Ang mag-asawa nga Pansay kag Ponyong

may isa ka bata nga babaye nga

nagahingalan kay Purita. Nagapuyo sila sa
uma.
Maluyagon si Purita sa mga sapat. Labi na
gid niya nga naluyangan ang duha ka puti
nga pispis nga salampati.

“Sige, magkaon kamo

sang madamo agud
madasig ang inyo
pagdaku,” hambal ni
Purita sa duha ka
pispis.
Isa ka adlaw samtang nagabubod sang
pagkaon sa pispis, gintawag siya sang iya
mga abyan para maghampang.

“Purita, dali mahampang kita sang balay-

balay. May dala nga munyika si Pura,”
singgit sang iya mga abyan.
“May dala man ako nga mga
hampanganan,” hambal man ni Padoy.
“Hulata nyo ako sa gwa,” sabat ni Purita sa
iya mga abyan.

Sa sobra nga saku nalipatan ni Purita nga

isira ang kurungan gani nakagwa ang pispis
kag naglupad palayo.
Nabanga sa hampang si Purita kaupod
sang iya mga abyan. Wala niya
natalupangdan ang paglupad sang mga
pispis.
Sang hapon na, natalupangdan ni Purita
nga wala na ang duha ka pispis sa
kurungan.
“Wala na ang duha
pispis! Akigan gid ako
sini nanaday Nanay
kag Tatay ilabi na
gid ni Manang Penang.
Gamiton ang mga
pispis sa kasal sang
akon magulang sa
dason nga adlaw.”
Ginlibot niya ang bilog nga balay. Nagkadto
sia sa mga kakahuyan sa pagpangita apang
wala gid ang duha ka pispis.
“Hala! Wala gid ang duha ka pispis,” siling ni
Purita.
Tuman gid ang kabalaka ni Purita. Todo gid
ang iya pamalakpak sa paglaum nga
magabalik ang duha ka puti nga pispis nga
salampati.

“Nanay, Tatay, nadula ang duha ka pispis

nga salampati. Nalipatan ko sa pagsara ang
kurungan,” masinulub-on nga sugid ni
Purita sa iya mga ginikanan.
“Baw! Ikaw nga bata ka. Dali pangitaon
naton ang mga pispis. Sa madason na nga
adlaw ang kasal ni Manang mo.,” siling ni
Tatay Ponyong.
Upod ang iya mga ginikanan nga sanday
Nanay Pansay kag Tatay Ponyong, ila
ginpangita ang duha ka puti nga pispis nga
salampati.
“Twit! Twit! Twit!,” huni sang pispis.

“Sa atop sang balay, didto gahalin ang

huni,” hambal ni Tatay Ponyong. Dayon nila
tangla sa atop sang ila balay.
“Ara ang duha ka pispis ng salalmpati!,”
singgit ni Purita kag nagdalagan sing
madasig para sa pagkuha sang bubod.
“Yehey! Madayon na gid ang kasal ni
Manang. Nagbalik na ang akon duha ka
pispis,” malipayon nga singgit ni Purita.