമ്യുക്താം ഹേമചിന്താകസംയുതാം .
പദകേനസമോപേതാം മഹാപദകസംയുതാം .. 102..

മുക്താഫലസമോപേതാമേകാവലിസമന്വിതാം .
കൗസുഭാംഗദസംയുക്തചതുർബാഹുസമന്വിതാം .. 103..

അഷ്ടഗന്ധസമോപേതാം ശ്രീചന്ദനവിരാജിതാം .
ഹേമകുംഭോപമപ്രഖ്യസ്തനദ്വന്ദവിരാജിതാം .. 104..

രക്തവസ്ത്രപരീധാനാം രക്തകഞ്ചുകസംയുതാം .
സൂക്ഷ്മരോമാവലിയുക്തതനുമദ്ധ്യവിരാജിതാം .. 105..

മുക്താമാണിക്യഖചിത കാഞ്ചീയുതനിതംബനീം .
സദാശിവാങകസ്ഥബൃഹന്മഹാജഘനമണ്ഡലാം .. 106..

കദലിസ്തംഭസംരാജദൂരുദ്വയവിരാജിതാം .
കപാലീകാന്തിസങ്കാശജംഘായുഗലശോഭിതാം .. 107..

ഗ്രൂഢഗുൽഫദ്വേയോപേതാം രക്തപാദസമന്വിതാം .
ബ്രഹ്മവിഷ്ണുമഹേശാദികിരീടസ്ഫൂർജ്ജിതാംഘ്രികാം .. 108..

കാന്ത്യാ വിരാജിതപദാം ഭക്തത്രാണ പരായണാം .

ഇക്ഷുകാർമുകപുഷ്പേഷുപാശാങ്കുശധരാംശുഭാം .. 109..

സംവിത്സ്വരൂപിണീം വന്ദേ ധ്യായാമി പരമേശ്വരീം .

പ്രദർശയാമ്യഥശിവേദശാമുദ്രാഃ ഫലപ്രദാഃ .. 110..

ത്വാം തർപ്പയാമി ത്രിപുരേ ത്രിധനാ പാർവ്വതി .

അഗ്നൗമഹേശദിഗ്ഭാഗേ നൈരൃത്ര്യാം മാരുതേ തഥാ .. 111..

ഇന്ദ്രാശാവാരുണീ ഭാഗേ ഷഡംഗാന്യർച്ചയേ ക്രമാത് .

ആദ്യാങ്കാമേശ്വരീം വന്ദേ നമാമി ഭഗമാലിനീം .. 112..
നിത്യക്ലിന്നാം നമസ്യാമി ഭേരുണ്ഡാം പ്രണമാമ്യഹം .
വഹ്നിവാസാന്നമസ്യാമി മഹാവിദ്യേശ്വരീം ഭജേ .. 113..

ശിവദൂതിം നമസ്യാമി ത്വരിതാം കുല സുന്ദരീം .

നിത്യാന്നീലപതാകാഞ്ച വിജയാം സർവമംഗലാം .. 114..

ജ്വാലാമാലാഞ്ച ചിത്രാഞ്ച മഹാനിത്യാം ച സംസ്തുവേ .

പ്രകാശാനന്ദനാഥാഖ്യാമ്പരാശക്തിനമാമ്യഹം .. 115..

ശുക്ലദേവീം നമസ്യാമി പ്രണമാമി കുലേശ്വരീം .

പരശിവാനന്ദനാഥാഖ്യാമ്പരാശക്തി നമാമ്യഹം .. 116..

കൗലേശ്വരാനന്ദനാഥം നൗമി കാമേശ്വരീം സദാ .

ഭോഗാനന്ദന്നമസ്യാമി സിദ്ധൗഘഞ്ച വരാനനേ .. 117..

ക്ലിന്നാനന്ദം നമസ്യാമി സമയാനന്ദമേവച .

സഹജാനന്ദനാഥഞ്ചപ്രണമാമി മുഹുർമുഹു .. 118..

മാനവൗഘം നമസ്യാമി ഗഗനാനന്ദഗപ്യഹം .

വിശ്വാനന്ദന്നമസ്യാമി വിമലാനന്ദമേവച .. 119..

മദനാനന്ദനാഥഞ്ച ഭുവനാനന്ദരൂപിണീം .
ലീലാനന്ദന്നമസ്യാമി സ്വാത്മാനന്ദം മഹേശ്വരി .. 120..
പ്രണമാമിപ്രിയാനന്ദം സർവകാമഫലപ്രദം .
പരമേഷ്ടിഗുരുംവന്ദേ പരമംഗുരുമാശ്രയേ .. 121..

ശ്രീഗുരും പ്രണമസ്യാമി മൂർദ്ധ്നി ബ്രഹ്മബിലേശ്വരീം .

ശ്രീമദാനന്ദനാഥാഖ്യശ്രിഗുരോപാദുകാം തഥാ .. 122..

അഥ പ്രാഥമികേ ദേവി ചതുരശ്രേ കുലേശ്വരി .

അണിമാംലഖിമാം വന്ദേ മഹിമാം പ്രണമാമ്യഹം .. 123..

ഈശിത്വസിദ്ധിം കലയേ വശിത്വം പ്രണമാമ്യഹം .

പ്രാകാമ്യസിദ്ധിംഭുക്തിഞ്ച ഇച്ഛാപ്രാപ്ര്തിമഹം ഭജേ .. 124..

സർവകാമപ്രദാം സർവകാമസിദ്ധിമഹം ഭജേ .

മദ്ധ്യമേചതുരശ്രേഹം ബ്രാഹ്മീം മാഹേശ്വരീം ഭജേ .. 125..

കൗമാരീം വൈഷ്ണവീം വന്ദേ വാരാഹീം പ്രണമാമ്യഹം .

മാഹേന്ദ്രീമപിചാമുണ്ഡാമ്മഹാലക്ഷ്മീമഹം ഭജേ .. 126..

തൃതീയേ ചതുരശ്രേ തു സർവസങ്ക്ഷോഭിണീം ഭജേ .

സർവവിദ്രാപിണീമ്മുദ്രാം സർവാകർഷിണികാം ഭജേ .. 127..

മുദ്രാം വശങ്കരീം വന്ദേ സർവോന്മാദിനികാം ഭജേ .

ഭജേമഹാങ്കുശാം മുദ്രാം ഖേചരീം പ്രണമാമ്യഹം .. 128..

ബീജാമുദ്രാം യോനിമുദ്രാം ഭജേ സർവത്രിഖണ്ഡിനീം .

ത്രൈലോക്യമോഹനഞ്ചക്രം നമാമി ലലിതേ തവ .. 129..

നമാമി യോഗിനീം തത്ര പ്രഖടാഖ്യാമഭീഷ്ടദാം .

സുധാർണ്ണവാസനംവന്ദേ തത്ര തേ പരമേശ്വരി .. 130..

ചക്രേശ്വരി മഹം വന്ദേ ത്രിപുരാം പ്രണമാമ്യഹം .

സർവസങ്ക്ഷോഭിണീമ്മുദ്രാം തതോഹം കലയേ ശിവേ .. 131..

അഥാഹം ഷോഡശദലേ കാമാകർഷിണികാം ഭജേ .

ബുദ്ധ്യാകർഷിണികാം വന്ദേഽഹങ്കാരാകർഷിണീം ഭജേ .. 132..

ശബ്ദാകർഷിണികാം വന്ദേ സ്പർശാകർഷിണികാം ഭജേ .

രൂപാകർഷിണികാംവന്ദേ രസാകർഷിണികാം ഭജേ .. 133..

ഗന്ധാകർഷിണികാം വന്ദേ ചിത്താകർഷിണികാം ഭജേ .

ധൈര്യാകർഷിണികാംവന്ദേ സ്മൃത്യാകർഷിണികാം ഭജേ ..

134..

നാമാകർഷിണികാം വന്ദേ ബീജാകർഷിണികാം ഭജേ .

ആത്മാകർഷിണികാംവന്ദേ അമൃതാകർഷിണികാം ഭജേ .. 135..

ശരീരാകർഷിണികാം വന്ദേ നിത്യാം ശ്രീപരമേശ്വരി .

സർവാശാപൂരകംവന്ദേ കല്പയേഹം തവേശ്വരി .. 136..

ഗുപ്താഖ്യാം യോഗിനീം വന്ദേ മാതരം ഗുപ്തപൂജ്യതാം .

പോതാംബുജാസനന്തത്ര നമാമി ലലിതേ തവ .. 137..

ത്രിപുരേശീം നമസ്യാമി ഭജാമിഷ്ടാർത്ഥസിദ്ധിദാം .

സർവവിദ്രാവിണിമുദ്രാന്തത്രാഹം തേ വിചന്തയേ .. 138..

സിവേ തവാഷ്ടപത്രേഹമനംഗകുസുമാം ഭജേ .

അനംഗമേഖലാംവന്ദേ അനംഗമദനാം ഭജേ .. 139..

നമോഹം പ്രണസ്യാമി അനംഗമദനാതുരാം .

അനംഗരേഖാങ്കലയേ ഭജേനംഗാം ച വേഗിനീം .. 140..

അനംഗാകുശവന്ദേഽഹമനംഗമാലിനീം ഭജേ .
തത്രാഹമ്പ്രണസ്യാമി ദേവ്യാ ആസനമുത്തമം .. 141..

നമാമി ജഗതീശാനീം തത്ര ത്രിപുരസുന്ദരീം .

സർവാകർഷിണികാമ്മുദ്രാം തത്രാഹ കല്പയാമിതേ .. 142..

ഭുവനാശ്രയേ തവ ശിവേ സർവസങ്ക്ഷോഭിണീം ഭജേ .

സർവവിദ്രാവിണീംവന്ദേ സർവകർഷിണികാം ഭജേ .. 143..

സർവഹ്ലാദിനീം വന്ദേ സർവസമ്മോഹിനീം ഭജേ .

സകലസ്തംഭിനീം വന്ദേ കലയേ സർവജൃംഭിണീം .. 144..

വശങ്കരീം നമസ്യാമി സർവരജ്ഞിനികാം ഭജേ .

സകലോന്മദിനീം വന്ദേ ഭജേ സർവാർഥസാധകേ .. 145..
സമ്പത്തിപുരികാം വന്ദേ സർവമന്ത്രമയീം ഭജേ .
ഭജാമ്യേവതതശ്ശക്തിം സർവദ്വന്ദ്വക്ഷ്യങ്കരീം .. 146..

തത്രാഹം കലയേ ചക്രം സർവസൗഭാഗ്യദായകം .

നമാമിജഗതാം ധാത്രീം സമ്പ്രദായാഖ്യയോഗിനിം .. 147..

നമാമി പരമേശാനീം മഹാത്രിപുരവാസിനിം .

കലയേഹന്തവ ശിവേ മുദ്രാം സർവശങ്കരീം .. 148..

ബഹിർദ്ദശാരേ തേ ദേവി സർവസിദ്ധിപ്രദാം ഭജേ .

സർവസമ്പത്പ്രദാം വന്ദേ സർവപ്രിയങ്കരീം ഭജേ .. 149..

നമാമ്യഹം തതോ ദേവീം സർവമംഗലകാരിണീം .

സർവകാമപ്രദാംവന്ദേ സർവദുഃഖവിമോചിനിം .. 150..

സർവമൃത്യുപ്രശമനീം സർവവിഘ്നനിവാരിണീം .
സർവാംഗസുന്ദരീംവന്ദേ സർവസൗഭാഗ്യദായിനീം .. 151..

സർവാർത്ഥസാധകം ചക്രം തത്രാഹം നേ വിചിന്തയേ .

തത്രാഹന്തേ നമസ്യാമി കുലോത്തീർണാഖ്യ യോഗിനീം .. 152..

സർവമന്ത്രസനം വന്ദേ ത്രിപുരാശ്രിയമാശ്രയേ .

കലയാമിതതോ മുദ്രാം സർവോന്മാദന കാരിണീം .. 153..
അന്തർദ്ദശാരേ തേ ദേവി സർവജ്ഞാം പ്രണമാമ്യഹം .
സർവശക്തിന്നമസ്യാമി സർവൈശ്വര്യപ്രദാം ഭജേ .. 154..

സർവജ്ഞാനമയീം വന്ദേ സർവവ്യാധിവിനാശിനീം .

സർവാധാരസ്വരൂപാഞ്ചസർവപാപഹരാംഭജേ .. 155..

സർവാനന്ദമയിം വന്ദേ സർവരക്ഷാസ്വരൂപിണീം .

പ്രണമാമിമഹാദേവീം സർവേപ്സിത ഫലപ്രദാം .. 156..

സർവരക്ഷാകരം ചക്രം സുന്ദരീം കലയേ സദാ .

നിഗർഭയോനീംവന്ദേ തത്രാഹം പ്രണമാമ്യഹം .. 157..

സാദ്ധ്യസിദ്ധാസനം വന്ദേ ഭജേ ത്രിപുരമാലിനീം .

കലയാമിതതോ ദേവീം മുദ്രാം സർവമഹാങ്കുശാം .. 158..

അഷ്ടാരേ വശിനീം വന്ദേ മഹാ കാമേശ്വരീം ഭജേ .

മോദിനീംവിമലാംവന്ദേ അരുണാജയിനീം ഭജേ .. 159..

സർവേശ്വരീം നമസ്യാമി കൗലിനീം പ്രണമാമ്യഹം .

സർവരോഗഹരഞ്ചക്രം തത്രാഹം കലയേ സദാ .. 160..

നമാമി ത്രിപുരാ സിദ്ധിം ഭജേ മുദ്രാം ച ഖേചരീം .

മഹാത്രികോണവത്ബാഹുചതുരശ്രേ കുലേശ്വരി .. 161..

നമാമി ജൃംഭണാബാണം സർവസമ്മോഹിനീം ഭജേ .

പാശഞ്ചാപം ഭജേ നിത്യം ഭജേ സ്തംഭനമങ്കുശം .. 162..

ത്രികോണേഹം ജഗദ്ധാത്രീം മഹാകാമേശ്വരീം ഭജേ .

മഹാവജ്രേശ്വരീംവന്ദേ മഹാശ്രീഭഗമാലിനീം .. 163..

മഹാശ്രീസുന്ദരീം വന്ദേ സർവകാമഫലപ്രദാം .

സർവസിദ്ധിപ്രദഞ്ചക്രം തവദേവി നമാമ്യഹം .. 164..

നമാമ്യതിരഹസ്യാഖ്യാം യോഗിനീം തവകാമദാം .

ത്രിപുരാംബാന്നമസ്യാമി ബീജാമുദ്രാമഹാംഭജേ .. 165..

മൂലമന്ത്രേണ ലലിതേ തൽബിന്ദൗ പൂജയാമ്യഹം .

സർവാനന്ദമയഞ്ചക്രം തവദേവി ഭജാമ്യഹം .. 166..

പരാം പരരഹസ്യാഖ്യാം യോഗിനീം തത്രകാമദാം .

മഹാചക്രേശ്വരീംവന്ദേ യോനിമുദ്രാമഹം ഭജേ .. 167..

ധൂപദീപാദികം സർവമർപ്പിതം കല്പയാമ്യഹം .

ത്വല്പ്രീതയേമഹാമുദ്രാം ദർശയാമി തതശ്ശിവേ .. 168..

ശാല്യന്നം മധുസമ്യുക്തം പായസാപൂപ സമ്യുക്തം .

ഘൃതസൂപസമായുക്തന്ദധിക്ഷീരസമന്വിതം .. 169..

സർവഭക്ഷ്യസമായുക്തം ബഹുശാകസമന്വിതം .
നിക്ഷിപ്യകാഞ്ചനേ പാത്രേ നൈവേദ്യം കല്പയാമി തേ .. 170..
സങ്കല്പബിന്ദുനാ ചക്രം കുചൗ ബിന്ദുദ്വയേന ച .
യോനിശ്ചസപരാർദ്ധേന കൃത്വാ ശ്രീലലിതേ തവ .. 171..

ഏതത് കാമകലാ രൂപം ഭക്താനാം സർവകാമദം .

സർവസൗഭാഗ്യദംവന്ദേ തത്ര ത്രിപുരസുന്ദരീം .. 172..

വാമഭാഗേ മഹേശാനി വൃത്തം ച ചതുരസ്രകം .

കൃത്വാഗന്ധാക്ഷതാദ്യൈശ്ചാപ്യർച്ചയാമി മഹേശ്വരീം .. 173..

വാഗ്ദവാദ്യം നമസ്യാമി തത്ര വ്യാപകമണ്ഡലം .

ജലയുക്തേനപാണൗ ച ശുദ്ധമുദ്രാ സമന്വിതം .. 174..

തത്ര മന്ത്രേണ ദാസ്യാമി ദേവി തേ ബലിമുത്തമം .

നമസ്തേദേവദേവേശി നമ സ്ത്രൈലോക്യവന്ദിതേ .. 175..

നമശ്ശിവവരാങ്കസ്ഥേ നമസ്ത്രീപുരസുന്ദരി .
പ്രദക്ഷിണനമസ്കാരമനേനാഹം കരോമി തേ .. 176..

തത സങ്കല്പമന്ത്രാണാം സമാജം പരമേശ്വരി .

പ്രജപാമിമഹാവിദ്യാം ത്വത് പ്രീത്യർത്ഥമഹം ശിവേ .. 177..

തവ വിദ്യാം പ്രജപ്ത്വാഥ നൗമി ത്വാം പരമേശ്വരി .

മഹാദേവിമഹേശാനി മഹാശിവമയേ പ്രിയേ .. 178..
മഹാനിത്യേ മഹാസിദ്ധേ ത്വാമഹം ശരണം ശിവേ .
ജയത്വന്ത്രിപുരേ ദേവി ലലിതേ പരമേശ്വരി .. 179..

സദാശിവ പ്രിയങ്കരി പാഹിമാം കരുണാനിധേ .

ജഗന്മാതർജ്ജഗദ്രൂപേജഗദീശ്വരവല്ലഭേ .. 180..

ജഗന്മയി ജഗത് സ്തുത്യേ ഗൗരി ത്വാമഹമാശ്രയേ .

അനാദ്യേസർവലോകാനാമാദ്യേ ഭക്തേഷ്ടദായിനി .. 181..

ഗിരിരാജേന്ദ്രതനയേ നമസ്തീപുരസുന്ദരി .
ജയാരീഞ്ജയദേവേശിബ്രഹ്മമാതർമഹേശ്വരി .. 182..

വിഷ്ണുമാതരമാദ്യന്തേ ഹരമാതസ്സുരേശ്വരി .
ബ്രഹ്മ്യാദിമാതൃസംസ്തുത്യേ സർവാഭരണ സമ്യുക്തേ .. 183..

ജ്യോതിർമയി മഹാരൂപേ പാഹിമാം ത്രിപുരേ സദാ .

ലക്ഷ്മീവാണ്യാദിസം പൂജ്യേ ബ്രഹ്മവിഷ്ണുശിവപ്രിയ .. 184..

ഭജാമി തവ പാദാബ്ജം ദേവി ത്രിപുരസുന്ദരി .

ത്വല്പ്രീത്യർത്ഥംയതഃ കാഞ്ചീച്ഛക്തിം വൈപൂജയാമ്യഹം ..

185..

തതശ്ച കേതനാം ശക്തിം തർപയാമി മഹേശ്വരി .

തഥാപിത്വാം ഭജംസ്തോഷം ചിദഗ്നൗ ച ദദാമ്യഹം .. 186..
ത്വല്പ്രീത്യർഥ്യം മഹാദേവി മമാഭീഷ്ടാർത്ഥ സിദ്ധയേ .
ബദ്ധ്വാത്വാം ഖൈചരീമുദ്രാം ക്ഷമസ്വോദ്വാസയാമ്യഹം .. 187..

തിഷ്ഠമേ ഹൃദയേനിത്യം ത്രിപുരേ പരമേശ്വരി .

ജഗദംബമഹാരാജ്ഞി മഹാശക്തി ശിവപ്രിയേ .. 188..

ഹൃച്ചക്രേ തിഷ്തമേ നിത്യം മഹാത്രിപുരസുന്ദരി .

ഏതത്ത്രിപുരസുന്ദര്യാ ഹൃദയം സർവകാമദം .. 189..

മഹാരഹസ്യം സതതം ദുർല്ലഭം ദൈവതൈരപി .

സാക്ഷാത്സദാശിവേനോക്തം ഗുഹ്യാത് ഗുഹ്യമനുത്തമം .. 190..

യഃ പതേത് ശ്രദ്ധയാ നിത്യം ശൃണുയാദ്വാ സമാഹിതഃ .

നിത്യപൂജാഫലന്ദേവ്യാസ്സലഭേന്നാത്ര സംശയഃ .. 191..

പാപൈഃ സമുച്യതേ സദ്യഃ കായവാക്ക് സിത്തസംഭവൈഃ .

പൂർവജന്മസമുത് ഭ്രദതൈർജ്ഞാനാജ്ഞകൃതൈരപി .. 192..

സർവക്രതുഷുയത് പുണ്യം സർവതീർത്ഥേഷു യർഫലം .

തത്പുണ്യം ലഭതേ നിത്യം മാനവോ നാത്ര സംശയഃ .. 193..

അചലാം ലഭതേ ലക്ഷ്മീം ത്രൈലോക്യേനാതി ദുർലഭാം .

സാക്ഷാദ്വിഷ്ണുർമഹാലക്ഷ്യാശീഘ്രമേവ ഭവിഷ്യതി .. 194..

അഷ്ടൈശ്വര്യ മവാപ്നോതി സ ശീഘ്രം മാനവോത്തമഃ .

ഘണ്ഡികാപാദുകാസിദ്ധ്യാദിഷ്ടകംശീഘ്രമശ്നുതേ .. 195..

ശ്രീമത്ത്രിപുരാംബികായൈ നമഃ .
.. ശ്രീലലിതാഹൃദയസ്തോത്രം സമ്പൂർണം ..

ഓം തത് സത് ..

ശ്രീലലിതോപനിഷത്

The Shree Lalita Upanishat is a most divine Upanishat

dedicated
to the Supreme Goddess Shri Lalita. It beautifully describes
the Human Body as the Shri-Chakra. The various parts of
Human
Body are the various parts of Shri-Chakra (16 outer petals,
8 inner petals, 14 triangles, 10 outer triangles, 10 inner
triangles, 8 inner triangles, and the middle most triangle
et
cetera). The various practices (that are done by human body)
are the Shodasha Upachara Poojanam of Shri-Yantra and the
Deity, and other worship rituals. Thus, one can perform the
worship of Shri-Yantra and Shri Lalita Parameshvari by one's
body itself. The Upanishat also has a lot of beautiful and
esoteric meanings. This Upanishat gives divine knowledge of
Supreme Brahma.

.. ശ്രീലലിതോപനിഷത് ..

.. ശ്രീലലിതാത്രിപുരസുന്ദര്യൈ നമഃ ..

ഓം പരമകാരണഭൂതാ ശക്തിഃ കേന നവചക്രരൂപോ ദേഹഃ .

നവചക്രശക്തിമയം ശ്രീചക്രം . പുരുഷാർഥാഃ സാഗരാഃ .
ദേഹോ നവരത്നേ
ദ്വീപഃ . ആധാരനവകമുദ്രാഃ ശക്തയഃ .
ത്വഗാദിസപ്തധാതുഭിരനേകൈഃ
സംയുക്താഃ സങ്കല്പാഃ കല്പതരവഃ . തേജഃ കല്പകോദ്യാനം

..

രസനയാ ഭാസമാനാ മധുരാമ്ലതിക്തകടുകഷായലവണരസാഃ

ഷഡ്രസാഃ .
ക്രിയാശക്തിഃ പീഠം കുണ്ഡലിനീ ജ്ഞാനശക്തിരഹമിച്ഛാശക്തിഃ .
മഹാത്രിപുരസുന്ദരീ ജ്ഞാതാ ഹോതാ . ജ്ഞാനമർഘ്യം ജ്ഞേയം
ഹവിഃ
ജ്ഞാതൃജ്ഞാനജ്ഞേയാനാം നമോഭേദഭാവനം ശ്രീചക്രപൂജനം ..

നിയതിസഹിതശൃംഗാരാദയോ നവരസാഃ . അണിമാദയഃ

കാമക്രോധലോഭമോഹമദമാത്സര്യപുണ്യപാപമയാ
ബ്രാഹ്മ്യാദയോഽഷ്ടശക്തയഃ . ആധാരനവകമുദ്രാ ശക്തയഃ .
പൃഥ്വ്യപ്തേജോവായ്വാകാശശ്രോത്രത്വക്ചക്ഷുർജിഹ്വാ-
പ്രാണവാക്പാണിപാദപായൂപസ്ഥമനോവികാരാഃ
ഷോഡശശക്തയഃ .
വചനാദാനഗമനവിസർഗാനന്ദാദാനോപാദാനോപേക്ഷാ-
ബുദ്ധയോഽനംഗകുസുമാദിശക്തയോഽഷ്ടൗ .
അലംബുഷാകുഹൂവിശ്വോദരീവരുണാഹസ്തിജിഹ്വായശസ്വിനീ-
ഗാന്ധാരീപൂഷാസരസ്വതീഡാപിംഗലാസുഷുമ്നാ
ചേതി ചതുർദശനാഡയഃ
സർവസങ്ക്ഷോഭിണ്യാദിചതുർദശാരദേവതാഃ ..

പ്രാണാപാനവ്യാനോദാനസമാനനാഗകൂർമകൃകലദേവദത്തധനഞ്ജ
യാ
ദശവായവഃ സർവസിദ്ധിപ്രദാദി ബഹിർദശാരദേവതാഃ .
ഏതദ്വായുദശകസംസർഗോപാധിഭേദേന
രേചകപൂരകപോഷകദാഹകാല്പാവകാമൃതമിതി പ്രാണഃ
സംഖ്യത്വേന പഞ്ചവിധോഽസ്തി . ജഠരാഗ്നിർമനുഷ്യാണാം
മോഹകോ
ഭക്ഷ്യഭോജ്യലേഹ്യചോഷ്യാത്മകം ചതുർവിധമന്നം പാചയതി .
തദാ
കാശവാൻസകലാഃ സർവജ്ഞത്വാദ്യന്തർദശാരദേവതാഃ ..

ശീതോഷ്ണസുഖദുഃഖേച്ഛാസത്വരജസ്തമോഗുണാദയ
വശിന്യാദിശക്തയോഽഷ്ടൗ .
ശബ്ദസ്പർശരൂപരസഗന്ധാഃ പഞ്ചതന്മാത്രാഃ പഞ്ചപുഷ്പബാണാ
മന ഇക്ഷുധനുർവല്യോ ബാണോ രാഗഃ പാശോ ദ്വേഷോഽങ്കുശഃ .
അവ്യക്തമഹത്തത്ത്വാഹങ്കാരകാമേശ്വരീവജ്രേശ്വരീ-
ഭഗമാലിന്യോഽന്തസ്ത്രികോണാഗ്രദേവതാഃ ..

പഞ്ചദശതിഥിരൂപേണ കാലസ്യ
പരിണാമാവലോകനപഞ്ചദശനിത്യാഃ
ശുദ്ധാനുരുപാധിദേവതാഃ . നിരുപാധിസാർവദേവകാമേശ്വരീ
സദാഽഽനന്ദപൂർണാ .
സ്വാത്മ്യൈക്യരൂപലലിതാകാമേശ്വരീ സദാഽഽനന്ദഘനപൂർണാ
സ്വാത്മൈക്യരൂപാ
ദേവതാ ലലിതാമിതി ..

സാഹിത്യകരണം സത്ത്വം . കർത്തവ്യമകർത്തവ്യമിതി

ഭാവനാമുക്താ ഉപചാരാഃ .
അഹം ത്വമസ്തി നാസ്തി
കർത്തവ്യാകർത്തവ്യമുപാസിതവ്യാനുപാസിതവ്യമിതി
വികല്പനാ .
മനോവിലാപനം ഹോമഃ ..

ബാഹ്യാഭ്യന്തരകരണാനാം
രൂപഗ്രഹണയോഗ്യതാസ്തീത്യാവാഹനം .
തസ്യ ബാഹ്യാഭ്യന്തരകരണാനാമേകരൂപവിഷയഗ്രഹണമാസനം .
രക്തശുക്ലപദൈകീകരണം പാദ്യം .
ഉജ്ജ്വലദാമോദാഽഽനന്ദാത്സാനന്ദനമർഘ്യം . സ്വച്ഛാസ്വതഃ
ശക്തിരിത്യാചമനം . ചിച്ചന്ദ്രമയീസ്മരണം സ്നാനം .
ചിദഗ്നിസ്വരൂപപരമാനന്ദശക്തിസ്മരണം വസ്ത്രം . പ്രത്യേകം
സപ്തവിംശതിധാഭിന്നത്വേന ഇച്ഛാക്രിയാത്മകബ്രഹ്മഗ്രന്ഥിമയീ
സതന്തുബ്രഹ്മനാഡീ ബ്രഹ്മസൂത്രം സവ്യാതിരിക്തവസ്ത്രം .
സംഗരഹിതം
സ്മരണം വിഭൂഷണം . സ്വച്ഛന്ദപരിപൂർണസ്മരണം ഗന്ധഃ .
സമസ്തവിഷയാണാം മനഃസ്ഥൈര്യേണാനുസന്ധാനം കുസുമം .
തേഷാമേവ സർവദാ
സ്വീകരണം ധൂപഃ .
പവനാച്ഛിന്നോർധ്വജ്വാലാസച്ചിദാഹ്ലാദാകാശദേഹോ ദീപഃ .
സമസ്തയാതായാതവർജനം നൈവേദ്യം .
അവസ്ഥാത്രയൈകീകരണം താംബൂലം .
മൂലാധാരാദാബ്രഹ്മരന്ധ്രപര്യന്തം ബ്രഹ്മരന്ധ്രാദാമൂലാധാരപര്യന്തം
ഗതാഗതരൂപേണ പ്രാദക്ഷിണ്യം . തുരീയാവസ്ഥാനം
സംസ്കാരദേഹശൂന്യം പ്രമാദിതാവതിമജ്ജനം ബലിഹരണം .
സത്ത്വമസ്തി കർത്തവ്യമകർത്തവ്യമൗദാസീന്യമാത്മവിലാപനം
ഹോമഃ .
ഭാവനാവിഷയാണാമഭേദഭാവനാ തർപണം . സ്വയം
തത്പാദുകാനിമജ്ജനം
പരിപൂർണധ്യാനം ..

ഏവം മൂർതിത്രയം ഭാവനയാ യുക്തോ മുക്തോ ഭവതി . തസ്യ

ദേവതാത്മൈക്യസിദ്ധിശ്ചിതികാര്യാണ്യപ്രയത്നേന സിധ്യന്തി സ
ഏവ ശിവയോഗീതി
കഥ്യതേ ..

.. ഇതി ശ്രീലലിതോപനിഷത്സമ്പൂർണാ ..
ശ്രീശ്രീവിദ്യാസ്തോത്രം
ഓം
ശ്രീരാമജയം ।
ഓം സദ്ഗുരുശ്രീത്യാഗരാജസ്വാമിനേ നമോ നമഃ ।

ഓം ശ്രീവിദ്യായൈ ച വിദ്മഹേ । നാദബീജായ ധീമഹി ।

തന്നഃ ശക്തിഃ പ്രചോദയാത് ॥

ഹ്രീംബീജപൂജിതേ ദേവി മഹാമേരുനിവാസിനി ।

ശ്രീഷോഡശാക്ഷരീവിദ്യേ സുവാസിനി നമോസ്തു തേ ॥ 1॥

ഷോഡശീപൂജിതേ ദേവി ഷോഡശീമന്ത്രരൂപിണി ।

ഷോഡശീഗുപ്തസദ്രൂപേ ഷോഡശസ്തോത്രമാലികേ ॥ 2॥

നാദബിന്ദുകലാരൂപേ നവാവരണപൂജിതേ ।
നാനാരാഗസ്തുതേ ദേവി നാരായണി നമോസ്തു തേ ॥ 3॥

വീണാഗാനപ്രിയേ മാതര്‍വീണാമൃദുലസുസ്വരേ ।
വീണാസँല്ലയസങ്ഗീതേ വീണാലയേ നമോസ്തു തേ ॥ 4॥

ഗാനാഞ്ജലിസസന്നൂതേ ഗാനമഞ്ജുലവാഗ്വരേ ।
ഗാനസ്ഫൂര്‍തികരേ മാതര്‍ഗാനലോലേ നമോസ്തു തേ ॥ 5॥

കവിതാപ്രേരണേ ഗൌരി കവിഹൃത്കമലാലയേ ।

കവിതോത്പലസൌരഭ്യേ കാവ്യവാസേ നമോസ്തു തേ ॥ 6॥

നാദോപാസിതസാനന്ദേ നാദാകൃതിനമസ്കൃതേ ।
നാദോപാസികഹൃന്നാദേ നാദമൂലേ നമോസ്തു തേ ॥ 7॥

നാമരൂപാദിസര്‍വസ്വേ നാമരൂപവിവര്‍ജിതേ ।
നാമരൂപാതിസൌന്ദര്യേ നാമരൂപേ നമോസ്തു തേ ॥ 8॥

രാമനാമപ്രിയേ ദേവി നാമഗാനാതിതോഷിതേ ।

നാമസങ്ഗീതമാധുര്യേ നാദരൂപേ നമോസ്തു തേ ॥ 9॥

ത്യാഗരാജഗുരുസ്വാമിസത്സങ്ഗീതപ്രമോദിതേ ।
ശിഷ്യാപുഷ്പാകൃതസ്തോത്രരാഗഭാവേ നമോസ്തു തേ ॥ 10॥

മൂകവാക്സംസ്തുതേ ദേവി മൂകകോകിലസുസ്വനേ ।

മൂകവാക്സ്തുതിസുശ്ലോകേ മൂകാംബികേ നമോസ്തു തേ ॥ 11॥

ഇഹതൃഷ്ണാപഹേ മാതഃ സുജ്ഞാനക്ഷീരപായനേ ।

പരാനന്ദപ്രദേ മാതര്‍വരാനന്ദേ നമോസ്തു തേ ॥ 12॥

ശക്തിരൂപേ ശിവേ മാതഃ ശിവരൂപേ ശിവപ്രിയേ ।

ശിവശക്ത്യൈക്യചിദ്രൂപേ ശിവശക്തേ നമോസ്തു തേ ॥ 13॥

പ്രാണശക്തികവിപ്രാണേ ആത്മശക്തിസ്വരൂപിണി ।
നാദശക്തിമനഃശക്തേ ശക്തിമൂലേ നമോസ്തു തേ ॥ 14॥

ആദിശക്തിമദംബ ത്വം അഖിലാണ്ഡൈകരൂപിണി ।

പ്രസീദ മേ നമോ മാതഃ സ്തോത്രമേതത്തവാര്‍പണം ॥ 15॥

മങ്ഗലം തേ സുമാങ്ഗല്യേ മങ്ഗലം കമലാലയേ ।

മങ്ഗലം സര്‍വസത്സാരേ ശ്രീവിദ്യേ ശുഭമങ്ഗലം ॥ 16॥

ഇതി സദ്ഗുരുശ്രീത്യാഗരാജസ്വാമിനഃ ശിഷ്യയാ ഭക്തയാ

പുഷ്പയാ കൃതം
ശ്രീശ്രീവിദ്യാസ്തോത്രം ഗുരൌ സമര്‍പിതം ।
ഓം ശുഭമസ്തു ।