Banghay-Aralin Sa Edukasyon Sa Pagpapakatao 3

Unang Markahan
Ikaapat na Linggo
Aralin 4: Matatag ako, Kaya kong Gawin!

I. LAYUNIN
A. Pamantayang Pangnilalaman
Naipamamalas ang pag-unawa sa kahalagahan ng sariling
kakayahan,pagkakaron ng tiwala, pangangalaga at pag-iingat sa sarili tungo sa
kabutihan at kaayusan ng pamilya at pamayanan. CG pahina 40

B. Pamantayang sa Pagganap
Naipakikita ang natatanging kakayahan sa ibat-ibang kakayahan sa iba’tibang
pamamaraan nang may tiwala, katapatan at katatagan ng loob. CG pahina 40

C. Mga Kasanayan sa Pagkatuto

Napahahalagahan ang pagkilala sa kayang gawin ng mag-aaral sa kayang
gawin ng mag-aaral na sumusukat sa kanyang katatagan ng loob tulad ng pagtanggap
sa puna ng ibang tao sa mga hindi magandang kilos at gawi at pagbabago ayon sa
nararapat na resulta. EsP3PKP-Id-17

II. NILALAMAN
Paksang Aralin: Aralin 4: Matatag Ako, Kakayanin kong Gawin!
Batayang Pagpapahalaga: Katatagan ng loob (fortitude)
KAGAMITANG PANTURO
A. Sanggunian
1. Mga Pahina sa Gabay ng Guro, mga pahina15- 18
2. Mga Pahina sa Kagamitang Pang- Mag-aaral, mga pahina 24- 31
3. Mga Pahina sa Teksbuk
4. Karagdagang Kagamitan mula sa Portal ng Learning Resources

B. Iba pang Kagamitang Panturo

Lapis, Sagutang-papel, Show me the board, Lakip blg.1, Lakip blg.2

UNANG ARAW
ALAMIN NATIN
III. PAMAMARAAN
A. Balik-Aral sa nakaraang aralin at/o pagsisimula ng bagong aralin
Bilang isang bata, paano ninyo napatunayan na matatag ang loob ninyo?
Sagutan ang Gawain 1 sa pahina 24.
 Gawain 1
Basahin ang mga pangungusap. Isipin kung alin sa sumusunod ang
nangangailangan ng iyong katatagan. Isulat sa papel ang iyong kasagutan.

1. Hinahamon ka ng away ng iyong kamag-aaral.

2. Magpapabakuna ka laban sa isang epidemya o sakit.
3. Magwawalis ka ng bakuran.
4. Sasagot ka sa mahirap na tanong ng guro.
5. Mag-aalaga ka ng halaman.
6. Sasawayin mo ang mga maling ginagawa ng iba.
7. Maglalaro ka sa labas ng bahay kahit umuulan.
8. Matutulog ka nang mag-isa kung gabi kahit wala kang katabi.
9. Makikipag-usap ka sa punong-guro tungkol sa paglahok sa isang
kontes sa labas ng paaralan.
10. Makikipaglaro ka sa iyong mga kababata.

B. Paghahabi sa layunin ng aralin

Learning Barkada( pair)

Gamit ang show me board pasulatin ang bata ng 2 -3 tanong na nais nilang
malaman sa aralin.

C. Pag-uugnay ng mga halimbawa sa bagong aralin

Itanong:
Madalas ba kayong mapuna ng inyong magulang sa inyong maling gawi?
Ano ang nararamdaman mo sa tuwing napupuna ang iyong maling gawi?
Basahin ang mga pangungusap sa Gawain 1 sa pahina 24 sa kagamitan ng
mag-aaral. Isipin kung nangangailangan ito ng iyong katatagan.
Magbigay ng mga damdamin na nagpapakita ng katatagan ng loob.
Ano-ano naman ang kaya mo nang gawin nang walang pangamba o takot?

D. Pagtalakay ng bagong konsepto at paglalahad ng bagong kasanayan #1

Talakayin ang sagot ng mga bata sa Gawain 1. Sa pagtalakay ng mga sagot
ng bata, makabubuting maipaliwanag nila ang ibig sabihin ng katatagan ng loob.
Iproseso ang kasagutan ng mga bata. Bigyang- halaga o pansin ang
kahalagahan ng pagtanggap sa puna ng ibang tao sa pagkakamali o hindi
magandang kilos o gawi.

F. Paglinang sa Kabihasaan ( Tungo sa Formative Assessment)

Itanong:
Ano ang dapat ninyong gawin kapag pinupuna ng inyong magulang ang
inyong maling gawi?
G. Paglalapat ng mga aralin sa pang-araw-araw na buhay
Ano ang gagawin mo kapag pinagsabihan o pinuna ka ng ibang tao sa
iyong masamang gawi ? Bakit? (Magbibigay ng mga sitwasyon ang guro)
H. Paglalahat ng Aralin
Bakit mahalagang tanggapin natin ang puna at pagtatama sa mga hindi
magandang kilos at gawi natin ng ibang tao?
I.Pagtataya ng Aralin
Pasalita
Ano ang natutuhan mo sa aralin?

J. Karagdagang gawain para sa takdang-aralin at remediation

Tanungin ang mga kasama sa bahay kung ano ang mga gawa o ugali mo na
dapat mong baguhin. Tanggapin ito nang maluwag sa iyong dibdib. Ilista ito sa iyong
kuwaderno at isulat kung paano mo ito babaguhin.

Ikalawang Araw

ISAGAWA NATIN
III. PAMAMARAAN
A. Balik-Aral sa nakaraang aralin at/o pagsisimula ng bagong aralin
Talakayin ang takdang- aralin.( Hayaang magbahagi ang mga mag-aaral
ng kanilang mga takdang aralin.)

B. Paghahabi sa layunin ng aralin

Ilahad ang layunin ng aralin.

E.Pagtalakay ng bagong konsepto at paglalahad ng bagong kasanayan #2

Babasahin ang diyalogo sa pahina 25-26
Gawain 1
Nagbago Dahil sa Tamang Puna
Oras ng rises. Pinalabas na ng kanilang guro ang mga mag-aaral sa
ikatlong baitang pangkat Rosas. Nakapila ang klase subalit si James at Robert
ay hindi pumila. Nag-uunahan silang tumakbo sa labas.

James : Dalian mo Robert! Mauunahan tayo ng iba sa pilahan sa

kantina!
Robert: Sige, sabay tayo! Baka tayo maubusan.
(At nag-unahan silang tumakbo sa kantina)
Robert: Ano ba ang bibilhin mo?
James: Ang gusto ko ay pansit at sago. Ikaw?
Robert: Banana cue at juice.

(Hindi nila napansin si Gng. Gonzales kaya nabunggo nila ito. Agad silang
pinigil ni Gng. Gonzales.
Gng. Gonzales: Mga bata, tigil muna kayo. Hindi ba ninyo nabasa ang
Nakasulat na paalaala na nakapaskil sa pader?
 Bawal tumakbo sa pasilyo ng mga gusali.
Baka kayo madulas at maaksidente.
Dapat ninyo itong sundin para maiwasan ang
anumang aksidente at makasakit ng ibang tao.
James at Robert: (Hiyang-hiya) Sori po, Ma’am. Nagmamadali lang po
kami. Hinding-hindi nap o kami uulit.
Simula noon ay lagi nang pumipila ang dalawa kapag lumabas ng silid-
aralan kasama ng kanilang kamag-aaral. At lahat ng tuntunin sa paaralan ay
kanila nang sinusunod.

Sagutin ang mga tanong tungkol sa diyalogo sa pahina 26

1. Sino ang pumuna sa maling gawi nina Robert at James?

2. Anong mga katangian ang ipinakita ng mga bata na magpapatunay
matatag ang kanilang kalooban lalo na nang kausapin sila ng kanilang
guro?
3. Patunayan na ang puna na ibinigay ng guro sa dalawang bata ay
epektibo.
4. Bakit mahalaga ang pagtatama sa mga maling gawi at asal?
5. Kung ikaw, ang isa sa mga mag-aaral,ano ang iyong mararamdaman
kapag tinatama ka ng iyong guro? Ipaliwanag.

F. Paglinang sa Kabihasaan (Tungo sa Formative Assessment)

1. Pangkatin ang mga mag-aaral ng may anim hanggang walong (6-8) kasapi
ang bawat pangkat.
2. Papiliin ng lider ang bawat pangkat.
3. Bigyan ng pagkakataon na pag-aralan at talakayin ng bawat pangkat ang
kalagayan sa Kagamitan ng Mag-aaral.
G. Paglalapat ng mga aralin sa pang-araw-araw na buhay
Sagutin ang mga tanong sa pahina 27.
1. Anong proyekto ang ipinagagawa ni Gng. Magbuhat?
2. Bakit pinahahalagahan ng mga bata ang mga puna at mungkahi ng
Kanilang guro?

H. Paglalahat ng Aralin

Ano ang dapat tandaan kapag pinupuna kayo sa inyong maling gawi?

I. Pagtataya ng Aralin
Sa iyong palagay, ang pagtanggap ba sa mga puna at pagsunod sa mga
mungkahi ng mga nakatatanda tulad ng guro ay nagpapamalas ng katatagan
ng loob? Ipaliwanag

J. Karagdagang gawain para sa takdang-aralin at remediation

Ikatlong Araw

ISAPUSO NATIN
III. PAMAMARAAN

A. Balik-Aral sa nakaraang aralin at/o pagsisimula ng bagong aralin

Magbalik- aral sa mga gawaing nagpapakita ng katatagan ng loob.
B. Paghahabi sa layunin ng aralin
Ilalahad ang layunin sa araw na ito.
F. Paglinang sa Kabihasaan (Tungo sa Formative Assessment)
Basahin ninyo ang sitwasyon sa pahina 28 sa kagamitan ng mag-aaral.
Sitwasyon: Dumating ang mga kamag-aaral ni Ana sa bahay. Inilabas niya
ang kahon ng laruan at naglaro sila. Matapos maglaro ay umuwi na sila.
Naiwang nakakalat ang mga laruan at si Ana naman ay nanood ng palabas
mula sa telebisyon. Dumating ang kaniyang kuya at pinagsabihan si Ana.
Ipinaliwanag ng kaniyang kuya ang kaniyang dapat gawin kung sakaling tapos
na ang kanilang paglalaro.

Magkaroon ng masusing talakayan tungkol dito at pag-usapan ang nararapat

gawin. ( Bigyang diin ang kasabihang “ Ang taong marunong tumanggap ng
papuri ay dapat na marunong din tumanggap ng puna upang makamtan ang
tunay na pagbabago”.
Sagutin ang mga tanong tungkol sa sitwasyon sa pahina 28 ng LM
1. Bakit pinagsabihan ni Kuya si Ana?
2. Tama ba na iwanan ni Ana at mga kalaro niya na nakakalat ang mga
laruan? Bakit?
3. Ano ang dapat ginawa ni Ana bago nanood ng telebisyon?

G. Paglalapat ng Aralin

Magbibigay pa ng mga sitwasyon na nakasusubok ng katatagan ng loob

ang guro at sasabihin ng mga bata kung ano ang dapat maging damdamin at
gawin sa bawat sitwasyon.

H. Paglalahat ng Aralin
Isulat sa graphic organizer ang mga dapat gawin.

I. Pagtataya ng Aralin
 Lakip blg. 1

Punan ang patlang.

1. Nasusubok ang katatagan ng ating loob sa pamamagitan ng

__________________ sa puna ng ibang tao at pagtatama sa mga
_____________ kilos at gawi bilang tao.
2. Ang taong marunong tumanggap ng ______________ ay dapat na
marunong ding tumanggap ng ____________ upang makamtan ang tunay
na pagbabago.

J. Karagdagang gawain para sa takdang-aralin at remediation

Ikaapat na Araw

ISABUHAY NATIN

III. PAMAMARAAN

A. Balik-Aral sa nakaraang aralin at/o pagsisimula ng bagong aralin

Magbalik- aral sa pag-unawa sa kahalagahan ng pagtanggap ng puna.

B. Paghahabi sa layunin ng aralin

Ngayon ay magkakaroon tayo ng maikling dula-dulaan tungkol sa
kung paano tatanggapin ang iba’t ibang puna.

G. Paglalapat ng mga aralin sa pang-araw-araw na buhay

Gawin ang Isabuhay Natin na nasa pahina 30
Kumuha ka ng iyong kapareha at pag-usapan ang sumusunod na
kalagayan. Maaaring iguhit o isulat ang inyong gagawin kung paano tatanggapin
ang iba’t ibang puna. Gawin ito sa inyong kuwaderno.
1. Pinagsabihan ka ng iyong kaibigan dahil palagi mong kinukuha ang
lapis ng hindi ka nagpapaalam.
2. Sinabihan ka ng guro mo na magbasa ka palagi pagkatapos ng klase.
3. Pinagsabihan ka ng ate mo na dapat magpakita ng paggalang habang
nakikipag-usap sa mga nakatatanda.
4. Kinausap ka ng iyong guro at sinabihan na dapat palaging maligo bago
pumasok sa paaralan.
5. Pinaalalahanan ka ng iyong nanay dahil palagi mong inaaksaya ang
tubig ng iyong kuya.

H. Paglalahat ng Aralin

Ipabasa ang Tandaan Natin at ipaunawa sa mga bata ang mensahe nito.

Tandaan Natin
Nasusubok ang katatagan n gating loob sa pamamagitan ng:
 pagtanggap sa puna ng ibang tao at pagtatama sa mga hindi
magandang kilos, gawa at gawi bilang tao.
 pagtatama sa mga maling nagawa at pagsasakatuparan ng mga
pagbabago mula sa mga mungkahi upang lalo pa itong mapaganda
at mapabuti.
 Isa sa kasabihan ng mga nakatatanda ay ito: Ang pinakamagandang silid
sa mundong ito ay ang silid ng pagbabago at pag-unlad. Ang katatagan ng ating
loob ay maipakikita ng isang tao sa pamamagitan ng payapang pagtanggap ng
puna at papuri sa ating buhay. Ang taong marunong tumanggap ng papuri ay
dapat na marunong ding tumanggap ng puna upang makamtan ang tunay na
pagbabago.

I. Pagtataya ng Aralin
Tingnan ang Lakip Blg. 2

1. Isulat ang mga naging puna sa iyo ng mga naging guro, mga magulang, iba
pang kasambahay at kaibigan sa loob ng kahon na itinuturing mong regalo
sa iyo sapagkat ito’y makatutulong sa iyong pagbabago.

2. Pumili ka ng isa sa mga pumuna sa iyo at gumawa ka ng sulat na

nangangako na babaguhin mo na ang iyong maling gawi.

J. Karagdagang gawain para sa takdang-aralin at remediation

Pagninilay:
Lakip blg. 3
Punan ang patlang

Ako si ______________________ ay nangangakong hindi na muling gagawin

ang mga sumusunod na maling kilos o gawi para sa pag-unlad ng aking sarili.

____________________________
Lagda

Ikalimang Araw

SUBUKIN NATIN
III. PAMAMARAAN

A. Balik-Aral sa nakaraang aralin at/o pagsisimula ng bagong aralin

Muling balikan ang kahalagahan ng pagtanggap sa mga puna ng ibang tao
tungkol sa hindi magandang gawi o kilos.

B. Paghahabi sa layunin ng aralin

Sa araw na ito ay ating susukatin ang natutuhan ninyo sa araling ito.
H . Paglalahat ng Aralin
Muling balikan ang mga konseptong natutuhan sa loob ng isang linggo.

I. Pagtataya ng Aralin

Sagutin ang tseklist sa pahina 31 sa kagamitan ng mag-aaral.

 Sipiin sa inyong papel. Lagyan ng tsek (/) ang angkop na hanay ng iyong
sagot.

Ginagawa mo ba ang mga ito? Palagi Bihira Hindi

1. Tinatanggap nang maluwag sa loo
bang puna ng ibang tao sa iyong
mga natapos na gawain
2. Tinatanggap nang maluwag sa loo
bang puna sa iyong naging gawi.
3. Nagkakaroon ng pagbabago sa gawa
at gawi dahil sa puna.
4. Binabago ang isang Gawain kapag
napagsabihang hindi ito
nakasusunod sa pamantayan.
5. Naghahangad na higit na mapabuti
ang anumang gawa o gawi.

J. Karagdagang gawain para sa takdang-aralin at remediation

Sa tatlong pangungusap, ipaliwanag kung bakit kailangan nating
tanggapin ang mga puna ng ibang tao tungkol sa ating mga maling kilos o gawi?

IV. Mga Tala

V. Pagninilay

A. Bilang ng mga Mag-aaral na nakakuha ng 80% sa pagtataya

B. Bilang ng mga mag-aaral na nangangailangan pa ng Remediation o iba pang

Gawain.

C. Nakatulong ba ang remedial? Bilang ng mag-aaral na nakatulong sa aralin.

D. Bilang ng mag-aaral na magpapatuloy sa remediation.

E. Alin sa mga estratehiya ang nakatulong ng lubos? Paano ito nakatulong?

F. Anong suliranin ang aking naranasan na nasolusyonan ng aking punong guro at

superbisor?

G. Anong kagamitang Panturo ang aking nadibuho na nais kong ibahagi sa mga
kapwa ko guro?