ANTAS NG PAGKATUTO NG MGA HENERASYON Z SA TRADISYUNAL

AT MODERNONG PAGTUTURO
Fajardo, Jenela Marie V.
Puroc, Aubrey Claire T.

Abstrak

Ang pag-aaral na ito ay isang pag susuri sa Antas ng pagkatuto ng mga

henerasyon Z sa Tradisyunal at Modernong Pagtuturo. Ang layunin ng
pananaliksik na ito ay upang mabatid kung ano ang mas mabisang
pamamaraan ng pagkatuto para sa mga henerasyong Z. Ang papel na ito ay
Kwantitatibong Pananaliksik sa pamamaraang Deskriptibo-Komparatib
Relasyunal. Limampung (50) mag aaral na ang edad ay pasok sa
kategoryang henerasyon Z sa unang taon ng kolehiyo na may kurso sa
larangan ng Medisina sa Metropolotan Medical Center College of Arts Science
and Technology ang pangunahing respondent. Ang mga makakalap na datos
gamit ang talatanungan (survey questionnaire) ay pagsasama samahin at
aanalisahin upang maging tugon sa pag-aaral.
Proposal: Nais ilahad ng pananaliksik na ito ang epektibong pamamaraan ng
pagkatuto para sa mga henerasyong Z. Ang mga mananaliksik ay gagamit
ng talatanungan sa limampung estudyate na pasok ang edad sa kategoryang
Gen Z sa Medisina upang mangalap ng impormasyon na siyang magiging
datos upang maging kasagutan sa nasabing pananaliksik.

Pangunahing mga salita: Antas, pagkatuto, Tradisyunal, Moderno,

Henerasyon Z/Generation Z

Introduksyon

Isa sa pinaka adhikain ng mga guro ay ang matagumpay na pagtuturo

at pagkatuto ng mag-aaral. Kinakailangan maipahayag ng mabuti ang

kaalamang nais ipabatid sa mga mag-aaral kung kayat malaki ang epekto ng

pamamaraang gagamitin sa pagtuturo upang lubos na maunawaan ang

impormasyong nais ibahagi ng guro sa kanyang mga mag-aaral. Ang

gagamiting paraan sa pagtuturo ay maaaring maging tulay upang mapadali

at mapagaan ang pag proseso ng mga kaalaman. Maraming pag babago ang
nangyayari sa larangan ng edukasyon maging ang mga pamamaraan ng

pagtuturo ay nag iiba sa paglipas ng panahon. Malaki ang pinagbago ng

pamamaraan ng pagtuturo sa mga lumipas na taon. Ang tradisyunal na

pagtuturo ay ginagamit pa rin hanggang ngayon. Ito ay naka pokus sa

"recitation" halimbawa, habang ang isang estudyante ay nagsasalita, ang iba

ay tahimik na nakikinig at nag aantay ng oras ng kanilang pag sagot.

Hanggang sa ang lahat ay matapos. Ang guro ay makikinig sa bawat mag-

aaral at sa dulo ay magkakaroon ng pagsusulit o takdang aralin. Sa kabilang

banda, ang modernong pagtuturo naman ay naka pokus sa interaksyon ng

bawat isa. Ang ganitong pagtuturo ay binibigyang diin ang pakikihalubilo sa

loob ng klase. Mayroon itong demonstrasyon, tanungan, pagpapaliwanag, at

kolaborasyon. Sa ganito ay mas nagiging produktibo ang bata (Stephen

Pears Foudation, 2017). Ang pagbabagong ito'y nagsisilbing hamon sa antas

ng pag katuto ng mga mag-aaral. Ang pagtuturo at mabisang pagkatuto ay

nangangailangan ng naangkop o tamang kaalaman at estilo. Nagbago na

ang panahon sa "blackboard at chalk". Hindi natin maikakaila ang malaking

ambag nito sa mga guro na mas nahihikayat nila ang mga mag-aaral na

makisali sa diskursyon. Ayon kay Silcock at Brundent (2001) ang student

centered learning ay isang paraan kung saan ang guro ay nagsisilbing gabay

sa pagkatuto at ang mga estudyante ay nagkakaroon ng diskursyon. Isa sa

pinaka madaling paraan ng pagkatuto sa loob ng silid-aralan ay ang

pagkakaroon ng komunikasyon ng estudyante at guro. Naglalayon itong mas

mapabuti ang kalidad ng pagtuturo. Ayon naman kay Banks (2000) , ang

pagtuturo ay isang aktibong proseso kung saan ang isang tao ay nakikipag
talastasan sa iba upang makakuha at makapag bigay ng impormasyon sa

isat-isa na mag re resulta ng pag babago sa ugali. Alinsunod dito, Ayon kay

Rather (2004) ang pagtuturo ay tripartite process na kinabibilangan ng guro,

estudyante, at estilong ginamit sa pagtuturo na nag reresulta sa

pagbabagong behavioral ng estudyante.

Ayon kay Aaron Moses Villareal mahigit isang dekada na nang

aprubahan ang programang Education for all 2015 (EFA 2015) ng

pamahalaan sa ilalim ng pamamahala ng Department of Education subalit

hanggang ngayon ay hindi parin tuluyang nararamdaman ang positibong

epekto nito sa lipunang Pilipino. (binanggit sa (Press Reader, 2017), Ang EFA

2015 ay binuo upang magkaroon ng pangkalahatang reporma na

naglalayong maitaas ang kalidad ng basic education ng bawat Pilipino sa

taong 2015. Layunin nito na maikasa ang karapatan ng lahat na makamtam

ang mga pangunahing pangangailangan sa pagkatuto o basic learning needs

(BLN) gaya ng kakayahan sa pagbasa, pagbilang, pagpapahayag, pagbigay

ng solusyon sa problema gayundin ang pangunahing konsepto sa kaalam

tulad ng kakayahan (skills), pagpapahalaga (values), at pag-uugali (attitude)

na siyang mahalang kinakailangan ng isang indibidwal upang mamuhay ng

matiwasay, makisalamuha at umunlad sa lahat ng aspeto ng may kaakibat

na karapatang dignidad bilang tao.

Ang pangunahing dahilan kung bakit nais pag-aralan ng mga

mananaliksik ito ay dahil ang Edukasyon ay importanteng sangay na naka

aapekto sa lahat ng mamamayan lalo na sa isang bansa at nasyon sa

kadahilanang malaki ang ambag nito sa pag papaunlad at progreso ng isang

bansa. Lalo na sa Pilipinas, ayon sa pagsisiyasat ng Functional Literacy,

Education and Mass Media Survey (FLEMMS) noong 2003 (binanggit sa

(PressReader, 2017), siyam na milyong Pilipino- 10 hanggang 64 taong

gulang ang hindi "functionally literate" o halimbawa hindi marunong

magbilang at hindi nakakaunawa ng malalim na isyu. Marami rin ang hindi

nakakabasa at nakakapaglahad ng kanilang sariling saloobin dahil sa

kakulangan sa pag unawa. At kamakailan lamang, ayon sa resulta ng

Program International Student Assessment (PISA) na isinagawa noong

Disyembre 3, 2019 isiniwalat na ang Pilipinas ay umiskor ng 353 sa

matematika, 357 sa agham, at 340 sa pagbabasa, lahat ay medyo mababa

sa pangkaraniwan sa mga kalahok na mga samahan ng Organisasyon para

sa Economic Co-operasyon at Development (OECD). Kahit napakalaking

badyet ang iginugol ng pamahalaan para sa basic education. Lumalabas na

mababa pa rin ang antas ng kaalaman ng karamihang Pilipino. Isa itong

nakaaambang problema sa larangan ng edukasyon ng Pilipinas na

nangangailangang matugunan. Sa kabila ng maayos na pagtuturo ng mga

guro ito’y hindi parin sapat upang matugunan ang mga pangagailangan ng

mga studyante, dahil ang mga tao ay may ibat-ibang paraan ng pagkatuto.

Nabuo ang konsepto ng pag aaral na ito dahil rin sa iba pang kadahilanan

nais ng mga mananaliksik na alamin kung mas natututo ba ang mga

Henerasyong Z sa tradisyunal na paraan ng pagtuturo o sa Moderno. Nais rin

ng mga manananliksik na pag-aralan ang epekto ng tradisyunal at

modernong pagtuturo sa pag-aaral ng mga Henerasyong Z. Ang

kasalukuyang kalagayan ng bansa na patuloy na paghihikahos ay bunga ng

mababang antas ng kaalaman ng mga Pilipino.

Ang pag-aaral na ito ay maaring makatulong na punan ang isyu sa

edukasyon kung anong estilo ang nababagay sa mga henerasyon Z na mag

aaral. Maaari itong maging batayan o gabay sa pagtuturo upang mas maging

epektibo ang pagkatuto ng mga mag-aaral. Gamit din ang pananaliksik na

ito, maaring maging daan ito upang maging bukas sa pagbabago sa

kurikulum, sa malikhaing pagtuturo. Lalo na at kinakailangan din na

makasabay ang sistema sa napapanahong pagbabago sa Edukasyon. Ang

pagtuturo ay isang proseso na nagbabago kung kaya’t nararapat lamang na

makasabay ito sa kultural, sosyal, politikal, at teknolohikal na pagbabago na

nangayayari sa kasalukuyan. Ang pag-angat sa katunayang malungkot na

estado ng edukasyon sa bansa ay hindi lamang responsibilidad ng

pamahalaan kung hindi ng lahat ng may malasakit sa bansang ito.

Pagpapahayag ng Suliranin

Ang pananaliksik na ito ay pumapatungkol sa Antas ng pagkatuto ng mga

henerasyon Z (1997-2012) sa Tradisyunal at modernong pagtuturo.

Nilalayon nitong sagutin ang mga sumusunod na suliranin;

1. Saan mas higit na natututo ang mga henerasyon Z ,

Tradisyunal o Modernong pagtuturo?

2. Papaano nakaaapekto sa pag-aaral ng mga henerasyon Z ang

tradisyunal at modernong paraan ng pagkaturo?

3. Ano ang mas epektibong paraan ng pagtuturo para sa mga henerasyon

Z?
Pamamaraan ng Pananaliksik

Ang pag-aaral na ito ay Kwantitatibo sa pamamaraang Deskriptibo-

Komparatib Relasyunal. Limangpung (50) estudyante na ang edad ay pasok sa

kategoryang henerasyon Z (1997-2012) sa unang baitang ng kolehiyo na

nabibilang sa larangan ng Medisina, sa paaralang Metropolitan Medical Center

College of Arts, Science and Technology. Ang gagamiting instrumento sa

pangangalap ng datos ay talatanungan (survey questionnaire) gamit ang

quota sampling technique. Ang pangongolekta ng datos ay sa pamamagitan

ng frequency at ang nga ito ay iinterpretahin ng mga mananaliksik. Ang mga

kasagutan ay pagsasama-samahin upang maging tugon sa pag-aaral.

Mga Sanggunian

Banks, T. (2000). Teaching learning process. Center for Aide Regulation and

education. North Carolina

Mocon-Ciriaco, C. (2019, Disyembre 6). DepEd vows to improve quality of

education after PISA showing. Mula sa https://businessmirror.com.ph

Rather A. R. (2004). Essentials Of Instructional Technology. Publisher,

Discovery Publishing House

Silcock, T. (2011). Project Based Learning. Teacher Librarian, 39(2), 38-42.

Brundent, B. Metodologjia mësimore (2014, 278)

Stephen Perse Foundation. (2017, Hulyo 7). Teaching Methods: Traditional

vs Modern. Mula sa https://sixthform.stephenperse.com

Villareal, A. M. F. (2017, Disyembre 9). Ang Kasalukuyang kalagayan ng

edukasyon sa pangkalahatang Pilipino. Mula sa https://www.press

reader.com