D E P A R T M E N T O F E D U C A T I O N

SAN ROQUE NATIONAL HIGH SCHOOL

B A N D I L Y O :
Alang sa tanang mga ginikanan sa among mga tinun-an sa SAN ROQUE
NATIONAL HIGH SCHOOL, Barangay San Roque, Macrohon, Southern Leyte.
Among ipahibalo na magsugod na ang pagpanghatag sa mga modules karong
Setyembre 20, 2021, buntag sa adlaw nga Lunes.

Bisan pa sa hadla sa atong seguridad nianing nagka grabe na nga mga

kaso sa COVID, giduso ang direktiba gikan sa atong Division Superintendent ug
gikauyonan sa mga opisyales sa DepEd Macrohon District nga ipadayon gihapon
ang pagpanghatag sa mga modules sa atong mga kabataan. Hinuon, ang
pamaagi sa pagpang hatag sa mga modules adunay kabag-ohan kumpara sa
miaging tuig isip pagtuman sa health protocol nga gidason sa atong
kagamhanan.

Isip usab sa pagpanalipod sa mga teachers sa posibleng pagka expose sa

maong virus. ang mga modules ipahiluna sa atong mga magtutudlo diretso sa
Barangay Hall ug dili na personal nga madawat sa mga ginikanan. Ubos sa
presensiya sa matag Chairperson sa Edukasyon sa matag barangay, ang maong
mga modules ipahimutang sulod sa mga boxes nga igahin sa mga teachers sa
kada barangay. Wala nay mga ginikanan nga mo direkta ug kuha/hatag sa mga
modules ngadto sa mga teachers aron malikayan ang pagkuyanap sa naasoy nga
COVID diin daghan na ang nakalas nga kinabuhi tungod niini. Ang mga
natubagan na nga mga modules ug andam na sa pagpasa, ihatod dayon sa
barangay hall ug ipahimutang sa mga giandam nga mga boxes.

Ang pagpanghatod ug pagkuha sa mga modules pagahimoon matag Lunes

sa buntag. Among ikapasalig kaninyo nga adunay mga lakang ang atong
eskwelahan kun adunay aberya nga mahitabo panahon sa pagpanghatag ug
pagpangkuha sa mga modules.
 Hinumdumi ug timan-I nga kamo mga ginikanan ang among kaakibat ug
katuwang sa atong eskwelahan. Yayungan nato, magtinabangay kita tungod ug
alang sa kaayuhan ug kalampusan sa inyong mga anak, para sa atong mga
kabataan.

Daghang salamat ug kita magapadayon sa atong pagpanglimbasog para sa

saktong edukasyon.

Matinahuron,

LITO M. SERENIO
School Head

Prepared by:

ROUMAR M. CATIGAN____
Teacher’s Organization President