ANG GINHALINAN SANG PINYA

1. Sang una nga panahon may yara sang mag iloy nga naga puyo sa nabukid nga bahin sang Pilipinas. Ang

ngalan sang mag-iloy amu si Nanay Rosa kag Pinang, Si Pinang ang bugtong nga anak ni Nanay Rosa.

2. Palangga gid katama ni Nanay Rosa si Pinang gani tanan nga pangayuon ni Pinang gina hatag sini.

3. Wala na sang may ipangayo pa si Pinang bangud tanan nga kinahanglanon sini sa tagsa ka adlaw yara
na sa iya

kag wala sang oras nga wala sia gina asikaso ni Nanay Rosa.

4.Tungod palangga si Pinang sang iya Nanay

gin pakamaayo sini nga paga tudluan si Pinang kung paano mag ubra sa sulod balay, Gani pinabay -an ni

Nanay Rosa si Pinang.

5Isa sadto ka adlaw halin si Pinang sa paghampang kag naabtan nia ang iya iloy nga

naga panglimpyo sa sulod sang balay.

6. “Pinang bata ko buligan mo ako sa paghimos kag paglimpyo sa sulod sang balay, daw malain akon

pamatyag.” Hambal ni Nanay Rosa.

7. “Pero nay, kapoy man ako kay halin ako sa paghampang” sabat ni Pinang kag dayun nia talikod
pasulod

sa iya nga hulot tulogan.

8. Bangud sina wala gid sang may mahimu si Nanay Eosa kundi padayunon na lamang ang pag ubra sa

sulod balay kag si Pinang naman sa sobra kakapoy sa paghampang natulogan ini sa iya hiligdaan

9. Sang nag bugtaw si Pinang halin sa pagtulog bangud nabatyagan sini na malapit na magapadulong
ang gabi sa

gilayun pinangita niya ang iya Nanay sa kusina pero wala niya nakita ang iya Nanay.

10.Nagpadulong si Pinang sa hulot tulogan ni Nanay Rosa kag didto niya nakita ang iya nanay nga naga
higda sa iya katre.

11. Nagpalapit si Pinang para pukawon ini, nagpamangkot bahin sa ila panyapunon. Ugaling sa paghikap
ni Pinang sang palad niya sa butkon sang iya nanay nabatyagan niya ini na tama ka init sag lawas ni
Nanay Rosa.

12. “Nay…nanay…” pagpukaw ni Pinang. Gilayun naman nakabugtaw si Nanay Rosa kag nagsabat kay

Pinang. “Pinang, bata ko malain akon pamatyag gapalanakit akon lawas, mahimu mo bala ako malutuan

sang lugaw?”

13. Dalayun man nagpati si Pinang kay Nanay Rosa, ginsun-ad niya ang kaldero kag nagbutang sang
lulugawon, tinungtong sa kalan nga may kalayo.

14. Pagkatapos ni Pinang mag sun ad gilayun naghampang

sia kag nalipatan nia ang iya niluto nga lugaw. Nagpilit ang lugaw sa kaldero kag nasunog ini. Nag

pasensiya na lamang ang iya Nanay Rosa kay biskan paano gin serbisyuhan sia ni Pinang.

15. Nagdugay ang gina batyag ni Nanay Rosa nga masakit bangud sini napilitan si Pinang nga mag ubra sa

sulod sang balay. Isa ka adlaw nagluto si Pinang pero wala niya gilayun nakita ang posporo gani

pinamangkot nia ini sa kay Nanay Rosa kung diin ini nakabutang.

16. Sunod naman pinamangkot ni Pinang kung diin nakabutang ang luwag kag ginpapangita nia ini sa
kay Nanay Rosa. Halos adlaw adlaw nga

tanan gapamangkot si Pinang sang mga butang nga indi niya gilayun makita. Bangud sini naga ugtas si

Nanay Rosa sa masami nga pamangkot ni Pinang gani naghambal sia nga…

17. “Ay Pinang!kuntani maga angkon ka sang madamu nga mata agud dasig mo makita ang mga butang
sa

palibot mo indi kay sagad ka pamangkot sa akon kag ako ang sagad pangita sang mga butang nga

ginapangita mo!”

18. Bangud nahibaluan ni Pinang nga may yara man sia sang sala naghipos na lamang ini kag pinangita
ang

luwag apang pag-abot sang kagab-ihon gin tawag ni Nanay Rosa si Pinang pero wala ini naga sabat.

Napilitan nga mag bangon si Nanay Rosa kag naghimus sang ila panyapon.

19. Nagligad ang mga inadlaw pero wala gid nakita ni Nanay Rosa si Pinang. Pinangita nia ini sa ila tupad

balay kag ginpamangkot kung nakita nila si Pinang apang wala man nakahibalo ang ila mga tupad balay

kung diin ini.

20. Nagpuli sang masubo si Nanay Rosa sa ila balay pero may nakita sia nga tanum, isa aka tanum nga
bag-o

nia lang nakita. Manami ini nga tanum.

21. Gin atipan niya ini sang maayo pareho sang pag atipan niya kay

Pinang. Wala nag dugay nagbunga ang tanum nga ginkakibot ni Nanay Rosa sang nakita niya ang kurte

sini nga bunga. Daw pareho kadaku sang ulo sang tawo ang bunga sini na napalibutan sang madamu nga

mata.

22. Gilayun nadumduman ni Nanay Rosa ang ginhambal niya kay Pinang na kuntani magatubuan ini sang
madamu nga mata para makita gilayun ang mga butang. Nagtulo ang luha ni Nanay Rosa kag daku gid

ang paghinulsol sini kay ginsambit nia sadto ang mga tinaga kay Pinang.

Gani, mas gin atipan ni Nanay Rosa ang tanum kag ginhingadlan niya ini nga Pinang. Sa kadugayun sang

panahon kag sa pag sige sige sang estorya nahimu ini nga “PINYA”.

https://sites.google.com/site/merlen1603/mga-alamat/ang-alamat-ng-pinya