Filipino at mga Katutubong Wika: Kasangkapan sa Pagtuklas at

Paglikha

Aking mahal na Perlas ng Silangan

Na may iba’t ibang dialekto kada kapuluan,
Kanilang katutubong wika ang kanilang sandigan
Ngunit Wikang Filipino ang yaman sa kabuuan.

Wikang Filipino ang wika ng bawat Pilipino

Ako, ikaw, tayo ay iisa ang nasa puso,
Sa mundong ito na pilit tayong binabago
Maninidigan tayo sa Wikang Filipino.

Nagkakaintindihan ang bawat pangkat

Sa pagkakaroon ng iisang wika para sa lahat,
Nagbigay daan para sa ideya at opinyon
Pati na rin sa transportasyon at komunikasyon

Wikang Filipino patungo sa pambansang kaunlaran

Wikang kasangkapan para sa pagkakaunawaan,
Mamamayang Pilipino ay nagkakaisa
Saan man panig ng mahal kong bansa.

Walang ibang magmamahal sa Wikang Filipino

Kundi tayo rin mga Pilipino,
Ingatan natin itong tanging yaman ng ating bansa
Wikang Filipino, wika ko, wika mo, at
wika nating lahat!