2

Araling Panlipunan
Kwarter 2: Modyul 1
Ang Pinagmulan ng
Komunidad
Araling Panlipunan – Ikalawang Baitang
Kwarter 2 – Modyul 1: Ang Pinagmulan Komunidad

Isinasaad sa Batas Republika 8293, Seksiyon 176 na: Hindi

maaring magkaroon ng karapatang-sipi sa anomang akda ang
Pamahalaan ng Pilipinas. Gayonpaman, kailangan muna ang
pahintulot ng ahensiya o tanggapan ng pamahalaan na
naghanda ng akda kung ito ay pagkakitaan. Kabilang sa mga
maaring gawin ng nasabing ahensiya o tanggapan ay ang
pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan
ng produkto o brand name, tatak o trademark, palabas sa
telebisyon, pelikula atbp.) na ginamit sa aklat na ito ay
nagtataglay ng karapatang-ari ng mga iyon. Pinagsumikapang
matunton ang mga ito upang makuha ang pahintulot sa
paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon.
Ang anomang gamit maliban sa aklat na ito ay kinakailangan ng
pahintulot mula sa mga orihinal na may akda ng mga ito.
Walang anomang parte ng materyales na ito ang maaring
kopyahin o ilimbag sa anomang paraan nang walang pahintulot
sa Kagawaran.
Regional Director: Gilbert T. Sadsad
Assistant Regional Director: Jessie L. Amin

Bumuo sa Pagsusulat ng Modyul

Manunulat: Analiza A. Absalon

Editor: Florenia C. Toralde

Edgar B. Collantes

Noel L. Desquitado
Tagasuri: Jerson V. Toralde
MODYUL/SANAYANG PAPEL SA ARALING PANLIPUNAN
Tagaguhit: Rex T. Cortez

Tagalapat: Rex T. Cortez

Mahal na Mag-aaral,
Ang modyul na ito ay inilaan para sa mga batang
mag-aaral sa Ikalawang Baitang. Ang mga aralin ay
batay sa mga kasanayang nakapaloob sa bagong Most
Essential Learning Competencies ng Kagawaran ng
Edukasyon.
Inaasahang ang modyul na ito ay magsisilbing daan
upang mapaunlad ang iyong kamalayan, mapalawak
ang pag-unawa sa kapaligiran at mapayaman ang
pagpapahalaga sa kinabibilangang komunidad.
Ang mga inilaang gawain sa bawat aralin ay
naaayon sa iyong kakayahan at mga karanasan.
Hangad ko na maisagawa at maipakita mo ang
tunay na pagpapahalaga sa iyong kapaligiran.
Maligayang pag-aaral sa iyong kinabibilangang
komunidad.

Nagmamahal,
Ang manunulat

1
 Mga Layunin

Sa modyul na ito, mapg-aaralan ninyo ang tungkol sa

pinagmulan ng isang komunidad. Sino-sino ba ang
nakatira dito. Ano-anoang mahahalagang lugar,
istruktura, pananda, at mga pasyalan sa komunidad.
Malalaman din dito ang pinagmulan ng sariling
komunidad batay sa pagtatanong at pakikinig sa mga
kwento ng mga nakakatanda sa komunidad.

Sa Araling ito ay tatatakayin ang kamalayan at pag-

unawa sa konsepto ng komunidad at pagpapahalaga
sa mga bumubuo nito.
Sa tulong ng modyul na ito mas mabibigyan ka ng
kahulugan ng komunidad na kinabibilangan.

Inaashan na maipamamalas ng mag-aaral ang

sumusunod:

 Naisasalaysay ang pinagmulan ng sariling

komunidad batay sa pagtatanong at pakikinig sa
mga kwento ng mga nakatatanda sa komunidad.

2
 Talahulugan

Mahalagang malaman at maunawaan mo ang

kahulugan ng mga salita.
Marapat na kilalanin at unawain ang mga salita at ang
kahulugan nito.
1. Komunidad- ito ay isang lugar o pook na tinitirahan ng
mga tao na magkakasamang namumuhay.
2. Istruktura – ito ay ayos o porma ng mga bagay-bagay.
3. Pinagmulan – kasingkahulugan ng pinanggalingan
4. Kwento – ito ay isang akdang pampanitikan na likha
ng guni-guni at bungang-isip na hango
sa isang tunay na karanasan o
pangyayari.
5. Nakakatanda – kasingkahulugan ng matanda. Ang
mga mtatanda ay isang modelo ng mga
kabataan, lalo na sa mga nagpapakita ng
mga magagandang halimbawa.

3
 Panimulang
Pagsubok

Panuto: Hanapin ang tamang larawan ng

mahahalagang lugar pasyalan na makikita sa iyong
sariling komunidad. Isulat ang letra ng tamang sagot sa
inyong sagutang papel.
A B

_________ 1. Palengke a.

_________ 2. Simbahan b.

_________ 3. Ospital c.

_________ 4. Munisipyo d.

_________ 5. Bahay e.
.

4
 Alamin Natin

Mga Gawain sa Pagkakatuto

Basahin ang kwento at sagutin ang mga katanungan.
Isulat ang sagot sa inyong sagutang papel.

Pinagmulan ng Komunidad ng Iriga

Ang Iriga ay mula sa salitang “IRAGA” naang ibig

sabihin ay “may lupa”. Lumago ito mula sa
pamahayanan sa gilid ng ilog. Bikol na tinatawag na
Nabua. Noon ang mga unang tao sa Nabua ay nag-
hahanap ng mas mataas na lugar dahil sa pagbaha sa
bayan tuwing tag-ulan,

Ayon sa kasaysayan ang Nabua ay isang

mababang bahagi ng lupa na madaling lumubog sa
tubig sa panahon ng tag-ulan Dahil dito ang mga tao at
ilang magsasaka sa payo ng kura paroko na si Felix De
Huertas na lumipat sa I-raga, Dito sila nagtanim at
namuhay ng walang pangambang malubog sa tubig.

Ayon sa kwento ng matatanda, dumami ang mga

tao mula sa Nabua at sa Iriga nanirahan.

5
 Ang Pamayanan sa paanan ng Bundok ng
Sumagang ay lumaki at dahan-dahang naitulak ang
mga katutubong Agta pataas sa mga kabundukan.
Noong 1578, isang simbahan na gawa sa kahoy ang
itinayo, Tinawag itong Parokya ni San Antonio de Padua.

Nang populasyon ng I-raga ay umabot sa 8,909, ito

ay ginawang Puntao Dela Provinsia de Amos Camarines
at sa paglaon ay binago ang pangalan nito. Mula sa I-
riga ito ay ginawang Iriga. Noong 1901 ang unang
pampublikong paaralan sa Iriga ay naitatag. Ito ay ang
Paaralang Sentral ng Iriga.

Ayon pa sa kasaysayan noong 1914 naitatag na ang

unang pampasaherong Bus sa Pilipinas. Ito ay tinawag na
ALATCO,

At noong Hulyo 8, 1968 ang munisipyo ay ginawang

isang lungsod ng Rehiyon ng Bicol ni Pangulong
Ferdinand Marcos.

Sa ngayon ang Iriga ay mabilis na lumago at maging

sentro ng kalakalan sa Rinconada.

Source: https//iriga.com/wikipediangtagalog

6
Mga Pagsasanay
Pagsasanay 1
Sagutin ang mga sumusunod.
1. Anong uri ng komunidad ang inilalarawan sa kwento?
2. Saan nagmula ang pangalan ng komunidad sa
kwento? Ano ang ibig sabihin nito?
3. Magbigay ng makasaysayang lugar na nabanggit sa
kwento?
4. Matapos basahin at mapakinggan ang kwento, Ano
ang iyong naramdaman?
5. Ano ang masasabi mo sa iyong kinabibilangang
komunidd ngayon?

Pagsasanay 2
Piliin ang larawan ng nagpapakita ng Komunidad.
Lagyan ng tsek sa loob ng kahon.

7
8
Pagsasanay 3: Punan ang patlang ng mga impormasyon
na kailangan para makagawa ng isang Sanaysay
tungkol sa komunidad.

Mahahalagang Pangyayari sa Sariling Komunidad

Ang aking Komunidad ay tinatawag na ___________.

Binigyan ito ng pangalan noong ____________. Ipinatayo
ang simbahan ng aming Komunidad noong _____________
samantalang ang Paaralan ay itinayo sa _____________
noong ______________.

Pagsasanay 4. Pangwakas na pagsubok. Iguhit ang

sa patlang kung Tama ang sinasabi at kung mali.

____________1. Ang Komunidad ay isang pook. Tirahan ng

mga tao.
____________2. Ang bawat impormasyon ng Komunidad
ay dapat matutunan ng mga naninirahan dito.
____________3. Ang pakikinig sa kwento talata, sanaysay
ay mga paraan para malaman ang mga impormasyon
ng Komunidad.
____________4.Hindi mahalaga ang mga lugar/ istruktura
na makikita sa isang Komunidad.
____________5. Nagtutulungan ang mga tao sa isang
Komunidad.

9
Pagsasanay 5. Karagdagang Gawain

Magsulat ng maikling sanaysay tungkol sa inyong

Komunidad batay sa mga Kuwento ng mga nakakatanda
sa inyong Komunidad.

10
 Susi sa
Pagwawasto

Panimulang Pagsubok
1. E
2. C
3. A
4. D
5. B
Pagsasanay 1 (Tanggapin ang mga sagot ng bata)
Pagsasanay 2
1. /
2. /
3,
4. /
5.
Pagsasanay 3 Tanggapin ang mga sagot ng bata)
Pagsasanay 4
1. 2. 3. 4. 5.
Pagsasanay 5 Tanggapin ang mga sagot ng bata)

11