7

PANGALAN:_____________________________________
BAITANG/SEKSYON:___________________________
____

EDUKASYON
SA PAGPAPAKATAO
Kwarter I – Linggo 4
Mga Aspekto ng Sarili

CONTEXTUALIZED LEARNING ACTIVITY SHEETS

SCHOOLS DIVISION OF PUERTO PRINCESA CITY
Edukasyon sa Pagpapakatao - Baitang 7
Contextualized Learning Activity Sheets (CLAS)
Kwarter I– Linggo 4: Mga Aspekto ng Sarili
Unang Edisyon, 2021

Isinasaad sa Batas Republika 8293, Seksiyon 176 na: Hindi maaring magkaroon ng
karapatang-sipi sa anomang akda ng Pamahalaan ng Pilipinas. Gayunpaman, kailangan
muna ang pahintulot ng pamahalaan o tanggapan ng pamahalaan na naghanda ng akda
kung ito ay pagkakakitaan. Kabilang sa mga maaaring gawin ng nasabing ahensiya o
tanggapan ay ang pagtakda ng kaukulang bayad.

Ang mga akda (kuwento, seleksyon, tula, awit, larawan, ngalan ng produkto o brand
names, tatak o trademarks, palabas sa telebisyon, pelikula atbp.) na ginamit sa
Contextualized Learning Activity Sheets na ito ay nagtataglay ng karapatang-ari ng mga
iyon. Pinagsumikapang matunton ang mga ito upang makuha ang pahintulot sa paggamit
ng materyales. Hindi inaangkin ng mga tagapaglathala at mga may-akda ang karapatang-
aring iyon. Ang anomang gamit maliban sa Contextualized Learning Activity Sheets na ito
ay kinakailangan ng pahintulot mula sa mga orihinal na may-akda ng mga ito. Walang
anomang parte ng materyales na ito ang maaaring kopyahin o ilimbag sa anomang paraan
nang walang pahintulot ng Kagawaran.
Inilathala ng Dibisyon ng Lungsod ng Puerto Princesa

Bumuo sa Pagsusulat ng Contextualized Learning Activity Sheets

Manunulat: Jane M. Toriaga

Pangnilalamang Patnugot: Shirley F. Lilang EPS-EsP, Nelda B. Caasi,
Marjorie E. Labrador, Lucille F. Magnetico
Editor ng Wika: Shirley F. Lilang EPS-EsP, Liwayway K. Cajegas, Luz L. Javarez
Tagawasto: Shirley F. Lilang EPS-EsP, Liwayway K. Cajegas
Tagasuri: Shirley F. Lilang EPS-EsP
Tagaguhit: Jane M. Toriaga, Marjorie E. Labrador, Lucille F. Magnetico
Tagalapat: Jane M. Toriaga, Lucille F. Magnetico
Tagapamahala: Servillano A. Arzaga CESO V SDS
Cyril C. Serador PhD CID Chief
Ronald S. Brillantes EPS-LRMS Manager
Shirley F. Lilang EPS- EsP
Eva Joyce C. Presto PDO II
Rhea Ann A. Navilla Librarian II
Pandibisyong Tagasuri ng LR: Sylvia S. Javarez, Director, Sentro ng Wikang
Kultura (Palawan State University), Ronald S. Brillantes, Mary
Jane J. Parcon, Armor T. Magbanua, Maricel Zamora, Charles
Andrew M. Melad,Glenda T. Tan at Joseph Aurello

Division of Puerto Princesa City-Learning Resource Management Section (LRMS)

Sta. Monica Heights, Brgy. Sta. Monica, Puerto Princesa City
Telephone No.: (048) 434 9438
Email Address: puertoprincesa@deped.gov.ph
 Aralin 4
Mga Aspekto ng Sarili

MELC: Natutukoy ang mga aspekto ng sarili kung saan kulang

siya ng tiwala sa sarili at nakikilala ang mga paraan kung paano lalampasan ang
mga ito. EsP7PS-Ic-2.2
Mga Layunin:
1. Naiisa-isa ang mga aspekto ng sarili.
2. Natutukoy ang mga aspekto ng sarili kung saan kulang ang tiwala sa sarili.
3. Nakikilala ang mga paraan kung paano malalampasan ang kakulangan ng
tiwala sa sarili.

Subukin Natin
Panuto: Basahin at unawaing mabuti ang bawat pahayag. Isulat sa patlang ang letra ng
tamang sagot.

_________1. Ang sumusunod ay aspekto ng sarili MALIBAN sa

A. Emosyonal B. Ispirituwal C. Political D. Pisikal

_________2. Ano ang tawag sa paniniwala sa sariling kakayahan at matatapos ang isang
gawain nang may kahusayan?
A. hilig B. talento C. kakayahan D. tiwala sa sarili
_________3. Magkaedad sina Myrna at Sarah. Ngayong nasa ikapitong baitang na sila ay
mas matangkad na si Sarah kay Myrna. Dahil dito ay nahihiya ng sumabay
si Myrna kay Sarah tuwing uwian. Anong aspekto ng sarili ni Myrna ang
kulang siya ng tiwala sa sarili?
A. Emosyonal B. Pisikal C. Ispirituwal D. Mental

_________4. Ang sumusunod ay mga paraan upang malampasan ang mga kahinaan
MALIBAN sa
A. maging positibo at lakasan ang loob.
B. hindi magpapaapekto sa sinasabi ng iba.
C. manalangin at humingi ng gabay sa Diyos.
D. tatangapin na lamang ang negatibong paghuhusga ng kapwa.

_________5.Alin sa sumusunod ang HINDI kabilang sa paraan upang malampasan ang mga
kakulangan ng pagtitiwala sa sarili?
A. Pagtanggap sa sarili.
B. Alamin at paunlarin ang angking talento at kakayahan
C. Tanggapin na lamang ang lahat ng kahinaan sa sarili.
D. Tibayan ang iyong kalooban at maging positibo ang pananaw sa buhay.

1
 Ating Alamin at Tuklasin

Paghawan ng Balakid
Ang Aspekto ng Sarili ay negatibong nakikita sa sarili na nagpapababa ng
kumpiyansa o tiwala sa sarili.
Ang tiwala sa sarili ay paniniwala sa sarili mong kakayahan na magagawa mo ang
isang gawain nang may kahusayan.

Tinalakay natin ang Teorya ng Mutiple Intelligences o iba’t ibang talento o talino ng
tao ayon kay Dr. Howard Gardner. Malinaw na ba sa iyo ang tamang kahulugan ng talento
at kakayahan? Ibinigay mo rin ba ang iyong naging saloobin at posisyon kaugnay sa
talenton at kakayahan?. Natatandaan mo pa ba ito?
Karamihan sa isang tinedyer na tulad mo ay nakararanas ng kakulangan ng
kumpiyansa sa sarili. Madalas ayaw makihalubilo sa kapwa tinedyer. Bagamat may mga
dahilan sila, nararapat na matutunan kung paano malampasan ang mga ito. Ano ang
napapasin mo sa iyong sarili na nagiging dahilan ng kawalan ng kumpiyansa sa sarili?
Nararapat na maging handa ka sa pagharap sa mga ito at gumawa ng paraan na
malampasan at mahubog ang pagkakaroon ng tiwala sa sarili.
Pakatandaan, ang taong walang kumpiyansa sa sarili ay tatanggapin na lamang
kung ano ang sasabihin ng iba at hahayaan na lamang na diktahan sila ng ibang tao.

Mga Aspekto ng Sarili

May mga tao na hindi kinikilalala ang sariling pagkatao at walang pagtanggap sa sarili.
May mga kakulangan at kahinaan sa sarili na nagiging hadlang sa kanyang
pagtatagumpay sa kadahilanang wala siyang kumpiyansa sa sarili.
Upang malampasan ang mga ito ikaw mismo ang gagawa ng paraan upang maging
matagumpay at mapaunlad ang sarili.
Ang Tiwala sa sarili ay paniniwala sa sarili mong kakayahan na magagawa mo ang
isang gawain nang may kahusayan.
Anu-ano ang mga aspekto ng sarili kung saan kulang ng tiwala sa sarili?

1. PISIKAL NA ASPEKTO
Ito ang pisikal na pangangatawang kadalasan ay
pinoproblema ng mga tinedyer dahil sa panlabas na
pangangatawan. Sa aspektong ito marahil ang isang tinedyer
na tulad mo ay madalas nakararanas ng kakulangan ng
kumpiyansa sa sarili dahil sa panlabas na pangangatawan
lalo na kapag kinukumpara mo ang iyong sarili sa ibang
tinedyer. Marahil ito ay dahil sa napapansin mo na
iba o higit ang kanyang pangangatawan o hitsura.
Ang iba ay dahil sa may kakulangan sa sarili o may kapansanan.

Minsan may mga katanungan ang isang tinedyer na tulad mo kung bakit higit na
matangkad ang iyong kasing edad na tulad ng iyong kasarian? Bakit maputi siya kaysa sa
iyo? At maraming tanong na “Bakit” ang tumatakbo sa iyong isipan kapag pisikal ang pinag-
uusapan. Pero hindi ka dapat panghinaan ng loob bagkus ito ay magsilbing inspirasyon
upang iangat ang sarili. Matutong mahalin ang iyong sarili at paunlarin ang mga kakayahan
upang mabuhay nang maayos at walang pangamba.
2
2. EMOSYONAL NA ASPEKTO
Sa aspektong ito nakararamdam ka ng awa sa sarili at
nakararanas ng kalaliman ng buhay lalo ng isang tulad mo.
Ito ay bahagi ng iyong pagkatao kung saan ang paghahangad
ng makahulugang pakikipag-ugnayan sa kapwa tinedyer.
Ang paghahangad na matanggap ng kapwa tinedyer sa
maayos at mabuting pakikipag-ugnayan. Ang pagiging
emosyonal ay nagiging parte ng buhay ng isang kabataang
tulad mo na iyong nararamdaman na may kaugnayan sa
iyong pisikal na pangangatawan.

Marahil ang isang tinedyer na tulad mo ay nakakaranas nang hindi magandang

ugnayan sa kapwa tinedyer ng tulad na kasarian. Tulad halimbawa ng hindi pagtanggap
ng kapwa tinedyer sa kanilang grupo na nagiging sanhi ng kakulangan ng kumpiyansa sa
sarili. Ilan sa nagiging epekto nito ang pakiramdam ng pagkahiya at malungkutin dahil sa
karanasang hindi malilimutan tulad ng pisikal at emosyonal na pag-aabuso , pambubulas
, at pagkakaroon ng mababang marka at iba. Dahil dito nagkakaroon ka ng pangamba sa
sarili.

3. MENTAL NA ASPEKTO
Ito ang isa sa mga dahilan na nagpapababa ng
pagpapahalaga sa sarili ng isang tinedyer sa sobrang pag-iisip
ng mga negatibo sa sarili o nangyayari sa sarili. Kung iyong
pababayaan ay maaaring humantong sa depresyon. Ang
pagpabababa ng pagpapahalaga sa sarili na kung saan
nakatuon ka sa mga negatibo dahil hindi napapansin ang
iyong mga magandang nagawa o hindi napahahalagahan
kapag ang nasa isip mo ay hindi ka magaling sa isang bagay
o gawain, nakararamdam ka ng kalungkutan , galit at hiya sa
sarili dahil kulang ng tiwala sa sarili sapagkat ang iyong kaisipan ay mga negatibo na
nakaaapekto sa iyong kalusugan kapag masyado kang nag-iisip ng negatibo sa sarili dahil
nawalan ka na ng gana sa anumang bagay.

4. ISPIRITUWAL NA ASPEKTO
Ang iyong buhay-pananampalataya o pananalig sa
Diyos kadalasan ang pananampalataya ng isang tinedyer
na tulad mo ay napapansin nating hindi nahuhubog sa
buhay mo bilang isang tinedyer. Maaaring dahil na rin sa
mga impluwensiya ng mga nangyayari o mga taong nasa
paligid mo. Nagiging mahina na ang iyong paniniwala sa
Diyos dahil sa mga hindi magandang pangyayari sa iyong
buhay. Kadalasan, hindi na natututong makipag-usap o
wala ng ugnayan sa Diyos dahil hindi nahubog sa iyong
pagkatao nagiging dahilan ng kakulangan ng pagtitiwala sa sarili.

Bilang isang kabataan, nararapat na matutong manalangin at tibayan ang

pananampalataya sapagkat ito ang iyong magiging sandata upang mamuhay ka nang
tahimik at maayos. Mahalaga ito sa buhay mo dahil mawawala ang iyong pangamba
sa buhay.

3
 Halika,ating alamin ang mga paraan upang malampasan ang mga kakulangan ng
pagtitiwala sa sarili.

1. Pagtanggap sa sarili. Makabubuti kung tatanggapin mo ng buo ang iyong sarili

sapagkat higit na magaan sa pakiramdam kapag tanggap mo , ano ka man at sino ka
man bilang isang tao. Dito mo mararamdaman ang kasiyahan at ganap na pagkakaroon
ng tiwala sa iyong sarili. Sa pamamagitan nito,kaya mong ipakita sa lahat ang iyong
angking talento at kakayahan. Magsilbing inspirasyon ang mga kahinaan upang
matulungan ang sariling umunlad. Laging isipin na ikaw ay nilikha ng Diyos na may
angking sariling kagandahan.
2. Alamin at Paunlarin ang angking Talento at Kakayahan. Mahalagang pinagtutuonan
ng pansin ang sariling talento at kakayahan sapagkat ito ay biyaya ng Diyos na
kailangan mong paunlarin sa pamamagitan nito ay makatutulong ito sa iyong sariling
pag-unlad at maabot mo ang iyong mga mithiin sa buhay at tiyak mararating mo ang
pagtatagumpay.
3. Tibayan ang iyong kalooban at maging positibo ang pananaw sa buhay. Higit na
nakatutulong ito sa iyo sapagkat kapag positibo ang iyong iniisip sa araw-araw ang
ang resulta ng iyong gagawin o ginawa ay mabuti o Matagumpay.
o matagumpay.
4. Manalangin at patatagin ang pananampalataya sa Diyos. Upang maging higit na matatag
sa mga pagsubok na kinahaharap o darating sa iyong buhay. Laging isipin ang lahat
na nangyayari sa iyong buhay ay may dahilan. Matuto kang makibahagi sa mga
gawaing-pangsimbahan at dito matututunan mong ilapit ang iyong sarili sa Diyos. Sa
gaanong paraan makatutulong ito sa iyo sa paglago ng iyong buhay ispirituwal.
5. Mahalin at tulungan ang sarili na maging kaaya-aya sa paningin ng iba. Matutong
mag-ayos ng sarili. Mahalaga na mahal mo ang iyong sarili sapagkat dito mo maipakikita
ang pag-aalaga sa iyong pagkatao. Matutong makilahok sa gawaing pampisikal tulad ng
pag-ehersiyo araw-araw , isports ,pagsasayaw ng zumba at kumain ng mga masusustan-
syang pagkain tulad ng gulay , prutas at isda upang maging malusog at maayos ang
pangangatawan at kaisipan.

(Pinagkunan: Aprilyn G. Miranda et al. Edukasyon sa Pagpapakatao 7, Pasig City:

Department of Education, 35-56)

4
 Tayo’y Magsanay

Gawain 1
Panuto: Ayusin ang mga nagulong letra sa ibaba upang makabuo ng mga salita na
nagsasaad ng aspekto ng sarili. Isulat sa patlang ang tiyak na sagot

___________1. L M T E A N
___________2. L I K S P A I

___________3. M L E O N O S Y A

___________4. W A L I P S I R I U T

Gawain 2
Panuto: Basahin at unawain ang mga pahayag sa ibaba at tukuyin ang aspekto
ng sarili. Piliin sa loob ng kahon ang tamang sagot at isulat ang letra sa nakalaang
patlang bago ang bilang.

A. ispirituwal na aspekto B. pisikal na aspekto C. mental na aspekto

D. nagpapabababa E. emosyonal F. pisikal

________1. Kadalasan, pinoproblema ng mga tinedyer ang ___________________ na

pangangatawan.

________2. Ito ang aspekto ng sarili na nagpapababa ng pagpapahalaga sa sarili dahil

sa sobrang pag-iisip ng mga negatibo sa sarili o nangyayari sa sarili.

__________3. ___________________ ay ang iyong pakikipag-ugnayan sa Diyos na kadalasan

ay hindi nahuhubog sa buhay ng isang tinedyer.

________4. Ang pagiging mahiyain na nararanasan ng karamihan sa mga tinedyer ay

isang halimbawa ng ____________________ na aspekto.

________5. Ang kadalasang pagkukumpara ng sarili sa katulad na kasarian ng panlabas

na pangangatawan ay tinatawag na _____________________.

Ano ang iyong naramdaman habang sinasagutan mo ang bawat sitwasyon

kaugnay sa Aspekto ng Sarili ?

5
 Ating Pagyamanin

Gawain 1
Panuto: Basahin at unawain ang bawat pahayag. Iguhit ang hugis bilog ( ) kung ito
ay nagpapahiwatig ng kakulangan ng tiwala sa sarili at hugis tatsulok ( ) naman
kung nagtataglay ng tiwala sa sarili.

_____ 1. Isang bulag ngunit boses ang naging puhunan ni Joan upang makakuha
ng libreng pag-aaral dahil sa kahusayan niya sa pagkanta.

_____ 2. Napakahusay sa paglalaro ng basketbol si Khen ngunit kahit kulang

sa tangkad ay laging nakikilahok sa palarong pampaaralan.
_____ 3. Maraming magagandang obra ang nilikha ni Jed dahil sa husay niya
sa pagpipinta ngunit nahihiya siya na ipaalam sa iba.
_____ 4. Magaling sumayaw si Francis ngunit ayaw niyang ipakita ito sa iba dahil sa
kanyang pisikal na pangangatawan.
_____ 5. May kahusayan sa pagsasayaw si Bea kaya palagi siyang lumalaban
sa iba’t-ibang paligsahan.

Gawain 2
Panuto: Basahin at unawain ang mga pahayag. Piliin sa kahon ang paraan upang
malampasan ang kakulangan ng pagtitiwala sa sarili. Isulat ang sagot sa
pa nakalaang patlang bago ang bilang.

A. Pagtanggap sa sarili
B. Alamin at Paunlarin ang angking Talento at Kakayahan
C. Manalangin at patatagin ang pananampalataya sa Diyos
D. Tibayan ang iyong kalooban at maging positibo ang pananaw sa buhay
E. Mahalin at tulungan ang sarili na maging kaaya-aya sa paningin ng iba

_______1.Dito mo mararamdaman ang kasiyahan at ganap na pagkakaroon

ng tiwala sa iyong sarili.
_______2.Magdasal upang maging higit na matatag sa mga pagsubok na kinahaharap o
darating sa iyong buhay.
_______3. Mahalaga na mahal mo ang iyong sarili sapagkat dito mo maipakikita
ang pag-aalaga sa iyong pagkatao.
_______4. Nakatutulong ito sa iyo upang maging positibo ang iyong iniisip at
resulta ng iyong gagawin o ginawa ay mabuti o matagumpay.
_______5. Mahalagang pinagtutuonan ng pansin ang sariling talento at kakayahan
sapagkat ito ay biyaya ng Diyos na kailangan mong paunlarin.

Ano ang iyong naramdaman habang sinasagutan mo ang bawat sitwasyon

kaugnay sa aspekto ng sarili kung saan kulang ang iyong tiwala sa sarili ?

6
 Ang Aking Natutuhan

Panuto:
Kumpletuhin ang sumusunod na pahayag mula sa natutuhan sa
aralin.Piliin ang angkop na salita sa loob ng puso at isulat ito sa
nakalaang patlang sa kahon.

Mahalagang makilala, 1. _________________ tiwala

pag unlad
ang sarili at malaman ang angking 2.
________________ at kakayahan sapagkat
talento matanggap
makatutulong ito sa pagkakaroon ng
3.__________________ sa sarili, pagtupad ng makamit
mga 4.__________________ sa buhay at

sariling 5. __________________. mithiin

7
 Ating Tayahin
Panuto: Basahin at unawaing mabuti ang bawat pahayag. Isulat sa patlang ang letra ng
tamang sagot.

_________1. Ang sumusunod ay aspekto ng sarili MALIBAN sa

A. Ispirituwal B. Mental C. Pisikal D. Social

________2. Magaling kumanta si Anna. Madalas siyang sumali sa mga patimpalak dahil
alam niyang may talento siya sa pagkanta. Anong katangian ang taglay ni
Anna?
A. Kahusayan C. Sipag
B. Tiwala sa sarili D. Kabutihan

__________3. Alin sa sumusunod ang HINDI nagpapakita ng pagkakaroon ng tiwala sa

sarili?
A. Isang bulag ngunit boses ang naging puhunan ni Joan upang makakuha ng
libreng pag-aaral dahil sa kahusayan niya sa pagkanta.
B. Napakahusay sa paglalaro ng basketbol si Khen ngunit kahit kulang sa
tangkad ay palaging nakikilahok sa palarong pampaaralan
C. Maraming magagandang obra ang nilikha ni Jed dahil sa husay niya sa
pagpipinta ngunit nahihiya siya na ipaalam sa iba.
D. May kahusayan sa pagsasayaw si Bea kaya palagi siyang lumalaban sa iba’t-
ibang paligsahan.

__________4. Ang sumusunod ay mga paraan upang malampasan ang mga kahinaan
MALIBAN sa isa, alin dito?
A. Maging positibo at lakasan ang loob.
B. Hindi magpapaapekto sa sinasabi ng iba.
C. Manalangin at humingi ng gabay sa Diyos.
D. Tatangapin na lamang ang negatibong paghuhusga ng kapwa.

_________5. Madalas ay naikukumpara si Michelle sa kaniyang Ate Carla. Mas maganda ang
kaniyang Ate Carla sa kaniya. Laging iniisip ni Michelle na siya ay nilikha ng
Diyos na may sariling angking kagandahan. Hindi man siya maganda sa
paningin ng iba ay naniniwala siya na hindi lang sa pisikal na kagandahan ang
batayan ngunit ang magandang kalooban. Anong ang ipinamalas ni Michelle
upang lampasan ang kahinaan?
A. Pagtanggap sa sarili.
B. Maging maganda sa paningin ng iba.
C. Hindi naiinggit sa kaniyang Ate Carla.
D. Hindi pinansin ang mga tao sa paligid nya.

8
 Susi sa Pagwawasto

Subukin
1. C 2. D 3. B 4. D 5. C

Tayo’y Magsanay
Gawain 1
1. Mental 2. Pisikal 3. Emosyonal 4. ispirituwal

Gawain 2
1. F 2. C 3. A 4. E 5. F

Ating Pagyamanin
Gawain 1
1. 2. 3. 4. 5.

Gawain 2
1. A 2. C 3. E 4. D 5. B

Ang Aking Natutuhan

1. matanggap
2. talento
3. tiwala
4. mithiin
5. pag-unlad

Ating Tayahin
1. D 2. B 3. C 4. D 5. A

Sanggunian
Aklat

Miranda, Aprilyn G., Bontia, Maria Tita Y., Valdez, Jona Kristen M., Rafal, Joel V., Arnedo,
Patricia Jane S., Jornales, Jasper, Martin, Kate F., Navarro, Frisa L., Bonifacio,
Janeth A., Yumul, Benedick Daniel O. Edukasyon sa Pagpapakatao 7. Pasig City:
Department of Education.2015.

9
 FEEDBACK SLIP

A. PARA SA MAG-AARAL

Maraming salamat sa paggamit ng CLAS na ito. Hangarin nito

ang iyong lubusang pagkatuto sa tulong ng iyong kapamilya. OPO HINDI

1. Kontento at masaya ka bang natuto gamit ang CLAS na ito?

2. Nasunod at nagawa mo ba ang mga proseso at pamamaraang

nakasaad para sa iba’t ibang gawain para sa iyong pagkatuto?

3. Ikaw ba ay ginabayan o sinamahan ng sinuman sa iyong

kapamilya para sa pag-aaral gamit ang CLAS na ito?

4. Mayroon bang bahagi sa CLAS na ito na ikaw ay nahirapan

(kung Opo, ano ito at bakit?)

B. PARA SA MAGULANG O TAGAPATNUBAY

Suhestiyon o Rekomendasyon para sa mas maayos na serbisyo

at pagkatuto ng inyong anak gamit ang CLAS na ito?

Mayroon (Pakisulat sa nakalaang guhit)

Wala

Contact Number : __________________________________

PANGALAN NG PAARALAN:

Pangalan at Lagda ng Guro:

Pangalan at Lagda ng Magulang

o Tagapatnubay:

Petsa ng Pagtanggap ng CLAS:

Petsa ng Pagbalik ng CLAS:

10