BASAHIN AT UNAWAIN

Basahin mo nang
may pang-unawa ang
mga kasunod na
aralin.

Kahulugan ng Komunikasyon

Ang komunikasyon ay paraan ng pagbibigay, paglilipat o pagsasalin ng

impormasyon, ideya, kaalaman, pilosopiya, prinsipyo, opinyon, katalinuhan, balita at iba
pang kaalamang pangkaisipan, pandamdamin, at niloloob ng tao sa anumang paraan na
nais gamitin. Ang tao ay mapamaraan sa paghahatid ng kanyang mensahe. (Rodrigo,
2001). Tahasan itong binubuo ng dalawang panig: ang nagsasalita at ang nakikinig na
kapwa nakikinabang nang walang lamangan (Atienza et al. 1990)

Ang mabisang komunikasyon ay proseso ng pagbibigay at pagtanggap,

nagpapalipat- lipat sa mga indibidwal ang mga impormasyon, kaalaman, kaisipan,
impresyon at damdamin. Nagbubunga ang ganitong gawain sa pagkakaunawaan, at
kaunlaran ng lipunan (Cruz, E et al., 1998).

Kahalagahan ng Komunikasyon

Ang komunikasyon ay isang paraan upang tayo ay magkaunawaan.

Isa ito sa pinakamahalagang sangkap ng pagkakaintindihan sa isang lipunan. Dito
naipapahayag natin ang ating mga sa loob tungkol sa ating mga nakikita at
nararamdaman. Ang komunikasyon ay nagpapanatili ng kapayapaan sa isang lipunan.
Ang lipunang kulang sa komunikasyon ay kadalasang nagkakagulo at hindi
nagkakaintindihan.

Uri ng Komunikasyon
 1. Machine- assisted. Pinakagamitin ito sa kasalukuyang panahon.
Ang teknolohiya ay may paraan ng proseso ng komunikasyon para
sa interaksiyon, mula sa pangkat ng tao sa kanyang ginagalawan.

2. Interpersonal. Nagaganap ito sa pagitan ng dalawang tao o isang

tao sa maliit na pangkat ng tao. Halimbawa: Usapan ng
magkaibigan o ng mag-irog , usapan ng guro at 5 mag-aaral.

3. Intrapersonal. Ito ay pansarili lamang. Halimbawa: nag-iisip ang

tao, nagbabalik-tanaw sa nakaraan, personal na pagsusuri at
pagpaplano sa buhay.

4. Pangmadla. Kumakatawan ito sa pangkatang talakayan, palitan

ng palagay, ideya at mungkahing mula sa pangkat ng nag-uusap.

5. Interkultural. Ito ay pagsasanib ng dalawang kultura, mga pangkat

ng taong nag-uusap na nagiging mabisa dahil sa kanilang malinaw
na layunin sa talakay.

Pangkalahatang Paraan ng Komunikasyon

 Berbal. Kailangan ang wika sa berbal na komunikasyon.

 Hindi Berbal. Ito ay naipahahayag sa pamamagitan ng mga

paraang hindi gumagamit ng wika. Kinakailangan lamang sa hindi
berbal na komunikasyon ang paggamit ng pandama o limang
sensori. Kadalasang ginagamit din ang kilos o galaw at ekspresyon
ng mukha sa paghahatid ng kabuuang mensahe sa kausap.

Uri ng Hindi Berbal na Komunikasyon

a. Oras (Chronemics). Mahalaga ang oras. Ito ay isang bagay na

kulang sa maraming tao. Dahil sa oras ay maaaring mabigyang
kahulugan ng tagatanggap ng mensahe ang layunin, ugali o
maaaring gustong ipahiwatig ng tagahatid ng mensahe. Halimbawa:
Ang aplikanteng guro na nahuli sa itinakdang oras ng panayam ay
maaaring magsaad na palagi siyang mahuhuli sa trabaho kung
sakaling siya ang makukuha.

b. Espasyo (Proxemics). Naipahahatid nito na nakabubuo ng

mensahe ang kategoryang ito sa pamamagitan ng distansiyang
inilalagay natin sa ating sarili at sa ibang tao. Ngunit ang espasyo,
ayos at distansiya ay depende sa layunin. Halimbawa: Kung
sobrang magkadikit ang nag-uusap ay maaaring sila ay mag-asawa
o tunay na kaibigan.
c. Katawan (Kinesics). Maraming sinasabi ang ating katawan, minsan
nga ay higit pa sa mga tunog na lumalabas sa ating bibig. Body
language wika nga sa Ingles. Posibleng Makita sa mata ang
damdamin ng bawat isa o sa ekspresyon ng mukha, ang intensiyon
at layunin ng isang indibidwal o emosyong nakabalot at nakapaloob
dito. Maaaring nagagalit, umiibig, nalulungkot, nag-aalala,
natatakot, may suliranin, nahihirapan o di kaya ay malalim ang
iniisip. Posibleng Makita rin natin sa pananamit, kaanyuan, kilos at
tindig at kumpas ng kamay ang isang mayamang pinanggagalingan
ng mensaheng hindi berbal.

d. Pandama (Haptics). Tumutukoy ito sa paggamit ng sense of touch.

May iba’t ibang pakahulugan ang paggamit ng pandama depende
sa mensaheng nais iparating ng tagahatid ng mensahe.

e. Simbolo (iconics). Sa ating paligid, may makikita tayong iba’t

ibang icon na malinaw na naghahatid ng mensahe. Karaniwang
makikita ito sa mga daan, reseta, ospital, palikuran at mga botelya.

f. Kulay. Ito ay maaari ring magpahiwatig ng mensahe, damdamin o

oryentasyon sa mga bagay-bagay at mga kaisipang maaaring
mabuo kapag napapansin o nakikita ang mga ito sa paligid.
Halimbawa: Ang mga stoplights, mga taong nakaiitim o nakaputi ng
damit.

g. Paralanguage. Ito ay tumutukoy sa paraan ng pagbigkas o sa

pagbibigay-diin sa salita at paghinto sa loob ng pangungusap, kung
saan ipinaaabot nito ang mensahe sa paraang inilalahad nito.
Kabilang rito ang pitch ng boses, volyum, bilis at kalidad ng tinig
habang nagsasalita.

h. Mata (Oculesics). Ito ay tumutukoy sa gamit ng mata. Sa

pamamagitan ng ating mata ay naipakikita natin ang ating
emosyon. Sinasabing ang mata ay bintana ng ating pagkatao at
kaluluwa. Halimbawa: Kapag galit ang ating ina, mapapansin nating
nanlalaki at nanlilisik ang kanyang mata. Nangangahulugang galit
siya.

i. Bagay (Objectics). Ito ay paggamit ng bagay upang mailahad nang

mabuti ang isang mensahe. Halimbawa: Pagbibigay ng bulaklak at
tsokolate ng binata sa dalaga.

j. Pang-amoy (Olfactorics). Ginagamit ang pang-amoy upang

mailahad ang mensahe. Halimbawa: Paggamit ng dalaga ng
pabango

k. Muscles (Pictics). Ito ang sinasabing “facial expressions” sa Ingles.

Sa pamamagitan ng mga muscles sa ating mukha ay makalilikha
 tayo ng iba’t ibang galaw. Halimbawa: Ang pagkindat at pagtaas ng
kilay ay may ibig sabihin.

 Berbal man o hindi berbal ang komunikasyon, kailangang ito ay

maging malinaw nang sa gayon ay matugunan ito nang wasto ng
kausap. Ang kombinasyon ng dalawang uri ng komunikasyon ay
lalong nakapaghahatid ng mabisang mensahe dahil ang hindi
berbal ay siyang nakapagpapalinaw sa mensaheng ipinadadala.

Mga Salik na Bumubuo sa Proseso ng Komunikasyon

 Mga Nag-uusap. Sila ang mga taong kasangkot sa komunikasyon

at gumaganap sa tungkulin bilang tagahatid at tagatanggap ng
mensahe.

 Layunin. Tumutukoy sa inaasahang resulta ng pakikipag-usap ng

bawat komyunikeytor o tagahatid ng pahayag. Maaaring ang
kanilang layunin ay magbigay ng impormasyon, manlibang,
manghikayat, sumalungat, magtanggol at iba pa.

 Tuntuning Pangkomunikatibo. Ito ay tumutukoy sa mga

itinakdang mga tuntuning pangkomunikasyon. Idinidikta ng mga
tuntuning ito kung ano ang naaangkop na paksa at pag-uugali ng
mga komyunikeytor ayon sa konteksto ng kanilang relasyon.

 Mensahe. Ang berbal, hindi berbal at ekstra-berbal na simbolong

ipinaaabot ng komyunikeytor sa kanilang tagatanggap.

 Tsanel at Daluyan. Ito ang paraan o daan kung papaano

ipinaaabot ng komyunikeytor ang kanyang mensahe na maaaring
katangian ng komunikasyon.

Katangian ng Komunikasyon (Tumangan et al., 2000)

 Ang komunikasyon ay isang proseso. Dapat tandaan na sangkot

lagi rito ang encoding at decoding ng mensahe, kasama ang
inaasahang reaksyon mula sa tumatanggap ng mensahe. Kung
paano niya iyon tutugunin at sa paanong paraan niya ipadadala
ang kanyang reaksiyon.

 Ang komunikasyon ay dinamiko. Ang komunikasyon ay

maaaring magbago dahil sa impluwensiya ng oras, lugar, mga
pangyayari at mga taong kasangkot.

 Ang komunikasyon ay komplikado. Ang pagiging komplikado ng

komunikasyon ay dala ng paraan ng pagtingin ng mga sangkot sa
isa’t isa dahil ang persepsiyon ay hindi laging pare-pareho.
 Hindi maaaring umiwas sa komunikasyon. Ipinakikita rito na
kahit hindi nagsasalita ang isang tao, nakikipagtalastasan na siya
sa pamamagitan ng kanyang ikinikilos.

 Laging may 2 uri ng mensahe sa proseso ng komunikasyon.

Ang mga mensaheng ito ay maaaring pangnilalaman/
panlingguwistika at mensaheng relasyonal o hindi berbal patungo
sa tagatanggap.

 Fidbak. Tumutukoy ito sa mental o pisikal na pagtugon ng

tagapakinig o tagatanggap ng mensahe.

 Koneksiyon. Ito ay bunga ng kapaligiran o lugar na pinangyarihan

ng komunikasyon.

 Kinalabasan. Ito ay bunga o resulta ng pag-uusap ng tagatanggap

ng mensahe. Kapag ito ay nagkaroon ng magandang resulta, ito ay
palatandaan ng pagiging mabisa at epektibo ng kanilang ginawang
pakikipag- ugnayan dahil natamo nila ang kanilang layunin.