Um Segundo

Djan txiga konkluzon mundu esta mariadu

Ma ta parsi ma ninguem ka sta preukupadu
Nha irmon, djobi pa ladu
Abri korason e bai ku koraji fitxadu

 
Si mundu kababa mi n tinha serteza
M'e nós propi ki kaba kuel
Pamó nu ta aji de um manera
ki ta pensadu ma nu ka mestel
Gósi ki ta konta é papel
Koitadu di ken ki ka tem
Antom nhós risponde-m pam fika ta sabi

 
[Ferro Gaita]
Si bu tem um segundu pa bu salva mundu
Kuzé ki bu ta fazi?
Si bu tem um segundu pa bu salva mundu
Kuzé ki bu ta fazi?

 
Ta fla ó mundu ka bu kaba
Mundu ka bu kaba, ó mundu ka bu kaba
Mundu ka bu kaba só pamodi n sta nobu
Mundu ka bu kaba, ó mundu ka bu kaba
Mundu ka bu kaba só pamodi n sta sabi

 
Djan txiga konkluzon mundu esta mariadu
Ma ta parsi ma ninguem ka sta preukupadu
Nha irmon, djobi pa ladu
Abri korason e bai ku koraji fitxadu

 
Si mundu kababa mi n tinha serteza
M'e nós propi ki kaba kuel
Pamó nu ta aji de um manera
ki ta pensadu ma nu ka mestel
Gósi ki ta konta é papel
Koitadu di ken ki ka tem
Antom nhós risponde-m pam fika ta sabi

 
[Ferro Gaita]
Si bu tem um segundu (si bu tem)
Pa bu salva mundu (um segundu)
Kuzé ki bu ta fazi? (kuzé ki bu ta fazi?)
Si bu tem um segundu pa bu salva mundu
Kuzé ki bu ta fazi?

 
Ta fla ó mundu ka bu kaba
Mundu ka bu kaba, ó mundu ka bu kaba
Mundu ka bu kaba só pamodi n sta nobu
Mundu ka bu kaba, ó mundu ka bu kaba
Mundu ka bu kaba só pamodi n sta sabi

 
Só pamodi n sta nobu...

 
[Ferro Gaita]
Nhas povus, nhos obi kuzé ki n sta fla nhós
Ami n sta sabi!
Ka nhos kaba-m ku nha mundu
Mundo é di nós!

 
Fla-m si bo bu tem, fla-m si bo bu tem
Um segundo, um segundo pa bu salva mundu
Fla-m si bo bu tem, fla-m si bo bu tem
Kuzé ki bu ta fazi?

 
[Ferro Gaita]
Ta fla ó mundu ka bu kaba
Mundu ka bu kaba, ó mundu ka bu kaba
Mundu ka bu kaba só pamodi n sta nobu
Mundu ka bu kaba, ó mundu ka bu kaba
Mundu ka bu kaba só pamodi n sta sabi

 
Txika
Txika é bunita ti ki kaba na nada
Prubulema é ki Txika nada ka sabi fazi
Txika é bunita ti ki kaba na nada
Prubulema é ki Txika nada ka sabi fasi

 
Txika flan m'êl ê ka nansi pa lambuxa ku pretu
Txika flan m'ê ka ta pari nem ku badiu, ki fari sampadjudu
Txika flan m'êl ê ka nansi pa lambuxa ku pretu
Txika flan m'ê ka ta pari nem ku badiu, ki fari sampadjudu

 
Txika é bunita, torna gó kompasada
Prubulema é ki Txika ka sta pasa ninguem karton
Txika é bunita, torna gó kompasada
Prubulema é ki Txika ka sta pasa ninguem karton

 
Txika ba da odju bentu la Lisboa
Txika bem ku paranoia
Ê fla pa nu ka txomal Txika
Ma se nomi mé "Senhorita Franciska"
Txika ka ta ba rubera pamó rubera tem lama
Lata na kabésa, kredu em kruz!
Kel nem si bu pagal!
Txika ka ta papia ku N'Doli pamó ma N'Doli ê bakan
Ê fla "Pake? Nta kontra ku N'Doli la Praia
ta fika na nhenhenhê, ta fika só na tolobaskaria"

 
Txika ka ta kusia na lenha
Pamó mê ta ntola, ê ta intxi di tisna
Ê fla se p'ê txera so fumu
Ê ta po si purfumu, ê ta fika xeiroza
Txika ka ta bati na tina
Nem ê ka ta feti feti na mon
Txika ka ta ba simentera
Txika ka ta panha lenha
Txika nada ka ta fasi

 
Txika sta na sinema, ê kre ba sinema
Txika kre ser kapa jurnal, notisia na radio
Txika sta na sinema, ê kre ba sinema
Txika kre ser kapa jurnal, notisia na radio

Caminho di mar
Bo bem tudo mansinho
Bo sta dixa'm cu sodade
Bo sta bai bo caminho
Ba goza bo mocidadi

 
Conta'm qui vento qui trazebu
Qui ta levabu tão di repenti
Se algum mal qui djá'm fazebu

 
Caminho di mar ê ca perto
Sodade longe ê ca sabi
Ma el ê cosa bem certo

Maria di Lida
E mi ke Maria di Lida
Mudjer balida sempri na buska bida
Buska bida dia, buska bida noti
Nten dôs bóka, ku mi tres ke pan sustenta
Ai si bu tem ki dan ka bu nganan!
Si u tem ki dan ka bu nganan!
 
Nha maridu ba Lisboa, ka fla nada
Ka mandan karta nen telegrama, ki fari dinheru
Trabadju di strada sta paradu, inda ka abri
Ai si bu tem ki dan ka bu nganan!
Si u tem ki dan ka bu nganan!

 
Korbu ta ronda é mau sinal
Mar djan padja inda ka ronka
Tanberina kau xinega ka rabenta
Ai si bu tem ki dan ka bu nganan!
Si u tem ki dan ka bu nganan!

Nha Ultimo Karta

E fla me krem na tudu sonhus, exceto kes medonhus
N flal ma tempestadis ka tem xansi na nos portus
Prometi mo ta surri tudo dia na kafé
Bu sorrisu é sufisienti, el é tudu ki min n kre
Nos rua é tistimunha, sa skritu na kalsadas
Kalma, um rosa é poku nsa ba rasta ilha Brava
O ké ta pasa é mó poizia pa nha alma
Na kada pasu é ta deklama ntom nha petu ta mbala

 
N fla bebé ko fazi si, um dia des bu ta matam
E fla su móri nha bebé kel dia mé kês ta interram
Nha sogra fla kuidadu só pam ka magual
N fla pankada kim magual ma ka tem mediku ki ta kural
Ma n ta amal ti fim di tempu, no ka mesti paga luz
Odju na odju baby xinti sentimentu
E fla mé krem na kasamentu
Mas sertu ki Binu ku se ferru ma tudo kusa na se tempu, ma

 
N magual txeu dimás i oji é ka sa kunfia
Kada lagua ki bu baza n fazi tudu pa nxuga
Ma n dal mutivu, razom di sobra p'é pergunta
Sé verdadi tudu sonhus, tudu planos ki nu tinha
Ei! Akredita erra é umanu, n ta konfesa
N ta valoriza oji kel ki um dia min dispreza
Alves ta falta forma ke pam ixpresa
Ma nunka es amau sima n amau podi tem serteza

 
N ta grita, palavras ka sai
N ta grita, palavras ka sai
Dexam skrebi nha dor
Dexam skrebi nha dor

 
Nha ultimu karta d'amor
Nha ultimu karta d'amor
(Maguas, planus, laguas txeu ta kai)
Nha ultimu karta d'amor
Nha ultimu karta d'amor
(Munti sonhus morri des kim sai)

 
N krebi kartas pa nha amada
Kaneta kuazi dam pankada
Deskulpa kes lagua ku baza
Bombas kim larga mó faixa de Gaza
N sabi mam fadja ko graba ta fladu kem ama perdoa
Ma n ka kontrola ma n aji atoa
Ma n skodji ienas kantu na savana n tinha leoa
I hoje dentu Lisboa sodade ta perta, baby n teni friu
Laguas ta baza ku gana di baza, baby ku gana xintiu
Nha obidu ku gana di obiu, bu voz madrugada ta embala
Tempu ta pasa, ora kenti ora friu
Nha petu mandam skrebi nha ultimu karta

 
N ta grita, palavras ka sai (n sta grita)
N ta grita, palavras ka sai (n sta grita)
Dexam skrebi nha dor (dexam)
Dexam skrebi nha dor (dexam)

 
Nha ultimu karta d'amor
Nha ultimu karta d'amor
(Maguas, planus, laguas txeu ta kai)
Nha ultimu karta d'amor
Nha ultimu karta d'amor
(Munti sonhus morri des kim sai)

 
N ta grita, palavras ka sai
N ta grita, palavras ka sai
Dexam skrebi nha dor
Dexam skrebi nha dor

 
Nha ultimu karta d'amor
Nha ultimu karta d'amor
(Maguas, planus, laguas txeu ta kai)
Nha ultimu karta d'amor
Nha ultimu karta d'amor
(Munti sonhus morri des kim sai)

Sabi Ka Ta Dué
Ferro Gaita
Dja nhós buli!
E ka t'obi!
Kel é kusa téra-téra
Des bes ku manu Charbel na kasa
Dja nu ponu mé, nha manu
Ka t'obi, ó nha mãe!

 
Keli ka gaita di santu baxu
Mas bem lá di Fundu Baxu
Ma baxu!
Nu bai!
 
Charbel
Dja bu sabi ma mi n ka t'obi
Ka bu tenta bem pom limiti
Undi n bai mi n ta vivi sabi
Dexam flabu ma n ka sta para

 
Si kre bu para!
Ta kompou
Dexam bai!

 
Ferro Gaita
Ka bu fadiga, nós tudu tem um lugar
Manxi bu luta, bu spéra bu óra txiga
Fidju parida só ka bu perdi speransa
Si bu djuguta um dia bu ta konsigi

 
Charbel
Nu ka pudi fika paradu
Paradu sen fazê nada
Nu ka pudi fika paradu

 
Ferro Gaita
Nu ka pudi fika paradu
Paradu sen fazê nada
Nu ka pudi fika paradu, ia iá!

 
Mi n ka sta pára!
Ta tokam dentu korason
Xoma xupai
Ole-m li!
Mé di Xoma xupai...

 
Lejemea
M'nha ermon ka bu baxa brasu
Bu ten ki luta pasu a pasu
Undi bu bai bu ten ki labanta vos
Ka bu dexa nada pa dipos, nau
 
Ferro Gaita
Nu ka pudi fika paradu
Paradu sen fazê nada
Nu ka pudi fika paradu, ia iá!
Nu ka pudi fika paradu
Paradu sen fazê nada
Nu ka pudi fika paradu, ia iá!

 
Rapazis, anhós tudu obi!
Ka nhu para pa nu ka fika paradu
Pila, pilam kel gaita Lejemea!
Ka dodu

 
Charbel & Ferro Gaita
Sábi ka ta dué
Mosinhu, sábi ka ta dué
Sábi ka ta dué
Mosinhu, sábi ka ta dué

 
Es gaita li gó e bem la di Santu Baxu
Pam pam... forti sabi

 
Charbel & Ferro Gaita
Sábi ka ta dué
Mosinhu, sábi ka ta dué
(Bo ka dodu!)

 
Charbel & Ferro Gaita
Sábi ka ta dué
Mosinhu, sábi ka ta dué
(Bo ka dodu!)

 
Charbel
Nu ka pudi fika paradu
Paradu sen fazê nada
Nu ka pudi fika paradu
 
Ferro Gaita
Nu ka pudi fika paradu
Paradu sen fazê nada
Nu ka pudi fika paradu

 
Lejemea
Nu ka pudi fika paradu
Paradu sen fazê nada
Nu ka pudi fika paradu

 
Ferro Gaita
Nu ka pudi fika paradu
Paradu sen fazê nada
Nu ka pudi fika paradu, ia iá!

 
Charbel & Ferro Gaita
Sábi ka ta dué
Mosinhu, sábi ka ta dué
Aguenta
Nu bai!

 
N txiga kasa ku gana brasa-bu
Ma n atxa-bu ku róstu puxadu
Ma n ba trabadju n dexa ropa fulhadu
Raklama tuadja riba kama modjadu
Ami Mario omi nem ka mariadu
Pá nha família n ta trabadja kansadu
Ma nha badia dja poi odju ku mi
Nem ora kin fazi dretu ki fari se tem razon

 
Fim di simana rapazis txoman
Pa-m toma um pé ladjila la txada
Ami go nem ka di kes
Oji djan graba, ninguem ka ta para-m

 
Oji n ta rabela
Oji n ta rabela
Oji n ta rabela
Si kre n ka atxa nada

 
Ah Mário Marta,
Bo kre bô pensa mi é bu mai
Na obi-m!

 
Abo sortiadu bu ránja preta bunita
Mudjer di kasa, kodê mimada
Papa diskunfia ma simé da-u benson
Pa bu resebedu ku porta ráganhadu
Si é pa keli ku bai nha kutelu
Ku pidi-m noiva ku uma festa bedju
Só bazofaria ku kalsa ramangadu
Si n sabeba n fikaba la

 
Ami també djan txoma nha kumadri
Pe kompu bunita pa nu ba ma santa
N ka tormenta, n ka importa, n ka ta fadiga
E toki u txiga kasa 'u ta poi bu panela riba

 
Oji n ta rabela
Oji n ta rabela
Oji n ta rabela
Nha ami po ka fla nada

 
Oji n ta rabela
Oji n ta rabela
Oji n ta rabela
Mi ku nha kumadri

 
Oji n ta rabela
Oji n ta rabela
Oji n ta rabela
Si kre n ka atxa nada

 
Oji n ta rabela
Oji n ta rabela
Oji n ta rabela
Mi po ka fla nada

 
Oji n ta rabela
Oji n ta rabela
Oji n ta rabela
Si kre bu ka da nada

 
Oji n ta rabela
Oji n ta rabela
Oji n ta rabela
Mi djan sai djan bai!

 
Ah mundu! Ah nha mudjer
É mi ké bu krus
É bô ké dimeu
Nu tem ki ta aguenta!
 
Aguenta, nu tem ki ta aguenta...

Moda Um Passaro
Ah ha ha ha
Nós tradison ka podi morri
Iduino, po-m um gaita la
(Ah, Tranka! Tranka-s!)
Ha-haaai, nu bai!
Tranka na beat
Só hit
Ferro Gaita

 
Aliii toma
Aliii toma
Aliii toma

 
Ta lembra di velha, velha ta luta
Velha ta fazi tudu pa trazi po-m pa kasa
Velha disculpa-m sim ka ser kel rapaz
Kel ki sempre bo kria pam ser um bom profesor
Ou um bom dotor, nau um bom ator
Velha lembra ka tinha kondisãu pam studa
Kel konsedju ki bo da-m oji min sa odja-l

 
[Iduino]
Nada na vida é ka fasil
Nada na vida é ka simples
Nada na vida é ka fasil
Nada na vida é ka simples
Eiii labanta rostu
Kunfia na bo, kunfia na bo
Eiii labanta rostu
Obi mama, obi mama

 
Deus tem lugar pa bo (hooo)
Deus tem lugar pa bo (riba mundu)
Deus tem lugar pa bo (eiiii)
Deus tem lugar pa bo (riba mundu)

 
Mi n sta livri, n sta livri, n sta livri
Moda um pásaru
Mi n sta livri, n sta livri, n sta livri
Moda um pásaru
Moda um pásaru dexa-m bua
Moda um pásaru mi n kre bua

 
N pega na beat komesa rabenta
Moda um pásaru mi n sta na altura
Pa nha velha mi n sa fazi tudu
Bo ka tem nusom di kuzé ki sta pa bem
N sta nes game mi n sta sem trazon
Apresenta nha terra ti ultimu folgu, raaa!

 
Deus tem lugar pa bo (hooo)
Deus tem lugar pa bo (riba mundu)
Deus tem lugar pa bo (eiiii)
Deus tem lugar pa bo (riba mundu)

 
Ali toma nós tradison
Cesária Eva ki bai ki dexa sodadi
Ali toma nós tradison
Codê di Dona, pantera Nacia Gomi
Hoooo hoooo, Tranka Fulha rapazinhu omilde

 
Mi n sta livri, n sta livri, n sta livri
Moda um pásaru
Mi n sta livri, n sta livri, n sta livri
Moda um pásaru
Moda um pásaru dexa-m bua
Moda um pásaru mi n kre bua

 
Ali tomaaa, ali tomaaa
Ali tomaaa, ali tomaaa
Ali tomaaa, ali tomaaa
Ali tomaaa, ali tomaaa

 
Ferro Gaita, Tranka Fulha
Ah, Tranka!

 
Mi n sta livri, n sta livri, n sta livri
Moda um pásaru
Mi n sta livri, n sta livri, n sta livri
Moda um pásaru
Moda um pásaru dexa-m bua
Moda um pásaru mi n kre bua

Dimokránsa
Kantádu ma dimokrasiâ
Ma stába sukundidu
Ma tudu dja sai na kláru
I nós tudu dja bira sabidu

 
Kada um ku si maniâ
Fla rodóndu bira kuadrádu
Kada um ku si tioriâ
Poi razom pendi di si ládu

 
Ti Manel bira Mambiâ
Ti Lobu bira Xibinhu
Ti flánu ta faze majiâ
Ta poi grógu ta bira vinhu

 
Mintira pom di kada dia
Verdádi ka s’ta kontádu
Nós tudu bira só finjidu
Ku kombérsu di dimagojiâ

 
Vida bira simplismenti
Konsedju bira ka ta obidu :
Tudu é agu na balai frádu
É rialidádi di oxindiâ

 
Maioriâ sta tudu kontenti
Ku avontádi na dimokrasiâ
Fládu fla ka tem simenti
Dipós di sábi móre é ka náda

 
Inglés bem toma si tchom
Sam-Fransisku bira más sábi
M-kré odja róstu-nhu Djom
Ta ri ku si kumpadri

 
Dja skesedu di Pepé Lópi
Bá rabuskádu Nhu Diogu Gómi
Rasusitádu Nhu Kraveru Lópi
Ka ta konxedu Inásia Gómi

 
Ali bem témpu ditádu-Nhu Náxu
Ta bira sima juís di mininu
Gentis djunta grita abáxu!
É kabésa ki dja perde tinu.
Mudjer Trabadjadera
Ciza é mudjer trabadjadera
Riba kutélu sima el ma n ka odja
Ciza é mudjer trabadjadera
Riba kutélu sima el ma ka ten

 
Labanta sedu me tram midju dagu
Mon na pilon, e pila e fasi kuskus
E panha lata, e ba rubera
Me intxi poti, Ciza ba pánha lenha
E txiga kasa, e pega na basora
Ciza bári ti txiga boronsera
E pánha nxada, e kori badondu
E subi txada, Ciza ba monta padja

 
Ami n bai la na Praia Maria
Mudjer sima Ciza n ka odja
Ami n subi la sidadi Somada
Mudjer sima Ciza ka ten
Ami n bai na Portu Santiagu
Mudjer sima Ciza n ka odja
Ami n subi na sidadi Tarrafal
Mudjer sima Ciza ka ten

 
Ciza mudjer trabadjadera
Riba kutélu sima el ma n ka odja
Ciza é mudjer trabadjadera
Riba kutélu sima el ma ka ten

 
Ami djam fla mama ku papa
Djam manda fla-s p-ês ba pidi noiba
Fládu ma Ciza ten dizóitu anu
Me dja sta prontu p'e ser dona di kasa
Mama dja flam, papa dja flam
Pam marka féria pam ba odja Ciza

 
Ciza é mudjer trabadjadera
Riba kutélu sima el ma ka ten

 
Ciza mudjer trabadjadera
Ciza mi n kre kaza ku bo
Ciza mudjer trabadjadera
Ma Ciza é bo ki n kre

 
Ciza mudjer trabadjadera
Ciza mi n kre kaza ku bo, kaza ku bo
Ciza mudjer trabadjadera
Ma Ciza é bo ki n kre
Bo ki n kre...