Republic of the Philippines

Department of Education
REGION XII
SCHOOLS DIVISION OF SOUTH COTABATO
LIBERTAD NATIONAL HIGH SCHOOL
SURALLAH DISTRICT 3

Dali lang mga abyan pamati kamo anay,

ako may igasaysay, gindihon sa binalaybay.
Ako gali si Zyanne Margaux Dionisio,
halin sa buluthuan sang Libertad National High School.
Sa mga hurado, estudyante, manunudlo kag mga bisita, ako nagapanamyaw sang maayong
adlaw.
Binalaybay nga akon igasaysay, pamatii kay akon na nga umpisahan,
Abi, sundi sang matunog na palakpakan.

Bug-os na Higot

Eneng, kanami batyagon kon Ikaw, ako may paghiliusa.

Labi na gid kon may pagsinabtanay sa isa kag isa.
Mga istorya kag pang-ginawi nagapanglubaybay nga wala sang kiwi.
Pareho sang gin-higot nga duwa ka tali,
Balu man ang paghigot ukon indi.

Adlaw o gab-i, masami sa tawag nga dali,

Dali kag updi ako nga waay sang pagpamiliphi.
Sa pagpangita sa kahayag kag kadulom sang gab-i,
Sa akon pagpanglugayawan sa malamig nga tun-og
Wala kabalaka o pangduwa-duwa, dali manimuron ta’

Sa paghiliusa, makita mo nga may paghangpanay,

Kag ang mga kamot naga-uyatay,
Kapin na ang butkon nga pisil-pisilon, ang dughan nga maabi-abihon,
Kag dalunggan nga masami mamati sa komposo kag salmo
Nagkalain-lain man ang ginhalinan bisan mga pangalan ta may kalainan,
Apang sa bug-os nga butang. Sinahi-sahi nga prinsipyo kag panindugan,
Paghiliusa sa pulong kag pang-ginawi ang ginalaktan.

Dali, upod kita. Maupod ako iya!

Uyatan ang kamot, kag indi tugutan nga mabilin
Madamo man ukon gamay, Sa tagsa ka adlaw ululupod kita sa panglakaton,
pagkinadlaw, kag initikay. Sa paghigugma, isa lang ang handom –
ang makit-an ang matahom kag matam-is mo nga yuhom
Masadya lang hunahunaon, nagayuhom ako kon naga-isahanon
Tulukon ang matag-as nga bituon, samtang ginahutik ko sa bulan ang imo pangalan
nagadapitanay, bisan sang una indi maghangpanay
Apang tuluka, sa sunod semana, pilion ta ang isa kag isa.